Majjhima Nikaya


[Home]  [Sutta Indexes]  [Glossology]  [Site Sub-Sections]

Majjhima Nikāya
1. Mūla-Paṇṇāsa
1. Mūla-Pariyāya Vagga

Sutta 6

Ākankheyya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[33]

[1][wrrn][rhyt][chlm][pts][ntbb][upal][than Evaɱ me sutaɱ:|| ||

Ekaɱ samayaɱ Bhagavā Sāvatthīyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ||
Bhagavā etad avoca:|| ||

[2] "Sampanna-sīlā bhikkhave viharatha,||
sampanna-Pātimokkhā,||
Pātimokkha-saŋvara-saɱvutā viharatha||
ācāra-gocara-sampannā,||
aṇumattesu vajjesu bhaya-dassāvī,||
samādāya sikkhatha sikkhā-padesu.|| ||

[3] Ākankheyya ce bhikkhave bhikkhu:|| ||

'Sabrahma-cārīnaɱ piyo c'assaɱ||
manāpo||
garu bhāvanīyo cā' ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[4] Ākankheyya ce bhikkhave bhikkhu:|| ||

'Lābhī assaɱ cīvara-piṇḍa-pāta-sen'āsana-gilāna-paccaya-bhesajja-parikkhārānan" ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[5] Ākankheyya ce bhikkhave bhikkhu:|| ||

'Yes'āhaɱ cīvara-piṇḍa-pāta-sen'āsana-gilāna-paccaya-bhesajja-parikkhāraɱ paribhuñjāmi,||
tesaɱ te kārā maha-p-phalā assu mahā-nisaɱsā" ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[6] Ākankheyya ce bhikkhave bhikkhu:|| ||

'Ye me ñātisā-lohitā petā kāla-katā pasanna-cittā anussaranti,||
tesaɱ taɱ maha-p-phalaɱ assa mahā-nisaɱsan' ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[7] Ākankheyya ce bhikkhave bhikkhu:|| ||

'Arati-ratisaho assaɱ,||
na ca maɱ arati saheyya,||
uppannaɱ aratiɱ abhibhuyya||
abhibhuyya vihareyyan' ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[8] Ākankheyya ce bhikkhave bhikkhu:|| ||

'Bhaya-bheravasaho assaɱ,||
na ca maɱ bhaya-bheravaɱ saheyya,||
uppannaɱ bhaya-bheravaɱ abhibhuyya||
abhibhuyya vihareyyan' ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[9] Ākankheyya ce bhikkhave bhikkhu:|| ||

'Catunnaɱ jhānānaɱ ābhiceta-sikānaɱ||
diṭṭha-dhamma-sukha-vihārānaɱ||
nikāma-lābhī assaɱ||
akiccha-lābhī||
akasira-lābhī' ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[10] Ākankheyya ce bhikkhave bhikkhu:|| ||

'Ye te santā vimokkhā||
ati-k-kamma rūpe āruppā,||
te kāyena phassitvā vihareyyan' ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[34] [11] Ākankheyya ce bhikkhave bhikkhu:|| ||

'Tiṇṇaɱ saŋyojanānaɱ pari-k-khayā||
Sot'āpanno assaɱ avinipāta-dhammo||
niyato sambodhi-parāyaṇo" ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[12] Ākankheyya ce bhikkhave bhikkhu:|| ||

'Tiṇṇaɱ saŋyojanānaɱ pari-k-khayā||
rāga-dosa-mohānaɱ tanuttā||
Sakad'āgāmī assaɱ' ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[13] Ākankheyya ce bhikkhave bhikkhu:|| ||

'Pañcannaɱ ora-m-bhāgiyānaɱ saŋyojanānaɱ pari-k-khayā||
opapātiko assaɱ,||
tattha parinibbāyī||
anāvatti dhammo tasmā lokā" ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[14] Ākankheyya ce bhikkhave bhikkhu:|| ||

'An-eka-vihitaɱ iddhi-vidhaɱ pacc'anubhaveyyaɱ,||
eko pi hutvā bahudhā assaɱ,||
bahudhā pi hutvā eko assaɱ,||
ā-vībhāvaɱ||
tiro-bhāvaɱ||
tiro-kuḍḍaɱ||
tiro-pākāraɱ||
tiro-pabbataɱ||
asajja-māno gaccheyyaɱ||
seyyathā pi ākāse,||
paṭhaviyā pi ummujjani-mujjaɱ kareyyaɱ||
seyyathā pi udake,||
udake pi abhijja-māne gaccheyyaɱ||
seyyathā pi paṭhaviyaɱ,||
ākāse pi pallaṇkena kameyyaɱ||
seyyathā pi pakkhī sakuṇo,||
ime pi candima-suriye||
evaɱ mahiddhike||
evaɱ mah-ā-nubhāve pāṇinā||
parimaseyyaɱ||
parimajjeyyaɱ,||
yāva Brahma-lokā pi kāyena vasaɱ vatteyyan" ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[15] Ākankheyya ce bhikkhave bhikkhu:|| ||

'Dibbāya sota-dhātuyā||
visuddhāya atikkanta mānusa-kāya||
ubho sadde suṇeyyaɱ:||
dibbe ca mānuse ca,||
ye dūre santike cā" ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[16] Ākankheyya ce bhikkhave bhikkhu:|| ||

'Para-sattāṇaɱ para-puggalānaɱ||
cetasā ceto paricca pajāneyyaɱ:|| ||

Sarāgaɱ vā cittaɱ,||
'Sarāgaɱ cittan' ti pajāneyyaɱ;||
vīta-rāgaɱ vā cittaɱ,||
'Vīta-rāgaɱ cittan' ti pajāneyyaɱ;||
sadosaɱ vā cittaɱ,||
'Sadosaɱ cittan' ti pajāneyyaɱ;||
vīta-dosaɱ vā cittaɱ,||
'Vīta-dosaɱ cittan' ti pajāneyyaɱ;||
samohaɱ vā cittaɱ,||
'Samohaɱ cittan' ti pajāneyyaɱ;||
vīta-mohaɱ vā cittaɱ,||
'Vīta-mohaɱ cittan' ti pajāneyyaɱ; -||
saṇkhittaɱ vā cittaɱ,||
'Saṇkhittaɱ cittan' ti pajāneyyaɱ;||
vikkhittaɱ vā cittaɱ,||
'Vikkhittaɱ cittan' ti pajāneyyaɱ;||
mahaggataɱ vā cittaɱ,||
'Mahaggataɱ cittan' ti pajāneyyaɱ;||
amahaggataɱ vā cittaɱ,||
'Amahaggataɱ cittan' ti pajāneyyaɱ;||
sa-uttaraɱ vā cittaɱ,||
'Sa-uttaraɱ cittan' ti pajāneyyaɱ;||
anuttaraɱ vā cittaɱ,||
'Anuttaraɱ cittan' ti pajāneyyaɱ;||
samāhitaɱ vā cittaɱ,||
samā- [35] 'Hitaɱ cittan' ti pajāneyyaɱ;||
asamāhitaɱ vā cittaɱ,||
'Asamāhitaɱ cittan' ti pajāneyyaɱ;||
vimuttaɱ vā cittaɱ,||
'Vimuttaɱ cittan' ti pajāneyyaɱ;||
avimuttaɱ vā cittaɱ,||
'Avimuttaɱ cittan' ti pajāneyyan" ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[17] Ākankheyya ce bhikkhave bhikkhu:|| ||

'Aneka vihitaɱ pubbe nivāsaɱ anussareyyaɱ,||
seyyath'īdaɱ:|| ||

Ekam pi jātiɱ,||
dve pi jātiyo,||
tisso pi jātiyo,||
catasso pi jātiyo,||
pañca pi jātiyo,||
dasa pi jātiyo,||
vīsam pi jātiyo,||
tiɱsam pi jātiyo,||
cattārīsam pi jātiyo,||
paññāsam pi jātiyo,||
jāti-satam pi jāti-sahassam pi,||
jāti-sata-sahassam pi,||
aneke pi saŋvaṭṭa-kappe,||
aneke pi vivaṭṭa-kappe,||
aneke pi saŋvaṭṭa-vivaṭṭa-kappe,||
'amutr'āsiɱ evaɱ-nāmo||
evaɱ gotto||
evaɱ vaṇṇo||
evam-āhāro||
evaɱ sukha-dukkha-paṭisaɱvedī||
evam-āyu-pariyanto,||
so tato cuto||
amutra udapādiɱ.

Tatrā p'āsiɱ||
evaɱ-nāmo||
evaɱ gotto||
evaɱ vaṇṇo||
evam-āhāro||
evaɱ sukha-dukkha-paṭisaɱvedī||
evam-āyu-pariyanto.

So tato cuto||
idh'ūpapanno' ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[18] Ākankheyya ce bhikkhave bhikkhu:|| ||

'Dibbena cakkhunā visuddhena atikkanta-mānusakena satte passeyyaɱ -||
cavamāne upapajjamāne hīne paṇīte suvaṇṇe dubbaṇṇe sugate duggate,||
yathā-kamm'ūpage satte pajāneyyaɱ:|| ||

'Ime vata bhonto sattā||
kāya-du-c-caritena samannāgatā||
vacī-du-c-caritena samannāgatā||
mano-du-c-caritena samannāgatā||
ariyānaɱ upavādakā||
micchā-diṭṭhikā micchā-diṭṭhi-kamma-samādānā,||
te kāyassa bhedā param maraṇā apāyaɱ duggatiɱ vinipātaɱ Nirayaɱ upapannā,||
ime vā pana bhonto sattā||
kāya-sucaritena samannāgatā||
vacī-sucaritena samannāgatā||
mano-sucaritena samannāgatā||
ariyānaɱ anupavādakā||
sammā-diṭṭhikā sammā-diṭṭhi-kamma-samādānā,||
te kāyassa bhedā param maraṇā sugatiɱ saggaɱ lokaɱ upapannāti,||
iti dibbena cakkhunā visuddhena atikkanta-mānusakena satte passeyyaɱ -||
cavamāne upapajjamāne hīne paṇīte suvaṇṇe dubbaṇṇe,||
sugate duggate, yathā-kamm'ūpage satte pajāneyyan" ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[19] Ākankheyya ce bhikkhave bhikkhu:|| ||

'Āsavānaɱ khayā||
anāsavaɱ ceto-vimuttiɱ||
paññā-vimuttiɱ||
diṭṭhe'va dhamme sayaɱ abhiññā sacchi- [36] katvā upasampajja vihareyyan" ti,||
sīlesv'ev'assa paripūra-kārī||
ajjhattaɱ ceto-samatham-anuyutto||
anirākata-j-jhāno||
vipassanāya samannāgato||
brūhetā suññ-ā-gārānaɱ.|| ||

[20] Sampanna-sīlā bhikkhave viharatha,||
sampanna-Pātimokkhā,||
Pātimokkha-saŋvara-saɱvutā viharatha||
ācāra-gocara-sampannā,||
aṇumattesu vajjesu bhaya-dassāvī,||
samādāya sikkhatha sikkhā-padesu.|| ||

Iti yan taɱ vuttaɱ||
idam etaɱ paṭicca vuttan" ti.|| ||

Idam avoca Bhagavā.|| ||

Attamanā te bhikkhū Bhagavato bhāsitaɱ "abhinandun" ti.|| ||

Ākankheyya Suttaɱ


Contact:
E-mail
Copyright Statement