Vinaya-Piṭaka,
Vol. 5: Parivāra
The Sri Lanka Buddha Jayanti Tripitaka Series Pali text
Public Domain
Namo tassa Bhagavato arahato Sammāsambuddhassa
NOTICE: These files were reproduced from those originally located on the Journal of Buddhist Ethics website.
ALTERATIONS: Superficial re-formatting of headers, footers and page numbers adding 'ids,' and tag changes to make the file conform to HTML 5 standards. Otherwise the internal text of the files remains untouched.
Page numbers in green refer to the PTS hard copy. They can be found or linked-to by appending '#pg000' (three digits in all cases, i.e. '001') to the end of the url for this file.
Vinayapiṭake
Parivārapāḷi
Mahāvibhaṅgo
1. Katthapaññattivāro
1. 1
Pārājikakaṇḍo
Tena bhagavatā jānatā passatā arahatā sammāsambuddhena yaɱ paṭhamaɱ pārājikaɱ kattha paññattaɱ, kaɱ ārabbha, kismiɱ vatthusmiɱ, atthi tattha paññatti, anupaññatti, 1anuppannapaññatti, sabbattha paññatti, padesapaññatti, sādhāraṇapaññatti, asādhāraṇapaññatti, ekato paññatti, ubhato paññatti, pañcannaɱ pātimokkhuddesānaɱ katthogadhaɱ, kattha pariyāpannaɱ, katamena uddesena uddesaɱ āgacchati, catunnaɱ vipattīnaɱ katamā vipatti. Sattannaɱ āpattikkhandhānaɱ katamo āpattikkhandho, channaɱ āpattisamuṭṭhānānaɱ katīhi samuṭṭhānehi samuṭṭhāti, catunnaɱ adhikaraṇānaɱ katamaɱ adhikaraṇaɱ, sattannaɱ samathānaɱ katīhi samathehi sammati. Ko tattha vinayo, ko tattha abhivinayo, kiɱ tattha pātimokkhaɱ, kiɱ tattha adhipātimokkhaɱ, kā vipatti, kā sampatti, kā paṭipatti, kati atthavase paṭicca bhagavatā paṭhamaɱ pārājikaɱ paññattaɱ, ke sikkhanti, ke sikkhitasikkhā, kattha ṭhitaɱ, ke dhārenti, kassa vacanaɱ, kenābhatanti:
1. Yaɱ tena bhagavatā jānatā passatā arahatā sammāsambuddhena paṭhamaɱ pārājikaɱ kattha paññattanti: vesāliyaɱ paññattaɱ.
Kaɱ ārabbhāti: sudinnaɱ kalandaputtaɱ ārabbha
Kissamiɱ vatthusminti: sudinno kalandaputto purāṇadutiyikāya methunaɱ [page 002] dhammaɱ paṭisevi. 2- Tasmiɱ vatthusmiɱ
Atthi tattha paññatti, anupaññatti, anuppannapaññattīti: ekā paññatti, dve anupaññattiyo,anuppannapaññatti tasmiɱ natthi.
Sabbattha paññatti padesapaññattitī: sabbattha paññatti.
1. Anuppaññatti - syā
2. Patisevi - pä.
[BJT Page 004]
Sādhāraṇapaññatti asādhāraṇa paññatti: sādhāraṇapaññatti.
Ekato paññatti ubhato paññattīti: ubhato paññatti.
Pañcannaɱ pātimokkhuddesānaɱ katthogadhaɱ, kattha pariyāpannanti: nidānogadhaɱ nidānapariyāpannaɱ.
Katamena uddesena uddesaɱ āgacchatīti: dutiyena uddesena uddesaɱ āgacchati.
Catunnaɱ vipattīnaɱ katamā vipattīti: sīlavipatti.
Sattannaɱ āpattikkhandhānaɱ katamo āpattikkhandhoti: pārājikāpattikkhandho.
Channaɱ āpattisamuṭṭhānānaɱ katīhi samuṭṭhānehi samuṭṭhātīti: ekena samuṭṭhānena samuṭṭhāti, kāyato ca cittato ca samuṭṭhāti, na vācato.
Catunnaɱ adhikaraṇānaɱ katamaɱ adhikaraṇanti: āpattādhikaraṇaɱ
Sattannaɱ samathānaɱ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca.
Ko tattha vinayo ko tattha abhivinayoti: paññatti vinayo, vibhatti abhiviniyo.
Kiɱ tattha pātimokkhaɱ kiɱ tattha adhipātimokkhanti: paññatti pātimokkhaɱ, vibhatti adhipātimokkhaɱ
Kā vipattīti: asaɱvaro vipatti.
Kā sampattīti: saɱvaro sampatti.
Kā paṭipattīti: na evarūpaɱ karissāmiti yāvajīvaɱ āpāṇakoṭikaɱ samādāya sikkhati sikkhāpadesu.
Kati atthavase paṭicca bhagavatā paṭhamaɱ pārājikaɱ paññattanti: dasa atthavase paṭicca bhagavatā paṭhamaɱ pārājikaɱ paññattaɱ: saṅghasuṭṭhutāya, saṅghaphāsutāya, dummaṅkunaɱ puggalānaɱ niggahāya, pesalānaɱ bhikkhūnaɱ phāsuvihārāya, diṭṭhadhammikānaɱ āsavānaɱ saɱvarāya, samparāyikānaɱ āsavānaɱ paṭighātāya, appasannānaɱ pasādāya, pasannānaɱ bhiyyobhāvāya, saddhammaṭṭhitiyā, vinayānuggahāya.
Ke sikkhantīti: sekhā 1- ca puthujjanakalyāṇakā ca sikkhanti.
Ke sikkhitasikkhāti arahanto sikkhitasikkhā.
Kattha ṭhitanti: sikkhā kāmesu ṭhitaɱ
Ke dhārentīti yesaɱ vattati te dhārenti.
Kassa vacananti: bhagavato vacanaɱ arahato sammāsambuddhassa.
1. Sekkhā - machasaɱ
[BJT Page 006]
Kenābhatanti: paramparābhataɱ. 1-
1. Upāli dāsako ceva soṇako siggavo tathā,
Moggaliputtena pañcamā ete jambusirivhaye.
[page 003]
2. Tato mahindo iṭṭhiyo 2- uttiyo ceva sambalo 3-
Bhaddanāmo ca paṇḍito,
Ete nāgā mahāpaññā jambudipā idhāgatā.
3. Vinayaɱ te vācayiɱsu piṭakaɱ tambapaṇṇiyā,
Nikāye pañca vācesuɱ satta ceva pakaraṇe
4. Tato ariṭṭho medhāvi tissadatto ca paṇḍito
Visārado kāḷasumano thero ca dīghanāmako,
Dīghusumano ca paṇḍito.
5. Punadeva 4- kāḷasumano nāgatthero ca buddharakkhito,
Tissatthero ca medhāvi devatthero ca paṇḍito.
6. Punadeva 4- sumano medhāvi vinaye ca visārado,
Bahussuto cuḷanāgo gajo ca duppadhaɱsiyo.
7. Dhammapālitanāmo ca rohaṇo 5- sādhupūjito,
Tassa sisso mahāpañño khemanāmo tipeṭako, dīpe tārakarājāva paññāya atirocatha.
8. Upatisso ca medhāvi phussadevo mahākathī
Punadve sumano medhāvī pupphanāmo 6- bahussuto.
9. Mahākathī mahāsīvo 7- piṭake sabbattha kovido,
Punadeva upāli medhāvī vinaye ca visārado.
10. Mahānāgo mahāpañño saddhammavaɱsakovido,
Punadeva abhayo medhāvī piṭake sabbattha kovido.
11. Tissatthero ca medhāvī vinaye ca visārado,
Tassa sisso mahāpañño pupphanāmo bahussuto,
Sāsanaɱ anurakkhanto jambudīpe patiṭṭhito
12. Cuḷābhayo ca medhāvī vinaye ca visārado,
Tissatthero ca medhāvī saddhammavaɱsakovido.
13. Phussadevo ca 8- medhāvī vinaye ca visārado,
Sīvattheroca 9- medhāvī vinaye sabbattha kovido.
14. Ete nāgā mahāpaññā vinayaññu maggakovidā,
Vinayaɱ dīpe pakāsesuɱ piṭakaɱ tambapaṇṇiyāti.
1. Paramparābhaṭaɱ - syā 6. Phussanāmo - sīmu
2. Iṭṭiyo - sīmu 7. Mahāsivo - machasaɱ
3. Sambalo tathā - machasaɱ 8. Cuḷadevoca - sīmu
4. Punareva - pä. Syā 9. Sivatthero - machasaɱ
5. Rohaṇe - machasaɱ
[BJT Page 008]
2. Yaɱ tena bhagavatā jānatā passatā arahatā sammāsambuddhena dutiyaɱ pārājikaɱ kattha paññattanti: rājagahe paññattaɱ.
Kaɱ ārabbhāti: dhaniyaɱ kumbhakāraputtaɱ ārabbha
Kismiɱ vatthusminti: dhaniyo kumbhakāraputto rañño dārūni adinnāni 1- ādiyi, tasmiɱ vatthusmiɱ.
Ekā paññatti, ekā anupaññatti.
Channaɱ āpattisamuṭṭhānānaɱ katīhi samuṭṭhānehi samuṭṭhātīti: tīhī samuṭṭhānehi samuṭṭhāti, siyā kāyato ca cittato ca [page 004] samuṭṭhāti, na vācato. Siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti
Dutiyaɱ adhikaraṇānaɱ katamaɱ adhikaraṇanti: āpattādhikaraṇaɱ
Sattannaɱ samathānaɱ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca.
Ko tattha vinayo ko tattha abhivinayoti: paññatti vinayo, vibhatti abhiviniyo.
Kiɱ tattha pātimokkhaɱ kiɱ tattha adhipātimokkhanti: paññatti pātimokkhaɱ, vibhatti adhipātimokkhaɱ
Kā vipattīti: asaɱvaro vipatti.
Kā sampattīti: saɱvaro sampatti.
Kā paṭipattīti: na evarūpaɱ karissāmiti yāvajīvaɱ āpāṇakoṭikaɱ samādāya sikkhati sikkhāpadesu.
Kati atthavase paṭicca bhagavatā dutiyaɱ pārājikaɱ paññattanti: dasa atthavase paṭicca bhagavatā dutiyaɱ pārājikaɱ paññattaɱ: saṅghasuṭṭhutāya, saṅghaphāsutāya, dummaṅkunaɱ puggalānaɱ niggahāya, pesalānaɱ bhikkhūnaɱ phāsuvihārāya, diṭṭhadhammikānaɱ āsavānaɱ saɱvarāya, samparāyikānaɱ āsavānaɱ paṭighātāya, appasannānaɱ pasādāya, pasannānaɱ bhiyyobhāvāya, saddhammaṭṭhitiyā, vinayānuggahāya.
Ke sikkhantīti: sekhā ca puthujjanakalyāṇakā ca sikkhanti.
Ke sikkhitasikkhāti arahanto sikkhitasikkhā.
Kattha ṭhitanti: sikkhā kāmesu ṭhitaɱ
Ke dhārentīti yesaɱ vattati te dhārenti.
Kassa vacananti: bhagavato vacanaɱ arahato sammāsambuddhassa.
Kenābhatanti: paramparābhataɱ.
1. Upāli dāsako ceva soṇako siggavo tathā,
Moggaliputtena pañcamā ete jambusirivhaye.
2. Tato mahindo iṭṭhiyo 2- uttiyo ceva sambalo 3-
Bhaddanāmo ca paṇḍito,
Ete nāgā mahāpaññā jambudipā idhāgatā.
3. Vinayaɱ te vācayiɱsu piṭakaɱ tambapaṇṇiyā,
Nikāye pañca vācesuɱ satta ceva pakaraṇe
4. Tato ariṭṭho medhāvi tissadatto ca paṇḍito
Visārado kāḷasumano thero ca dīghanāmako,
Dīghusumano ca paṇḍito.
5. Punadeva 4- kāḷasumano nāgatthero ca buddharakkhito,
Tissatthero ca medhāvi devatthero ca paṇḍito.
6. Punadeva 4- sumano medhāvi vinaye ca visārado,
Bahussuto cūḷanāgo gajo ca duppadhaɱsiyo.
7. Dhammapāgitanāmo ca rohaṇo 5- sādhupujito,
Tassa sisso mahāpañño khemanāmo tipeṭako, dīpe tārakarājāva paññāya atirocatha.
8. Upatisso ca medhāvi phussadevo mahākathī
Punadve sumano medhāvi pupphanāmo 6- bahussuto.
9. Mahākathi mahāsīvo 7- piṭake sabbattha kovido,
Punadeva upāli medhāvi vinaye ca visārado.
10. Mahānāgo mahāpañño saddhammavaɱsakovido,
Punadeva abhayo medhāvi piṭake sabbattha kovido.
11. Tissatthero ca medhāvi vinaye ca visārado,
Tassa sisso mahāpañño pupphanāmo bahussuto,
Sāsanaɱ anurakkhanto jambudīpe patiṭṭhito
12. Cuḷābhayo ca medhāvi vinaye ca visārado,
Tissatthero ca medhāvi saddhammavaɱsakovido.
13. Phussadevo ca 8- medhāvi vinaye ca visārado,
Sīvattheroca 9- medhāvi vinaye sabbattha kovido.
14. Ete nāgā mahāpaññā vinayaññu maggakovidā,
Vinayaɱ dīpe pakāsesuɱ piṭakaɱ tambapaṇṇiyāti.
3. Tatiyaɱ pārājikaɱ kattha paññattanti: vesāliyaɱ paññattaɱ.
Kaɱ ārabbhāti: sambahule bhikkhū ārabbha. Kismiɱ vatthusminti: sambahulā bhikkhū aññamaññaɱ jīvitā voropesuɱ tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ katīhi samuṭṭhānehi samuṭṭhātīti: tīhī samuṭṭhānehi samuṭṭhāti, siyā kāyato ca cittato ca samuṭṭhāti, na vācato. Siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti
Catunnaɱ adhikaraṇānaɱ katamaɱ adhikaraṇanti: āpattādhikaraṇaɱ
Sattannaɱ samathānaɱ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca.
Ko tattha vinayo ko tattha abhivinayoti: paññatti vinayo, vibhatti abhiviniyo.
Kiɱ tattha pātimokkhaɱ kiɱ tattha adhipātimokkhanti: paññatti pātimokkhaɱ, vibhatti adhipātimokkhaɱ
Kā vipattīti: asaɱvaro vipatti.
Kā sampattiti: saɱvaro sampatti.
Kāpaṭipattiti: na evarūpaɱ karissāmiti yāvajīvaɱ āpāṇakoṭikaɱ samādāya sikkhati sikkhāpadesu.
Kati atthavase paṭicca bhagavatā tatiyaɱ pārājikaɱ paññattanti: dasa atthavase paṭicca bhagavatā tatiyaɱ pārājikaɱ paññattaɱ: saṅghasuṭṭhutāya, saṅghaphāsutāya, dummaṅkunaɱ puggalānaɱ niggabhāya, pesalānaɱ bhikkhunaɱ phāsuvihārāya, diṭṭhadhammikānaɱ āsavānaɱ saɱvarāya, samparāyikānaɱ āsavānaɱ paṭighātāya, appasannānaɱ pasādāya, pasannānaɱ bhiyyobhāvāya, saddhammaṭṭhitiyā, vinayānuggahāya.
Ke sikkhantīti: sekhā ca puthujjanakalyāṇakā ca sikkhanti.
Ke sikkhitasikkhāti arahanto sikkhitasikkhā.
Kattha ṭhitanti: sikkhā kāmesu ṭhitaɱ
Ke dhārentīti yesaɱ vattati te dhārenti.
Kassa vacananti: bhagavato vacanaɱ arahato sammāsambuddhassa.
Kenābhatanti: paramparābhataɱ.
1. Upāli dāsako ceva soṇako siggavo tathā,
Moggaliputtena pañcamā ete jambusirivhaye.
2. Tato mahindo iṭṭhiyo 2- uttiyo ceva sambalo 3-
Bhaddanāmo ca paṇḍito,
Ete nāgā mahāpaññā jambudipā idhāgatā.
3. Vinayaɱ te vācayiɱsu piṭakaɱ tambapaṇṇiyā,
Nikāye pañca vācesuɱ satta ceva pakaraṇe
4. Tato ariṭṭho medhāvi tissadatto ca paṇḍito
Visārado kāḷasumano thero ca dīghanāmako,
Dīghusumano ca paṇḍito.
5. Punadeva 4- kāḷasumano nāgatthero ca buddharakkhito,
Tissatthero ca medhāvi devatthero ca paṇḍito.
6. Punadeva 4- sumano medhāvi vinaye ca visārado,
Bahussuto cuḷanāgo gajo ca duppadhaɱsiyo.
7. Dhammapālitanāmo ca rohaṇo 5- sādhupujito,
Tassa sisso mahāpañño khemanāmo tipeṭako, dīpe tārakarājāva paññāya atirocatha.
8. Upatisso ca medhāvi phussadevo mahākathī
Punadve sumano medhāvi pupphanāmo 6- bahussuto.
9. Mahākathi mahāsīvo 7- piṭake sabbattha kovido,
Punadeva upāli medhāvi vinaye ca visārado.
10. Mahānāgo mahāpañño saddhammavaɱsakovido,
Punadeva abhayo medhāvi piṭake sabbattha kovido.
11. Tissatthero ca medhāvi vinaye ca visārado,
Tassa sisso mahāpañño pupphanāmo bahussuto,
Sāsanaɱ anurakkhanto jambudīpe patiṭṭhito
12. Cuḷābhayo ca medhāvi vinaye ca visārado,
Tissatthero ca medhāvi saddhammavaɱsakovido.
13. Phussadevo ca 8- medhāvi vinaye ca visārado,
Sīvattheroca 9- medhāvi vinaye sabbattha kovido.
14. Ete nāgā mahāpaññā vinayaññu maggakovidā,
Vinayaɱ dīpe pakāsesuɱ piṭakaɱ tambapaṇṇiyāti.
4. Catutthaɱ pārājikaɱ kattha paññattanti: vesāliyaɱ paññattaɱ.
Kaɱ ārabbhāti: vaggumudātiriye bhikkhū arabbha
Kismiɱ vatthuminti: vaggumudātiriyā bhikkhū ginaɱ aññamaññassa uttarimanussadhammassa vaṇṇaɱ bhāsiɱsu, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ katīhi samuṭṭhānehi samuṭṭhātīti: tīhī samuṭṭhā nenahi samuṭṭhāti, siyā kāyato ca cittato ca samuṭṭhāti, na vācato. Siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti
Catutthaɱ adhikaraṇānaɱ katamaɱ adhikaraṇanti: āpattādhikaraṇaɱ
Sattannaɱ samathānaɱ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca.
Ko tattha vinayo ko tattha abhivinayoti: paññatti vinayo, vibhatti abhivinayo.
Kiɱ tattha pātimokkhaɱ kiɱ tattha adhipātimokkhanti: paññatti pātimokkhaɱ, vibhatti adhipātimokkhaɱ
Kā vipattīti: asaɱvaro vipatti.
Kā sampattiti: saɱvaro sampatti.
Kā paṭipattīti: na evarūpaɱ karissāmiti yāvajīvaɱ āpāṇakoṭikaɱ samādāya sikkhati sikkhāpadesu.
Kati atthavase paṭicca bhagavatā catutthaɱ pārājikaɱ paññattanti: dasa atthavase paṭicca bhagavatā catutthaɱ pārājikaɱ paññattaɱ: saṅghasuṭṭhutāya, saṅghaphāsutāya, dummaṅkunaɱ puggalānaɱ niggahāya, pesalānaɱ bhikkhunaɱ phāsuvihārāya, diṭṭhadhammikānaɱ āsavānaɱ saɱvarāya, samparāyikānaɱ āsavānaɱ paṭighātāya, appasannānaɱ pasādāya, pasannānaɱ bhiyyobhāvāya, saddhammaṭṭhitiyā, vinayānuggahāya.
Ke sikkhantīti: sekhā ca puthujjanakalyāṇakā ca sikkhanti.
Ke sikkhitasikkhāti arahanto sikkhitasikkhā.
Kattha ṭhitanti: sikkhā kāmesu ṭhitaɱ
Ke dhārentīti yesaɱ vattati te dhārenti.
Kassa vacananti: bhagavato vacanaɱ arahato sammāsambuddhassa.
Kenābhatanti: paramparābhataɱ.
1. Upāli dāsako ceva soṇako siggavo tathā,
Moggaliputtena pañcamā ete jambusirivhaye.
2. Tato mahindo iṭṭhiyo 2- uttiyo ceva sambalo 3-
Bhaddanāmo ca paṇḍito,
Ete nāgā mahāpaññā jambudipā idhāgatā.
3. Vinayaɱ te vācayiɱsu piṭakaɱ tambapaṇṇiyā,
Nikāye pañca vācesuɱ satta ceva pakaraṇe
4. Tato ariṭṭho medhāvi tissadatto ca paṇḍito
Visārado kāḷasumano thero ca dīghanāmako,
Dīghusumano ca paṇḍito.
5. Punadeva 4- kāḷasumano nāgatthero ca buddharakkhito,
Tissatthero ca medhāvi devatthero ca paṇḍito.
6. Punadeva 4- sumano medhāvi vinaye ca visārado,
Bahussuto cuḷanāgo gajo ca duppadhaɱsiyo.
7. Dhammapāgitanāmo ca rohaṇo 5- sādhupujito,
Tassa sisso mahāpañño khemanāmo tipeṭako, dīpe tārakarājāva paññāya atirocatha.
8. Upatisso ca medhāvi phussadevo mahākathī
Punadve sumano medhāvi pupphanāmo 6- bahussuto.
9. Mahākathi mahāsīvo 7- piṭake sabbattha kovido,
Punadeva upāli medhāvi vinaye ca visārado.
10. Mahānāgo mahāpañño saddhammavaɱsakovido,
Punadeva abhayo medhāvi piṭake sabbattha kovido.
11. Tissatthero ca medhāvi vinaye ca visārado,
Tassa sisso mahāpañño pupphanāmo bahussuto,
Sāsanaɱ anurakkhanto jambudīpe patiṭṭhito
12. Cuḷābhayo ca medhāvi vinaye ca visārado,
Tissatthero ca medhāvi saddhammavaɱsakovido.
13. Phussadevo ca 8- medhāvi vinaye ca visārado,
Sīvattheroca 9- medhāvi vinaye sabbattha kovido.
14. Ete nāgā mahāpaññā vinayaññu maggakovidā,
Vinayaɱ dīpe pakāsesuɱ piṭakaɱ tambapaṇṇiyāti.
4. Catutthaɱ pārājikaɱ kattha paññattanti: vesāliyaɱ paññattaɱ.
Kaɱ ārabbhāti: vaggumudātiriye bhikkhu arambha.
Kismiɱ vatthuminti: vaggumudātiriyā bhikkhu ginaɱ aññamaññaɱ uttarimunassadhammaɱ vaṇṇaɱ bhāsiɱsu, tasmiɱ vatthusmiɱ
Ekā paññatti, ekā anupaññatti.
Cattāro pārājikā niṭṭhitā.
Tassuddānaɱ:
Methunādinnadānañca manussaviggahuttari,
Pārājikāni cattāri chejjavatthu asaɱsayāti.
1. Adinnaɱ - machasaɱ
[BJT Page 010]
1. 2
Saṅghādisesa kaṇḍo
Yaɱ tena bhagavatā jānatā passatā arahatā sammāsambuddhena upakkamitvā asuciɱ mocentassa saṅghādiseso kattha paññatto, kaɱ ārabbha. Kismiɱ vatthusmiɱ, atthi tattha paññatti, anupaññatti anuppannapaññatti, sabbatthapaññatti padesapaññatti, sādhāraṇa paññatti asādhāraṇapaññatti, ekato paññatti ubhato paññatti, pañcannaɱ pātimokkhuddesānaɱ katthogadhaɱ, kattha pariyāpannaɱ, katamena uddesena uddesaɱ āgacchati, catunnaɱ vipattīnaɱ katamā vipatti. Sattannaɱ āpattikkhandhānaɱ katamo āpattikkhandho, channaɱ āpattisamuṭṭhānānaɱ katīhi samuṭṭhānehi samuṭṭhāti, catunnaɱ adhikaraṇānaɱ katamaɱ adhikaraṇaɱ, sattannaɱ samathānaɱ katīhi samathehi sammati. Ko tattha vinayo, ko tattha abhivinayo, kiɱ tattha pātimokkhaɱ, kiɱ tattha adhipātimokkhaɱ, kā vipatti, kā sampatti, kā paṭipatti, kati atthavase paṭicca bhagavatā upasaṅkamitavā asuviɱ mocentassa saṅghādiseso paññatto, ke sikkhanti, sikkhitasikkhā, kattha ṭhitaɱ, ke dhārenti, kassa vacanaɱ, kenābhatanti:
1. Yaɱ tena bhagavatā jānatā passatā arahatā sammāsambuddhena upaṅkamitvā asuciɱ mocentassa saɱghādiseso kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ seyyasakaɱ ārabbha
Kismiɱ vatthusminti: āyasmā seyyasako hatthena upakkamitvā asuviɱ mocesi, tasmiɱ vatthusmiɱ
Atthi tattha paññatti, anupaññatti, anuppannapaññatti: ekā paññatti, ekā anupaññatti, anuppantapaññatti tasmīɱ natthi.
Sabbattha paññatti padesapaññattīti: sabbattha paññatti.
Sādhāraṇapaññatti asādhāraṇa paññatti: sādhāraṇapaññati.
Ekato paññati ubhato paññattīti: ekato paññatti.
Pañcannaɱ pātimokkhuddesānaɱ katthogadhaɱ, kattha pariyāpannanti: nidānogadhaɱ nidānapariyāpannaɱ.
Katamena uddesena uddesaɱ āgacchatīti: tatiyena uddesena uddesaɱ [page 005] āgacchati.
Catunnaɱ vipattīnaɱ katamā vipattīti: sīlavipatti.
Sattannaɱ āpattikkhandhānaɱ katamo āpattikkhandhoti: saṅghādisesāpattikkhandho.
Channaɱ āpattisamuṭṭhānānaɱ katīhi samuṭṭhānehi samuṭṭhātīti: ekena samuṭṭhānena samuṭṭhāti, kāyato ca cittato ca samuṭṭhāti, na vācato.
[BJT Page 012]
Catunnaɱ adhikaraṇānaɱ katamaɱ adhikaraṇanti: āpattādhikaraṇaɱ
Sattannaɱ samathānaɱ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca.
Ko tattha vinayo ko tattha abhivinayoti: paññatti vinayo, vibhatti abhivinayo.
Kiɱ tattha pātimokkhaɱ kiɱ tattha adhipātimokkhanti: paññatti pātimokkhaɱ, vibhatti adhipātimokkhaɱ
Kā vipattīti: asaɱvaro vipatti.
Kā sampattiti: saɱvaro sampatti.
Kā paṭipattiti: na evarūpaɱ karissāmiti yāvajīvaɱ āpāṇakoṭikaɱ samādāya sikkhati sikkhāpadesu.
Kati atthavase paṭicca bhagavatā upakkamitvā asuciɱ mocentassa saṅghādiseso paññattanti dasa atthavase paṭicca bhagavatā upasaṅkamitvā asuciɱ mocentassa saṅghādiseso paññattaɱ saṅghasuṭṭhutāya, saṅghaphāsutāya, dummaṅkunaɱ puggalānaɱ niggabhāya, pesalānaɱ bhikkhūnaɱ phāsuvihārāya, diṭṭhadhammikānaɱ āsavānaɱ saɱvarāya, samparāyikānaɱ āsavānaɱ paṭighātāya, appasannānaɱ pasādāya, pasannānaɱ bhiyyobhāvāya, saddhammaṭṭhitiyā, vinayānuggahāya.
Ke sikkhantīti: sekhā ca puthujjanakalyāṇakā ca sikkhanti.
Ke sikkhitasikkhāti arahanto sikkhitasikkhā.
Kattha ṭhitanti: sikkhā kāmesu ṭhitaɱ
Ke dhārentīti yesaɱ vattati te dhārenti.
Kassa vacananti: bhagavato vacanaɱ arahato sammāsambuddhassa.
Kenābhatanti: paramparābhataɱ.
Upāli dāsako ceva soṇako siggavo tathā,
Moggaliputtena pañcamā ete jambusirivhaye.
2. Tato mahindo iṭṭhiyo 2- uttiyo ceva sambalo 3-
Bhaddanāmo ca paṇḍito,
Ete nāgā mahāpaññā jambudipā idhāgatā.
3. Vinayaɱ te vācayiɱsu piṭakaɱ tambapaṇṇiyā,
Nikāye pañca vācesuɱ satta ceva pakaraṇe
4. Tato ariṭṭho medhāvi tissadatto ca paṇḍito
Visārado kāḷasumano thero ca dīghanāmako,
Dīghusumano ca paṇḍito.
5. Punadeva 4- kāḷasumano nāgatthero ca buddharakkhito,
Tissatthero ca medhāvi devatthero ca paṇḍito.
6. Punadeva 4- sumano medhāvi vinaye ca visārado,
Bahussuto cuḷanāgo gajo ca duppadhaɱsiyo.
7. Dhaomapāgitanāmo ca rohaṇo 5- sādhupujito,
Tassa sisso mahāpañño khemanāmo tipeṭako, dīpe tārakarājāva paññāya atirocatha.
8. Upatisso ca medhāvi phussadevo mahākathī
Punadve sumano medhāvi pupphanāmo 6- bahussuto.
9. Mahākathi mahāsīvo 7- piṭake sabbattha kovido,
Punadeva upāli medhāvi vinaye ca visārado.
10. Mahānāgo mahāpañño saddhammavaɱsakovido,
Punadeva abhayo medhāvi piṭake sabbattha kovido.
11. Tissatthero ca medhāvi vinaye ca visārado,
Tassa sisso mahāpañño pupphanāmo bahussuto,
Sāsanaɱ anurakkhanto jambudīpe patiṭṭhito
12. Cuḷābhayo ca medhāvi vinaye ca visārado,
Tissatthero ca medhāvi saddhammavaɱsakovido.
13. Phussadevo ca 8- medhāvi vinaye ca visārado,
Sīvattheroca 9- medhāvi vinaye sabbattha kovido.
14. Ete nāgā mahāpaññā vinayaññu maggakovidā,
Vinayaɱ dīpe pakāsesuɱ piṭakaɱ tambapaṇṇiyāti.
2. Yaɱ tena bhagavatā jānatā passatā arahatā sammāsambuddhena mātugāmena saddhiɱ kāyasaɱsaggaɱ samāpajjantassa saṅghādiseso kattha paññattanti: sāvatthiɱ paññattaɱ.
Kaɱ ārabbhāti: āyasmantaɱ udāyiɱ ārabbha
Kismiɱ vatthusminti: āyasmā udāyī mātugamena saddhiɱ kāyasaɱsaggaɱ samāpajji, tasmiɱ vatthusmiɱ.
Ekā paññatti,
Channaɱ āpattisamuṭṭhānānaɱ eke samuṭaṭhanena samuṭṭhāti: kāyato ca cittato ca samuṭṭhāti na vācato - pe -
[BJT Page 014]
3. Mātugāmaɱ duṭṭhullāhi vācāhi obhāsentassa saṅghādiseso kattha paññattanti: sāvatthiyaɱ paññatto.
Kaɱ ārabbhāti: āyasmantaɱ udāyi mātugāmaɱ duṭṭhullāhi vācāhi obhāsi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhātīti: siyā kāyato ca cittato ca samuṭṭhāti, na vācato. Siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti - pe -
4. Mātugāmassa santike attakāmapāricariyāya vaṇṇaɱ bhāsantassa saṅghādiseso kattha paññattoti: sāvatthīyaɱ paññatto.
Kaɱ ārabbhāti: āyasmantaɱ udāyiɱ ārabbha.
Kismiɱ vatthusminti: āyasmā udāyi mātugāmassa santike attakāmapāricariyāya vaṇṇaɱ abhāsi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhātīti: siyā kāyato ca cittato ca samuṭṭhāti, na vācato. Siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti - pe -
5. Sañcarittaɱ samāpajjantassa saṅghādiseso kattha paññattoti: sāvatthīyaɱ paññatto
Kaɱ ārabbhāti: āyasmantaɱ udāyiɱ ārabbha.
Kismiɱ vatthusminti: āyasmā udāyi sañcarittaɱ samāpajji, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ chahi samuṭṭhānehi samuṭṭhātīti: siyā kāyato samuṭṭhāti na vācato na cittato siyā vācato ca samuṭṭhāti, na citto siyā kāyato ca cittato ca samuṭṭhāti na [page 006] vācato. Siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti - pe -
6. Saññācikāya kuṭiɱ kārāpentassa saṅghādiseso kattha paññattoti: āḷaviyaɱ paññatto
Kaɱ ārabbhāti: āḷavake bhikkhū ārambha.
Kismiɱ vatthusminti: āḷavakā bhikkhū saññācikāya kuṭiyo kārāpesuɱ, tasmiɱ vatthusmiɱ
Ekā paññatti,
Channaɱ āpatti samuṭṭhānānaɱ chahi samuṭṭhānehi samuṭṭhāti - pe -
[BJT Page 016]
7. Mahallakaɱ vihāraɱ kārāpentassa saṅghādiseso kattha paññattanti: kosambiyaɱ paññatto.
Kaɱ ārabbhāti: āyasmantaɱ channaɱ ārabbha.
Kismiɱ vatthusminti: āyasmā channo vihāravatthuɱ sodhento aññataraɱ cetiyarukkhaɱ chedāpesi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
8. Bhikkhuɱ amūlakena pārājikena dhammena anuddhaɱsentassa saṅghādiseso kattha paññattoti: rājagahe paññatto.
Kaɱ ārabbhāti: mettayabhummajake bhikkhū ārabbha.
Kismiɱ vatthusminti: mettiyabhummajakā bhikkhū āyasmantaɱ dabbaɱ mallaputtaɱ amūlakena pārājikena dhammena anuddhaɱsesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhātīti - pe -
9. Bhikkhuɱ aññabhāgiyassa adhikaraṇassa kañcidesaɱ lesamattaɱ upādāya pārājikena dhammena anuddhaɱsentassa saṅghādiseso kattha paññattoti: rājagahe paññatto
Kaɱ ārabbhāti: mettiyabhummajake 1- bhikkhū ārabbha.
Kismiɱ vatthusminti: mettiyabhummajakā bhikkhū āyasmantaɱ dabbaɱ mallaputtaɱ aññabhāgiyassa adhikaraṇassa kiñcidesaɱ lesamattaɱ upādāya pārājike dhammena anuddhaɱsesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhātīti - pe -
10. Saṅghabhedakassa bhikkhuno yāvatatiyaɱ samanubhāsanāya nappaṭinissajantassa saṅghādiseso kattha paññattoti: rājagahe paññatto
Kaɱ ārabbhāti: devadattaɱ ārabbha.
Kismiɱ vatthusminti: devadatto samaggassa saṅghassa bhedāya parakkami, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -
11. Bhedakānuvattakānaɱ 2- bhikkhūnaɱ yāvatatiyaɱ samanubhāsanāya nappaṭinissajantānaɱ saṅghādiseso kattha paññattoti- rājagahe paññatto.
1. Bhumajake - machasaɱ
2. Bhedānuvattakānaɱ - machasaɱ
[BJT Page 018]
Kaɱ ārabbhāti: sambule bhikkhū ārabbha.
Kismiɱ vatthusminti: sambahulā bhikkhū devadattassa saṅghabhedāya parakkamantassa anuvattakā ahesuɱ vaggavādakā tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -
12. Dubbacassa bhikkhuno yāvatatiyaɱ samanubhāsanāya [page 007] nappaṭinissajantassa saṅghādiseso kattha paññattoti: kosambiyaɱ paññatto.
Kaɱ ārabbhāti: āyasmantaɱ channaɱ ārabbha.
Kismiɱ vatthusminti: āyasmā chanto bhikkhūhi sahadhammikaɱ vuccamāno attānaɱ avacanīyaɱ akāsi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -
13. Kuladusakassa bhikkhuno yāvatatiyaɱ samanubhāsanāya nappaṭinissajjantassa saṅghādiseso kattha paññattoti: sāvatthiyaɱ paññatto
Kaɱ ārabbhāti: assajipunabbasuke bhikkhū ārabbha.
Kismiɱ vatthusminti: assajipunabbasukā bhikkhū saṅghena pabbājanīyakammakatā bhikkhū chandagāmitā dosagāmitā mohagāmitā bhayagāmitā pāpesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -
Terasa saṅghādisesā niṭṭhitā
Tassuddānaɱ:
Visaṭṭhi 1- kāyasaɱsaggaɱ - duṭṭhullaɱ attakāmataɱ, 2-
Sañcarittaɱ kuṭī ceva - vihāro ca amulakaɱ.
Kañci desañca bhedo ca - tasseva 3- anuvattakā,
Dubbacaɱ kuladusañca - saṅghādisesā terasāti.
1. Vissaṭṭhi - machasaɱ, sīmu 2.
2. Atthakāmañca - machasaɱ, sīmu 1, 2
3. Tatheva - sīmu 1, 2
[BJT Page 020]
1. 3 Aniyatakaṇḍo
Yaɱ tena bhagavatā jānatā passatā arahatā sammāsambuddhena paṭhamo aniyato kattha paññatto kaɱ ārabbha. Kismiɱ vatthusmiɱ, atthi tattha paññatti, anupaññatti anuppannapaññatti, sabbatthapaññatti padesapaññatti, sādhāraṇa paññatti asādhāraṇapaññatti, ekato paññatti ubhato paññatti, pañcannaɱ pātimokkhuddesānaɱ katthogadhaɱ, kattha pariyāpannaɱ, katamena uddesena uddesaɱ āgacchati, catunnaɱ vipattinaɱ katamā vipatti. Sattannaɱ āpattikkhandhānaɱ katamo āpattikkhandho, channaɱ āpattisamuṭṭhānānaɱ katīhi samuṭṭhānehi samuṭṭhāti, catunnaɱ adhikaraṇānaɱ katamaɱ adhikaraṇaɱ, sattannaɱ samathānaɱ katīhi samathehi sammati. Ko tattha vinayo, ko tattha abhivinayo, kiɱ tattha pātimokkhaɱ, kiɱ tattha adhipātimokkhaɱ, kā vipatti, kā sampatti, kā paṭipatti, kati atthavase paṭicca bhagavatā upasaṅkamitavā aniyato kattha paññatto, ke sikkhanti, sikkhitasikkhā, kattha ṭhitaɱ, ke dhārenti, kassa vacanaɱ, kenābhatanti:
1. Yaɱ tena bhagavatā jānatā passatā arahatā sammāsambudadhena paṭhamo aniyato kattha paññattoti: sāvatthiyaɱ paññatto.
Kaɱ ārabbhāti: āyasmantaɱ udāyiɱ ārabbha.
Kismiɱ vatthusminti: āyasmā udāyi mātugāmena saddhiɱ eko ekāya raho paṭicchante āsane alaɱkammaniye nisajjaɱ kappesi, tasmiɱ vatthusmiɱ.
Atthi tattha paññatti, anupaññatti, anuppannapaññattīti: ekā paññatti, anupaññatti anuppannapaññatti tasmiɱ natthi.
Sabbattha paññatti padesapaññattiti: sabbattha paññatti.
Sādhāraṇapaññatti asādhāraṇa paññatti: sādhāraṇapaññati.
Ekato paññati ubhato paññattīti: ubhato paññatti.
Pañcannaɱ pātimokkhuddesānaɱ katthogadhaɱ, kattha pariyāpannanti: nidānogadhaɱ nidānapariyāpannaɱ.
Katamena uddesena uddesaɱ āgacchatīti: catutthena uddesena uddesaɱ āgacchati.
Catunnaɱ vipattinaɱ katamā vipattīti: siyā sīlavipatti. Siyā ācāravipatti.
Sattannaɱ āpattikkhandhānaɱ katamo āpattikkhandhoti: siyā pārājikāpattikkhandho. Siyā saṅghādisesāpattikkhandho, siyā pācittiyāpattikkhandho.
Channaɱ āpattisamuṭṭhānānaɱ katīhi samuṭṭhānehi samuṭṭhātīti: ekena samuṭṭhānena samuṭṭhāti, kāyato ca cittato ca samuṭṭhāti, na vācato.
Catunnaɱ adhikaraṇānaɱ katamaɱ adhikaraṇanti: āpattādhikaraṇaɱ
Sattannaɱ samathānaɱ katīhi samathehi sammatīti tīhi samathehi sammati: siyā sammukhāvinayena ca paṭiññātakaraṇena ca. Siyā tiṇavatthārane ca.
Ko tattha vinayo ko tattha abhivinayoti: paññatti vinayo, vibhatti abhivinayo.
Kiɱ tattha pātimokkhaɱ kiɱ tattha adhipātimokkhanti: paññatti pātimokkhaɱ, vibhatti adhipātimokkhaɱ
Kā vipattīti: asaɱvaro vipatti.
[BJT Page 022]
Kā sampattīti: saɱvaro sampatti.
Kā paṭipattīti: na evarūpaɱ karissāmīti yāvajīvaɱ āpāṇakoṭikaɱ samādāya sikkhati sikkhāpadesu.
Kati [page 008] atthavase paṭicca bhagavatā paṭhamo aniyato paññattoti: dasa atthavase paṭicca bhagavatā paṭhamo aniyato paññatto: saṅghasuṭṭhutāya, saṅghaphāsutāya, dummaṅkūnaɱ puggalānaɱ niggahāya, pesalānaɱ bhikkhūnaɱ phāsuvihārāya, diṭṭhadhammikānaɱ āsavānaɱ saɱvarāya, samparāyikānaɱ āsavānaɱ paṭighātāya, appasannānaɱ pasādāya, pasannānaɱ bhiyyobhāvāya, saddhammaṭṭhitiyā, vinayānuggahāya.
Ke sikkhantīti: sekhā ca puthujjanakalyāṇakā ca sikkhanti.
Ke sikkhitasikkhāti arahanto sikkhitasikkhā.
Kattha ṭhitanti: sikkhā kāmesu ṭhitaɱ
Ke dhārentīti yesaɱ vattati te dhārenti.
Kassa vacananti: bhagavato vacanaɱ arahato sammāsambuddhassa.
Kenābhatanti: paramparābhataɱ.
1. Upāli dāsako ceva soṇako siggavo tathā,
Moggaliputtena pañcamā ete jambusirivhaye.
2. Tato mahindo iṭṭhiyo uttiyo ceva sambalo
Bhaddanāmo ca paṇḍito,
Ete nāgā mahāpaññā jambudipā idhāgatā.
3. Vinayaɱ te vācayiɱsu piṭakaɱ tambapaṇṇiyā,
Nikāye pañca vācesuɱ satta ceva pakaraṇe
4. Tato ariṭṭho medhāvi tissadatto ca paṇḍito
Visārado kāḷasumano thero ca dīghanāmako,
Dīghusumano ca paṇḍito.
5. Punadeva kāḷasumano nāgatthero ca buddharakkhito,
Tissatthero ca medhāvi devatthero ca paṇḍito.
6. Punadeva sumano medhāvi vinaye ca visārado,
Bahussuto cuḷanāgo gajo ca duppadhaɱsiyo.
7. Dhammapāgitanāmo ca rohaṇo sādhupujito,
Tassa sisso mahāpañño khemanāmo tipeṭako,
Dīpe tārakarājāva paññāya atirocatha.
8. Upatisso ca medhāvi phussadevo mahākathī
Punadve sumano medhāvi pupphanāmo 6- bahussuto.
9. Mahākathi mahāsīvo piṭake sabbattha kovido,
Punadeva upāli medhāvi vinaye ca visārado.
10. Mahānāgo mahāpañño saddhammavaɱsakovido,
Punadeva abhayo medhāvi piṭake sabbattha kovido.
11. Tissatthero ca medhāvi vinaye ca visārado,
Tassa sisso mahāpañño pupphanāmo bahussuto,
Sāsanaɱ anurakkhanto jambudīpe patiṭṭhito
12. Cuḷābhayo ca medhāvi vinaye ca visārado,
Tissatthero ca medhāvi saddhammavaɱsakovido.
13. Phussadevo ca medhāvi vinaye ca visārado,
Sīvattheroca medhāvi vinaye sabbattha kovido.
14. Ete nāgā mahāpaññā vinayaññu maggakovidā,
Vinayaɱ dīpe pakāsesuɱ piṭakaɱ tambapaṇṇiyāti.
2. Yaɱ tena bhagavatā jānatā passatā arahatā sammāsambuddhena dutiyo aniyato kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ udāyi ārabbha
Kismiɱ vatthusminti: āyasmā udāyi mātugāmena saddhiɱ eko ekāya raho nisajjaɱ kappesi, tasmiɱ vatthusmiɱ.
Atthi tattha paññatti, anupaññatti, anuppannapaññatti ekā paññatti, anupaññatti anuppannapaññatti tasmiɱ natthi.
Sabbattha paññatti padesapaññattiti: sabbattha paññatti.
Sādhāraṇapaññatti asādhāraṇa paññatti: sādhāraṇapaññatti.
Ekato paññatti. Ubhato paññattīti: ubhato paññatti.
Pañcannaɱ pātimokkhuddesānaɱ katthogadhaɱ, kattha pariyāpannanti: nidānogadhaɱ nidānapariyāpannaɱ.
Katamena uddesena uddesaɱ āgacchatīti: catutthena uddesena uddesaɱ āgacchati.
Catunnaɱ vipattīnaɱ katamā vipattīti: siyā sīlavipatti. Siyā ācāravipatti.
Sattannaɱ āpattikkhandhānaɱ katamo āpattikkhandhoti: siyā pārājikāpattikkhandho. Siyā saṅghādisesāpattikkhandho, siyā pācittiyāpattikkhandho
[BJT Page 024]
Channaɱ āpattisamuṭṭhānānaɱ katīhi samuṭṭhānehi samuṭṭhātīti: tīhi samuṭṭhānehi samuṭṭhāti, siyā kāyato ca cittato ca samuṭṭhāti, na vācato. Siyā vācato ca cittato ca samuṭṭhāti na kāyato siyā kāyato ca vācato ca citto ca samuṭṭhāti.
Catunnaɱ adhikaraṇānaɱ katamaɱ adhikaraṇanti: āpattādhikaraṇaɱ
Sattannaɱ samathānaɱ katīhi samathehi sammatīti tīhi samathehi sammati: siyā sammukhāvinayena ca paṭiññātakaraṇena ca. Siyā tiṇavatthārakena ca. - Pe -
Dve aniyatā niṭṭhitā.
Tassuddānaɱ:
Alaɱ kammaniyañceva - tatheva ca na heva kho,
Aniyatā supaññattā - buddhaseṭṭhena tādināti.
1. 4
Nissaggiyakaṇḍo
1. Yaɱ tena bhagavatā jānatā passatā arahatā sammāsambuddhena atirekacīvaraɱ dasāhaɱ atikkāmentassa nissaggiyaɱ pācittiyaɱ kattha paññattanti: vesāliyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū atirekacīvaraɱ dasāhātikkantaɱ dhāresuɱ, 1- tasmiɱ vatthusmiɱ
Ekā paññatti, ekā anupaññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato ca vācato ca samuṭṭhāti na cittato siyā kāyato ca vācato ca cittato ca samuṭṭhāti - pe -
2. Ekarattaɱ ticīvarena vippavasantassa nissaggiyaɱ pācittiyaɱ kattha paññattanti: sāvatthīyaɱ paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahulā bhikkhū bhikkhūnaɱ hatthe cīvaraɱ nikkhipitvā santaruttarena janapadacārikaɱ pakkamiɱsu, tasmiɱ vatthusmiɱ
Ekā paññatti, ekā anupaññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato ca vācato ca samuṭṭhāti na cittato siyā kāyato ca vācato ca cittato ca samuṭṭhāti - pe -
1. Atireka cīvaraɱ dhāresuɱ - machasaɱ
[BJT Page 026]
3. Akālacīvaraɱ paṭiggahetvā māsaɱ atikkāmentassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: sambahulā bhikkhū ārabbha
Kismiɱ vatthusminti: sambahulā bhikkhū akālacīvaraɱ paṭiggahetvā māsaɱ atikkāmesuɱ, tasmiɱ vatthusmiɱ
Ekā paññatti, ekā anupaññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato ca vācato ca samuṭṭhāti na cittato siyā kāyato ca vācato ca cittato ca samuṭṭhāti - pe -
4. Aññātikāya bhikkhuniyā purāṇacīvaraɱ [page 009] dhovāpentassa nissaggiyaɱ pācittiyaɱ kattha paññattanti: sāvatthīyaɱ paññattaɱ.
Kaɱ ārabbhāti: āyasmantaɱ udāyiɱ ārabbha
Kismiɱ vatthusminti: āyasmā udāyi aññātikā bhikkhuniyā purāṇacīvaraɱ dhovāpesi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti: samuṭṭhāti - pe -
5. Aññātikāya bhikkhuniyā hatthato cīvaraɱ paṭiggaṇhantassa nissaggiyaɱ pācittiyaɱ kattha paññattanti: rājagahe paññattaɱ.
Kaɱ ārabbhāti: āyasmantaɱ udāyiɱ ārabbha
Kismiɱ vatthusminti: āyasmā udāyi aññātikāya bhikkhuniyā hatthato cīvaraɱ paṭiggahesi, tasmiɱ vatthusmiɱ
Ekā paññatti, ekā anupaññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
6. Aññātakaɱ gahapatiɱ vā gahapatāniɱ vā cīvaraɱ viññāpentassa nissaggiyaɱ pācittiyaɱ kattha paññattanti: sāvatthīyaɱ paññattaɱ.
Kaɱ ārabbhāti: āyasmā upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto aññātakaɱ seṭṭhiputtaɱ cīvaraɱ viññāpesi, tasmiɱ vatthusmiɱ
Ekā paññatti, ekā anupaññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
7. Aññātakaɱ gahapatiɱ vā gahapatāniɱ vā tatuttariɱ 1- cīvaraɱ viññāpentassa nissaggiyaɱ pācittiyaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha.
1. Tatuttari - machasaɱ
[BJT Page 028]
Kismiɱ vatthusminti: chabbaggiyā bhikkhū na mattaɱ jānitvā bahuɱ cīvaraɱ viññāpesuɱ, tasmiɱ vatthusmiɱ
Ekā paññatti,
Channaɱ āpatti samuṭṭhānānaɱ chahi samuṭṭhānehi samuṭṭhāti - pe -
8. Pubbe appavāritassa aññātakaɱ gahapatikaɱ upasaṅkamitvā cīvare vikappaɱ āpajjantassa nissaggiyaɱ pācittiyaɱ kattha paññattanti: sāvatthīyaɱ paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto pubbe appavārito aññātakaɱ gahapatikaɱ upasaṅkamitvā cīvare vikappaɱ āpajji, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
9. Pubbe appavāritassa aññātake gahapatike upasaṅkamitvā cīvare vikappaɱ āpajjantassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto pubbe appavārito aññātake gahapatike upasaṅkamitvā cīvare vikappaɱ āpajji, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
10. Atirekatikkhattuɱ codanāya atirekachakkhattuɱ ṭhānena cīvaraɱ abhinipphādentassa nissaggiyaɱ pācittiyaɱ kattha paññattanti: [page 010] sāvatthiyaɱ paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto upāsakena ajjanaho 1- bhante āgamehi ti vuccamāno nāgamesi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
Kathinavaggo paṭhamo.
1. Ajjuṇho - sīmu. 1, 2
2. Ajjuṇho - machasaɱ,
[BJT Page 030]
4.2
1. Kosiyamissakaɱ satthataɱ kārāpentassa nissaggiyaɱ pācittiyaɱ kattha paññattanti: āḷaviyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū kosiyakārake upaṅkamitvā evamāhaɱsu: 'bahū āvuso kosakārake pacatha, amhākampi dassatha, mayampi icchāma kosiyamissakaɱ satthataɱ kātu'nti, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
2. Suddhakāḷakānaɱ eḷakalomānaɱ santhataɱ kārāpentassa nissaggiyaɱ pācittiyaɱ kattha paññattanti: vesāliyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū suddhakāḷakānaɱ eḷakalomānaɱ santhataɱ kārāpesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti: - pe -
3. Anādiyitvā tulaɱ odātānaɱ tulaɱ gocariyānaɱ navaɱ santhataɱ kārāpentassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū thokaññeva odātānaɱ ante 1- ādiyitvā tatheva suddhakāḷakānaɱ eḷakalomānaɱ santhataɱ kārāpesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti: - pe -
4. Anuvassaɱ santhataɱ kārāpentassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahulā bhikkhū anuvassaɱ santhataɱ kārāpesuɱ, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ chahi samuṭṭhānehi samuṭṭhāti: - pe -
1. Odātaɱ ante - machasaɱ
2. Odātānaɱ ante ante - simu. 1
[BJT Page 032]
5. Anādiyitvā purāṇasanthatassa sāmantā sugatavidatthiɱ navaɱ nisidanasanthataɱ kārāpentassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: sambahule bhikkhū ārabbha.
Kismiɱ vatthusminti: sambahulā bhikkhū santhatāni ujjhitvā āraññikaṅgaɱ piṇḍapātikaṅgaɱ paɱsukūlikaṅgaɱ samādiyiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
6. Eḷakalomāni paṭiggahetvā tiyojanaɱ atikkāmentassa nissaggiyaɱ pācittiyaɱ kattha paññattanti: sāvatthīyaɱ paññattaɱ.
Kaɱ ārabbhāti: aññataraɱ bhikkhuɱ ārabbha
Kismiɱ vatthusminti: aññataro bhikkhu eḷakalomāni paṭiggahetvā tiyojanaɱ atikkāmesi. Tasmiɱ vatthusmiɱ
Ekā paññatti,
[page 011]
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato samuṭṭhāti na vācato na cittato siyā kāyato ca cittato ca samuṭṭhāti na vācato - pe -
7. Aññātikāya bhikkhuniyā eḷakalomāni dhovāpentassa nissaggiyaɱ pācittiyaɱ kattha paññattanti: sakkesu paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhu aññātikāhi bhikkhunīhi eḷakalomāni dhovāpesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
8. Rūpiyaɱ paṭiggaṇhantassa nissaggiyaɱ pācittiyaɱ kattha paññattanti: rājagahe paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto rūpiyaɱ paṭiggahesi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti: - pe -
9. Nānappakārakaɱ rūpiyasaɱvohāraɱ samāpajjantassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha.
[BJT Page 034]
Kismiɱ vatthusminti: chabbaggiyā bhikkhū nānappakārakaɱ rūpiyasaɱvohāraɱ samāpajjiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
10. Nānappakārakaɱ kayavikkayaɱ samāpajjantassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto paribbājakena saddhiɱ kayavikkayaɱ samāpajji, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti: - pe -
Kosiyavaggo dutiyo.
4. 3
1. Atirekapattaɱ dasāhaɱ atikkāmentassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiye bhikkhū atirekapattaɱ dhāresuɱ, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ dvīhi samuṭṭhānehi samuṭṭhāti siyā kāyato ca vācato ca samuṭṭhāti na cittato, siyā kāyato ca vācato ca cittato ca samuṭṭhāti - pe -
2. Ūnapañcabandhanena pattena aññaɱ navaɱ pattaɱ cetāpentassa nissaggiyaɱ pācittiyaɱ kattha paññattanti: sakkesu paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiye bhikkhū appamattakenapi bhinnena appamattakenapi khaṇḍena vilikhitamattenapi bahū patte viññāpesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
[BJT Page 036]
3. Bhesajjāni paṭiggahetvā sattāhaɱ atikkāmentassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: sambahule [page 012] bhikkhū ārabbha
Kismiɱ vatthusminti: sambahule bhikkhū bhesajjāni paṭiggahetvā sattāhaɱ atikkāmesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti kaṭhinake - pe -
4. Atirekamāse sese gimhāne vassikasāṭikacīvaraɱ pariyesantassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū atirekamāse sese gimhāne vassikasāṭikacīvaraɱ pariyesiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
5. Bhikkhussa sāmaɱ cīvaraɱ datvā kupitena anattamanena acchindantassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto bhikkhussa sāmaɱ cīvaraɱ datvā anattamano acchindi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
6. Sāmaɱ suttaɱ viññāpetvā tantavāyehi cīvaraɱ vāyāpentassa nissaggiyaɱ pācittiyaɱ kattha paññattanti: rājagahe paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū sāmaɱ suttaɱ viññāpetvā tantavāyehi cīvaraɱ vāyāpesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
[BJT Page 038]
7. Pubbe appavāritassa aññātakassa gahapatikassa tantavāye upasaṅkamitvā cīvare vikappaɱ āpajjantassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto pubbe appavārito aññātakassa gahapatikassa tantavāye upasaṅkamitvā civare vikappaɱ āpajji, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
8. Accekacīvaraɱ paṭiggahetvā civarakālasamayaɱ atikkāmentassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahule bhikkhū accekacīvaraɱ paṭiggahetvā cīvarakālasamayaɱ atikkāmesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti: kaṭhinake - pe -
9. Tiṇṇaɱ cīvarānaɱ aññataraɱ cīvaraɱ antaraghare nikkhipitvā atirekachārattaɱ vippavasantassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahule bhikkhū tiṇṇaɱ cīvarānaɱ aññataraɱ cīvaraɱ antaraghare nikkhipitvā atirekachārattaɱ vippavasiɱsu, [page 013] tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti kaṭhinake - pe -
10. Jānaɱ saṅghikaɱ lābhaɱ pariṇataɱ attano pariṇāmentassa nissaggiyaɱ pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū jānaɱ saṅghikaɱ lābhaɱ pariṇataɱ attano pariṇāmesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
Pattavaggo tatiyo.
[BJT Page 040]
Tassuddānaɱ: -
Dasekaratti māso ca - dhovanañca paṭiggaho,
Aññātakañca 1- uddissa - ubhinnaɱ dutakena ca.
Kosiyā suddha dvebhāgā - chabbassāni nisīdanaɱ,
Dve ca lomāni uggaṇhe - ubho nānappakārakā,
Dve ca pattāni bhesajjaɱ - vassikā dānapañcamaɱ,
Sāmaɱ vāyāpanacceko - sāsaṅkaɱ saṅghikena cāti.
Tiɱsanissaggiyā pācittiyā niṭṭhitā.
1. 5
Pācittiyakaṇḍo
1. Yaɱ tena bhagavatā jānatā passatā arahatā sammāsambuddhena sampajānamusāvāde pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: hatthakaɱ sakyupattaɱ ārabbha
Kismiɱ vatthusminti: āyasmā hatthako sakyaputto titthiyehi saddhiɱ sallapanto avajānitvā paṭijāni paṭijānitvā avajāni, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti: siyā kāyato ca cittato ca samuṭṭhāti, na vācato. Siyā vācato ca cittato ca samuṭṭhāti, na kāyato. Siyā kāyato ca vācato ca cittato ca samuṭṭhāti - pe -
2. Omasavāde pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiyā bhikkhū ārabbha
Kismiɱ vatthusminti: chabbaggiyā bhikkhū pesalehi bhikkhūhi saddhiɱ bhaṇḍentā pesale bhikkhū omasiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
1. Aññātaɱ tañca - machasaɱ
[BJT Page 042]
3. Bhikkhupesuññe pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū bhikkhūnaɱ bhaṇḍanajātānaɱ kalahajātānaɱ vivādāpannānaɱ pesuññaɱ upasaɱhariɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
4. Anupasampannaɱ padaso dhammaɱ vācentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū upāsake padaso dhammaɱ [page 014] vācesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā vācato samuṭṭhāti, na kāyato na cittato. Siyā vācato ca cittato ca samuṭṭhāti, na kāyato - pe -
5. Anupasampannena uttariɱ dvirattatirattaɱ sahaseyyaɱ kappentassa pācittiyaɱ kattha paññattanti: āḷaviyaɱ paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahule bhikkhū anupasampannena sahaseyyaɱ kappesuɱ, tasmiɱ vatthusmiɱ
Ekā paññatti, ekā anupaññatti
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato samuṭṭhāti, na vācato na cittato siyā kāyato ca cittato ca samuṭṭhāti, na vācato - pe -
6. Mātugāmena sahaseyyaɱ kappentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ anuruddhaɱ ārabbha
Kismiɱ vatthusminti: āyasmā anuruddhaɱ mātugāmena sahaseyyaɱ kappasi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - phaḷakalomake.
1. Bhaṇḍantā - machasaɱ
[BJT Page 044]
7. Mātugāmassa uttariɱ chappañcavācāhi dhammaɱ desentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ udāyiɱ ārabbha
Kismiɱ vatthusminti: āyasmā udāyī mātugāmassa dhammaɱ desesi, tasmiɱ vatthusmiɱ
Ekā paññatti, dve anupaññattiyo.
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - padasodhamme
8. Anupasampannassa uttarimanussadhammaɱ bhūtaɱ ārocentassa pācittiyaɱ kattha paññattanti: vesāliyaɱ paññattaɱ.
Kaɱ ārabbhāti: vaggumudātiriyā bhikkhū ārabbha
Kismiɱ vatthusminti: vaggumudātiriyā bhikkhū gihīnaɱ aññamaññassa uttarimanussadhammassa vaṇṇaɱ bhāsiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti: siyā kāyato samuṭṭhāti, na cācato na cittato. Siyā vācato samuṭṭhāti na kāyato na cittato siyā kāyato ca vācato ca samuṭṭhāti, na cittato - pe -
9. Bhikkhussa duṭṭhullāpattiɱ anupasampannassa ārocentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū bhikkhussa duṭṭhullāpattiɱ anupasampannassa ārocesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
10. Paṭhaviɱ khaṇantassa pācittiyaɱ kattha paññattanti: āḷaviyaɱ paññattaɱ.
Kaɱ ārabbhāti: āḷavike bhikkhū ārabbha
Kismiɱ vatthusminti: āḷavikā bhikkhū paṭhaviɱ khaṇiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
Musāvādavaggo paṭhamo.
[BJT Page 046]
[PTS Page 0015 [\q 15/] ]
5. 2
1. Bhūtagāmapātavyatāya pācittiyaɱ kattha paññattanti: āḷaviyaɱ paññattaɱ.
Kaɱ ārabbhāti: āḷavike bhikkhū ārabbha
Kismiɱ vatthusminti: āḷavikā bhikkhū rukkhaɱ chindiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti: - pe -
2. Aññavādake vihesake pācittiyaɱ kattha paññattanti; kosambiyaɱ paññattaɱ.
Kaɱ ārabbhāti: āyasmantaɱ channaɱ ārabbha
Kismiɱ vatthusminti: āyasmā channo saṅghamajjhe āpattiyā anuyuñjiyamāno aññena aññaɱ 1- paṭicari, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
3. Ujjhāpanake khīyanake pācittiyaɱ kattha paññattanti: rājagahe paññattaɱ.
Kaɱ ārabbhāti: mettiyabhummajake bhikkhū ārabbha
Kismiɱ vatthusminti: mettiyabhummajakā bhikkhū āyasmantaɱ dabbaɱ mallaputtaɱ bhikkhū ujjhāpesuɱ, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
4. Saṅghikaɱ mañcaɱ vā pīṭhaɱ vā bhisiɱ vā kocchaɱ vā ajjhokāse santharitvā anuddharitvā anāpucchā pakkamantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahulā bhikkhū saṅghikaɱ senāsanaɱ ajjhokāse santharitvā anuddharitvā anāpucchā pakkamiɱsu, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - kaṭhinake.
1. Aññenaññaɱ - machasaɱ, syā
[BJT Page 048]
5. Saṅghikevihāre seyyaɱ santharitvā anuddharitvā anāpucchā pakkamantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: sattarasavaggiye bhikkhū ārabbha
Kismiɱ vatthusminti: sattarasavaggiyā bhikkhū saṅghike vihāre seyyaɱ santharitvā anuddharitvā anāpucchā pakkamiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - kaṭhinake.
6. Saṅghike vihāre jānaɱ pubbūpagataɱ bhikkhuɱ anupakhajja seyyaɱ kappentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū there bhikkhū anupakhajja seyyaɱ kappesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -
7. Bhikkhuɱ kupitena anattamanena saṅghikā vihārā nikkaḍḍhantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū tupitā anattamanā bhikkhuɱ saṅghikā vihārā nikkaḍḍhiɱsu, [page 016] tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
8. Saṅghike vihāre upari vehāsakuṭiyā āhaccapādakaɱ mañcaɱ vā pīṭhaɱ vā abhinisīdantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: aññataraɱ bhikkhuɱ ārabbha
Kismiɱ vatthusminti: aññataro bhikkhu saṅghike vihāre upari vehāsakuṭiyā āhaccapādakaɱ mañcaɱ sahasā abhinisīdi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato samuṭṭhāti, na vācato na cittato siyā kāyato ca cittato ca samuṭṭhāti, na vācato - pe -
[BJT Page 050]
9. Dvittipariyāye adhiṭṭhahitvā tatuttariɱ adhiṭṭhahantassa pācittiyaɱ kattha paññattanti: kosambiyaɱ paññattaɱ.
Kaɱ ārabbhāti: āyasmantaɱ channaɱ ārabbha
Kismiɱ vatthusminti: āyasmā channo katapariyositaɱ vihāraɱ punappunaɱ chādāpesi. Punappunaɱ limpāpesi. Atibhāriko vihāro paripaṭi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
10. Jānaɱ sappāṇakaɱ udakaɱ tiṇaɱ vā mattikaɱ vā siñcantassa pācittiyaɱ kattha paññattanti: āḷaviyaɱ paññattaɱ.
Kaɱ ārabbhāti: āḷavike bhikkhū ārabbha
Kismiɱ vatthusminti: āḷavikā bhikkhū jānaɱ sappāṇakaɱ udakaɱ tiṇampi mattikampi siñciɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti: - pe -
Bhūtagāmavaggo dutiyo.
5. 3
1. Asammatena bhikkhuniyo ovadantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū asammatā bhikkhuniyo ovadiɱsu, tasmiɱ vatthusmiɱ
Atthi tattha paññatti anupaññatti anuppannapaññattīti: ekā paññatti, ekā anupaññatti. Anuppannapaññatti tasmiɱ natthi.
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā vācato samuṭṭhāti na kāyato na cittato. Siyā vācato ca cittato ca samuṭṭhāti na kāyato - pe -
2. Atthaṅgate suriye bhikkhuniyo ovadantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ cullapanthakaɱ 1- ārabbha
Kismiɱ vatthusminti: āyasmā cullapanthako atthaṅgate suriye bhikkhuniyo ovadi, tasmiɱ vatthusmiɱ
1. Cuḷapanthakaɱ - machasaɱ
[BJT Page 052]
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti: padasodhamme - pe -
3. Bhikkhunūpassayaɱ upasaṅkamitvā bhikkhuniyo ovadantassa pācittiyaɱ kattha paññattanti: sakkesu paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū [page 017] bhikkhunūpassayaɱ upasaṅkamitvā bhikkhuniyo ovadiɱsu, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - kaṭhinake.
4. Āmisahetu bhikkhū bhikkhuniyo ovadantīti bhaṇantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū āmisahetu bhikkhū bhikkhuniyo ovadantīti bhaṇiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti: - pe -
5. Aññātikāya bhikkhuniyā cīvaraɱ dentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: aññataraɱ bhikkhuɱ ārabbha
Kismiɱ vatthusminti: aññataro bhikkhu aññātikāya bhikkhuniyā cīvaraɱ adāsi, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
6. Aññātikāya bhikkhuniyā cīvaraɱ sibbentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ udāyiɱ ārabbha
Kismiɱ vatthusminti: āyasmā udāyī aññātikāya bhikkhuniyā cīvaraɱ sibbesi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti: - pe -
[BJT Page 054]
7. Bhikkhuniyā saddhiɱ saɱvidhāya ekaddhānamaggaɱ paṭipajjantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū bhikkhunīhi saddhiɱ saɱvidhāya ekaddhānamaggaɱ paṭipajjiɱsu, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ catūhi samuṭṭhānehi samuṭṭhāti: siyā kāyato samuṭṭhāti, na vācato na cittato siyā kāyato ca vācato ca samuṭṭhāti, na cittato siyā kāyato ca cittato ca samuṭṭhāti, na cāvato, siyā kāyato ca vācato ca cittato ca samuṭṭhāti - pe -
8. Bhikkhuniyā saddhiɱ saɱvidhāya ekaɱ nāmaɱ abhiruhantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū bhikkhunīhi saddhiɱ saɱvidhāya ekaɱ nāvaɱ abhirūhiɱsu, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ catūhi samuṭṭhānehi samuṭṭhāti - pe -
9. Jānaɱ bhikkhunīparipācitaɱ piṇḍapātaɱ bhuñjantassa pācittiyaɱ kattha paññattanti: rājagahe paññattaɱ.
Kaɱ ārabbhāti: devadattaɱ ārabbha
Kismiɱ vatthusminti: devadatto jānaɱ bhikkhunīparipācitaɱ piṇḍapātaɱ bhuñji, tasmiɱ vatthusmiɱ
Ekā paññatti, ekā anupaññatti
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
[page 018]
10. Bhikkhuniyā saddhiɱ eko ekāya raho nisajjaɱ kappentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ udāyiɱ ārabbha
Kismiɱ vatthusminti: āyasmā udāyī bhikkhuniyā saddhiɱ eko ekāya raho nisajjaɱ kappesi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -
Ovādavaggo tatiyo.
[BJT Page 056]
5. 4
1. Tatuttariɱ āvasathapiṇḍaɱ bhuñjantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū anuvasitvā āvasathapiṇḍaɱ bhuñajiɱsu, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - phaḷakalomake.
2. Gaṇabhojane pācittiyaɱ kattha paññattanti: rājagahe paññattaɱ.
Kaɱ ārabbhāti: devadattaɱ ārabbha
Kismiɱ vatthusminti: devadatto sapariso kulesu viññāpetvā viññāpetvā bhuñji, tasmiɱ vatthusmiɱ
Ekā paññatti, sattaanupaññattiyo.
Channaɱ āpattisamuṭṭhānānaɱ dvīhi samuṭṭhānehi samuṭṭhāti: - pe - eḷakalomakake
3. Paramparabhojane pācittiyaɱ kattha paññattanti: vesāliyaɱ paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahulā bhikkhū aññatra nimantitā aññatra bhuñjiɱsu, tasmiɱ vatthusmiɱ
Ekā paññatti. Catasso 1- anupaññattiyo.
Channaɱ āpattisamuṭṭhānānaɱ dvīhi samuṭṭhānehi samuṭṭhāti: - pe - kaṭhinake.
4. Dvattipattapūre pūve paṭiggahetvā tatuttariɱ paṭigaṇhantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahule bhikkhū na mattaɱ jānitvā paṭiggahesuɱ tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
1. Tisso - syā
[BJT Page 058]
5. Bhuttāvinā pavāritena anatirittaɱ khādanīyaɱ vā bhojanīyaɱ vā bhuñjantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahulā bhikkhū bhuttāvino pavāritā aññatra bhuñjiɱsu, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ dvīhi samuṭṭhānehi samuṭṭhāti: - pe - kaṭhinake.
6. Bhikkhuɱ bhuttāviɱ pavāritaɱ anatirittena khādanīyena vā bhojanīyena vā abhihaṭṭhuɱ pavārentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: aññataraɱ bhikkhuɱ ārabbha
Kismiɱ vatthusminti: aññataro bhikkhu bhikkhuɱ bhuttāviɱ pavāritaɱ anatirittena bhojanīyena abhihaṭṭhuɱ pavāresi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
[page 019]
7. Vikāle khādanīyaɱ vā bhojanīyaɱ vā bhuñjantassa pācittiyaɱ kattha paññattanti: rājagahe paññattaɱ.
Kaɱ ārabbhāti: sattarasavaggiye bhikkhū ārabbha
Kismiɱ vatthusminti: sattarasavaggiyā bhikkhū vikāle bhojanaɱ bhuñjiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti: - pe - eḷakalomake.
8. Sannidhikārakaɱ khādanīyaɱ vā bhojanīyaɱ vā bhuñjantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ belaṭṭhisīsaɱ ārabbha
Kismiɱ vatthusminti: āyasmā belaṭṭhisīso sannidhikārakaɱ bhojanaɱ bhuñji, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti: - pe - eḷakalomake.
[BJT Page 060]
9. Paṇītabhojanāni attano atthāya viññāpetvā bhuñjantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū paṇītabhojanāni attano atthāya viññāpetvā bhuñjaɱsu, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ catūhi samuṭṭhānehi samuṭṭhāti - pe -
10. Adinnaɱ mukhadvāraɱ āhāraɱ āharantassa pācittiyaɱ kattha paññattanti: vesāḷiyaɱ paññattaɱ.
Kaɱ ārabbhāti: aññataraɱ bhikkhuɱ ārabbha
Kismiɱ vatthusminti: aññataro bhikkhu adinnaɱ mukhadvāraɱ āhāraɱ āhāresi, 1- tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - eḷakalomake.
Bhojanavaggo catuttho.
5. 5
1. Aceḷakassa vā paribbājakassa vā paribbajikāya vā sahatthā khādanīyaɱ vā bhojanīyaɱ vā dentassa pācittiyaɱ kattha paññattanti: vesāḷiyaɱ paññattaɱ.
Kaɱ ārabbhāti: āyasmantaɱ ānandaɱ ārabbha
Kismiɱ vatthusminti: āyasmā ānando aññatarissā paribbājikāya ekaɱ maññamāno dve pūve adāsi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi2- samuṭṭhānehi samuṭṭhāti - pe - eḷakalomake.
2. Bhikkhuɱ ehāvuso 'gāmaɱ vā nigamaɱ vā piṇḍāya pavisissā mā'ti tassa dāpetvā vā adāpetvā vā uyyojentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto bhikkhuɱ 'ehāvuso gāmaɱ piṇḍāya pavisissāmā'ti tassa adāpetvā uyyojesi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
1. Āhari - machasaɱ 2. Tīhi - sīmu. 1, 2
[BJT Page 062]
3. Sabhojane kule anupakhajja nisajjaɱ kappentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto sabhojane kule anupakhajja nisajjaɱ kappesi, tasmiɱ vatthusmiɱ
Ekā [page 020] paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti kāyato ca cittato ca samuṭṭhāti na vācato
4. Mātugāmena saddhiɱ raho paṭicchanne āsane nisajjaɱ kappentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto mātugāmena saddhiɱ raho paṭicchanne āsane nisajjaɱ kappesi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti kāyato ca cittato ca samuṭṭhāti na vācato.
5. Mātugāmena saddhiɱ eko ekāya raho nissajjaɱ kappentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto mātugāmena saddhiɱ eko ekāya raho nisajjaɱ kappesi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti kāyato ca cittato ca samuṭṭhāti na vācato.
6. Nimantitena samattena santaɱ bhikkhuɱ anāpucchā purebhattaɱ vā pacchābhattaɱ vā 1kulesu cārittaɱ āpajjantassa pācittiyaɱ kattha paññattanti: rājagahe paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto nimantito sabhatto samāno purebhattampi pacchābhattampi kulesu cārittaɱ āpajji, tasmiɱ vatthusmiɱ
Ekā paññatti, catasso anupaññattiyo.
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - kaṭhinake.
1. Pure bhattaɱ pacchābhattaɱ - machasaɱ
[BJT Page 064]
7. Tatuttariɱ bhesajjaɱ viññāpentassa pācittiyaɱ kattha paññattanti: sakkesu paññattaɱ.
Kaɱ ārabbhāti: chabbaggiyā bhikkhū ārabbha
Kismiɱ vatthusminti: chabbaggiyā bhikkhū mahānāmena sakkena ajjanho bhante āgamethāti vuccamānā nāgamesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
8. Uyyuttaɱ senaɱ dassanāya gacchantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiyā bhikkhū ārabbha
Kismiɱ vatthusminti: chabbaggiyā bhikkhū uyyuttaɱ senaɱ dassanāya agamaɱsu, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - eḷakalomake
9. Atirekatirattaɱ senāya vasantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū atirekatirattaɱ senāya vasiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - eḷakaḷomake.
10. Uyyodhikaɱ gacchantassa pācittiyaɱ kattha paññattanti: sāvatthiyaɱ [page 021] paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū uyyodhikaɱ agamaɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - eḷakalomake.
Aceḷakavaggo pañcamo.
[BJT Page 066]
5. 6
1. Surāmerayapāne pācittiyaɱ kattha paññattanti: kosambibaɱ paññattaɱ.
Kaɱ ārabbhāti: āyasmā sāgataɱ ārabbha
Kismiɱ vatthusminti: āyasmā sāgato majjaɱ pivi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato samuṭṭhāti, na vācato na cittato. Siyā kāyato ca cittato ca samuṭṭhāti, na cācato - pe -
2. Aṅgulipatodake pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiyā bhikkhū ārabbha
Kismiɱ vatthusminti: chabbaggiyā bhikkhū bhikkhuɱ aṅgulipatodakena hāsesuɱ tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
3. Udake hassadhamme 1- pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: sattarasavaggiye bhikkhū ārabbha
Kismiɱ vatthusminti: sattarasavaggiyā bhikkhū aciravatiyā nadiyā udake kīḷiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
4. Anādariye pācittiyaɱ kattha paññattanti: kosambiyaɱ paññattaɱ.
Kaɱ ārabbhāti: āyasmantaɱ channaɱ ārabbha
Kismiɱ vatthusminti: āyasmā channo anādariyaɱ akāsi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
5. Bhikkhuɱ bhiɱsāpentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
1. Hasadhamme - machasaɱ
[BJT Page 068]
Kismiɱ vatthusminti: chabbaggiyā bhikkhū bhikkhuɱ bhiɱsāpesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
6. Jotiɱ samādahitvā visibbentassa pācittiyaɱ kattha paññattanti: bhaggesu paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahulā bhikkhū jotiɱ samādahitvā visibbesuɱ tasmiɱ vatthusmiɱ
Ekā paññatti, dve anupaññattiyo
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
7. Orenaddhamāsaɱ nahāyantassa pācittiyaɱ kattha paññattanti: rājagahe paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahule bhikkhū rājānampi passitvā na mattaɱ jānitvā nahāyiɱsu, tasmiɱ vatthusmiɱ
Ekā paññatti, cha anupaññattiyo
Sabbattha paññatti padesapaññattīti: padesapaññatti.
Channaɱ āpattisamuṭṭhānānaɱ dvīhi samuṭṭhānehi samuṭṭhāti: - pe - eḷakalomake.
[page 022]
8. Anādiyitvā tiṇṇaɱ dubbaṇṇakaraṇānaɱ aññataraɱ dubbaṇṇakaraṇaɱ navaɱ cīvaraɱ paribhuñjantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahulā bhikkhū attano cīvaraɱ na sañjāniɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - eḷakalomake
9. Bhikkhussa vā bhikkhuniyā vā sikkhamānāya vā sāmaṇerassa vā sāmaṇeriyā vā sāmaɱ cīvaraɱ vikappetvā apaccuddhārakaɱ 1paribhuñjantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto bhikkhussa sāmaɱ cīvaraɱ vikappetvā apaccuddhārakaɱ paribhuñji, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - kaṭhinake.
1. Appaccuddhāraṇaɱ - machasaɱ 2. Appaccuddhārakaɱ - syā
[BJT Page 070]
10. Bhikkhussa pattaɱ vā cīvaraɱ vā nisīdanaɱ vā sūcigharaɱ vā kāyabandhanaɱ vā apanidhentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū bhikkhūnaɱ pattampi civarampi apanidhesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
Surāmerayavaggo chaṭṭho.
5. 7
1. Sañcicca pānaɱ jīvitā voropentassa pācittiyaɱ kattha paññattanti: sāvatthīyaɱ paññattaɱ.
Kaɱ ārabbhāti: āyasmantaɱ udāyiɱ ārabbha
Kismiɱ vatthusminti: āyasmā udāyi sañcicca pāṇaɱ jīvitā voropesi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
2. Jānaɱ sappāṇakaɱ udakaɱ paribhuñjantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū jānaɱ sappāṇakaɱ udakaɱ paribhuñjiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
3. Jānaɱ yathādhammaɱ nihatādhikaraṇaɱ puna kammāya ukkoṭentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū jānaɱ yathādhammaɱ nihatādhikaraṇaɱ puna kammāya ukkoṭesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
[BJT Page 072]
4. Bhikkhussa jānaɱ duṭṭhullaɱ āpattiɱ paṭicchādentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: aññataraɱ [page 023] bhikkhuɱ ārabbha
Kismiɱ vatthusminti: aññataro bhikkhu bhikkhussa jānaɱ duṭṭhullaɱ āpattiɱ paṭicchādesi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti kāyato ca vācato ca citatto ca samuṭṭhāti - pe -
25. Jānaɱ ūnavīsativassaɱ puggalaɱ upasampādentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahulā bhikkhū jānaɱ ūnavīsativassaɱ upasampādesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
6. Jānaɱ theyyasatthena saddhiɱ saɱvidhāya ekaddhānamaggaɱ paṭipajjantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: aññataraɱ bhikkhuɱ ārabbha
Kismiɱ vatthusminti: aññataro bhikkhu jānaɱ theyyasatthena saddhiɱ saɱvidhāya ekaddhānamaggaɱ paṭipajji, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato ca cittato ca samuṭṭhāti, na vācato siyā kāyato ca vācato ca citto ca samuṭṭhāti - pe -
7. Mātugāmena saddhiɱ saɱvidhāya ekaddhānamaggaɱ paṭipajjantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: aññataraɱ bhikkhuɱ ārabbha
Kismiɱ vatthusminti: aññataro bhikkhu mātugāmena saddhiɱ saɱvidhāya ekaddhānamaggaɱ paṭipajji, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ catūhi samuṭṭhānehi samuṭṭhāti - pe -
8. Pāpikāya diṭṭhiyā yāvatatiyaɱ samanubhāsanāya nappaṭinissajjantassa pācittiyaɱ kattha paññattanti: sāvatthiyaɱ paññattaɱ.
[BJT Page 074]
Kaɱ ārabbhāti: ariṭṭhaɱ bhikkhuɱ gaddhabādhipubbaɱ ārabbha
Kismiɱ vatthusminti: ariṭṭho bhikkhu gaddhabādhipubbo pāpikaɱ diṭṭhiɱ 1- yāvatatiyaɱ samanubhāsanāya nappaṭinissajji, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti kāyato ca vācato ca citatto ca samuṭṭhāti - pe -
9. Jānaɱ tathāvādinā bhikkhunā 2- akatānudhammena 3- taɱ diṭṭhiɱ appaṭinissaṭṭhena saddhiɱ sambhuñjantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū jānaɱ tathāvādinā ariṭṭhena bhikkhunā akatānudhammena taɱ diṭṭhiɱ appaṭinissaṭṭhena saddhiɱ sambhuñajiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
10. Jānaɱ tathānāsitaɱ samaṇuddesaɱ upalāpentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū jānaɱ tathānāsitaɱ [page 024] kaṇṭakaɱ samaṇuddesaɱ upalāpesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
Sappāṇakavaggo sattamo.
1. Bhikkhūhi sahadhammikaɱ vuccamāno na tāvāhaɱ āvuso etasmiɱ sikkhāpade yāva nāññaɱ bhikkhuɱ viyattaɱ 4- vinayadharaɱ paripucchissāmīti bhaṇantassa pācittiyaɱ kattha paññattanti: kosambiyaɱ paññattaɱ.
Kaɱ ārabbhāti: āyasmantaɱ channaɱ ārabbha
1. Pāpikāya diṭṭhiyā - simu 2 machasaɱ
2. (Ariṭṭhena) bhikkhunā - simu 2
3. Akaṭānudhammena - machasaɱ
4. Byattaɱ, machasaɱ
[BJT Page 076]
Kismiɱ vatthusminti: āyasmā channo bhikkhūhi sahadhammikaɱ vuccamāno na tāvāhaɱ āvuso etasmiɱ sikkhāpade sikkhissāmi, yāva nāññaɱ bhikkhuɱ viyattaɱ vinayadharaɱ paripucchissāmīti bhaṇi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
2. Vinayaɱ vīvaṇṇentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū vinayaɱ vivaṇṇesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
3. Mohanake pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū mohesuɱ tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
4. Bhikkhussa kupitena anattamanena pahāraɱ dentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū kupitā anattamanā bhikkhūnaɱ pahāraɱ adaɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
5. Bhikkhussa kupitena anattamanena talasattikaɱ uggirantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū kupitā anattamanā bhikkhūnaɱ talasattikaɱ uggiriɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
[BJT Page 078]
6. Bhikkhuɱ amūlakena saṅghādisesena anuddhaɱsentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū bhikkhuɱ amūlakena saṅghādisesena anuddhaɱsesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
7. Bhikkhussa sañcicca kukkuccaɱ upadahantassa 1- pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū bhikkhūnaɱ sañcicca kukkuccaɱ upadahiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
8. Bhikkhūnaɱ bhaṇḍanajātānaɱ kalahajātānaɱ [page 025] vivādāpannānaɱ upassutiɱ tiṭṭhantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū bhikkhūnaɱ bhaṇḍanajātānaɱ kalahajātānaɱ vivādāpannānaɱ upassutiɱ tiṭṭhahiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti siyā kāyato ca cittato ca samuṭṭhāti, na vācato siyā kāyato ca vācato ca citatto ca samuṭṭhāti - pe -
9. Dhammikānaɱ kammānaɱ chandaɱ datvā pacchā khiyanadhammaɱ āpajjantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū dhammikānaɱ kammānaɱ chandaɱ datvā pacchā khī*yanadhammaɱ āpajjiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
10. Saṅghe vinicchayakathāya vattamānāya chandaɱ adatvā vuṭṭhāyāsanā pakkamantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: aññataraɱ bhikkhuɱ ārabbha
1. Uppādentassa - syā.
[BJT Page 080]
Kismiɱ vatthusminti: aññataro bhikkhu saṅghe vinicchayakathāya vattamānāya chandaɱ adatvā uṭṭhāyāsanā pakkami. 2- Tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti kāyato ca vācato ca cittato ca samuṭṭhāti - pe -
11. Samaggena saṅghena cīvaraɱ datvā pacchā khīyanadhammaɱ āpajjantassa pācittiyaɱ kattha paññattanti: rājagahe paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū samaggena saṅghena cīvaraɱ datvā pacchā khīyanadhammaɱ āpajjiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
12. Jānaɱ saɱghikaɱ lābhaɱ pariṇataɱ puggalassa pariṇāmentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū jānaɱ saṅghikaɱ lābhaɱ pariṇataɱ puggalassa pariṇāmesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
Sahadhammikavaggo aṭṭhamo.
5. 9
1. Pubbe appaṭisaɱviditena rañño antepuraɱ pavisantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ ānandaɱ ārabbha
Kismiɱ vatthusminti: āyasmā ānando pubbe appaṭisaɱvidito rañño antepuraɱ pāvisi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - kaṭhinake
2. Ratanaɱ uggaṇhantassa pācittiyaɱ kattha paññattanti: sāvatthiyaɱ [page 026] paññattaɱ.
Kaɱ ārabbhāti: aññataraɱ bhikkhuɱ ārabbha
2. Pakkāmi - machasaɱ
[BJT Page 082]
Kismiɱ vatthusminti: aññataro bhikkhu ratanaɱ uggahesi, tasmiɱ vatthusmiɱ
Ekā paññatti, dve anupaññattiyo
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
3. Santaɱ bhikkhuɱ anāpucchā vikāle gāmaɱ pavisantassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū vikāle gāmaɱ pavisiɱsu, tasmiɱ vatthusmiɱ
Ekā paññatti, tisso anupaññattiyo
Channaɱ āpattisamuṭṭhānānaɱ dvīhi samuṭṭhānehi samuṭṭhāti - pe - kaṭhinake
4. Aṭṭhimayaɱ vā dantamayaɱ vā visāṇamayaɱ vā sūcigharaɱ kārāpentassa pācittiyaɱ kattha paññattanti: sakkesu paññattaɱ.
Kaɱ ārabbhāti: sambahule bhikkhū ārabbha
Kismiɱ vatthusminti: sambahulā bhikkhū na mattaɱ pānitvā bahū sucīghare viññāpesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
5. Pamāṇātikkantaɱ mañcaɱ vā pīṭhaɱ vā kārāpentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ upanandaɱ sakyaputtaɱ ārabbha
Kismiɱ vatthusminti: āyasmā upanando sakyaputto ucce mañce sayi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
6. Mañcaɱ vā pīṭhaɱ vā tulonaddhaɱ kārāpentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū mañcampi pīṭhampi 1tulonaddhaɱ kārāpesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
1. Mañcaɱ vā pīṭhaɱ vā - sīmu 2 machasaɱ
[BJT Page 084]
7. Pamāṇātikkantaɱ nisīdanaɱ kārāpentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū appamāṇikāni nisīdanāni dhāresuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
8. Pamāṇātikkantaɱ kaṇḍupaṭicchādiɱ kārāpentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū appamāṇikāyo kaṇḍupaṭicchādiyo dhāresuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
9. Pamāṇātikkantaɱ vassikasāṭikaɱ kārāpentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū appamāṇikāyo vassikasāṭikāyo dhāresuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
[page 027]
10. Sugatacīvarappamāṇāɱ cīvaraɱ kārāpentassa pācittiyaɱ kattha paññattanti: sāvatthiyaɱ paññattaɱ.
Kaɱ ārabbhāti: āyasmantaɱ nandaɱ ārabbha
Kismiɱ vatthusminti: āyasmā nando sugatacīvarappamāṇaɱ cīvaraɱ dhāresi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ chahi samuṭṭhānehi samuṭṭhāti - pe -
Rājavaggo navamo.
Dvenavuti pācittiyā niṭṭhitā.
[BJT Page 086]
Tassuddānaɱ:
1. Musā omasa pesuññā - padaso dve nipajjanā,
Desanā rocanā ceva - duṭṭhullāpatti khaṇanā.
2. Bhūtaññavāda 1- ujjhāyī - mañco seyyā ca vuccati,
Pubbanikkaḍḍhanāhacca 2- - dvāraɱ sappāṇakena ca.
3. Asammatā atthaṅgate - upassayāmisena ca,
Dade sibbe vidhānena - nāvā bhuñjeyya ekato
4. Piṇḍaɱ gaṇaɱ paraɱ pūvaɱ - pavārito pavāritaɱ,
Vikālaɱ sannidhi khīraɱ - dantapoṇena te dasa.
5. Aceḷakā uyyokhajja 3- - paṭicchannaɱ rahena ca,
Nimantito paccayehi - senāvasathuyyodhikaɱ.
6. Surā aṅguli hāso ca - anādariyañca bhiɱsanā,
Joti nahāna dubbaṇṇā - sāmaɱ apanidhena ca.
1. Bhūtaɱ aññāya, machasaɱ 2. Pubbe nikkaḍḍhanā - machasaɱ
3. Acelakānupakhajja - si
[BJT Page 088]
7. Sañciccūdaka kammā ca - duṭṭhullaɱ ūnavīsati,
Theyya itthi avadesaɱ - saɱvāsenāsitena ca.
8. Sahadhammika vilekhā - meho pahārenuggire.
Amūlakañca sañcicca - sossāmi khīye pakkame.
Saṅghena cīvaraɱ datvā - pariṇāmeyya puggalo.
9. Raññañca ratanaɱ sattaɱ - sūcī mañco ca tulakā
Nisīdanaɱ kaṇḍucchādi - vassikā sugatena cāti.
Tesaɱ vaggānaɱ uddānaɱ:
Musā bhūtā ca ovādo - bhojanāceḷakena ca,
Surā sappāṇakā dhammo - rājavaggena te navāti.
1. 6
Pāṭidesaniyakaṇḍo
1. Yaɱ tena bhagavatā jānatā passatā arahatā sammāsambuddhena aññātikāya bhikkhuniyā antaragharaɱ paviṭṭhāya hatthato khādanīyaɱ vā bhojanīyaɱ vā sahatthā paṭiggahtvo bhuñjantassa pāṭidesaniyaɱ kattha paññattanti: sāvatthiyaɱ paññattaɱ.
Kaɱ ārabbhāti: aññataraɱ bhikkhuɱ ārabbha
Kismiɱ vatthusminti: aññataro bhikkhu aññātikāya bhikkhuniyā antaragharaɱ paviṭṭhāya hatthato āmisaɱ paṭiggahesi, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi [page 028] samuṭṭhānehi samuṭṭhāti: siyā kāyato samuṭṭhāti, na vācato na cittato. Siyā kāyato ca cittato ca samuṭṭhāti na vācato - pe -
[BJT Page 090]
2. Bhikkhuniyā vosāsantiyā na nivāretvā bhuñjantassa pāṭidesanīyaɱ kattha paññattanti: rājagahe paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū bhikkhuniyo vosāsantiyo na nivāresuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato ca vācato ca samuṭṭhāti, na cittato siyā kāyato ca vācato ca cittato ca samuṭṭhāti - pe -
3. Sekhasammatesu kulase khādanīyaɱ vā bhojanīyaɱ vā sahatthā paṭiggahetvā bhuñjantassa pāṭidesanīyaɱ kattha paññattanti: sāvatthiyaɱ paññattaɱ
Kaɱ ārabbhāti: sambahule bhikkhū ārabbha
Kismiɱ vatthusminti: sambahulā bhikkhū na mattaɱ jānitvā paṭiggahesuɱ tasmiɱ vatthusmiɱ
Ekā paññatti, dve anupaññattiyo
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato samuṭṭhāti, na vācato na cittato. Siyā kāyato ca cittato ca samuṭṭhāti na vācato - pe -
4. Āraññakesu senāsanesu pubbe appaṭisaɱviditaɱ khādanīyaɱ vā bhojanīyaɱ vā ajjhārāme sahatthā paṭiggahetvā bhuñjantassa pāṭidesanīyaɱ kattha paññattanti: sakkesu paññattaɱ
Kaɱ ārabbhāti: sambahule bhikkhū ārabbha
Kismiɱ vatthusminti:
Sambahulā bhikkhū ārāme core paṭivasante nārocesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato ca vācato ca samuṭṭhāti, na cittato. Siyā kāyato ca vācato ca cittato ca samuṭṭhāti - pe -
Cattāro pāṭidesaniyā niṭṭhitā
Tassuddānaɱ:
Aññātikāya vosāsaɱ - sekhāraññakena ca,
Pāṭidesanīyā cattāro - sambuddhena pakāsitāti.
[BJT Page 092]
1. 7
Sekhiyā
1. Yaɱ tena bhagavatā jānatā passatā arahatā sammāsambudadhena anādariyaɱ paṭicca purato vā pacchato vā olambantena nivāsentassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū puratopi pacchatopi olambentā nivāsesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -
2. Anādariyaɱ paṭicca purato vā pacchato vā olambantena pārupantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū puratopi pacchatopi olambentā pārupiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -
3. Anādariyaɱ paṭicca kāyaɱ vivaritvā antaraghare gacchantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiyā bhikkhū kāyaɱ vivaritvā antaraghare gacchiɱsu,
Kismiɱ vatthusminti: chabbaggiyā bhikkhu kāyaɱ antaraghare gacchiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato. Ca samuṭṭhāti na vācato - pe -
[page 029]
4. Anādariyaɱ paṭicca kāyaɱ vivaritvā antaraghare nisīdantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: kaɱ ārabbhāti: chabbaggiye bhikkhū ārabbha.
Kismiɱ vatthusminti: chabbaggiyā bhikkhū kāyaɱ vivaritvā antaraghare nasīdiɱsu, tasmiɱ vatthusmiɱ
Ekā paññatti,
Ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -
5. Anādariyaɱ paṭicca hatthaɱ vā pādaɱ vā kiḷāpentena antaraghare gacchantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha.
Kismiɱ vatthusminti: chabbaggiyā bhikkhū hatthampi pādampi kīḷāpentā antaraghare gacchiɱsu, tasmiɱ vatthusmiɱ
Ekā paññatti,
[BJT Page 094]
Ekena samuṭṭhānena samuṭṭhāti: kāyato ca cittato ca samuṭṭhāti na vācato
6. Anādariyaɱ paṭicca hatthaɱ vā pādaɱ vā kiḷāpentena antaraghare nisidantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū hatthampi pādampi kīḷāpentā antaraghare nisidaɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti na vācato
7. Anādariyaɱ paṭicca tahaɱ tahaɱ olokentena antaraghare gacchantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū tahaɱ tahaɱ olokentā antaraghare gacchiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti na vācato
8. Anādariyaɱ paṭicca tahaɱ tahaɱ olokentena antaraghare nisīdantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū tahaɱ tahaɱ olokentā antaraghare nisīdiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti na vācato
9. Anādariyaɱ paṭicca ukkhittakāya antaraghare gacchantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū ukkhittakāya antaraghare gacchiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti na vācato
10. Anādariyaɱ paṭicca ukkhittakāya antaraghare nisīdantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū ukkhittakāya antaraghare nisīdiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -
Parimaṇḍalavaggo paṭhamo.
[BJT Page 096]
7. 2
1. Anādariyaɱ paṭicca ujjagaghikāya antaraghare gacchantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū mahāhasitaɱ hasantā antaraghare gacchiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -
2. Anādariyaɱ paṭicca ujjagaghikāya antaraghare nisīdantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū mahāhasitaɱ hasantā antaraghare nisīdiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -
3. Anādariyaɱ paṭicca uccāsaddaɱ mahāsaddaɱ kārontena antaraghare gacchantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū uccāsaddaɱ mahāsaddaɱ karontā antaraghare gacchiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -
4. Anādariyaɱ paṭicca uccāsaddaɱ mahāsaddaɱ kārontena antaraghare nisīdantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū uccāsaddaɱ mahāsaddaɱ karontā antaraghare nisīdiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -
5. Anādariyaɱ paṭicca kāyappacālakaɱ antaraghare gacchantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū kāyappacālakaɱ antaraghare gacchiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
6. Anādariyaɱ paṭicca kāyappacālakaɱ antaraghare nisīdantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū kāyappacālakaɱ antaraghare nisīdiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
7. Anādariyaɱ paṭicca bāhuppacālakaɱ antaraghare gacchantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū bāhuppacālakaɱ antaraghare gacchiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
8. Anādariyaɱ paṭicca bāhuppacālakaɱ antaraghare nisīdantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū bāhuppacālakaɱ antaraghare nisīdiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
[BJT Page 098]
9. Anādariyaɱ paṭicca sīsappacālakaɱ antaraghare gacchantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū sīsappacālakaɱ antaraghare gacchiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
10. Anādariyaɱ paṭicca sīsappacālakaɱ antaraghare nisīdantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū sisappacālakaɱ antaraghare nisīdiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
Ujjagaghikavaggo dutiyo
1. Anādariyaɱ paṭicca khambhakatena antaraghare gacchantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū khambhakatena antaraghare gacchiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
2. Anādariyaɱ paṭicca khambhakatena antaraghare nisīdantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū khambhakatena antaraghare nisīdiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
3. Anādariyaɱ paṭicca oguṇṭhitena antaraghare gacchantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū oguṇṭhitena antaraghare gacchiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
4. Anādariyaɱ paṭicca oguṇṭhitena antaraghare nisīdantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū oguṇṭhitena antaraghare nisīdiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
5. Anādariyaɱ paṭicca ukkuṭikāya antaraghare gacchantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū ukkuṭikāya antaraghare gacchiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
6. Anādariyaɱ paṭicca pallatthikāya antaraghare nisīdantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū pallatthikāya antaraghare nisīdiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
[page 030]
7. Anādariyaɱ paṭicca asakkaccaɱ piṇḍapātaɱ paṭiggaṇhantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū asakkaccaɱ piṇḍapātaɱ gacchiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
[BJT Page 100]
8. Anādariyaɱ paṭicca tahaɱ tahaɱ olokentena piṇḍapātaɱ paṭiggaṇhantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū tahaɱ tahaɱ olokentena piṇḍapātaɱ paṭiggaṇhaɱsu. Tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
9. Anādariyaɱ paṭicca supaññeva bahuɱ paṭiggaṇhantassa dukkaṭaɱ kattha paññattanti:
Sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhu sūpañañeva bahuɱ paṭiggaṇhiɱsu. Tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
10. Anādariyaɱ paṭicca thūpīkataɱ piṇḍapātaɱ paṭiggaṇhantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū anādariyaɱ paṭicca thūpīkataɱ piṇḍapātaɱ paṭiggaṇhiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
Khambhakatavaggo tatiyo
7. 4
1. Anādariyaɱ paṭicca asakkaccaɱ piṇḍapātaɱ bhuñjantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū anādariyaɱ paṭicca asakkaccaɱ piṇḍapātaɱ bhuñjiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
2. Anādariyaɱ paṭicca tahaɱ tahaɱ olokentena piṇḍapātaɱ bhuñjantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū tāhaɱ tāhaɱ olokentena piṇḍapātaɱ bhuñjiɱsu. Tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
3. Anādariyaɱ paṭicca tahaɱ tahaɱ omasitvā piṇḍapātaɱ bhuñjantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū tahaɱ tahaɱ omasitvā piṇḍapātaɱ bhuñjiɱsu,
Tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
4. Anādariyaɱ paṭicca sūpaññeva bahuɱ bhuñjantassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū sūpaññeva bahuɱ bhuñchiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
5. Anādariyaɱ paṭicca thūpakato omadditvā piṇḍapātaɱ bhuñjantassa dukkaṭaɱ kattha paññattanti sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū thūpakato omadditvā piṇḍapātaɱ bhuñjiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
6. Anādariyaɱ paṭicca sūpaɱ vā byañjanaɱ vā odanena paṭicchā dentassa dukkaṭaɱ kattha paññattanti: sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū sūpaɱ byañjanaɱ vā odanena paṭicchādiɱsu. Tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe -
7. Anādariyaɱ paṭicca sūpaɱ vā byañjanaɱ vā agilāno attano atthāya viññāpetvā bhuñjantassa dukkaṭaɱ kattha paññattanti sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū sūpaɱ vā byañjanaɱ vā agilāno attano atthāya viññāpetvā bhuñjiɱsu, tasmiɱ vatthusmiɱ
[BJT Page 102]
Ekā paññatti, ekā anupaññatti.
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato ca cittato. Ca samuṭṭhāti, na vācato siyā kāyeto ca vācato ca cittato ca samuṭṭhāti - pe -
8. Anādariyaɱ paṭicca ujjhānasaññinā paresaɱ pattaɱ olokentassa dukkaṭaɱ kattha paññattanti sāvatthiyaɱ paññattaɱ
Kaɱ ārabbhāti: chabbaggiyā bhikkhu ārabbha
Kismiɱ vatthusminti: chabbaggiyā bhikkhu ujjhānasaññinā paresaɱ pattaɱ bhuñjiɱsu, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato ca cittato ca samuṭṭhāti, na vācato siyā kāyeto ca vācato ca cittato ca samuṭṭhāti - pe -
9. Anādariyaɱ paṭicca mahantaɱ kabalaɱ karontassa dukkaṭaɱ kattha paññattanti sāvatthiyaɱ paññattaɱ
Kaɱ ārabbhāti: chabbaggiyā bhikkhū ārabbha
Kismiɱ vatthusminti: chabbaggiyā bhikkhu mahantaɱ kabalaɱ karontassa gacchiɱsu, tasmiɱ vatthusmiɱ
Ekā paññatti, ekā anupaññatti.
Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato ca cittato ca samuṭṭhāti, na vācato siyā kāyeto ca vācato ca cittato ca samuṭṭhāti - pe -
10. Anādariyaɱ paṭicca dīghaɱ ālopaɱ karontassa dukkaṭaɱ kattha paññattanti sāvatthiyaɱ paññattaɱ
Kaɱ ārabbhāti: chabbaggiyā bhikkhū ārabbha
Kismiɱ vatthusminti: chabbaggiyā bhikkhū anādariyaɱ paṭicca dīghaɱ ālopaɱ kariɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -
Piṇḍapātavaggo catuttho
7. 5
1. Anādariyaɱ paṭicca anāhaṭe kabale mukhadvāraɱ vivarantassa dukkaṭaɱ kattha paññattanti sāvatthiyaɱ paññattaɱ
Kaɱ ārabbhāti: chabbaggiyā bhikkhū ārabbha
Kismiɱ vatthusminti: chabbaggiyā bhikkhū anādariyaɱ paṭicca anāhaṭe kabale mukhadvāraɱ vivariɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -
2. Anādariyaɱ paṭicca bhuñjamānena sabbaɱ hatthaɱ mukhe pakkhipantassa dukkaṭaɱ kattha paññattanti sāvatthiyaɱ paññattaɱ
Kaɱ ārabbhāti: chabbaggiyā bhikkhū ārabbha
Kismiɱ vatthusminti: chabbaggiyā bhikkhū anādariyaɱ paṭicca bhuñjamānena sabbaɱ hatthaɱ mukhe pakkhiɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -
3. Anādariyaɱ paṭicca sakabalena mukhena byaharantassa dukkaṭaɱ kattha paññattanti sāvatthiyaɱ paññattaɱ
Kaɱ ārabbhāti: chabbaggiyā bhikkhū [page 031] ārabbha
Kismiɱ vatthusminti: chabbaggiyā bhikkhū anādariyaɱ paṭicca sakabalena mukhena byāharaɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -
[BJT Page 104]
4. Anādariyaɱ paṭicca piṇḍukkhepakaɱ bhuñjantassa dukkaṭaɱ kattha paññattanti sāvatthiyaɱ paññattaɱ
Kaɱ ārabbhāti: chabbaggiyā bhikkhū ārabbha
Kismiɱ vatthusminti: chabbaggiyā bhikkhū anādariyaɱ paṭicca piṇḍukkhepakaɱ bhuñjaɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -
5. Anādariyaɱ paṭicca kabalāvacchedakaɱ bhuñjantassa dukkaṭaɱ - pe -
6. Anādariyaɱ paṭicca avagaṇḍakārakaɱ bhuñjantassa dukkaṭaɱ - pe -
7. Anādariyaɱ paṭicca hatthaniddhunakaɱ bhuñjantassa dukkaṭaɱ - pe -
8. Anādariyaɱ paṭicca sitthāvakārakaɱ bhuñjantassa dukkaṭaɱ - pe -
9. Anādariyaɱ paṭicca jivhānicchārakaɱ bhuñjantassa dukkaṭaɱ - pe -
10. Anādariyaɱ paṭicca capucapukārakaɱ bhuñjantassa dukkaṭaɱ - pe -
Kabalavaggo pañcamo.
7. 6
1. Anādariyaɱ paṭicca surusurukārakaɱ bhuñjantassa dukkaṭaɱ kattha paññattanti kosambiyaɱ paññattaɱ
Kaɱ ārabbhāti: sambahule bhikkhū ārabbha
Kismiɱ vatthusminti: sambahule bhikkhū surusurukārakaɱ khīraɱ piviɱsu, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -
2. Anādariyaɱ paṭicca hatthanillehakaɱ bhuñjantassa dukkaṭaɱ - pe -
3. Anādariyaɱ paṭicca pattanillehakaɱ bhuñjantassa dukkaṭaɱ - pe -
4. Anādariyaɱ paṭicca oṭṭhanillehakaɱ bhuñjantassa dukkaṭaɱ - pe -
5. Anādariyaɱ paṭicca sāmisena hatthana pānīyathālakaɱ paṭiggantassa dukkaṭaɱ kattha paññattanti bhaggesu paññattaɱ
Kaɱ ārabbhāti: sambahule bhikkhū ārabbha
Kismiɱ vatthusminti: sambahulā bhikkhū sāmisena hatthena pānīyathālakaɱ paṭiggahesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -
[BJT Page 106]
6. Anādariyaɱ paṭicca sasitthakaɱ pattadhovanaɱ antaraghare chaḍḍentassa dukkaṭaɱ kattha paññattanti bhaggesu paññattaɱ
Kaɱ ārabbhāti: sambahule bhikkhū ārabbha
Kismiɱ vatthusminti: sambahulā bhikkhū sasitthakaɱ pattadhovanaɱ antaraghare chaḍḍesuɱ, tasmiɱ vatthusmiɱ
Ekā paññatti,
Channaɱ āpattisamuṭṭhānānaɱ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -
7. Anādariyaɱ paṭicca chattapāṇissa dhammaɱ desentassa dukkaṭaɱ kattha paññattanti sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū chattapāṇissa dhammaɱ desesuɱ, tasmiɱ vatthusmiɱ
Ekā paññatti, ekā anupaññatti
Channaɱ āpattisamuṭṭhānānaɱ ekena samuṭṭhānehi samuṭṭhāti: vācato ca cittato ca samuṭṭhāti, na kāyato - pe -
8. Anādariyaɱ paṭicca daṇḍapāṇissa dhammaɱ desentassa dukkaṭaɱ - pe -
9. Anādariyaɱ paṭicca hatthapāṇissa dhammaɱ desentassa dukkaṭaɱ - pe -
10. Anādariyaɱ paṭicca āyudhapāṇissa dhammaɱ desentassa dukkaṭaɱ - pe -
Surusuruvaggo chaṭṭho
7. 7
1. Anādariyaɱ paṭicca pādukārūḷhassa dhammaɱ desentassa dukkaṭaɱ - pe -
2. Anādariyaɱ paṭicca upāhanārūḷhassa dhammaɱ desentassa dukkaṭaɱ - pe -
3. Anādariyaɱ paṭicca yānagatassa dhammaɱ desentassa dukkaṭaɱ - pe -
4. Anādariyaɱ paṭicca sayanagassa dhammaɱ desentassa dukkaṭaɱ - pe -
5. Anādariyaɱ paṭicca pallatthikāya nisinnassa [page 032] dhammaɱ desentassa dukkaṭaɱ - pe -
6. Anādariyaɱ paṭicca veṭhitasīsassa dhammaɱ desentassa dukkaṭaɱ - pe -
7. Anādariyaɱ paṭicca oguṇṭhitasīsassa dhammaɱ desentassa dukkaṭaɱ - pe -
[BJT Page 108]
8. Anādariyaɱ paṭicca chamāya nisīditvā āsane nisinnassa dhammaɱ desentassa dukkaṭaɱ - pe -
Channaɱ āpattisamuṭṭhānānaɱ ekena samuṭṭhānena samuṭṭhāti: kāyato 1- ca vācato ca cittato ca - pe -
9. Anādariyaɱ paṭicca nīce āsane nisīditvā ucce āsane nisinnassa dhammaɱ desentassa dukkaṭaɱ - pe -
10. Anādariyaɱ paṭicca ṭhitena nisinnassa dhammaɱ desentassa dukkaṭaɱ - pe -
11. Anādariyaɱ paṭicca pacchato gacchantena purato gacchantassa dhammaɱ desentassa dukkaṭaɱ - pe -
12. Anādariyaɱ paṭicca uppathena gacchantena pathena gacchantassa dhammaɱ desentassa dukkaṭaɱ - pe -
13. Anādariyaɱ paṭicca ṭhitena uccāraɱ vā passāvaɱ vā karontassa dukkaṭaɱ - pe -
14. Anādariyaɱ paṭicca harite uccāraɱ vā passāvaɱ vā kheḷaɱ vā karontassa dukkaṭaɱ - pe -
15. Anādariyaɱ paṭicca udake uccāraɱ vā passāvaɱ vā kheḷaɱ vā karontassa dukkaṭaɱ kattha paññattanti sāvatthiyaɱ paññattaɱ
Kaɱ ārabbhāti: chabbaggiye bhikkhū ārabbha
Kismiɱ vatthusminti: chabbaggiyā bhikkhū udake uccārampi passāvampi kheḷampi akaɱsu, tasmiɱ vatthusmiɱ
Ekā paññatti, ekā anupaññatti
Channaɱ āpattisamuṭṭhānānaɱ ekena samuṭṭhānehi samuṭṭhāti: kāyato ca cittato ca samuṭṭhāti, na vācato - pe -
Pādukāvaggo sattamo
Pañcasattati sekhiyā niṭṭhitā.
1. Kāyato ca - syā, natthi
[BJT Page 110]
Tassuddānaɱ:
1. Parimaṇḍalaɱ paṭicchannaɱ - susaɱvutokkhittacakkhu ca,
Ukkhittojjagghikā saddo - tayo ceva pacālanā.
2. Khamhaoguṇṭhitā ceva - kuṭi pallatthikāya ca,
Sakkaccaɱ pattasaññī ca- samasūpaɱ samatittikaɱ.
3. Sakkaccaɱ pattasaññī ca - sapadānaɱ samasūpakaɱ,
Thupakato paṭicchannaɱ - viññattujjhānasaññitā. 1-
4. Na mahantaɱ maṇḍaladvāraɱ - sabbaɱ hatthaɱ na byāhare,
Ukakkhepo chedanā gaṇḍo - dhunaɱ sitthāvakārakaɱ.
[page 033]
5. Jivhānicchārakañce va - capucapū surusurū,
Hattho patto ca oṭṭho ca- sāmisaɱ sitthakena ca
6. Chattapāṇissa saddhammaɱ - na desenti tathāgatā,
Evameva daṇḍapāṇissa - satthaāyudhapāṇinaɱ.
7. Pādukopāhanā ceva - yānaseyyāgatassa ca,
Pallatthikā nisinnassa - veṭhito guṇṭhitassa ca.
8. Chamā nīcāsane ṭhāne - pacchato uppathena ca,
Ṭhitakena na kātabbaɱ - harite udakambhi cāti.
Tesaɱ vagguddānaɱ:
Parimaṇḍala ujjagghi - khamhaɱ piṇḍaɱ tatheva ca,
Kakhalā surusurū ceva - pādukena ca sattamāti.
Mahāvibhaṅgo katthapaññattivāro niṭṭhito.
1. Saññinā. Machasaɱ
[BJT Page 112]
2. Katāpattivāro
2. 1
Pārājikakaṇḍo
1. Methunaɱ dhammaɱ paṭisevanto kati āpattiyo āpajjati: methunaɱ dhammaɱ paṭisevanto tisso āpattiyo āpajjati: akkhayite sarīre methunaɱ dhammaɱ paṭisevati, apatti pārājikassa. Yebhuyyena khayite sarīre methunaɱ dhammaɱ paṭisevati, āpatti thullaccayassa. Vaṭṭakate ca mukhe acchupantaɱ aṅgajātaɱ paveseti, āpatti dukkaṭassa. Methunaɱ dhammaɱ paṭisevanto imā tisso āpattiyo āpajjati.
2. Adinnaɱ ādiyanto kati āpattiyo āpajjati:
Adinnaɱ ādiyanto tisso āpattiyo āpajjati: pañcamāsakaɱ vā atireka pañcamāsakaɱ vā agghanakaɱ adinnaɱ theyyasaṅkhātaɱ ādiyati, āpatti pārājikassa. Atirekamāsakaɱ vā ūnapañcamāsakaɱ vā agghanakaɱ adinnaɱ theyyasaṅkhātaɱ ādiyati, āpatti thullaccayassa. Māsakaɱ vā ūnamāsakaɱ vā agghanakaɱ adinnaɱ theyyasaṅkhātaɱ ādiyati, āpatti dukkaṭassa. Adinnaɱ ādiyanto imā tisso āpattiyo āpajjati.
3. Sañcicca manussaviggahaɱ jīvitā voropento kati āpattiyo āpajjati:
Sañcicca manussaviggahaɱ jīvitā voropento tisso āpattiyo āpajjati: manussaɱ odissa opātaɱ khaṇati 'papatitvā marissatiti', āpatti dukkaṭassa. Papatite dukkhā vedanā uppajjati, āpatti thullaccayassa. Marati, āpatti pārājikassa. Sañcicca manussaviggahaɱ jīvitā voropento imā tisso āpattiyo āpajjati
4. Asantaɱ abhūtaɱ uttarimanussadhammaɱ ullapanto kati āpattiyo āpajjati:
Asantaɱ abhūtaɱ uttarimanussadhammaɱ ullapanto tisso āpattiyo āpajjati: pāpiccho icchāpakato asantaɱ abhūtaɱ uttarimanussadhammaɱ ullapati, āpatti pārājikassa. 'Yo te vihāre vasati so bhikkhu arahā'ti bhaṇati, paṭivijānantassa āpatti thullaccayassa na paṭivijānantassa āpatti dukkaṭassa. Asantaɱ abhūtaɱ uttarimanussadhammaɱ ullapanto imā tisso āpattiyo āpajjati.
Cattāro pārājikā niṭṭhitā.
[BJT Page 114]
[page 034]
2. 2
Saṅghādisesakaṇḍo
1. Upasaṅkamitvā asuvīɱ mocento kati āpattiyo āpajjati:
Upasaṅkamitvā asuvīɱ mocento tisso āpattiyo āpajjati: ceteti upakkamati muccati. Āpajjati saṅghādisesassa. Ceteti upakkamati na muccati, āpatti thullaccayassa. Payoge dukkaṭaɱ.
2. Mātugāmena saddhiɱ kāyasaɱsaggaɱ samāpajjanto tisso āpattiyo āpajjati: kāyane kāyaɱ āmasati, āpatti saṅghādisesassa. Kāyena kāyapaṭibaddhaɱ āmasati, āpatti thullaccayassa. Kāyapaṭibaddhena kāyapaṭibaddhaɱ āmasati, āpatti dukkaṭassa.
3. Mātugāmaɱ duṭṭhullāhi vācāhi obhāsento tisso āpattiyo āpajjati: vaccamaggaɱ passāvamaggaɱ ādissa vaṇṇampi bhaṇati avaṇṇampi bhaṇati, āpatti saṅghādisesassa vaccamaggaɱ passāvamaggaɱ ṭhapetvā adhakkhakaɱ ubbhajānumaṇḍalaɱ ādissa vaṇṇampi bhaṇati avaṇṇampi bhaṇati, āpatti thullaccayassa kāyapaṭibaddhaɱ ādissa vaṇṇampi bhaṇati, avaṇṇampi bhaṇati, āpatti dukkaṭassa.
4. Attakāmapāricariyāya vaṇṇaɱ bhāsanto tisso āpattiyo āpajjati: mātugāmassa santike attakāmapāricariyāya vaṇṇaɱ bhāsati, āpatti saṅghādisesassa. Paṇḍakassa santike attakāmapāricariyāya vaṇṇaɱ bhāsati, āpatti thullaccayassa. Tiracchānagatassa santike attakāmapāricariyāya vaṇṇaɱ bhāsati, āpatti dukkaṭassa.
5. Sañcarittaɱ samāpajjanto nisso āpattiyo āpajjati: paṭigaṇhāti vīmaɱsati paccāharati, āpatti saṅghādisesassa. Paṭigaṇhāti vīmaɱsati na paccāharati, āpatti thullaccayassa. Paṭigaṇhāti na vīmaɱsati na paccāharati, āpatti dukkaṭassa
6. Saññācikāya kuṭiɱ kārāpento tisso āpattiyo āpajjati: kārāpeti, payoge dukkaṭaɱ ekaɱ piṇḍaɱ anāgate āpatti thullaccayassa. Tasmiɱ piṇḍe āgate āpatti saṅghādisesassa.
7. Mahallakaɱ vihāraɱ kārāpento tisso āpattiyo āpajjati. Kārāpeti, payoge dukkaṭaɱ. Ekaɱ piṇḍaɱ anāgate āpatti thullaccayassa. Tasmiɱ piṇḍe āgate āpatti saṅghādisesassa.
8. Bhikkhuɱ amūlakena pārājikena dhammena anuddhaɱsento tisso āpattiyo āpajjati: anokāsaɱ kārāpetvā cāvanādhippāyo vadeti, āpatti saṅghādisesena dukkaṭassa. Okāsaɱ kārāpetvā akkosādhippāyo vadeti, āpatti omasavādassa.
1. "Upakkamitvā - pe - āpajjati" machasaɱ na dissati.
[BJT Page 116]
9. Bhikkhuɱ aññabhāgiyassa adhikaraṇassa kiñcidesaɱ lesamattaɱ upādāya pārājikena dhammena anuddhaɱsento tisso āpattiyo āpajjati: anokāsaɱ kārāpetvā cāvanādhippāyo vadeti. Āpatti saṅghādisesena dukkaṭassa, okāsaɱ kārāpetvā akkosādhippāyo vadeti, āpatti omasavādassa.
10. Saṅghabhedako bhikkhu yāvatatiyaɱ samanubhāsiyamāno 1nappaṭinissajjanto tisso āpattiyo āpajjati: ñattiyā dukkaṭaɱ, dvīhi kammavācāhi thullaccayā, kammavācā pariyosāne āpatti saṅghādisesassa.
[page 035]
11. Bhedakānuvattakā bhikkhū yāvatatiyaɱ samanubhāsiyamānā nappaṭinissajjanto tisso āpattiyo. Āpajjati: ñattiyā dukkaṭaɱ, dvīhi kammavācāhi thullaccayā, kammavācā pariyosāne āpatti saṅghādisesassa.
12. Dubbaco bhikkhu yāvatatiyaɱ samanubhāsiyamāno nappaṭinissajjanto tisso
Āpattiyo. Āpajjati: ñattiyā dukkaṭaɱ, dvīhi kammavācāhi thullaccayā, kammavācā pariyosāne āpatti saṅghādisesassa.
13. Kuladusako bhikkhu yāvatatiyaɱ samanubhāsiyamāno nappaṭinissajjanto tisso āpattiyo. Āpajjati: ñattiyā dukkaṭaɱ, dvīhi kammavācāhi thullaccayā, kammavācā pariyosāne āpatti saṅghādisesassa.
Terasa saṅghādisesā niṭṭhitā.
2. 4
Nissaggiya kaṇḍo
4. 1
1. Atirekacīvaraɱ dasāhaɱ atikkāmento ekaɱ āpattiɱ āpajjati nissaggiyaɱ pācittiyaɱ.
2. Ekarattaɱ ticīvarena vippavasanto ekaɱ āpattiɱ āpajjati nissaggiyaɱ pācittiyaɱ.
3. Akālacīvaraɱ paṭiggahetvā māsaɱ atikkāmento ekaɱ āpattiɱ āpajjati nissaggiyaɱ pācittiyaɱ.
4. Aññātikāya bhikkhuniyā purāṇacīvaraɱ dhovāpento dve āpattiyo āpajjati: dhovāpeti, payoge dukkaṭaɱ, dhovāpite nissaggiyaɱ pācittiyaɱ.
5. Aññātikāya bhikkhuniyā hatthato cīvaraɱ paṭiggaṇhanto dve āpattiyo āpajjati: gaṇhāti, payoge dukkaṭaɱ, gahite nissaggiyaɱ pācittiyaɱ.
1. Samanubhāsiyamānā - syā, samanubhāsanāya - sīmu.
[BJT Page 118]
6. Aññātakaɱ gahapatiɱ vā gahapatāniɱ vā cīvaraɱ viññāpento dve āpattiyo āpajjati: viññāpeti payoge dukkaṭaɱ, viññāpite nissaggiyaɱ pācittiyaɱ.
7. Aññātakaɱ gahapatiɱ vā gahapatāniɱ vā tatuttaraɱ cīvaraɱ viññāpento dve āpattiyo āpajjati: viññāpeti payoge dukkaṭaɱ, viññāpite nissaggiyaɱ pācittiyaɱ.
8. Pubbe appavārito aññātakaɱ gahapatikaɱ upasaṅkamitvā civare vikappaɱ āpajjanto dve āpattiyo āpajjati: vikappaɱ āpajjati payoge dukkaṭaɱ, vikappaɱ āpanne nissaggiyaɱ pācittiyaɱ.
9. Pubbe appavārito aññātake gahapatike upasaṅkamitvā cīvare vikappaɱ āpajjanto dve āpattiyo āpajjati: vikappaɱ āpajjati payoge dukkaṭaɱ, vikappaɱ āpanne nissaggiyaɱ pācittiyaɱ.
10. Atirekatikkhattuɱ codanāya atireka chakkhattuɱ ṭhānena cīvaraɱ abhinipphādento dve āpattiyo āpajjati: abhinipphādeti payogo dukkaṭaɱ, abhinipphādite nissaggiyaɱ pācittiyaɱ.
Kaṭhinavaggo paṭhamo.
4. 2
1. Kosiyamissakaɱ satthataɱ kārāpento dve āpattiyo āpajjati: kārāpeti payoge dukkaṭaɱ, kārāpite nissaggiyaɱ pācittiyaɱ
2. Suddhakāḷakānaɱ eḷakalomānaɱ satthataɱ kārāpento dve āpattiyo āpajjati: kārāpeti payoge dukkaṭaɱ, kārāpite nissaggiyāɱ pācittiyaɱ
[page 036]
3. Anādiyitvā tūlaɱ odātānaɱ tūlaɱ gocariyānaɱ navaɱ satthataɱ kārāpento dve āpattiyo āpajjati: kārāpeti payoge dukkaṭaɱ, kārāpite nissaggiyaɱ pācittiyaɱ
4. Anuvassaɱ satthataɱ kārāpento dve āpattiyo āpajjati: kārāpeti payoge dukkaṭaɱ, kārāpite nissaggiyaɱ pācittiyaɱ
5. Anādiyitvā purāṇasatthassa sāmantā sugatavidatthiɱ navaɱ nisidanasatthataɱ kārāpento dve āpattiyo āpajjati: kārāpeti payoge dukkaṭaɱ, kārāpite nissaggiyaɱ pācittiyaɱ
6. Eḷakalomāni paṭiggahetvā tiyojanaɱ atikkāmento dve āpattiyo āpajjati: paṭhamaɱ pādaɱ tiyojanaɱ atikkāmeti āpatti dukkaṭassa, dutiyaɱ pādaɱ atikkāmeti nissaggiyaɱ pācittiyaɱ
7. Aññātikāya bhikkhuniyā eḷakalomāni dhovāpento dve āpattiyo āpajjati: dhovāpeti payoge dukkaṭaɱ, dhopite nissaggiyaɱ pācittiyaɱ
[BJT Page 120]
8. Rūpiyaɱ paṭiggaṇhanto dve āpattiyo āpajjati: gaṇhāti payoge dukkaṭaɱ, gahite nissaggiyaɱ pācittiyaɱ
9. Nānappakārakaɱ rūpiyasaɱvohāraɱ samāpajjanto dve āpattiyo āpajjati: samāpajjati payoge dukkaṭaɱ, samāpanne nissaggiyaɱ pācittiyaɱ
10. Nānappakārakaɱ kayavikkayaɱ samāpajjanto dve āpattiyo āpajjati: samāpajjati payoge dukkaṭaɱ, samāpanne nissaggiyaɱ pācittiyaɱ
Kosiyavaggo dutiyo
4. 3
1. Atirekapattaɱ dasāhaɱ atikkāmento ekaɱ āpattiɱ āpajjati: nissaggiyaɱ pācittiyaɱ
2. Ūnapañcakhandhanena pattena aññaɱ navaɱ pattaɱ cetāpento dve āpattiyo āpajjati: cetāpeti payoge dukkaṭaɱ, cetāpite nissaggiyaɱ pācittiyaɱ
3. Bhesajjāni paṭiggahetvā sattāhaɱ atikkāmento ekaɱ ekaɱ āpattiɱ āpajjati: nissaggiyaɱ pācittiyaɱ
4. Atirekamāse sese gimhāne vassikasāṭikacīvaraɱ pariyesanto dve āpattiyo āpajjati: pariyesati payoge dukkaṭaɱ pariyiṭṭhe nissaggiyaɱ pācittiyaɱ
5. Bhikkhussa sāmaɱ cīvaraɱ datvā kupito anattamano acchindanto dve āpattiyo āpajjati: acchindati payoge dukkaṭaɱ, acchinne nissaggiyaɱ pācittiyaɱ
6. Sāmaɱ suttaɱ viññāpetvā tantavāyehi cīvaraɱ vāyāpento dve āpattiyo āpajjati: vāyāpeti payoge dukkaṭaɱ, vāyāpite nissaggiyaɱ pācittiyaɱ
7. Pubbe appacārito aññātakassa gahapatissa tantavāye upasaṅkamitvā civare vikappaɱ āpajjanto dve āpattiyo āpajjati: vikappaɱ āpajjati payoge dukkaṭaɱ vikappaɱ āpanne nissaggiyaɱ pācittiyaɱ
[page 037]
8. Accekacīvaraɱ paṭiggahetvā civarakālasamayaɱ atikkāmento ekaɱ āpattiɱ āpajjati: nissaggiyaɱ pācittiyaɱ
9. Tiṇṇaɱ civarānaɱ aññataraɱ cīvaraɱ antaraghare nikkhipitvā atirekachārattaɱ vippavasanto ekaɱ āpattiɱ āpajjati nissaggiyaɱ pācittiyaɱ
10. Jānaɱ saṅghikaɱ lābhaɱ pariṇataɱ attano pariṇāmento dve āpattiyo āpajjati: pariṇāmeti payoge dukkaṭaɱ pariṇāmite nissaggiyaɱ pācittiyaɱ
Pattavaggo tatiyo
Tiɱsa nissaggiyā pācittiyā niṭṭhitā
[BJT Page 122]
2. 5
Pācittiya kaṇḍo
5. 1
1. Sampajānamusāvādaɱ bhāsanto kati āpattiyo āpajjati: sampajānamusāvādaɱ bhāsanto pañca āpattiyo āpajjati: pāpiccho icchāpakato asantaɱ abhūtaɱ uttarimanussadhammaɱ ullapati āpatti pārājikassa. Bhikkhuɱ amūlakena pārājikena dhammena anuddhaɱseti, āpatti saṅghādisesassa 'yo te vihāre vasati so bhikkhu arahā'ti bhaṇati, paṭivijānantassa āpattithullaccayassa nappaṭijāntassa āpatti dukkaṭassa. Sampajānamusāvāde pācittiyaɱ, sampajānamusāvādaɱ bhāsanto imā pañca āpattiyo āpajjati.
2. Omasanto dve āpattiyo āpajjati: upasampannaɱ omasati āpatti pācittiyassa, anupasampannassa omasati āpatti dukkaṭassa.
3. Pesuññaɱ upasaɱharanto dve āpattiyo āpajjati: upasampannassa pesuññaɱ upasaɱharati āpatti pācittiyassa, anupasampannassa pesuññaɱ upasaɱharati āpatti dukkaṭassa.
4. Anupasampannaɱ padaso dhammaɱ vācento dve āpattiyo āpajjati: vāceti payoge dukkaṭaɱ, pade pade āpatti pācittiyassa
5. Anupasampannena uttariɱ dvirattatirattaɱ sahaseyyaɱ kappento dve āpattiyo āpajjati: nipajjati payoge dukkaṭaɱ, nipanne āpatti pācittiyassa
6. Mātugāmena sahaseyyaɱ kappento dve āpattiyo āpajjati: nipajjati payoge dukkaṭaɱ, nipanne āpatti pācittiyassa
7. Mātugāmassa uttariɱ jappañcavācāhi dhammaɱ desenno dve āpattiyo āpajjati: deseti payoge dukkaṭaɱ, pade pade āpatti pācittiyassa
8. Anupasampannassa uttarimanussadhammaɱ bhūtaɱ ārocento dve āpattiyo āpajjati: āroceti payoge dukkaṭaɱ, ārocite āpatti pācittiyassa
9. Bhikkhussa duṭṭhullaɱ āpattiɱ anupasampannassa ārocento dve āpattiyo āpajjati: āroceti payoge dukkaṭaɱ, ārocite āpatti pācittiyassa
10. Paṭhaviɱ khaṇanto dve āpattiyo āpajjati: khaṇati payoge dukkaṭaɱ, pahāre pahāre āpatti pācittiyassa
Musāvādavaggo paṭhamo.
[BJT Page 124]
[page 038]
5.2
1. Bhūtagāmaɱ pātento dve āpattiyo āpajjati: pateti payoge dukkaṭaɱ, pahāre pahāre āpatti pācittiyassa.
2. Aññenaññaɱ paṭicaranto dve āpattiyo āpajjati: anāropite aññavādake aññenaññaɱ paṭicarati āpatti dukkaṭassa, āropite aññavādake aññenaññaɱ paṭicarati āpatti pācittiyassa.
3. Bhikkhuɱ ujjhāpento dve āpattiyo āpajjati: ujjhāpeti payoge dukkaṭaɱ, ujjhāpite āpatti pācittiyassa.
4. Saṅghikaɱ mañcaɱ vā piṭhaɱ vā bhisiɱ vā kocchaɱ vā ajjhokāse sattharitvā anuddharitvā anāpucchā pakkamanto dve āpattiyo āpajjati: paṭhamaɱ pādaɱ leḍḍupātaɱ atikkāmeti āpatti dukkaṭassa, dutiyaɱ pādaɱ atikkāmeti āpatti pācittiyassa
5. Saṅghike vihāre seyyaɱ santharitvā anuddharitvā anāpucchā pakkamanto dve āpattiyo āpajjati: paṭhamaɱ pādaɱ parikkhepaɱ atikkāmeti āpatti dukkaṭassa, dutiyaɱ pādaɱ atikkāmeti āpatti pācittiyassa
6. Saṅghike vihāre jānaɱ pubbūpagataɱ bhikkhuɱ anupakhajja seyyaɱ kappento dve āpattiyo āpajjati: nipajjati payoge dukkaṭaɱ, nipanne āpatti pācittiyassa
7. Bhikkhuɱ kupito anattamano saṅghikā vihārā nikkaḍḍhento dve āpattiyo āpajjati: nikkaḍḍhati payoge dukkaṭaɱ, nikkaḍḍhati āpatti pācittiyassa
8. Saṅghike vihāre uparivehāsakuṭiyā āhaccapādakaɱ mañcaɱ vā piṭhaɱ vā abhinisīdanto dve āpattiyo āpajjati: abhinisīdati payoge dukkaṭaɱ, abhinisinne āpatti pācittiyassa
9. Dvattipariyāye adhiṭṭhahitvā tatuttariɱ 1- adhiṭṭhahanto dve āpattiyo āpajjati: adhiṭṭhāti payoge dukkaṭaɱ, adhiṭṭhite āpatti pācittiyassa
10. Jānaɱ sappāṇakaɱ udakaɱ tiṇaɱ vā mattikaɱ vā siñcanto dve āpattiyo āpajjati: siñcati payoge dukkaṭaɱ, siñcite āpatti pācittiyassa
Bhūtagāmavaggo dutiyo
5. 3
1. Asammato bhikkhuniyo ovadanto dve āpattiyo āpajjati: ovadati payoge dukkaṭaɱ, ovadite āpatti pācittiyassa
1. Tatuttari - machasaɱ
[BJT Page 126]
2. Atthaṅgate suriye bhikkhuniyo ovadanto dve āpattiyo āpajjati: ovadati payoge dukkaṭaɱ, ovadite āpatti pācittiyassa
3. Bhikkhunūpassayaɱ upasaṅkamitvā bhikkhuniyo ovadanto dve āpattiyo āpajjati: ovadati payoge dukkaṭaɱ, ovadite āpatti pācittiyassa
4. Āmisahetu bhikkhū bhikkhuniyo ovadantīti bhaṇanto dve āpattiyo āpajjati: bhaṇati payoge dukkaṭaɱ, bhaṇīte āpatti pācittiyassa
5. Aññātikāya bhikkhuniyo cīvaraɱ dento dve āpattiyo āpajjati: deti payoge dukkaṭaɱ, dinena āpatti pācittiyassa.
[page 039]
6. Aññātikāya bhikkhuniyā cīvaraɱ sibbanto dve āpattiyo āpajjati: sibbeti payoge dukkaṭaɱ, ārapathe ārapathe āpatti pācittiyassa.
7. Bhikkhuniyā saddhiɱ saɱvidhāya ekaddhānamaggaɱ paṭipajjanto dve āpattiyo āpajjati: paṭipajjati payoge dukkaṭaɱ, paṭipanne āpatti pācittiyassa.
8. Bhikkhuniyā saddhiɱ saɱvidhāya ekaɱ nāvaɱ abhiruhanto dve āpattiyo āpajjati: abhiruhati payoge dukkaṭaɱ, abhirūḷhe āpatti pācittiyassa.
9. Jānaɱ bhikkhunīparipācitaɱ piṇḍāpātaɱ bhuñjanto dve āpattiyo āpajjati: bhuñjissāmiti paṭigaṇhāti āpatti dukkaṭassa. Ajjhohāre ajjhohāre āpatti pācittiyassa
10. Bhikkhuniyā saddhiɱ eko ekāya raho nisajjaɱ kappento dve āpattiyo āpajjati: nisīditi payoge dukkaṭaɱ, nisinne āpatti pācittiyassa.
Ovādavaggo tatiyo
5. 4
1. Tatuttariɱ 1- āvasathapiṇḍaɱ bhuñjanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.
2. Gaṇabhojanaɱ bhuñjanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.
1. Tatuttari - machasaɱ
[BJT Page 128]
3. Paramparabhojanaɱ bhuñjanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.
4. Dvattipattapūre pūve paṭiggahtvo tatuttariɱ paṭigaṇhananto dve āpattiyo āpajjati: gaṇhāti payoge dukkaṭassa, gahite āpatti pācittiyassa.
5. Bhuttāvī pavārito anatarittaɱ khādanīyaɱ vā bhojanīyaɱ vā bhuñjanto dve āpattiyo āpajjati: khādissāmi bhuñjissāmīti 1paṭigaṇhāti āpatti dukkaṭassa, ajjhohāre ajjhohāre āpatti pācittiyassa.
6. Bhikkhuɱ bhuttāviɱ pavāritaɱ anatarittena khādanīyena vā bhojanīyena vā abhihaṭṭhuɱ pavārento dve āpattiyo āpajjati: tassa vacanena khādissāmi bhuñjissāmīti paṭigaṇhāti āpatti dukkaṭassa, bhojanapariyosāne āpatti pācittiyassa.
7. Vikāle khādanīyaɱ vā bhojanīyaɱ vā bhuñjanto dve āpattiyo āpajjati: khādissāmi bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.
8. Sannidhikārakaɱ khādanīyaɱ vā bhojanīyaɱ vā bhuñjanto dve āpattiyo āpajjati: khādissāmi bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.
9. Paṇītabhojanāni attano atthāya viññāpetvā bhuñjanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.
10. Adinnaɱ mukhadvāraɱ āhāraɱ āharanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.
Bhojanavaggo catuttho
5. 5
1. Aceḷakassa vā paribbājakassa vā paribbājikāya vā sahatthā [page 040] khādanīyaɱ vā bhojanīyaɱ vā dento dve āpattiyo āpajjati: deti payoge dukkaṭaɱ dinne āpatti pācittiyassa.
2. Bhikkhuɱ 'ehāvuso gāmaɱ vā nigamaɱ vā piṇḍāya pavisissāmā'ti, tassa dāpetvā vā adāpetvā vā uyyojento dve āpattiyo āpajjati: uyyojeti payoge dukkaṭaɱ, uyyojite āpatti pācittiyassa.
1. Bhuñjissāmiti - machasaɱ
[BJT Page 130]
3. Sabhojane kule anupakhajja nisajjaɱ kappento dve āpattiyo āpajjati: nisīdati payoge dukkaṭaɱ, nisinne āpatti pācittiyassa.
4. Mātugāmena saddhiɱ raho paṭicchanne āsane nisajjaɱ kappento dve āpattiyo āpajjati: nisidati payoge dukkaṭaɱ, nisinne āpatti pācittiyassa.
5. Mātugāmena saddhiɱ eko ekāya raho nisajjaɱ kappento dve āpattiyo āpajjati: nisīdati payoge dukkaṭaɱ, nisinne āpatti pācittiyassa.
6. Nimantito sabhatto samāno purebhattaɱ vā pacchābhattaɱ vā santaɱ bhikkhuɱ anāpucchā kulesu cārittaɱ 1- āpajjanno dve āpattiyo āpajjati: paṭhamaɱ pādaɱ upacāraɱ 2 atikkāmeti āpatti dukkaṭassa, dutiyaɱ pādaɱ atikkāmeti, āpatti pācittiyassa.
7. Tatuttariɱ bhesajjaɱ viññāpento dve āpattiyo āpajjati: viññāpeti payoge dukkaṭaɱ viññāpite āpatti pācittiyassa.
8. Uyyuttaɱ senaɱ dassanāya gacchanto dve āpattiyo āpajjati: gacchati apatti dukkaṭassa, yattha ṭhito passati āpatti pācittiyassa.
9. Atirekatirattaɱ senāya vasanto dve āpattiyo āpajjati: vasati payoge dukkaṭaɱ vasite āpatti pācittiyassa.
10. Uyyodhikaɱ gacchanto dve āpattiyo āpajjati: gacchati āpatti dukkaṭassa yattha ṭhito passati āpatti pācittiyassa.
Aceḷakavaggo pañcamo
5. 6
1. Majjaɱ pivanto dve āpattiyo āpajjati: pivissāmīti paṭigaṇhāti āpatti dukkaṭassa, ajjhohāre ajjhohāre āpatti pācittiyassa.
2. Bhikkhuɱ aṅgulipatodakena hāsento dve āpattiyo āpajjati: hāseti payoge dukkaṭaɱ, hāsite 3- āpatti pācittiyassa.
3. Udake kīḷanto dve āpattiyo āpajjati: heṭṭhā gopphake udake kīḷati āpatti dukkaṭassa, upari gopphake kīḷati āpatti pācittiyassa.
1. Purebhattaɱ pacchābhattaɱ kulesu cārittaɱ - machasaɱ
2. Uccāraɱ - machasaɱ 3. Samanubhāsiyamāne. Syā
[BJT Page 132]
4. Anādariyaɱ karonto dve āpattiyo āpajjati: taroti payoge dukkaṭaɱ, kate āpatti pācittiyassa.
5. Bhikkhuɱ bhiɱsāpento dve āpattiyo āpajjati: bhiɱsāpeti payoge dukkaṭaɱ, bhiɱsāpite āpatti pācittiyassa.
6. Jotiɱ samādahitvā visibbento dve āpattiyo āpajjati: samādahati payoge dukkaṭaɱ, samādahite āpatti pācittiyassa.
7. Orenaddhamāsaɱ nahāyanto dve āpattiyo āpajjati: nahāyati payoge dukkaṭaɱ, nahānapariyosāne āpatti pācittiyassa.
[page 041]
8. Anādiyitvā tiṇṇaɱ dubbaṇṇakaraṇānaɱ aññataraɱ dubbaṇṇakaraṇaɱ navaɱ cīvaraɱ paribhunto dve āpattiyo āpajjati: paribhuñjati payoge dukkaṭaɱ, paribhutte āpatti pācittiyassa.
9. Bhikkhussa vā bhikkhuniyā vā sikkhamānāya vā sāmaṇerassa vā sāmaṇeriyā vā sāmaɱ cīvaraɱ vikappetvā apaccuddhārakaɱ 1paribhuñjanto dve āpattiyo āpajjati: paribhuñjati payoge dukkaṭaɱ, paribhutte āpatti pācittiyassa.
10. Bhikkhussa pattaɱ vā cīvaraɱ vā nisīdanaɱ vā sūcigharaɱ vā kāyabandhanaɱ vā apanidhento dve āpattiyo āpajjati: apanidheti payoge dukkaṭaɱ, apaniddhe 2āpatti pācittiyassa.
Surāmerayavaggo chaṭṭho.
5. 7
1. Sañcicca pāṇaɱ jīvitā voropento kati āpattiyo āpajjati: sañcicca pāṇaɱ jīvitā voropento catasso āpattiyo āpajjati: anodissa opātaɱ khaṇati 'yo koci papatitvā marissatī'ti āpatti dukkaṭassa. Manusso tasmiɱ papatitvā marati, āpatti pārājikassa. Yakkho vā peto vā tiracchānagatamanussaviggaho vā tasmiɱ papatitvā marati, āpatti thullaccayassa. Tiracchānagato tasmiɱ papatitvā marati, āpatti pācittiyassa sañcicca pāṇaɱ jivitā voropento imā catasso āpattiyo āpajjati.
2. Jānaɱ sappāṇakaɱ udakaɱ paribhuñjanto dve āpattiyo āpajjati: paribhuñjati payoge dukkaṭaɱ, paribhutte āpatti pācittiyassa.
3. Jānaɱ yathādhammaɱ nihatādhikaraṇaɱ puna kammāya ukkoṭento dve āpattiyo āpajjati: ukkoṭeti payoge dukkaṭaɱ, ukkoṭite āpatti pācittiyassa.
1. Apaccuddhāraṇaɱ - machasaɱ 2. Apanidhite - machasaɱ
[BJT Page 134]
4. Bhikkhussa jānaɱ duṭṭhullaɱ āpattiɱ paṭicchādento ekaɱ āpattiɱ āpajjati: pācittiyaɱ.
5. Jānaɱ ūnavīsativassaɱ puggalaɱ upasampādento dve āpattiyo āpajjati: upasampādeti payoge dukkaṭaɱ, upasampādite āpatti pācittiyassa.
6. Jānaɱ theyyasatthena saddhiɱ saɱvidhāya ekaddhānamaggaɱ paṭipajjanto dve āpattiyo āpajjati: paṭipajjati payoge dukkaṭaɱ, paṭipanno āpatti pācittiyassa.
7. Mātugāmena saddhiɱ saɱvidhānaɱ ekaddhānamaggaɱ paṭipajjanto dve āpattiyo āpajjati: paṭipajjati payoge dukkaṭaɱ, paṭipanne āpatti pācittiyassa.
8. Pāpikāya diṭṭhiyā yāvatatiyaɱ samanubhāsiyamāno1nappaṭinissajanto dve āpattiyo āpajjati: ñattiyā dukkaṭaɱ, kammavācāpariyosāne āpatti pācittiyassa.
9. Jānaɱ tathāvādinā bhikkhunā akatānudhammena 2- taɱ diṭṭhiɱ appaṭinissaṭṭhena saddhiɱ sambhuñjanto dve āpattiyo āpajjati: sambhuñjati payoge dukkaṭaɱ, sambhutte āpatti pācittiyassa.
[page 042]
10. Jānaɱ tathā nāsitaɱ samaṇuddesaɱ upalāpento dve āpattiyo āpajjati: upalāpeti payoge dukkaṭaɱ, upalāpite āpatti pācittiyassa.
Sappāṇakavaggo sattamo.
5. 8
1. Bhikkhūhi sahadhammikaɱ vuccamāno 'na tāvāhaɱ āvuso etasmiɱ sikkhāpade sikkhissāmi, yāva na aññaɱ bhikkhuɱ viyattaɱ vinayadharaɱ paṭipucchissāmī'ti bhaṇanto dve āpattiyo āpajjati: bhaṇati payoge dukkaṭaɱ, bhaṇite āpatti pācittiyassa.
2. Vinayaɱ vivaṇṇento dve āpattiyo āpajjati: vivaṇṇeti payoge dukkaṭaɱ, vivaṇṇite āpatti pācittiyassa.
3. Mohento dve āpattiyo āpajjati: anāropite mohe moheti āpatti dukkaṭassa, āropite mohe moheti āpatti pācittiyassa.
4. Bhikkhussa kupito anattamano pahāraɱ dento dve āpattiyo āpajjati: paharati payoge dukkaṭaɱ, paharite3 āpatti pācittiyassa.
1. Samanubhāsanāya - machasaɱ
2. Akaṭānudhammena - machasaɱ 3. Pahate - machasaɱ
[BJT Page 136]
5. Bhikkhussa kupito anattamano talasattikaɱ uggiranto dve āpattiyo āpajjati: uggirati payoge dukkaṭaɱ, uggirite āpatti pācittiyassa.
6. Bhikkhuɱ amūlakena saṅghādisesena anuddhaɱsento dve āpattiyo āpajjati: anuddhaɱseti payoge dukkaṭaɱ, anuddhaɱsite āpatti pācittiyassa.
7. Bhikkhussa sañcicca kukkuccaɱ upadahanto dve āpattiyo āpajjati: upadati payoge dukkaṭaɱ, upadahite āpatti pācittiyassa.
8. Bhikkhūnaɱ bhaṇḍanajātānaɱ kalahajātānaɱ vivādāpannānaɱ upassutiɱ tiṭṭhanto dve āpattiyo āpajjati: sossāmīti gacchati āpatti dukkaṭassa, yattha ṭhito suṇāti āpatti pācittiyassa.
9. Dhammikānaɱ kammānaɱ chandaɱ datvā pacchā khīyanadhammaɱ āpajjanto dve āpattiyo āpajjati: khīyati payoge dukkaṭaɱ, khīyite āpatti pācittiyassa.
10. Saṅghe vinicchayakathāya vattamānāya chandaɱ adatvā uṭṭhāyāsanā pakkamanto dve āpattiyo āpajjati: parisāya hatthapāsaɱ vijahantassa āpatti dukkaṭassa, vijahite āpatti pācittiyassa.
11. Samaggena saṅghena cīvaraɱ datvā pacchā khīyanadhammaɱ āpajjanto dve āpattiyo āpajjati: khīyati payoge dukkaṭaɱ, khīyite āpatti pācittiyassa.
12. Jānaɱ saṅghikaɱ lābhaɱ pariṇataɱ puggalassa pariṇāmento dve āpattiyo āpajjati: pariṇāmeti payoge dukkaṭaɱ, pariṇāmite āpatti pācittiyassa.
Sahadhammikavaggo aṭṭhamo.
5. 9
1. Pubbe appaṭisaɱvidito rañño antepuraɱ pavisanto dve āpattiyo āpajjati: paṭhamaɱ pādaɱ ummāraɱ atikkāmeti āpatti dukkaṭassa, dutiyaɱ pādaɱ atikkāmeti āpatti pācittiyassa.
[page 043]
2. Rattaɱ uggaṇhanto dve āpattiyo āpajjati: gaṇhāti payoge dukkaṭaɱ, gahite āpatti pācittiyassa.
3. Santaɱ bhikkhuɱ anāpucchā vikāle gāmaɱ pavisanto dve āpattiyo āpajjati: paṭhamaɱ pādaɱ parikkhepaɱ atikkāmeti āpatti dukkaṭassa, dutiyaɱ pādaɱ atikkāmeti āpatti pācittiyassa.
[BJT Page 138]
4. Aṭṭhimaɱ vā dantamayaɱ vā visāṇamayaɱ vā sūcigharaɱ kārāpento dve āpattiyo āpajjati: kārāpeti payoge dukkaṭaɱ, kārāpite āpatti pācittiyassa.
5. Pamāṇātikkantaɱ mañcaɱ vā pīṭhaɱ vā kārāpento vā dve āpattiyo āpajjati: kārāpeti payoge dukkaṭaɱ, kārāpite āpatti pācittiyassa.
6. Mañcaɱ vā pīṭhaɱ vā tulonaddhaɱ kārāpento dve āpattiyo āpajjati: kārāpeti payoge dukkaṭaɱ, kārāpite āpatti pācittiyassa.
7. Pamāṇātikkantaɱ nisīdanaɱ kārāpento dve āpattiyo āpajjati: kārāpeti payoge dukkaṭaɱ, kārāpite āpatti pācittiyassa.
8. Pamāṇātikkantaɱ kaṇḍupaṭicchādiɱ kārāpento dve āpattiyo āpajjati: kārāpeti payoge dukkaṭaɱ, kārāpite āpatti pācittiyassa.
9. Pamāṇātikkantaɱ vassikapāṭikaɱ kārāpento dve āpattiyo āpajjati: kārāpeti payoge dukkaṭaɱ, kārāpite āpatti pācittiyassa.
10. Sugatacīvarappamāṇaɱ cīvaraɱ kārāpento kati āpattiyo āpajjati: sugatacīvarappamāṇaɱ cīvaraɱ kārāpento dve āpattiyo āpajjati: kārāpeti payoge dukkaṭaɱ, kārāpite āpatti pācittiyassa. Sugatacīvarappamāṇaɱ cīvaraɱ kārāpento imā dve āpattiyo āpajjati.
Rājavaggo navamo.
Dve navuti pācittiyā niṭṭhitā
2. 6
Pāṭidesanīyakaṇḍo
1. Aññātikāya bhikkhuniyā antaragharaɱ paviṭṭhāya hatthato khādanīyaɱ vā bhojanīyaɱ vā sahatthā paṭiggahetvā bhuñjanto kati āpattiyo āpajjati: aññātikāya bhikkhuniyā antaragharaɱ paviṭṭhāya hatthato khādanīyaɱ vā bhojanīyaɱ vā sahatthā paṭiggahetvā bhuñjanto dve āpattiyo āpajjati: bhuñjissāmiti paṭigaṇhāti āpatti dukkaṭassa, ajjhohāre ajjhohāre āpatti pāṭidesanīyassa. Aññātikāya bhikkhuniyā antaragharaɱ paviṭṭhāya hatthato khādanīyaɱ vā bhojanīyaɱ vā sahatthā paṭiggahetvā bhuñjanto imā dve āpattiyo āpajjati.
[BJT Page 140]
2. Bhikkhuniyā vosāsantiyā na nivāretvā bhuñjanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pāṭidesanīyassa.
3. Sekhasammatesu kulesu khādanīyaɱ vā bhojanīyaɱ vā sahatthā paṭiggahetvā bhuñjanto dve āpattiyo āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pāṭidesanīyassa.
4. Āraññakesu senāsanesu pubbe appaṭisaɱviditaɱ khādanīyaɱ vā bhojanīyaɱ vā ajjhārāme sahatthā paṭiggahetvā bhuñjanto kati āpattiyo āpajjati: āraññakesu senāsanesu pubbe appaṭisaɱviditaɱ khādanīyaɱ vā bhojanīyaɱ vā ajjhārāme sahatthā paṭiggahetvā bhuñjanto dve āpattiyo [page 044] āpajjati: bhuñjissāmīti paṭigaṇhāti āpatti dukkaṭassa, ajjhohāre ajjhohāre āpatti pāṭidesanīyassa. Āraññakesu senāsanesu pubbe appaṭisaɱviditaɱ khādanīyaɱ vā bhojanīyaɱ vā ajjhārāme sahatthā paṭiggahetvā bhuñjanto imā dve āpattiyo āpajjati.
Cattāro pāṭidesanīyā niṭṭhitā.
2. 7
Sekhiyā
7. 1
1. Anādariyaɱ paṭicca purato vā pacchato vā olambento nivāsento kati āpattiyo āpajjati: anādariyaɱ paṭicca purato vā pacchato vā olambento nivāsento ekaɱ āpattiɱ āpajjati: dukkaṭaɱ. Anādariyaɱ paṭicca purato vā pacchato vā olambento nivāsento imaɱ ekaɱ āpattiɱ āpajjati.
2. Anādariyaɱ paṭicca purato vā pacchato vā olambento pārupanto ekaɱ āpattiɱ āpajjati: dukkaṭaɱ.
3. Anādariyaɱ paṭicca kāyaɱ vivaritvā antaraghare gacchanto ekaɱ āpattiɱ āpajjati: dukkaṭaɱ.
4. Anādariyaɱ paṭicca kāyaɱ vivaritvā antaraghare nisīdanto ekaɱ āpattiɱ āpajjati: dukkaṭaɱ.
5. Anādariyaɱ paṭicca hatthaɱ vā pādaɱ vā kīḷāpento antaraghare gacchanto ekaɱ āpattiɱ āpajjati: dukkaṭaɱ.
6. Anādariyaɱ paṭicca hatthaɱ vā pādaɱ vā kīḷāpento antaraghare nisīdanto ekaɱ āpattiɱ āpajjati: dukkaṭaɱ.
[BJT Page 142] .
7. Anādariyaɱ paṭicca tahaɱ tahaɱ olokento antaraghare gacchanto ekaɱ āpattiɱ āpajjati: dukkaṭaɱ.
8. Anādariyaɱ paṭicca tahaɱ tahaɱ olokento antaraghare nisīdanto ekaɱ āpattiɱ āpajjati: dukkaṭaɱ.
9. Anādariyaɱ paṭicca ukkhittakāya antaraghare gacchanto ekaɱ āpattiɱ āpajjati: dukkaṭaɱ.
10. Anādariyaɱ paṭicca ukkhittakāya antaraghare nisīdanto ekaɱ āpattiɱ āpajjati: dukkaṭaɱ.
Parimaṇḍalavaggo paṭhamo.
7. 2
1. Anādariyaɱ paṭicca ujjagghikāya antaraghare gacchanto ekaɱ āpattiɱ āpajjati: dukkaṭaɱ.
2. Anādariyaɱ paṭicca ujjagghikāya antaraghare nisīdanto ekaɱ āpattiɱ āpajjati: dukkaṭaɱ.
3. Anādariyaɱ paṭicca uccāsaddaɱ mahāsaddaɱ karonto antaraghare gacchanto ekaɱ āpattiɱ āpajjati: dukkaṭaɱ.
4. Anādariyaɱ paṭicca uccāsaddaɱ mahāsaddaɱ karonto antaraghare nisīdanto ekaɱ āpattiɱ āpajjati: dukkaṭaɱ.
5. Anādariyaɱ paṭicca kāyappacālakaɱ antaraghare gacchanto ekaɱ āpattiɱ āpajjati: dukkaṭaɱ.
6. Anādariyaɱ paṭicca kāyappacālakaɱ antaraghare nisīdanto ekaɱ āpattiɱ āpajjati: dukkaṭaɱ.
7. Anādariyaɱ paṭicca bāhuppacālakaɱ antaraghare gacchanto ekaɱ āpattiɱ āpajjati: dukkaṭaɱ.
8. Anādariyaɱ paṭicca bāhuppacālakaɱ antaraghare nisīdanto ekaɱ āpattiɱ āpajjati: dukkaṭaɱ.
9. Anādariyaɱ paṭicca sīsappacālakaɱ antaraghare gacchanto ekaɱ āpattiɱ āpajjati: dukkaṭaɱ.
10. Anādariyaɱ paṭicca sīsappacālakaɱ antaraghare nisīdanto ekaɱ āpattiɱ āpajjati: dukkaṭaɱ.
Ujjagghikavaggo dutiyo.
[BJT Page 144]
7. 3
1. Anādariyaɱ paṭicca khambhakato antaraghare gacchanto ekaɱ āpattiɱ āpajjati: dukkaṭaɱ.
2. Anādariyaɱ paṭicca khambhakato antaraghare nisīdanto ekaɱ āpattiɱ āpajjati: dukkaṭaɱ.
3. Anādariyaɱ paṭicca oguṇṭhito antaraghare gacchanto ekaɱ āpattiɱ āpajjati: dukkaṭaɱ.
4. Anādariyaɱ paṭicca oguṇṭhito antaraghare nisīdanto ekaɱ āpattiɱ āpajjati: dukkaṭaɱ.
5. Anādariyaɱ paṭicca ukkuṭikāya antaraghare gacchanto ekaɱ āpattiɱ āpajjati: dukkaṭaɱ.
6. Anādariyaɱ paṭicca pallatthikāya antaraghare nisīdanto ekaɱ āpattiɱ āpajjati: dukkaṭaɱ.
7. Anādariyaɱ paṭicca asakkaccaɱ piṇḍapātaɱ paṭigaṇhanto ekaɱ āpattiɱ āpajjati: dukkaṭaɱ.
[page 045]
8. Anādariyaɱ paṭicca tahaɱ tahaɱ olokento piṇḍapātaɱ paṭigaṇhanto ekaɱ āpattiɱ āpajjati: dukkaṭaɱ.
9. Anādariyaɱ paṭicca sūpaññeva bahuɱ paṭigaṇhanto ekaɱ āpattiɱ āpajjati: dukkaṭaɱ.
10. Anādariyaɱ paṭicca thupikataɱ piṇḍapātaɱ paṭigaṇhanto ekaɱ āpattiɱ āpajjati: dukkaṭaɱ. Khambhakatavaggo tatiyo.
7. 4
1. Anādariyaɱ paṭicca asakkaccaɱ piṇḍapātaɱ bhuñjanto ekaɱ āpattiɱ āpajjati: dukkaṭaɱ.
2. Anādariyaɱ paṭicca tahaɱ tahaɱ olokento piṇḍapātaɱ bhuñjanto ekaɱ āpattiɱ āpajjati: dukkaṭaɱ.
3. Anādariyaɱ paṭicca tahaɱ tahaɱ omasitvā piṇḍapātaɱ bhuñjanto ekaɱ āpattiɱ āpajjati: dukkaṭaɱ.
4. Anādariyaɱ paṭicca supaññeva bahuɱ bhuñjanto ekaɱ āpattiɱ āpajjati: dukkaṭaɱ.
5. Anādariyaɱ paṭicca thūpakato omadditvā piṇḍapātaɱ bhuñjanto ekaɱ āpattiɱ āpajjati: dukkaṭaɱ.
6. Anādariyaɱ paṭicca sūpaɱ vā byañjanaɱ vā odanena paṭicchādento ekaɱ āpattiɱ āpajjati: dukkaṭaɱ.
[BJT Page 146]
7. Anādariyaɱ paṭicca sūpaɱ vā odanaɱ vā agilāno attano atthāya viññāpetvā bhuñjanto ekaɱ āpattiɱ āpajjati: dukkaṭaɱ.
8. Anādariyaɱ paṭicca ujjhānasaññī paresaɱ pattaɱ olokento ekaɱ āpattiɱ āpajjati: dukkaṭaɱ.
9. Anādariyaɱ paṭicca mahantaɱ kabalaɱ karonto ekaɱ āpattiɱ āpajjati: dukkaṭaɱ.
10. Anādariyaɱ paṭicca dīghaɱ ālopaɱ karonto ekaɱ āpattiɱ āpajjati: dukkaṭaɱ.
Piṇḍapātavaggo catuttho.
7. 5
1. Anādariyaɱ paṭicca anāhaṭe kabale mukhadvāraɱ vivaranto ekaɱ āpattiɱ āpajjati: dukkaṭaɱ.
2. Anādariyaɱ paṭicca bhuñjamāno sabbaɱ hatthaɱ mukhe pakkhipanto ekaɱ āpattiɱ āpajjati: dukkaṭaɱ.
3. Anādariyaɱ paṭicca sakabalena mukhena byaharanto ekaɱ āpattiɱ āpajjati: dukkaṭaɱ.
4. Anādariyaɱ paṭicca piṇḍukkhepakaɱ bhuñjanto ekaɱ āpattiɱ āpajjati: dukkaṭaɱ.
5. Anādariyaɱ paṭicca kabalāvacchedakaɱ bhuñjanto ekaɱ āpattiɱ āpajjati: dukkaṭaɱ.
6. Anādariyaɱ paṭicca avagaṇḍakārakaɱ bhuñjanto ekaɱ āpattiɱ āpajjati: dukkaṭaɱ.
7. Anādariyaɱ paṭicca hatthaniddhunakaɱ bhuñjanto ekaɱ āpattiɱ āpajjati: dukkaṭaɱ.
8. Anādariyaɱ paṭicca sitthāvakārakaɱ bhuñjanto ekaɱ āpattiɱ āpajjati: dukkaṭaɱ.
9. Anādariyaɱ paṭicca jivhānicchārakaɱ bhuñjanto ekaɱ āpattiɱ āpajjati: dukkaṭaɱ.
10. Anādariyaɱ paṭicca capucapukārakaɱ bhuñjanto ekaɱ āpattiɱ āpajjati: dukkaṭaɱ.
Kabalavaggo pañcamo.
[BJT Page 148]
7. 6
1. Anādariyaɱ paṭicca surusurukārakaɱ bhuñjanto ekaɱ āpattiɱ āpajjati: dukkaṭaɱ.
2. Anādariyaɱ paṭicca hatthanillehakaɱ bhuñjanto ekaɱ āpattiɱ āpajjati: dukkaṭaɱ.
3. Anādariyaɱ paṭicca pattanillehakaɱ bhuñjanto ekaɱ āpattiɱ āpajjati: dukkaṭaɱ.
4. Anādariyaɱ paṭicca oṭṭhanillehakaɱ bhuñjanto ekaɱ āpattiɱ āpajjati: dukkaṭaɱ.
5. Anādariyaɱ paṭicca sāmisena hatthena pānīyathālakaɱ paṭigaṇhanto ekaɱ āpattiɱ āpajjati: dukkaṭaɱ.
[page 046]
6. Anādariyaɱ paṭicca sasitthakaɱ pattadhovanaɱ antaraghare chaḍḍento ekaɱ āpattiɱ āpajjati: dukkaṭaɱ.
7. Anādariyaɱ paṭicca chattapāṇissa dhammaɱ desento ekaɱ āpattiɱ āpajjati: dukkaṭaɱ.
8. Anādariyaɱ paṭicca daṇḍapāṇissa dhammaɱ desento ekaɱ āpattiɱ āpajjati: dukkaṭaɱ.
9. Anādariyaɱ paṭicca satthapāṇissa dhammaɱ desento ekaɱ āpattiɱ āpajjati: dukkaṭaɱ.
10. Anādariyaɱ paṭicca āyudhapāṇissa dhammaɱ desento ekaɱ āpattiɱ āpajjati: dukkaṭaɱ.
Surusuruvaggo chaṭṭho.
7. 7
1. Anādariyaɱ paṭicca pādukārūḷhassa dhammaɱ desento ekaɱ āpattiɱ āpajjati: dukkaṭaɱ.
2. Anādariyaɱ paṭicca upāhanārūḷhassa dhammaɱ desento ekaɱ āpattiɱ āpajjati: dukkaṭaɱ.
3. Anādariyaɱ paṭicca yānagatassa dhammaɱ desento ekaɱ āpattiɱ āpajjati: dukkaṭaɱ.
4. Anādariyaɱ paṭicca sayanagatassa dhammaɱ desento ekaɱ āpattiɱ āpajjati: dukkaṭaɱ.
5. Anādariyaɱ paṭicca pallatthikāya nisinnassa dhammaɱ desento ekaɱ āpattiɱ āpajjati: dukkaṭaɱ.
6. Anādariyaɱ paṭicca veṭhitasīsassa dhammaɱ desento ekaɱ āpattiɱ āpajjati: dukkaṭaɱ.
[BJT Page 150]
7. Anādariyaɱ paṭicca oguṇṭhitasīsassa dhammaɱ desento ekaɱ āpattiɱ āpajjati: dukkaṭaɱ.
8. Anādariyaɱ paṭicca chamāya nisīditvā āsane nisinnassa dhammaɱ desento ekaɱ āpattiɱ āpajjati: dukkaṭaɱ.
9. Anādariyaɱ paṭicca nīce āsane nisīditvā ucce āsane nisinnassa dhammaɱ desento ekaɱ āpattiɱ āpajjati: dukkaṭaɱ.
10. Anādariyaɱ paṭicca ṭhito nisinnassa dhammaɱ desento ekaɱ āpattiɱ āpajjati: dukkaṭaɱ.
11. Anādariyaɱ paṭicca pacchato gacchanto purato gacchantassa dhammaɱ desento ekaɱ āpattiɱ āpajjati: dukkaṭaɱ.
12. Anādariyaɱ paṭicca uppathena gacchanto pathena gacchantassa dhammaɱ desento ekaɱ āpattiɱ āpajjati: dukkaṭaɱ.
13. Anādariyaɱ paṭicca ṭhito uccāraɱ vā passāvaɱ vā karonto ekaɱ āpattiɱ āpajjati: dukkaṭaɱ.
14. Anādariyaɱ paṭicca harite uccāraɱ vā passāvaɱ vā kheḷaɱ vā karonto ekaɱ āpattiɱ āpajjati: dukkaṭaɱ.
15. Anādariyaɱ paṭicca udake uccāraɱ vā passāvaɱ vā kheḷaɱ vā karonto kati āpattiyo āpajjati: anādariyaɱ paṭicca udake uccāraɱ vā passāvaɱ vā kheḷaɱ vā karonto ekaɱ āpattiɱ āpajjati: dukkaṭaɱ. Anādariyaɱ paṭicca udake uccāraɱ vā passāvaɱ vā kheḷaɱ vā karonto imaɱ ekaɱ āpattiɱ āpajjati.
Pādukāvaggo sattamo
Sekhiyā niṭṭhitā.
Katāpatativāro niṭṭhito dutiyo
[BJT Page 152]
3. Vipattivāro
1. Methunaɱ dhammaɱ paṭisevantassa āpattiyo catunnaɱ vipattīnaɱ kati vipattiyo bhajanti: methunaɱ dhammaɱ paṭisevantassa āpattiyo catunnaɱ vipattīnaɱ dve vipattiyo bhajanti: siyā sīlavipatti, siyā ācāravipatti - pe -
2. Anādariyaɱ paṭicca udake uccāraɱ vā passāvaɱ vā kheḷaɱ vā karontassa āpatti catunnaɱ vipattīnaɱ kati vipattiyo bhajati: anādariyaɱ paṭicca udake uccāraɱ vā passāvaɱ vā kheḷaɱ vā karontassa āpatti catunnaɱ vipattīnaɱ ekaɱ vipattiɱ bhajati: ācāravipattiɱ.
Vipattivāro niṭṭhito tatiyo.
4. Saṅgahitavāro
1. Methunaɱ dhammaɱ paṭisevantassa āpattiyo sattannaɱ āpattikkhandhānaɱ katīhi āpattikkhandhehi saṅgahītā: methunaɱ dhammaɱ paṭisevantassa āpattiyo sattannaɱ āpattikkhandhānaɱ tīhi āpattikkhandhehi saṅgahītā: siyā pārājikapattikkhandhena, siyā thullaccayāpattikkhandhena, siyā dukkaṭāpattikkhandhena - pe -
[page 047]
2. Anādariyaɱ paṭicca udake uccāraɱ vā passāvaɱ vā kheḷaɱ vā karontassa āpatti sattannaɱ āpattikkhandhānaɱ katīhi āpattikkhandhehi saṅgahītā: anādariyaɱ paṭicca udake uccāraɱ vā passāvaɱ vā kheḷaɱ vā karontassa āpatti sattannaɱ āpattikkhandhānaɱ ekena āpattikkhandhena saṅgagītā: dukkaṭāpattikkhandhena
Saṅgahitavāro niṭṭhito catuttho.
[BJT Page 154]
5. Samuṭṭhānavāro
1. Methunaɱ dhammaɱ paṭisevantassa āpattiyo channaɱ āpatti samuṭṭhānānaɱ katīhi samuṭṭhānehi samuṭṭhahanti: methunaɱ dhammaɱ paṭisevantassa āpattiyo channaɱ āpattikkhandhānaɱ ekena samuṭṭhānena samuṭṭhahanti 1- kāyato cittato ca samuṭṭhahanti, na vācato - pe -
2. Anādariyaɱ paṭicca udake uccāraɱ vā passāvaɱ vā kheḷaɱ vā karontassa āpatti channaɱ āpattisamuṭṭhānaɱ katīhi samuṭṭhānehi samuṭṭhāti: anādariyaɱ paṭicca udake uccāraɱ vā passāvaɱ vā kheḷaɱ vā karontassa āpatti channaɱ āpattisamuṭṭhānaɱ ekena samuṭṭhānena samuṭṭhāti: kāyato ca cittato ca samuṭṭhāti: na vācato
Samuṭṭhānavāro niṭṭhito pañcamo.
6. Adhikaraṇavāro
1. Methunaɱ dhammaɱ paṭisevantassa āpattiyo catunnaɱ adhikaraṇānaɱ katamaɱ adhikaraṇaɱ: methunaɱ dhammaɱ paṭisevantassa āpattiyo catunnaɱ adhikaraṇānaɱ āpattādhikaraṇaɱ - pe -
2. Anādariyaɱ paṭicca udake uccāraɱ vā passāvaɱ vā kheḷaɱ vā karontassa āpatti catunnaɱ adhikaraṇānaɱ katamaɱ adhikaraṇaɱ: anādariyaɱ paṭicca udake uccāraɱ vā passāvaɱ vā kheḷaɱ vā karontassa āpatti catunnaɱ adhikaraṇānaɱ āpattādhikaraṇaɱ
Adhikaraṇavāro niṭṭhito chaṭṭho.
1. Samuṭṭhanti - machasaɱ
[BJT Page 156]
7. Samathavāro
1. Methunaɱ dhammaɱ paṭisevantassa āpattiyo sattannaɱ samathānaɱ katīhi samathehi sammanti: methunaɱ dhammaɱ paṭisevantassa āpattiyo sattannaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca. Siyā sammukhāvinayena ca tiṇavatthārakena ca - pe -
2. Anādariyaɱ paṭicca udake uccāraɱ vā passāvaɱ vā kheḷaɱ vā karontassa āpatti sattannaɱ samathānaɱ katīhi samathehi sammati: anādariyaɱ paṭicca udake uccāraɱ vā passāvaɱ vā kheḷaɱ vā karontassa āpatti sattannaɱ samathānaɱ tīhi samathehi sammati: siyā sammukhāvinayena ca, paṭiññātakaraṇena ca, siyā sammukhāvinayena ca tiṇavatthārakena ca.
Samathavāro niṭṭhito sattamo.
. 2[BJT Page 158]
8. Samuccayavāro
1. Methunaɱ dhammaɱ paṭisevantassa kati āpattiyo āpajjati: methunaɱ dhammaɱ paṭisevanto tisso āpattiyo āpajjati: akkhayite 1sarīre methunaɱ dhammaɱ paṭisevati, āpatti pārājikassa. Yebhuyyena khayite 2- sarīre methunaɱ dhammaɱ paṭisevati, āpatti thullaccayassa. Vattakate 3- mukhe [page 048] acchupantaɱ aṅgajātaɱ paveseti, āpatti dukkaṭassa. Methunaɱ dhammaɱ paṭisevanto imā tisso āpattiyo āpajjati.
Tā āpattiyo catunnaɱ vipattīnaɱ kati vipattiyo bhajanti: sattannaɱ āpattikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti.
Tā āpattiyo catunnaɱ vipattīnaɱ dve vipattiyo bhajanti: siyā silavipattiɱ siyā ācāravipattiɱ sattannaɱ āpattikkhandhānaɱ tīhi āpattikkhandhehi saṅgahītā: siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena. Channaɱ āpattisamuṭṭhānānaɱ ekena samuṭṭhānena samuṭṭhahanti: kāyato ca cittato ca samuṭṭhahanti, na vācato catunnaɱ adhikaraṇānaɱ āpattādhikaraṇaɱ; sattannaɱ samathānaɱ tīhi samathehi sammanti siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca - pe -
2. Anādariyaɱ paṭicca udake uccāraɱ vā passāvaɱ vā kheḷaɱ vā karonto kati āpattiyo āpajjati: anādariyaɱ paṭicca udake uccāraɱ vā passāvaɱ vā kheḷaɱ vā karonto ekaɱ āpattiɱ āpajjati: dukkaṭaɱ. Anādariyaɱ paṭicca udake uccāraɱ vā passāvaɱ vā kheḷaɱ vā karonto imaɱ ekaɱ āpattiɱ āpajjati.
Sā āpatti catunnaɱ vipattīnaɱ kati vipattiyo bhajati: sattannaɱ āpattikkhandhānaɱ katīhi āpattikkhandhehi saṅgahītā channaɱ āpattisamuṭṭhānānaɱ katīhi samuṭṭhānehi samuṭṭhāti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammati: sā āpatti catunnaɱ vipattīnaɱ ekaɱ vipattiɱ bhajati:
1. Akkhāyite - machasaɱ 2. Khāyite - machasaɱ
3. Vaṭṭakate - machasaɱ
[BJT Page 160]
Ācāravipattiɱ sattannaɱ āpattikkhandhānaɱ ekena āpattikkhandhena saṅgahītā, dukkaṭāpattikkhandhena. Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato catunnaɱ adhikaraṇānaɱ āpattādhikaraṇaɱ. Sattannaɱ samathānaɱ tīhi samathehi sammati: siyā sammukhāvinayena ca paṭiññāta karaṇena ca, siyā sammukhāvinayena ca tiṇavatthārakena ca.
Samuccayavāro niṭṭhito aṭṭhamo.
Ime aṭṭhavāro sajjhāyanāmaggena 1- likhitā.
Tassuddānaɱ:
Kattha paññatti kati ca vipatti saṅgahena ca,
Samuṭṭhānādhikaraṇā samatho samuccayena cāti.
1. Sajjhāya magge - machasaɱ
[BJT Page 162]
9. Katthapaññattivāro
9.1
1. Yaɱ tena bhagavatā jānatā passatā arahatā sammāsambuddhena methunaɱ dhammaɱ paṭisevanapaccayā pārājikaɱ kattha paññattaɱ, kaɱ ārabbha, kismiɱ vatthusmiɱ, atthi tattha paññatti, anupaññatti, anupannapaññatti, sabbattha paññatti, padesapaññatti, sādhāraṇapaññatti, asādhāraṇapaññatti, ekato paññatti, ubhato paññatti, pañcannaɱ pātimokkhuddesānaɱ katthogadhaɱ, kattha pariyāpannaɱ, katamena uddesena uddesaɱ āgacchati, catunnaɱ vipattīnaɱ katamā vipatti. Sattannaɱ āpattikkhandhānaɱ katamo āpattikkhandho, channaɱ āpattisamuṭṭhānānaɱ katīhi samuṭṭhānehi samuṭṭhāti, catunnaɱ adhikaraṇānaɱ katamaɱ adhikaraṇaɱ, sattannaɱ samathānaɱ katīhi samathehi sammati. Ko tattha vinayo, ko tattha abhivinayo, kiɱ tattha pātimokkhaɱ, kiɱ tattha adhipātimokkhaɱ, kā vipatti, kā sampatti, kā paṭipatti, kati atthavase paṭicca bhagavatā paṭhamaɱ pārājikaɱ paññattaɱ, ke sikkhanti, ke sikkhitasikkhā, kattha ṭhitaɱ, ke dhārenti, kassa vacanaɱ, kenābhatanti:
Yaɱ tena bhagavatā jānatā passatā arahatā sammāsambuddhena methunaɱ dhammaɱ paṭisevanapaccayā [page 049] pārājikaɱ kattha paññattanti: vesāliyaɱ paññattaɱ. Kaɱ ārabbhāti: sudinnaɱ kalandaputtaɱ ārabbha kismiɱ vatthusminti: sudinno kalandaputto purāṇadutisikāya methunaɱ dhammaɱ paṭisevi. Tasmiɱ vatthusmiɱ atthi tattha paññatti, anupaññatti, anuppannapaññatti ekā paññatiti, dve anupaññattiyo. Anuppannapaññatti tasmiɱ natthi. Sabbattha paññatti padesapaññattiti: sabbattha paññatti. Sādhāraṇapaññatti asādhāraṇa paññatti: sādhāraṇapaññati. Ekato paññati ubhato paññattīti: ubhato paññatti. Pañcannaɱ pātimokkhuddesānaɱ katthogadhaɱ, kattha pariyāpannanti: nidānogadhaɱ nidānapariyāpannaɱ. Katame uddesena uddesaɱ āgacchatīti: dutiyena uddesena uddesaɱ āgacchati. Catunnaɱ vipattīnaɱ katamā vipattīti: sīlavipatti. Sattannaɱ āpattikkhandhānaɱ katamo āpattikkhandhoti: pārājikāpattikkhandho. Channaɱ āpattisamuṭṭhānānaɱ katīhi samuṭṭhānehi samuṭṭhātīti: ekena samuṭṭhānena samuṭṭhāti, kāyato ca cittato ca samuṭṭhāti, na vācato. Catunnaɱ adhikaraṇānaɱ katamaɱ adhikaraṇanti: āpattādhikaraṇaɱ sattannaɱ samathānaɱ katīhi samathehi sammatīti dvīhi samathehi sammati: sammukhāvinayona ca paṭiññātakaraṇena ca. Ko tattha vinayo ko tattha abhivinayoti: paññatti vinayo, vibhatti abhivinayo. Kiɱ tattha pātimokkhaɱ kiɱ tattha adhipātimokkhanti: paññatti pātimokkhaɱ, vibhatti adhipāmokkhaɱ kā vipattīti: asaɱvaro vipatti. Kā sampattiti: saɱvaro sampatti. Kāpaṭipattiti: na evarūpaɱ karissāmiti yāvajīvaɱ āpāṇakoṭikaɱ samādāya sikkhati sikkhāpadesu. Kati atthavase paṭicca bhagavatā paṭhamaɱ pārājikaɱ paññattanti: dasa atthavase paṭicca bhagavatā paṭhamaɱ pārājikaɱ paññattaɱ: saṅghasuṭṭhutāya, saṅghaphāsutāya, dummaṅkūnaɱ puggalānaɱ niggahāya, pesalānaɱ bhikkhūnaɱ phāsuvihārāya, diṭṭhadhammikānaɱ āsavānaɱ saɱvarāya, samparāyikānaɱ āsavānaɱ paṭighātāya, appasannānaɱ pasādāya, pasannānaɱ bhiyyobhāvāya, saddhammaṭṭhitiyā, vinayānuggahāya. Ke sikkhantīti: sekhā ca puthujjanakalyāṇakā ca sikkhanti. Ke sikkhitasikkhāti arahanto sikkhitasikkhā. Kattha ṭhitanti: sikkhā kāmesu ṭhitaɱ
Ke dhārentīti yesaɱ vattati te dhārenti.
Kassa vacananti: bhagavato vacanaɱ arahato sammāsambuddhassa.
Kenābhatanti: paramparābhataɱ.
" Upāli dāsako ceva soṇako siggavo tathā,
Moggaliputtena pañcamā ete jambusirivhaye.
Tato mahindo iṭṭhiyo uttiyo ceva sambalo
Bhaddanāmo ca paṇḍito,
Ete nāgā mahāpaññā jambudipā idhāgatā.
Vinayaɱ te vācayiɱsu piṭakaɱ tambapaṇṇiyā,
Nikāye pañca vācesuɱ satta ceva pakaraṇe
Tato ariṭṭho medhāvi tissadatto ca paṇḍito
Visārado kāḷasumano thero ca dīghanāmako,
Dīghusumano ca paṇḍito.
Punadeva kāḷasumano nāgatthero ca buddharakkhito,
Tissatthero ca medhāvi devatthero ca paṇḍito.
Punadeva sumano medhāvi vinaye ca visārado,
Bahussuto cuḷanāgo gajo ca duppadhaɱsiyo.
Dhammapāgitanāmo ca rohaṇo sādhupūjito,
Tassa sisso mahāpañño khemanāmo tipeṭako,
Dīpe tārakarājāva paññāya
Atirocatha.
Upatisso ca medhāvi phussadevo mahākathī
Punadve sumano medhāvī pupphanāmo bahussuto.
Mahākathi mahāsīvo piṭake sabbattha kovido,
Punadeva upāli medhāvi vinaye ca visārado.
Mahānāgo mahāpañño saddhammavaɱsakovido,
Punadeva abhayo medhāvi piṭake sabbattha kovido.
Tissatthero ca medhāvi vinaye ca visārado,
Tassa sisso mahāpañño pupphanāmo bahussuto,
Sāsanaɱ anurakkhanto jambudīpe patiṭṭhito
Cuḷābhayo ca medhāvi vinaye ca visārado,
Tissatthero ca medhāvi saddhammavaɱsakovido.
Phussadevo ca medhāvi vinaye ca visārado,
Sīvattheroca medhāvi vinaye sabbattha kovido.
Te nāgā mahāpaññā vinayaññū maggakovidā,
Vinayaɱ dīpe pakāsesuɱ piṭakaɱ tambapaṇṇiyāti.
2. Yaɱ tena bhagavatā - pe - adinnaɱ ādiyanapaccayā pārājikaɱ kattha paññattanti: rājagahe paññattaɱ. Kaɱ ārabbhāti: dhaniyaɱ kumbhakāraputtaɱ ārabbha kismiɱ vatthusminti: dhaniyo kumbhakāraputto rañño dārūni adinnāni ādiyi, tasmiɱ vatthusmiɱ ekā paññatti, ekā anupaññatti. Channaɱ āpattisamuṭṭhānānaɱ tīhi samuṭṭhānehi samuṭṭhātīti: tīhī samuṭṭhānehi samuṭṭhāti, siyā kāyato ca cittato ca samuṭṭhāti, na vācato. Siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti - pe -
1. Adinnaɱ - machasaɱ
[BJT Page 164]
3. Sañcicca manussaviggahaɱ jīvitā voropanapaccayā pārājikaɱ kattha paññattanti: vesāliyaɱ paññattaɱ. Kaɱ ārabbhāti: sambahule bhikkhū ārabbha. Kismiɱ vatthusminti: sambahulā bhikkhū aññamaññaɱ jīvitā voropesuɱ, tasmiɱ vatthusmiɱ ekā paññatti. Ekā anupaññatti channaɱ āpattisamuṭṭhānānaɱ tīhi samuṭṭhānehi samuṭṭhātīti: ekena samuṭṭhānena samuṭṭhāti, kāyato ca cittato ca samuṭṭhāti, na vācato. Catunnaɱ adhikaraṇānaɱ katamaɱ adhikaraṇanti: āpattādhikaraṇaɱ sattannaɱ samathānaɱ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca. Ko tattha vinayo ko tattha abhivinayoti: paññatti vinayo, vibhatti abhivinayo. Kiɱ tattha pātimokkhaɱ kiɱ tattha adhipātimokkhanti: paññatti pātimokkhaɱ, vibhatti adhipāmokkhaɱ kā vipattīti: asaɱvaro vipatti. Kā sampattiti: saɱvaro sampatti. Kāpaṭipattiti: na evarūpaɱ karissāmiti yāvajīvaɱ āpāṇakoṭikaɱ samādāya sikkhati sikkhāpadesu. Kati atthavase paṭicca bhagavatā paṭhamaɱ pārājikaɱ paññattanti: dasa atthavase paṭicca bhagavatā paṭhamaɱ pārājikaɱ paññattaɱ: saṅghasuṭṭhutāya, saṅghaphāsutāya, dummaṅkuna puggalānaɱ niggabhāya, pesalānaɱ bhikkhūnaɱ phāsuvihārāya, diṭṭhadhammikānaɱ āsavānaɱ saɱvarāya, samparāyikānaɱ āsavānaɱ paṭighātāya, appasannānaɱ pasādāya, pasannānaɱ bhiyyobhāvāya, saddhammaṭṭhitiyā, vinayānuggahāya. Ke sikkhantīti: sekhā ca puthujjanakalyāṇakā ca sikkhanti. Ke sikkhitasikkhāti arahanto sikkhitasikkhā. Kattha ṭhitanti: sikkhā kāmesu ṭhitaɱ
Ke dhārentīti yesaɱ vattati te dhārenti.
Kassa vacananti: bhagavato vacanaɱ arahato sammāsambuddhassa.
Kenābhatanti: paramparābhataɱ.
" Upāli dāsako ceva soṇako siggavo tathā,
Moggaliputtena pañcamā ete jambusirivhaye.
Tato mahindo iṭṭhiyo uttiyo ceva sambalo
Bhaddanāmo ca paṇḍito,
Ete nāgā mahāpaññā jambudipā idhāgatā.
Vinayaɱ te vācayiɱsu piṭakaɱ tambapaṇṇiyā,
Nikāye pañca vācesuɱ satta ceva pakaraṇe
Tato ariṭṭho medhāvi tissadatto ca paṇḍito
Visārado kāḷasumano thero ca dīghanāmako,
Dīghusumano ca paṇḍito.
Punadeva kāḷasumano nāgatthero ca buddharakkhito,
Tissatthero ca medhāvi devatthero ca paṇḍito.
Punadeva sumano medhāvi vinaye ca visārado,
Bahussuto cūḷanāgo gajo ca duppadhaɱsiyo.
Dhammapāgitanāmo ca rohaṇo sādhupūjito,
Tassa sisso mahāpañño khemanāmo tipeṭako,
Dīpe tārakarājāva paññāya
Atirocatha.
Upatisso ca medhāvi phussadevo mahākathī
Punadve sumano medhāvi pupphanāmo bahussuto.
Mahākathi mahāsīvo piṭake sabbattha kovido,
Punadeva upāli medhāvi vinaye ca visārado.
Mahānāgo mahāpañño saddhammavaɱsakovido,
Punadeva abhayo medhāvi piṭake sabbattha kovido.
Tissatthero ca medhāvi vinaye ca visārado,
Tassa sisso mahāpañño pupphanāmo bahussuto,
Sāsanaɱ anurakkhanto jambudīpe patiṭṭhito
Cuḷābhayo ca medhāvi vinaye ca visārado,
Tissatthero ca medhāvi saddhammavaɱsakovido.
Phussadevo ca medhāvi vinaye ca visārado,
Sīvattheroca medhāvi vinaye sabbattha kovido.
Te nāgā mahāpaññā vinayaññū maggakovidā,
Vinayaɱ dīpe pakāsesuɱ piṭakaɱ tambapaṇṇiyāti.
4. Asantaɱ abhūtaɱ uttarimanussadhammaɱ ullapanapaccayā pārājikaɱ kattha paññattanti: vesāliyaɱ paññattaɱ. Kaɱ ārabbhāti: vaggumudātiriye bhikkhū ārabbha kismiɱ vatthusminti: vaggumudātiriyā bhikkhu gihinaɱ aññamaññassa uttarimanussadhammassa vaṇṇaɱ bhāsiɱsu, tasmiɱ vatthusmiɱ ekā paññatti, ekā anupaññatti. Channaɱ āpattisamuṭṭhānānaɱ tīhi samuṭṭhānehi samuṭṭhātīti: - pe -
Cattāro pārājikā niṭṭhitā.
9. 2
Saṅghādisesakaṇḍādayo
1. Yaɱ tena bhagavatā jānatā passatā arahatā sammāsambuddhena upakkamitvā asucīɱ mocapanapaccayā saṅghādiseso kattha paññattanti: kaɱ ārabbhāti: kismiɱ vatthusminti: atthi tattha paññatti, anupaññatti, anuppannapaññatti, sabbattha paññatti, padesapaññatti, sādhāraṇapaññatti, asādhāraṇapaññatti, ekato paññatti, ubhato paññatti, pañcannaɱ pātimokkhuddesānaɱ katthogadhaɱ, kattha pariyāpannaɱ, katamena uddesena uddesaɱ āgacchati, catunnaɱ vipattinaɱkatamā vipatti. Sattannaɱ āpattikkhandhānaɱ katamo āpattikkhandho, channaɱ āpattisamuṭṭhānānaɱ katīhi samuṭṭhānehi samuṭṭhāti, catunnaɱ adhikaraṇānaɱ katamaɱ adhikaraṇaɱ, sattannaɱ samathānaɱ katīhi samathehi sammati. Ko tattha vinayo, ko tattha abhivinayo, kiɱ tattha pātimokkhaɱ, kiɱ tattha adhipātimokkhaɱ, kā vipatti, kā sampatti, kā paṭipatti, kati atthavase paṭicca bhagavatā paṭhamaɱ pārājikaɱ paññattaɱ, ke sikkhanti, ke sikkhitasikkhā, kattha ṭhitaɱ, ke dhārenti, kassa vacanaɱ, kenābhatanti:
Yaɱ tena bhagavatā jānatā passatā arahatā sammāsambuddhena upakkamitvā asucīɱ mocapanapaccayā saṅghādiseso kattha paññattoti: sāvatthiyaɱ paññatto. Kaɱ ārabbhāti: āyasmantānaɱ seyyasakaɱ ārabbha kismiɱ vatthusminti: āyasmā seyyasako upakkamitvā asuciɱ mocesi, tasmiɱ vatthusmiɱ. Atthi tattha paññatti, anupaññatti, anuppannapaññatti, ekā paññatti, ekā anupaññatti, anuppannapaññatti tasmiɱ natthi, sabbattha paññatti padesapaññatti: sabbattha paññatti, sādhāraṇapaññatti, asādhāraṇapaññatti, asādhāraṇa paññatthi, sādhāraṇapaññatti, asādhāraṇapaññattīti: asādhāraṇapaññatti, ekato paññatti ubhato paññatti: ekato paññatti pañcannaɱ pātimokkhasuddhaɱ katthogadhaɱ, kattha pariyāpannanti: nidānogadhaɱ, nidānapariyāpannaɱ katamena uddesena uddesaɱ āgacchati, tatiyena uddesaɱ āgacchati. Catunnaɱ vipattinaɱ katamā vipattīti: sattannaɱ āpattikkhandhānaɱ katamo āpattikkhandho, saṅghādisesā patimokkhandho channaɱ āpattisamuṭṭhānānaɱ katīhi samuṭṭhānehi samuṭṭhāti, ekena samuṭṭhena samuṭṭhāti: kāyato ca cittato ca samuṭṭhāti, na vācato. Catunnaɱ adhikaraṇānaɱ katamaɱ adhikaraṇanti: āpattādhikaraṇaɱ sattannaɱ samathānaɱ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca. Ko tattha vinayo ko tattha abhivinayoti: paññatti vinayo, vibhatti abhivinayo. Kiɱ tattha pātimokkhaɱ kiɱ tattha adhipātimokkhanti: paññatti pātimokkhaɱ, vibhatti adhipāmokkhaɱ kā vipattīti: asaɱvaro vipatti. Kā sampattiti: saɱvaro sampatti. Kāpaṭipattiti: na evarūpaɱ karissāmiti yāvajīvaɱ āpāṇakoṭikaɱ samādāya sikkhati sikkhāpadesu. Kati atthavase paṭicca bhagavatā paṭhamaɱ saɱghādisesaɱ paññattanti: dasa atthavase paṭicca bhagavatā paṭhamaɱ saɱghādisesaɱ paññattaɱ: saṅghasuṭṭhutāya, saṅghaphāsutāya, dummaṅkūnaɱ puggalānaɱ niggahāya, pesalānaɱ bhikkhunaɱ phāsuvihārāya, diṭṭhadhammikānaɱ āsavānaɱ saɱvarāya, samparāyikānaɱ āsavānaɱ paṭighātāya, appasannānaɱ pasādāya, pasannānaɱ bhiyyobhāvāya, saddhammaṭṭhitiyā, vinayānuggahāya. Ke sikkhantīti: sekhā ca puthujjanakalyāṇakā ca sikkhanti. Ke sikkhitasikkhāti arahanto sikkhitasikkhā. Kattha ṭhitanti: sikkhā kāmesu ṭhitaɱ ke dhārentīti yesaɱ vattati te dhārenti. Kassa vacananti: bhagavato vacanaɱ arahato sammāsambuddhassa. Kenābhatanti: paramparābhataɱ.
[BJT Page 166]
" Upāli dāsako ceva soṇako siggavo tathā,
Moggaliputtena pañcamā ete jambusirivhaye.
Tato mahindo iṭṭhiyo uttiyo ceva sambalo
Bhaddanāmo ca paṇḍito,
Ete nāgā mahāpaññā jambudipā idhāgatā.
Vinayaɱ te vācayiɱsu piṭakaɱ tambapaṇṇiyā,
Nikāye pañca vācesuɱ satta ceva pakaraṇe
Tato ariṭṭho medhāvi tissadatto ca paṇḍito
Visārado kāḷasumano thero ca dīghanāmako,
Dīghusumano ca paṇḍito.
Punadeva kāḷasumano nāgatthero ca buddharakkhito,
Tissatthero ca medhāvi devatthero ca paṇḍito.
Punadeva sumano medhāvi vinaye ca visārado,
Bahussuto cūḷanāgo gajo ca duppadhaɱsiyo.
Dhammapāgitanāmo ca rohaṇo sādhupūjito,
Tassa sisso mahāpañño khemanāmo tipeṭako,
Dīpe tārakarājāva paññāya
Atirocatha.
Upatisso ca medhāvi phussadevo mahākathī
Punadeva sumano medhāvi pupphanāmo bahussuto.
Mahākathi mahāsīvo piṭake sabbattha kovido,
Punadeva upāli medhāvi vinaye ca visārado.
Mahānāgo mahāpañño saddhammavaɱsakovido,
Punadeva abhayo medhāvi piṭake sabbattha kovido.
Tissatthero ca medhāvi vinaye ca visārado,
Tassa sisso mahāpañño pupphanāmo bahussuto,
Sāsanaɱ anurakkhanto jambudīpe patiṭṭhito
Cuḷābhayo ca medhāvi vinaye ca visārado,
Tissatthero ca medhāvi saddhammavaɱsakovido.
Phussadevo ca medhāvi vinaye ca visārado,
Sīvattheroca medhāvi vinaye sabbattha kovido.
Te nāgā mahāpaññā vinayaññū maggakovidā,
Vinayaɱ dīpe pakāsesuɱ piṭakaɱ tambapaṇṇiyāti.
2. Mātugāmena saddhiɱ kāyasaɱsaggaɱ samāpajjanapaccayā saṅghādiseso kattha paññattanti: sāvatthiyaɱ paññattaɱ. Kaɱ ārabbhāti: āyasmantaɱ udāyi ārabbha kismiɱ vatthusminti: āyasmā udāyi mātugāmena saddhiɱ kāyasaɱsaggaɱ samāpajji, tasmiɱ vatthusmiɱ ekā paññatti, channaɱ āpattisamuṭṭhānānaɱ ekena samuṭṭhānena samuṭṭhātīti: kāyato ca cittato ca samuṭṭhāti, na vācato. - Pe -
3. Mātugāmaɱ duṭṭhullāhi vācāhi obhāsanapaccayā saṅghādiseso kattha paññattanti: sāvatthiyaɱ paññatto. Kaɱ ārabbhāti: āyasmantaɱ udāyiɱ ārabbha kismiɱ vatthusminti: āyasmā udāyi mātugāmaɱ duṭṭhullāhi vācāhi obhāsi tasmiɱ vatthusmiɱ ekā paññatti. Channaɱ āpattisamuṭṭhānānaɱ tīhi samuṭṭhānehi samuṭṭhātīti: siyā kāyato ca cittato ca samuṭṭhāti, na vācato siyā vācato ca cittato ca samuṭṭhāti, kāyato na vācato. Cittato ca samuṭṭhāti. - Pe -
4. Mātugāmassa sannike attakāmapāricariyāya vaṇṇaɱ bhāsana paccā saṅghādiseso kattha paññattanti: sāvatthiyaɱ paññatto. Kaɱ ārabbhāti: āyasmantaɱ udāyiɱ ārabbha kismiɱ vatthusminti: āyasmā udāyi matugāgāmassa santike attakāmapāricariyāya vaṇṇaɱ abhāsi tasmiɱ vatthusmiɱ ekā paññatti. Channaɱ āpattisamuṭṭhānānaɱ tīhi samuṭṭhānehi samuṭṭhāti: - pe -
5. Sañcarittaɱ samāpajjanapaccayā saṅghādiseso kattha paññattoti: sāvatthiyaɱ paññattaɱ kaɱ ārabbhāti: āyasmantaɱ udāyiɱ ārabbha kismiɱ vatthusminti: āyasmā udāyi sañcarittaɱ samāpajji, tasmiɱ vatthusmiɱ ekā paññatti. Ekā anupaññatti. Channaɱ āpattisamuṭṭhānānaɱ tīhi samuṭṭhānehi samuṭṭhāti: siyā kāyato samuṭṭhāti, na vācato na cittato siyā vācato samuṭṭhāti, na kāyato na cittato siyā kāyato ca vācato ca samuṭṭhāti, na cittato. Siyā kāyato ca cittato ca samuṭṭhāti, na vācato siyā vācato ca cittato ca samuṭṭhāti, na kāyato. Siyā kāyato ca vācato ca cittato ca samuṭṭhāti - pe -
6. Saññācikāya kuṭiɱ kārāpanapaccā saṅghādiseso kattha [page 050] paññattoti: āḷaviyaɱ paññatto. Kaɱ ārabbhāti: āḷavike bhikkhū ārabbha kismiɱ vatthusminti: āḷavikā bhikkhū saññācikāya kuṭiyo kārāpesuɱ, tasmiɱ vatthusmiɱ ekā paññatti. Channaɱ āpatti samuṭṭhānānaɱ chahi samuṭṭhānehi samuṭṭhāti: - pe -
[BJT Page 168]
7. Mahallakaɱ vihārakaɱ kārāpanapaccayā saṅghādiseso kattha paññattoti: kosambiyaɱ paññatto. Kaɱ ārabbhāti: āyasmantaɱ channaɱ ārabbha kismiɱ vatthusminti: āyasmā channo vihāravatthuɱsodhento aññataraɱ cetiyarukkhaɱ chedāpesi, tasmiɱ vatthusmiɱ ekā paññatti. Channaɱ āpattisamuṭṭhānānaɱ chahi samuṭṭhānehi samuṭṭhāti: - pe -
8. Bhikkhuɱ amūlakena pārājikena dhammena anuddhaɱsanapaccayā saṅghādiseso kattha paññattoti: rājagahe paññatto. Kaɱ ārabbhāti: mettiyabhummajake bhikkhu ārabbha kismiɱ vatthusminti: mettiyabhummajakā bhikkhu āyasmantaɱ dabbaɱ malalaputtaɱ amūlakena pārājikena dhammena anuddhaɱsesuɱ, tasmiɱ vatthusmiɱ ekā paññatti. Channaɱ āpattisamuṭṭhānānaɱ tīhi samuṭṭhānehi samuṭṭhāti: - pe -
9. Bhikkhuɱ aññabhāgiyassa adhikaraṇassa kiñcidesaɱ lesamattaɱ upādāya pārājikena dhammena anuddhaɱsanapaccayā saṅghādiseso kattha paññattoti: rājagahe paññatto. Kaɱ ārabbhāti: mettiyabhummajake bhikkhū ārabbha kismiɱ vatthusminti: mettiyabhummajakā bhikkhū āyasmantaɱ dabbaɱ malalaputtaɱ aññabhāgiyassa adhikaraṇassa kiñcidesaɱ lesamattā upādāya pārājikena dhammena anuddhaɱsesuɱ, tasmiɱ vatthusmiɱ ekā paññatti. Channaɱ āpattisamuṭṭhānānaɱ tīhi samuṭṭhānehi samuṭṭhāti: - pe -
10. Saṅghabhedakassa bhikkhuno yāvatatiyaɱ samanubhāsanāya nappaṭinissajanapaccayā saṅghādiseso kattha paññattoti: rājagahe paññatto. Kaɱ ārabbhāti: devattaɱ ārabbha kismiɱ vatthusminti: devadatto samaggassa saṅghassa bhedāya parakkami. Tasmiɱ vatthusmiɱ ekā paññatti. Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -
11. Bhedakānuvattakānaɱ bhikkhūnaɱ yāvatatiyaɱ samanubhāsanāya nappaṭinissajanapaccayā saṅghādiseso kattha paññattoti: rājagahe paññatto. Kaɱ ārabbhāti: sambahule bhikkhū ārabbha kismiɱ vatthusminti: sambahulā bhikkhū devadattassa saṅghabhedāya parakkamantassa anuvattakā ahesaɱ vaggavādakā, tasmiɱ vatthusmiɱ ekā paññatti. Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -
12. Dubbacassa bhikkhuno yāvatatiyaɱ samanubhāsanāya nappaṭinissajanapaccayā saṅghādiseso kattha paññattoti: kosambiyaɱ paññatto. Kaɱ ārabbhāti: ayasmantaɱ channaɱ ārabbha kismiɱ vatthusminti: āyasmā channo bhikkhūhi sahadhammikaɱ vuccamāno attānaɱ avacanīyaɱ akāsi, tasmiɱ vatthusmiɱ ekā paññatti. Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -
[BJT Page 170]
13. Kuladusakassa bhikkhuno yāvatatiyaɱ samanubhāsanāya nappaṭinissajanapaccayā saṅghādiseso kattha paññattoti: sāvatthiyaɱ paññatto. Kaɱ ārabbhāti: assajipunabbasuke bhikkhū ārabbha kismiɱ vatthusminti: assajipunabbasukā bhikkhū saṅghena pabbājanīya kammakatā bhikkhū chandagāmitā dosagāmitā mohagāmitā bhayagāmitā pāpesuɱ, tasmiɱ vatthusmiɱ ekā paññatti. Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca vācato ca cittato ca samuṭṭhāti - pe -
14. Yaɱ tena bhagavatā jānatā passatā arahatā sammāsambuddhena anādariyaɱ paṭicca udake uccāraɱ vā passāvaɱ vā kheḷaɱ vā karaṇa paccayā dukkaṭaɱ kattha paññattanti: sāvatthiyaɱ paññattaɱ. Kaɱ ārabbhāti: chabbaggiye bhikkhū ārabbha. Kismiɱ vatthusminti: chabbaggiyā bhikkhū udake uccārampi passāvampi kheḷampi akaɱsu, tasmiɱ vatthusmiɱ ekā paññatti, ekā anupaññatti. Channaɱ āpatti samuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti na vācato - pe -
Katthapaññattivāro niṭṭhito paṭhamo.
[BJT Page 172]
10. Katāpattivāro
10.1
Pārājika kaṇeḍā
1. Methunaɱ dhammaɱ paṭisevanapaccayā kati āpattiyo [page 051] āpajjati: methunaɱ dhammaɱ paṭisevanapaccayā catasso āpattiyo āpajjati: akkhayite sarīre methunaɱ dhammaɱ paṭisevati, āpatti pārājikassa. Yebhuyyena khayite sarīre methunaɱ dhammaɱ paṭisevati, āpatti thullaccayassa. Vattakate mukhe acchupantaɱ aṅgajātaɱ paveseti, āpatti dukkaṭassa. Jatumaṭṭake 1- pācittiyaɱ. Methunaɱ dhammaɱ paṭisevanapaccayā imā catasso āpattiyo āpajjati.
2. Adinnaɱ ādiyanapaccayā kati āpattiyo āpajjati: adinnaɱ ādiyanapaccayā tisso āpattiyo āpajjati: pañcamāsakaɱ vā atirekapañcamāsakaɱ vā agghanakaɱ adinnaɱ theyyasaṅkhātaɱ ādiyati, āpatti pārājikassa. Atirekamāsakaɱ vā ūnapañcamāsakaɱ vā agghanakaɱ adinnaɱ theyyasaṅkhātaɱ ādiyati, āpatti thullaccayassa. Māsakaɱ vā ūnamāsakaɱ vā agghanakaɱ adinnaɱ theyyasaṅkhātaɱ ādiyati, āpatti dukkaṭassa. Adinnaɱ ādiyanapaccayā imā tisso āpattiyo āpajjati.
3. Sañcicca manussaviggahaɱ jīvitā voropanapaccayā kati āpattiyo āpajjati: sañcicca manussaviggahaɱ jīvitā voropana paccayā tisso āpattiyo āpajjati: manussaɱ odissa opātaɱ khaṇati papatitvā marissatīti, āpatti dukkaṭassa.Papatite dukkhā vedanā uppajjati, āpatti thullaccayassa marati, āpatti pārājikassa sañcicca manussaviggahaɱ jīvitā voropanapaccayā imā tisso āpattiyo āpajjati.
4. Asantaɱ abhūtaɱ uttarimanussadhammaɱ ullapanapaccayā kati āpattiyo āpajjati: asantaɱ abhūtaɱ uttarimanussadhammaɱ ullapanapaccayā tisso āpattiyo āpajjati.Pāpiccho icchāpakato asantaɱ abhūtaɱ uttarimanussadhammaɱ ullapati, āpatti pārājikassa. 'Yo te vihāre vasati so bhikkhu arahā'ti bhaṇati, paṭivijānantassa āpatti thullaccayassa. Nappaṭivijānantassa āpatti dukkaṭassa asantaɱ abhūtaɱ uttarimanussadhammaɱ ullapanapaccayā imā tisso āpattiyo āpajjati.
Cattāro pārājikā niṭṭhito
1. Jatumaṭṭhake - machasaɱ
[BJT Page 174]
10. 2
Saṅghādisesakaṇḍādayo.
1. Upakkamitvā asucīɱ mocanapaccayā kati āpattiyo āpajjati: upakkamitvā asuciɱ mocanapaccayā tisso āpattiyo āpajjati: ceteti upakkamati muccati, āpatti saṅghādisesassa. Ceteti upakkamati na muccati, āpatti thullaccayassa payoge dukkaṭaɱ upakkamitvā asuciɱ mocanapaccayā imā tisso āpattiyo āpajjati.
2. Kāyasaɱsaggaɱ samāpajjanapaccayā kati āpattiyo āpajjati: kāyasaɱsaggaɱ samāpajjanapaccayā pañca āpattiyo āpajjati: avassutā bhikkhunī avassutassa purisapuggalassa adhakkhakaɱ ubbhajāṇu maṇḍalaɱ gahaṇaɱ sādiyati āpatti pārājikassa bhikkhuɱ kāyena kāyaɱ āmasati, āpatti saṅghādisesassa kāyena kāyapaṭibaddhaɱ āmasati, apatti thullaccayassa kāyapaṭibaddhena kāyapaṭibaddhaɱ āmasati āpatti dukkaṭassa. Aṅgulipatodake pācittiyaɱ kāyasaɱsaggaɱ samāpajjanapaccayā imā pañca āpattiyo āpajjati
3. Mātugāmaɱ duṭṭhullāhi vācāhi obhāsanapaccayā tisso āpattiyo āpajjati: vaccamaggaɱ passāvamaggaɱ ādissa vaṇṇampi bhaṇati avaṇṇampi bhaṇati, āpatti saṅghādisesassa vaccamaggaɱ passāvamaggaɱ ṭhapetvā adhakkhakaɱ ubbhajāṇumaṇḍalaɱ ādissa vaṇṇampi bhaṇati, avaṇṇampi bhaṇati, āpatti thullaccayassa. Kāyapaṭibaddhaɱ ādissa vaṇṇampi bhaṇati, avaṇṇampi bhaṇati āpatti dukkaṭassa.
4. Attakāmapāricariyāya vaṇṇaɱ bhāsanapaccayā tisso āpattiyo āpajjati: mātugāmassa santike attakāmapāricayāya vaṇṇaɱ bhāsati, āpatti saṅghādisesassa paṇḍitassa santike attakāmapāricariyāya vaṇṇaɱ bhāsati, āpatti thullaccayassa. Tiracchānagatassa santike attakāmapāricayāya vaṇṇaɱ bhāsati āpatti dukkaṭassa.
5. Sañcarittaɱ samāpajjanapaccayā tisso āpattiyo āpajjati: paṭigaṇhāti 1vimaɱsati paccāharati, āpatti saṅghādisesassa paṭigaṇhāti vimaɱsati na paccāharati, āpatti thullaccayassa. Paṭigaṇhāti, na vimaɱsati, na paccāharati, āpatti dukkaṭassa.
6. Saññācikāya kuṭiɱ kārāpanapaccayā tisso āpattiyo āpajjati: kārāpeti, payoge dukkaṭaɱ ekaɱ piṇḍaɱ 2anāgate āpatti thullaccayassa tasmiɱ piṇḍe āgate āpatti saṅghādisesassa
7. Mahallakaɱ vihāraɱ kārāpanapaccayā tisso āpattiyo āpajjati: kārāpeti, payoge dukkaṭaɱ ekaɱ piṇḍaɱ anāgate āpatti thullaccayassa tasmiɱ piṇḍe āgate āpatti saṅghādisesassa
8. Bhikkhuɱ amūlakena pārājikena dhammena anuddhaɱsanāpaccayā tisso āpattiyo āpajjati: anokāsaɱ kārāpetvā cāvanādhippāyo vadeti, āpatti saṅghādisesena dukkaṭassa. Okāsaɱ kārāpetvā akkosādhippāyo vadeti, āpatti omasavādassa
1. Paggaṇhāti - machasaɱ
2. Ekapiṇḍe - syā
[BJT Page 176]
9. Bhikkhuɱ aññabhāgiyassa adhikaraṇassa kiñcidesaɱ lesamattaɱ upādāya pārājikena dhammena anuddhaɱsanapanapaccā tisso āpattiyo āpajjati: anokāyaɱ kārāpetvā cācanādhippāyo vadeti, āpatti saṅghādisesena dukkaṭassa, okāsaɱ kārāpetvā akkosādhippāyo vadeti, āpatti omasavādassa.
10. Saṅghabhedako bhikkhū yāvatatiyaɱ samanubhāsanāya nappaṭinissajanapaccayā tisso āpattiyo āpajjati: ñattiyā dukkaṭaɱ, dvīhi kammavācāhi thullaccayā, kammavācāpariyosāne āpatti saṅghādisesassa
11. Bhedakānuvattakā bhikkhū yāvatatiyaɱ samanubhāsanāya nappaṭinissajanapaccayā tisso āpattiyo āpajjati ñattiyā dukkaṭaɱ, dvīhi kammavācāhi thullaccayā, kammāvācāpariyosāne āpatti saṅghādisesassa
12. Dubbeco bhikkhu yāvatatiyaɱ samanubhāsanāya nappaṭinissajanapaccayā tisso āpattiyo āpajjati ñattiyā dukkaṭaɱ, dvīhi kammavācāhi thullaccayā, kammāvācāpariyosāne āpatti saṅghādisesassa
13. Kuladusako bhikkhū yāvatatiyaɱ samanubhāsanāya nappaṭinissajanapaccayā tisso āpattiyo āpajjati ñattiyā dukkaṭaɱ, dvīhi kammavācāhi thullaccayā, kammāvācāpariyosāne āpatti saṅghādisesassa - pe -
14. Anādariyaɱ paṭicca udake uccāraɱ vā passāvaɱ vā kheḷaɱ [page 052] vā karaṇapaccayā kati āpattiyo āpajjati: anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā ekaɱ āpattiɱ āpajjati: dukkaṭaɱ anādariyaɱ paṭicca udake uccāraɱ vā passāvaɱ vā khelaɱ vā karaṇapaccayā imaɱ ekaɱ āpattiɱ āpajjati.
Katāpattivāro niṭṭhito dutiyo.
[BJT Page 178]
11. Vipattivāro
1. Methunaɱ dhammaɱ paṭisevanapaccayā kati āpattiyo catunnaɱ vipattīnaɱ kati vipattiyo bhajanti: methunaɱ dhammaɱ paṭisevanapaccayā āpattiyo catunnaɱ vipattīnaɱ dve vipattiyo bhajanti: siyā sīla vipatti, siyā ācāravipatti - pe -
2. Anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā āpatti catunnaɱ vipattīnaɱ kati vipattiyo bhajati anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā āpatti catunnaɱ vipattīnaɱ ekaɱ vipattiɱ bhajati: ācāravipattiɱ
Vipattivāro niṭṭhito tatiyo
12. Saṅgahitavāro
1. Methunaɱ dhammaɱ paṭisevanapaccayā āpattiyo sattannaɱ āpattikkhandhānaɱ katīhi āpattikkhandhehi saṅgahītā: methunaɱ dhammaɱ paṭisevanapaccayā āpattiyo sattannaɱ āpattikkhandhānaɱ catūhi āpattikkhandhehi saṅgahītā: siyā pārājikāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena - pe -
2. Anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā āpatti sattannaɱ apattikkhandhānaɱ katīhi āpattikkhandhehi saṅgahītā anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā āpatti sattannaɱ āpattikkhandhānaɱ ekena āpattikkhandhena saṅgahītā: dukkaṭāpattikkhandhena.
Saṅgahitavāro niṭṭhito catuttho
[BJT Page 180]
13. Samuṭṭhānavāro
1. Methunaɱ dhammaɱ paṭisevanapaccayā kati āpattiyo channaɱ āpatti samuṭṭhānānaɱ katīhi samuṭṭhānehi samuṭṭhahanti: methunaɱ dhammaɱ paṭisevanapaccayā āpattiyo channaɱ āpattisamuṭṭhānānaɱ ekena samuṭṭhānena samuṭṭhahanti: kāyato ca cittato ca samuṭṭhahanti, na vācato - pe -
2. Anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā āpatti channaɱ āpattisamuṭṭhānānaɱ katīhi samuṭṭhānehi samuṭṭhāti anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā āpatti channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato
Samuṭṭhānavāro niṭṭhito pañcamo
14. Adhikaraṇavāro
1. Methunaɱ dhammaɱ paṭisevanapaccayā āpattiyo catunnaɱ adhikaraṇānaɱ katamaɱ adhikaraṇaɱ methunaɱ dhammaɱ paṭisevanapaccayā āpattiyo catunnaɱ adhikaraṇānaɱ āpattādhikaraṇaɱ - pe -
2. Anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā āpatti catunnaɱ adhikaraṇānaɱ katamaɱ adhikaraṇaɱ: anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā āpatti catunnaɱ adhikaraṇānaɱ āpattādhikaraṇaɱ
Adhikaraṇavāro niṭṭhito chaṭṭho
[BJT Page 182]
15. Samathavāro
1. Methunaɱ dhammaɱ paṭisevanapaccayā āpattiyo sattannaɱ samathānaɱ katīhi samathehi sammanti: methunaɱ dhammaɱ paṭisevanapaccayā āpattiyo sattannaɱ samathānaɱ tīhi samathehi sammanti: siyā sammukhā vinayena ca paṭiññātakaraṇena ca, siyā sammukhāvinayena ca tiṇavatthārakena ca - pe -
2. Anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā āpatti samathānaɱ katīhi samathehi sammati: anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā āpatti sattannaɱ samathānaɱ tīhi samathehi sammati: siyā sammukhāvinayena ca paṭiññāta karaṇena ca, siyā sammukhāvinayena ca tiṇavatthārakena ca.
Samathavāro niṭṭhito sattamo
[BJT Page 184]
16. Samuccayavāro
1. Methunaɱ dhammaɱ paṭisevanapaccayā kati āpattiyo āpajjati: methunaɱ dhammaɱ paṭisevanapaccayā cattasso [page 053] āpattiyo āpajjati: akkhayite sarīre methunaɱ dhammaɱ paṭisevati, āpatti pārājikassa. Yebhuyyena khayite sarīre methunaɱ dhammaɱ paṭisevati, āpatti thullaccayassa. Vattakate mukhe acchupantaɱ aṅgajātaɱ paveseti, āpatti dukkaṭassa. Jatumaṭṭake pācittiyaɱ. Methunaɱ dhammaɱ paṭisevanapaccayā imā catasso āpattiyo āpajjati.
2. Tā āpattiyo catunnaɱ vipattīnaɱ kati vipattiyo bhajanti: sattannaɱ āpattikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti.
Tā āpattiyo catunnaɱ vipattīnaɱ dve vipattiyo bhajanti: siyā sīlavipatti siyā ācāravipatti. Sattannaɱ āpattikkhandhānaɱ catūhi āpattikkhandhehi saṅgahītā: siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena. Channaɱ āpattisamuṭṭhānānaɱ ekena samuṭṭhānena samuṭṭhahanti: kāyato ca cittato ca samuṭṭhahanti, na vācato catunnaɱ adhikaraṇānaɱ āpattādhikaraṇaɱ; sattannaɱ samathānaɱ tīhi samathehi sammanti siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca - pe -
3. Anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā kati āpattiyo āpajjati: anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā ekaɱ āpattiɱ āpajjati: dukkaṭaɱ. Anādariyaɱ paṭicca udake uccāraɱ vā passāvaɱ vā kheḷaɱ vā karaṇapaccayā imaɱ ekaɱ āpattiɱ āpajjati.
4. Sā āpatti catunnaɱ vipattīnaɱ kati vipattiyo bhajati: sattannaɱ āpattikkhandhānaɱ katīhi āpattikkhandhehi saṅgahītā channaɱ āpattisamuṭṭhānānaɱ katīhi samuṭṭhānehi samuṭṭhāti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammati:
[BJT Page 186]
Sā āpatti catunnaɱ vipattīnaɱ ekaɱ vipattiɱ bhajati: ācāravipattiɱ sattannaɱ āpattikkhandhānaɱ ekena āpattikkhandhena saṅgahītā, dukkaṭāpattikkhandhena. Channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca cittato ca samuṭṭhāti, na vācato catunnaɱ adhikaraṇānaɱ āpattādhikaraṇaɱ. Sattannaɱ samathānaɱ tīhi samathehi sammati: siyā sammukhāvinayena ca paṭiññāta karaṇena ca, siyā sammukhāvinayena ca tiṇavatthārakena ca.
Samuccayavāro niṭṭhito aṭṭhamo.
Aṭṭha paccayavārā niṭṭhitā.
Mahāvibhaṅge soḷasa mahāvārā niṭṭhitā.
Niṭṭhito ca mahāvibhaṅgo. 1-
1. Bhikkhu vibhaṅga mahāvāro niṭṭhito - machasaɱ
[BJT Page 188]
[page 054]
Bhikkhunīvibhaṅgo
1. Katthapaññattivāro
1. 1
Pārājikakaṇḍo
1. Yaɱ tena bhagavatā jānatā passatā arahatā sammāsambuddhena bhikkhunīnaɱ pañcamaɱ pārājikaɱ kattha paññattaɱ, kaɱ ārabbha, kismiɱ vatthusmiɱ, atthi tattha paññatti, anupaññatti, anuppannapaññatti, sabbattha paññatti, padesapaññatti, sādhāraṇapaññatti, asādhāraṇapaññatti, ekato paññatti, ubhato paññatti, catunnaɱ pātimokkhuddesānaɱ katthogadhaɱ, kattha pariyāpannaɱ, katamena uddesena uddesaɱ āgacchati, catunnaɱ vipattīnaɱ katamā vipatti. Sattannaɱ āpattikkhandhānaɱ katamo āpattikkhandho, channaɱ āpattisamuṭṭhānānaɱ katīhi samuṭṭhānehi samuṭṭhāti, catunnaɱ adhikaraṇānaɱ katamaɱ adhikaraṇaɱ, sattannaɱ samathānaɱ katīhi samathehi sammati. Ko kattha vinayo, ko tattha abhivinayo, kiɱ tattha pātimokkhaɱ, kiɱ tattha adhipātimokkhaɱ, kā vipatti, kā sampatti, kā paṭipatti, kati atthavase paṭicca bhagavatā bhikkhunīnaɱ pañcamaɱ pārājikaɱ paññattaɱ, kā sikkhanti, kā sikkhitasikkhā, kattha ṭhitaɱ, kā dhārenti, kassa vacanaɱ, kenābhatanti:
Yaɱ tena bhagavatā jānatā passatā arahatā sammāsambuddhena bhikkhunīnaɱ pañcamaɱ pārājikaɱ kattha paññattanti: sāvatthiyaɱ paññattaɱ.
Kaɱ ārabbhāti: sundarīnandaɱ bhikkhuniɱ ārabbha.
Kismiɱ vatthusminti: sundarīnandā bhikkhunī avassutā avassutassa purisapuggalassa kāyasaɱsaggaɱ sādiyi, tasmiɱ vatthusmiɱ
Atthi tattha paññatti, anupaññatti, anuppannapaññatti ekā paññatti, anupaññanti anuppannapaññatti tasmiɱ natthi.
Sabbattha paññatti padesapaññattīti: sabbattha paññatti.
Sādhāraṇapaññatti asādhāraṇa paññatti: asādhāraṇapaññati.
Ekato paññatti ubhato paññattīti: ekato paññatti.
Catunnaɱ pātimokkhuddesānaɱ katthogadhaɱ, kattha pariyāpannanti: nidānogadhaɱ nidānapariyāpannaɱ.
Katamena uddesena uddesaɱ āgacchatīti: dutiyena uddesena uddesaɱ āgacchati.
[BJT Page 190]
Catunnaɱ vipattīnaɱ katamā vipattīti: sīlavipatti.
Sattannaɱ āpattikkhandhānaɱ katamo āpattikkhandhoti: pārājikāpattikkhandho.
Channaɱ āpattisamuṭṭhānānaɱ katīhi samuṭṭhānehi samuṭṭhātīti: ekena samuṭṭhānena samuṭṭhāti, kāyato ca cittato ca samuṭṭhāti, na vācato.
Catunnaɱ adhikaraṇānaɱ katamaɱ adhikaraṇanti: āpattādhikaraṇaɱ
Sattannaɱ samathānaɱ katīhi samathehi sammatīti dvīhi samathehi sammati: sammukhāvinayena ca paṭiññātakaraṇena ca.
Ko tattha vinayo ko tattha abhivinayoti: paññatti vinayo, vibhatti abhivinayo.
Kiɱ tattha pātimokkhaɱ kiɱ tattha adhipātimokkhanti: paññatti pātimokkhaɱ, vibhatti adhipāmokkhaɱ
Kā vipattīti: asaɱvaro vipatti.
Kā sampattīti: saɱvaro sampatti.
Kā paṭipattīti: na evarūpaɱ karissāmīti"ti yāvajīvaɱ āpāṇakoṭikaɱ samādāya sikkhati sikkhāpadesu.
Kati atthavase paṭicca bhagavatā bhikkhunīnaɱ pañcamaɱ pārājikaɱ paññattanti: dasa atthavase paṭicca bhagavatā bhikkhunīnaɱ pañcamaɱ pārājikaɱ paññattaɱ: saṅghasuṭṭhutāya, saṅghaphāsutāya, dummaṅkunīnaɱ 1- bhikkhunīnaɱ niggahāya, pesalānaɱ bhikkhunīnaɱ phāsuvihārāya, diṭṭhadhammikānaɱ āsavānaɱ saɱvarāya, samparāyikānaɱ āsavānaɱ paṭighātāya, appasannānaɱ pasādāya, pasannānaɱ bhiyyobhāvāya, saddhammaṭṭhitiyā, vinayānuggahāya.
Kā sikkhantīti: sekkhā ca puthujjanakalyāṇikā ca sikkhanti.
Kā sikkhitasikkhāti arahantā sikkhitasikkhā.
Kattha ṭhitanti: sikkhākāmesu ṭhitaɱ
Kā dhārentīti yāsaɱ vattanti, tā dhārenti.
Kassa vacananti: bhagavato vacanaɱ arahato sammāsambuddhassa.
Kenābhatanti: paramparābhataɱ.
1. Upāli dāsako ceva soṇako siggavo tathā,
Moggaliputtena pañcamā ete jambusirivhaye.
2. Tato mahindo iṭṭhiyo uttiyo ceva sambalo
Bhaddanāmo ca paṇḍito,
Ete nāgā mahāpaññā jambudipā idhāgatā.
3. Vinayaɱ te vācayiɱsu piṭakaɱ tambapaṇṇiyā,
Nikāye pañca vācesuɱ satta ceva pakaraṇe
1. Dummaṅkunaɱ - machasaɱ
2. Sambalo tathā - machasaɱ
[BJT Page 192]
4. Tato ariṭṭho medhāvi tissadatto ca paṇḍito
Visārado kāḷasumano thero ca dīghanāmako,
Dīghusumano ca paṇḍito.
5. Punadeva kāḷasumano nāgatthero ca buddharakkhito,
Tissatthero ca medhāvi devatthero ca paṇḍito.
6. Punadeva sumano medhāvi vinaye ca visārado,
Bahussuto cūḷanāgo gajo ca duppadhaɱsiyo.
7. Dhammapālitanāmo ca rohaṇo sādhu pūjito,
Tassa sisso mahāpañño khemanāmo tipeṭako,
Dīpe tārakarājāva paññāya atirocatha.
8. Upatisso ca medhāvī phussadevo mahākathī
Punadve sumano medhāvī pupphanāmo 1- bahussuto.
9. Mahākathi mahāsīvo piṭake sabbattha kovido,
Punadeva upāli medhāvi vinaye ca visārado.
10. Mahānāgo mahāpañño saddhammavaɱsakovido,
Punadeva abhayo medhāvi piṭake sabbattha kovido.
11. Tissatthero ca medhāvi vinaye ca visārado,
Tassa sisso mahāpañño pupphanāmo bahussuto,
Sāsanaɱ anurakkhanto jambudīpe patiṭṭhito
12. Cuḷābhayo ca medhāvi vinaye ca visārado,
Tissatthero ca medhāvi saddhammavaɱsakovido.
13. Phussadevo ca medhāvi vinaye ca visārado,
Sīvattheroca medhāvi vinaye sabbattha kovido.
14. Ete nāgā mahāpaññā vinayaññu maggakovidā,
Vinayaɱ dīpe pakāsesuɱ piṭakaɱ tambapaṇṇiyāti.
[page 055]
2. Yaɱ tena bhagavatā jānatā passatā arahatā sammāsambuddhena bhikkhunīnaɱ chaṭṭhaɱ pārājikaɱ kattha paññattanti: sāvatthiyaɱ paññattaɱ. Kaɱ ārabbhāti: thullanandaɱ bhikkhuniɱ ārabbha kismiɱ vatthusminti: thullanandā bhikkhunī jānaɱ jārājikaɱ dhammaɱ ajjhāpannaɱ bhikkhuniɱ nevattanā paṭicodesi, na gaṇassa ārocesi, tasmiɱ vatthusmiɱ. Ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca vācato. Ca cittato ca samuṭṭhāti - pe -
3. Bhikkhunīnaɱ sattamaɱ pārājikaɱ kattha paññattanti: sāvatthiyaɱ paññattaɱ. Kaɱ ārabbhāti: thullanandaɱ bhikkhuniɱ ārabbha kismiɱ vatthusminti: thullanandā bhikkhunī samaggena saṅghena ukkhittaɱ ariṭṭhaɱ bhikkhuɱ gaddhabādhipubbaɱ anuvatti, tasmiɱ vatthusmiɱ. Ekā paññatti channaɱ āpattisamuṭṭhānānaɱ ekena samuṭṭhānena samuṭṭhātīti dhuranikkhepe - pe -
1. Phussanāmo - sīmu
2. Phussanāmo - sīmu
3. Mūladevo ca - machasaɱ
[BJT Page 194]
4. Bhikkhunīnaɱ aṭṭhamaɱ pārājikaɱ kattha paññattanti: sāvatthiyaɱ paññattaɱ. Kaɱ ārabbhāti: chabbaggiyā bhikkhuniyo ārabbha kismiɱ vatthusminti: chabbaggiyā bhikkhuniyo aṭṭhamaɱ vatthuɱ paripūresuɱ. Tasmiɱ vatthusmiɱ. Ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
Aṭṭha pārājikā niṭṭhitā.
Tassuddānaɱ:
Methunādinnadānañca manusasaviggahuttari,
Kāyasaɱsaggaɱ chādeti ukkhittā aṭṭhavatthukā;
Paññapesi mahāvīro chejjavatthu asaɱsayāti.
1. 2
Saṅghādisesa kaṇḍo
1. Yaɱ tena bhagavatā jānatā passatā arahatā sammāsambuddhena ussayavādikāya bhikkhuniyā aṭṭaɱ karontiyā saṅghādiseso kattha paññatto - pe - kenābhattanti
Yaɱ tena bhagavatā jānatā passatā arahatā sammāsambuddhena ussayavādikāya bhikkhuniyā aṭṭaɱ karontiyā saṅghādiseso kattha paññattoti: sāvatthiyaɱ paññatto.
Kaɱ ārabbhāti: thullanandaɱ bhikkhunīɱ ārabbha
Kismiɱ vatthusminti: thullanandā bhikkhuni ussayavādikā vihari, tasmiɱ vatthusmiɱ
Atthi tattha paññatti, anupaññatti, anuppannapaññatti ekā paññatti, anupaññanti anuppannapaññatti tasmiɱ natthi.
Sabbattha paññatti padesapaññattīti: sabbattha paññatti.
Sādhāraṇapaññatti asādhāraṇa paññattīti: asādhāraṇapaññatti.
Ekato paññatti ubhato paññattīti: ekato paññatti.
Catunnaɱ pātimokkhuddesānaɱ katthogadhaɱ, kattha pariyāpannanti: nidānogadhaɱ nidānapariyāpannaɱ.
Katamena uddesena uddesaɱ āgacchatīti: tatiyena uddesena uddesaɱ āgacchati.
Catunnaɱ vipattīnaɱ katamā vipattīti: sīlavipatti.
Sattannaɱ āpattikkhandhānaɱ katamo āpattikkhandhoti: saṅghādisesāpattikkhandho.
[BJT Page 196]
Channaɱ āpattisamuṭṭhānānaɱ katīhi samuṭṭhānehi samuṭṭhātīti: dvīhi samuṭṭhānehi samuṭṭhāti, siyā kāyato ca vācato ca samuṭṭhāti, na cittato siyā kāyato ca [page 056] vācato ca cittato ca samuṭṭhāti, - pe - kenābhatanti: paramparābhataɱ
1. Upāli dāsako ceva soṇako siggavo tathā,
Moggaliputtena pañcamā ete jambusirivhaye.
2. Tato mahindo iṭṭhiyo uttiyo ceva sambalo
Bhaddanāmo ca paṇḍito,
Ete nāgā mahāpaññā jambudipā idhāgatā.
3. Vinayaɱ te vācayiɱsu piṭakaɱ tambapaṇṇiyā,
Nikāye pañca vācesuɱ satta ceva pakaraṇe
4. Tato ariṭṭho medhāvi tissadatto ca paṇḍito
Visārado kāḷasumano thero ca dīghanāmako,
Dīghusumano ca paṇḍito.
5. Punadeva kāḷasumano nāgatthero ca buddharakkhito,
Tissatthero ca medhāvi devatthero ca paṇḍito.
6. Punadeva sumano medhāvi vinaye ca visārado,
Bahussuto cūḷanāgo gajo va duppadhaɱsiyo.
7. Dhammapālitanāmo ca rohaṇo sādhu pūjito,
Tassa sisso mahāpañño khemanāmo tipeṭako,
Dīpe tārakarājāva paññāya atirocatha.
8. Upatisso ca medhāvi phussadevo mahākathī
Punadve sumano medhāvi pupphanāmo 1- bahussuto.
9. Mahākathi mahāsīvo piṭake sabbattha kovido,
Punadeva upāli medhāvi vinaye ca visārado.
10. Mahānāgo mahāpañño saddhammavaɱsakovido,
Punadeva abhayo medhāvi piṭake sabbattha kovido.
11. Tissatthero ca medhāvi vinaye ca visārado,
Tassa sisso mahāpañño pupphanāmo bahussuto,
Sāsanaɱ anurakkhanto jambudīpe patiṭṭhito
12. Cūḷābhayo ca medhāvi vinaye ca visārado,
Tissatthero ca medhāvi saddhammavaɱsakovido.
13. Phussadevo ca medhāvi vinaye ca visārado,
Sīvattheroca medhāvi vinaye sabbattha kovido.
14. Ete nāgā mahāpaññā vinayaññu maggakovidā,
Vinayaɱ dīpe pakāsesuɱ piṭakaɱ tambapaṇṇiyāti.
2. Coriɱ vuṭṭhāpentiyā saṅghādiseso kattha paññattoti: sāvatthiyaɱ paññatto. Kaɱ ārabbhāti: thullanandaɱ bhikkhuniɱ ārabbha kismiɱ vatthusminti: thullanandā bhikkhunī coriɱ vuṭṭhāpesi, tasmiɱ vatthusmiɱ. Ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā vācato ca cittato ca samuṭṭhāti, na kāyato siyā kāyato ca vācato cittato ca samuṭṭhāti - pe -
3. Ekāya gāmantaraɱ gacchantiyā saṅghādisoso kattha paññattanti: sāvatthiyaɱ paññattaɱ kaɱ ārabbhāti: aññataraɱ bhikkhuniɱ ārabbha kismiɱ vatthusminti: aññatarā bhikkhunī ekāva gāmantaraɱ gacchi, tasmiɱ vatthusmiɱ. Ekā paññatti tisso anupaññattiyo channaɱ āpattisamuṭṭhānānaɱ ekena samuṭṭhānena samuṭṭhātīti paṭhamapārājike - pe -
4. Samaggena saṅghena ukkhittaɱ bhikkhuniɱ dhammena vinayena satthu sāsanena anapaloketvā kārakasaṅghaɱ anaññāya gaṇassa chandaɱ osārentiyā saṅghādiseso kattha paññattoti: sāvatthiyaɱ paññatto. Kaɱ ārabbhāti: thullanandaɱ bhikkhuniɱ ārabbha kismiɱ vatthusminti: thullanandā bhikkhunī samaggena saṅghena ukkhittaɱ bhikkhuniɱ dhammena vinayena satthusāsanena anapaloketvā kārakasaṅghaɱ anaññāya gaṇassa chandaɱ osāresi, tasmiɱ vatthusmiɱ. Ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
5. Avassutāya bhikkhuniyā avassutassa purisapuggalassa hatthato khādanīyaɱ vā bhojanīyaɱ vā sahatthā paṭiggahetvā bhuñjantiyā saṅghādiseso kattha paññattoti: sāvatthiyaɱ paññatto. Kaɱ ārabbhāti: sundarinandaɱ bhikkhuniɱ ārabbha kismiɱ vatthusminti: sundarinandā bhikkhunī avassutassa purisapuggalassa hatto āmisaɱ paṭiggahesi, tasmiɱ vatthusmiɱ. Ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti paṭhamapārājike - pe -
1. Ekā - machasaɱ
[BJT Page 198]
6. "Kiɱ te ayye, eso purisapuggalo karissati avassuto vā anavassuto vā, yato tvaɱ anavassutā, iṅghayye, yaɱ te eso purisapuggalo deti khādanīyaɱ vā bhojanīyaɱ vā, taɱ tvaɱ sahatthā paṭiggahetvā khāda vā, bhuñjavā"ti. Uyyojentiyā saṅghadiseso kattha paññattoti: sāvatthiyaɱ paññatto. Kaɱ ārabbhāti: aññataraɱ bhikkhuniɱ ārabbha kismiɱ vatthusminti: aññatarā bhikkhunī "kiɱ te ayye, eso purisapuggalo karissati avassuto vā anavassuto vā, yato tvaɱ anavassutā, iṅghayye, yaɱ te eso purisapuggalo deti khādanīyaɱ vā bhojanīyaɱ vā, taɱ tvaɱ sahatthā paṭiggahetvā khāda vā, bhuñjavā"ti. Uyyojesi tasmiɱ vatthusmiɱ ekā paññatti channaɱ āpatti samuṭṭhānānaɱ tīhi samuṭṭhānehi samuṭṭhāti - pe -
7. Kupitāya anattamanāya bhikkhuniyā yāvatatiyaɱ samanubhāsanāya [page 057] nappaṭinissajantiyā 1 saṅghādiseso kattha paññattoti: sāvatthiyaɱ paññatto. Kaɱ ārabbhāti: caṇḍakāḷiɱ bhikkhuniɱ ārabbha kismiɱ vatthusminti: caṇḍakāḷi bhikkhunī kupitā anattamanā evaɱ avaca "buddhaɱ paccācikkhāmi, dhammaɱ paccācikkhāmi, saṅghaɱ paccācikkhāmi, sikkhaɱ paccācikkhāmi"ti, tasmiɱ vatthusmiɱ ekā paññatti channaɱ āpatti samuṭṭhānānaɱ ekena samuṭṭhānena samuṭṭhāti dhuranikkhepe - pe -
8. Kismicideva adhikaraṇe paccākatāya bhikkhuniyā yāvatatiyaɱ samanubhāsanāya nappaṭinissajantiyā 1 saṅghādiseso kattha paññattoti: sāvatthiyaɱ paññatto. Kaɱ ārabbhāti: caṇḍakāḷiɱ bhikkhuniɱ ārabbha kismiɱ vatthusminti: caṇḍakāḷī bhikkhunī kismicideva adhikaraṇe paccākatā kupitā anattamanā evaɱ avaca "chandagāmi niyo ca bhikkhuniyo dosagāminiyo ca bhikkhuniyo mohagāminiyo ca bhikkhuniyo bhayagāminiyo ca bhikkhuniyo"ti, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
9. Saɱsaṭṭhānaɱ bhikkhunīnaɱ yāvatatiyaɱ samanubhāsanāya nappaṭinissantīnaɱ saṅghādiseso kattha paññattoti: sāvatthiyaɱ paññatto. Kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhunīyo saɱsaṭṭhā vihariɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
1. Nappaṭinissajjantiyā - machasaɱ
[BJT Page 200]
10. "Saɱsaṭṭhāva ayye tumhe viharatha. Mā tumhe nānāviharathā"ti 1uyyojentiyā yāvatatiyaɱ samanubhāsanāya nappaṭinissajantiyā saṅghādiseso kattha paññattoti: sāvatthiyaɱ paññatto. Kaɱ ārabbhāti: thullanandaɱ bhikkhuniɱ ārabbha kismiɱ vatthusminti: thullanandā bhikkhunī "saɱsaṭṭhāva ayye tumhe viharatha, mā tumhe nānā viharathā"ti uyyojesi, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti; dhuranikkhepe - pe -
Dasa saṅghādisesā niṭṭhitā.
Tassuddānaɱ:
Ussaya cori gāmantaraɱ 2- ukkhittaɱ khādanena ca,
Kiɱ te kupitā kismici 3- saɱsaṭṭhā ñāyate dasāti.
1. 3
Nissaggiya kaṇḍo
1. Yaɱ tena bhagavatā jānatā passatā arahatā sammāsambuddhena pattasannicayaɱ karontiyā nisasaggiyaɱ pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: chabbaggiyā bhikkhuniyo ārabbha. Kismiɱ vatthusminti: chabbaggiyā bhikkhuniyo pattasannicayaɱ akaɱsu, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvihī samuṭṭhānehi samuṭṭhāti, kaṭhinake - pe -
2. Akālacīvaraɱ kālacīvaraɱ adhiṭṭhahitvā bhājāpentiyā nissaggiyaɱ pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: thullanandaɱ bhikkhuniɱ ārabbha kismiɱ vatthusminti: thullannadā [page 058] bhikkhunī akālacīvaraɱ kālacīvaranti adhiṭṭhahitvā bhājāpesi, tasmiɱ vatthusmiɱ ekā paññatti. Channaɱ āpattisamuṭṭhānānaɱ tihī samuṭṭhānehi samuṭṭhāti, - pe -
3. Bhikkhuniyā saddhiɱ cīvaraɱ parivattetvā acchindantiyā nissaggiyaɱ pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: thullanandaɱ bhikkhuniɱ ārabbha kismiɱ vatthusminti: thullannadā bhikkhunī bhikkhuniyā saddhiɱ cīvaraɱ parivattetvā acchindi, tasmiɱ vatthusmiɱ ekā paññatti. Channaɱ āpattisamuṭṭhānānaɱ tihī samuṭṭhānehi samuṭṭhāti, pe -
1. Viharitthāti - machasaɱ
2. Gāmantaɱ - machasaɱ
3. Kismiɱci - ma. Cha, saɱ
[BJT Page 202]
4. Aññaɱ viññāpetvā aññaɱ viññāpentiyā nissaggiyaɱ pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: thullanandaɱ bhikkhuniɱ ārabbha kismiɱ vatthusminti: thullannadā bhikkhunī aññaɱ viññāpetvā aññaɱ viññāpesi, tasmiɱ vatthusmiɱ ekā paññatti channaɱ āpattisamuṭṭhānānaɱ chahi samuṭṭhānehi samuṭṭhāti, pe -
5. Aññaɱ cetāpetvā aññaɱ cetāpentiyā nissaggiyaɱ pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: thullanandaɱ bhikkhuniɱ ārabbha. Kismiɱ vatthusminti: thullannadā bhikkhunī aññaɱ cetāpetvā aññaɱ cetāpesi, tasmiɱ vatthusmiɱ ekā paññatti channaɱ āpattisamuṭṭhānānaɱ chahi samuṭṭhānehi samuṭṭhāti, pe -
6. Aññadatthikena parikkhārena aññuddisikena saṅghikena aññaɱ cetāpentiyā nissaggiyaɱ pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: sambahulā bhikkhuniyo ārabbha. Kismiɱ vatthusminti: sambahulā bhikkhuniyo aññadatthikena parikkhārena aññuddisikena saṅghikena aññaɱ cetāpesuɱ tasmiɱ vatthusmiɱ ekā paññatti channaɱ āpattisamuṭṭhānānaɱ chahi samuṭṭhānehi samuṭṭhāti, pe -
7. Aññadatthikena parikkhārena aññuddisikena saṅghikena saññācikena aññaɱ cetāpentiyā nissaggiyaɱ pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo aññadatthikena parikkhārena aññuddisikena saṅghikena saññācikena aññaɱ cetāpesuɱ tasmiɱ vatthusmiɱ ekā paññatti channaɱ āpattisamuṭṭhānānaɱ chahi samuṭṭhānehi samuṭṭhāti, - pe -
8. Aññadatthikena parikkhārena aññuddisikena mahājanikena aññaɱ cetāpentiyā nissaggiyaɱ pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo aññadatthikena parikkhārena aññuddisikena mahājanikena aññaɱ cetāpesuɱ tasmiɱ vatthusmiɱ ekā paññatti channaɱ āpattisamuṭṭhānānaɱ chahi samuṭṭhānehi samuṭṭhāti, - pe -
9. Aññadatthikena parikkhārena aññuddisikena mahājanikena saññācikena aññaɱ cetāpentiyā nissaggiyaɱ pācittiyaɱ kattha paññattanti sāvatthiyaɱ paññattaɱ. Kaɱ ārabbhāti sambahulā bhikkhuniyo ārabbha kismiɱ vatthusminti: sambahulā bhikkhuniyo aññadatthikena parikkhārena aññuddisikena mahājanikena saññācikena aññaɱ cetāpesuɱ tasmiɱ vatthusmiɱ ekā paññatti channaɱ āpattisamuṭṭhānānaɱ chahi samuṭṭhānehi samuṭṭhāti, - pe -
[BJT Page 204]
10. Aññadatthikena parikkhārena aññuddisikena puggalikena saññācikena aññaɱ cetāpentiyā nissaggiyaɱ pācittiyaɱ kattha paññattanti sāvatthiyaɱ paññattaɱ. Kaɱ ārabbhāti thullanandaɱ bhikkhuniɱ ārabbha kismiɱ vatthusminti: thullanandā bhikkhunī aññadatthikena parikkhārena aññuddisikena puggalikena saññācikena aññaɱ cetāpesuɱ tasmiɱ vatthusmiɱ ekā paññatti channaɱ āpattisamuṭṭhānānaɱ chahi samuṭṭhānehi samuṭṭhāti, - pe -
11. Atirekacatukkaɱsaparamaɱ garupāpuraṇaɱ cetāpentiyā nissaggiyaɱ pācittiyaɱ kattha paññattanti sāvatthiyaɱ paññattaɱ. Kaɱ ārabbhāti thullanandaɱ bhikkhuniɱ ārabbha kismiɱ vatthusminti: thullanandā bhikkhunī rājānaɱ kambalaɱ viññāpesi, tasmiɱ vatthusmiɱ ekā paññatti channaɱ āpattisamuṭṭhānānaɱ chahi samuṭṭhānehi samuṭṭhāti, - pe -
12. Atirekaaḍḍhateyyakaɱsaparamaɱ lahupāpuraṇaɱ [page 059] cetāpentiyā nissaggiyaɱ pācittiyaɱ kattha paññattanti sāvatthiyaɱ paññattaɱ. Kaɱ ārabbhāti thullanandaɱ bhikkhuniɱ ārabbha kismiɱ vatthusminti: thullanandā bhikkhunī rājānaɱ khomaɱ viññāpesi, tasmiɱ vatthusmiɱ ekā paññatti channaɱ āpattisamuṭṭhānānaɱ chahi samuṭṭhānehi samuṭṭhāti, - pe -
Dvādasa nissaggiyā pācittiyā niṭṭhitā
Tassuddānaɱ:
Pattaɱ akālaɱ kālañca parivatte ca viññape,
Cetāpetvā aññadatthi saṅghikañca mahājanikaɱ,
Saññācikā puggalikā catukkaɱsaḍḍhateyyakāti.
1. 4
Pācittiya kaṇḍo
4. 1
1. Yaɱ tena bhagavatā jānatā passatā arahatā sammāsambuddhena lasuṇaɱ khādantiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: thullanandaɱ bhikkhuniɱ ārabbha. Kismiɱ vatthusminti: thullanandaɱ bhikkhunī na mattaɱ jānitvā bahuɱ lasuṇaɱ harāpesi, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvihī samuṭṭhānehi samuṭṭhāti, eḷakalomake - pe -
[BJT Page 206]
2. Sambādhe lomaɱ saɱharāpentiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: chabbaggiyā bhikkhuniyo ārabbha. Kismiɱ vatthusminti: chabbaggiyā bhikkhuniyo sambādhe lomaɱ saɱharāpesuɱ, tasmiɱ vatthusmiɱ ekā paññatti. Channaɱ āpattisamuṭṭhānānaɱ catuhi samuṭṭhānehi samuṭṭhāti, - pe -
3. Talaghātake pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: dve bhikkhuniyo ārabbha. Kismiɱ vatthusminti: dve bhikkhuniyo talaghātakaɱ akaɱsu, tasmiɱ vatthusmiɱ ekā paññatti. Channaɱ āpattisamuṭṭhānānaɱ ekena samuṭṭhānena samuṭṭhāti, paṭhamapārājike - pe -
4. Jatumaṭṭake pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: aññataraɱ bhikkhuniɱ ārabbha. Kismiɱ vatthusminti: aññatarā bhikkhunī jatumaṭṭakaɱ ādiyi, tasmiɱ vatthusmiɱ ekā paññatti. Channaɱ āpattisamuṭṭhānānaɱ ekena samuṭṭhānena samuṭṭhāti, paṭhamapārājike - pe -
5. Atirekadvaṅgulapabbaparamaɱ udakasuddhikaɱ ādiyantiyā pācittiyaɱ kattha paññattanti sakkesu paññattaɱ. Kaɱ ārabbhāti: aññataraɱ bhikkhuniɱ ārabbha. Kismiɱ vatthusminti: aññatarā bhikkhunī atigambhīraɱ udakasuddhikaɱ adiyi, tasmiɱ vatthusmiɱ ekā paññatti. Channaɱ āpattisamuṭṭhānānaɱ ekena samuṭṭhānena samuṭṭhāti, paṭhamapārājike - pe -
6. Bhikkhussa bhuñjantassa pānīyena vā vidhūpanena va upatiṭṭhantiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: aññataraɱ bhikkhuniɱ ārabbha. Kismiɱ vatthusminti: aññatarā bhikkhunī bhikkhussa bhuñjantassa pānīyena ca vidhūpanena ca upatiṭṭhi, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvihī samuṭṭhānehi samuṭṭhāti eḷakalomake - pe -
[page 060]
7. Āmakadhaññaɱ viññāpetvā bhuñjantiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: sambahulā bhikkhuniyo ārabbha. Kismiɱ vatthusminti: sambahulā bhikkhuniyo āmakadhaññaɱ viññāpetvā bhuñjiɱsu, tasmiɱ vatthusmiɱ ekā paññatti. Channaɱ āpattisamuṭṭhānānaɱ catūhi samuṭṭhānehi samuṭṭhāti - pe -
8. Uccāraɱ vā passāvaɱ vā saṅkāraɱ vā vighāsaɱ vā 2tirokuḍḍe vā tiropākāre vā chaḍḍentiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: aññataraɱ bhikkhuniɱ ārabbha. Kismiɱ vatthusminti: aññatarā bhikkhunī uccāraɱ tirokuḍḍe tiropākāre chaḍḍesi 1- tasmiɱ vatthusmiɱ ekā paññatti. Channaɱ āpatti samuṭṭhānānaɱ chahi samuṭṭhānehi samuṭṭhāti, - pe -
1. Tirokuḍḍe chaḍḍesi - machasaɱ
[BJT Page 208]
9. Uccāraɱ vā passāvaɱ vā saṅkāraɱ vā vighāsaɱ vā 1harite chaḍḍentiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: sambahulā bhikkhuniyo ārabbha. Kismiɱ vatthusminti: sambahulā bhikkhuniyo uccārampi passāvampi saṅkārampi vighāsampi harite chaḍḍesu, tasmiɱ vatthusmiɱ ekā paññatti. Channaɱ āpatti samuṭṭhānānaɱ chahi samuṭṭhānehi samuṭṭhāti, - pe -
10. Naccaɱ vā gītaɱ vā vāditaɱ vā dassanāya gacchantiyā pācittiyaɱ kattha paññattanti rājagahe paññattaɱ. Kaɱ ārabbhāti: chabbaggiyā bhikkhuniyo ārabbha. Kismiɱ vatthusminti: chabbaggiyā bhikkhuniyo naccampi gītampi vāditampi dassanāya agamaɱsu, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti, eḷakalomake - pe -
Lasuṇavaggo paṭhamo.
4. 2
1. Rattandhakāre appadīpe purisena saddhiɱ ekenekāya santiṭṭhantiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: aññataraɱ bhikkhuniɱ ārabbha. Kismiɱ vatthusminti: aññatarā bhikkhunī rattandhakāre appadīpe purisena saddhiɱ ekenekā santiṭṭhi, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti, theyyasatthake - pe -
2. Paricchanne okāse purisena saddhiɱ ekenekāya santiṭṭhantiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: aññataraɱ bhikkhuniɱ ārabbha. Kismiɱ vatthusminti: aññatarā bhikkhunī paṭicchanne okāse purisena saddhiɱ ekenekā santiṭṭhi, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti theyyasatthake - pe -
3. Ajjhokāse purisena saddhiɱ ekenekāya santiṭṭhantiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: aññataraɱ bhikkhuniɱ ārabbha. Kismiɱ vatthusminti: aññatarā bhikkhunī ajjhokāse purisena saddhiɱ ekenekā santiṭṭhi, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti theyyasatthake - pe -
4. Rathiyā 2- vā byuhe vā siṅghāṭake vā purisena saddhiɱ ekenekāya santiṭṭhantiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: thullanandaɱ bhikkhuniɱ ārabbha. Kismiɱ vatthusminti: thullanandā bhikkhunī rathiyāpi byuhepi siṅghāṭakepi purisena saddhiɱ ekenekā santiṭṭhi, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti theyyasatthake - pe -
1. Uccārampi passāvampi saṅkārampi vighāsampi (itipi)
2. Rathikāya - machasaɱ
[BJT Page 210]
5. Purebhattaɱ kulāni upaṅkamitvā āsane nisīditvā sāmike anāpucchā pakkamantiyā pācittiyaɱ kattha paññattanti sāvatthiyaɱ [page 061] paññattaɱ. Kaɱ ārabbhāti: aññataraɱ bhikkhuniɱ ārabbha. Kismiɱ vatthusminti: aññatarā bhikkhunī purebhattaɱ kulāni upasaṅkamitvā āsane nisīditvā sāmike anāpucchā pakkami, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti kaṭhinake - pe -
6. Pacchābhattaɱ kulāni upaṅkamitvā sāmike anāpucchā āsane nisīdantiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: thullanandaɱ bhikkhuniɱ ārabbha. Kismiɱ vatthusminti: thullanandā bhikkhunī pacchābhattaɱ kulāni upasaṅkamitvā sāmike anāpucchā āsane nisīdi, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti kaṭhinake - pe -
7. Vikāle kulāni upaṅkamitvā sāmike anāpucchā seyyaɱ sattharitvā vā sattharāpetvā abhinisīdantiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: sambahulā bhikkhuniyo ārabbha. Kismiɱ vatthusminti: sambahulā bhikkhuniyo vikāle kulāni upasaṅkamitvā sāmike anāpucchā seyyaɱ sattharitvā abhinisīdiɱsu, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti kaṭhinake - pe -
8. Duggahitena dupadhāritena paraɱ ujjhāpentiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: aññataraɱ bhikkhuniɱ ārabbha. Kismiɱ vatthusminti: aññatarā bhikkhunī duggahitena dupadhāritena paraɱ ujjhāpesi, tasmiɱ vatthusmiɱ ekā paññatti. Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
9. Attānaɱ vā paraɱ vā nirayena vā brahmacariyena vā abhisapantiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: caṇḍakāḷiɱ bhikkhuniɱ ārabbha. Kismiɱ vatthusminti: caṇḍakāḷī bhikkhunī attānampi parampi nirayenapi brahmacariyenapi abhisapi, tasmiɱ vatthusmiɱ ekā paññatti. Channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
10. Attānaɱ vadhitvā vadhitvā vadhitvā rodantiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: caṇḍakāḷiɱ bhikkhuniɱ ārabbha. Kismiɱ vatthusminti: caṇḍakāḷī bhikkhunī attānaɱ vadhitvā vadhitvā rodi, tasmiɱ vatthusmiɱ ekā paññatti. Channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
Rattandhakāravaggo dutiyo
[BJT Page 212]
1. Naggāya nahāyantiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: sambahulā bhikkhuniyo ārabbha. Kismiɱ vatthusminti: sambahulā bhikkhuniyo naggā nahāyiɱsu, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
2. Pamāṇātikkantaɱ udakasāṭikaɱ kārāpentiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: chabbaggiyā bhikkhuniyo ārabbha. Kismiɱ vatthusminti: chabbaggiyā bhikkhuniyo appamāṇikāyo udakasāṭikāyo kāresuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ chahi samuṭṭhānehi samuṭṭhāti - pe -
[page 062]
3. Bhikkhuniyā cīvaraɱ visibbetvā vā visibbāpetvā vā neva sibbentiyā na sibbāpanāya ussukkaɱ kārentiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: thullanandaɱ bhikkhuniɱ ārabbha. Kismiɱ vatthusminti: thullanandā bhikkhunī bhikkhuniyā cīvaraɱ visibbāpetvā neva sibbesi, na sibbāpanāya ussukkaɱ ākāsi, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
4. Pañcāhikaɱ saṅghāṭivāraɱ atikkāmentiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: sambahulā bhikkhuniyo ārabbha. Kismiɱ vatthusminti: sambahulā bhikkhuniyo bhikkhunīnaɱ hatthe cīvaraɱ nikkhipitvā sattaruttarena janapadacārikaɱ pakkamiɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ divīhi samuṭṭhānehi samuṭṭhāti kaṭhinake - pe -
5. Cīvarasaṅkamanīyaɱ dhārentiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: aññataraɱ bhikkhuniɱ ārabbha. Kismiɱ vatthusminti: aññatarā bhikkhunī aññatarāya bhikkhuniyā cīvaraɱ anāpucchā pārupi, tasmiɱ vatthusmiɱ ekā paññatti channaɱ āpattisamuṭṭhānānaɱ divīhi samuṭṭhānehi samuṭṭhāti kaṭhinake - pe -
6. Gaṇassa cīvaralābhaɱ antarāyaɱ karontiyā pācittiyaɱ kattha paññattanti sāvatthiyaɱ paññattaɱ. Kaɱ ārabbhāti: thullanandaɱ bhikkhuniɱ ārabbha. Kismiɱ vatthusminti: thullanandā bhikkhunī gaṇassa cīvaralābhaɱ annarāyaɱ akāsi, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
7. Dhammikaɱ cīvaravibhaṅgaɱ paṭibāhantiyā pācittiyaɱ kattha paññattanti sāvatthiyaɱ paññattaɱ kaɱ ārabbhāti: thullanandaɱ bhikkhuniɱ ārabbha. Kismiɱ vatthusminti: thullanandā bhikkhunī dhammikaɱ cīvaravibhaṅgaɱ paṭibāhi, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
[BJT Page 214]
8. Agārikassa vā paribbājakassa vā paribbājikāya vā samaṇacīvaraɱ dentiyā pācittiyaɱ kattha paññattanti sāvatthiyaɱ paññattaɱ kaɱ ārabbhāti: thullanandaɱ bhikkhuniɱ ārabbha. Kismiɱ vatthusminti: thullanandā bhikkhunī agārikassa samaṇacīvaraɱ adāsi, tasmiɱ vatthusmiɱ ekā paññatti channaɱ āpattisamuṭṭhānānaɱ chahi samuṭṭhānehi samuṭṭhāti - pe -
9. Dubbalacīvarapaccāsāya cīvarakālasamayaɱ atikkāmentiyā pācittiyaɱ kattha paññattanti sāvatthiyaɱ paññattaɱ kaɱ ārabbhāti: thullanandaɱ bhikkhuniɱ ārabbha. Kismiɱ vatthusminti: thullanandā bhikkhunī dubbalacīvarapaccāsāya cīvarakālasamayaɱ atikkāmesi, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
10. Dhammikaɱ kaṭhinuddhāraɱ paṭibāhantiyā pācittiyaɱ kattha paññattanti sāvatthiyaɱ paññattaɱ kaɱ ārabbhāti: thullanandaɱ bhikkhuniɱ [page 063] ārabbha. Kismiɱ vatthusminti: thullanandā bhikkhunī dhammikaɱ kaṭhinuddhāraɱ paṭibāhi, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
Nahānavaggo tatiyo
(4. 4)
1. Dvinnaɱ bhikkhunīnaɱ ekamañce tuvaṭṭentīnaɱ pācittiyaɱ kattha paññattanti sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha. Kismiɱ vatthusminti: sambahulā bhikkhuniyo dve ekamañce tuvaṭṭesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
2. Dvinnaɱ bhikkhunīnaɱ ekattharaṇapāpuraṇe tuvaṭṭentīnaɱ pācittiyaɱ kattha paññattanti sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha. Kismiɱ vatthusminti: sambahulā bhikkhuniyo dve ekattharaṇapāpuraṇe tuvaṭṭesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
3. Bhikkhuniyā sañcicca aphāsuɱ karontiyā pācittiyaɱ kattha paññattanti sāvatthiyaɱ paññattaɱ kaɱ ārabbhāti: thullanandaɱ bhikkhuniɱ ārabbha. Kismiɱ vatthusminti: thullanandā bhikkhunī bhikkhuniyā sañcicca aphāsuɱ akāsi, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
4. Dukkhitaɱ sahajīviniɱ neva upaṭṭhentiyā na upaṭṭhāpanāya ussukkaɱ karontiyā pācittiyaɱ kattha paññattanti sāvatthiyaɱ paññattaɱ kaɱ ārabbhāti: thullanandaɱ bhikkhuniɱ ārabbha. Kismiɱ
[BJT Page 216]
Vatthusminti: thullanandā bhikkhunī dukkhitaɱ sahajīviniɱ neva upaṭṭhesi. Na upaṭṭhāpanāya ussukkaɱ akāsi. Tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
5. Bhikkhuniyā upassayaɱ datvā kupitā anattamanāya nikkaḍḍhantiyā pācittiyaɱ kattha paññattanti sāvatthiyaɱ paññattaɱ kaɱ ārabbhāti: thullanandaɱ bhikkhuniɱ ārabbha. Kismiɱ vatthusminti: thullanandā bhikkhunī bhikkhuniyā upassayaɱ datvā kupitā anattamanā nikkaḍḍhi, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
6. Saɱsaṭṭhāya bhikkhuniyā yāvatatiyaɱ samanubhāsanāya nappaṭinissajjantiyā pācittiyaɱ kattha paññattanti sāvatthiyaɱ paññattaɱ kaɱ ārabbhāti: caṇḍakāḷiɱ bhikkhuniɱ ārabbha. Kismiɱ vatthusminti: caṇḍakāḷī bhikkhunī saɱsaṭṭhā vihari, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
7. Antoraṭṭhe sāsaṅkasammate sappaṭibhaye asatthikāya cārikaɱ carantiyā pācittiyaɱ kattha paññattanti sāvatthiyaɱ paññattaɱ kaɱ ārabbhāti: [page 064] sambahulā bhikkhuniyo ārabbha. Kismiɱ vatthusminti: sambahulā bhikkhuniyo antoraṭṭhe sāsaṅkasammate sappaṭibhaye asatthikāyo cārikaɱ cariɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
8. Tiroraṭṭhe sāsaṅkasammate sappaṭibhaye asatthikāya cārikaɱ carantiyā pācittiyaɱ kattha paññattanti sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha. Kismiɱ vatthusminti: sambahulā bhikkhuniyo tiroraṭṭhe sāsaṅkasammate sappaṭibhaye asatthikāyo cārikaɱ cariɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
9. Antovassaɱ cārikaɱ carantiyā pācittiyaɱ kattha paññattanti rājagahe paññattaɱ kaɱ ārabbhāti: sambahulā bhikkhuniyo ārabbha. Kismiɱ vatthusminti: sambahulā bhikkhuniyo antovassaɱ cārikaɱ carisuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
10. Vassaɱ vutthāya 1- bhikkhuniyā cārikaɱ na pakkamantiyā pācittiyaɱ kattha paññattanti rājagahe paññattaɱ kaɱ ārabbhāti: sambahulā bhikkhuniyo ārabbha. Kismiɱ vatthusminti: sambahulā bhikkhuniyo vassaɱ vutvā cārikaɱ na pakkamiɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti paṭhamapārājike - pe -
Tuvaṭṭavaggo catuttho
1. Vassaɱ vuṭṭhāya - machasaɱ
[BJT Page 218]
4. 5
1. Rājāgāraɱ vā cittāgāraɱ vā ārāmaɱ vā uyyānaɱ vā pokkharaṇiɱ vā dassanāya gacchantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti. Chabbaggiyā bhikkhuniyo ārabbha kismiɱ vatthusminti: chabbaggiyā bhikkhuniyo rājāgārampi cittāgārampi dassanāya agamaɱsu tasmiɱ vatthusmiɱ ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
2. Āsandiɱ vā pallaṅkaɱ vā paribhuñjantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti. Sambahulā bhikkhuniyo ārabbha kismiɱ vatthusminti: sambahulā bhikkhuniyo āsandimpi pallaṅkampi paribhuñjiɱsu, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
3. Suttaɱ kantantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti chabbaggiyā bhikkhuniyo ārabbha kismiɱ vatthusminti: chabbaggiyā bhikkhuniyo suttaɱ kantiɱsu, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
4. Gihīveyyāvaccaɱ karontiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti sambahulā bhikkhuniyo ārabbha kismiɱ vatthusminti: sambahulā bhikkhuniyo suttaɱ gihīveyyāvaccaɱ akaɱsu, tasmiɱ vatthusmiɱ ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
5. Bhikkhunīhi 1- 'ehayye imaɱ adhikaraṇaɱ vūpasamehī'ti vuccamānāya sādhūti paṭissutvā 2- neva upasamentiyā na upasamāya ussukkaɱ karontiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti thullanandaɱ bhikkhuniɱ ārabbha kismiɱ vatthusminti: [page 065] thullanandā bhikkhunī bhikkhunīhi 'ehayye imaɱ adhikaraṇaɱ vūpasamehī'ti vuccamānā sādhūti paṭissutvā neva upasamesi, na upasamāya ussukkaɱ akāsi, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
6. Agārikassa vā paribbājakassa vā paribbājikāya vā sahatthā khādanīyaɱ vā bhojanīyaɱ vā dentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti thullanandaɱ bhikkhuniɱ ārabbha kismiɱ vatthusminti: thullanandā bhikkhunī agārikassa sahatthā khādanīyampi bhojanīyampi adāsi, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
1. Bhikkhuniyā - machasaɱ
2. Paṭissuṇitvā - machasaɱ
[BJT Page 220]
7. Āvasathacīvaraɱ anissajjitvā paribhuñjantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti thullanandaɱ bhikkhuniɱ ārabbha kismiɱ vatthusminti: thullanandā bhikkhunī āvasathacīvaraɱ anissajjitvā paribhuñji. Tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti kaṭhinake - pe -
8. Āvasathaɱ anissajjitvā cārikaɱ pakkamantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti thullanandaɱ bhikkhuniɱ ārabbha kismiɱ vatthusminti: thullanandā bhikkhunī āvasathaɱ anissajjitvā cārikaɱ pakkami. Tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti kaṭhinake - pe -
9. Tiracchānavijjaɱ pariyāpuṇantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti chabbaggiyā bhikkhuniyo ārabbha kismiɱ vatthusminti: chabbaggiyā bhikkhuniyo tiracchānavijjaɱ pariyāpuṇiɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti padasodhamme - pe -
10. Tiracchānavijjaɱ vācentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti chabbaggiyā bhikkhuniyo ārabbha kismiɱ vatthusminti: chabbaggiyā bhikkhuniyo tiracchānavijjaɱ vācesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti padasodhamme - pe -
Cittagāravaggo pañcamo.
4. 6
1. Jānaɱ sabhikkhukaɱ ārāmaɱ anāpucchā pavisantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti sambahulā bhikkhuniyo ārabbha kismiɱ vatthusminti: sambahulā bhikkhuniyo anāpucchā ārāmaɱ pavisiɱsu, tasmiɱ vatthusmiɱ ekā paññatti dve anupaññattiyo channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
2. Bhikkhuɱ akkosantiyā paribhāsantiyā pācittiyaɱ kattha paññattanti: vesāliyaɱ paññattaɱ kaɱ ārabbhāti chabbaggiyā bhikkhuniyo ārabbha kismiɱ vatthusminti: chabbaggiyā bhikkhuniyo āyasmantaɱ upāliɱ akkosiɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
3. Caṇḍikatāya gaṇaɱ paribhāsantiyā pācittiyaɱ kattha paññattanti: sāvatthiyaɱ [page 066] paññattaɱ kaɱ ārabbhāti thullanandaɱ bhikkhuniɱ ārabbha kismiɱ vatthusminti: thullanandā bhikkhuniyo caṇḍikatāya gaṇaɱ paribhāsi, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
[BJT Page 222]
4. Nimantitāya vā pavāritāya vā khādanīyaɱ vā bhojanīyaɱ vā aññatra bhuñjantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti sambahulā bhikkhuniyo ārabbha kismiɱ vatthusminti: sambahulā bhikkhuniyo bhuttāviniyo pavāritā aññatra bhuñjiɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ catūhi samuṭṭhānehi samuṭṭhāti - pe -
5. Kulaɱ maccharāyantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti aññataraɱ bhikkhuniɱ ārabbha kismiɱ vatthusminti: aññatarā bhikkhunī kulaɱ maccharāyi, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
6. Abhikkhuke āvāse vassaɱ vasantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti sambahulā bhikkhuniyo ārabbha kismiɱ vatthusminti: sambahulā bhikkhuniyo abhikkhuke āvāse vassaɱ vasiɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
7. Vassaɱ vutthāya bhikkhuniyā ubhato saṅghe tīhi dhānehi nappavārentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti sambahulā bhikkhuniyo ārabbha kismiɱ vatthusminti: sambahulā bhikkhuniyo vassaɱ vutthā bhikkhunīsaṅghe 1nappavāresuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
8. Ovādāya vā saɱvāsāya vā na gacchantiyā pācittiyaɱ kattha paññattanti: sakkesu paññattaɱ kaɱ ārabbhāti chabbaggiyā bhikkhuniyo ārabbha kismiɱ vatthusminti: chabbaggiyā bhikkhuniyo ovādaɱ na gacchiɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti paṭhamapārājike - pe -
9. Uposathampi na pucchantiyā ovādampi na yācantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti sambahulā bhikkhuniyo ārabbha kismiɱ vatthusminti: sambahulā bhikkhuniyo uposathampi na pucchiɱsu, ovādampi na yāciɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
1. Bhikkhusaṅghaɱ - machasaɱ 2. Rudhitaɱ - machasaɱ
[BJT Page 224]
10. Pasākhe jātaɱ gaṇḍaɱ vā ruhitaɱ vā anapaloketvā saṅghaɱ vā gaṇaɱ vā purisena saddhiɱ ekenekāya bhedāpentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: aññataraɱ bhikkhuniɱ ārabbha kismiɱ vatthusminti: aññatarā bhikkhunī pasākhe jātaɱ gaṇḍaɱ purisena saddhiɱ ekenekā bhedāpesi, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti kaṭhinake - pe -
Ārāmavaggo chaṭṭho
4. 7
1. Gabhiniɱ vuṭṭhāpentiyā pācittiyaɱ kattha paññattanti: sāvatthiyaɱ [page 067] paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo gabhiniɱ vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
2. Pāyantiɱ vuṭṭhāpentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo pāyantiɱ vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
3. Dve vassāni dhammesu asikkhitasikkhaɱ sikkhamānaɱ vuṭṭhāpentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo dve vassāti chasu dhammesu asikkhitasikkhaɱ sikkhamānaɱ vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
4. Dve vassāni chasu dhammesu sikkhitasikkhaɱ sikkhamānaɱ saṅghena asammataɱ vuṭṭhāpentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo dve vassāti chasu dhammesu sikkhitasikkhaɱ sikkhamānaɱ saṅghena asammataɱ vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
5. Ūnadvādāsavassaɱ gihīgataɱ vuṭṭhāpentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo ūnadvādāsavassaɱ gihīgataɱ vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
[BJT Page 226]
6. Paripuṇṇadvādāsavassaɱ gihigataɱ dve vassāni chasu dhammesu asikkhitasikkhaɱ vuṭṭhāpentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo paripuṇṇadvādāsavassaɱ gihīgataɱ dve vassāni chasu dhammesu asikkhitasikkhaɱ vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
7. Paripuṇṇadvādāsavassaɱ gihigataɱ dve vassāni chasu dhammesu sikkhitasikkhaɱ saṅghena asammataɱ vuṭṭhāpentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo paripuṇṇadvādāsavassaɱ gihīgataɱ dve vassāni chasu dhammesu sikkhitasikkhaɱ saṅghena asammataɱ vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
8. Sahajīviniɱ vuṭṭhāpetvā dve vassāni neva anuggaṇhantiyā na anuggaṇhāpentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: thullanandaɱ bhikkhuniɱ ārabbha kismiɱ vatthusminti: thullanandā bhikkhunī sahajiviniɱ vuṭṭhāpetvā dve vassāni neva anuggahesi, na anuggaṇhāpesi, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
9. Vuṭṭhāpitaɱ pavattiniɱ dve vassāni nānubandhantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo vuṭṭhāpitaɱ pavattiniɱ dve vassāni nānubandhiɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti paṭhamapārājike - pe -
10. Sahajīviniɱ vuṭṭhāpetvā neva vūpakāsentiyā na vūpakāsāpentiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti: thullanandaɱ bhikkhuniɱ ārabbha kismiɱ vatthusminti: thullanandā bhikkhunī sahajīviniɱ vuṭṭhāpetvā neva vūpakāsesi, na vūpakāsāpesi, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
Gabbhinivaggo sattamo.
[BJT Page 228]
1. Ūnavisativassaɱ kumāribhūtaɱ vuṭṭhāpentiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo ūnavisativassaɱ kumārībhūtaɱ vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tihī samuṭṭhānehi samuṭṭhāti - pe -
2. Paripuṇṇavīsativassaɱ kumārībhūtaɱ dve vassāni chasu dhammesu asikkhitasikkhaɱ vuṭṭhāpentiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo paripuṇṇavīsativassaɱ kumārībhūtaɱ dve vassāni chasu dhammesu asikkhitasikkhaɱ vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tihī samuṭṭhānehi samuṭṭhāti - pe -
[page 068]
3. Paripuṇṇavīsativassaɱ kumārībhūtaɱ dve vassāni chasu dhammesu sikkhitasikkhaɱ saṅghena asammataɱ vuṭṭhāpentiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo paripuṇṇavīsativassaɱ kumārībhūtaɱ dve vassāni chasu dhammesu sikkhitasikkhaɱ saṅghena asammataɱ vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tihī samuṭṭhānehi samuṭṭhāti - pe -
4. Ūnadvādāsavassāya vuṭṭhāpentiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo ūnadvādāsavassaɱ vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tihī samuṭṭhānehi samuṭṭhāti - pe -
5. Paripuṇṇadvādāsavassāya saṅghena asammatāya vuṭṭhāpentiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo paripuṇṇadvādāsavassā saṅghena asammatā vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tihī samuṭṭhānehi samuṭṭhāti eḷakalomake - pe- -
6. 'Alaɱ tāva te ayye vuṭṭhāpitenā'ti vuccamānāya sādhūti paṭissuṇitvā pacchā khīyanadhammaɱ āpajjantiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti caṇḍakāḷiɱ bhikkhuniɱ ārabbha kismiɱ vatthusminti: caṇḍakāḷī bhikkhunī 'alaɱ tāva te ayye vuṭṭhāpitenā'ti vuccamānā sādhūti paṭissuṇitvā pacchā khīyanadhammaɱ āpajji, tasmiɱ vatthusmiɱ ekā paññatti channaɱ āpattisamuṭṭhānānaɱ tihī samuṭṭhānehi samuṭṭhāti - pe -
[BJT Page 230]
7. Sikkhamānaɱ 'sace me tvaɱ ayye cīvaraɱ dassasi, evāhaɱ taɱ vuṭṭhāpessāmīti vatvā neva vuṭṭhāpenti na vuṭṭāpanāya ussukkaɱ karontiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti thullanandaɱ bhikkhuniɱ ārabbha kismiɱ vatthusminti: thullanandā bhikkhunī sikkhamānaɱ 'sace me tvaɱ ayye cīvaraɱ dassasi, evāhaɱ taɱ vuṭṭhāpessāmī'ti vatvā neva vuṭṭhāpesi, na vuṭṭhāpanāya ussukkaɱ akāsi, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
8. Sikkhamānaɱ 'sace me tvaɱ ayye dve vassāni anubandhissasi evāhaɱ taɱ vuṭṭhāpessāmi'ti vatvā neva vuṭṭhāpentiyā na vuṭṭhāpanāya ussukkaɱ karontiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti thullanandaɱ bhikkhuniɱ ārabbha kismiɱ vatthusminti: thullanandā bhikkhunī sikkhamānaɱ 'sace maɱ tvaɱ ayye dve vassāni anubandhissasi, evāhaɱ taɱ vuṭṭhāpessāmī'ti vatvā neva vuṭṭhāpesi, na vuṭṭhāpanāya ussukkaɱ akāsi, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti dhuranikkhepe - pe -
9. Purisasaɱsaṭṭhaɱ kumārakasaɱsaṭṭhaɱ caṇḍiɱ sokāvassaɱ 1sikkhamānaɱ vuṭṭhāpentiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti thullanandaɱ bhikkhuniɱ ārabbha kismiɱ vatthusminti: thullanandā bhikkhunī purisasaɱsaṭṭhaɱ kumārakasaɱsaṭṭhaɱ caṇḍikaɱ sokāvassaɱ sikkhamānaɱ vuṭṭhāpesi, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
10. Mātāpituhi vā sāmikena vā ananuññātaɱ sikkhamānaɱ vuṭṭhāpentiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti thullanandaɱ bhikkhuniɱ ārabbha kismiɱ vatthusminti: thullanandā bhikkhunī mātāpituhipi sāmikenapi ananuññātaɱ sikkhamānaɱ [page 069] vuṭṭhāpesi, tasmiɱ vatthusmiɱ ekā paññatti channaɱ āpattisamuṭṭhānānaɱ catūhi samuṭṭhānehi samuṭṭhāti siyā vācato samuṭṭhāti, na kāyato na cittato siyā kāyato ca vācato ca samuṭṭhāti, na cittato. Siyā vācato ca cittato ca samuṭṭhāti, na kāyato. Siyā kāyato ca vācato ca cittato ca samuṭṭhāti - pe -
11. Pārivāsikachandadānena sikkhamānaɱ vuṭṭhāpentiyā pācittiyaɱ kattha paññattanti; rājagahe paññattaɱ kaɱ ārabbhāti thullanandaɱ bhikkhuniɱ ārabbha kismiɱ vatthusminti: thullanandā bhikkhunī pārivāsika chandadānena sikkhamānaɱ vuṭṭhāpesi, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
1. Sokāvāsaɱ machasaɱ
[BJT Page 232]
12. Anuvassaɱ vuṭṭhāpentiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti sambahulā bhikkhuniyo ārabbha kismiɱ vatthusminti: sambahulā bhikkhuniyo anuvassaɱ vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
13. Ekaɱ vassaɱ dve vuṭṭhāpentiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo ekaɱ vassaɱ dve vuṭṭhāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti - pe -
Kumārībhūtavaggo aṭṭhamo.
4. 9
1. Chattupāhanaɱ dhārentiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha kismiɱ vatthusminti: chabbaggiyā bhikkhuniyo chattupāhanaɱ dhāresuɱ tasmiɱ vatthusmiɱ ekā paññatti ekā anupaññatti channaɱ āpatti samuṭṭhānānaɱ dvīhi samuṭṭhānehi samuṭṭhāti eḷakalomake - pe -
2. Yānena yāyantiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha kismiɱ vatthusminti: chabbaggiyā bhikkhuniyo yānena yāyiɱsu, tasmiɱ vatthusmiɱ ekā paññatti ekā anupaññatti channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
3. Saṅghāṇiɱ dhārentiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti: aññataraɱ bhikkhuniɱ ārabbha kismiɱ vatthusminti: aññataro bhikkhunī saṅghāṇiɱ dhāresi, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
4. Itthālaṅkāraɱ dhārentiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha kismiɱ vatthusminti: chabbaggiyā bhikkhuniyo itthālaṅkāraɱ dhāresuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
5. Gandhavaṇṇakena nahāyantiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha kismiɱ vatthusminti: chabbaggiyā bhikkhuniyo gandhavaṇṇakena nahāyiɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti eḷakalomake - pe -
[BJT Page 234]
6. Vāsitakena piññākena nahāyantiyā pācittiyaɱ kattha paññattanti; sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha kismiɱ vatthusminti: chabbaggiyā bhikkhuniyo vāsitakena piññākena nahāyiɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti; eḷakalomake - pe -
7. Bhikkhuniyā ummaddāpentiyā parimaddāpentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo bhikkhuniyā ummaddāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti: eḷakalomake - pe -
[page 070]
8. Sikkhamānāya ummaddāpentiyā parimaddāpentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo sikkhamānāya ummaddāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti: eḷakalomake - pe -
9. Sāmaṇeriyā ummaddāpentiyā parimaddāpentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo sāmaṇeriyā ummaddāpesuɱ, parimaddāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti: eḷakalomake - pe -
10. Gihiniyā ummaddāpentiyā parimaddāpentiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo gihiniyā ummaddāpesuɱ, parimaddāpesuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti: eḷakalomake - pe -
11. Bhikkhussa purato anāpucchā āsane nisīdantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo bhikkhussa purato anāpucchā āsane nisīdiɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti: kaṭhinake - pe -
12. Anokāsakataɱ bhikkhuɱ pañhaɱ pucchāntiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: sambahulā bhikkhuniyo ārabbha kismiɱ vatthusminti: sambahulā bhikkhuniyo anokāsakataɱ bhikkhuɱ pañhaɱ pucchiɱsu, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti padaso dhamme - pe -
13. Asaṅkaccikāya gāmaɱ pavisantiyā pācittiyaɱ kattha paññattanti: sāvatthiyaɱ paññattaɱ kaɱ ārabbhāti: bhikkhuniɱ ārabbha kismiɱ vatthusminti: aññataro bhikkhunī asaṅkaccikā gāmaɱ pāvisi, tasmiɱ vatthusmiɱ ekā paññatti channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā kāyato samuṭṭhāti na vācato cittato siyā kāyato ca cittato ca samuṭṭhāti na vācato - pe -
Chattupāhanavaggo navamo
Navavaggakhuddakā niṭṭhitā
Tassuddānaɱ:
1. Lasuṇaɱ saɱhare lomaɱ talamaṭṭañca suddhikaɱ,
Bhuñjantāmakadhaññānaɱ dve vighāsena dassanā.
2. Andhakāre paṭicchanne ajjhokāse rathikāya ca,
Pure pacchā vikāle ca duggahi tiraye vadhi.
3. Naggodakā visibbetvā pañcāhikaɱ saṅkamaniyaɱ,
Gaṇavibhaṅgasamaṇaɱ dubbalaɱ kaṭhinena ca.
4. Ekamañcattharaṇena sañcicca sahajiviniɱ,
Datvā saɱsaṭṭha anto ca tirocassaɱ na pakkame.
[BJT Page 238]
5. Rājā āsandi suttañca gihī vupasamena ca,
Dade cīvarāvasathaɱ pariyāpuṇañca vācaye.
6. Ārāmakkosacaṇḍi ca bhuñjeyya kulamacchari,
Vāso pavāraṇovādā 1- dve dhammā pasākhena ca.
7. Gabbhinī 2- pāyantī cha dhamme asammatunadvādasa,
Paripuṇṇañca saṅghena sahavuṭṭhā cha pañca ca.
[page 071]
8. Kumārī dve ca saṅghena dvādasa sammatena ca,
Alaɱ sace ca dve vassaɱ saɱsaṭṭhā sāmikena ca.
9. Pārivāsikānuvassaɱ duce vuṭṭhāpanena ca,
Chatta yānena saṅghāṇi itthālaṅkāravaṇṇake
10. Piññāka bhikkhuni ceva sikkhā ca sāmaṇerikā,
Gihini bhikkhussa purato anokāsamasaṅkaccikāti.
Tesaɱ vaggānaɱ uddānaɱ:
Lasuṇandhakāranahānā tuvaṭṭa cittāgārakā, 3-
Ārāma 4- gabbhinī ceva kumāri chattupāhanāti
1. Vāse pavāraṇevāda machasaɱ 3. Cittagārakā ma. Cha. Saɱ
2. Gabbhī machasaɱ 4. Ārama machasaɱ
[BJT Page 240]
1. 5
Pāṭidesanīya kaṇḍo
1. Sappiɱ viññāpetvā bhuñjantiyā pāṭidesanīyaɱ kattha paññattanti: sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha. Kismiɱ vatthusminti: chabbaggiyā bhikkhuniyo sappiɱ viññāpetvā bhuñjiɱsu, tasmiɱ vatthusmiɱ ekā paññatti. Ekā anupaññatti channaɱ āpattisamuṭṭhānānaɱ catūhi samuṭṭhānehi samuṭṭhāti - pe -
2. Telaɱ viññāpetvā bhuñjantiyā pāṭidesanīyaɱ kattha paññattanti: sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha. Kismiɱ vatthusminti: chabbaggiyā bhikkhuniyo telaɱ viññāpetvā bhuñjiɱsu, tasmiɱ vatthusmiɱ - pe -
3. Madhuɱ viññāpetvā bhuñjantiyā pāṭidesanīyaɱ kattha paññattanti: sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha. Kismiɱ vatthusminti: chabbaggiyā bhikkhuniyo madhuɱ viññāpetvā bhuñjiɱsu, tasmiɱ vatthusmiɱ - pe -
4. Phāṇitaɱ viññāpetvā bhuñjantiyā pāṭidesanīyaɱ kattha paññattanti: sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha. Kismiɱ vatthusminti: chabbaggiyā bhikkhuniyo phāṇitaɱ viññāpetvā bhuñjiɱsu, tasmiɱ vatthusmiɱ - pe -
5. Macchaɱ viññāpetvā bhuñjantiyā pāṭidesanīyaɱ kattha paññattanti: sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha. Kismiɱ vatthusminti: chabbaggiyā bhikkhuniyo macchaɱ viññāpetvā bhuñjiɱsu, tasmiɱ vatthusmiɱ - pe -
6. Maɱsaɱ viññāpetvā bhuñjantiyā pāṭidesanīyaɱ kattha paññattanti: sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha. Kismiɱ vatthusminti: chabbaggiyā bhikkhuniyo maɱsaɱ viññāpetvā bhuñjiɱsu, tasmiɱ vatthusmiɱ - pe -
7. Khiraɱ viññāpetvā bhuñjantiyā pāṭidesanīyaɱ kattha paññattanti: sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha. Kismiɱ vatthusminti: chabbaggiyā bhikkhuniyo khīraɱ viññāpetvā bhuñjiɱsu, tasmiɱ vatthusmiɱ - pe -
8. Dadhiɱ viññāpetvā bhuñjantiyā pāṭidesanīyaɱ kattha paññattanti: sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha. Kismiɱ vatthusminti: chabbaggiyā bhikkhuniyo dadhiɱ viññāpetvā bhuñjiɱsu, tasmiɱ vatthusmiɱ. Ekā paññatti. Ekā anu-
[BJT Page 242]
Paññatti channaɱ āpattisamuṭṭhānānaɱ catūhi samuṭṭhānehi samuṭṭhāti, siyā kāyato samuṭṭhāti, na vācato na cittato siyā kāyato ca vācato ca samuṭṭhāti na cittato, siyā kāyato ca cittato ca samuṭṭhāti, na vācato siyā kāyato ca vācato ca cittato ca samuṭṭhāti - pe -
Aṭṭha pāṭidesanīyā niṭṭhitā
Tassuddānaɱ:
Sappiɱ telaɱ madhuñceva phāṇitaɱ macchameva ca,
Maɱsaɱ khīraɱ dadhiñcāpi viññāpetvāna bhikkhunī,
Pāṭidesanīyā aṭṭha sambuddhena pakāsitāti. 1-
Ye sikkhāpadā bhikkhuvibhaṅge vitthāritā,
Te saɱkhittā 2- bhikkhuni vibhaṅge.
Kattha paññattivāro niṭṭhito paṭhamo
1. Sayaɱ buddhena devatāti machasaɱ
2. Saɱkhipikhā - sīmu 1. 2
[BJT Page 244]
2. Katāpattivāro
2. 1
Pārājika kaṇḍo
1. Avassutā bhikkhunī avassutassa purisapuggalassa kāyasaɱsaggaɱ sādiyantī kati āpattiyo āpajjati: avassutā bhikkhunī avassutassa purisapuggalassa kāyasaɱsaggaɱ [page 072] sādiyantī tisso āpattiyo āpajjati: adhakkhakaɱ ubbhajāṇumaṇḍalaɱ gahaṇaɱ sādiyati āpatti pārājikassa. Ubbhakkhakaɱ adhojāṇumaṇḍalaɱ gahaṇaɱ sādiyati āpatti thullaccayassa, kāyapaṭibaddhagahaṇaɱ sādiyati, āpatti dukkaṭassa. Avassutā bhikkhunī avassutassa purisapuggalassa kāyasaɱgaggaɱ sādiyantī imā tisso āpattiyo āpajjati.
2. Vajjapaṭicchādikā bhikkhunī vajjaɱ paṭicchādentī kati āpattiyo āpajjati: vajjapaṭicchādikā bhikkhunī vajjaɱ paṭicchādentī tisso āpattiyo āpajjati: jānaɱ pārājikaɱ dhammaɱ paṭicchādeti āpatti pārājikassa, vematikā paṭicchādeti, āpatti thullaccayassa. Ācāra vipattiɱ paṭicchādeti, āpatti dukkaṭassa vajjapaṭicchādikā bhikkhunī vajjaɱ paṭicchādentī imā tisso āpattiyo āpajjati.
3. Ukkhittānuvattikā bhikkhunī yāva tatiyaɱ samanubhāsanāya nappaṭinissajjantī kati āpattiyo āpajjati: ukkhittānuvattikā bhikkhunī yāva tatiyaɱ samanubhāsanāya nappaṭinissajjantī tisso āpattiyo āpajjati: ñattiyā dukkaṭaɱ dvīhi kammavācāhi thullaccayaɱ kammavācāpariyosāne āpatti pārājikassa. Ukkhittānuvattikā bhikkhunī yāvatatiyaɱ samanubhāsanāya nappaṭinissajjantī imā tisso āpattiyo āpajjati:
4. Aṭṭhamaɱ vatthuɱ paripurentī kati āpattiyo āpajjati: aṭṭhamaɱ vatthuɱ paripūrentī tisso āpattiyo āpajjati: "purisena itthannāmaɱ gahanaɱ āgacchā"ti. Vuttā gacchati. Āpatti dukkaṭassa. Purisena hatthapāsaɱ okkantamatte āpatti thullaccayassa. Aṭṭhamaɱ vatthuɱ paripūreti āpatti pārājikassa aṭṭhamaɱ vatthuɱ paripūrentī imā tisso āpattiyo āpajjati.
Pārājikā niṭṭhitā
2. 2
Saṅghādisesa kaṇḍo
1. Ussayavādikā bhikkhunī aṭṭaɱ karontī tisso āpattiyo āpajjati: ekassa āroceti, āpatti dukkaṭassa dutiyassa āroceti, āpatti thullaccayassa aṭṭapariyosāne āpatti saṅghādisesassa.
1. Itthannāmaɱ okāsaɱ machasaɱ itthannāmaɱ gabbha. Syā,
[BJT Page 246]
2. Coriɱ vuṭṭhāpentī tisso āpattiyo āpajjati: ñattiyā dukkaṭaɱ dvīhi kammavācāhi thullaccayaɱ kammavācāpariyosāne āpatti saṅghādisesassa.
3. Ekā gāmantaraɱ gacchantī tisso āpattiyo āpajjati: gacchati āpatti dukkaṭassa paṭhamaɱ pādaɱ parikkhepaɱ atikkāmeti, āpatti thullaccayassa. Dutiyaɱ pādaɱ atikkāmeti āpatti saṅghādisesassa.
4. Samaggena saṅghena ukkhittaɱ bhikkhuniɱ dhammena vinayena satthusāsanena anapaloketvā kārakasaṅghaɱ anaññāya gaṇassa chandaɱ osārentī tisso āpattiyo āpajjati: ñattiyā dukkaṭaɱ dvīhi kammavācāhi thullaccayaɱ kammavācāpariyosāne āpatti saṅghādisesassa.
5. Avassutā bhikkhunī avassutassa puripuggalassa hatthato khādanīyaɱ vā bhojanīyaɱ vā sahatthā paṭiggahetvā [page 073] bhuñjantī tisso āpattiyo āpajjati: khādissāmi bhuñjissāmīti paṭigaṇhāti, āpattiyo thullaccayassa. Ajjhohāre ajajhohāre āpatti saṅghādisesassa. Udakadantapoṇaɱ paṭiggaṇhāti, āpatti dukkaṭassa.
6. "Kiɱ te ayye eso purisapuggalo karissati avassuto vā anavassuto vā yato tvaɱ anavassutā, iṅghayye yaɱ te eso purisapuggalo deti khādanīyaɱ vā bhojanīyaɱ vā, taɱ tvaɱ sahatthā paṭiggahetvā khāda vā bhuñja vā"ti uyyojentī tisso āpattiyo āpajjati: tassā vacanena khādissāmi bhuñjissāmīti paṭiggaṇhāti, āpatti dukkaṭassa. Ajjhohāre ajjhohāre āpatti thullaccayassa bhojanapariyosāne āpatti saṅghādisesassa.
7. Kupitā bhikkhunī yāva tatiyaɱ samanubhāsanāya nappaṭinissajjantī tisso āpattiyo āpajjati: ñattiyā dukkaṭaɱ dvīhi kammavācāhi thullaccayaɱ kammavācāpariyosāne āpatti saṅghādisesassa.
8. Kismicideva adhikaraṇe paccākatā bhikkhunī yāvatatiyaɱ samanubhāsanāya nappaṭinissajjantī tisso āpattiyo āpajjati: ñattiyā dukkaṭaɱ dvīhi kammavācāhi thullaccayaɱ kammavācāpariyosāne āpatti saṅghādisesassa.
9. Saɱsaṭṭhā bhikkhuniyo yāvatatiyaɱ samanubhāsanāya nappaṭinissajjantī tisso āpattiyo āpajjati: ñattiyā dukkaṭaɱ dvīhi kammavācāhi thullaccayaɱ kammavācāpariyosāne āpatti saṅghādisesassa.
10. "Saɱsaṭṭhāvayye tumhe viharatha. Mā tumhe nānā viharitthā"ti uyyojentī yāvatatiyaɱ samanubhāsanāya nappaṭinissajjantī tisso āpattiyo āpajjati: ñattiyā dukkaṭaɱ dvīhi kammavācāhi thullaccayaɱ kammavācāpariyosāne āpatti saṅghādisesassa.
Saṅghādisesā niṭṭhitā
1. Paṭiggaṇhāti - simu 2
[BJT Page 248]
2. 3
Nissaggiya kaṇḍo
1. Pattasannicayaɱ karontī ekaɱ āpattiɱ āpajjati: nissaggiyaɱ pācittiyaɱ
2. Akālacīvaraɱ kālacīvaranti adhīṭṭhahitvā bhājāpentī dve āpattiyo āpajjati: bhājāpeti, payoge dukkaṭaɱ, bhājāpite nissaggiyaɱ pācittiyaɱ.
3. Bhikkhuniyā saddhiɱ cīvaraɱ parivattetvā acchindantī dve āpattiyo āpajjati: acchindati payoge dukkaṭaɱ, acchinne nissaggiyaɱ pācittiyaɱ
4. Aññaɱ viññāpetvā aññaɱ viññāpentī dve āpattiyo āpajjati: viññāpeti payoge dukkaṭaɱ, viññāpite nissaggiyaɱ pācittiyaɱ
5. Aññaɱ cetāpetvā aññaɱ cetāpentī dve āpattiyo āpajjati: cetāpeti, payoge dukkaṭaɱ, cetāpite nissaggiyaɱ pācittiyaɱ.
6. Aññadatthikena parikkhārena aññuddisikena saṅghikena aññaɱ cetāpentī dve āpattiyo āpajjati: cetāpeti payoge dukkaṭaɱ, cetāpine nissaggiyaɱ pācittiyaɱ
7. Aññadatthikena parikkhārena aññuddisikena saṅghikena saññācikena aññaɱ cetāpentī dve āpattiyo āpajjati: cetāpeti payoge dukkaṭaɱ, cetāpite nissaggiyaɱ pācittiyaɱ
8. Aññadatthikena parikkhārena aññuddisikena mahājanikena aññaɱ cetāpentī dve āpattiyo āpajjati: cetāpeti payoge dukkaṭaɱ, cetāpine nissaggiyaɱ pācittiyaɱ
9. Aññadatthikena parikkhārena aññuddisikena mahājanikena saññācikena aññaɱ cetāpentī dve āpattiyo āpajjati: cetāpeti payoge dukkaṭaɱ, cetāpite nissaggiyaɱ pācittiyaɱ
[page 074]
10. Aññadatthikena parikkhārena aññuddisikena puggalikena saññācikena aññaɱ cetāpentī dve āpattiyo āpajjati: cetāpeti payoge dukkaṭaɱ, cetāpite nissaggiyaɱ pācittiyaɱ
11. Atirekacatukkaɱsaparamaɱ garupāpuraṇaɱ cetāpentī dve āpattiyo āpajjati: cetāpeti payoge dukkaṭaɱ, cetāpite nissaggiyaɱ pācittiyaɱ
12. Atirekaaḍḍhateyyakaɱsaparamaɱ lahupāpuraṇaɱ cetāpentī dve āpattiyo āpajjati: cetāpeti payoge dukkaṭaɱ, cetāpite nissaggiyaɱ pācittiyaɱ
Nissaggiyā pācittiyā niṭṭhitā.
[BJT Page 250]
2. 4
Pācittiya kaṇḍo
4. 1
1. Lasuṇaɱ khādantī dve āpattiyo āpajjati: khādissāmīti paṭiggaṇhāti 1- āpatti dukkaṭassa, ajjhohāre ajjhohāre āpatti pācittissa.
2. Sambādhe lomaɱ saɱharāpentī dve āpattiyo āpajjati: saɱharāpeti, payoge dukkaṭaɱ, saɱharāpite āpatti pācittiyassa.
3. Talaghātakaɱ kārentī dve āpattiyo āpajjati: karoti, payoge dukkaṭaɱ, kate āpatti pācittiyassa.
4. Jatumaṭṭakaɱ ādiyantī dve āpattiyo āpajjati: ādiyati, payoge dukkaṭaɱ, ādiyite 2- āpatti pācittiyassa.
5. Atirekadvaṅgulapabbaparamaɱ udakasuddhikaɱ ādiyantī dve āpattiyo āpajjati: ādiyati, payoge dukkaṭaɱ, ādinne āpatti pācittissa.
6. Bhikkhussa bhuñjantassa pānīyena vā vidhupanena vā upatiṭṭhantī dve āpattiyo āpajjati: hatthapāse tiṭṭhati āpatti pācittiyassa. Hatthapāsaɱ vijahitvā tiṭṭhati āpatti dukkaṭassa.
7. Āmakadhaññaɱ viññāpetvā bhuñjantī dve āpattiyo āpajjati: bhuñjissāmīti paṭigaṇhāti āpatti dukkaṭassa ajjhohāre ajjhohāre āpatti pācittissa.
8. Uccāraɱ vā passāvaɱ vā saṅkāraɱ vā vighāsaɱ vā tirokuḍḍe vā tiropākāre vā chaḍḍentī dve āpattiyo āpajjati: chaḍḍeti payoge dukkaṭaɱ chaḍḍite āpatti pācittissa.
9. Uccāraɱ vā passāvaɱ vā saṅkāraɱ vā vighāsaɱ vā harite chaḍḍentī dve āpattiyo āpajjati: chaḍḍeti payoge dukkaṭaɱ chaḍḍite āpatti pācittissa.
10. Naccaɱ vā gītaɱ vā vāditaɱ vā dasasnāya gacchantī dve āpattiyo āpajjati: gacchati āpatti dukkaṭassa yattha ṭhitā passati vā suṇāti vā āpatti pācittiyassa.
Lasuṇavaggo paṭhamo.
1. Paṭiggaṇhāti - sīmu 1, 2 machasaɱ
[BJT Page 252]
4. 2
1. Rattandhakāre appadīpe purisena saddhiɱ ekenekā santiṭṭhantī dve āpattiyo āpajjati: hatthapāse tiṭṭhati āpatti pācittiyassa. Hatthapāsaɱ vijahitvā tiṭṭhati āpatti dukkaṭassa.
2. Paṭicchanne okāse purisena saddhiɱ ekenekā santiṭṭhantī dve āpattiyo āpajjati: hatthapāse tiṭṭhati āpatti pācittiyassa. Hatthapāsaɱ vijahitvā tiṭṭhati āpatti dukkaṭassa. [page 075]
3. Ajjhokāse purisena saddhiɱ ekenekā santiṭṭhantī dve āpattiyo āpajjati: hatthapāse tiṭṭhati āpatti pācittiyassa. Hatthapāsaɱ vijahitvā tiṭṭhati āpatti dukkaṭassa.
4. Rathīyā vā byuhe vā siṅghāṭake vā purisena saddhiɱ ekenekā santiṭṭhantī dve āpattiyo āpajjati: hatthapāse tiṭṭhati āpatti pācittiyassa. Hatthapāsaɱ vijahitvā tiṭṭhati āpatti dukkaṭassa.
5. Purebhattaɱ kulāni upasaṅkamitvā āsane nisīditvā sāmike anāpucchā pakkamantī dve āpattiyo āpajjati: paṭhamaɱ pādaɱ anovassakaɱ atikkāmeti āpatti dukkaṭassa. Dutiyaɱ pādaɱ atikkameti āpatti pācittissa.
6. Pacchābhattaɱ kulāni upasaṅkamitvā sāmike anāpucchā āsane nisīdantī dve āpattiyo āpajjati: nisīdati payoge dukkaṭaɱ nisinne āpatti pācittissa.
7. Vikāle kulāni upasaṅkamitvā sāmike anāpucchā seyyaɱ sattharitvā vā sattharāpetvā vā abhinisīdantī dve āpattiyo āpajjati: abhinisīdati payoge dukkaṭaɱ, abhinisinne āpatti . Pācittissa.
8. Uggahitena dūpadhāritena paraɱ ujjhāpentī dve āpattiyo āpajjati: ujjhāpeti payoge dukkaṭaɱ ujjhāpite āpatti pācittissa.
9. Attānaɱ vā paraɱ vā nirayena vā brahmacariyena vā abhisapantī dve āpattiyo āpajjati: ujjhāpeti
Āpajjati: abhisapati payoge dukkaṭaɱ abhisapite āpatti pācittissa.
10. Attānaɱ vadhitvā rodantī dve āpattiyo āpajjati: vadhati rodati āpatti pācittissa. Vadhati na rodati āpatti dukkaṭassa,
Rattandhakāravaggo dutiyo
[Xxxxxxxxxxx1.] Rattandhakāre appadipe purisena saddhiɱ ekenekā santiṭaɱṭhanti dve āpatyo āpajjati: hatthapāse tiṭṭhati āpatti pācittiyassa hatthāpasaɱ vijahitvā tiṭṭhati āpatti dukkaṭassa.
2. Paṭicchanne okhāse purisena saddhiɱ ekenekā santiṭaɱṭhanti dve āpatyo āpajjati: hatthapāse tiṭṭhati āpatti pācittiyassa hatthāpasaɱ vijahitvā tiṭṭhati āpatti dukkaṭassa.
3. Ajjhokāse purisena saddhiɱ ekenekā santiṭaɱṭhanti dve āpatyo āpajjati: hatthapāse tiṭṭhati āpatti pācittiyassa hatthāpasaɱ vijahitvā tiṭṭhati āpatti
Dukkaṭassa.
4. Rathiyā vā byuhe vā siṅghāṭake vā purisena saddhiɱ ekenekā santiṭaɱṭhanti dve āpatyo āpajjati: hatthapāse tiṭṭhati āpatti pācittiyassa hatthāpasaɱ vijahitvā tiṭṭhati āpatti dukkaṭassa.
5. Purebhattaɱ kulāni upasaṅkamitvā āsane nisīditvā sāmike anāpucchā pakkamanti dve āpatyo āpajjati: paṭhamaɱ padāɱ anovassakaɱ atikkāmeti āpatti dukkaṭassa dutiyaɱ pādaɱ atikkameti āpatti pācittiyassa
6. Pacchābhattaɱ kulāni upasaṅkamitvā sāmike anāpucchā āsane nisīdanti dve āpatyo āpajjati: nisidati payoge dukkaṭaɱ nisinne āpatti pācittiyassa
7. Vikāle kulāni upasaṅkamitvā sāmike anāpucchā seyyaɱ sattharitvā vā sattharāpetvā vā abhinisīdanti dve āpatyo āpajjati: abhinisidati payoge dukkaṭaɱ abhinisinne āpatti pācittiyassa
8. Uggahitena dupadhāritena paraɱ ujjhāpenti dve āpatyo āpajjati: ujjhāpeti payoge dukkaṭaɱ ujjhāpite āpatti pācittiyassa
[page 076]
9. Attānaɱ vā paraɱ vā nirayena vā brahmacariyena vā abhisapanti dve āpatyo āpajjati: abhisapati payoge dukkaṭaɱ abhisapite āpatti pācittiyassa
10. Attānaɱ vadhītvā rodanti dve āpatyo āpajjati: vadhati rodati āpatti pācittiyassa vadhati na rodati āpatti dukkaṭassa,
Rattandhāravaggo dutiyo[yyvvvyyvvvyyvvvyyvvvyyvvvyyvvv]
[BJT Page 254]
1. Naggā nahāyantī dve āpattiyo āpajjati: nahāyati payoge dukkaṭaɱ nahānapariyosāne āpatti pācittiyassa.
2. Pamāṇātikkantaɱ udakasāṭikaɱ kārāpentī dve āpattiyo āpajjati: kārāpeti payoge dukkaṭaɱ kārāpite āpatti pācittiyassa.
3. Bhikkhuniyā cīvaraɱ visibbetvā vā visibbāpetvā vā neva sibbentī na sibbāpanāya ussukkaɱ karontī ekaɱ āpattiɱ āpajjati: pācittiyaɱ.
4. Pañcāhikaɱ saṅghāṭivāraɱ 1- atikkāmentī ekaɱ āpattiɱ āpajjati: pācittiyaɱ.
5. Cīvarasaṅkamanīyaɱ dhārentī dve āpattiyo āpajjati: dhāreti payoge dukkaṭaɱ dhārite āpatti pācittiyassa.
6. Gaṇassa cīvaralābhaɱ antarāyaɱ karontī dve āpattiyo āpajjati: karoti payoge dukkaṭaɱ kate āpatti pācittiyassa.
7. Dhammikaɱ cīvaravibhaṅgaɱ paṭibāhantī dve āpattiyo āpajjati: paṭibāhati payoge dukkaṭaɱ. Paṭibāhite āpatti āpajjati: pācittiyassa.
8. Agārikassa vā paribbājakassa vā paribbājikāya vā samaṇacīvaraɱ dentī dve āpattiyo āpajjati: paṭibāhati payoge
Āpajjati: deti payoge dukkaṭaɱ dinne āpatti pācittiyassa.
9. Dubbalacīvarapaccāsāya cīvarakālasamayaɱ atikkāmentī dve āpattiyo āpajjati: atikkāmeti payoge dukkaṭaɱ atikkāmite āpatti pācittiyassa.
10. Dhammikaɱ kaṭhinuddhāraɱ paṭibāhantī dve āpattiyo āpajjati: paṭibāhati payoge dukkaṭaɱ paṭibāhite āpatti pācittiyassa.
Nahānavaggo tatiyo.
4. 4
1. Dve bhikkhuniyo ekamaññe tuvaṭṭentiyo dve āpattiyo āpajjati: nipajjanti payoge dukkaṭaɱ nipante āpatti pācittiyassa.
2. Dve bhikkhuniyo ekattharaṇapāpuraṇā tuvaṭṭentiyo dve āpattiyo āpajjati: nipajjanti payoge dukkaṭaɱ nipante āpatti pācittiyassa.
1. Saṅghāṭidhāraɱ - machasaɱ
[BJT Page 256]
3. Bhikkhuniyo sañcicca aphāsuɱ karontī dve āpattiyo āpajjati: karoti payoge dukkaṭaɱ kate āpatti pācittiyassa.
4. Dukkhitaɱ sahajīviniɱ neva upaṭṭhahantī na upaṭṭhāpanāya ussukkaɱ karontī ekaɱ āpattiɱ āpajjati: pācittiyaɱ.
5. Bhikkhuniyā upassayaɱ datvā kupitā anattamanā nikkaḍḍhantī dve āpattiyo āpajjati: nikkiḍḍhati payoge dukkaṭaɱ nikkaḍḍhite āpatti pācittiyassa.
6. Saɱsaṭṭhā bhikkhunī yāva tatiyaɱ samanubhāsanāya nappaṭinissajjantī dve āpattiyo āpajjati: ñattiyā dukkaṭaɱ kammavācāpariyosāne āpatti pācittiyassa.
7. Antoraṭṭhe sāsaṅkasammate sappaṭibhaye asatthikā cārikaɱ carantī dve āpattiyo āpajjati: paṭipajjati payoge dukkaṭaɱ paṭipanne āpatti pācittiyassa.
8. Tiroraṭṭhe sāsaṅkasammate sappaṭibhaye asatthikā cārikaɱ carantī dve āpattiyo āpajjati: paṭipajjati payoge dukkaṭaɱ paṭipanne āpatti pācittiyassa.
9. Antovassaɱ cārikaɱ carantī dve āpattiyo āpajjati: paṭipajjati payoge dukkaṭaɱ paṭipanne āpatti pācittiyassa.
10. Vassaɱ vutthā bhikkhunī cārikaɱ na pakkamantī ekaɱ āpattiɱ āpajjati: pācittiyaɱ.
Tuvaṭṭavaggo catuttho
4. 5
1. Rājāgāraɱ vā cittāgāraɱ vā ārāmaɱ vā uyyānaɱ vā pokkharaṇiɱ vā dassanāya gacchantī dve āpattiyo āpajjati: gacchati payoge dukkaṭaɱ yattha ṭhitā 1passati, āpatti pācittiyassa.
2. Āsandiɱ vā pallaṅkaɱ vā paribhuñjantī dve āpattiyo āpajjati: paribhuñjati payoge dukkaṭaɱ, paribhutte āpatti pācittiyassa.
3. Suttaɱ kantantī dve āpattiyo āpajjati: kantati payoge dukkaṭaɱ, ujjavujjave āpatti pācittiyassa.
4. Gihīveyyāvaccaɱ karontī dve āpattiyo āpajjati: karoti payoge dukkaṭaɱ, kate āpatti pācittiyassa.
1. Tattha ṭhitā - sīmu, 2
[BJT Page 258]
[page 077]
5. Bhikkhuniyā "ehayye imaɱ adhikaraṇaɱ vūpasamehī"ti vuccamānā sādhūti paṭissuṇitvā neva vūpasamentī na vūpasamāya ussukkaɱ karontī ekaɱ āpattiɱ āpajjati: pācittiyaɱ.
6. Agārikassa vā paribbājakassa vā paribbājikāya vā sahatthā khādanīyaɱ vā bhojanīyaɱ vā dentī dve āpattiyo āpajjati: deti payoge dukkaṭaɱ dinne āpatti pācittiyassa.
7. Āvasathacīvaraɱ anissajjitvā paribhuñjantī dve āpattiyo āpajjati: paribhuñjati, payoge dukkaṭaɱ paribhutte āpatti pācittiyassa.
8. Āvasathaɱ anissajitvā cārikaɱ pakkamantī dve āpattiyo āpajjati: paṭhamaɱ pādaɱ parikkhepaɱ atikkāmeti āpatti dukkaṭassa. Dutiyaɱ pādaɱ atikkāmeti āpatti pācittiyassa.
9. Tiracchānavijjaɱ pariyāpuṇantī dve āpattiyo āpajjati: pariyāpuṇāti, payoge dukkaṭaɱ pade pade āpatti pācittiyassa.
10. Tiracchānavijjaɱ vācentī dve āpattiyo āpajjati: vāceti, payoge dukkaṭaɱ pade pade āpatti pācittiyasasa.
Cittāgāravaggo pañcamo.
4. 6
1. Jānaɱ sabhikkhukaɱ ārāmaɱ anāpucchā pavisantī dve āpattiyo āpajjati: paṭhamaɱ pādaɱ parikkhepaɱ atikkāmeti āpatti dukkaṭassa dutiyaɱ pādaɱ atikkāmeti āpatti pācittiyassa
2. Bhikkhuɱ akkosantī paribhāsantī dve āpattiyo āpajjati: akkosati payoge dukkaṭaɱ, akkosite āpatti pācittiyassa.
3. Caṇḍikatāya 1- gaṇaɱ paribhāsantī dve āpattiyo āpajjati: paribhāsati payoge dukkaṭaɱ paribhāsite āpatti pācittiyassa.
4. Nimantitā vā pavāritā vā khādanīyaɱ vā bhojanīyaɱ vā bhuñjantī dve āpattiyo āpajajati: khādissāmi bhuñjissāmīti paṭigaṇhāti āpatti dukkaṭassa ajjhohāre ajjhohāre āpatti pācittiyassa.
5. Kulaɱ vā maccharāyantī dve āpattiyo āpajjati: maccharāyati payoge dukkaṭaɱ maccharite āpatti pācittiyassa.
1. Caṇḍikatā - sīmu, 2
[BJT Page 260]
6. Abhikkhuke āvāse vassaɱ vasantī dve āpattiyo āpajjati: vassaɱ vasissāmīti senāsanaɱ paññāpeti, pānīyaɱ vā paribhojanīyaɱ vā upaṭṭhapeti, pariveṇaɱ vā sammajjati āpatti dukkaṭassa saha aruṇuggamanā āpatti pācittiyassa.
7. Vassaɱ vutthā bhikkhunī ubhato saṅghe tīhi ṭhānehi nappaṭivārantī ekaɱ āpattiɱ āpajjati: pācittiyaɱ.
8. Ovādāya vā saɱvāsāya vā na gacchantī ekaɱ āpattiɱ āpajjati: pācittiyaɱ.
9. Uposathampi na pucchantī ovādampi na yācantī ekaɱ āpattiɱ āpajjati: pācittiyaɱ.
10. Pasākhe jātaɱ gaṇḍaɱ vā ruhitaɱ vā anapaloketvā saṅghaɱ vā gaṇaɱ vā purisena saddhiɱ ekenekā bhedāpentī [page 078] dve āpattiyo āpajjati: bhedāpeti payoge dukkaṭaɱ. Bhedhāpite āpatti pācittiyassa.
Ārāmavaggo chaṭṭho
4. 7
1. Gabbhiniɱ vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
2. Pāyantiɱ vuṭṭhāpentī dve āpattiyo āpajjati: vuṭṭhāpeti payoge dukkaṭasaɱ vuṭṭhāpite āpatti pācittiyassa.
3. Dve vasasāni chasu dhammesu asikkhitasikkhaɱ sikkhamānaɱ vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
4. Dve vasasāni chasu dhammesu sikkhitasikkhaɱ sikkhamānaɱ saṅghena asammataɱ vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
5. Ūnadvādāsavassaɱ gihīgataɱ vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
6. Paripuṇṇadvādāsavassaɱ gihīgataɱ dve vassāni chasu dhammesu asikkhitasikkhaɱ vuṭṭhāpenatī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
[BJT Page 262]
7. Paripuṇṇadvādāsavassaɱ gihīgataɱ dve vassāni chasu dhammesu sikkhitasikkhaɱ saṅghena asammataɱ vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
8. Sahajīviniɱ vuṭṭhāpetvā dve vassāni neva anuggaṇhantī nānuggaṇhāpentī ekaɱ āpattiɱ āpajjati: pācittiyaɱ.
9. Vuṭṭhāpitaɱ pavattiniɱ dve vassāni nānubandhantī ekaɱ āpattiɱ āpajjati: pācittiyaɱ.
10. Sahajīviniɱ vuṭṭhāpetvā neva vūpakāsentī na vūpakāsāpentī ekaɱ āpattiɱ āpajjati: pācittiyaɱ.
Gabbhinīvaggo sattamo.
4. 8
1. Ūnavīsativassaɱ kumārībhūtaɱ vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
2. Paripuṇṇavīsativassaɱ kumārībhūtaɱ dve vassāni chasu dhammesu asikkhitasikkhaɱ vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
3. Paripuṇṇavīsativassaɱ kumārībhūtaɱ dve vassāni chasu dhammesu sikkhitasikkhaɱ saṅghena asammataɱ vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
4. Ūnadvādāsavassaɱ vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
5. Paripuṇṇadvādāsavassaɱ saṅghena asammatā vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
6. "Alaɱ tāva te ayye vuṭṭhāpitenā"ti vuccamānā sādhūti paṭissuṇitvā pacchā khīyanadhammaɱ āpajjantī dve āpattiyo āpajjati: khīyati payoge dukkaṭaɱ khiyīte āpatti pācittiyassa.
7. Sikkhamānaɱ "sace me tvaɱ ayye cīvaraɱ dassasi, evāhaɱ taɱ vuṭṭhāpessāmī'ti. Vatvā neva vuṭṭhāpentī na vuṭṭhāpanāya ussukkaɱ karontī ekaɱ āpattiɱ āpajjati: pācittiyaɱ.
[BJT Page 264]
[page 079]
8. Sikkhamānaɱ "sace maɱ tvaɱ ayye dve vassāni anubandhissasi, evāhaɱ taɱ vuṭṭhāpessāmī'ti. Vatvā neva vuṭṭhāpentī na vuṭṭhāpanāya ussukkaɱ karontī ekaɱ āpattiɱ āpajjati: pācittiyaɱ.
9. Purisasaɱsaṭṭhaɱ kumārakasaɱsaṭṭhaɱ caṇḍiɱ sokāvassaɱ sikkhamānaɱ vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
10. Mātupituhi vā sāmikena vā ananuññātaɱ sikkhamānaɱ vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
11. Pārivāsikachandadānena sikkhamānaɱ vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
12. Anuvassaɱ vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
13. Ekaɱ vassaɱ dve vuṭṭhāpentī dve āpattiyo āpajjati: vuṭṭhāpeti payoge dukkaṭaɱ vuṭṭhāpite āpatti pācittiyassa.
Kumārībhūtavaggo aṭṭhamo.
4. 9
1. Chattūpāhanaɱ dhārentī dve āpattiyo āpajjati: dhāreti payoge dukkaṭaɱ dhārite āpatti pācittiyassa.
2. Yānena yāyantī dve āpattiyo āpajjati: yāyati payoge dukkaṭaɱ yāyite āpatti pācittiyassa.
3. Saṅghāṇiɱ dhārentī dve āpattiyo āpajjati: dhāreti payoge dukkaṭaɱ dhārite āpatti pācittiyassa.
4. Itthālaṅkāraɱ vā dhārentī dve āpattiyo āpajjati: dhāreti dukkaṭaɱ dhārite āpatti pācittiyassa.
5. Gandhavaṇṇakena nahāyantī dve āpattiyo āpajjati: nahāyati payoge dukkaṭaɱ nahānapariyosāne āpatti pācittiyassa.
6. Vāsitakena piññākena nahāyantī dve āpattiyo āpajjati: nahāyati payoge dukkaṭaɱ nahānapariyosāne āpatti pācittiyassa.
[BJT Page 266]
7. Bhikkhuniyā ummaddāpentī parimaddāpentī dve āpattiyo āpajjati: ummaddāpeti payoge dukkaṭaɱ ummaddite āpatti pācittiyassa.
8. Sikkhamānāya ummaddāpentī parimaddāpentī dve āpattiyo āpajjati: ummaddāpeti payoge dukkaṭaɱ ummaddite āpatti pācittiyassa.
9. Sāmaṇeriyā ummaddāpentī parimaddāpentī dve āpattiyo āpajjati: ummaddāpeti payoge dukkaṭaɱ ummaddite āpatti pācittiyassa.
10. Gihiniyā ummaddāpentī parimaddāpentī dve āpattiyo āpajjati: ummaddāpeti payoge dukkaṭaɱ ummaddite āpatti pācittiyassa.
11. Bhikkhussa purato anāpucchā āsane nisīdantī dve āpattiyo āpajjati: nisīdati payoge dukkaṭaɱ ummaddite āpatti pācittiyassa.
12. Anokāsaɱ kataɱ bhikkhuɱ pañhaɱ pucchantī dve āpattiyo āpajjati: pucchati payoge dukkaṭaɱ pucchite āpatti pācittiyassa.
13. Asaṅkaccikā gāmaɱ pavisantī dve āpattiyo āpajjati: paṭhamaɱ pādaɱ parikkhepaɱ atikkāmeti āpatti dukkaṭassa dutiyaɱ pādaɱ atikkāmeti āpatti pācittiyassa.
Chatatupāhanavaggo navamo
Navavaggakhuddakā 1- niṭṭhitā
2. 5
Pāṭidesanīya kaṇḍo
1. Sappīɱ viññāpetvā bhuñjantī dve āpattiyo āpajjati bhuñjissāmīti paṭigaṇhāti, 2- āpatti dukkaṭassa ajjhohāre ajjhohāre āpatti pāṭidesanīyassa.
2. Telaɱ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.
3. Madhuɱ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.
1. Khuddakaɱ niṭṭhitaɱ machasaɱ
2. Paṭiggaṇhāti - sīmu, machasaɱ
[BJT Page 268]
4. Phāṇitaɱ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.
5. Macchaɱ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.
6. Maɱsaɱ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.
7. Khiraɱ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.
8. Dadhiɱ viññāpetvā bhuñjantī dve āpattiyo āpajjati bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa.
Aṭṭha pāṭidesanīyā niṭṭhitā
Katāpattivāro niṭṭhito dutiyo
[BJT Page 270]
[page 080]
3. Vipattivāro
1. Avassutāya bhikkhuniyā avassutassa purisapuggalassa kāyasaɱsaggaɱ sādiyantiyā āpattiyo catunnaɱ vipattīnaɱ kati vipattiyo bhajanti: avassutāya bhikkhuniyā avassutassa purisapuggalassa kāyaɱsaggaɱ sādiyantiyā āpattiyo catunanaɱ vipattīnaɱ dve vipattiyo bhajanti: siyā sīlavipattiɱ, siyā ācāravipattiɱ - pe -
2. Dadhiɱ viññāpetvā bhuñjantiyā āpattiyo catunnaɱ vipattīnaɱ kati vipattiyo bhajanti: dadhiɱ viññāpetvā bhuñjantiyā āpattiyo catunnaɱ vipattīnaɱ ekaɱ vipattiɱ bhajanti: ācāravipattiɱ.
Vipattivāro niṭṭhito tatiyo
4. Saṅgahavāro
1. Avassutāya bhikkhuniyā avassutassa purisapuggalassa kāyasaɱsaggaɱ sādiyantiyā āpattiyo sattannaɱ āpattikkhāndhānaɱ katīhi āpattikkhandhehi saṅgahītā: avassutāya bhikkhuniyā avassutassa purisapuggalassa kāyaɱsaggaɱ sādiyantiyā āpattiyo sattannaɱ āpattikkhandhānaɱ tīhi āpattikkhandhehi saṅgahītā: siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena - pe -
2. Dadhiɱ viññāpetvā bhuñjantiyā āpattiyo sattannaɱ āpattikkhandhānaɱ katīhi āpattikkhandhehi saṅgahītā: dadhiɱ viññāpetvā bhuñjantiyā āpattiyo sattannaɱ āpattikkhandhānaɱ dvīhi āpattikkhandhehi saṅgahītā: siyā pāṭidesanīyāpattikkhandhena, siyā dukkaṭāpattikkhandhena.
Saṅgahavāro niṭṭhito catuttho
[BJT Page 272]
5. Samuṭṭhānavāro
1. Avassutāya bhikkhuniyā avassutassa purisapuggalassa kāyasaɱsaggaɱ sādiyantiyā āpattiyo channaɱ āpattisamuṭṭhānānaɱ katīhi samuṭṭhānehi samuṭṭhahanti: avassutāya bhikkhuniyā avassutassa purisapuggalassa kāyasaɱsaggaɱ sādiyantiyā āpattiyo channaɱ āpatti samuṭṭhānānaɱ ekena samuṭṭhānena samuṭṭhahanti: kāyato ca cittato ca samuṭṭhahanti, na vācato - pe -
2. Dadhiɱ viññāpetvā bhuñjantiyā āpattiyo channaɱ samuṭṭhānānaɱ katīhi samuṭṭhānehi samuṭṭhahanti: dadhiɱ viññāpetvā bhuñjantiyā āpattiyo channaɱ āpattisamuṭṭhānānaɱ catūhi samuṭṭhānehi samuṭṭhahanti: siyā kāyato samuṭṭhahanti, na vācato na cittato. Siyā kāyato ca vācato ca samuṭṭhahanti, na citto siyā kāyato ca cittato ca samuṭṭhahanti, na vācato siyā kāyetā ca vācato ca cittato ca samuṭṭhahanti.
Samuṭṭhānavāro niṭṭhito pañcamo
6. Adhikaraṇavāro
1. Avassutāya bhikkhuniyā avassutassa purisapuggalassa kāyasaɱsaggaɱ sādiyantiyā āpattiyo catunnaɱ adhikaraṇānaɱ katamaɱ adhikaraṇaɱ: avassutāya bhikkhuniyā avassutassa purisapuggalassa kāyasaɱsaggaɱ sādiyantiyā āpattiyo catunnaɱ adhikaraṇānaɱ āpattādhikaraṇaɱ - pe -
2. Dadhiɱ viññāpetvā bhuñjantiyā āpattiyo catunnaɱ adhikaraṇānaɱ katamaɱ adhīkaraṇaɱ: dadhiɱ viññāpetvā bhuñjantiyā āpattiyo catunnaɱ adhikaraṇānaɱ āpattādhikaraṇaɱ
Adhikaraṇavāro niṭṭhito chaṭṭho
[BJT Page 274]
7. Samathavāro
1. Avassutāya bhikkhuniyā avassutassa purisapuggalassa kāyasaɱsaggaɱ sādiyantiyā āpattiyo sattannaɱ samathānaɱ kahihi samathehi sammanti: avassutāya bhikkhuniyā avassutassa purisapuggalassa kāyasaɱsaggaɱ sādiyantiyā āpattiyo sattanaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca - pe -
[PTS Page 081 2.] Dadhiɱ viññāpetvā bhuñjantiyā āpattiyo sattannaɱ samathānaɱ katīhi samathehi sammanti: dadhiɱ viññāpetvā bhuñjantiyā āpattiyo sattannaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca
Samathavāro niṭṭhito sattamo
[BJT Page 276]
8. Samuccayavāro
1. Avassutā bhikkhunī avassutassa purisapuggalassa kāyasaɱsaggaɱ sādiyantiyā kati āpattiyo āpajjati: avassutā bhikkhunī avassutassa purisapuggalassa kāyasaɱsaggaɱ sādiyantī tisso āpattiyo āpajjati: adhakkhakaɱ ubbhajāṇumaṇḍalaɱ gahaṇaɱ sādiyati, āpatti pārājikassa ubbhakkhakaɱ adhojāṇumaṇḍalaɱ gahaṇaɱ sādiyati, āpatti thullaccayassa. Kāyapaṭibaddhaɱ gahaṇaɱ sādiyati, āpatti dukkaṭassa. Avassutā bhikkhunī avassutassa purisapuggalassa kāyasaɱsaggaɱ sādiyantī imā tisso āpattiyo āpajjati.
Tā āpattiyo catunnaɱ vipattīnaɱ kati vipattiyo bhajanti, sattannaɱ āpattikkhandhānaɱ katīhi āpattikkhandhehi saṅgahītā, channaɱ āpattisamuṭṭhānānaɱ katīhi samuṭṭhānehi samuṭṭhahanti, catunnaɱ adhikaraṇānaɱ katamaɱ adhikaraṇaɱ, sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti, siyā sīlavipattiɱ siyā ācāravipattiɱ sattannaɱ āpattikkhandhānaɱ tīhi āpattikkhandhehi saṅgahītā: siyā pārājikāpattikkhandhena. Siyā thullaccayāpattikkhandhena. Siyā dukkaṭāpattikkhandhena. Channaɱ āpatti samuṭṭhānānaɱ ekena samuṭṭhānena samuṭṭhahanti: kāyato ca cittato ca samuṭṭhahanti na vācato catunnaɱ adhikaraṇānaɱ āpattādhikaraṇaɱ. Sattannaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca siyā sammukhāvinayena ca tiṇavatthārakena ca - pe -
2. Dadhiɱ viññāpetvā bhuñjantiyā kati āpattiyo āpajjati: dadhīɱ viññāpetvā bhuñjantī dve āpattiyo āpajjati: bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa dadhiɱ viññāpetvā bhuñjantiyā imā dve āpattiyo āpajjati.
Tā āpattiyo catunnaɱ vipattīnaɱ kati vipattiyo bhajanti, sattannaɱ āpattikkhandhānaɱ katīhi āpattikkhandhehi saṅgahītā, channaɱ āpattisamuṭṭhānānaɱ katīhi samuṭṭhānehi samuṭṭhahanti, catunnaɱ adhikaraṇānaɱ katamaɱ adhikaraṇaɱ, sattannaɱ samathānaɱ katīhi samathehi sammanti:
[BJT Page 278]
3. Tā āpattiyo catunnaɱ vipattīnaɱ ekaɱ vipattiɱ bhajanti: ācāravipattiɱ. Sattannaɱ āpattikkhandhānaɱ dvīhi āpattikkhandhehi saṅgahītā: siyā pāṭidesanīyāpattikkhandhena, siyā dukkaṭāpattikkhandhena. Channaɱ āpattikkhandhānaɱ catūhi samuṭṭhānehi samuṭṭhahanti: siyā kāyato samuṭṭhahanti, na vācato na cittato, siyā kāyato ca vācato ca samuṭṭhahanti na cittato. Siyā kāyato ca cittato ca samuṭṭhahanti na vācato. Siyā kāyato ca vācato ca cittato ca samuṭṭhahanti. Catunnaɱ adhikaraṇānaɱ āpattādhikaraṇaɱ. Sattannaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca. Siyā sammukhāvinayena ca tiṇavatthārakena ca.
Samuccayavāro niṭṭhito aṭṭhamo.
[BJT Page 280]
9. Katthapaññattivāro
Pārājikakaṇḍo
1. Yaɱ tena bhagavatā jānatā passatā arahatā sammāsambuddhena kāyasaɱsaggaɱ sādiyanapaccayā pārājikaɱ kattha paññattaɱ, kaɱ ārabbha, kismiɱ vatthusmiɱ, - pe - kenābhatanti:
Yaɱ tena bhagavatā jānatā passatā arahatā sammāsambuddhena kāyasaɱsaggaɱ sādiyanapaccayā pārājikaɱ kattha paññattanti: sāvatthiyaɱ paññattaɱ kaɱ ārabbhāti: sundarīnandaɱ bhikkhuniɱ ārabbha kismiɱ vatthusminti, sundarīndā bhikkhunī avassutā avassutassa purisa puggalassa kāyasaɱsaggaɱ sādiyi, tasmiɱ vatthusmiɱ atthi tattha paññatti anupaññatti anuppanna paññattīti: ekā paññatti, anupaññatti anuppannapaññatti tasmiɱ natthi. Sabbattha paññatti padesapaññattīti: sabbattha paññatti. Sādhāraṇapaññatti, asādhāraṇapaññattīti: asādhāraṇapaññatti. Ekato paññatti ubhato paññatti ekato paññatti. Catunnaɱ pātimokkhuddesānaɱ katthogadhaɱ kattha pariyāpannanti: nidānogadhaɱ, nidānapariyāpannaɱ. Katamena uddesena uddesaɱ āgacchatīti: dutiyena uddesena uddesaɱ āgacchati. Catunnaɱ vipattīnaɱ katamā vipattīti: sīlavipatti. Sattannaɱ āpattikkhandhānaɱ katamo āpattikkhandhoti: pārājikāpattikkhandho. Channaɱ āpattisamuṭṭhānānaɱ katīhi samuṭṭhānehi samuṭṭhātīti: ekena samuṭṭhānena samuṭṭhāti: kāyato ca cittato ca samuṭṭhāti, na vācato - pe kenābhatanti: paramparābhataɱ.
11. Upāli dāsako ceva soṇako siggavo tathā,
Moggaliputtena pañcamā ete jambusirivhaye.
2. Tato mahindo iṭṭhiyo uttiyo ceva sambalo
Bhaddanāmo ca paṇḍito,
Ete nāgā mahāpaññā jambudipā idhāgatā.
3. Vinayaɱ te vācayiɱsu piṭakaɱ tambapaṇṇiyā,
Nikāye pañca vācesuɱ satta ceva pakaraṇe
4. Tato ariṭṭho medhāvī tissadatto ca paṇḍito
Visārado kāḷasumano thero ca dīghanāmako,
Dīghusumano ca paṇḍito.
5. Punadeva kāḷasumano nāgatthero ca buddharakkhito,
Tissatthero ca medhāvī devatthero ca paṇḍito.
6. Punadeva sumano medhāvī vinaye ca visārado,
Bahussuto cuḷanāgo gajo ca duppadhaɱsiyo.
7. Dhammapālitanāmo ca rohaṇo sādhupūjito,
Tassa sisso mahāpañño khemanāmo tipeṭako,
Dīpe tārakarājāva paññāya atirocatha.
8. Upatisso ca medhāvī phussadevo mahākathī
Punadeva sumano medhāvī pupphanāmo bahussuto.
9. Mahākathī mahāsīvo piṭake sabbattha kovido,
Punadeva upāli medhāvī vinaye ca visārado.
10. Mahānāgo mahāpañño saddhammavaɱsakovido,
Punadeva abhayo medhāvī piṭake sabbattha kovido.
11. Tissatthero ca medhāvī vinaye ca visārado,
Tassa sisso mahāpañño pupphanāmo bahussuto,
Sāsanaɱ anurakkhanto jambudīpe patiṭṭhito
12. Cuḷābhayo ca medhāvī vinaye ca visārado,
Tissatthero ca medhāvī saddhammavaɱsakovido.
13. Phussadevo ca medhāvī vinaye ca visārado,
Sīvattheroca medhāvi vinaye sabbattha kovido.
14. Ete nāgā mahāpaññā vinayaññū maggakovidā,
Vinayaɱ dīpe pakāsesuɱ piṭakaɱ tambapaṇṇiyāti.
[page 082]
2. Vajjapaṭicchādanapaccayā pārājikaɱ kattha paññattanti: sāvatthiyaɱ paññattaɱ kaɱ ārabbhāti: thullanandaɱ bhikkhuṇaniɱ ārabbha kismiɱ vatthusminti, thullanandā bhikkhunī jānaɱ pārājikaɱ dhammaɱ ajjhāpannaɱ bhikkhuniɱ nevattanā paṭicodesi, na gaṇassa ārocesi, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti: dhuranikkhepe - pe -
3. Yāva tatiyaɱ samanubhāsanāya nappaṭinissajjanapaccayā pārājikaɱ kattha paññattanti: sāvatthiyaɱ paññattaɱ kaɱ ārabbhāti: thullanandaɱ bhikkhuniɱ ārabbha kismiɱ vatthusminti, thullanandā bhikkhunī samaggena saṅghena ukkhittaɱ ariṭṭhaɱ bhikkhuɱ gaddhabādhipubbaɱ anuvatti, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti: dhuranikkhepe - pe -
[BJT Page 282]
4. Aṭṭhamaɱ vatthuɱ paripūraṇapaccayā pārājikaɱ kattha paññattanti: sāvatthiyaɱ paññattaɱ kaɱ ārabbhāti: chabbaggiyā bhikkhuniyo ārabbha kismiɱ vatthusminti, chabbaggiyā bhikkhuniyo aṭṭhamaɱ vatthuɱ paripūresuɱ, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti: dhuranikkhepe - pe -
Pārājikā niṭṭhitā
Saṅghādisesakaṇḍo
1. Yaɱ tena bhagavatā jānatā passatā arahatā sammāsambuddhena ussayavādikāya bhikkhuniyā aṭṭakaraṇapaccayā saṅghādiseso kattha paññattaɱ, kaɱ ārabbha, kismiɱ vatthusmiɱ, - pe - kenābhatanti:
2. Yaɱ tena bhagavatā jānatā passatā arahatā sammāsambuddhena ussayavādikāya bhikkhuniyā aṭṭakaraṇapaccayā saṅghādiseso kattha paññattanti: sāvatthiyaɱ paññattaɱ kaɱ ārabbhāti: thullanandaɱ bhikkhuniɱ ārabbha kismiɱ vatthusminti, thullanandā bhikkhunī ussayavādikā vihari, tasmiɱ vatthusmiɱ atthi tattha paññatti anupaññatti anuppanna paññattīti: ekā paññatti, anupaññatti anuppannapaññatti tasmiɱ natthi. Sabbattha paññatti padesapaññattīti: sabbattha paññatti. Sādhāraṇapaññatti, asādhāraṇapaññatti asādhāraṇapaññatti. Ekato paññatti ubhato paññatti ekato paññatti. Catunnaɱ pātimokkhuddesānaɱ katthogadhaɱ kattha pariyāpannanti: nidānogadhaɱ, nidānapariyāpannaɱ katamena uddesena uddesaɱ āgacchatīti: tatiyena uddesena uddesaɱ āgacchati. Catunnaɱ vipattīnaɱ katamā vipattīti: sīlavipatti. Sattannaɱ āpattikkhandhānaɱ katamo āpattikkhandhoti: saṅghādisesāpattikkhandho channaɱ āpattisamuṭṭhānānaɱ katīhi samuṭṭhānehi samuṭṭhātiti: dvīhi samuṭṭhānena samuṭṭhāti: siyā kāyato ca vācato ca samuṭṭhāti, dvīhi samuṭṭhānehi samuṭṭhāti: siyā kāyeto ca vacato ca samuṭṭhāti, na cittato siyā kāyato ca vācato ca cittato ca samuṭṭhāti kenābhatanti, paramparābhataɱ
1. Upāli dāsako ceva soṇako siggavo tathā,
Moggaliputtena pañcamā ete jambusirivhaye.
2. Tato mahindo iṭṭhiyo uttiyo ceva sambalo
Bhaddanāmo ca paṇḍito,
Ete nāgā mahāpaññā jambudipā idhāgatā.
3. Vinayaɱ te vācayiɱsu piṭakaɱ tambapaṇṇiyā,
Nikāye pañca vācesuɱ satta ceva pakaraṇe
4. Tato ariṭṭho medhāvī tissadatto ca paṇḍito
Visārado kāḷasumano thero ca dīghanāmako,
Dīghusumano ca paṇḍito.
5. Punadeva kāḷasumano nāgatthero ca buddharakkhito,
Tissatthero ca medhāvī devatthero ca paṇḍito.
6. Punadeva sumano medhāvī vinaye ca visārado,
Bahussuto cuḷanāgo gajo ca duppadhaɱsiyo.
7. Dhammapālitanāmo ca rohaṇo sādhupūjito,
Tassa sisso mahāpañño khemanāmo tipeṭako,
Dīpe tārakarājāva paññāya atirocatha.
8. Upatisso ca medhāvī phussadevo mahākathī
Punadve sumano medhāvī pupphanāmo bahussuto.
9. Mahākathī mahāsīvo piṭake sabbattha kovido,
Punadeva upāli medhāvī vinaye ca visārado.
10. Mahānāgo mahāpañño saddhammavaɱsakovido,
Punadeva abhayo medhāvī piṭake sabbattha kovido.
11. Tissatthero ca medhāvī vinaye ca visārado,
Tassa sisso mahāpañño pupphanāmo bahussuto,
Sāsanaɱ anurakkhanto jambudīpe patiṭṭhito
12. Cuḷābhayo ca medhāvī vinaye ca visārado,
Tissatthero ca medhāvī saddhammavaɱsakovido.
13. Phussadevo ca medhāvī vinaye ca visārado,
Sīvattheroca medhāvi vinaye sabbattha kovido.
14. Ete nāgā mahāpaññā vinayaññū maggakovidā,
Vinayaɱ dīpe pakāsesuɱ piṭakaɱ tambapaṇṇiyāti.
3. Coriɱ vuṭṭhāpanapaccayā saṅghādiseso kattha paññattoti: sāvatthiyaɱ paññatto. Kaɱ ārabbhāti: thullanandaɱ bhikkhuniɱ ārabbha kismiɱ vatthusminti, thullanandā bhikkhunī coriɱ vuṭṭhāpesi, tasmiɱ vatthusmiɱ. Ekā paññatti. Channaɱ āpattisamuṭṭhānānaɱ dvīhi samuṭṭhānehi samuṭṭhāti: siyā vācato ca cittato ca samuṭṭhāti, na kāyato. Siyā kāyato ca vācato ca cittato ca samuṭṭhāti.
1. Aṭṭaɱ - machasaɱ
[BJT Page 284]
4. Ekā gāmantaraɱ gamanapaccayā saṅghādiseso kattha paññattoti: sāvatthiyaɱ paññatto. Kaɱ ārabbhāti: aññataraɱ bhikkhuniɱ ārabbha. Kismiɱ vatthusminti, aññatarā bhikkhunī ekā gāmantaraɱ gacchi, tasmiɱ vatthusmiɱ ekā paññatti tisso anupaññattiyo, channaɱ āpattisamuṭṭhānānaɱ ekena samuṭṭhānena samuṭṭhāti: paṭhamapārājike - pe -
5. Samaggena saṅghena ukkhittaɱ bhikkhuniɱ dhammena vinayena satthusāsanena anapaloketvā kārakasaṅghaɱ anaññāya gaṇassa chandaɱ osāraṇapaccayā saṅghādiseso kattha paññattoti: sāvatthiyaɱ paññatto. Kaɱ ārabbhāti: thullanandaɱ bhikkhuniɱ ārabbha. Kismiɱ vatthusminti, thullanandā bhikkhunī samaggena saṅghena ukkhittaɱ bhikkhuniɱ dhammena vinayena satthusāsanena anapaloketvā kārakasaṅghaɱ anaññāya gaṇassa chandaɱ osāresi, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti: dhuranikkhepe - pe -
6. Avassutāya bhikkhuniyā avassutassa purisapuggalassa hatthato khādanīyaɱ vā bhojanīyaɱ vā sahatthā paṭiggahetvā bhuñjanapaccayā saṅghādiseso kattha paññattoti: sāvatthiyaɱ paññatto. Kaɱ ārabbhāti: sundarinandaɱ bhikkhuniɱ ārabbha. Kismiɱ vatthusminti, sundarinandā bhikkhunī avassutā avassutassa purisapuggalassa hatthato khādanīyampi bhojanīyampi paṭiggahesi, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti: paṭhamapārājike - pe -
7. Kiɱ te ayye eso purisapuggalo karissati avassuto vā anavassuto vā yato tvaɱ anavassutā, iṅghayye yaɱ te eso purisapuggalo deti khādanīyaɱ vā bhojanīyaɱ vā, taɱ tvaɱ sahatthā paṭiggahetvā khāda vā bhuñjavā"ti uyyojanapaccayā saṅghādiseso kattha paññattoti: sāvatthiyaɱ paññatto. Kaɱ ārabbhāti: aññataraɱ bhikkhuniɱ ārabbha. Kismiɱ vatthusminti, aññatarā bhikkhunī "kiɱ te ayye eso purisapuggalo karissati avassuto vā anavassuto vā yato tvaɱ anavassutā, iṅghayye yaɱ te eso purisapuggalo deti khādanīyaɱ vā bhojanīyaɱ vā, taɱ tvaɱ sahatthā paṭiggahetvā khāda vā bhuñja vā"ti uyyojesi, tasmiɱ vatthusmiɱ. Ekā paññatti channaɱ āpattisamuṭṭhānānaɱ tīhi samuṭṭhānehi samuṭṭhāti: - pe -
8. Kupitāya anattamanāya bhikkhuniyā yāvatatiyaɱ samanubhāsanāya nappaṭinissajjanapaccayā saṅghādiseso kattha paññattoti: sāvatthiyaɱ paññatto. Kaɱ ārabbhāti: caṇḍakāḷiɱ bhikkhuniɱ ārabbha. Kismiɱ vatthusminti, caṇḍakāḷī bhikkhunī kupitā anattamanā evaɱ avaca: 'buddhaɱ paccakkhāmi. Dhammaɱ paccakkhāmi. Saṅghaɱ paccakkhāmi. Sikkhaɱ paccakkhāmī" ti, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti: dhuranikkhepe - pe -
[BJT Page 286]
9. Kismicideva adhikaraṇe paccākatāya bhikkhuniyā yāvatatiyaɱ samanubhāsanāya nappaṭinissajjanapaccayā saṅghādiseso kattha paññattoti: sāvatthiyaɱ paññatto. Kaɱ ārabbhāti: caṇḍakāḷiɱ bhikkhuniɱ ārabbha. Kismiɱ vatthusminti, caṇḍakāḷī bhikkhunī kismicideva adhikaraṇe paccākatā kupitā anattamanā evaɱ avaca: 'chandagāminiyo ca bhikkhuniyo. Dosagāminiyo ca bhikkhuniyo. Mohagāminiyo ca bhikkhuniyo. Bhayagāminiyo ca bhikkhuniyo'ti. Tasmiɱ vatthusmiɱ. Ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti: dhuranikkhepe - pe -
10. Saɱsaṭṭhānaɱ bhikkhunīnaɱ yāvatatiyaɱ samanubhāsanāya nappaṭinissajjanapaccayā saṅghādiseso kattha paññattoti: sāvatthiyaɱ paññatto. Kaɱ ārabbhāti: sambahulā bhikkhuniyo ārabbha. Kismiɱ vatthusminti, sambahulā bhikkhuniyo saɱsaṭṭhā vihariɱsu, tasmiɱ vatthusmiɱ. Ekā paññatti. Channaɱ āpattisamuṭṭhānānaɱ ekena samuṭṭhānena samuṭṭhāti: dhuranikkhepe - pe -
11. Saɱsaṭṭhā vayye tumhe viharatha. Mā tumhe nānā viharathā"ti uyyojentiyā yāvatatiyaɱ samanubhāsanāya nappaṭinissajjanapaccayā saṅghādiseso kattha paññattoti: sāvatthiyaɱ paññatto. Kaɱ ārabbhāti: thullanandaɱ bhikkhuniɱ ārabbha. Kismiɱ vatthusminti, thullanandā bhikkhunī 'saɱsaṭṭhāvayye tumhe viharatha mā tumhe nānā viharitthā"ti uyyojesi, tasmiɱ vatthusmiɱ ekā paññatti channaɱ āpattisamuṭṭhānānaɱ ekena samuṭṭhānena samuṭṭhāti: dhuranikkhepe - pe -
12. Dadhiɱ viññāpetvā bhuñjanapaccayā pāṭidesanīyaɱ kattha paññattanti: sāvatthiyaɱ paññattaɱ. Kaɱ ārabbhāti: chabbaggiyā bhikkhuniyo ārabbha. Kismiɱ vatthusminti, chabbaggiyā bhikkhuniyo dadhiɱ viññāpetvā bhuñjiɱsu, tasmiɱ vatthusmiɱ ekā paññatti. Channaɱ āpattisamuṭṭhānānaɱ catūhi samuṭṭhānehi samuṭṭhāti: - pe -
Katthapaññattivāro niṭṭhito paṭhamo.
[BJT Page 288]
10. Katāpattivāro
1. Kāyasaɱsaggaɱ sādiyanapaccayā kati āpattiyo āpajjati: kāyasaɱsaggaɱ sādiyanapaccayā pañca āpattiyo āpajjati: avassutā bhikkhunī avassutassa purisapuggalassa adhakkhakaɱ ubbhajāṇumaṇḍalaɱ gahaṇaɱ sādiyati, āpatti pārājikassa. Bhikkhu kāyena kāyaɱ āmasati, āpatti saṅghādisesassa kāyena kāyapaṭibaddhaɱ āmasati, āpatti thullaccayassa. Kāyapaṭibaddhena kāyapaṭibaddhaɱ āmasati, āpatti dukkaṭassa. Aṅgulipatodake pācittiyaɱ. Kāyasaɱsaggaɱ sādiyanapaccayā imā pañca āpattiyo āpajjati.
2. Vajjapaṭicchādanapaccayā kati āpattiyo āpajjati: vajjapaṭicchādanapaccayā catasso āpattiyo āpajjati: bhikkhunī jānaɱ pārājikaɱ dhammaɱ 1- paṭicchādeti, āpatti pārājikassa. Vematikā paṭicchādeti, āpatti thullaccayassa. Bhikkhu saṅghādisesaɱ paṭicchādeti, āpatti pācittiyassa. Ācāravipattiɱ paṭicchādeti āpatti dukkaṭassa vajjapaṭicchādanapaccayā imā catasso āpattiyo āpajjati.
3. Yāvatatiyaɱ samanubhāsanāya nappaṭinissajjanapaccayā kati āpattiyo āpajjati: yāvatatiyaɱ samanubhāsanāya nappaṭinissajjanapaccayā pañca āpattiyo āpajjati: ukkhittānuvattikā bhikkhunī yāvatatiyaɱ samanubhāsanāya nappaṭinissajjati, ñattiyā dukkaṭaɱ dvīhi kammavācāhi thullaccayā. Kammavācāpariyosāne āpatti pārājikassa. Bhedakānuvattikā bhikkhunī yāvatatiyaɱ samanubhāsanāya nappaṭinissajjati, āpatti saṅghādisesassa pāpikāya diṭṭhiyā yāvatatiyaɱ samanubhāsanāya nappaṭinissajjati, āpatti pācittiyassa. Yāva tatiyaɱ samanubhāsanāya nappaṭinissajjanapaccayā imā pañca āpattiyo āpajjati.
4. Aṭṭhamaɱ vatthuɱ paripūraṇapaccayā kati āpattiyo āpajjati aṭṭhamaɱ vatthuɱ paripūraṇapaccayā tisso āpattiyo āpajjati: purisena "itthannāma gahanaɱ āgacchā"ti vuttā gacchati āpatti dukkaṭassa. Purisassa hatthapāsaɱ okkantamatte āpatti thullaccayassa. Aṭṭhamaɱ vatthuɱ paripūreti, āpatti pārājikassa. Aṭṭhamaɱ vatthuɱ paripūraṇapaccayā imā tisso āpattiyo āpajjati.
Pārājikā niṭṭhitā
1. Dhammaɱ ajjhāpanaɱ syā.
[BJT Page 290]
Saṅghādisesakaṇḍo
1. Ussayavādikā bhikkhunī aṭṭakaraṇapaccayā tisso āpattiyo āpajjati: ekassa āroceti, āpatti dukkaṭassa. Dutiyassa āroceti, āpatti thullaccayassa, aṭṭapariyosāne āpatti saṅghādisesassa.
[page 084]
2. Coriɱ vuṭṭhāpanapaccayā tisso āpattiyo āpajjati: ñattiyā dukkaṭaɱ dvīhi kammavācāhi thullaccayā kammavācāpariyosāne āpatti saṅghādisesassa
3. Ekā gāmantaraɱ gamanapaccayā tisso āpattiyo āpajjati: gacchati, āpatti dukkaṭassa. Paṭhamaɱ pādaɱ parikkhepaɱ atikkāmeti āpatti thullaccayassa. Dutiyaɱ pādaɱ atikkāmeti, āpatti saṅghādisesassa.
4. Samaggena saṅghena ukkhittaɱ bhikkhuniɱ dhammena vinayena satthusāsanena anapaloketvā kārakasaṅghaɱ anaññāya gaṇassa chandaɱ osāraṇapaccayā tisso āpattiyo āpajjati: ñattiyā dukkaṭaɱ dvīhi kammavācāhi thullaccayā kammavācāpariyosāne āpatti saṅghādisesassa.
5. Avassutā bhikkhunī avassutassa purisapuggalassa hatthato khādanīyaɱ vā bhojanīyaɱ vā sahatthā paṭiggahetvā bhuñjanapaccayā tisso āpattiyo āpajjati: khādissāmi bhuñjissāmīti paṭigaṇhāti, āpatti thullaccayassa ajjhohāre ajjhohāre āpatti saṅghādisesassa. Udakadantapoṇaɱ paṭigaṇhāti, āpatti dukkaṭassa.
6. "Kiɱ te ayye eso purisapuggalo karissati avassuto vā anavassuto vā yato tvaɱ anavassutā, iṅghayye yaɱ te eso purisapuggalo deti khādanīyaɱ vā bhojanīyaɱ vā, taɱ tvaɱ sahatthā paṭiggahetvā khāda vā bhuñja vā"ti uyyojanapaccayā tisso āpattiyo āpajjati: tassā vacanena khādissāmi bhuñjissāmīti paṭigaṇhāti, āpatti dukkaṭassa. Ajjhohāre ajjhohāre āpatti thullaccayassa bhojanapariyosāne āpatti saṅghādisesassa.
7. Kupitā bhikkhunī yāvatatiyaɱ samanubhāsanāya nappaṭinissajjana paccayā tisso āpattiyo āpajjati: ñattiyā dukkaṭaɱ dvīhi kammavācāhi thullaccayā, kammavācā pariyosāne āpatti saṅghādisesassa
8. Kismicideva adhikaraṇe paccākatā bhikkhunī yāvatatiyaɱ samanubhāsanāya nappaṭinissajjanapaccayā tisso āpattiyo āpajjati: ñattiyā dukkaṭaɱ. Dvīhi kammavācāhi thullaccayā, kammavācāpariyosāne āpatti saṅghādisesassa.
9. Saɱsaṭṭhā bhikkhunī yāvatatiyaɱ samanubhāsanāya nappaṭinissajjanapaccayā tisso āpattiyo āpajjati: ñattiyā dukkaṭaɱ. Dvīhi kammavācāhi thullaccayā, kammavācāpariyosāne āpatti saṅghādisesassa.
[BJT Page 292]
10. "Saɱsaṭṭhāvayye tumhe viharatha mā tumhe nānā viharitthā"ti uyyojentī yāvatatiyaɱ samanubhāsanāya nappaṭinissajjanapaccayā tisso āpattiyo āpajjati: ñattiyā dukkaṭaɱ dvīhi kammavācāhi thullaccayā, kammavācāpariyosāne āpatti saṅghādisesassa - pe -
Dasasaṅghādisesā niṭṭhitā
Yathā heṭṭhā tathā vitthāretabbā,
Paccayameva nānākaraṇaɱ.
11. Dadhiɱ viññāpetvā bhuñjanapaccayā kati āpattiyo āpajjati: dadhiɱ viññāpetvā bhuñjanapaccayā dve āpattiyo āpajjati: khādissāmi bhuñjissāmīti paṭigaṇhāti, āpatti dukkaṭassa. Ajjhohāre ajjhohāre āpatti pāṭidesanīyassa dadhiɱ viññāpetvā bhuñjanapaccayā imā dve āpattiyo āpajjati.
Katāpattivāro niṭṭhito dutiyo
[BJT Page 294]
11. Vipattivāro
1. Kāyasaɱsaggaɱ sādiyanapaccayā āpattiyo catunnaɱ vipattīnaɱ kati vipattiyo bhajanti: kāyasaɱsaggaɱ sādiyanapaccayā āpattiyo catunnaɱ vipattīnaɱ dve vipattiyo bhajanti: siyā sīlavipattiɱ, siyā ācāravipattiɱ - pe -
2. Dadhiɱ viññāpetvā bhuñjanappaccayā āpattiyo catunnaɱ vipattīnaɱ kati vipattiyo bhajanti: dadhiɱ viññāpetvā bhuñjanapaccayā āpattiyo catunnaɱ vipattīnaɱ ekaɱ vipattiɱ bhajanti: ācāravipattiɱ.
Vipattivāro niṭṭhito tatiyo
12. Saṅgahavāro
1. Kāyasaɱsaggaɱ sādiyanapaccayā āpattiyo sattannaɱ [page 085] āpattikkhandhānaɱ katīhi āpattikkhandhehi saṅgahītā: kāyasaɱsaggaɱ sādiyanapaccayā āpattiyo sattannaɱ āpattikkhandhānaɱ pañcahi āpattikkhandhehi saṅgahītā: siyā pārājikāpattikkhandhena. Siyā saṅghādiseyāpattikkhandhena. Siyā thullaccayāpattikkhandhena. Siyā pācittiyāpattikkhandhena siyā dukkaṭāpattikkhandhena - pe -
2. Dadhiɱ viññāpetvā bhuñjanapaccayā āpattiyo sattannaɱ āpattikkhandhānaɱ katīhi āpattikkhandhehi saṅgahītā: dadhiɱ viññāpetvā bhuñjanapaccayā āpattiyo sattannaɱ āpattikkhandhānaɱ dvīhi āpattikkhandhehi saṅgahītā: siyā pāṭidesanīyāpattikkhandhena siyā dukkaṭāpattikkhandhena
Saṅgahavāro niṭṭhito catuttho
[BJT Page 296]
13. Samuṭṭhānavāro
1. Kāyasaɱsaggaɱ sādiyanapaccayā āpattiyo channaɱ āpatti samuṭṭhānānaɱ katīhi samuṭṭhānehi samuṭṭhahanti: kāyasaɱsaggaɱ sādiyanapaccayā āpattiyo channaɱ āpattisamuṭṭhānānaɱ ekena samuṭṭhānena samuṭṭhahanti: kāyato ca cittato ca samuṭṭhahanti, na vācato - pe -
2. Dadhiɱ viññāpetvā bhuñjanapaccayā āpattiyo channaɱ āpattisamuṭṭhānānaɱ katīhi samuṭṭhānehi samuṭṭhahanti: dadhiɱ viññāpetvā bhuñjanapaccayā āpattiyo channaɱ āpattisamuṭṭhānānaɱ catūhi samuṭṭhānehi samuṭṭhahanti: siyā kāyato samuṭṭhahanti, na vācato na cittato siyā kāyato ca vācato ca samuṭṭhahanti, na cittato siyā kāyato ca cittato ca samuṭṭhahanti, na vācato siyā kāyato ca vācato ca cittato ca samuṭṭhahanti.
Samuṭṭhānavāro niṭṭhito pañcamo
14. Adhikaraṇavāro
1. Kāyasaɱsaggaɱ sādiyanapaccayā āpattiyo catunnaɱ adhikaraṇānaɱ katamaɱ adhikaraṇaɱ: kāyasaɱsaggaɱ sādiyanapaccayā āpattiyo catunnaɱ adhikaraṇānaɱ āpattādhikaraṇaɱ - pe
2. Dadhiɱ viññāpetvā bhuñjanapaccayā āpattiyo catunnaɱ adhikaraṇānaɱ katamaɱ adhikaraṇaɱ: dadhiɱ viññāpetvā bhuñjanapaccayā āpattiyo catunnaɱ adhikaraṇānaɱ āpattādhikaraṇaɱ.
Adhikaraṇavāro niṭṭhito chaṭṭho
[BJT Page 298]
15. Samathavāro
1. Kāyasaɱsaggaɱ sādiyanapaccayā āpattiyo sattannaɱ samathānaɱ katīhi samathehi sammanti: kāyasaɱsaggaɱ sādiyanapaccayā āpattiyo sattannaɱ samathānaɱ tīhi samathehi sammanti: siyā sammukhāvinayena ca, paṭiññātakaraṇena ca, siyā sammukhāvinayena ca, tiṇavatthārakena ca - pe
2. Dadhiɱ viññāpetvā bhuñjanapaccayā āpattiyo sattannaɱ samathānaɱ katīhi samathehi sammanti: dadhiɱ viññāpetvā bhuñjanapaccayā āpattiyo sattannaɱ samathānaɱ tīhi samathehi sammanti: siyā sammukhāvinayena ca, paṭiññātakaraṇena ca, siyā sammukhāvinayena ca tiṇavatthārakena ca.
Samathavāro niṭṭhito sattamo.
[BJT Page 300]
16. Samuccayavāro
1. Kāyasaɱsaggaɱ sādiyanapaccayā kati āpattiyo kati āpattiyo āpajjati: kāyaɱsaggaɱ sādiyanapaccayā pañca āpattiyo āpajjati: avassutā bhikkhunī avassutassa purisapuggalassa adhakkhakaɱ ubbhajāṇumaṇḍalaɱ gahaṇaɱ sādiyati, āpattipārājikassa. Bhikkhū kāyena kāyaɱ āmasati, āpatti saṅghādisesassa. Kāyena kāyapaṭibaddhaɱ āmasati, āpatti thullaccayassa. Kāyapaṭibaddhena kāyapaṭibaddhaɱ āmasati, āpatti dukkaṭassa. Aṅgulipatodake pācittiyaɱ kāyasaɱsaggaɱ sādiyanapaccayā imā pañca āpattiyo āpajjati.
Tā āpattiyo catunnaɱ vipattīnaɱ kati vipattiyo bhajanti, sattannaɱ āpattikkhandhānaɱ katīhi āpattikkhandhehi saṅgahītā, channaɱ āpattisamuṭṭhānānaɱ katīhi samuṭṭhānehi samuṭṭhahanti, catunnaɱ adhikaraṇānaɱ katamaɱ adhikaraṇaɱ, sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti, siyā sīlavipattiɱ siyā ācāravipattiɱ. Sattannaɱ āpattikkhandhānaɱ pañcahi āpattikkhandhehi saṅgahītā: siyā pārājikāpattikkhandhena siyā saṅghādisesāpattikkhandhena, siyā thullaccayāpattikkhandhena siyā pācittiyāpattikkhandhena, siyā dukkaṭāpattikkhandhena channaɱ āpattisamuṭṭhānānaɱ ekena samuṭṭhānena samuṭṭhahanti: kāyato ca citatto ca samuṭṭhahanti na vācato. Catunnaɱ adhikaraṇānaɱ āpattādhikaraṇaɱ. Sattannaɱ samathānaɱ tihi samathehi sammanti: siyā sammukhāvinayena ca paṭiññātakaraṇena ca. Siyā sammukhāvinayena ca tiṇavatthārakena ca - pe -
2. Dadhiɱ viññāpetvā bhuñjanapaccayā tati āpattiyo āpajjati: dadhīɱ viññāpatvā bhuñjanapaccayā dve āpattiyo āpajjati: bhuñjissāmīti paṭigaṇhāti, āpatti dukkaṭassa ajjhohāre ajjhohāre āpatti pāṭidesanīyassa dadhiɱ viññāpetvā bhuñjantiyā imā dve āpattiyo āpajjati.
Tā āpattiyo catunnaɱ vipattīnaɱ kati vipattiyo bhajanti, sattannaɱ āpattikkhandhānaɱ katīhi āpattikkhandhehi saṅgahītā, channaɱ āpattisamuṭṭhānānaɱ katīhi samuṭṭhānehi samuṭṭhahanti, catunnaɱ adhikaraṇānaɱ katamaɱ adhikaraṇaɱ, sattannaɱ samathānaɱ katīhi samathehi sammanti:
[BJT Page 302]
Tā āpattiyo catunnaɱ vipattīnaɱ ekaɱ vipattiɱ bhajanti: ācāravipattiɱ sattannaɱ āpattikkhandhānaɱ dvīhi āpattikkhandhehi saṅgahītā: siyā pāṭidesanīyāpattikkhandhena, siyā dukkaṭāpattikkhandhena channaɱ āpattisamuṭṭhānānaɱ catūhi samuṭṭhānehi samuṭṭhahanti: siyā kāyato samuṭṭhahanti, na vācato na cittato, siyā kāyato ca vācato ca samuṭṭhahanti, na cittato. Siyā kāyato ca cittato ca samuṭṭhahanti, na vācato. Siyā kāyato ca vācato ca cittato ca samuṭṭhahanti. Catunnaɱ adhikaraṇānaɱ āpattādhikaraṇaɱ. Sattannaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca siyā sammukhāvinayena ca tiṇavatthārakena cāti.
Samuccayavāro niṭṭhito aṭṭhamo.
Aṭṭha paccayavārā niṭṭhitā.
Tesaɱ uddānaɱ:
Kativāro ca vipattivāro ca saṅgahavāro
Samuṭṭhānavāro ceva adhikaraṇavāro ca,
Samathavāro ca samuccayavāro ca ime satta vārā
Ādito paññattivārena saha aṭṭha vārā honti.
Bhikkhunīvibhaṅge soḷasa mahāvārā niṭṭhitā
Niṭṭhito ca bhikkhunī vibhaṅgo.
[BJT Page 304]
[page 086]
Samuṭṭhānasīsasaṅkhepo
Samuṭṭhānassuddānaɱ:
1. Aniccā sabbe saṅkhārā dukkhā'nattā ca saṅkhatā,
Nibbānañceva paññatti anattā iti nicchayā.
2. Buddhacande anuppanne buddhādicce anuggate,
Tesaɱ sabhāgadhammānaɱ nāmamattaɱ na ñāyati.
3. Dukkaraɱ vividhaɱ katvā pūrayitvāna pāramī,
Uppajjanti mahāvīrā cakkhubhūtā sabrahmake.
4. Te desayanti saddhammaɱ dukkhahāniɱ sukhāvahaɱ,
Aṅgīraso sakyamuni sabbabhūtānukampako.
5. Sabbasattuttamo sīho piṭake tīṇi desayī,
Suttantaɱ abhidhammañca vinayañca mahāguṇaɱ
6. Evaɱ nīyati saddhammo vinayo yadi tiṭṭhati,
Ubhato ca vibhaṅgāni khandhakā yāca mātikā.
7. Mālāsuttaguṇeneva parivārena ganthitā,
Tasseva parivārassa samuṭṭhānaɱ nayato 1- kataɱ.
8. Sambhedaɱ nidānañcaññaɱ sutte dissanti upari,
Tasmā sikkhe parivāraɱ dhammakāmo supesaloti.
Terasasamuṭṭhānāni
9. Vibhaṅge dvisu paññattaɱ uddisanti uposathe,
Pavakkhāmi samuṭṭhānaɱ yathāñāyaɱ suṇātha me.
10. Pārājikaɱ yaɱ paṭhamaɱ dutiyañca tato paraɱ,
Pañcarittānubhāsañca 1- atirekañca cīvaraɱ.
11. Lomāni padaso dhammo bhūtaɱ saɱvidhānena ca,
Theyyadesanacoriɱ ca ananuññātāya terasa
12. Terasete samuṭṭhānanayā viññūhi cintitā,
Ekekasmiɱ samuṭṭhāne sadisā idha dissare.
1. Sañcarittānu bhāsanañca machasaɱ
2. Niyato, sī. Mu machasaɱ
[BJT Page 306]
Paṭhamapārājika samuṭṭhānaɱ
13. Methunaɱ sukkasaɱsaggo aniyatā paṭhamikā,
Pubbūpaparipācītā raho bhikkhuniyo saha.
[page 087]
14. Sabhojane 2- raho ceva aṅguli udake hasaɱ,
Pahāre uggire dve ca tepaññāsā ca sekhiyā.
15. Adhakkhakagāmavassutā talamaṭṭhañca suddhikā,
Vassaɱ vutthā ca ovādaɱ nānubandhe pavattiniɱ.
16. Chasattati imā sikkhā kāyamānasikā katā,
Sabbe ekasamuṭṭhānā paṭhamaɱ pārājikaɱ yathā.
Paṭhamapārājikasamuṭṭhānaɱ niṭṭhitaɱ
Dutiyapārājika samuṭṭhānaɱ
17. Adinnaɱ viggahuttariɱ duṭṭhullaɱ attakāmatā, 1-
Amūlā aññabhāgiyā aniyatā dutiyikā.
18. Acchinde pariṇāmane musā omasa pesunā,
Duṭṭhullā paṭhaviɱ khaṇe bhūtaɱ aññāya ujjhape.
19. Nikkaḍḍhanaɱ siñcanañca āmisahetu bhuttāvi,
Ehi anādarī hiɱsā apanidhe ca jīvitaɱ.
20. Jānaɱ sappāṇakaɱ kammaɱ ūnena saɱvāsanāsanā,
Sahadhammikaɱ vilekhā va moho amūlakena ca.
21. Kukkuccaɱ dhammikaɱ cīvaraɱ pariṇāmeyya puggale,
Kiɱ te akālaɱ acchinde duggahīta 4- nirayena ca.
22. Gaṇaɱ vibhaṅgaɱ dubbalaɱ kaṭhināphāsu passayaɱ,
Akkosacaṇḍi macchari gabbhinī ca pāyantiyā.
23. Dve vassaɱ sikkhā saṅghena tayo ceva gihīgatā,
Kumārībhūtā tisso ca ūnadvādasa sammatā.
24. Alaɱ tāva sokāvassaɱ chandā anuvassā ca dve,
Sikkhāpadā sattatime samuṭṭhānā tikā katā.
25. Kāyacittena na vācā cittaɱ na kāyikaɱ,
Tihi dvārehi jāyanti pārājikaɱ dutiyaɱ yathā.
Dutiya pārājikasamuṭṭhānaɱ niṭṭhitaɱ.
1. Attakāminaɱ sīmu
2. Dve machasaɱ
3. Kukkuccaɱ dhammikaɱ cīvaraɱ datvā machasaɱ kukkuccaɱ
4. Duggahī machasaɱ (dhammikaɱ datvā syā).
[BJT Page 308]
Sañcaritta samuṭṭhānaɱ
26. Sañcari kuṭi vihāro dhovanañca paṭiggaho,
Viññattuttari abhihaṭṭhuɱ ubhinnaɱ dūtakena ca.
27. Kosiya suddha dvebhāgā chabbassāni nisīdanaɱ,
Riñcanti rūpikā ceva ubho nānappakārakā.
28. Ūna bandhana vassikā suttaɱ vikappanena ca,
Dvāra dāna sibbanī ca pūvapaccaya joti ca.
29. Ratanaɱ suci mañco ca tulaɱ nisīdanaɱ kaṇḍu ca,
Vassikā va sugatena viññatti aññaɱ cetāpanā
30. Dve saṅghikā mahājanī dve puggalā lahukā garu,
Dve vighāsā sāṭikā ca samaṇacīvarena ca.
31. Samapaññāsime dhammā chahi ṭhānahi jāyare,
Kāyato na cittā vācato na kāyamanā.
[page 088]
32. Kāyavācā na cittato 1- kāyacittā na vācato,
Vācā cittā na kāyena tīhi dvārehi 2- jāyare,
Cha samuṭṭhānikā cete sañcarittena sādisā.
Sañcarittasamuṭṭhānaɱ niṭṭhitaɱ
Samanubhāsana samuṭṭhānaɱ
33. Bhedānuvattadubbaca dusa duṭṭhulla diṭṭhi ca,
Chandaɱ ujjagghikā dve ca dve ca saddā na byāhare.
34. Chamā nīcāsane ṭhānaɱ pacchato uppathena ca,
Vajjānuvattigahaṇā osāre paccācikkhanā.
35. Kismiɱ saɱsaṭṭhā dve vadhī visibbe dukkhitāya ca,
Puna saɱsaṭṭhā na vūpasame ārāmañca pavāraṇā.
36. Anvaddhamāsaɱ sahajivi dve cīvaraɱ anubandhanā,
Sattatiɱsa ime dhammā kāyavācāya cittato,
Sabbe ekasamuṭṭhānā samanubhāsanā yathā.
Samanubhāsanasamuṭṭhānaɱ niṭṭhitaɱ
1. Cittā machasaɱ 2. Tīhi ṭhānehi syā.
[BJT Page 310]
Kaṭhina samuṭṭhānaɱ
37. Ubbhataɱ kaṭhinaɱ tīṇi paṭhamaɱ pattabhesajjaɱ,
Accekaɱ cāpi sāsaṅkaɱ pakkamantena vā duve.
38. Upassayaɱ paramparaɱ anatirittaɱ nimantanaɱ,
Vikappaɱ raññe vikāle vosāsāraññakena ca.
39. Ussayā sannicayañca pure pacchā vikāle ca,
Pañcāhikā saṅkamanī duve āvasathena ca.
40. Pasākhe āsane ceva tiɱsa ekunakā ime,
Kāyavācā na cittā tīhi dvārehi jāyare,
Dve samuṭṭhānikā sabbe kaṭhinena sahā samā
Kaṭhinasamuṭṭhānaɱ niṭṭhitaɱ
Eḷakaloma samuṭṭhānaɱ
41. Eḷakalomā dve seyyaɱ āhacca piṇḍabhojanaɱ,
Gaṇa vikāla sannidhī dantapoṇena celakā.
42. Uyyuttaɱ senaɱ uyyodhī surā orena nahāyanā,
Dubabaṇṇe dve desanīyā 1- lasuṇūpatiṭṭhe naccanā.
43. Nahānaɱ attharaṇaɱ seyyā anto raṭṭhe tathā bahī,
Antovassaɱ cittāgāraɱ āsandiɱ suttakantanā.
44. Veyyāvaccaɱ sahatthā ca abhikkhukāvāsena ca,
Chattaɱ yānañca saṅghāṇiɱ alaṅkāraɱ gandhavāsitaɱ.
45. Bhikkhunī sikkhamānā ca sāmaṇerī gihīniyā,
Asaɱkaccikā āpatti cattārīsā catuttarī.
46. Kāyena na vācā cittena kāyacittena na vācato,
Dve samuṭṭhātikā sabbe samā eḷakalomāti.
Eḷakalomasamuṭṭhānaɱ niṭṭhitaɱ
1. Desanikā machasaɱ
[BJT Page 312]
[page 089]
Padasodhamma samuṭṭhānaɱ
47. Padaññatra asammatā atthaṅgatena ca,
Tiracchānavijjā dve vuttā anokāse pucchanā.
48. Satta sikkhāpadā ete vācā na kāyacittato,
Vācā cittena jāyanti na tu kāyena jāyare,
Dve samuṭṭhānikā sabbe padasodhammasādisā.
Padasodhammasamuṭṭhānaɱ niṭṭhitaɱ
Addhāna samuṭṭhānaɱ
49. Addhānaɱ nāvaɱ paṇitaɱ mātugāmena saɱhare,
Dhaññaɱ nimantitā ceva aṭṭha ca pāṭidesanī.
50. Sikkhā paṇṇarasā ete kāyā na vācā na manā,
Kāyavācāhi jāyanti na te cittena jāyare
51. Kāyacittena jāyanti na te jāyanti vācato,
Kāyavācāhi cittena samuṭṭhānā catubbidhā,
Paññattā buddhañāṇena addhānena sahā samā. 1-
Addhānasamuṭṭhānaɱ niṭṭhitaɱ.
Theyyasattha samuṭṭhānaɱ
52. Theyyasatthaɱ upassūti viññāpanena ca,
Ratti channañca okāsaɱ ete byuhena sattamā.
53. Kāya cittena jāyanti na te jāyanti vācato,
Tihi dvārehi jāyanti dve samuṭṭhānikā ime,
Theyyasatthasamuṭṭhānā desitādiccabandhunā.
Theyyasatthasamuṭṭhānaɱ niṭṭhitaɱ.
Dhammadesana samuṭṭhānaɱ
54. Chattapāṇissa saddhammaɱ na desenti tathāgatā,
Tatheva 2- daṇḍapāṇissa sattha āyudhapāṇinaɱ.
55. Pādukupāhanā yānaɱ seyya pallatthikāya ca,
Veṭhito guṇṭhito ceva ekādasa manūnakā.
56. Vācā cittena jāyanti na te jāyanti kāyato,
Sabbe ekasamuṭṭhānā samakā dhammadesane.
Dhammadesanasamuṭṭhānaɱ niṭṭhitaɱ
1. Samānayā syā 2. Evame - machasaɱ
[BJT Page 314]
Bhūtārocana samuṭṭhānaɱ
57. Bhūtaɱ kāyena jāyati na vācāya 1- na cittato,
Vācato ca samuṭṭhāti na kāyā na ca cittato
58. Kāyavācāya jāyati na ca jāyati cittato,
Bhūtārocanakā nāma tīhi ṭhānehi jāyati.
Bhūtārocanasamuṭṭhānaɱ niṭṭhitaɱ
Corivuṭṭhāpana samuṭṭhānaɱ
59. Coriɱ 2- vācāya cittena na tu jāyati kāyato,
Jāyati tīhi dvārehi corivuṭṭhāpanaɱ idaɱ,
Akataɱ dvisamuṭṭhānaɱ dhammarājena bhāsitaɱ.
Corivuṭṭhāpanasamuṭṭhānaɱ niṭṭhitaɱ.
Anunuññāta samuṭṭhānaɱ
60. Ananuññātaɱ vācāya na kāyā na ca cittato,
Jāyati kāyavācāya na taɱ jāyati cittato.
61. Jāyati vācā cittena na taɱ jāyati kāyato,
Jāyati tīhi dvārehi akataɱ catuṭhānikaɱ.
[page 090]
Ananuññātasamuṭṭhānaɱ niṭṭhitaɱ.
62. Samuṭṭhānaɱ hi saṅkhepaɱ dasa tiṇi sudesitaɱ,
Asammohakaraɱ ṭhānaɱ nettidhammānulomikaɱ,
Dhārayanto imaɱ viññū samuṭṭhāne na muyhatīti
Samuṭṭhānasīsasaṅkhepo niṭṭhito.
1. Na vācā - machasaɱ 2. Cori - machasaɱ
[BJT Page 316]
[page 091]
Antarapeyyāle
Katipucchāvāro
Kati āpattiyo kati āpattikkhandhā, kati vinītavatthuni, kati agāravā, kati gāravā, kati vinītavatthūni, kati vipattiyo, kati āpattisamuṭṭhānā, kati vivādamūlāni, kati anuvādamūlāni, kati sārāṇiyā dhammā, kati bhedakaravatthūni, kati adhikaraṇāni, kati samathā:
Pañca āpattiyo, pañca āpattikkhandhā, pañca vinītavatthūni, satta āpattiyo, satta āpattikkhandhā, satta vinīta vatthūni, cha agāravā, cha gāravā, cha vinītavatthūni, catasso vipattiyo, cha āpattisamuṭṭhānā, cha vivādamūlāni, cha anuvādamūlāni, cha sārāṇiyā dhammā, aṭṭhārasa bhedakaravatthūni, cattāri adhikaraṇāni, sattasamathā
1. Tattha katamā pañca āpattiyo: pārājikāpatti, saṅghādisesāpatti, pācittiyāpatti, pāṭidesanīyāpatti, dukkaṭāpatti. Imā pañca āpattitiyo
2. Kattha katame pañca āpattikkhandhā: pārājikāpattikkhandho, saṅghādisesāpattikkhandho, pācittiyāpattikkhandho, pāṭidesanīyāpattikkhandho dukkaṭāpattikkhandho, ime pañca āpattikkhandhā
3. Tattha katamāni pañca vinītavatthūni: pañcahi āpattikkhandhehi ārati virati paṭivirati veramaṇi akiriyā akaraṇaɱ anajjhāpatti velāanatikkamo setughāto, imāni pañca vinītavatthūni.
4. Tattha katamā satta āpattiyo: pārājikāpatti, saṅghādisesāpatti, thullaccayāpatti, pācittiyāpatti, pāṭidesanīyāpatti, dukkaṭāpatti. Dubbhāsitāpatti. Imā satta āpattiyo
5. Tattha katame satta āpattikkhandhā: pārājikāpattikkhandho, saṅghādisesāpattikkhandho thullaccayāpattikkhandho, pācittiyāpattikkhandho, pāṭidesanīyāpattikkhandho dukkaṭāpattikkhandho, ime satta āpattikkhandhā.
6. Tattha katamāni satta vinītavatthūni: sattahi āpattikkhandhehi ārati virati paṭivirati veramaṇi akiriyā akaraṇaɱ anajjhāpatti celāanatikkamo setughāto, imāni satta vinītavatthūni.
7. Tattha katame cha agāravā: buddhe agāravo, dhamme agāravo, saṅghe agāravo, sikkhāya agāravo, appamāde agāravo, paṭisanthāre agāravo. Ime cha agāravā.
[BJT Page 318]
[page 092]
8. Tattha katame cha gāravā: buddhe gāravo, dhamme gāravo, saṅghe gāravo, sikkhāya gāravo, appamāde gāravo, paṭisanthāre gāravo. Ime cha gāravā.
9. Tattha katamāni cha vinītavatthūni: chahi agāravehi, ārati virati paṭivirati veramaṇi akiriyā akaraṇaɱ anajjhāpatti velāanatikkamo setughāto imāni cha vinītavatthūni.
10. Tattha katamā catasso vipattiyo: sīlavipatti, ācāravipatti, diṭṭhivipatti, ājivavipatti imā catasso vipattiyo.
11. Tattha katame cha āpattisamuṭṭhānā: atthāpatti kāyato samuṭṭhāti, na vācato na cittato atthāpatti vācato samuṭṭhāti, na kāyato na cittato, atthāpatti kāyato ca vācato ca samuṭṭhāti na cittato, atthāpatti kāyato ca cittato ca samuṭṭhāti, na vācato atthāpatati vācato ca cittato ca samuṭṭhati, na kāyato atthāpatti kāyato ca vācato ca cittato ca samuṭṭhāti. Ime cha āpattisamuṭṭhānā
12. Tattha katamāni cha vivādamūlāni: idha bhikkhū kodhano hoti upanāhī, yo so bhikkhū kodhano hoti upanāhi, so sattharipi agāravo viharati appatissavo, dhammepi agāravo viharati appatissavo, saṅghepi agāravo viharati appatissavo, sikkhāyapi na paripūrakāri hoti yo so bhikkhū satthari agāravo viharati appatissavo, dhamme agāravo viharati appatissavo, saṅghe agāravo viharati appatissavo, sikkhāya na paripūrakāri hoti yo so bhikkhu satthari agāravo viharati appatissavo, dhamme agāravo viharati appatissavo, saṅghe agāravo viharati appatissavo, sikkhāya na paripūrakāri hoti so saṅghe vivādaɱ janeti, yo hoti vivādo bahujanaahitāya bahujanaasubāya bahuno janassa anatthāya ahitāya dukkhāya devamanussānaɱ evarūpaɱ ce tumhe vivādamūlaɱ ajjhattaɱ vā bahiddhā vā samanupasseyyātha, tatra tumhe tasseva pāpakassa vivādamūlassa pahānāya vāyameyyātha evarūpaɱ ce tumhe vivādamūlaɱ ajjhattaɱ vā bahiddhā vā samanupasseyyātha, tatra tumhe tasseva pāpakassa vivādamūlassa āyatiɱ anavassavāya paṭipajjeyyātha evametassa pāpakassa vivādamūlassa pahānaɱ hoti, evametassa pāpakassa vivādamūlassa āyatiɱ anavassavo hoti
Punacaparaɱ bhikkhu makkhī hoti palāsī. Parāmāsī hoti ādhānagāhī duppaṭinissaggī,yo so bhikkhū sandiṭṭhiparāmāsī hoti ādhānagāhī duppaṭinissaggī, so sattharipi agāravo viharati appatissavo, dhammepi agāravo viharati appatissavo, saṅghepi agāravo viharati appatissavo, sikkhāyapi na paripūrakāri hoti yo so bhikkhū satthari agāravo viharati appatissavo, dhamme agāravo viharati appatissavo, saṅghe agāravo viharati appatissavo, sikkhāya na paripūrakāri hoti so saṅghe vivādaɱ janeti, yo hoti vivādo bahujanaahitāya bahujanaasubāya bahuno janassa anatthāya ahitāya dukkhāya devamanussānaɱ evarūpaɱ ce tumhe vivādamūlaɱ ajjhattaɱ vā bahiddhā vā samanupasseyyātha, tatra tumhe tasseva pāpakassa vivādamūlakassa pahānāya vāyameyyātha evarūpaɱ ce tumhe vivādamūlaɱ ajjhattaɱ vā bahiddhā vā samanupasseyyātha, tatra tumhe tasseva pāpakassa vivādamūlassa āyatiɱ anavassāvāya paṭipajjeyyātha evametassa pāpakassa vivādamūlassa pahānaɱ hoti, evametassa pāpakassa vivādamūlassa āyatiɱ anavassavo hoti
Punacaparaɱ bhikkhu issakī hoti maccharī sandiṭṭhi parāmāsī hoti ādhānagāhī duppaṭinissaggī, yo so bhikkhū sandiṭṭhi parāmāsī hoti ādhānagāhī duppaṭinissaggī so sattharipi agāravo viharati appatissavo, dhammepi agāravo viharati appatissavo, saṅghepi agāravo viharati appatissavo, sikkhāyapi na paripūrakāri hoti yo so bhikkhu satthari agāravo viharati appatissavo, dhamme agāravo viharati appatissavo, saṅghe agāravo viharati appatissavo, sikkhāya na paripūrakārī hoti so saṅghe vivādaɱ janeti, yo hoti vivādo bahujanaahitāya bahujanaasubāya bahuno janassa anatthāya ahitāya dukkhāya devamanussānaɱ evarūpaɱ ce tumhe vivādamūlaɱ ajjhattaɱ vā bahiddhā vā samanupasseyyātha, tatra tumhe tasseva pāpakassa vivādamūlakassa pahānāya vāyameyyātha evarūpaɱ ce tumhe vivādamūlaɱ ajjhattaɱ vā bahiddhā vā samanupasseyyātha, tatra tumhe tasseva pāpakassa vivādamūlassa āyatiɱ anavassavāya paṭipajjeyyātha evametassa pāpakassa vivādamūlassa pahānaɱ hoti, evametassa pāpakassa vivādamūlassa āyatiɱ anavassavo hoti
Punacaparaɱ bhikkhū saṭho hoti māyāvī sandiṭṭhi parāmāsī hoti ādhānagāhī duppaṭinissaggī, yo so bhikkhū sandiṭṭhi parāmāsī hoti ādhānagāhī duppaṭinissaggī, so sattharipi agāravo viharati appatissavo, dhammepi agāravo viharati appatissavo, saṅghepi agāravo viharati appatissavo, sikkhāyapi na paripūrakāri hoti yo so bhikkhu satthari agāravo viharati appatissavo, dhamme agāravo viharati appatissavo, saṅghe agāravo viharati appatissavo, sikkhāya na paripūrakāri hoti so saṅghe vivādaɱ janeti, yo hoti vivādo bahujanaahitāya bahujanaasubāya bahuno janassa anatthāya ahitāya dukkhāya devamanussānaɱ evarūpaɱ ce tumhe vivādamūlaɱ ajjhattaɱ vā bahiddhā vā samanupasseyyātha, tatra tumhe tasseva pāpakassa vivādamūlakassa pahānāya vāyameyyātha evarūpaɱ ce tumhe vivādamūlaɱ ajjhattaɱ vā bahiddhā vā samanupasseyyātha, tatra tumhe tasseva pāpakassa vivādamūlassa āyatiɱ anavassavāya paṭipajjeyyātha evametassa pāpakassa vivādamūlassa pahānaɱ hoti, evametassa pāpakassa vivādamūlassa āyatiɱ anavassavo hoti
Punacaparaɱ bhikkhū pāpiccho hoti micchādiṭṭhi sandiṭṭhi parāmāsī hoti ādhānagāhī duppaṭinissaggī, yo so bhikkhū sandiṭṭhi parāmāsī hoti ādhānagāhī duppaṭinissaggī, so
Sattharipi agāravo viharati appatissavo, dhammepi agāravo viharati appatissavo, saṅghepi agāravo viharati appatissavo, sikkhāyapi na paripūrakāri hoti yo so bhikkhū satthari agāravo viharati appatissavo, dhamme agāravo viharati appatissavo, saṅghe agāravo viharati appatissavo, sikkhāya na paripūrakāri hoti so saṅghe vivādaɱ
[BJT Page 320] janeti, yo hoti vivādo bahujanaahitāya bahujanaasubāya bahuno janassa anatthāya ahitāya dukkhāya devamanussānaɱ evarūpaɱ ce tumhe vivādamūlaɱ ajjhattaɱ vā bahiddhā vā samanupasseyyātha, tatra tumhe tasseva pāpakassa vivādamūlakassa pahānāya vāyameyyātha evarūpaɱ ce tumhe vivādamūlaɱ ajjhattaɱ vā bahiddhā vā samanupasseyyātha, tatra tumhe tasseva pāpakassa vivādamūlassa āyatiɱ anavassavāya paṭipajjeyyātha evametassa pāpakassa vivādamūlassa pahānaɱ hoti, evametassa pāpakassa vivādamūlassa āyatiɱ anavassavo hoti
[BJT Page 322]
14. Kattha katame cha sārāṇiyā dhammā: idha bhikkhuno mettaɱ kāyakammaɱ paccupaṭṭhitaɱ hoti sabrahmacārisu āvī ceva raho ca, ayampi dhammo sārāṇiyo piyakaraṇo garukaraṇo saṅgahāya avivādāya sāmaggiyā ekībhāvāya saɱvattati.
Punacaparaɱ bhikkhuno mettaɱ vacikammaɱ paccupaṭṭhitaɱ hoti sabrahmacārīsu āvī ceva raho ca, ayampi dhammo sārāṇiyo piyakaraṇo garukaraṇo saṅgāhāya avivādāya sāmaggiyā ekībhāvāya saɱvatatti.
Punacaparaɱ bhikkhuno mettaɱ manokammaɱ paccupaṭṭhitaɱ hoti sabrahmacārīsu āvī ceva raho ca, ayampi dhammo sārāṇiyo piyakaraṇo garukaraṇo saṅgāhāya avivādāya sāmaggiyā ekībhāvāya saɱvatatti.
Punacaparaɱ bhikkhu ye te lābhā dhammikā dhammaladdhā antamaso pattapariyāpannamattampi, tathārūpehi lābhehi appaṭivibhattahogī hoti sīlavantehi sabrahmacārīhi sādhāraṇabhogī, ayampi dhammo sārāṇiyo piyakaraṇo garukaraṇo saṅgāhāya avivādāya sāmaggiyā ekībhāvāya saɱvatatti.
Punacaparaɱ bhikkhu yāni tāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni [page 093] samādhisaɱvattanikāni, tathārūpesu sīlesu sīlasāmaññagato viharati sabrahmacārīhi āvī ceva raho ca, ayampi dhammo sārāṇiyo piyakaraṇo garukaraṇo saṅgāhāya avivādāya sāmaggiyā ekībhāvāya saɱvatatti.
Punacaparaɱ bhikkhū yāyaɱ diṭṭhi ariyā niyyānikā niyyāti takkarassa sammā dukkhakkhayāya, tathārūpāya diṭṭhiyā diṭṭhisāmaññagato viharati sabrahmacārīhi āvī ceva raho ca, ayampi dhammo sārāṇiyo piyakaraṇo garukaraṇo saṅgāhāya avivādāya sāmaggiyā ekībhāvāya saɱvatatti. Ime cha sārāṇiyā dhammā.
15. Tattha katamāni aṭṭhārasa bhedakaravatthūni: idha bhikkhu adhammaɱ dhammoti dīpeti, dhammaɱ adhammoti dīpeti, avinayaɱ vinayoti dīpeti, vinayaɱ avinayoti dīpeti, abhāsitaɱ alapitaɱ tathāgatena bhāsitaɱ lapitaɱ tathāgatenāti dīpeti, bhāsitaɱ lapitaɱ tathāgatena abhāsitaɱ alapitaɱ tathāgatenāti dīpeti, anāciṇṇaɱ tathāgatena āciṇṇaɱ tathāgatenāti dīpeti, āciṇṇaɱ tathāgatena anāciṇṇaɱ
[BJT Page 324]
Tathāgatenāti dīpeti, apaññattaɱ tathāgatena paññattaɱ tathāgatenāti dīpeti, paññattaɱ tathāgatena apaññattaɱ tathāgatenāti dīpeti, āpattiɱ anāpattīti dipeti, anāpattiɱ āpattīti dīpeti, lahukaɱ āpattiɱ garukāpattīti dipeti garukaɱ āpattiɱ lahukāpattīti dīpeti, sāvasesaɱ āpattiɱ anavasesāpattīti dīpeti, anavasseɱ āpattiɱ sāvasesāpattīti dīpeti, duṭṭhullaɱ āpattiɱ aduṭṭhullāpattīti dīpeti, aduṭaṭhullaɱ āpattiɱ duṭṭhullā āpattīti dīpeti, imāni aṭṭhārasa bhedakaravatthūni.
16. Tattha katamāni cattari adhikaraṇāni: vivādādhikaraṇaɱ, anuvādādhikaraṇaɱ, āpattādhikaraṇaɱ, kiccādhikaraṇaɱ, imāni cattāri adhikaraṇāni.
17. Tattha katame satta samathā: sammukhāvinayo, sativinayo, amūḷhavinayo, paṭiññātakaraṇaɱ, yebhuyyasikā, tassapāpiyyasikā, tiṇavatthārako ime satta samathā.
Katipucchāvāro niṭṭhito
Tassuddānaɱ:
1. Āpatti āpattikkhandhā - vinitā sattadhā puna,
Vinītāgāravā ceva - gāravā mūlameva ca.
2. Puna vinītā vipatti - samuṭṭhānā vivādanā,
Anuvādā sārānīyā - bhedādhikaraṇena ca,
Satteva samathā vuttā - padā sattarasā imeti
Cha āpattisamuṭṭhānavāro
1. Paṭhamena āpattisamuṭṭhānena pārājikaɱ āpajjeyyāti: na hīti vattabbaɱ saṅghādisesaɱ āpajjeyyāti: siyāti vattabbaɱ thullaccayaɱ āpajjeyyāti: siyāti vattabbaɱ pācittiyaɱ āpajjeyyāti: siyāti vattabbaɱ pāṭidesanīyaɱ āpajjeyyāti: siyāti vattabbaɱ dukkaṭaɱ āpajjeyyāti: siyāti vattabbaɱ dubbhāsitaɱ āpajjeyyāti: na hīti vattabbaɱ.
2. Dutiyena āpattisamuṭṭhānena pārājikaɱ āpajjeyyāti: na hīti vattabbaɱ saṅghādisesaɱ āpajjeyyāti: siyāti vattabbaɱ thullaccayaɱ āpajjeyyāti: siyāti vattabbaɱ pācittiyaɱ āpajjeyyāti: siyāti vattabbaɱ pāṭidesanīyaɱ āpajjeyyāti: siyāti vattabbaɱ dukkaṭaɱ āpajjeyyāti: siyāti vattabbaɱ dubbhāsitaɱ āpajjeyyāti: na hīti vattabbaɱ.
[BJT Page 326]
3. Tatiyena āpattisamuṭṭhānena pārājikaɱ āpajjeyyāti: na hīti vattabbaɱ saṅghādisesaɱ āpajjeyyāti: siyāti vattabbaɱ thullaccayaɱ āpajjeyyāti: siyāti vattabbaɱ pācittiyaɱ āpajjeyyāti: siyāti vattabbaɱ pāṭidesanīyaɱ āpajjeyyāti: siyāti vattabbaɱ dukkaṭaɱ āpajjeyyāti: siyāti vattabbaɱ dubbhāsitaɱ āpajjeyyāti: na hīti vattabbaɱ.
[page 094]
4. Catutthena āpattisamuṭṭhānena pārājikaɱ āpajjeyyāti: siyāti vattabbaɱ saṅghādisesaɱ āpajjeyyāti: siyāti vattabbaɱ thullaccayaɱ āpajjeyyāti: siyāti vattabbaɱ pācittiyaɱ āpajjeyyāti: siyāti vattabbaɱ pāṭidesanīyaɱ āpajjeyyāti: siyāti vattabbaɱ dukkaṭaɱ āpajjeyyāti: siyāti vattabbaɱ dubbhāsitaɱ āpajjeyyāti: na hīti vattabbaɱ.
5. Pañcamena āpattisamuṭṭhānena pārājikaɱ āpajjeyyāti: siyāti vattabbaɱ saṅghādisesaɱ āpajjeyyāti: siyāti vattabbaɱ thullaccayaɱ āpajjeyyāti: siyāti vattabbaɱ pācittiyaɱ āpajjeyyāti: siyāti vattabbaɱ pāṭidesanīyaɱ āpajjeyyāti: siyāti vattabbaɱ dukkaṭaɱ āpajjeyyāti: siyāti vattabbaɱ dubbhāsitaɱ āpajjeyyāti: siyāti vattabbaɱ.
6. Chaṭṭhena āpattisamuṭṭhānena pārājikaɱ āpajjeyyāti: siyāti vattabbaɱ saṅghādisesaɱ āpajjeyyāti: siyāti vattabbaɱ thullaccayaɱ āpajjeyyāti: siyāti vattabbaɱ pācittiyaɱ āpajjeyyāti: siyāti vattabbaɱ pāṭidesanīyaɱ āpajjeyyāti: siyāti vattabbaɱ dukkaṭaɱ āpajjeyyāti: siyāti vattabbaɱ dubbhāsitaɱ āpajjeyyāti: na hīti vattabbaɱ.
Cha āpattisamuṭṭhānavāro niṭṭhito paṭhamo
Katāpattivāro
1. Paṭhamena āpattisamuṭṭhānena kati āpattiyo āpajjati: paṭhamena āpattisamuṭṭhānena pañca āpattiyo āpajjati: bhikkhu kappiyasaññī saññācikāya kuṭiɱ karoti adesitavatthukaɱ pamāṇātikkantaɱ sārambhaɱ aparikkamanaɱ, payoge dukkaṭaɱ. Ekaɱ piṇḍaɱ anāgate āpatti thullaccayassa, tasmiɱ piṇḍe āgate āpatti saṅghādisesassa. Bhikkhu kappiyasaññi vikāle bhojanaɱ bhuñjati, āpatti pācittiyassa. Bhikkhu kappiyasaññī vikāle bhojanaɱ bhuñjati, āpatti pācittiyassa.Bhikkhu kappiyasaññī aññātikāya bhikkhuniyā antaragharaɱ paviṭṭhāya hatthato khādanīyaɱ vā bhojanīyaɱ vā sahatthā paṭiggahetvā bhuñjati, āpatti pāṭidesanīyassa. Paṭhamena āpattisamuṭṭhānena imā pañca āpattiyo āpajjati.
[BJT Page 328]
Tā āpatti catunnaɱ vipattīnaɱ kati vipattiyo bhajanti: sattannaɱ āpattikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti: siyā sīlavipattiɱ siyā ācāravipattiɱ sattannaɱ āpattikkhandhānaɱ pañcahi āpattikkhandhehi saṅgahītā: siyā saṅghādisesāpattikkhandhena, siyā thullaccayāpattikkhandhena siyā pācittiyāpattikkhandhena siyā pāṭidesanīyāpattikkhandhena siyā dukkaṭāpattikkhandhena channaɱ āpattisamuṭṭhānānaɱ ekena samuṭṭhānena samuṭṭhahanti: kāyato samuṭṭhahanti, na vācato na cittato. Catunnaɱ adhikaraṇānaɱ āpattādhikaraṇaɱ, sattanaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
2. Dutiyena āpattisamuṭṭhānena kati āpattiyo āpajjati: dutiyena āpattisamuṭṭhānena catasso āpattiyo āpajjati: kappiyasaññī [page 095] samādisati "kuṭiɱ me karothā"ti, tassa kuṭiɱ karonti adesitavatthukaɱ pamāṇātikkantaɱ sārambhaɱ aparikkamanaɱ, payoge dukkaṭaɱ ekaɱ piṇḍaɱ anāgate āpatti thullaccayassa. Tasmiɱ piṇḍe āgate āpatti saṅghādisesassa, bhikkhu kappiyasaññī anupasampannaɱ padasodhammaɱ vāceti, āpatti pācittiyassa dutiyena āpattisamuṭṭhānena imā catasso āpattiyo āpajjati.
Tā āpattiyo catunnaɱ vipattīnaɱ kati vipattiyo bhajanti: sattannaɱ āpatatikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti: siyā sīlavipattiɱ siyā ācāravipattiɱ sattannaɱ āpattikkhandhānaɱ catūhi āpattikkhandhehi saṅgahītā: siyā saṅghādisesāpattikkhandhena, siyā thullaccayāpattikkhandhena siyā pācittiyāpattikkhandhena siyā pāṭidesanīyāpattikkhandhena siyā dukkaṭāpattikkhandhena channaɱ āpattisamuṭṭhānānaɱ ekena samuṭṭhānena samuṭṭhahanti: vācato samuṭṭhahanti, na kāyato na cittato. Catunnaɱ adhikaraṇānaɱ āpattādhikaraṇaɱ, sattanaɱ samathānaɱ tīhi samathehi sammanti: siyā sammukhāviyena ca paṭiññātakaraṇena ca, siyā sammukhāvinayena ca tiṇavatthārakena ca.
3. Tatiyena āpattisamuṭṭhānena kati āpattiyo āpajjati: tatiyena āpattisamuṭṭhānena pañca āpattiyo āpajjati: bhikkhu kappiyasaññī saɱvidahitvā kuṭiɱ karoti, adesitavatthukaɱ pamāṇātikkantaɱ sārambhaɱ aparikkamanaɱ, payoge dukkaṭaɱ ekaɱ piṇḍaɱ anāgate āpatti thullaccayassa. Tasmiɱ piṇḍe āgate āpatti saṅghādisesassa, bhikkhu kappiyasaññī paṇītabhojanāni attano atthāya viññāpetvā bhuñjati, āpatti pācittiyassa bhikkhu kappiyasaññī bhikkhuniyā vosāsantiyā na nivāretvā bhuñjati, āpatti pāṭidesanīyassa. Tatiyena āpattisamuṭṭhānena imā pañca āpattiyo āpajjati.
[BJT Page 330]
Tā āpattiyo catunnaɱ vipattīnaɱ kati vipattiyo bhajanti: sattannaɱ āpattikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti: siyā sīlavipattiɱ siyā ācāravipattiɱ sattannaɱ āpattikkhandhānaɱ pañcahi āpattikkhandhehi saṅgahītā: siyā saṅghādisesāpattikkhandhena, siyā thullaccayāpattikkhandhena siyā pācittiyāpattikkhandhena siyā pāṭidesanīyāpattikkhandhena siyā dukkaṭāpattikkhandhena channaɱ āpattisamuṭṭhānānaɱ ekena samuṭṭhānena samuṭṭhahanti: kāyato ca samuṭṭhahanti, vācato ca samuṭṭhahanti, na cittato. Catunnaɱ adhikaraṇānaɱ āpattādhikaraṇaɱ, sattanaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
4. Catutthena āpattisamuṭṭhānena kati āpattiyo āpajjati: catutthena āpattisamuṭṭhānena cha āpattiyo āpajjati: bhikkhu methunaɱ dhammaɱ paṭisevati āpatti pārājikassa bhikkhu akappiyasaññī saññācikāya kuṭiɱ [page 096] karoti adesitavatthukaɱ pamāṇātikkantaɱ sārambhaɱ aparikkamanaɱ, payoge dukkaṭaɱ ekaɱ piṇḍaɱ anāgate āpatti thullaccayassa. Tasmiɱ piṇḍe āgate āpatti saṅghādisesassa, bhikkhu akappiyasaññī vikāle bhojanaɱ bhuñjati, āpatti pācittiyassa bhikkhū akappiyasaññī aññātikāya bhikkhuniyā antaragharaɱ paviṭṭhāya hatthato khādanīyaɱ vā bhojanīyaɱ vā sahatthā paṭiggahetvā bhuñjati, āpatti pāṭidesanīyassa. Catutthena āpattisamuṭṭhānena imā cha āpattiyo āpajjati.
Tā āpattiyo catunnaɱ vipattīnaɱ kati vipattiyo bhajanti: sattannaɱ āpatatikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti: siyā sīlavipattiɱ siyā ācāravipattiɱ sattannaɱ āpattikkhandhānaɱ chahi āpattikkhandhehi saṅgahītā: siyā pārājikāpattikkhandhena. Siyā siyā pāṭidesanīyāpattikkhandhena siyā dukkaṭāpattikkhandhena channaɱ āpattisamuṭṭhānānaɱ ekena samuṭṭhānena samuṭṭhahanti: kāyato ca cittato ca samuṭṭhahanti, na vācato catunnaɱ adhikaraṇānaɱ āpattādhikaraṇaɱ, sattanaɱ samathānaɱ tīhi samathehi sammanti: siyā sammukhāviyena ca paṭiññātakaraṇena ca, siyā sammukhāvinayena ca tiṇavatthārakena ca.
5. Pañcamena āpattisamuṭṭhānena kati āpattiyo āpajjati: pañcamena āpattisamuṭṭhānena cha āpattiyo āpajjati: bhikkhu pāpiccho icchāpakato asantaɱ abhūtaɱ uttarimanussadhammaɱ ullapati, āpatti pārājikassa bhikkhu akappiyasaññī samādiyati "kuṭiɱ me karothā"ti tassa kuṭiɱ karonti adesitavatthukaɱ pamāṇātikkantaɱ sārambhaɱ aparikkamanaɱ, payoge dukkaṭaɱ ekaɱ piṇḍaɱ anāgate āpatti thullaccayassa. Tasmiɱ piṇḍe āgate āpatti saṅghādisesassa.
[BJT Page 332]
Bhikkhu akappiyasaññī anupasampannaɱ padasodhammaɱ vāceti, āpatti pācittiyassa. Khuɱsetukāmo na vambhetukāmo na maṅkukattukāmo davakamyatyā hīnena hīnaɱ vadeti, āpatti dubbhāsitassa pañcamena āpattisamuṭṭhānena imā cha āpattiyo āpajjati.
Tā āpattiyo catunnaɱ vipattīnaɱ kati vipattiyo bhajanti: sattannaɱ āpattikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti: siyā sīlavipattiɱ siyā ācāravipattiɱ sattannaɱ āpattikkhandhānaɱ chahi āpattikkhandhehi saṅgahītā: siyā pārājikāpattikkhandhena siyā saṅghādisesāpattikkhandhena, siyā thullaccayāpattikkhandhena. Siyā pācittiyāpattikkhandhena, siyā dukkaṭāpattikkhandhena, siyā dubbhāsitāpattikkhandhena channaɱ āpattisamuṭṭhānānaɱ ekena samuṭṭhānena samuṭṭhahanti: vācato ca cittato ca samuṭṭhahanti, na kāyato catunnaɱ adhikaraṇānaɱ āpattādhikaraṇaɱ, sattanaɱ samathānaɱ tihi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
6. Chaṭṭhena āpattisamuṭṭhānena kati āpattiyo āpajjati: chaṭṭhena āpattisamuṭṭhānena cha āpattiyo āpajjati: bhikkhu saɱvidahitvā bhaṇḍaɱ avaharati, āpatti [page 097] pārājikassa bhikkhu akappiyasaññī saɱvidahitvā kuṭiɱ karoti, adesitavatthukaɱ pamāṇātikkantaɱ sārambhaɱ aparikkamanaɱ, payoge dukkaṭaɱ ekaɱ piṇḍaɱ anāgate āpatti thullaccayassa. Tasmiɱ piṇḍe āgate āpatti saṅghādisesassa, bhikkhu akappiyasaññī paṇitabhojanāni attano atthāya viññāpetvā bhuñjati, āpatti pācittiyassa bhikkhū akappiyasaññī bhikkhuniyā vosāsantiyā na nivāretvā bhuñjati, āpatti pāṭidesanīyassa chaṭṭhena āpatti samuṭṭhānena imā cha āpattiyo āpajjati.
Tā āpatti catunnaɱ vipattīnaɱ kati vipattiyo bhajanti: sattannaɱ āpattikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti:
Tā āpattiyo catunnaɱ vipattinaɱ dve vipattiyo bhajanti: siyā sīlavipattiɱ siyā ācāravipattiɱ sattannaɱ āpattikkhandhānaɱ chahi āpattikkhandhehi saṅgahītā: siyā pārājikāpattikkhandhena saṅghādisesāpattikkhandhena siyā thullaccayāpattikkhandhena, siyā pācittiyāpattikkhandhena siyā pāṭidesanīyāpattikkhandhena siyā dukkaṭāpattikkhandhena channaɱ āpattisamuṭṭhānānaɱ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti, catunnaɱ adhikaraṇaɱ āpattādhikaraṇaɱ, sattanaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena cāti.
Cha āpattisamuṭṭhānānaɱ katāpattivāro niṭṭhito dutiyo
[BJT Page 334]
3. Āpattisamuṭṭhānagāthā
1. Samuṭṭhānā kāyikā anantadassinā
Akkhātā lokahitena vivekadassinā,
Āpattiyo tena samuṭṭhitā kati
Pucchāmi taɱ brūhi vibhaṅgakovida.
2. Samuṭṭhānā kāyikā anantadassinā
Akkhātā lokahitena vivekadassinā,
Āpattiyo tena samuṭṭhitā pañca
Etaɱ te akkhāmi vibhaṅgakovida.
3. Samuṭṭhānā vācasikā anantadassinā
Akkhātā lokahitena vivekadassinā,
Āpattiyo tena samuṭṭhitā kati
Pucchāmi taɱ brūhi vibhaṅgakovida.
4. Samuṭṭhānā vācasikā anantadassinā
Akkhātā lokahitena vivekadassinā,
Āpattiyo tena samuṭṭhitā catasso
Etaɱ te akkhāmi vibhaṅgakovida.
5. Samuṭṭhānā kāyikā vācasikā anantadassinā
Akkhātā lokahitena vivekadassinā,
Āpattiyo tena samuṭṭhitā kati
Pucchāmi taɱ brūhi vibhaṅgakovida.
6. Samuṭṭhānā kāyikā vācasikā anantadassinā
Akkhātā lokahitena viveka dassinā,
Āpattiyo tena samuṭṭhitā pañca
Etaɱ te akkhāmi vibhaṅgakovida.
7. Samuṭṭhānā kāyikā mānasikā anantadassinā
Akkhātā lokahitena vivekadassinā,
Āpattiyo tena samuṭṭhitā kati
Pucchāmi taɱ brūhi vibhaṅgakovida.
8. Samuṭṭhānā kāyikā mānasikā anantadassinā
Akkhātā lokahitena vivekadassinā,
Āpattiyo tena samuṭṭhitā cha
Etaɱ te akkhāmi vibhaṅgakovida.
9. Samuṭṭhānā vācasikā mānasikā anantadassinā
Akkhātā lokahitena vivekadassinā,
Āpattiyo tena samuṭṭhitā kati
Pucchāmi taɱ brūhi vibhaṅgakovida.
[BJT Page 336]
10. Samuṭṭhānā vācasikā mānasikā anantadassinā
Akkhātā lokahitena vivekadassinā,
Āpattiyo tena samuṭṭhitā cha
Etaɱ te akkhāmi vibhaṅgakovida.
11. Samuṭṭhānā kāyikā vācasikā anantadassinā
Akkhātā lokahitena vivekadassinā,
Āpattiyo tena samuṭṭhitā kati
Pucchāmi taɱ brūhi vibhaṅgakovida.
[page 098]
12. Samuṭṭhānā kāyikā vācasikā mānasikā anantadassinā
Akkhātā lokahitena vivekadassinā,
Āpattiyo tena samuṭṭhitā cha
Etaɱ te akkhāmi vibhaṅgakovida.
Āpatti samuṭṭhānagāthā niṭṭhitā tatiyā
4. Vipatti paccayavāro
1. Sīlavipattipaccayā kati āpattiyo āpajjati: sīlavipattipaccayā catasso āpattiyo āpajjati: bhikkhunī jānaɱ pārājikaɱ dhammaɱ paṭicchādeti, āpatti pārājikassa vematikā paṭicchādeti, āpatti thullaccayassa bhikkhu saṅghadisesaɱ paṭicchādeti, āpatti pācittiyassa attano duṭṭhullaɱ paṭicchādeti, āpatti dukkaṭassa. Sīlavipattipaccayā imā cattasso āpattiyo āpajjati.
Tā āpattiyo catunnaɱ vipattīnaɱ kati vipattiyo bhajanti: sattannaɱ āpattikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti: siyā sīlavipattiɱ siyā ācāravipattiɱ sattannaɱ āpattikkhandhānaɱ catūhi āpattikkhandhehi saṅgahītā: siyā pārājikāpattikkhandhena siyā thullaccayāpattikkhandhena, siyā pācittiyāpattikkhandhena siyā dukkaṭāpattikkhandhena channaɱ āpattisamuṭṭhānānaɱ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti, catunnaɱ adhikaraṇānaɱ āpattādhikaraṇaɱ, sattanaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
2. Ācāravipattipaccayā kati āpattiyo āpajjati: ācāravipattipaccayā ekaɱ āpattiɱ āpajjati: ācāravipattiɱ paṭicchādeti, āpatti dukkaṭassa ācāravipattipaccayā imaɱ ekaɱ āpattiɱ āpajjati.
Sā āpatti catunnaɱ vipattīnaɱ kati vipattiyo bhajati: sattannaɱ āpattikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammati:
[BJT Page 338]
Sā āpatti catunnaɱ vipattīnaɱ ekaɱ vipattiɱ bhajati: ācāravipattiɱ sattannaɱ āpattikkhandhānaɱ ekena āpattikkhandhena saṅgahītā: dukkaṭāpattikkhandhena channaɱ āpattisamuṭṭhānānaɱ ekena samuṭṭhānena samuṭṭhāti: kāyato ca vācato ca cittato ca samuṭṭhāti. Catunnaɱ adhikaraṇānaɱ āpattādhikaraṇaɱ, sattannaɱ samathānaɱ tīhi samathehi sammati: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
3. Diṭṭhivipattipaccayā kati āpattiyo āpajjati: diṭṭhivipattipaccayā dve āpattiyo āpajjati: pāpikāya diṭṭhiyā yāva tatiyaɱ samanubhāsanāya nappaṭinissajjati, ñattiyā dukkaṭaɱ kamamavācāparisosāne āpatti pācittiyassa diṭṭhivipattipaccayā imā dve āpattiyo āpajjati.
Tā āpattiyo catunnaɱ vipattīnaɱ kati vipattiyo bhajanti: sattannaɱ āpattikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ ekaɱ vipattiɱ bhajanti: ācāravipattiɱ sattannaɱ āpattikkhandhānaɱ dvīhi āpattikkhandhehi saṅgahītā: [page 099] siyā pācittiyāpattikkhandhena siyā dukkaṭāpattikkhandhena channaɱ āpattisamuṭṭhānānaɱ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti, catunnaɱ adhikaraṇānaɱ āpattādhikaraṇaɱ, sattannaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
4. Ājīvavipattipaccayā kati āpattiyo āpajjati: ājīvavipattipaccayā cha āpattiyo āpajjati: ājīvahetu ājīvakāraṇā pāpiccho icchāpakato asantaɱ abhūtaɱ uttarimanussadhammaɱ ullapati,āpatti pārājikassa. Ājīvahetu ājīvakāraṇā sañcarittaɱ samāpajjati, āpatti saṅghādisesassa ājīvahetu ājīvakāraṇā yo te vihāre vasati, so bhikkhu arahāti bhaṇati, paṭivijānantassa āpatti thullaccayassa. Ājīvahetu ājīvakāraṇā bhikkhu paṇitabhojanāni attano atthāya viññāpetvā bhuñjati, āpatti pācittiyassa. Ājīvahetu ājīvakāraṇā bhikkhunī paṇītabhojanāni attano atthāya viññāpetvā bhuñjati, āpatti pāṭidesanīyassa. Ājīvahetu ājivakāraṇā sūpaɱ vā odanaɱ vā agilāno attano atthāya viññāpetvā bhuñjati āpatti dukkaṭassa ājīvavipattipaccayā imā cha āpattiyo āpajjati.
Tā āpattiyo catunnaɱ vipattīnaɱ kati vipattiyo bhajanti: sattannaɱ āpattikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti: siyā sīlavipatti, siyā ācāravipattiɱ sattannaɱ āpattikkhandhānaɱ chahi āpattikkhandhehi saṅgahītā: siyā pārājikāpattikkhandhena siyā saṅghādisesāpattikkhandhena siyā thullaccayāpattikkhandhena.
[BJT Page 340]
Siyā pācittiyāpattikkhandhena siyā pāṭidesanīyāpattikkhandhena siyā dukkaṭāpattikkhandhena channaɱ āpattisamuṭṭhānānaɱ chahi samuṭṭhānehi samuṭṭhahanti: siyā kāyato samuṭṭhahanti na vācato na cittato siyā vācato samuṭṭhahanti, na kāyato na cittato siyā kāyato ca vācato ca samuṭṭhahanti, na cittato. Siyā kāyato ca cittato ca samuṭṭhahanti na vācato, siyā vācato ca cittato ca samuṭṭhahanti, na kāyato, siyā kāyato ca vācato ca citatto ca samuṭṭhahanti catunnaɱ adhikaraṇānaɱ āpattādhikaraṇaɱ, sattanaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
Vipattipaccayavāro niṭṭhito catuttho
5. Adhikaraṇa paccayavāro
1. Vivādādhikaraṇapaccayā kati āpattiyo āpajjati: vivādādhikaraṇapaccayā dve āpattiyo āpajjati: upasampannaɱ omasati, āpatti pācittiyassa. Anupasampannaɱ omasati, āpatti dukkaṭassa. Vivādādhikaraṇapaccayā imā dve āpattiyo āpajjati.
Tā āpattiyo catunnaɱ vipattīnaɱ kati vipattiyo bhajanti: sattannaɱ āpattikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ ekaɱ vipattiɱ bhajanti: ācāra vipattiɱ, sattannaɱ āpattikkhandhānaɱ dvīhi āpattikkhandhehi saṅgahītā: siyā pācittiyāpattikkhandhena. Siyā dukkaṭāpattikkhandhena channaɱ āpattisamuṭṭhānānaɱ tīhi samuṭṭhānehi samuṭṭhanti: siyā kāyato ca cittato ca samuṭṭhahanti na vācato. Siyā vācato ca cittato ca samuṭṭhahanti, na [page 100] kāyato. Siyā kāyato ca vācato ca cittato ca samuṭṭhahanti. Catunnaɱ adhikaraṇānaɱ āpattādhikaraṇaɱ, sattannaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
2. Anuvādādhikaraṇapaccayā kati āpattiyo āpajjati: anuvādādhikaraṇapaccayā tisso āpattiyo āpajjati: bhikkhuɱ amūlakena pārājikena dhammena anuddhaɱseti āpatti saṅghādisesassa amūlakena saṅghādisesena anuddhaɱseti āpatti pācittiyassa. Amūlakāya ācāravipattiyā anuddhaɱseti āpatti dukkaṭassa. Anuvādādhikaraṇapaccayā imā tisso āpattiyo āpajjati.
[BJT Page 342]
Tā āpattiyo catunnaɱ vipattīnaɱ kati vipattiyo bhajanti: sattannaɱ āpattikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti: siyā sīlavipattiɱ siyā ācāravipattiɱ, sattannaɱ āpattikkhandhānaɱ tīhi āpattikkhandhehi saṅgahītā: siyā saṅghādisesāpattikkhandhena siyā pācittiyāpattikkhandhena. Siyā dukkaṭāpattikkhandhena channaɱ āpattisamuṭṭhānānaɱ tīhi samuṭṭhānehi samuṭṭhahanti: siyā kāyato ca cittato ca samuṭṭhahanti na vācato. Siyā vācato ca cittato ca samuṭṭhahanti, na kāyato. Siyā kāyato ca vācato ca cittato ca samuṭṭhahanti. Catunnaɱ adhikaraṇānaɱ āpattādhikaraṇaɱ, sattannaɱ samathānaɱ tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
3. Āpattādhikaraṇapaccayā kati āpattiyo āpajjati: āpattādhikaraṇapaccayā catasso āpattiyo āpajjati: bhikkhunī jānaɱ pārājikaɱ dhammaɱ paṭicchādeti, āpatti pārājikassa. Vematikā paṭicchādeti. Āpatti thullaccayassa. Bhikkhu saṅghādisesaɱ paṭicchādeti āpattipācittiyassa ācāravipattiɱ paṭicchādeti āpatti dukkaṭassa āpattādhikaraṇapaccayā imā catasso āpattiyo āpajjati.
Tā āpattiyo catunnaɱ vipattīnaɱ kati vipattiyo bhajanti: sattannaɱ āpattikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti: siyā sīlavipattiɱ siyā ācāravipattiɱ, sattannaɱ āpattikkhandhānaɱ catūhi āpattikkhandhehi saṅgahītā: siyā pārājikāpattikkhandhena siyā thullaccayāpattikkhandhena. Siyā pācittiyāpattikkhandhena. Siyā dukkaṭāpattikkhandhena. Channaɱ āpattisamuṭṭhānānaɱ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti. Catunnaɱ adhikaraṇānaɱ āpattādhikaraṇaɱ, sattannaɱ samathānaɱ tihi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
4. Kiccādhikaraṇapaccayā kati āpattiyo āpajjati: kiccādhikaraṇapaccayā pañca āpattiyo āpajjati: ukkhittānuvattikā bhikkhunī yāvatatiyaɱ samanubhāsanāya nappaṭinissajjati, ñattiyā dukkaṭaɱ. Dvīhi kammavācāhi thullaccayā, kammavācāpariyosāne āpatti pārājikassa. Bhedakānuvattakā bhikkhū yāvatatiyaɱ samanubhāsanāya nappaṭinissajjanti. Āpatti saṅghādisesassa. Pāpikāya diṭṭhiyā yāvatatiyaɱ samanubhāsanāya nappaṭinissajati, āpatti pācittiyassa. Kiccādhikaraṇapaccayā imā pañca āpattiyo āpajjati.
[BJT Page 344]
[page 101]
Tā āpattiyo catunnaɱ vipattīnaɱ kati vipattiyo bhajanti: sattannaɱ āpatatikkhandhānaɱ katīhi āpattikkhandhehi saṅgahītā: channaɱ āpattisamuṭṭhānānaɱ katīhi samuṭṭhānehi samuṭṭhahanti: catunnaɱ adhikaraṇānaɱ katamaɱ adhikaraṇaɱ: sattannaɱ samathānaɱ katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti: siyā sīlavipattiɱ siyā ācāravipattiɱ, sattannaɱ āpattikkhandhānaɱ pañcahi āpattikkhandhehi saṅgahītā: siyā pārājikāpattikkhandhena. Siyā saṅghādisesāpattikkhandhena. Siyā thullaccayāpattikkhandhena, siyā pācittiyāpattikkhandhena. Siyā dukkaṭāpattikkhandhena. Channaɱ āpattisamuṭṭhānānaɱ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti. Catunnaɱ adhikaraṇānaɱ āpattādhikaraṇaɱ, sattannaɱ samathānaɱ tīhisamathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
Ṭhapetvā satta āpattiyo sattāpattikkhandhe avasesā āpattiyo catunnaɱ vipattīnaɱ kati vipattiyo bhajanti, sattannaɱ āpattikkhandhānaɱ katīhi āpattikkhandhehi saṅgahītā, channaɱ āpattisamuṭṭhānānaɱ katīhi samuṭṭhānehi samuṭṭhahanti, catunnaɱ adhikaraṇānaɱ katamaɱ adhikaraṇaɱ, sattannaɱ samathānaɱ katīhi samathehi sammanti.
Ṭhapetvā satta āpattiyo sattāpattikkhandhe avasesā āpattiyo catunnaɱ vipattīnaɱ na katamaɱ vipattiɱ bhajanti, sattannaɱ āpattikkhandhānaɱ na katamena āpattikkhandhena saṅgahītā, channaɱ āpattisamuṭṭhānānaɱ na katamena samuṭṭhānena samuṭṭhahanti, catunnaɱ adhikaraṇānaɱ na katamaɱ adhikaraṇaɱ, sattannaɱ samathānaɱ na katamena samathena sammanti. Taɱ tissa hetu: ṭhapetvā sattāpattikkhandhe natthaññāpattiyoti.
Adhikaraṇapaccayavāro niṭṭhito pañcamo.
Antarapeyyālo 1- niṭṭhito
Tassuddānaɱ:
Kati pucchā samuṭṭhānā - katāpatti tatheva ca,
Samuṭṭhānā vipattī ca - tathādhikaraṇena cāti.
1. Antarapeyyālaɱ - sīmu.
[BJT Page 346]
Samathabhedo
6. Pariyāyavāro
1. Vivādādhikaraṇassa kiɱ pubbaṅgamaɱ, kati ṭhānāni, kati vatthūni, kati bhumiyo, kati hetu, kati mūlāni, katīhākārehi vivadati, vivādādhikaraṇaɱ katīhi samathehi sammati.
2. Anuvādādhikaraṇassa kiɱ pubbaṅgamaɱ, kati ṭhānāni, kati vatthūni, kati bhumiyo, kati hetu, kati mūlāni, katīhākārehi anuvadati, anuvādādhikaraṇaɱ katīhi samathehi sammati.
3. Āpattādhikaraṇassa kiɱ pubbaṅgamaɱ, kati ṭhānāni, kati vatthūni, kati bhumiyo, kati hetu, kati mūlāni, katīhākārehi āpattiɱ āpajjati, āpattādhikaraṇaɱ katīhi samathehi sammati.
4. Kiccādhikaraṇassa kiɱ pubbaṅgamaɱ, kati ṭhānāni, kati vatthūni, kati bhumiyo, kati hetu, kati mūlāni, katīhākārehi kiccaɱ jāniyā, kiccādhikaraṇaɱ katīhi samathehi sammati.
[page 102]
1. Vivādādhikaraṇassa kiɱ pubbaṅgamanti: lobho pubbaṅgamo, doso pubbaṅgamo, moho pubbaṅgamo alobho pubbaṅgamo, adoso pubbaṅgamo. Amoho pubbaṅgamo. Kati ṭhānānīti: aṭṭhārasa bhedakaravatthūni ṭhānāni. Kati vatthūnīti: aṭṭhārasa bhedakara vatthūni vatthūni. Kati bhumiyoti: aṭṭhārasa bhedakaravatthūni bhumiyo. Kati hetūti: nava hetu: tayo kusalahetu, tayo akusalahetu, tayo abyākatahetu. Kati mulānīti: dvādasa mūlānī. Katihākārehi vivadatīti: dvihākārehi vivadati: dhammadiṭṭhi vā, adhammadiṭṭhi vā. Vivādādhikaraṇaɱ katīhi samathehi sammatīti; vivādādhikaraṇaɱ dvīhi samathehi sammati: sammukhāvinayena ca yebhuyyasikāya ca
2. Anuvādādhikaraṇassa kiɱ pubbaṅgamanti: lobho pubbaṅgamo, doso pubbaṅgamo, moho pubbaṅgamo alobho pubbaṅgamo, adoso pubbaṅgamo. Amoho pubbaṅgamo. Kati ṭhānānīti: catasso vipattiyo ṭhānāni, kati vatthunīti: catasso vipattiya vatthūni. Kati bhumiyoti: catasso vipattiyo bhumiyo, kati hetūti: nava hetu: tayo kusalahetu, tayo akusalahetu, tayo abyākatahetu. Kati mulānīti: cuddasa mūlāni. Katīhākārehi anuvadatīti: dvihākārehi anuvadati: vatthuto vā āpattito vā anuvādādhikaraṇaɱ katīhi samathehi sammatīti; anuvādādhikaraṇaɱ catūhi samathehi sammati: sammukhāvinayena ca sativinayena ca amūḷhavinayena ca tassapāpiyyasikāya ca
Piṭavu 348
3. Āpattādhikaraṇassa kiɱ pubbaṅgamanti: lobho pubbaṅgamo, doso pubbeṅgamo, moho pubbaṅgamo alobho pubbaṅgamo, adoso pubbaṅgamo. Amoho pubbaṅgamo. Kati ṭhānānīti: sattapāttikkhandhā ṭhānāni. Kati vatthūnīti: sattāpattikkhandhā vatthūni: kati bhumiyoti: sattāpattikkhandhā bhumiyo, kati hetuti: nava hetu: 1- tayo kusalahetu, tayo akusalahetu, tayo abyākatahetu. Kati mulānīti: cha āpattisamuṭṭhānāni mūlāni. Katīhākārehi āpattiɱ āpajjati: chahākārehi āpattiɱ āpajajati: alajjitā, aññāṇatā, kukkuccāpakatatā, akappiye kappiyasaññitā, kappiye akappiyasaññitā, sati sammosā āpattādhikaraṇaɱ katīhi samathehi sammatīti: āpattidhiraṇaɱ tīhi samathehi sammati: sammukhāvinayena ca paṭiññātakaraṇena ca sammukhāvinayena ca tiṇavatthārakena ca.
4. Kiccādhikaraṇassa kiɱ pubbaṅgamanti: lobho pubbaṅgamo, doso pubbeṅgamo, moho pubbaṅgamo alobho pubbaṅgamo, adoso pubbaṅgamo. Amoho pubbaṅgamo. Kati ṭhānānīti: cattāri kammāni ṭhānāni. Kati vatthūnīti: cattāri kammāni vatthūni. Kati bhumiyoti: cattāri kammāni bhumiyo, kati hetūti: nava hetu: tayo kusalahetu, tayo akusalahetu, tayo abyākatahetu. Kati mulānīti: ekaɱ mūlaɱ saṅgho. Katīhākārehi kiccaɱ jāyatīti: dvihākārehi kiccaɱ jāyati: ñattito vā, apalokanato vā kiccādhikaraṇaɱ katīhi samathehi sammatīti: kiccādhikaraṇaɱ ekena samathena sammati: sammukhāvinayena.
[page 103]
Kati samathā: satta samathā: sammukhāvinayo, sativinayo, amūḷhavinayo, paṭiññātakaraṇaɱ, yebhuyyasikā, tassapāpiyyasikā, tiṇavatthārako.
Ime satta samathā. Siyā ime satta samathā dasa samathā honti. Dasa samathā satta samathā honti. Vatthuvasena pariyāyena siyāti.
Kathañca siyā: vivādādhikaraṇassa dve samathā. Anuvādādhikaraṇassa cattāro samathā, āpattādhikaraṇassa tayo samathā, kiccādhikaraṇassa eko samatho. Evaɱ ime satta samathā dasasamathā honti. Dasa samathā satta samathā honti vatthuvasena pariyāyena.
Pariyāyavāro niṭṭhito chaṭṭho
1. Tatihetuti chahetu - machasaɱ
[BJT Page 350] [\x 35/]
7. Sādhāraṇavāro
Kati samathā vivādādhikaraṇassa sādhāraṇā, kati samathā vivādādhikaraṇassa asādhāraṇā kati samathā anuvādādhikaraṇassa sādhāraṇā, kati samathā anuvādādhikaraṇassa asādhāraṇā. Kati samathā apatattādhikaraṇassa sādhāraṇā, kati samathā āpattādhikaraṇassa asādhāraṇā. Kati samathā kiccādhikaraṇassa sādhāraṇā, kati samathā kiccādhikaraṇassa asādhāraṇā.
1. Dve samathā vivādādhikaraṇassa sādhāraṇā: sammukhāvinayo yebhuyyasikā. Pañca samathā vivādādhikaraṇassa asādhāraṇā: sativinayo amūḷhavinayo, paṭiññātakaraṇaɱ, tassapāpiyyasikā, tiṇavatthārako
2. Cattāro samathā anuvādādhikaraṇassa sādhāraṇā: sammukhāvinayo sativinayo, amūḷhavinayo, tassapāpiyyasikā tayo samathā anuvādādhikaraṇassa asādhāraṇā: yebhuyyasikā paṭiññātakaraṇaɱ, tiṇavatthārako
3. Tayo samathā āpattādhikaraṇassa sādhāraṇā: sammukhāvinayo paṭiññātakaraṇaɱ tiṇavatthārako cattāro samathā āpattādhikaraṇassa asādhāraṇā, yebhuyyasikā sativinayo, amūḷhavinayo, tassa pāpiyyasikā
4. Eko samathā kiccādhikaraṇassa sādhāraṇā: sammukhāvinayo cha samathā kiccādhikaraṇassa asādhāraṇā, yebhuyyasikā sativinayo, amūḷhavinayo, paṭiññātakaraṇaɱ, tassapāpiyyasikā, tiṇavatthārako.
Sādhāraṇavāro niṭṭhito sattamo
8. Tabbhāgiyavāro
Kati samathā vivādādhikaraṇassa tabbhāgiyā, kati samathā vivādādhīkaraṇassa aññabhāgiyā. Kati samathā anuvādādhikaraṇassa tabbhāgiyā, kati samathā anuvādādhikaraṇassa aññabhāgiyā. Kati samathā āpattādhikaraṇassa tabbhāgiyā, kati samathā āpattādhikaraṇassa aññabhāgiyā. Kati samathā kiccādhikaraṇassa tabbhāgiyā, kati samathā kiccādhikaraṇassa aññabhāgiyā.
[page 104]
1. Dve samathā vivādādhikaraṇassa tabbhāgiyā: sammukhāvinayo yebhuyyasikā. Pañca samathā vivādādhikaraṇassa aññabhāgiyā: sativinayo amūḷhavinayo, paṭiññātakaraṇaɱ, tassapāpiyyasikā, tiṇavatthārako
2. Cattāro samathā anuvādādhikaraṇassa tabbhāgiyā: sammukhāvinayo sativinayo, amūḷhavinayo, tassapāpiyyasikā tayo samathā anuvādādhikaraṇassa aññabhāgiyā: yebhuyyasikā paṭiññātakaraṇaɱ, tiṇavatthārako
[BJT Page 352]
3. Tayo samathā āpattādhikaraṇassa tabbhāgiyā: sammukhāvinayo paṭiññātakaraṇaɱ tiṇavatthārako cattāro samathā āpattādhikaraṇassa aññabhāgiyā: yebhuyyasikā sativinayo, amūḷhavinayo, tassa pāpiyyasikā
4. Eko samatho kiccādhikaraṇassa tabbhāgiyā: sammukhāvinayo cha samathā kiccādhikaraṇassa aññabhāgiyā: yebhuyyasikā sativinayo, amūḷhavinayo, paṭiññātakaraṇaɱ, tassapāpiyyasikā, tiṇavatthārako
Tabbhāgiyavāro niṭṭhito aṭṭhamo
9. Samathā samathassa sādhāraṇavāro
Samathā samathassa sādhāraṇā, samathā samathassa asādhāraṇa, siyā samathā samathassa sādhāraṇā, siyā samathā samathassa asādhāraṇā.
Kathaɱ siyā samathā samathassa sādhāraṇā, kathaɱ siyā samathā samathassa āsādhāraṇā:
1. Yebhuyyasikā sammukhāvinayassa sādhāraṇā, sativinayassa amūḷhavinayassa paṭiññātakaraṇassa tassapāpiyyasikāya tiṇavatthārakassa asādhāraṇā.
2. Sativinayo sammukhāvinayassa sādhāraṇo, amūḷhavinayassa paṭiññātakaraṇassa tassapāpiyyasikāya tiṇavatthārakassa yebhuyyasikāya asādhāraṇo.
3. Amūḷhavinayo sammukhāvinayassa sādhāraṇo, paṭiññātakaraṇassa tassapāpiyyasikāya tiṇavatthārakassa yebhuyyasikāya sativinayassa asādhāraṇo.
4. Paṭiññātakaraṇaɱ sammukhāvinayassa sādhāraṇaɱ tassapāpiyyasikāya tiṇavatthārakassa yebhuyyasikāya sativinayassa amūḷhavinayassa asādhāraṇaɱ.
5. Tassapāpiyyasikāya sammukhāvinayassa sādhāraṇā, tiṇavatthārakassa yebhuyyasikāya sativinayassa amūḷhavinayassa paṭiññātakaraṇassa asādhāraṇā.
6. Tiṇavatthārako sammukhāvinayassa sādhāraṇo, yebhuyyasikāya sativinayassa amūḷhavinayassa paṭiññātakaraṇassa tassapāpiyyasikāya asādhāraṇo; evaɱ siyā samathā samathassa sādhāraṇā evaɱ siyā samathā samathassa asādhāraṇā.
Samathā samathassa sādhāraṇavāro niṭṭhito navamo.
[BJT Page 354]
10. Samathā samathassa tabbhāgiyavāro
Samathā samathassa tabbhāgiyā, samathā samathassa aññabhāgiyā siyā samathā samathassa tabbhāgiyā, siyā samathā samathassa aññabhāgiyā.
Kathaɱ siyā samathā samathassa tabbhāgiyā, kathaɱ siyā samathā samathassa aññabhāgiyā:
1. Yebhuyyasikā sammukhāvinayassa tabbhāgiyā, sativinayassa amūḷhavinayassa paṭiññātakaraṇassa tassapāpiyyasikāya tiṇavatthārakassa aññabhāgiyā.
2. Sativinayo sammukhāvinayassa tabbhāgiyo, amūḷhavinayassa paṭiññātakaraṇassa tassapāpiyyasikāya tiṇavatthārakassa yebhuyyasikāya aññabhāgiyo.
3. Amūḷhavinayo sammukhāvinayassa tabbāgiyo, paṭiññātakaraṇassa tassapāpiyyasikāya tiṇavatthārakassa yebhuyyasikāya sativinayassa aññabhāgiyo.
4. Paṭiññātakaraṇaɱ sammukhāvinayassa tabbāgiyaɱ tassapāpiyyasikāya tiṇavatthārakassa yebhuyyasikāya sativinayassa amūḷhavinayassa aññabhāgiyaɱ.
5. Tassapāpiyyasikāya sammukhāvinayassa tabbābhāgiyā, tiṇavatthārakassa yebhuyyasikāya sativinayassa amūḷhavinayassa paṭiññātakaraṇassa tassapāpiyyasikāya aññabhāgiyā.
6. Tiṇavatthārako sammukhāvinayassa tabbhāgiyo, yebhuyyasikāya sativinayassa amūḷhavinayassa paṭiññātakaraṇassa tassapāpiyyasikāya aññabhāgiyo; evaɱ siyā samathā samathassa tabbhāgiyā. Evaɱ siyā samathā samathassa aññabhāgiyā.
Samathā samathassa tabbhāgiyavāro niṭṭhito dasamo.
11. Samathāsammukhāvinayavāro
Samathā sammukhāvinayo. Sammukhāvinayo samatho. Samatho yebhuyyasikā, yebhuyyasikā samatho. Samatho [page 105] sativinayo. Sativinayo samatho. Samatho amūḷhavinayo. Amūḷhavinayo samatho. Samatho paṭiññātakaraṇaɱ. Paṭiññātakaraṇaɱ samatho. Samatho tassapāpiyyasikā, tassapāpiyyasikā samatho. Samatho tiṇavatthārako, tiṇavatthārako samatho.
1. Yebhuyyasikā sativinayo amūḷhavinayo paṭiññātakaraṇaɱ tassapāpiyyasikā tiṇavatthārako ime samathā samathā. No sammukhā vinayo. Sammukhāvinayo samatho ceva sammukhāvinayo ca.
2. Sativinayo amūḷhavinayo paṭiññātakaraṇaɱ tassapāpiyyasikā tiṇavatthārako sammukhāvinayo ime samathā samathā, no yebhuyyasikā. Yebhuyyasikā samatho ceva yebhuyyasikā ca.
[BJT Page 356]
3. Amūḷhavinayo paṭiññātakaraṇaɱ tassapāpiyyasikā tiṇavatthārako sammukhāvinayo yebhuyyasikā ime samathā samathā, no sativinayo. Sativinayo samatho ceva sativinayo ca.
4. Paṭiññātakaraṇaɱ tassapāpiyyasikā tiṇavatthārako sammukhāvinayo yebhuyyasikā sativinayo ime samathā samathā. No amūḷhavinayo. Amūḷhavinayo samatho ceva amūḷha vinayo ca.
.
5. Tassapāpiyyasikā tiṇavatthārako sammukhāvinayo yebhuyyasikā sativinayo amūḷhavinayo ime samathā samathā, no paṭiññātakaraṇaɱ. Paṭiññātakaraṇaɱ samatho ceva paṭiññātakaraṇañca.
.
6. Tiṇavatthārako sammukhāvinayo yebhuyyasikā sativinayo amūḷhavinayo paṭiññātakaraṇaɱ ime samathā samathā, no tassāpiyyasikā. Tassapāpiyyasikā samatho ceva tassapāpiyyasikā ca.
7. Sammukhāvinayo yebhuyyasikā sativinayo amūḷhavinayo paṭiññātakaraṇaɱ tassapāpiyyasikā ime samathā samathā, no tiṇavatthārako. Tiṇavatthārako samatho ceva tiṇavatthārako ca.
.
Samathasammukhāvinayavāro niṭṭhito ekādasamo
12. Vinayavāro
Vinayo sammukhāvinayo. Sammukhāvinayo vinayo. Vinayo yebhuyyasikā. Yebhuyyasikā vinayo. Vinayo sativinayo, sativinayo vinayo. Vinayo amūḷhavinayo, amūḷhavinayo vinayo. Vinayo paṭiññātakaraṇaɱ. Paṭiññātakaraṇaɱ vinayo. Vinayo tassapāpiyyasikā. Tassapāpiyyasikā vinayo. Vinayo tiṇavatthārako. Tiṇavatthārako vinayo.
1. Vinayo siyā sammukhāvinayo. Siyā na sammukhāvinayo. Sammukhāvinayo vinayo ceva sammukhāvinayo ca.
2. Vinayo siyā yebhuyyasikā. Siyā na yebhuyyasikā. Yebhuyyasikā vinayo ceva yebhuyyasikā ca.
3. Vinayo siyā sativinayo. Siyā na sativinayo sativinayo vinayo ceva sativinayo ca.
4. Vinayo siyā amūḷhavinayo. Siyā na amūḷhavinayo. Amūḷhavinayo vinayo ceva amūḷhavinayo ca.
5. Vinayo siyā paṭiññātakaraṇaɱ siyā na paṭiññātakaraṇaɱ paṭiññātakaraṇaɱ vinayo ceva paṭiññātakaraṇañca.
[BJT Page 358]
6. Vinayo siyā tassapāpiyyasikā siyā na tassapāpiyyasikā. Tassapāpiyyasikā vinayo ceva tassapāpiyyasikā ca.
7. Vinayo siyā tiṇavatthārako. Siyā na tiṇavatthārako. Tiṇavatthārako vinayo ceva tiṇavatthārako ca.
Vinayavāro niṭṭhito dvāsadamo
13. Kusalavāro
Sammukhāvinayo kusalo akusalo abyākato. Yebhuyyasikā kusalā akusalā abyākatā. Sativinayo kusalo akusalo abyākato. Amūḷhavinayo kusalo akusalo abyākato, paṭiññātakaraṇaɱ kusalaɱ akusalaɱ abyākataɱ, tassapāpiyyāsikā kusalā akusalā abyākatā. Tiṇavatthārako kusalo akusalo abyākato.
1. Sammukhāvinayo siyā kusalo siyā abyākato. Natthi sammukhā vinayo akusalo.
2. Yebhuyyasikā siyā kusalā. Siyā akusalā. Siyā abyākatā.
.
3. Sativinayo siyā kusalo. Siyā akusalo. Siyā abyākato.
4. Amūḷhavinayo siyā kusalo. Siyā akusalo. Siyā abyākato.
5. Paṭiññātakaraṇaɱ siyā kusalaɱ. Siyā akusalaɱ. Siyā abyākataɱ.
6. Tassapāpiyyasikā siyā kusalā. Siyā akusalā. Siyā abyākatā.
7. Tiṇavatthārako siyā kusalo. Siyā akusalo. Siyā abyākato.
[page 106]
Vivādādhikaraṇaɱ kusalaɱ akusalaɱ abyākataɱ. Anuvādādhikaraṇaɱ kusalaɱ akusalaɱ abyākataɱ. Āpattādhikaraṇaɱ kusalaɱ akusalaɱ abyākataɱ. Kiccādhikaraṇaɱ kusalaɱ akusalaɱ abyākataɱ:
1. Vivādādhikaraṇaɱ siyā kusalaɱ. Siyā akusalaɱ. Siyā abyākataɱ.
2. Anuvādādhikaraṇaɱ siyā kusalaɱ. Siyā akusalaɱ. Siyā abyākataɱ.
3. Āpattādhikaraṇaɱ siyā akusalaɱ. Siyā siyā abyākataɱ. Natthi āpattādhikaraṇaɱ kusalaɱ.
4. Kiccādhikaraṇaɱ siyā kusalaɱ. Siyā akusalaɱ. Siyā abyākataɱ.
Kusalavāro niṭṭhito terasamo.
[BJT Page 360]
14. Yatthavāro
1. Yattha yebhuyyasikā labbhati, tattha sammukhāvinayo labbhati. Yattha sammukhāvinayo labbhati, tattha yebhuyyasiyā labbhati. Na tattha sativinayo labbhati. Na tattha amūḷhavinayo labbhati. Na tattha paṭiññātakaraṇaɱ labbhati. Na ttatha tassapāpiyyasikā labbhati. Na tattha tiṇavatthārako labbhati.
2. Yattha sativinayo labbhati, tattha sammukhāvinayo labbhati. Yattha sammukhāvinayo labbhati, tattha yebhuyyasiyā labbhati. Na tattha amūḷhavinayo labbhati. Na tattha paṭiññātakaraṇaɱ labbhati. Na tattha tassapāpiyyasikā labbhati. Na tattha tiṇavatthārako labbhati. Na tattha yebhuyyasikā labbhati.
3. Yattha amūḷhavinayo labbhati, tattha sammukhāvinayo labbhati. Yattha sammukhāvinayo labbhati, tattha amūḷhavinayo labbhati. Na tattha paṭiññātakaraṇaɱ labbhati. Na tattha tassapāpiyyasikā labbhati. Na tattha tiṇavatthārako labbhati. Na tattha yebhuyyasikā labbhati. Na tattha sativinayo labbhati.
4. Yattha paṭiññātakaraṇaɱ labbhati, tattha sammukhāvinayo labbhati. Yattha sammukhāvinayo labbhati, tattha paṭiññātakaraṇaɱ labbhati. Na tattha tassapāpiyyasikā labbhati. Na tattha tiṇavatthārako labbhati. Na tattha yebhuyyasikā labbhati. Na tattha sativinayo labbhati. Na tattha amūḷhavinayo labbhati.
5. Yattha tassapāpiyyasikā labbhati, tattha sammukhāvinayo labbhati. Yattha sammukhāvinayo labbhati, tattha tassapāpiyyasikā labbhati. Na tattha tiṇavatthārako labbhati. Na tattha yebhuyyasikā labbhati. Na tattha sativinayo labbhati. Na ttatha amūḷhavinayo labbhati. Na tattha paṭiññātakaraṇaɱ labbhati.
6. Yattha tassapāpiyyasikā labbhati, tattha sammukhāvinayo labbhati. Yattha sammukhāvinayo labbhati, tattha tiṇavatthārako labbhati. Na tattha yebhuyasikā labbhati. Na tattha
Sativinayo labbhati. Na tattha amulhavinayo labbhati. Na ttatha paṭiññātakaraṇaɱ labbhati. Na tattha tassapāpiyyasikā labbhati.
7. Yattha yebhuyyasikā tattha sammukhāvinayo. Yattha sammukhāvinayo tattha yebhuyyasikā. Na tattha sativinayo. Na tattha amūḷhavinayo. Na tattha paṭiññātakaraṇaɱ. Na tattha tassapāpiyyasikā. Na tattha tiṇavatthārako.
8. Yattha sativinayo, tattha sammukhāvinayo yattha sammukhāvinayo tattha sativinayo na ttatha amūḷhavinayo na ttatha paṭiññātakaraṇaɱ. Na tattha tassapāpiyyasikā. Na tattha tiṇavatthārako. Na tattha yebhuyyasikā ( sammukhāvinayaɱ kātunamūlaɱ - pe - )
[BJT Page 362]
9. Yattha tiṇavatthārako, tattha sammukhāvinayo yattha sammukhāvinayo tattha tiṇavatthārako na ttatha yebhuyyasikā na tattha sativinayo na tattha amūḷhavinayo na tattha paṭiññātakaraṇaɱ na tattha tassapāpiyyasikā
Cakkapeyyālaɱ
Yatthavāro niṭṭhito cuddasamo.
15. Samathavāro
1. Yasmiɱ samaye sammukhā vinayena ca yebhuyyasikāya ca adhikaraṇaɱ vūpasammati, yattha yebhuyyasikā labbhati. Tattha sammukhāvinayo labbhati, yattha sammukhāvinayo labbhati, tattha yebhuyyasikā labbhati. Na tattha sativinayo labbhati. Na tattha amūḷhavinayo labbhati. Na tattha paṭiññātakaraṇaɱ labbhati. Na tattha tassapāpiyyasikā labbhati. Na tattha tiṇavatthārako labbhati.
[page 107]
2. Yasmiɱ samaye sammukhāvinayena ca sativinayena ca adhikaraṇaɱ vūpasammati, yattha sativinayo labbhati. Tattha sammukhāvinayo labbhati, yattha sammukhāvinayo labbhati, tattha sativinayo labbhati. Na tattha amūḷhavinayo labbhati. Na tattha paṭiññātakaraṇaɱ labbhati. Na tattha tassapāpiyyasikā labbhati. Na tattha tiṇavatthārako labbhati. Na tattha yebhuyyasikā labbhati.
3. Yasmiɱ samaye sammukhāvinayena ca amūḷhavinayena ca adhikaraṇaɱ vūpasammati, yattha amūḷhavinayo labbhati. Tattha sammukhāvinayo labbhati, yattha sammukhāvinayo labbhati, tattha amūḷhavinayo labbhati. Na tattha paṭiññātakaraṇaɱ labbhati, na tattha tassapāpiyyasikā labbhati. Na tattha tiṇavatthārako labbhati. Na tattha yebhuyyasikā labbhati. Na tattha sativinayo labbhati.
4. Yasmiɱ samaye sammukhāvinayena ca paṭiññātakaraṇena ca adhikaraṇaɱ vūpasammati, yattha paṭiññātakaraṇaɱ labbhati. Tattha sammukhāvinayo labbhati, yattha sammukhāvinayo labbhati, tattha paṭiññātakaraṇaɱ labbhati. Na tattha tassapāpiyyasikā labbhati. Na tattha tiṇavatthārako labbhati. Na tattha yebhuyyasikā labbhati. Na tattha sativinayo labbhati. Na tattha amūḷhavinayo labbhati.
5. Yasmiɱ samaye sammukhāvinayena ca tassapāpiyyasikāya ca adhikaraṇaɱ vupasammati, yattha tassapāpiyyasikā labbhati. Tattha sammukhāvinayo labbhati, yattha sammukhāvinayo labbhati, tattha tassapāpiyyasikā labbhati. Na tattha tiṇavatthārako labbhati. Na tattha yebhuyyasikā labbhati. Na tattha sativinayo labbhati. Na tattha amūḷhavinayo labbhati. Na tattha paṭiññātakaraṇaɱ labbhati.
[BJT Page 364]
6. Yasmiɱ samaye sammukhāvinayona ca tiṇavatthārakena ca adhikaraṇaɱ vupasammati, yattha tiṇavatthārako labbhati. Tattha sammukhāvinayo labbhati, yattha sammukhāvinayo labbhati, tattha tiṇavatthārako labbhati. Na tattha yebhuyyasikā labbhati. Na tattha sativinayo labbhati. Na tattha amūḷhavinayo labbhati. Na tattha paṭiññātakaraṇaɱ labbhati. Na tattha tassapāpiyyasikā labbhati.
Samathavāro niṭṭhito paṇṇarasamo.
16. Saɱsaṭṭhavāro
Adhikaraṇanti vā samathāti vā ime dhammā saɱsaṭṭhā udāhu visaɱsaṭṭhā, labbhā ca panimesaɱ dhammānaɱ vinibbhujitvā vinibbhujitvā nānākaraṇaɱ paññāpetunti:
Adhikaraṇanti vā samathāti vā ime dhammā visaɱsaṭṭhā, no saɱsaṭṭhā. Labbhā ca panimesaɱ dhammānaɱ vinibbhujitvā vinibbhujitvā nānākaraṇaɱ. Paññāpetunti, so mā hevantissa vacanīyo. Adhikaraṇanti vā samathāti vā ime dhammā saɱsaṭṭhā no visaɱsaṭṭhā na ca labbhā 1imesaɱ dhammānaɱ vinibbhujitvā nānākaraṇaɱ paññāpetuɱ. Taɱ kissa hetu: nanu vuttaɱ bhagavatā "cattārimāni bhikkhave adhikaraṇāni, satta samathā. Adhikaraṇā samathehi sammanti. Samathā adhikaraṇehi sammantī"ti. Evaɱ ime dhammā saɱsaṭṭhā no visaɱsaṭṭhā no ca labbhā imesaɱ dhammānaɱ vinibbhujitvā vinibbhujitvā nānākaraṇaɱ paññāpetunti.
Saɱsaṭṭhavāro niṭṭhito soḷasamo.
17. Sammativāro
Vivādādhikaraṇaɱ katīhi samathehi sammati, anuvādādhikaraṇaɱ katīhi samathehi sammati, āpattādhikaraṇaɱ katīhi samathehi sammati, kiccādhīkaraṇaɱ katīhi samathehi sammati:
1. Vivādādhikaraṇaɱ dvīhi samathehi sammati: sammukhāvinayena ca yebhuyyasikāya ca.
2. Anuvādādhikaraṇaɱ catūhi samathehi sammati: sammukhāvinayena ca sativinayena ca amūḷhavinayena ca tassapāpiyyasikāya ca.
3. Āpattādhikaraṇaɱ tīhi samathehi sammati: sammukhāvinayena ca paṭiññātakaraṇena ca tiṇavatthārakena ca.
4. Kiccādhikaraṇaɱ ekena samathena sammati: sammukhāvinayena.
1. No ca labbhā - machasaɱ
[BJT Page 366]
1. Vivādādhikaraṇañca anuvādādhikaraṇañca katīhi samathehi sammanti: vivādādhikaraṇañca anuvādādhikaraṇañca pañcahi samathehi sammanti: sammukhāvinayena ca yebhuyyasikāya ca sativinayena ca amūḷhavinayena ca tassapāpiyyasikāya ca.
[page 108]
2. Vivādādhikaraṇañca āpattādhikaraṇañca katīhi samathehi sammanti: vivādādhikaraṇañca āpattādhikaraṇañca catūhi samathehi sammanti: sammukhāvinayena ca yebhuyyasikāya ca paṭiññātakaraṇena ca tiṇavatthārakena ca.
3. Vivādādhikaraṇañca kiccādhikaraṇañca katīhi samathehi sammanti: vivādādhikaraṇañca kiccādhikaraṇañca dvīhi samathehi sammanti: sammukhāvinayena ca yebhuyyasikāya ca
4. Anuvādādhikaraṇañca āpattādhikaraṇañca katīhi samathehi sammanti: anuvādādhikaraṇañca āpattādhikaraṇañca chahi samathehi sammanti: sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca
5. Anuvādādhikaraṇañca kiccādhikaraṇañca katīhi samathehi sammanti: anuvādādhikaraṇañca kiccādhikaraṇañca catūhi samathehi sammanti: sammukhāvinayena ca sativinayena ca amūḷhavinayena ca tassapāpiyyasikāya ca.
6. Āpattādhikaraṇañca kiccādhikaraṇañca katīhi samathehi sammanti: āpattādhikaraṇañca kiccādhikaraṇañca tīhi samathehi sammanti: sammukhāvinayena ca paṭiññātakaraṇena ca tiṇavatthārakena ca.
7. Vivādādhikaraṇañca anuvādādhikaraṇañca āpattādhikaraṇañca katīhi samathehi sammanti: vivādādhikaraṇañca anuvādādhikaraṇañca āpattādhikaraṇañca sattahi samathehi sammanti: sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.
8. Vivādādhikaraṇañca anuvādādhikaraṇañca kiccādhikaraṇañca katīhi samathehi sammanti: vivādādhikaraṇañca anuvādādhikaraṇañca kiccādhikaraṇañca pañcahi samathehi sammanti: sammukhāvinayena ca yebhuyyasikāya ca sativinayena ca amūḷhavinayena ca tassapāpiyyasikāya ca.
9. Anuvādādhikaraṇañca āpattādhikaraṇañca kiccādhikaraṇañca katīhi samathehi sammanti: anuvādādhikaraṇañca āpattādhikaraṇañca kiccādhikaraṇañca chahi samathehi sammanti: sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.
[BJT Page 368]
10. Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katīhi samathehi sammanti: vivādādhikaraṇañca anuvādādhikaraṇañca āpattadhikaraṇañca kiccādhikaraṇañca sattahi samathehi sammanti: sammukhāvinayena ca yebhuyyasikhāya ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.
Sammativāro 1- niṭṭhito sattarasamo.
18. Sammati na sammativāro
Vivādādhikaraṇaɱ katīhi samathehi sammati, katīhi samathehi na sammati, anuvādādhikaraṇaɱ katīhi samathehi sammati, katīhi samathehi na sammati, āpattādhikaraṇaɱ katīhi samathehi sammati, katīhi samathehi na sammati, kiccādhikaraṇaɱ katīhi samathehi sammati, katīhi samathehi na sammati,
1. Vivādādhikaraṇaɱ dvīhi samathehi sammati: sammukhāvinayena ca yebhuyyasikhāya ca. Pañcahi samathehi na sammati: sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.
2. Anuvādādhikaraṇaɱ catūhi samathehi sammati: sammukhāvinayena ca sativinayena ca. Amūḷhavinayena ca tassapāpiyyasikāya ca. Tīhi samathehi na sammati: yebhuyyasikāya ca paṭiññātakaraṇena ca tiṇavatthārakena ca.
3. Āpattādhikaraṇaɱ tīhi samathehi sammati: sammukhāvinayena ca paṭiññātakaraṇena ca tiṇavatthārakena ca, catūhi samathehi na sammati: yebhuyyasikāya ca sativinayena ca amūḷhavinayena ca tassapāpiyyasikāya ca.
[page 109]
4. Kiccādhikaraṇaɱ ekena samathehi sammati: sammukhāvinayena chahi samathehi na sammati: yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.
5. Vivādādhikaraṇañca anuvādādhikarañca katīhi samathehi sammanti: katīhi samathehi na sammanti: vivādādhikaraṇañca anuvādādhikaraṇañca pañcahi samathehi sammanti: sammukhāvinayena ca yebhuyyasikāya ca sativinayena amūḷhavinayena ca tassapāpiyyasikāya ca dvīhi samathehi na sammanti: paṭiññātakaraṇena ca tiṇavatthārakena ca.
1. Samantivāro - machasaɱ
[BJT Page 370]
6. Vivādādhikaraṇañca āpattādhikaraṇañca katīhi samathehi sammanti: katīhi samathehi na sammanti: vivādādhikaraṇañca āpattādhikaraṇañca catūhi samathehi sammanti: sammukhāvinayena ca yebhuyyasikāya ca paṭiññātakaraṇena ca tiṇavatthārakena ca tīhi samathehi na sammanti: sativinayena ca amūḷhavinayena ca tassapāpiyyasikāya ca.
7. Vivādādhikaraṇañca kiccādhikaraṇañca katīhi samathehi sammanti: katīhi samathehi na sammanti: vivādādhikaraṇañca kiccādhikaraṇañca dvīhi samathehi sammanti: sammukhāvinayena ca yebhuyyasikāya ca pañcahi samathehi na sammanti: sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.
8. Anuvādādhikaraṇañca āpattādhikaraṇañca katīhi samathehi sammanti: katīhi samathehi na sammanti: anuvādādhikaraṇañca āpattādhikaraṇañca chahi samathehi sammanti: sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca. Ekena samathena na sammanti yebhuyyasikāya.
9. Anuvādādhikaraṇañca kiccādhikarañca katīhi samathehi sammanti: katīhi samathehi na sammanti: anuvādādhikaraṇañca kiccādhikaraṇañca catūhi samathehi sammanti: sammukhāvinayena ca sativinayena ca amūḷhavinayena ca tassapāpiyyasikāya ca tīhi samathehi na sammanti: yebhuyyasikāya ca paṭiññātakaraṇena ca tiṇavatthārakena ca.
10 Āpattādhikaraṇañca kiccādhikaraṇañca katīhi samathehi sammanti: katīhi samathehi na sammanti: āpattādhikaraṇañca kiccādhikaraṇañca tīhi samathehi sammanti: sammukhāvinayena ca paṭiññātakaraṇena ca tiṇavatthārakena ca. Catūhi samathehi na sammanti: yebhuyyasikāya ca sativinayena ca amūḷhavinayena ca tassapāpiyyasikāya ca
11. Vivādādhikaraṇañca anuvādādhikaraṇañca āpattādhikaraṇañca katīhi samathehi sammanti: katīhi samathehi na sammanti: vivādādhikaraṇañca anuvādādhikaraṇañca āpattādhikaraṇañca sattahi samathehi sammanti: sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.
12. Vivādādhikaraṇañca anuvādādhikaraṇañca kiccādhikaraṇañca katīhi samathehi sammanti: katīhi samathehi na sammanti: vivādhikaraṇañca anuvādādhikaraṇañca kiccādhikaraṇañca pañcahi samathehi sammanti: sammukhāvinayena ca yebhuyyasikāya ca sativinayena ca amūḷhavinayena ca tassapāpiyyasikāya ca. Dvīhi samathehi na sammanti: paṭiññātakaraṇena ca tiṇavatthārakena ca.
[BJT Page 372]
13. Anuvādādhikaraṇañca āpattādhikaraṇañca kiccādhikaraṇañca katīhi samathehi sammanti: katīhi samathehi na sammanti: anuvādhikaraṇañca āpattādhikaraṇañca kiccādhikaraṇañca chahi samathehi sammanti: sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca ekena samathena na sammanti: yebhuyyasikāya.
14. Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katīhi samathehi sammanti: katīhi samathehi na sammanti: vivādādhikaraṇañca anuvādādhikaraṇañca āpattādhikaraṇañca kiccādhikaraṇañca sattahi samathehi sammanti: sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca.
Sammati na sammati vāro niṭṭhito aṭṭhārasamo.
19. Samathādhikaraṇavāro
Samathā samathehi sammanti, samathā adhikaraṇehi sammanti. Adhikaraṇā samathehi sammanti adhikaraṇā adhikaraṇehi sammanti:
[page 110]
Siyā samathā samathehi sammanti. Siyā samathā samathehi na sammanti. Siyā samathā adhikaraṇehi sammanti. Siyā samathā adhikaraṇehi na sammanti. Siyā adhikaraṇā samathehi sammanti. Siyā adhikaraṇā samathehi na sammanti. Siyā adhikaraṇā adhikaraṇehi sammanti. Siyā adhikaraṇā adhikaraṇehi na sammanti.
(1)
Kathaɱ siyā samathā samathehi sammanti, kathaɱ siyā samathā samathehi na sammanti:
Yebhuyyasikā sammukhāvinayena sammati. Sativinayena na sammati. Amūḷhavinayena na sammati. Paṭiññātakaraṇena na sammati. Tassapāpiyyasikāya na sammati.
Sativinayo sammukhāvinayena sammati. Amūḷhavinayena na sammati. Paṭiññātakaraṇena na sammati. Tassapāpiyyasikāya na sammati. Tiṇavatthārakena na sammati. Yebhuyyasikāya na sammati.
Amūḷhavinayo sammukhāvinayena sammati. Paṭiññātakaraṇena na sammati. Tassapāpiyyasikāya na sammati. Tiṇavatthārakena na sammati. Yebhuyyasikāya na sammati. Sativinayena na sammati.
Paṭiññātakaraṇaɱ sammukhāvinayena sammati. Tassapāpiyyasikāya na sammati. Tiṇavatthārakena na sammati. Yebhuyyasikāya na sammati. Sativinayena na sammati. Amūḷhavinayena na sammati.
[BJT Page 374]
Tassapāpiyyasikā sammukhāvinayena sammati. Tiṇavatthārakena na sammati. Yebhuyyasikāya na sammati. Sativinayena na sammati. Amūḷhavinayena na sammati. Paṭiññātakaraṇena na sammati.
Tiṇavatthārako sammukhāvinayena sammati. Yebhuyyasikāya na sammati. Sativinayena na sammati. Amūḷhavinayena na sammati. Paṭiññātakaraṇena na sammati. Tassapāpiyyasikāya na sammati.
Evaɱ siyā samathā samathehi sammanti. Evaɱ siyā samathā samathehi na sammanti.
(2)
Kathaɱ siyā samathā adhikaraṇehi sammanti, kathaɱ siyā samathā adhikaraṇehi na sammanti:
Sammukhāvinayo vivādādhikaraṇena na sammati. Anuvādādhikaraṇena na sammati. Āpattādhikaraṇena na sammati. Kiccādhikaraṇena sammati.
Yebhuyyasikā vivādādhikaraṇena na sammati. Anuvādādhikaraṇena na sammati. Āpattādhikaraṇena na sammati. Kiccādhikaraṇena sammati.
Sativinayo vivādādhikaraṇena na sammati. Anuvādādhikaraṇena na sammati. Āpattādhikaraṇena na sammati. Kiccādhikaraṇena sammati.
Amūḷhavinayo vivādādhikaraṇena na sammati. Anuvādādhikaraṇena na sammati. Āpattādhikaraṇena na sammati. Kiccādhikaraṇena sammati.
Paṭiññātakaraṇaɱ vivādādhikaraṇena na sammati. Anuvādādhikaraṇena na sammati. Āpattādhikaraṇena na sammati. Kiccādhikaraṇena sammati.
Tassapāpiyyasikā vivādādhikaraṇena na sammati. Anuvādādhikaraṇena na sammati. Āpattādhikaraṇena na sammati. Kiccādhikaraṇena sammati.
Tiṇavatthārako vivādādhikaraṇena na sammati. Anuvādādhikaraṇena na sammati. Āpattādhikaraṇena na sammati. Kiccādhikaraṇena sammati.
Evaɱ siyā samathā adhikaraṇehi sammanti. Evaɱ siyā samathā adhikaraṇehi na sammanti.
(3)
Kathaɱ siyā adhikaraṇā samathehi sammanti, kathaɱ siyā adhikaraṇā samathehi na sammanti.
Vivādādhikaraṇaɱ sammukhāvinayena ca yebhuyyasikāya ca sammati. Sativinayena ca amūḷhavinayena ca paṭiññātakaraṇena ca tassapāpiyyasikāya ca tiṇavatthārakena ca na sammati.
[BJT Page 376]
Anuvādādhikaraṇaɱ sammukhāviyena ca sativinayena ca amūḷhavinayena ca tassapāpiyyasikāya ca sammati. Yebhuyyasikāya ca paṭiññātakaraṇena ca tiṇavatthārakena ca na sammati.
Āpattādhikaraṇaɱ sammukhāvinayena ca paṭiññātakaraṇena ca tiṇavatthārakena ca sammati. Yebhuyyasikāya ca sativinayena ca amūḷhavinayena ca tassapāpiyyasikāya ca na sammati.
Kiccādhikaraṇaɱ sammukhāvinayena sammati. Yebhuyyasikāya ca sativinayena ca amūḷhavinayena ca paṭiññātakaraṇena ca [page 111] tassapāpiyyasikāya ca tiṇavatthārakena ca na sammati.
Evaɱ siyā adhikaraṇā samathehi sammanti. Evaɱ siyā adhikaraṇā samathehi na sammanti.
(4)
Kathaɱ adhikaraṇā adhikaraṇehi sammanti, kathaɱ siyā adhikaraṇā adhikaraṇehi na sammanti.
Vivādādhikaraṇaɱ vivādādhikaraṇena na sammati. Anuvādādhikaraṇena na sammati āpattādhikaraṇena na sammati. Kiccādhikaraṇena sammati.
Anuvādādhikaraṇaɱ vivādādhikaraṇena na sammati. Anuvādādhikaraṇena na sammati āpattādhikaraṇena na sammati. Kiccādhikaraṇena sammati.
Āpattādhikaraṇaɱ vivādādhikaraṇena na sammati. Anuvādādhikaraṇena na sammati āpattādhikaraṇena na sammati. Kiccādhikaraṇena sammati.
Kiccādhikaraṇaɱ vivādādhikaraṇena na sammati. Anuvādādhikaraṇena na sammati āpattādhikaraṇena na sammati. Kiccādhikaraṇena sammati.
Evaɱ siyā adhikaraṇā adhikaraṇehi sammanti. Evaɱ siyā adhikaraṇā adhikaraṇehi na sammanti
Chapi samathā cattāropi adhikaraṇā sammukhāvinayena sammanti. Sammukhāvinayo na kenaci sammati
Samathādhikaraṇavāro niṭṭhito ekunavīsatimo
20. Samuṭṭhāpanavāro
1. Vivādādhikaraṇaɱ catunnaɱ adhikaraṇānaɱ katamaɱ adhikaraṇaɱ samuṭṭhāpeti: vivādādhikaraṇaɱ catunnaɱ adhikaraṇānaɱ na katamaɱ adhikaraṇaɱ samuṭṭhāpeti. Api ca vivādādhikaraṇapaccayā cattāro adhikaraṇā jāyanti. Yathākathaɱ viya: idha bhikkhū vivadanti dhammoti vā adhammoti vā vinayoti vā avinayoti vā bhāsitaɱ lapitaɱ tathāgatenāti vā abhāsitaɱ alapitaɱ tathāgatenāti vā, āciṇṇaɱ
[BJT Page 378]
Tathāgatenāti vā anāciṇṇaɱ tathāgatenāti vā, paññattaɱ tathāgatenāti vā apaññattaɱ tathāgatenāti vā, āpattīti vā anāpattīti vā, lahukāpattīti vā, garukāpattīti vā, sāvasesāpattīti vā anavasesāpattīti vā, duṭṭhullāpattīti vā aduṭṭhullāpattīti vā. Yaɱ tattha bhaṇḍanaɱ kalaho viggaho vivādo nānāvādo aññathāvādo vipaccayatāya vohāro medhagaɱ idaɱ vuccati vivādādhikaraṇaɱ. Vivādādhikaraṇe saṅgho vivadati, vivādādhikaraṇaɱ. Vivadamāno anuvadati, anuvādādhikaraṇaɱ, anuvadamāno āpattiɱ āpajjati, āpattādhikaraṇaɱ tāya āpattiyā saṅgho kammaɱ karoti, kiccādhikaraṇaɱ. Evaɱ vivādādhikaraṇapaccayā cattāro adhikaraṇā jāyanti.
2. Anuvādādhikaraṇaɱ catunnaɱ adhikaraṇānaɱ katamaɱ adhikaraṇaɱ samuṭṭhāpeti: anuvādādhikaraṇaɱ catunnaɱ adhikaraṇānaɱ na katamaɱ adhikaraṇaɱ samuṭṭhāpeti. Api ca anuvādādhikaraṇapaccayā cattāro adhikaraṇā jāyanti. Yathākathaɱ viya: idha bhikkhū bhikkhuɱ anuvadanti sīlavipattiyā vā, ācāravipattiyā vā diṭṭhivipattiyā vā ājīvavipattiyā vā yo tattha anuvādo anuvadanā anullapanā anubhaṇanā anusampavaṅkatā abbhussahanatā anubalappadānaɱ, idaɱ vuccati anuvādādhikaraṇaɱ anuvādādhikaraṇe saṅgho vivadati, vivādādhikaraṇaɱ vivādamāno anuvadati anuvādādhikaraṇaɱ. Anuvadamāno āpattiɱ apajjati, āpattādhikaraṇaɱ. Tāya āpattiyā saṅgho kammaɱ karoti, kiccādhikaraṇaɱ. Evaɱ anuvādādhikaraṇapaccayā cattāro adhikaraṇā jāyanti.
3. Āpattādhikaraṇaɱ catunnaɱ adhikaraṇānaɱ katamaɱ adhikaraṇaɱ samuṭṭhāpeti: āpattādhikaraṇaɱ catunnaɱ adhikaraṇānaɱ na katamaɱ adhikaraṇaɱ samuṭṭhāpeti. Api ca āpattādhikaraṇapaccayā cattāro adhikaraṇā jāyanti. Yathākathaɱ viya: pañcapi āpattikkhandhā sattapi āpattikkhandhā āpattādhikaraṇaɱ. Idaɱ vuccati āpattādhikaraṇaɱ āpattādhikaraṇe saṅgho vivadati, vivādādhikaraṇaɱ. Vivadamāno [page 112] anuvadati, anuvādādhikaraṇaɱ. Anuvadamāno āpattiɱ āpajjati, āpattādhikaraṇaɱ. Tāya āpattiyā saṅgho kammaɱ karoti kiccādhikaraṇaɱ evaɱ āpattādhikaraṇapaccayā cattāro adhikaraṇā jāyanti.
4. Kiccādhikaraṇaɱ catunnaɱ adhikaraṇānaɱ katamaɱ adhikaraṇaɱ samuṭṭhāpeti: kiccādhikaraṇaɱ catunnaɱ adhikaraṇānaɱ na katamaɱ adhikaraṇaɱ samuṭṭhāpeti. Api ca kiccādhikaraṇapaccayā cattāro adhikaraṇā jāyanti. Yathākathaɱ viya: yā saṅghassa kiccayatā karaṇīyatā apalokanakammaɱ ñattikammaɱ ñattidutiyakammaɱ ñatatticatutthakammaɱ, idaɱ vuccati kiccādhikaraṇaɱ kiccādhikaraṇe saṅgho vivadati, vivādādhikaraṇaɱ vivadamāno anuvadati, anuvādādhikaraṇaɱ. Anuvadamāno āpattiɱ āpajjati, āpattādhikaraṇaɱ. Tāya āpattiyā saṅgho kammaɱ karoti kiccādhikaraṇaɱ. Evaɱ kiccādhikaraṇapaccayā cattāro adhikaraṇā jāyanti.
Samuṭṭhāpanavāro niṭṭhito visatimo
[BJT Page 380]
21. Bhajativāro
1. Vivādādhikaraṇaɱ catunnaɱ adhikaraṇānaɱ katamaɱ adhikaraṇaɱ bhajati, katamaɱ adhikaraṇaɱ upanissitaɱ, katamaɱ adhikaraṇaɱ pariyāpannaɱ, katamena adhikaraṇena saṅgahītaɱ.
2. Anuvādādhikaraṇaɱ catunnaɱ adhikaraṇānaɱ katamaɱ adhikaraṇaɱ bhajati, katamaɱ adhikaraṇaɱ upanissitaɱ, katamaɱ adhikaraṇaɱ pariyāpannaɱ, katamena adhikaraṇena saṅgahītaɱ.
3. Āpattādhikaraṇaɱ catunnaɱ adhikaraṇānaɱ katamaɱ adhikaraṇaɱ bhajati, katamaɱ adhikaraṇaɱ upanissitaɱ, katamaɱ adhikaraṇaɱ pariyāpannaɱ, katamena adhikaraṇena saṅgahītaɱ.
4. Kiccādhikaraṇaɱ catunnaɱ adhikaraṇānaɱ katamaɱ adhikaraṇaɱ bhajati, katamaɱ adhikaraṇaɱ upanissitaɱ, katamaɱ adhikaraṇaɱ pariyāpannaɱ, katamena adhikaraṇena saṅgahītaɱ.
1. Vivādādhikaraṇaɱ catunnaɱ adhikaraṇānaɱ vivādādhikaraṇaɱ bhajati, vivādādhikaraṇaɱ upanissitaɱ, vivādādhikaraṇaɱ pariyāpannaɱ, vivādādhikaraṇena saṅgahītaɱ.
2. Anuvādādhikaraṇaɱ catunnaɱ adhikaraṇānaɱ anuvādādhikaraṇaɱ bhajati, anuvādādhikaraṇaɱ upanissitaɱ, anuvādādhikaraṇaɱ pariyāpannaɱ, anuvādādhikaraṇena saṅgahītaɱ.
3. Āpattādhikaraṇaɱ catunnaɱ adhikaraṇānaɱ apattādhikaraṇaɱ bhajati, āpattādhikaraṇaɱ upanissitaɱ, āpattādhikaraṇaɱ pariyāpannaɱ, āpattādhikaraṇena saṅgahītaɱ.
4. Kiccādhikaraṇaɱ catunnaɱ adhikaraṇānaɱ kiccādhikaraṇaɱ bhajati, kiccādhikaraṇaɱ
Upanissitaɱ, kiccādhikaraṇaɱ pariyāpannaɱ, kiccādhikaraṇena saṅgahītaɱ.
1. Vivādādhikaraṇaɱ sattannaɱ samathānaɱ kati samathe bhajati, kati samathe upanissitaɱ, kati samathe pariyāpannaɱ, katīhi samathehi saṅgahītaɱ, katīhi samathehi sammati.
2. Anuvādādhikaraṇaɱ sattannaɱ samathānaɱ kati samathe bhajati, kati samathe upanissitaɱ, kati samathe pariyāpannaɱ, katīhi samathehi saṅgahītaɱ, katīhi samathehi sammati.
3. Āpattādhikaraṇaɱ sattannaɱ samathānaɱ kati samathe bhajati, kati samathe upanissitaɱ, kati samathe pariyāpannaɱ, katīhi samathehi saṅgahītaɱ, katīhi samathehi sammati.
4. Kiccādādhikaraṇaɱ sattannaɱ samathānaɱ kati samathe bhajati, kati samathe upanissitaɱ, kati samathe pariyāpannaɱ, katīhi samathehi saṅgahītaɱ, katīhi samathehi sammati.
[BJT Page 382]
1. Vivādādhikaraṇaɱ sattannaɱ samathānaɱ dve samathe bhajati. Dve samathe upanissitaɱ dve samathe pariyāpannaɱ dvīhi samathehi saṅgahītaɱ. Dvīhi samathehi sammati: sammukhāvinayena ca yebhuyyasikāya ca.
2. Anuvādādhikaraṇaɱ sattannaɱ samathānaɱ cattāro samathe bhajati. Cattāro samathe upanissitaɱ cattāro samathe pariyāpannaɱ catūhi samathehi saṅgahītaɱ. Catūhi samathehi sammati: sammukhāvinayena ca sativinayena ca amūḷhavinayena ca tassapāpiyyasikāya ca.
3. Āpattādhikaraṇaɱ sattannaɱ samathānaɱ tayo samathe bhajati. Tayo samathe upanissitaɱ tayo samathe pariyāpannaɱ tīhi samathehi saṅgahītaɱ. Tīhi samathehi sammati: sammukhāvinayena ca paṭiññātakaraṇena [page 113] ca tiṇavatthārakena ca.
4. Kiccādhikaraṇaɱ sattannaɱ samathānaɱ ekaɱ samathaɱ bhajati. Ekaɱ samathaɱ upanissitaɱ ekaɱ samathaɱ pariyāpannaɱ ekena samathena saṅgahītaɱ. Ekena samathena sammati: sammukhāvinayenāti.
Bhajativāro niṭṭhito ekavisatimo.
Samathabhedo niṭṭhito
Tassuddānaɱ:
Adhikaraṇaɱ pariyāyaɱ - sādhāraṇā ca bhāgiyā,
Samathā sādhāraṇikā - samathassa tabbhāgiyā.
Samathā sammukhā ceva - vinayena kusalena ca.
Yattha samathā saɱsaṭṭhā - sammati na sammati ca.
Samathādhikaraṇañceva - samuṭṭhānaɱ bhajanti cāti.
[BJT Vol V-5-2] [\z Vin /] [\w Vb /]
[BJT Page 002]
[PTS Vol V - 5] [\z Vin /] [\f V /]
[page 114]
Vinayapiṭake
Parivārapāḷi
Dutiyo bhāgo
Namo tassa bhagavato arahato sammā sambuddhassa
Khandhakapucchā
1. Upasampadaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: upasampadaɱ vissajjissaɱ sanidānaɱ saniddesaɱ, samukkaṭṭhapadānaɱ dve āpattiyo.
2. Uposathaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: uposathaɱ vissajjissaɱ sanidānaɱ saniddesaɱ, samukkaṭṭhapadānaɱ tisso āpattiyo.
3. Vassūpanāyikaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: vassūpanāyikaɱ vissajjissaɱ sanidānaɱ saniddesaɱ, samukkaṭṭhapadānaɱ ekā āpatti.
4. Pavāraṇaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: pavāraṇaɱ vissajjissaɱ sanidānaɱ saniddesaɱ, samukkaṭṭhapadānaɱ tisso āpattiyo.
5. Cammasaññuttaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: cammasaññuttaɱ vissajjissaɱ sanidānaɱ saniddesaɱ, samukkaṭṭhapadānaɱ tisso āpattiyo.
6. Bhesajjaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: bhesajjaɱ vissajjissaɱ sanidānaɱ saniddesaɱ, samukkaṭṭhapadānaɱ tisso āpattiyo.
7. Kaṭhinakaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: kaṭhinakaɱ vissajjissaɱ sanidānaɱ saniddesaɱ, samukkaṭṭhapadānaɱ natthi tattha āpatti.
8. Cīvarasaññuttaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: cīvarasaññuttaɱ vissajjissaɱ sanidānaɱ saniddesaɱ, samukkaṭṭhapadānaɱ tisso āpattiyo.
[BJT Page 004]
9. Campeyyakaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: campeyyakaɱ vissajjissaɱ sanidānaɱ saniddesaɱ, samukkaṭṭhapadānaɱ ekā āpatti.
10. Kosambakaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: kosambakaɱ vissajjissaɱ sanidānaɱ saniddesaɱ, samukkaṭṭhapadānaɱ ekā āpatti.
11. Kammakkhandhakaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: kammakkhandhakaɱ vissajjissaɱ sanidānaɱ saniddesaɱ, samukkaṭṭhapadānaɱ ekā āpatti.
12. Pārivāsikaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: pārivāsikaɱ vissajjissaɱ sanidānaɱ saniddesaɱ, samukkaṭṭhapadānaɱ ekā āpatti.
13. Samuccayaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: samuccayaɱ vissajjissaɱ sanidānaɱ saniddesaɱ, samukkaṭṭhapadānaɱ ekā āpatti.
14. Samathaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: samathaɱ vissajjissaɱ sanidānaɱ saniddesaɱ, samukkaṭṭhapadānaɱ dve āpattiyo.
15. Khuddakavatthukaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: khuddakavatthukaɱ vissajjissaɱ sanidānaɱ saniddesaɱ, samukkaṭṭhapadānaɱ tisso āpattiyo.
16. Senāsanaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: senāsanaɱ vissajjissaɱ sanidānaɱ saniddesaɱ, samukkaṭṭhapadānaɱ tisso āpattiyo.
17. Saṅghabhedaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: saṅghabhedaɱ vissajjissaɱ sanidānaɱ saniddesaɱ, samukkaṭṭhapadānaɱ dve āpattiyo.
18. Samācāraɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: samācāraɱ vissajjissaɱ sanidānaɱ saniddesaɱ, samukkaṭṭhapadānaɱ ekā āpatti.
19. Ṭhapanaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: ṭhapanaɱ vissajjissaɱ sanidānaɱ saniddesaɱ, samukkaṭṭhapadānaɱ ekā āpatti.
20. Bhikkhunīkhandhakaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: bhikkhunīkhandhakaɱ vissajjissaɱ sanidānaɱ saniddesaɱ, samukkaṭṭhapadānaɱ dve āpattiyo.
[BJT Page 006]
21. Pañcasatikaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: pañcasatikaɱ vissajjissaɱ sanidānaɱ saniddesaɱ, samukkaṭṭhapadānaɱ natthi tattha āpatti.
22. Sattasatikaɱ pucchissaɱ sanidānaɱ saniddesaɱ, samukkaṭṭhapadānaɱ. Kati āpattiyo: sattasatikaɱ vissajjissaɱ sanidānaɱ saniddesaɱ, samukkaṭṭhapadānaɱ natthi tattha āpattīti.
Khandhakapucchā niṭṭhitā paṭhamā.
Tassuddānaɱ:
1. Upasampadūposathā1 - vassūpanāyikapavāraṇā, 2
Cammabhesajjakaṭhinā - cīvaraɱ campeyyakena ca.
2. Kosambakkhandhakaɱ kammaɱ - parivāsisamuccayā,
Samathakhuddakā senā - saṅghabhedaɱ samācāro, 3
Ṭhapanaɱ bhikkhunīkhandhaɱ - pañcasattasatena cāti.
1. Upasampaduposathaɱ - syā.
2. Vassupanāpavāraṇaɱ - syā.
3. Saṅghabhedasamācarā - syā.
[BJT Page 008]
[page 115]
Ekuttarikaɱ
Ekakaɱ
1. Āpattikarā dhammā jānitabbā, anāpattikarā dhammā jānitabbā.
Āpatti jānitabbā, anāpatti jānitabbā.
Lahukā āpatti jānitabbā, garukā āpatti jānitabbā.
Sāvasesā āpatti jānitabbā, anavasesā āpatti jānitabbā.
Duṭṭhullā āpatti jānitabbā, aduṭṭhullā āpatti jānitabbā.
Sappaṭikammā āpatti jānitabbā, appaṭikammā āpatti jānitabbā.
Desanāgāminī āpatti jānitabbā, adesanāgāminī āpatti jānitabbā.
Antarāyikā āpatti jānitabbā, anantarāyikā āpatti jānitabbā.
Sāvajjapaññatti āpatti jānitabbā, anavajjapaññatti āpatti jānitabbā.
Kiriyato samuṭṭhitā āpatti jānitabbā, akiriyato samuṭṭhitā āpatti jānitabbā. Kiriyākiriyato samuṭṭhitā āpatti jānitabbā.
Pubbāpatti jānitabbā, aparāpatti jānitabbā.
Pubbāpattīnaɱ antarāpatti jānitabbā, aparāpattīnaɱ antarāpatti jānitabbā.
Desitā gaṇanūpagā āpatti jānitabbā, desitā na gaṇanūpagā āpatti jānitabbā.
Paññatti jānitabbā, anupaññatti jānitabbā. Anuppanna paññatti jānitabbā.
Sabbattha paññatti jānitabbā, padesapaññatti jānitabbā,
Sādhāraṇapaññatti jānitabbā, asādhāraṇapaññatti jānitabbā.
Ekato paññatti jānitabbā, ubhato paññatti jānitabbā.
Thullavajjā āpatti jānitabbā, athullavajjā āpatti jānitabbā.
[BJT Page 010]
Gihīpaṭisaññuttā āpatti jānitabbā, na gihīpaṭisaññuttā āpatti jānitabbā.
Niyatā āpatti jānitabbā, aniyatā āpatti jānitabbā.
Ādikaro puggalo jānitabbo, anādikaro puggalo jānitabbo.
Adhiccāpattiko puggalo jānitabbo, abhiṇhāpattiko puggalo jānitabbo.
Codako puggalo jānitabbo, cuditako puggalo jānitabbo.
Adhammacodako puggalo jānitabbo, adhammacuditako puggalo jānitabbo.
Dhammacodako puggalo jānitabbo, dhammacuditako puggalo jānitabbo.
Niyato puggalo jānitabbo, aniyato puggalo jānitabbo.
Bhabbāpattiko puggalo jānitabbo, abhabbāpattiko puggalo jānitabbo.
Ukkhittako puggalo jānitabbo, anukkhittako puggalo jānitabbo.
Nāsitako puggalo jānitabbo, anāsitako puggalo jānitabbo.
Samānasaɱvāsako puggalo jānitabbo, asamānasaɱvāsako puggalo jānitabbo.
Ṭhapanaɱ jānitabbanti.
Ekakaɱ niṭṭhitaɱ.
Tassuddānaɱ:
1. Karā āpatti lahukā sāvasesā ca duṭṭhullā,
Paṭikammadesanā ceva antarāvajjakiriyā1
2. Kiriyākiriyaɱ pubbā antarā gaṇanūpagā,
Paññatti anānuppanna sabbattha padesasādhāraṇā ca ekato. 2
[page 116]
3. Thullagihīniyatā ca ādi adhicca codakā,
Adhammadhamma niyato abhabbokkhitta nāsitā,
Samānaɱ ṭhapanaɱ ceva uddānaɱ ekake idanti.
1. Paṭikamma desanā ca antarāvajjakiriyaɱ - machasaɱ.
2. Sabbatthādhāranā ca ekako - machasaɱ.
Paññattānuppannā sabbā sādhāraṇe ca ekato - syā.
[BJT Page 012]
Dukaɱ
1. Atthāpatthi saññāvimokkhā, atthāpatti no saññāvimokkhā.
Atthāpatti laddhasamāpattikassa, atthāpatti na laddhasamāpattikassa.
Atthāpatti saddhammapaṭisaññuttā, atthāpatti asaddhammapaṭisaññuttā.
Atthāpatti saparikkhārapaṭisaññuttā, atthāpatti paraparikkhārapaṭisaññuttā.
Atthāpatti sapuggalapaṭisaññuttā, atthāpatti parapuggalapaṭisaññuttā.
Atthi saccaɱ bhaṇanno garukaɱ āpattiɱ āpajjati, atthi saccaɱ bhaṇanno lahukaɱ āpattiɱ āpajjati.
Atthi musā bhaṇanno garukaɱ āpattiɱ āpajjati, atthi musā bhaṇanno lahukaɱ āpattiɱ āpajjati.
Atthāpatti bhumigato āpajjati no vehāsagato, atthāpatti vehāsagato āpajjati no bhūmigato.
Atthāpatti nikkhamanto āpajjati no pavisanto, atthāpatti pavisanto āpajjati no nikkhamanto.
Atthāpatti ādiyanno āpajjati, atthāpatti anādiyanto āpajjati.
Atthāpatti samādiyanto āpajjati, atthāpatti na samādiyanto āpajjati.
Atthāpatti karonto āpajjati, atthāpatti na karonto āpajjati.
Atthāpatti dento āpajjati, atthāpatti na dento āpajjati.
Atthāpatti desento āpajjati, atthāpatti na desento āpajjati.
Atthāpatti paṭigaṇhanto āpajjati, atthāpatti na paṭigaṇhanto āpajjati.
Atthāpatti paribhogena āpajjati, atthāpatti na paribhogena āpajjiti.
Atthāpatti rattiɱ āpajjati no divā, atthāpatti divā āpajjati no rattiɱ.
Atthāpatti aruṇugge āpajjati, atthāpatti na aruṇugge āpajjati.
[BJT Page 014]
Atthāpatti chindanto āpajjati, atthāpatti na chindanto āpajjati.
Atthāpatti chādento āpajjati, atthāpatti na chādento āpajjati.
Atthāpatti dhārento āpajjati, atthāpatti na dhārento āpajjati.
2. Dve uposathā: cātuddasiko ca paṇṇarasiko ca.
Dve pavāraṇā: cātuddasiko ca paṇṇarasiko ca.
Dve kammāni: apalokanakammaɱ, ñattikammaɱ. Aparānipi dve kammāni: ñattidutiyakammaɱ, ñatticatutthakammaɱ.
Dve kammavatthūni: apalokanakammassa vatthu, ñattikammassa vatthu. Aparānipi dve kammavatthūni: ñattidutiyakammassa vatthu, ñatticatuttha kammassa vatthu.
Dve kammadosā: apalokanakammassa doso, ñattikammassa doso. Aparepi dve kammadosā: ñattidutiyakammassa doso, ñatticatutthakammassa doso.
Dve kammasampattiyo: apalokanakammassa sampatti, ñattikammassa sampatti. Aparāpi dve kammasampattiyo: ñattidutiyakammassa sampatti, ñatticatutthakammassa sampatti.
Dve nānāsaɱvāsakabhūmiyo: attanāva attānaɱ nānāsaɱvāsakaɱ karoti, samaggo vā naɱ saṅgho ukkhipati adassane vā appaṭikamme vā appaṭinissagge vā.
Dve samānasaɱvāsakabhūmiyo: attanāva [page 117] attānaɱ samānasaɱvāsakaɱ karoti, samaggo vā naɱ saṅgho ukkhittaɱ osāreti dassane vā paṭikamme vā paṭinissagge vā.
Dve pārājikā: bhikkhūnañca bhikkhunīnañca, dve saṅghādisesā bhikkhūnañca bhikkhunīnañca, dve thullaccayā bhikkhūnañca bhikkhunīnañca, dve pācittiyā bhikkhūnañca bhikkhunīnañca, dve pāṭidesanīyā bhikkhūnañca bhikkhunīnañca, dve dukkaṭā bhikkhūnañca bhikkhunīnañca, dve dubbhāsitā bhikkhūnañca bhikkhunīnañca.
Satta āpattiyo, satta āpattikkhandhā.
Dvīhākārehi saṅgho bhijjati: kammena vā, salākagāhena vā.
3. Dve puggalā na upasampādetabbā: addhānahīno aṅgahīno. Aparepi dve puggalā na upasampādetabbā: vatthuvipanno karaṇadukkaṭako. Aparepi dve puggalā na upasampādetabbā: aparipūro paripūro no ca yācati.
Dvinnaɱ puggalānaɱ nissāya na vatthabbaɱ: alajjissa ca bālassa ca.
[BJT Page 016]
Dvinnaɱ puggalānaɱ nissayo na dātabbo: alajjissa ca lajjino ca na yācati.
Dvinnaɱ puggalānaɱ nissayo dātabbo: bālassa ca lajjissa ca yācati.
Dve puggalā abhabbā āpattiɱ āpajjituɱ: buddhā ca. Paccekabuddhā ca.
Dve puggalā bhabbā āpattiɱ āpajjituɱ: bhikkhū ca bhikkhuniyo ca.
Dve puggalā abhabbā sañcicca āpattiɱ āpajjituɱ: bhikkhū ca bhikkhuniyo ca ariyapuggalā.
Dve puggalā bhabbā sañcicca āpattiɱ āpajjitūɱ: bhikkhū ca bhikkhuniyo ca puthujjanā.
Dve puggalā abhabbā sañcicca sātisāraɱ vatthuɱ ajjhācarituɱ: bhikkhū ca bhikkhuniyo ca ariyapuggalā.
Dve puggalā bhabbā sañcicca sātisāraɱ vatthuɱ ajjhācarituɱ: bhikkhū ca bhikkhuniyo ca puthujjanā.
Dve paṭikkosā: kāyena vā paṭikkosāti, vācāya vā paṭikkosati.
Dve nissāraṇā: atthi puggalo appatto nissāraṇaɱ tañce saṅgho nissāreti, ekacco sunissārito, ekacco dunnissārito.
Dve osāraṇā: atthi puggalo appatto osāraṇaɱ tañce saṅgho osāreti, ekacco sosārito, ekacco dosārito.
Dve paṭiññā: kāyena vā paṭijānāti, vācāya vā paṭijānāti.
Dve paṭiggahā: kāyena vā paṭigaṇhāti, kāyapaṭibaddhena vā paṭigaṇhāti.
Dve paṭikkhepā: kāyena vā paṭikkhipati vācāya vā paṭikkhipati.
Dve upaghātikā: sikkhūpaghātikā ca bhogūpaghātikā ca.
Dve codanā: kāyena vā codeti, vācāya vā codeti.
4. Dve kaṭhinassa palibodhā: āvāsapalibodho ca cīvarapalibodho ca.
Dve kaṭhinassa apalibodhā: āvāsa apalibodho ca cīvaraapalibodho ca.
Dve cīvarāni: gahapatikañca paɱsukulikañca.
Dve pattā: ayopatto mattikā patto.
Dve maṇḍalāni: tipumayaɱ sīsamayaɱ.
[BJT Page 018]
Dve pattassa adhiṭṭhānā: kāyena vā adhiṭṭheti, vācāya vā adhiṭṭheti.
Dve cīvarassa [page 118] adhiṭṭhānā: kāyena vā adhiṭṭheti, vācāya vā adhiṭṭheti.
Dve vikappanā: sammukhāvikappanā ca parammukhāvikappanā ca.
5. Dve vinayā: bhikkhūnañca bhikkhunīnañca.
Dve venayikā: paññattañca paññattānulomañca.
Dve vinayassa sallekhā: akappiye setughāto, kappiye mattakāritā.
Dvīhākārehi āpattiɱ āpajjati: kāyena vā āpajjati, vācāya vā āpajjati.
Dvīhākārehi āpattiyā vuṭṭhāti: kāyena vā vuṭṭhāti, vācāya vā vuṭṭhāti.
Dve parivāsā: paṭicchannaparivāso apaṭicchannaparivāso, aparepi dve parivāsā: suddhantaparivāso samodhānaparivāso.
Dve mānattā: paṭicchannamānattaɱ apaṭicchannamānattaɱ. Aparepi dve mānattā: pakkhamānattaɱ samodhānamānattaɱ.
Dvinnaɱ puggalānaɱ ratticchedo: pārivāsikassa ca mānattacārikassa ca.
Dve anādariyāni: puggalaanādariyañca dhammaanādariyañca.
6. Dve loṇāni: jātimañca kārimañca, 1 aparānipi dve loṇāni: sāmuddaɱ kāḷaloṇaɱ. Aparānipi dve loṇāni: sindhavaɱ ubbhidaɱ. Aparānipi dve loṇāni: romakaɱ pakkālakaɱ.
Dve paribhogā: abbhantaraparibhogo ca bāhiraparibhogo ca.
Dve akkosā: hīno ca akkoso ukkaṭṭho ca akkoso.
Dvīhākārehi pesuññaɱ hoti: piyakamyassa vā bhedādhippā yassa vā.
Dvīhākārehi gaṇabhojanaɱ pasavati: nimantanato vā viññattito vā.
7. Dve vassūpanāyikā: purimikā ca pacchimikā ca.
Dve adhammikāni pātimokkhaṭṭhapanāni.
Dve dhammikāni pātimokkhaṭṭhapanāni.
1. Khātimayañca byārimayañca - syā.
[BJT Page 020]
8. Dve puggalā bālā: yo ca anāgataɱ bhāraɱ vahati, yo ca āgataɱ bhāraɱ na vahati. Dve puggalā paṇḍitā: yo ca anāgataɱ bhāraɱ na vahati, yo ca āgataɱ bhāraɱ vahati.
Aparepi dve puggalā bālā: yo ca akappiye kappiyasaññī, yo ca kappiye akappiyasaññī, dve puggalā paṇḍitā: yo ca akappiye akappiyasaññī, yo ca kappiye kappiya saññī.
Aparepi puggalā bālā: yo ca anāpattiyā āpattisaññī, yo ca āpattiyā anāpattisaññī. Dve puggalā paṇḍitā: yo ca āpattiyā āpattisaññī, yo ca anāpattiyā anāpattisaññī.
Aparepi dve puggalā bālā: yo ca adhamme dhammasaññī, yo ca dhamme adhammasaññī. Dve puggalā paṇḍitā: yo ca adhamme adhammasaññī, yo ca dhamme dhammasaññī.
Aparepi dve puggalā bālā: yo ca avinaye vinayasaññī, yo ca vinaye avinayasaññī, dve puggalā paṇḍitā: yo ca avinaye avinayasaññī, yo ca vinaye vinayasaññī.
9. Dvinnaɱ puggalānaɱ āsavā vaḍḍhanti: yo ca na kukkuccāyitabbaɱ kukkuccāyati, yo ca kukkuccāyitabbaɱ [page 119] na kukkuccāyati. Dvinnaɱ puggalānaɱ āsavā na vaḍḍhanti: yo na kukkuccāyitabbaɱ na kukkuccāyati yo ca kukkuccāyitabbaɱ kukkuccāyati.
Aparesampi dvinnaɱ puggalānaɱ āsavā vaḍḍhanti: yo ca akappiye kappiyasaññī, yo ca kappiye akappiyasaññī. Dvinnaɱ puggalānaɱ āsavā na vaḍḍhanti: yo ca akappiye akappiyasaññī, yo ca kappiye kappiyasaññī.
Aparesampi dvinnaɱ puggalānaɱ āsavā vaḍḍhanti: yo ca anāpattiyā āpattisaññī, yo ca āpattiyā anāpattisaññī. Dvinnaɱ puggalānaɱ āsavā na vaḍḍhanti: yo ca anāpattiyā anāpattisaññī, yo ca āpattiyā āpattisaññī.
Aparesampi dvinnaɱ puggalānaɱ āsavā vaḍḍhanti: yo ca adhamme dhammasaññī, yo ca dhamme adhammasaññī. Dvinnaɱ puggalānaɱ āsavā na vaḍḍhanti: yo ca adhamme adhammasaññī, yo ca dhamme dhammasaññī.
Aparesampi dvinnaɱ puggalānaɱ āsavā vaḍḍhanti: yo ca avinaye vinayasaññī, yo ca vinaye avinayasaññī. Dvinnaɱ puggalānaɱ āsavā na vaḍḍhanti: yo ca avinaye avinayasaññī, yo ca vinaye vinayasaññī.
Dukaɱ niṭṭhitaɱ.
[BJT Page 022]
Tassuddānaɱ:
1. Saññā laddhā ca saddhammā parikkhārā ca puggalā,
Saccaɱ bhūmi nikkhamanto ādiyanto samādiyaɱ.
2. Karonto dento gaṇhanto paribhogena ratti ca,
Aruṇā chindaɱ chādento dhārento ca uposathā.
3. Pavāraṇā kammā parā vatthu aparā dosā ca,
Aparā dve ca sampatti nānā samānameva ca.
4. Pārājikā saṅghā thullacca1 pācittiyā pāṭidesanī,
Dukkaṭā dubbhāsitā ceva2 sattāpattikkhandhā ca.
5. Bhijjati upasampadā tatheva apare duve,
Na vatthabbaɱ na dātabbaɱ abhabbābhabbameva ca.
6. Sañcicca sātisārā ca paṭikkosā ca nissāraṇā,
Osāraṇā paṭiññā ca paṭiggahā paṭikkhipā.
7. Upaghāti codanā ca kaṭhinā ca duve tathā,
Cīvarā pattamaṇḍalā adhiṭṭhānā tatheva dve.
8. Vikappanā ca vinayā venayikā sallekhā,
Āpajjati ca vuṭṭhāti parivāsā apare duve.
9. Dve mānattā apare ca ratticchedo anādari,
Dve loṇā tayo apare paribhogakkosanā ca.
10. Pesuñño ca gaṇāvassaṭṭhapanā bhārakappiyā,
Anāpatti adhammadhammā vinaye āsave tathā ti.
Tikaɱ
1. Atthāpatti tiṭṭhante bhagavati āpajjati no parinibbute, atthāpatti parinibbute bhagavati āpajjati no tiṭṭhante, [page 120] atthāpatti tiṭṭhantepi bhagavati āpajjati parinibbutepi.
Atthāpatti kāle āpajjati no vikāle, atthāpatti vikāle āpajjati no kāle, atthāpatti kāle ceva āpajjati vikāle ca.
Atthāpatti rattiɱ āpajjati no divā, atthāpatti divā āpajjati no rattiɱ, atthāpatti rattiɱ ceva āpajjati divā ca.
1. Pārāji saṅghā thullaccaɱ - syā.
2. Bhāsitāceva - syā.
[BJT Page 024]
Atthāpatthi dāsavasso āpajjati no ūnadāsavasso, atthāpatti ūnadāsavasso āpajjati no dāsavasso, atthāpatti dāsavasso ceva āpajjati ūnadāsavasso ca.
Atthāpatti pañcavasso āpajjati no ūnapañcavasso, atthāpatti ūnapañcavasso āpajjati no pañcavasso, atthāpatti pañcavasso ceva āpajjati ūnapañcavasso ca.
Atthāpatti kusalacitto āpajjati, atthāpatti akusalacitto āpajjati, atthāpatti abyākatacitto āpajjati.
Atthāpatti sukhavedanāsamaṅgī āpajjati, atthāpatti dukkhavedanāsamaṅgī āpajjati, atthāpatti adukkhamasukhavedanāsamaṅgī āpajjati.
2. Tīṇi codanāvatthūni: diṭṭhena sutena parisaṅkāya.
Tayo salākagāhā: gūḷhako vivaṭako sakaṇṇajappako.
Tayo paṭikkhepā: mahicchatā asantuṭṭhitā1 asallekhatā.
Tayo anuññātā: appicchā santuṭṭhitā sallekhatā. Aparepi
Tayo paṭikkhepā: mahicchatā asantuṭṭhitā amattaññutā.
Tayo anuññātā: appicchatā santuṭṭhitā mattaññutā.
Tisso paññattiyo: paññatti anupaññatti anuppannapaññatti, aparāpi tisso paññattiyo: sabbattha paññatti padesapaññatti sādhāraṇapaññatti, aparāpi tisso paññattiyo: asādhāraṇapaññatti ekato paññatti ubhato paññatti.
3. Atthāpatti bālo āpajajati no paṇḍito, atthāpatti paṇḍito āpajjati no bālo, atthāpatti bālo ceva āpajjati paṇḍito ca.
Atthāpatti kāḷe āpajjati no juṇhe, atthāpatti juṇhe āpajjati no kāḷe, atthāpatti kāḷe ceva āpajjati juṇhe ca.
Atthi kāḷe kappati no juṇhe, atthi juṇhe kappati no kāḷe, atthi kāḷe ceva kappati juṇhe ca.
Atthāpatti hemante āpajjati no gimhe no vasse, atthāpatti gimhe āpajjati no hemante no vasse, atthāpatti vasse āpajjati no gimhe no hemante.
Atthāpatti saṅgho āpajjati na gaṇo na puggalo, atthāpatti gaṇo āpajjati na saṅgho na puggalo, atthāpatti puggalo āpajjati na saṅgho na gaṇo.
1. Asantuṭṭhatā - syā.
[BJT Page 026]
Atthi saṅghassa kappati na gaṇassa na puggalassa, atthi gaṇassa kappati na saṅghassa na puggalassa, atthi puggalassa kappati na saṅghassa na gaṇassa.
Tisso chādanā: vatthuɱ chādeti no āpattiɱ, āpattiɱ chādeti na vatthuɱ, vatthuñce va chādeti āpattiñca.
Tisso paṭicchādiyo: chantāgharapaṭicchādi, udakapaṭicchādi vatthapaṭicchādi.
Tīṇi paṭicchannāni vahanti no vivaṭāni: mātugāmo paṭicchanno vahati no vivaṭo, brāhmaṇānaɱ mantā paṭicchannā vahanti no vivaṭā, micchādiṭṭhi [page 121] paṭicchinnā vahati no vivaṭā.
Tīṇi vivaṭāni virocanti no paṭicchannāni: candamaṇḍalaɱ vivaṭaɱ virocati no paṭicchannaɱ, suriyamaṇḍalaɱ vivaṭaɱ virocati no paṭicchannaɱ, tathāgatappavedito dhammavinayo vivaṭo virocati no paṭicchanno.
Tayo senāsanagāhā: purimako pacchimako antarāmuttako.
Atthāpatti gilāno āpajjati no agilāno, atthāpatti agilāno āpajjati no gilāno, atthāpatti gilāno ceva āpajjati agilāno ca.
4. Tīṇi adhammikāni pātimokkhaṭṭhapanāni. Tīṇi dhammikāni pātimokkhaṭṭhapanāni.
Tayo parivāsā: paṭicchannaparivāso, apaṭicchanna parivāso, suddhantaparivāso.
Tayo mānattā: paṭicchannamānattaɱ, apaṭicchannamānattaɱ, pakkhamānattaɱ.
Tayo pārivāsikassa bhikkhuno ratticchedā: sahavāso, vippavāso, anārocanā.
Atthāpatti anto āpajjati no bahi, atthāpatti bahi āpajjati no anto, atthāpatti anto ceva āpajjati bahi ca.
Atthāpatti antosīmāya āpajjati no bahisīmāya, atthāpatti bahisīmāya āpajjati no antosīmāya, atthāpatti antosīmāya ceva āpajjati bahisīmāya ca.
Tīhākārehi āpattiɱ āpajjati: kāyena āpajjati, vācāya āpajjati, kāyena vācāya āpajjati. Aparehipi tīhākārehi āpattiɱ āpajjati: saṅghamajjhe, gaṇamajjhe, puggalassa santike.
Tīhākārehi āpattiyā vuṭṭhāti: kāyena vuṭṭhāti, vācāya vuṭṭhāti, kāyena vācāya vuṭṭhāti. Aparehipi tīhākārehi āpattiyā vuṭṭhāti: saṅghamajjhe, gaṇamajjhe, puggalassa santike.
[BJT Page 028]
Tīṇi adhammikāni amūḷhavinayassa dānāni: tīṇi dhammikāni amūḷhavinayassa dānāni.
5. Tīhaṅgehi samannāgatassa bhikkhuno ākaṅkhamāno saṅgho tajjanīyakammaɱ kareyya: bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, gihīsaɱsaṭṭho viharati ananulomikehi gihīsaɱsaggehi.
Tīhaṅgehi samannāgatassa bhikkhuno ākaṅkhamāno saṅgho niyassakammaɱ kareyya:
Bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, gihīsaɱsaṭṭho viharati ananulomikehi gihīsaɱsaggehi.
Tīhaṅgehi samannāgatassa bhikkhuno ākaṅkhamāno saṅgho pabbājanīyakammaɱ kareyya: bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, kuladūsako hoti pāpakā samācārā suyyanti ca.
Tīhaṅgehi samannāgatassa bhikkhuno ākaṅkhamāno saṅgho paṭisāraṇīyakammaɱ kareyya: bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, gihī
Akkosati paribhāsati.
Tīhaṅgehi samannāgatassa bhikkhuno ākaṅkhamāno saṅgho
Āpattiyā adassane ukkhepanīyakammaɱ [page 122] kareyya:
Bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, āpattiɱ āpajjitvā na icchati āpattiɱ passituɱ.
Tīhaṅgehi samannāgatassa bhikkhuno ākaṅkhamāno saṅgho
Āpattiyā appaṭikamme ukkhepanīyakammaɱ kareyya:
Bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, āpattiɱ āpajjitvā na icchati āpattiɱ paṭikātuɱ.
Tīhaṅgehi samannāgatassa bhikkhuno ākaṅkhamāno saṅgho
Pāpikāya diṭṭhiyā appaṭinissagge ukkhepanīyakammaɱ kareyya:
Bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, na icchati pāpikaɱ diṭṭhiɱ paṭinissajjituɱ.
Tīhaṅgehi samannāgatassa bhikkhuno ākaṅkhamāno saṅgho āgāḷhāya ceteyya: bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, gihīsaɱsaṭṭho viharati ananulomikehi gihīsaɱsaggehi.
[BJT Page 030]
6. Tīhaṅgehi samannāgatassa bhikkhuno kammaɱ kātabbaɱ: alajjī ca hoti. Bālo ca, apakatatto ca.
Aparehipi tīhaṅgehi samannāgatassa bhikkhuno kammaɱ kātabbaɱ: adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti.
Aparehipi tīhaṅgehi samannāgatassa bhikkhuno kammaɱ kātabbaɱ: kāyikena davena samannāgato hoti, vācasikena davena samannāgato hoti, kāyikavācasikena davena samannāgato hoti.
Aparehipi tīhaṅgehi samannāgatassa bhikkhuno kammaɱ kātabbaɱ: kāyikena anācārena samannāgato hoti, vācasikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti.
Aparehipi tīhaṅgehi samannāgatassa bhikkhuno kammaɱ kātabbaɱ: kāyikena upaghātikena samannāgato hoti, vācasikena upaghātikena samannāgato hoti, kāyikavācasikena upaghātikena samannāgato hoti.
Aparehipi tīhaṅgehi samannāgatassa bhikkhuno kammaɱ kātabbaɱ: kāyikena micchājīvena samannāgato hoti, vācasikena micchājīvena samannāgato hoti, kāyikavācasikena micchājīvena samannāgato hoti.
Aparehipi tīhaṅgehi samannāgatassa bhikkhuno kammaɱ kātabbaɱ: āpattiɱ āpanno kammakato upasampādeti, nissayaɱ deti, sāmaṇeraɱ upaṭṭhāpeti.
Aparehipi tīhaṅgehi samannāgatassa bhikkhuno kammaɱ kātabbaɱ: yāya āpattiyā saṅghena kammaɱ kataɱ hoti, taɱ āpattiɱ āpajjati, aññaɱ vā tādisikaɱ, tato vā pāpiṭṭhataraɱ.
Aparehipi tīhaṅgehi samannāgatassa bhikkhuno kammaɱ kātabbaɱ: buddhassa avaṇṇaɱ bhāsati, dhammassa avaṇṇaɱ bhāsati, saṅghassa avaṇṇaɱ bhāsati.
7. Tīhaṅgehi samannāgatassa bhikkhuno saṅghamajjhe uposathaɱ ṭhapentassa ''alaɱ bhikkhu mā bhaṇḍanaɱ, mā kalahaɱ, mā viggahaɱ, mā vivādaɱ''ti omadditvā saṅghena uposatho kātabbo: alajji ca hoti, bālo ca apakatatto ca.
Tīhaṅgehi samannāgatassa bhikkhuno saṅghamajjhe pavāraṇaɱ ṭhapentassa ''alaɱ bhikkhu
Mā bhaṇḍanaɱ, mā kalahaɱ, mā viggahaɱ, mā vivādaɱ''ti omadditvā saṅghena pavāretabbaɱ: alajji ca hoti, bālo ca apakatatto ca.
1. Ovaditvā - sīmu 1, 2.
[BJT Page 032]
8. Tīhaṅgehi samannāgatassa bhikkhuno na kāci saṅghasammuti dātabbā: alajjī ca hoti, bālo ca, apakatatto ca.
Tīhaṅgehi samannāgatena bhikkhunā saṅghe na voharitabbaɱ1 alajjī ca hoti, bālo ca, apakatatto ca.
Tīhaṅgehi samannāgato bhikkhu na kismicī paccekaṭṭhāne ṭhapetabbo: alajjī ca hoti, bālo ca, apakatatto ca.
Tīhaṅgehi samannāgatassa [page 123] bhikkhuno nissāya na vatthabbaɱ: alajjīca hoti, bālo ca, apakatatto ca.
Tīhaṅgehi samannāgatassa bhikkhuno nissayo na dātabbo: alajjī ca hoti, bālo ca, apakatatto ca.
Tīhaṅgehi samannāgatassa bhikkhuno okāsakammaɱ kārāpentassa nālaɱ okāsakammaɱ kātuɱ: alajjī ca hoti, bālo ca, apakatatto ca.
Tīhaṅgehi samannāgatassa bhikkhuno savacanīyaɱ nādātabbaɱ2: alajjī ca hoti, bālo ca, apakatatto ca.
Tīhaṅgehi samannāgatassa bhikkhuno na vinayo pucchitabbo: alajjī ca hoti, bālo ca, apakatatto ca.
Tīhaṅgehi samannāgatena bhikkhunā vinayo na pucchitabbo: alajjī ca hoti, bālo ca, apakatatto ca.
Tīhaṅgehi samannāgatassa bhikkhuno na vinayo vissajjitabbo: alajjī ca hoti, bālo ca, apakatatto ca.
Tīhaṅgehi samannāgatena bhikkhunā vinayo na vissajjitabbo: alajjī ca hoti, bālo ca, apakatatto ca.
Tīhaṅgehi samannāgatassa bhikkhuno anuyogo na dātabbo: alajjī ca hoti, bālo ca, apakatatto ca.
Tīhaṅgehi samannāgatena bhikkhunā saddhiɱ vinayo na sākacchitabbo3: alajjī ca hoti, bālo ca, apakatatto ca.
Tīhaṅgehi samannāgatena bhikkhunā na upasampādetabbo, na nissayo dātabbo na sāmaṇero upaṭṭhāpetabbo: alajjī ca hoti, bālo ca, apakatatto ca.
9. Tayo uposathā: cātuddasiko, paṇṇarasiko, sāmaggiuposatho. Aparepi tayo uposathā: saṅghe uposatho, gaṇe uposatho puggale uposatho aparepi tayo uposathā: suttuddeso uposatho, pārisuddhi uposatho, adhiṭṭhānuposatho.
1. Saṅgho na voharitabbo - syā.
2. Na dātabbaɱ - sīmu. 1, 2.
3. Sākacchātabbo machasaɱ, syā.
[BJT Page 034]
Tisso pavāraṇā: cātuddasikā, paṇṇarasikā, sāmaggīpavāraṇā. Aparāpi tisso pavāraṇā: saṅghe pavāraṇā, gaṇe pavāraṇā, puggale pavāraṇā. Aparāpi tisso pavāraṇā: tevācikā pavāraṇā, dvevācikā pavāraṇā, samānavassikā pavāraṇā.
10. Tayo āpāyikā nerayikā idamappahāya: yo ca abrahmacārī brahmacārīpaṭiñño, yo ca suddhaɱ brahmacāriɱ1 parisuddhaɱ2 brahmacariyaɱ carannaɱ amūlakena abrahmacariyena3 anuddhaɱseti, yo cāyaɱ evaɱvādī evaɱdiṭṭhi ''natthi kāmesu doso''ti so kāmesu pātavyataɱ āpajjati. ''
11. Tīṇi akusalamūlāni: lobho akusalamūlaɱ, doso akusalamūlaɱ, moho akusalamūlaɱ. Tīṇi kusalamūlāni: alobho kusalamūlaɱ, adoso kusalamūlaɱ, amoho kusalamūlaɱ.
Tīṇi duccaritāni: kāyaduccaritaɱ, vacīduccaritaɱ, manoduccaritaɱ. Tīṇi sucaritāni: kāyasucaritaɱ, vacīsucaritaɱ, manosucaritaɱ.
12. Tayo atthavase paṭicca bhagavatā kulesu tikabhojanaɱ paññattaɱ: dummaṅkūnaɱ puggalānaɱ niggahāya pesalānaɱ bhikkhūnaɱ phāsuvihārāya, mā pāpicchā pakkhaɱ nissāya saṅghaɱ [page 124] bhindeyyuɱ, kulānuddayatāya ca.
Tīhi asaddhammehi abhibhuto pariyādinnacitto devadatto āpāyiko nerayiko kappaṭṭho atekiccho: pāpicchatā, pāpamittatā, oramattakena visesādhigamena antarāvosānaɱ āpādi.
13. Tisso sammutiyo: daṇḍasammuti, sikkāsammuti, daṇḍasikkā sammuti.
Tisso pādukā dhuvaṭṭhāniyā4 asaṅkamanīyā: vaccapādukā, passāvapādukā, ācamanapādukā.
Tisso pādaghaɱsaniyo: sakkharā kaṭhalā, samuddapheṇakoti.
Tikaɱ niṭṭhitaɱ.
Tassuddānaɱ:
1. Tiṭṭhante kāle rattiɱ ca dasa pañca kusalena,
Vedanā codanā vatthu salākā dve paṭikkhipā.
2. Paññatti apare dve ca bālo kāḷe ca kappati,
Hemante saṅgho saṅghassa chādanā ca paṭicchādi
1. Asuddha brahmacāri - sīmu 1.
2. Suddhaɱ - syā,
3. Brahmacariyena - sīmu 1.
4. Dhuvaṭṭhitikā - machasaɱ.
[BJT Page 036]
3. Paṭicchannā vivaṭā ca senāsanagilāyanā,
Pātimokkhaɱ parivāsaɱ mānattāpārivāsikā.
4. Atto ante ca sīmāya āpajjati punāpare,
Vuṭṭhāti apare ceva amūḷhavinayā duve.
5. Tajjanīyā niyassā ca pabbājapaṭisāraṇi,
Adassanāpaṭikamme anissagge va1 diṭṭhiyā.
6. Āgāḷhakammādhisīle davānācāraghātikā,
Ājīvāpannātādisikā avaṇṇuposathena ca
7. Pavāraṇā sammuti ca vohārapaccekena ca
Na vatthabbaɱ na dātabbaɱ okāsaɱ na kare tathā.
8. Na kare savacanīyaɱ na pucchitabbakā duve,
Na vissajje duve ceva anuyogampi no dade.
9. Sākacchā upasampadā nissayasāmaṇerā ca,
Uposathā tikā tīṇi pavāraṇā tikā tayo.
10. Āpāyikā akusalā kusalā caritā duve,
Tikabhojanasaddhamme sammuti pādukena ca.
Pādaghaɱsanikā ceva udānaɱ tikake idanti.
Catukkaɱ
1. Atthāpatti sakavācāya āpajjati, paravācāya vuṭṭhāti. Atthāpatti paravācāya āpajjati, sakavācāya vuṭṭhāti. Atthāpatti sakavācāya āpajjati, sakāvācāya vuṭṭhāti. Atthāpatti paravācāya āpajjati, paravācāya vuṭṭhāti.
Atthāpatti kāyena āpajjati, vācāya vuṭṭhāti. Atthāpatti vācāya āpajjati, kāyena vuṭṭhāti. Atthāpatti kāyena āpajjati, kāyena vuṭṭhāti. Atthāpatti vācāya āpajjati, vācāya vuṭṭhāti.
Atthāpatti pasutto āpajjati, paṭibuddho vuṭṭhāti. Atthāpatti paṭibuddho [page 125] āpajjati, pasutto vuṭṭhāti. Atthāpatti pasutto āpajjati, pasutto vuṭṭhāti. Atthāpatti paṭibuddho āpajjati, paṭibuddho vuṭṭhāti.
Atthāpatti acittako āpajjati, sacittako vuṭṭhāti. Atthāpatti sacittako āpajjati, acittako vuṭṭhāti. Atthāpatti acittako āpajjati, acittako vuṭṭhāti. Atthāpatti sacittako āpajjati, sacittako vuṭṭhāti.
1. Anissaggī ca - sīmu.
[BJT Page 038]
Atthāpatti āpajjanto deseti, desento āpajjati. Atthāpatti āpajjanato vuṭṭhāti, vuṭṭhahanto āpajjati.
Atthāpatti kammena āpajjati, akammena vuṭṭhāti. Atthāpatti akammena āpajjati, kammena vuṭṭhāti. Atthāpatti kammena āpajjati, kammena vuṭṭhāti. Atthāpatti akammena āpajjati, akammena vuṭṭhāti.
2. Cattāro anariyavohārā: adiṭṭhe diṭṭhavāditā, asute sutavāditā, amute mutavāditā, aviññāte viññātavāditā.
Cattāro ariyavohārā: adiṭṭhe adiṭṭhavāditā, asute asutavāditā, amute amutavāditā, aviññāte viññātavāditā.
Aparepi cattāro anariyavohārā: diṭṭhe adiṭṭhavāditā, sute asutavāditā, mute amutavāditā, viññāte aviññātavāditā.
Cattāro ariyavohārā: diṭṭhe diṭṭhavāditā, sute sutavāditā, mute mutavāditā, viññāte viññātavāditā.
3. Cattāro pārājikā bhikkhūnaɱ bhikkhunīhi sādhāraṇā, cattāro pārājikā bhikkhunīnaɱ bhikkhūhi asādhāraṇā.
Cattāro parikkhārā: atthi parikkhāro rakkhitabbo gopetabbo mamāyitabbo paribhuñjitabbo, atthi parikkhāro rakkhitabbo gopetabbo mamāyitabbo na paribhuñjitabbo, atthi parikkhāro rakkhitabbo gopetabbo na mamāyitabbo na paribhuñjitabbo, atthi parikkhāro na rakkhitabbo na gopetabbo na mamāyitabbo na paribhuñjitabbo.
Atthāpatti sammukhā āpajjati, parammukhā vuṭṭhāti. Atthāpatti parammukhā āpajjati, sammukhā vuṭṭhāti. Atthāpatti sammukhā āpajjati sammukhā vuṭṭhāti. Atthāpatti parammukhā āpajjati, parammukhā vuṭṭhāti.
Atthāpatti ajānanto āpajjati, jānanto vuṭṭhāti atthāpatti jānanto āpajjati, ajānanto vuṭṭhāti. Atthāpatti ajānanto āpajjati, ajānanto vuṭṭhāti. Atthāpatti jānanto āpajjati jānanto vuṭṭhāti.
4. Catuhākārehi āpattiɱ āpajjati: kāyena āpajjati, vācāya āpajjati, kāyena vācāya āpajjati, kammavācāya āpajjati. Aparehipi catuhākārehi āpattiɱ āpajjiti: saṅghamajjhe, gaṇamajjhe, puggalassa santike, liṅgapātubhāvena.
Catuhākārehi āpattiyā vuṭṭhāti: kāyena vuṭṭhāti, vācāya vuṭṭhāti. Kāyena vācāya vuṭṭhāti, kammavācāya vuṭṭhāti.
[BJT Page 040]
Aparehipi catuhākārehi āpattiyā vuṭṭhāti: saṅghamajjhe, gaṇamajjhe, puggalassa santike, liṅgapātubhāvena. Sahapaṭilābhena purimaɱ jahāti, pacchime patiṭṭhāti, viññattiyo paṭippassambhanti, paññattiyo1 nirujjhanti. Sahapaṭilābhena pacchimaɱ jahāti, purime patiṭṭhāti, viññattiyo paṭippassambhanti, paññattiyo nirujjhanti.
5. Catasso codanā: sīlavipattiyā [page 126] codeti, ācāravipattiyā codeti, diṭṭhivipattiyā codeti, ājīvavipattiyā codeti.
Cattāro parivāsā: paṭicchannaparivāso, apaṭicchannaparivāso, suddhantaparivāso, samodhānaparivāso.
Cattāri mānattāni2: paṭicchannamānattaɱ, apaṭicchannamānattaɱ, pakkhamānattaɱ, samodhānamānattaɱ.
Cattāro mānattacārikassa bhikkhuno ratticchedā: sahavāso vippavāso, anārocanā, ūne gaṇe carati
Cattāro sāmukkaɱsā.
6. Cattāro paṭiggahitaparibhogā: yāvakālikaɱ, yāmakālikaɱ, sattāhakālikaɱ, yāvajīvikaɱ.
Cattāri mahāvikaṭāni: gūtho, muttaɱ, chārikā, mattikā
Cattāri kammāni: apalokanakammaɱ, ñattikammaɱ, ñattidutiyakammaɱ, ñatticatutthakammaɱ.
Aparānipi cattāri kammāni: adhammena vaggakammaɱ, adhammena samaggakammaɱ, dhammena vaggakammaɱ dhammena samaggakammaɱ.
Catasso vipattiyo: sīlavipatti, ācāravipatti, diṭṭhivipatti, ājīvavipatti.
Cattāri adhikaraṇāni: vivādādhikaraṇaɱ, anuvādādhikaraṇaɱ, āpattādhikaraṇaɱ, kiccādhikaraṇaɱ.
Cattāro parisadūsanā: bhikkhū dussīlo pāpadhammo parisadūsano, bhikkhunī dussīlā pāpadhammā parisadūsanā, upāsako dussīlo pāpadhammo parisadūsano, upāsikā dussīlā pāpadhammā parisadūsanā.
Cattāro parisasobhanā: bhikkhu sīlavā kalyāṇadhammo parisasobhano, bhikkhunī sīlavatī kalyāṇadhammā parisasobhanā, upāsako sīlavā kalyāṇadhammo parisasobhano, upāsikā sīlavatī kalyāṇadhammā parisasobhanā.
1. Paṇṇattiyo - machasaɱ.
2. Cattāro mānattā - sīmu 1. 2.
[BJT Page 042]
7. Atthāpatti āgantuko āpajjati no āvāsiko. Atthāpatti āvāsiko āpajjiti no āgantuko. Atthāpatti āgantuko ceva āpajjati āvāsiko ca. Atthāpatti neva āgantuko āpajjati no āvāsiko.
Atthāpatti gamiko āpajjati no āvāsiko. Atthāpatti āvāsiko āpajjati no gamiko. Atthāpatti gamiko ceva āpajjati āvāsiko ca. Atthāpatti neva gamiko āpajjati no āvāsiko.
Atthi vatthunānattatā no āpattinānattatā. , Atthi āpatti nānattatā no vatthunānattatā. Atthi vatthunānattatā ceva āpattinānattatā ca. Atthi neva vatthunānattatā no āpattinātattatā.
Atthi vatthusabhāgatā no āpattisabhāgatā, atthi āpattisabhāgatā no vatthusabhāgatā, atthi vatthusabhāgatā ceva āpattisabhāgatā ca. Atthi neva vatthusabhāgatā no āpattisabhāgatā.
Atthāpatti upajjhāyo āpajjati no saddhivihāriko. Atthāpatti saddhivihāriko āpajjati no upajjhāyo. Atthāpatti upajjhāyo ceva āpajjati saddhivihāriko ca. Atthāpatti neva upajjhāyo āpajjati no saddhivihāriko.
Atthāpatti ācariyo āpajjati no antevāsiko. Atthāpatti antevāsiko āpajjati no ācariyo atthāpatti ācariyo ceva āpajjati antevāsiko ca. Atthāpatti neva ācariyo āpajjati no antevāsiko.
8. Cattāro paccayā anāpatti vassacchedassa: saṅgho vā bhinno hoti, saṅghaɱ bhinditukāmā vā honti, jīvitantarāyo vā hoti, brahmacariyantarāyo vā.
Cattāri vacīduccaritāni: musāvādo, pisunā vācā, pharusā vācā, samphappalāpo.
Cattāri vacīsucaritāni: saccavācā, apisunā vācā, saṇhā vācā, mantābhāsā. [page 127]
Atthi ādiyanto garukaɱ āpattiɱ āpajjati, payojento lahukaɱ. Atthi ādiyanto lahukaɱ āpattiɱ āpajjati, payojento garukaɱ. Atthi ādiyantopi payojentopi garukaɱ āpattiɱ āpajjati. Atthi ādiyantopi payojentopi lahukaɱ āpattiɱ āpajjati.
9. Atthi puggalo abhivādanāraho no paccuṭṭhānāraho. Atthi puggalo paccuṭṭhānāraho no abhivādanāraho. Atthi puggalo abhivādanāraho ceva paccuṭṭhānāraho ca. Atthi puggalo neva abhivādanāraho no paccuṭṭhānāraho.
[BJT Page 044]
Atthi puggalo āsanāraho no abhivādanāraho. Atthi puggalo abhivādanāraho no āsanāraho. Atthi puggalo āsanāraho ceva abhivādanāraho ca. Atthi puggalo neva āsanāraho no abhivādanāraho.
10. Atthāpatti kāle āpajjati no vikāle. Atthāpatti vikāle āpajjati no kāle. Atthāpatti kāle ceva āpajjati vikāle ca, atthāpatti neva kāle āpajjati no vikāle.
Atthi paṭiggahitaɱ kāle kappati no vikāle atthi paṭiggahitaɱ vikāle kappati no kāle. Atthi paṭiggahitaɱ kāle ceva kappati vikāle ca. Atthi paṭiggahitaɱ neva kāle kappati no vikāle.
Atthāpatti paccantimesu janapadesu āpajjati no majjhimesu janapadesu, atthāpatti majjhimesu janapadesu āpajjati no paccantimesu janapadesu, atthāpatti paccantimesu janapadesu ceva āpajjati majjhimesu janapadesu ca, atthāpatti neva paccantimesu janapadesu āpajjati no majjhimesu janapadesu.
Atthi paccantimesu janapadesu kappati no majjhimesu janapadesu, atthi majjhimesu janapadesu kappati no paccantimesu janapadesu. Atthi paccantimesu janapadesu ceva kappati majjhimesu janapadesu ca. Atthi neva paccantimesu janapadesu kappati. No majjhimesu janapadesu.
Atthāpatti anto āpajjati no bahi, atthāpatti bahi āpajjati no anto. Atthāpatti anto ceva āpajjati bahi ca. Atthāpatti neva anto āpajjati no bahi.
Atthāpatti antosīmāya āpajjati no bahisīmāya. Atthāpatti bahisīmāya āpajjati no antosīmāya. Atthāpatti antosīmāya ceva āpajjati bahisīmāya ca. Atthāpatti neva antosīmāya āpajjati no bahisīmāya.
Atthāpatti gāme āpajjati no araññe. Atthāpatti araññe āpajjati no gāme. Atthāpatti gāme ceva āpajjati araññe ca atthāpatti neva gāme āpajjati no araññe.
11. Catasso codanā: vatthusandassanā āpattisandassanā, saɱvāsapaṭikkhepo, sāmīcipaṭikkhepo.
Cattāro pubbakiccā. Cattāro pattakallā. Cattāri anaññapācittiyāni. Catasso bhikkhusammutiyo.
Cattāri agatigamanāni: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati.
Cattāri nāgatigamanāni: na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati.
[BJT Page 046]
12. Catuhaṅgehi samannāgato alajji bhikkhu saṅghaɱ bhindati. Chandāgatiɱ gacchanto, dosāgatiɱ gacchanto, mohāgatiɱ gacchanto, bhayāgatiɱ gacchanto.
Catuhaṅgehi samannāgato pesalo bhikkhu bhinnaɱ saṅghaɱ samaggaɱ karoti.
Na chandāgatiɱ gacchanto, na dosāgatiɱ na gacchanto, na mohāgatiɱ gacchanto, na bhayāgatiɱ gacchanto.
Catuhaṅgehi samannāgatassa bhikkhuno vinayo na pucchitabbo: chandāgatiɱ gacchati,
Dosāgatiɱ gacchati, mohāgatiɱ gacchati, bhayāgatiɱ gacchati.
Catuhaṅgehi samannāgatena bhikkhunā vinayo na pucchitabbo: chandāgatiɱ gacchati,
Dosāgatiɱ gacchati, mohāgatiɱ gacchati, bhayāgatiɱ gacchati.
Catuhaṅgehi samannāgatassa bhikkhuno vinayo na visajjetabbo: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati.
Catuhaṅgehi samannāgatena bhikkhunā vinayo na vissajjetabbo: chandāgatiɱ gacchati,
Dosāgatiɱ gacchati, mohāgatiɱ gacchati, bhayāgatiɱ gacchati.
Catuhaṅgehi samannāgatassa bhikkhuno anuyogo na dātabbo: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati.
Catuhaṅgehi [page 128] samannāgatena bhikkhunā saddhiɱ vinayo na sākacchitabbo: chandāgatiɱ gacchati,
Dosāgatiɱ gacchati, mohāgatiɱ gacchati, bhayāgatiɱ gacchati.
13. Atthāpatti gilāno āpajjati no agilāno, atthāpatti agilāno āpajjati no gilāno, atthāpatti gilāno ceva āpajjati agilāno ca, atthāpatti neva gilāno āpajjati no agilāno.
14. Cattāri adhammikāni pātimokkhaṭṭhapanāni. Cattāri dhammikāni pātimokkhaṭṭhapanānīti.
Catukkaɱ niṭṭhitaɱ.
Tassuddānaɱ:
1. Sakavācāya kāyena pasutto ca acittako
Āpajjanto ca kammena vohārā caturo tathā
2. Bhikkhūnaɱ bhikkhunīnañca parikkhāro ca sammukhā
Ajānakāle1 majjhe ca vuṭṭhāti duvidhā tathā
1. Ājānakāle - machasaɱ.
[BJT Page 048]
3. Paṭilābhā1 ca codanā parivāsā ca vuccati,
Mānattacārikā cāpi sāmukkaɱsā paṭiggahā2
4. Mahāvikaṭakammāni puna kammavipattiyo, 3
Adhikaraṇā dussīlā ca sobhanāgantukena ca
5. Gamiko vatthunānattā sabhāgupajjhāyena ca,
Ācariyo paccayā ca duccaritaɱ sucaritaɱ
6. Ādiyanto puggalo ca arahā āsanena ca,
Kāle ca kappati ceva paccantimesu kappati
7. Anto anto ca sīmāya gāme ca codanāya ca,
Pubbakiccaɱ pattakallaɱ anaññāsammutiyo ca
8. Agati nāgati ceva alajji pesalena ca,
Pucchitabbā duve ceva vissajjeyyā tathā duve:
Anuyogo ca sākacchā gilāno ṭhapanena cā ti.
Pañcakaɱ
1. Pañca āpattiyo. Pañca āpattikkhandhā. Pañca vinītavatthūni. Pañca kammāni ānantarikāni. Pañca pullalā niyatā. Pañca chedanakā āpattiyo. Pañcahākārehī āpattiɱ āpajjati. Pañca āpattiyo musāvādapaccayā.
2. Pañcahākārehi kammaɱ na upeti: sayaɱvā kammaɱ na karoti, paraɱ vā nājjhesati, chandaɱ vā pārisuddhiɱ vā na deti, kayiramāne kamme paṭikkosati, kate vā pana kamme adhammadiṭṭhi hoti.
Pañcahākārehi kammaɱ upeti: sayaɱ vā kammaɱ karoti, paraɱ vā ajjhesati, chandaɱ vā pārisuddhiɱ vā deti, kayiramāne kamme na paṭikkosati, kate vā pana kamme dhammadiṭṭhi hoti.
3. Pañca piṇḍapātikassa bhikkhuno kappanti: anāmantacāro, gaṇabhojanaɱ, paramparabhojanaɱ, anadhiṭṭhānaɱ, avikappanā.
4. Pañcahaṅgehi samannāgato bhikkhu [page 129] ussaṅkitaparisaṅkito hoti pāpabhikkhupi akuppadhammopi: vesiyagocaro4 vā hoti, vidhavāgocaro vā hoti, thullakumārīgocaro5 vā hoti, paṇḍakagocaro vā hoti, bhikkhunīgocaro vā hoti.
1. Paṭilābhena - machasaɱ.
2. Paṭiggahi - machasaɱ.
3. Puna kamme - machasaɱ.
4. Vesiyāgocaro - sīmu2.
5. Thullakumārigocaro - machasaɱ.
[BJT Page 050]
5. Pañca telāni: tilatelaɱ, sāsapatelaɱ, madhukatelaɱ, eraṇḍatelaɱ, vasātelaɱ.
Pañca vasāni: acchavasaɱ, macchavasaɱ, susukāvasaɱ, sūkaravasaɱ, gadrabhavasaɱ.
6. Pañca byasanāni: ñātibyasanaɱ, bhogabyasanaɱ, rogabyasanaɱ, sīlabyasanaɱ, diṭṭhibyasanaɱ.
Pañca sampadā: ñātisampadā, bhogasampadā, arogasampadā, sīlasampadā, diṭṭhisampadā.
7. Pañca nissayapaṭippassaddhiyo upajjhāyamhā: upajjhāyo pakkanto vā hoti, vibbhanto vā, kālakato vā, pakkhasaṅkanto vā, āṇattiyeva pañcamī.
Pañca puggalā na upasampādetabbā: addhānahīno, aṅgahīno, vatthuvipanno, karaṇadukkaṭako, aparipūro.
8. Pañca paɱsukūlāni: sosānikaɱ, pāpaṇikaɱ undurakhāyitaɱ, upavikā khāyitaɱ, aggidaḍḍhaɱ.
Aparānipi pañca paɱsukūlāni: gokhāyitaɱ, ajakhāyitaɱ, thūpacīvaraɱ, ābhisekikaɱ, gatapaṭiyāgataɱ.
9. Pañca avahārā: theyyāvahāro, pasayhāvahāro, parikappāvahāro, paṭicchannāvahāro, kusāvāharo.
10. Pañca mahācorā santo saɱvijjamānā lokasmiɱ.
Pañca avissajjīyāni.
Pañca avehaṅgiyāni.
Pañcāpattiyo kāyato samuṭṭhahanti na vācato na cittato.
Pañcāpattiyo kāyato ca vācato ca samuṭṭhahanti na cittato.
Pañcāpattiyo desanāgāminiyo.
Pañca saṅghā.
Pañca pātimokkhuddesā.
Sabbapaccantimesu janapadesu vinayadharapañcamena gaṇena upasampādetabbaɱ.
Pañca ānisaɱsā kaṭhinatthāre.
Pañca kammāni.
Yāvatatiyake pañcāpattiyo.
[BJT Page 052]
Pañcahākārehi adinnaɱ ādiyantassa āpatti pārājikassa.
Pañcahākārehi adinnaɱ ādiyantassa āpatti thullavaccayassa.
Pañcahākārehi adinnaɱ ādiyantassa āpatti dukkaṭassa.
11. Pañca akappiyāni na paribhuñjitabbāni: adinnañca hoti, aviditañca hoti, akappiyañca hoti, apaṭiggahitañca hoti, akatātirittañca hoti.
Pañcakappiyāni paribhuñjitabbāni: dinnañceva hoti, viditañca hoti, kappiyañca hoti, paṭiggahitañca hoti, katātirittañca hoti.
Pañca dānāni apuññāni puññasammatāni lokassa1: majjadānaɱ, samajjadānaɱ, itthidānaɱ, usabhadānaɱ cittakammadānaɱ.
Pañca uppannā duppaṭivinodayā2: uppanno rāgo duppaṭivinodayo, uppanno doso duppaṭivinodayo, uppanno moho duppaṭivinodayo, uppannaɱ paṭibhānaɱ duppaṭivinodayaɱ, uppannaɱ gamiyacittaɱ duppaṭivinodayaɱ.
Pañcānisaɱsā sammajjaniyā: sakacittaɱ pasīdati, paracittaɱ pasīdati, devatā attamanā honti, [page 130] pāsādikasaɱvattanikaɱ3 kammaɱ upacināti, kāyassa bhedā parammaraṇā sugatiɱ saggaɱ lokaɱ upapajjati.
Aparepi pañcānisaɱsā sammajjaniyā: sakacittaɱ pasīdati. Paracittaɱ pasīdati, devatā attamanā honti satthusāsanaɱ kataɱ hoti, pacchimā janatā diṭṭhānugatiɱ āpajjati.
12. Pañcahaṅgehi samannāgato vinayadharo bālottheva saṅkhaɱ gacchati: attano bhāsapariyantaɱ na uggaṇhāti, parassa bhāsapariyantaɱ na uggaṇhāti, attano bhāsapariyantaɱ anuggahetvā4 parassa bhāsapariyantaɱ anuggahetvā, adhammena kāreti apaṭiññāya.
Pañcahaṅgehi samannāgato vinayadharo paṇḍitottheva saṅkhaɱ gacchati: attano bhāsapariyantaɱ uggaṇhāti, parassa bhāsapariyantaɱ uggaṇhāti, attano bhāsapariyantaɱ uggahetvā parassa bhāsapariyantaɱ uggahetvā, dhammena kāreti paṭiññāya.
Aparehipi pañcahaṅgehi samannāgato vinayadharo bālotveva saṅkhaɱ gacchati: āpattiɱ na jānāti, āpattiyā mūlaɱ na jānāti, āpattisamudayaɱ na jānāti, āpattinirodhaɱ na jānāti, āpattinirodhagāminiɱ paṭipadaɱ5 na jānāti.
1. Lokasmiɱ - sīmu 1, 2. Machasaɱ.
2. Duppaṭivinodiyā - syā.
3. Pāsādika saɱvattiyaɱ - sīmu. 1, 2.
Pāsādika saɱvattiyaɱ - syā.
Pāsādika saɱvattikakammaɱ - machasaɱ.
4. Na uggahetvā - machasaɱ.
5. Āpattinirodhagāmiṇipaṭipadaɱ - sīmu, 1.
[BJT Page 054]
Pañcahaṅgehi samannāgato vinayadharo paṇḍitotveva saṅkhaɱ gacchati: āpattiɱ jānāti, āpattiyā mūlaɱ jānāti, āpattisamudayaɱ jānāti, āpattinirodhaɱ jānāti, āpattinirodhagāminiɱ paṭipadaɱ jānāti.
Aparehipi pañcahaṅgehi samannāgato vinayadharo bālotveva saṅkhaɱ gacchati: adhikaraṇaɱ na jānāti, adhikaraṇassa mūlaɱ na jānāti, adhikaraṇasamudayaɱ na jānāti, adhikaraṇanirodhaɱ na jānāti, adhikaraṇanirodhagāminiɱ paṭipadaɱ na jānāti.
Pañcahaṅgehi samannāgato vinayadharo paṇḍitotveva saṅkhaɱ gacchati: adhikaraṇaɱ jānāti, adhikaraṇassa mūlaɱ jānāti, adhikaraṇasamudayaɱ jānāti, adhikaraṇanirodhaɱ jānāti, adhikaraṇanirodhagāminiɱ paṭipadaɱ jānāti.
Aparehipi pañcahaṅgehi samannāgato vinayadharo bālotveva saṅkhaɱ gacchati: vatthuɱ na jānāti, nidānaɱ na jānāti, paññattiɱ na jānāti, anupaññattiɱ
Na jānāti, anusandhivacanapathaɱ na jānāti.
Pañcahaṅgehi samannāgato vinayadharo paṇḍitotveva saṅkhaɱ gacchati: vatthuɱ jānāti, nidānaɱ jānāti, paññattiɱ jānāti, anupaññattiɱ jānāti,
Anusandhivacanapathaɱ jānāti.
Aparehipi pañcahaṅgehi samannāgato vinayadharo bālotveva saṅkhaɱ gacchati: ñattiɱ na jānāti, ñattiyā karaṇaɱ na jānāti, na pubbakusalo hoti, na aparakusalo hoti, akālaññū ca hoti.
Pañcahaṅgehi samannāgato vinayadharo paṇḍitotveva saṅkhaɱ gacchati: ñattiɱ jānāti, ñattiyā karaṇaɱ jānāti, pubbakusalo hoti, aparakusalo hoti, kālaññū ca hoti.
Aparehipi pañcahaṅgehi samannāgato vinayadharo bālotveva saṅkhaɱ gacchati: āpattānāpattiɱ na jānāti, lahukagarukaɱ āpattiɱ na jānāti. Sāvasesānavasesaɱ āpattiɱ na jānāti, duṭaṭhullāduṭṭhullaɱ āpattiɱ na jānāti, ācariyaparamparā kho panassa na suggahītā hoti na sumanasikatā na sūpadhāritā
Pañchaṅgehi samannāgato vinayadharo paṇḍitotveva saṅkhaɱ gacchati: āpattānāpattiɱ jānāti, lahukagarukaɱ āpattiɱ jānāti. Sāvasesānavasesaɱ āpattiɱ jānāti, duṭṭhullāduṭṭhullaɱ āpattiɱ jānāti, ācariyaparamparā kho panassa suggahitā hoti sumanasikatā sūpadhāritā.
Aparehipi pañcahaṅgehi samannāgato vinayadharo bālotveva saṅkhaɱ gacchati: āpattānāpattiɱ na jānāti, lahukagarukaɱ āpattiɱ na jānāti, sāvasesānavasesaɱ āpattiɱ na jānāti, duṭṭhullāduṭṭhullaɱ āpattiɱ [page 131] na jānāti, ubhayāni kho panassa pātimokkhāni na vitthārena svāgatāni honti na suvibhattāni na suppavattīni na suvinicchitāni suttaso anubyañjanaso.
[BJT Page 056]
Pañcahaṅgehi samannāgato vinayadharo paṇḍitottheva saṅkhaɱ gacchati: āpattānāpattiɱ jānāti, lahukagarukaɱ āpattiɱ jānāti, sāvasesānavasesaɱ āpattiɱ jānāti, duṭṭhullāduṭṭhullaɱ āpattiɱ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso.
Aparehipi pañcahaṅgehi samannāgato vinayadharo bālotveva saṅkhaɱ gacchati: āpattānāpattiɱ na jānāti, lahukagarukaɱ āpattiɱ na jānāti, sāvasesānavasesaɱ āpattiɱ na jānāti, duṭṭhullāduṭṭhullaɱ āpattiɱ na jānāti, adhikaraṇe ca na vinicchayakusalo hoti.
Pañcahaṅgehi samannāgato vinayadharo paṇḍitotveva saṅkhaɱ gacchati: āpattānāpattiɱ jānāti, lahukagarukaɱ āpattiɱ jānāti, sāvasesānavasesaɱ āpattiɱ jānāti, duṭṭhullāduṭṭhullaɱ āpattiɱ jānāti, adhikaraṇe ca vinicchayakusalo hoti.
13. Pañca āraññakā1: mandattā momuhattā āraññako hoti, pāpiccho icchāpakato āraññako hoti, ummādā cittakkhepā āraññako hoti, vaṇṇitaɱ buddhehi buddhasāvakehīti āraññako hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva2 nissāya āraññako hoti.
Pañca piṇḍapātikā: mandattā momuhattā piṇḍapātiko hoti, pāpiccho
Icchāpakato piṇḍapātiko hoti, ummādā cittakkhepā piṇḍapātiko hoti, vaṇṇitaɱ khuddhehi buddhasāvakehīti piṇḍapātiko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya piṇḍapātiko hoti.
Pañca paɱsukūlikā: mandattā momuhattā paɱsakūliko hoti, pāpiccho
Icchāpakato paɱsakūliko hoti, ummādā cittakkhepā paɱsakūliko hoti, vaṇṇitaɱ khuddhehi buddhasāvakehīti paɱsakūliko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya paɱsakūliko hoti.
Pañca rukkhamūlikā: mandattā momuhattā rukkhamūliko hoti, pāpiccho
Icchāpakato rukkhamūliko hoti, ummādā cittakkhepā rukkhamūliko hoti, vaṇṇitaɱ khuddhehi buddhasāvakehīti rukkhamūliko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya rukkhamūliko hoti.
Pañca sosānikā: mandattā momuhattā sosāniko hoti, pāpiccho
Icchāpakato sosāniko hoti, ummādā cittakkhepā sosāniko hoti, vaṇṇitaɱ khuddhehi buddhasāvakehīti sosāniko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya sosāniko hoti.
Pañca abbhokāsikā: mandattā momuhattā abbhokāsiko hoti, pāpiccho icchāpakato abbhokāsiko hoti, ummādā cittakkhepā abbhokāsiko hoti, vaṇṇitaɱ khuddhehi
Buddhasāvakehīti abbhokāsiko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya abbhokāsiko hoti.
Pañca tecīvarikā: mandattā momuhattā tecīvariko hoti, pāpiccho
Icchāpakato tecīvariko hoti, ummādā cittakkhepā tecīvariko hoti, vaṇṇitaɱ khuddhehi buddhasāvakehīti tecīvariko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya tecīvariko hoti.
Pañca sapadānacārikā: mandattā momuhattā sapadānacāriko hoti, pāpiccho icchāpakato sapadānacāriko hoti, ummādā cittakkhepā sapadānacāriko hoti, vaṇṇitaɱ khuddhehi buddhasāvakehīti
Sapadānacāriko hoti, api ca appicchaññeva nissāya
Santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya sapadānacāriko hoti.
Pañca nesajjīkā: mandattā momuhattā nesajjīko hoti, pāpiccho
Icchāpakato nesajjīko hoti, ummādā cittakkhepā nesajjīko hoti, vaṇṇitaɱ khuddhehi buddhasāvakehīti nesajjīko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya nesajjīko hoti.
Pañca yathāsanthatikā: mandattā momuhattā yathāsanthatiko hoti, pāpiccho
Icchāpakato yathāsanthatiko hoti, ummādā cittakkhe
Pā yathāsanthatiko hoti, vaṇṇitaɱ khuddhehi buddhasāvakehīti
Yathāsanthatiko hoti, api ca appicchaññeva nissāya
Santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya yathāsanthatiko hoti.
Pañca ekāsanikā: mandattā momuhattā ekāsaniko hoti, pāpiccho
Icchāpakato ekāsaniko hoti, ummādā cittakkhepā ekāsaniko hoti, vaṇṇitaɱ khuddhehi buddhasāvakehīti ekāsaniko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya ekāsaniko hoti.
Pañca khalupacchābhattikā: mandattā momuhattā khalupacchābhattiko hoti, pāpiccho icchāpakato khalupacchābhattiko hoti, ummādā cittakkhe
Pā khalupacchābhattiko hoti, vaṇṇitaɱ khuddhehi buddhasāvakehīti
Khalupacchābhattiko hoti, api ca appicchaññeva nissāya
Santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya khalupacchābhattiko hoti.
Pañca pattapiṇḍikā: mandattā momuhattā pattapiṇḍiko hoti, pāpiccho
Icchāpakato pattapiṇḍiko hoti, ummādā cittakkhepā pattapiṇḍiko hoti, vaṇṇitaɱ khuddhehi buddhasāvakehīti pattapiṇḍiko hoti, api ca appicchaññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya pattapiṇḍiko hoti.
14. Pañcahaṅgehi samannāgatena bhikkhunā nānissitena vatthabbaɱ: uposathaɱ na jānāti, uposathakammaɱ na jānāti, pātimokkhaɱ na jānāti, pātimokkhuddesaɱ na jānāti, ūnapañcavasso hoti,
Pañcahaṅgehi samannāgatena bhikkhunā anissitena vatthabbaɱ: uposathaɱ jānāti, uposathakammaɱ jānāti, pātimokkhaɱ jānāti, pātimokkhuddesaɱ jānāti, pañcavasso vā hoti atirekavañcavasso vā.
1. Āraññikā - sīmu. 1
2. Idamaṭṭhitaññeva - sīmu 1
[BJT Page 058]
Aparehipi pañcahaṅgehi samannāgatena bhikkhunā nānissitena vatthabbaɱ: pavāraṇaɱ na jānāti, pavāraṇakammaɱ na jānāti, pātimokkhaɱ na jānāti, pātimokkhuddesaɱ na jānāti, ūnapañcavasso hoti.
Pañcahaṅgehi samannāgatena bhikkhunā anissitena vatthabbaɱ: pavāraṇaɱ jānāti, pavāraṇakammaɱ jānāti, pātimokkhaɱ jānāti, pātimokkhuddesaɱ jānāti. Pañcavasso vā hoti atirekapañcavasso vā.
Aparehipi pañcahaṅgehi samannāgatena bhikkhunā nānissitena vatthabbaɱ: āpattānāpattiɱ na jānāti, lahukagarukaɱ āpattiɱ na jānāti,
Sāvasesānavasesaɱ āpattiɱ na jānāti, duṭṭhullāduṭṭhullaɱ āpattiɱ na
Jānāti, ūnapañcavasso hoti.
Pañcahaṅgehi samannāgatena bhikkhunā anissitena vatthabbaɱ:
Āpattānāpattiɱ jānāti, lahukagarukaɱ āpattiɱ jānāti, sāvasesānavasesaɱ āpattiɱ jānāti, duṭuṭhullāduṭṭhullaɱ āpattiɱ jānāti.
Pañcavasso vā hoti atirekapañcavasso vā.
15. Pañcahaṅgehi samannāgatāya bhikkhuniyā nānissitāya vatthabbaɱ: uposathaɱ na
Jānāti, uposathakammaɱ na jānāti, pātimokkhaɱ na jānāti, pātimokkhuddesaɱ na jānāti, ūnapañcavassā hoti. [page 132]
Pañcahaṅgehi samannāgatāya bhikkhuniyā anissitāya vatthabbaɱ: uposathaɱ jānāti, uposathakammaɱ jānāti, pātimokkhaɱ jānāti, pātimokkhuddesaɱ jānāti. Pañcavassā vā hoti atirekapañcavassā vā.
Aparehipi pañcahaṅgehi samannāgatāya bhikkhuniyā nānissitāya vatthabbaɱ: pavāraṇaɱ na jānāti, pavāraṇakammaɱ na jānāti, pātimokkhaɱ na jānāti, pātimokkhuddesaɱ na jānāti, ūnapañcavassā hoti.
Pañcahaṅgehi samannāgatāya bhikkhuniyā anissitāya vatthabbaɱ: pavāraṇaɱ jānāti, pavāraṇakammaɱ jānāti, pātimokkhaɱ jānāti, pātimokkhuddesaɱ jānāti. Pañcavassā vā hoti atirekapañcavassā vā.
Aparehipi pañcahaṅgehi samannāgatāya bhikkhuniyā nānissitāya
Vatthabbaɱ: āpattānāpattiɱ na jānāti, lahukagarukaɱ āpattiɱ na jānāti,
Sāvasesānavasesaɱ āpattiɱ na jānāti, duṭṭhullāduṭṭhullaɱ āpattiɱ na
Jānāti, ūnapañcavassā hoti.
Pañcahaṅgehi samannāgatāya bhikkhuniyā anissitāya vatthabbaɱ:
Āpattānāpattiɱ jānāti, lahukagarukaɱ āpattiɱ jānāti, sāvasesānavasesaɱ āpattiɱ jānāti, duṭuṭhullāduṭṭhullaɱ āpattiɱ jānāti.
Pañcavassā vā hoti atirekapañcavassā vā.
[BJT Page 060]
16. Pañca ādīnavā apāsādike: attāpi attānaɱ upavadati, anuvicca1 viññū garahanti, pāpako kittisaddo abbhuggacchati, sammūḷho kālaɱ karoti, kāyassa bhedā parammaraṇā apāyaɱ duggatiɱ vinipātaɱ nirayaɱ upapajjati.
Pañcānisaɱsā pāsādike: attāpi attānaɱ na upavadati, anuvicca viññu pasaɱsanti, kalyāṇo kittisaddo abbhuggacchati, asammūḷho kālaɱ karoti, kāyassa bhedā parammaraṇā sugatiɱ saggaɱ lokaɱ upapajjati.
Aparepi pañca ādīnavā apāsādike: appasannā nappasīdanti, pasannānaɱ ekaccānaɱ aññathattaɱ hoti, satthusāsanaɱ akataɱ hoti, pacchimā janatā diṭṭhānugatiɱ āpajjati, cittamassa nappasīdati.
Pañcānisaɱsā pāsādike: appasannā pasīdanti, pasannānaɱ bhiyyobhāvāya hoti, satthusāsanaɱ kataɱ hoti, pacchimā janatā diṭṭhānugatiɱ āpajjati, cittamassa pasīdati.
17. Pañca ādīnavā kulūpage3: anāmantacāro2 āpajjati, raho nisajjāya āpajjati, paṭicchanne āsane āpajjati, mātugāmassa uttariɱ chappañcavācāhi dhammaɱ desento āpajjati, kāmasaṅkappabahulo ca viharati.
Pañca ādīnavā kulūpagassa4 bhikkhuno ativelaɱ kulesu saɱsaṭṭhassa viharato: mātugāmassa abhiṇhadassanaɱ, dassane sati saɱsaggo, saɱsagge sati vissāso, vissāse sati otāro, otiṇṇacittassetaɱ bhikkhuno pāṭikaṅkhaɱ: anabhirato vā brahmacariyaɱ carissati, aññataraɱ vā saṅkiliṭṭhaɱ āpattiɱ āpajjissati, sikkhaɱ vā paccakkhāya hīnāyāvattissatīti.
18. Pañca bījāni: mūlabījaɱ, khandhabījaɱ, phalubījaɱ, aggabījaɱ, bījabījaññeva pañcamaɱ.
Pañcahi samaṇakappehi phalaɱ paribhuñjitabbaɱ: aggiparicitaɱ, satthaparicitaɱ, nakhaparicitaɱ, abījaɱ, nibbaṭṭabījaññeva5 pañcamaɱ.
19. Pañca visuddhiyo: nidānaɱ uddisitvā avasesaɱ sutena sāvetabbaɱ ayaɱ paṭhamā visuddhi, nidānaɱ uddisitvā cattāri pārājikāni uddisitvā avasesaɱ sutena sāvetabbaɱ ayaɱ dutiyā visuddhi, nidānaɱ uddisitvā cattāri pārājikāni uddisitvā terasa saṅghādisese uddisitvā avasesaɱ sutena sāvetabbaɱ ayaɱ tatiyā visuddhi, nidānaɱ uddisitvā cattāri pārājikāni uddisitvā terasa saṅghādisese uddisitvā dve [page 133] aniyate uddisitvā avasesaɱ sutena sāvetabbaɱ ayaɱ catutthā visuddhi, vitthāreneva pañcamī.
1. Anuviccapi - machasaɱ
2. Anāmantacāre - machasaɱ
3. Kulūpage - sīmu.
4. Kulūpakassa - sīmu.
5. Nibbatta bījaññeva - machasaɱ.
Nibbaṭa bījaññeva - syā.
[BJT Page 062]
Aparāpi pañca visuddhiyo: suttuddeso, pārisuddhiuposatho, adhiṭṭhānuposatho, pavāraṇā, sāmaggiuposathoyeva pañcamo.
20. Pañcānisaɱsā vinayadhare: attano sīlakkhandho sugutto hoti surakkhito, kukkuccapakatānaɱ paṭisaraṇaɱ hoti, visārado saṅghamajjhe voharati, paccatthike sahadhammena suniggahītaɱ niggaṇhāti, saddhammaṭṭhitiyā paṭipanno hoti.
21. Pañca adhammikāni pātimokkhaṭṭhapanāni.
Pañca dhammikāni pātimokkhaṭṭhapanānīti.
Pañcakaɱ niṭṭhitaɱ.
Tassuddānaɱ:
1. Āpatti āpattikkhandhā vinītānantarena ca,
Puggalacchedanā ceva āpajjati ca paccayā.
2. Na upeti upeti ca kappantūssaṅkitelaɱ ca,
Vasaɱ byasanasampadā passaddhi puggalena ca.
3. Sosānikaɱ khāyitañca theyyaɱ coro pavuccati, 1
Avissajji avebhaṅgi kāyato kāyavācato.
4. Desanā saṅghauddesā paccanti kaṭhinena ca,
Kammāni yāva tatiyaɱ pārājikā thulladukkaṭaɱ.
5. Akappiyaɱ kappiyañca apuññā duvinodayā,
Sammajjanī apare ca bhāsaɱ āpatti meva ca.
6. Adhikaraṇaɱ vatthu ñatti āpattā ubhayāni ca,
Lahukaṭṭhamakā ete kaṇhasukkā vijānatha.
7. Araññaɱ piṇḍapātañca paɱsurukkhasusānikā,
Abbhokāso cīvarañca sapadāna nisajjikā2
8. Satthati khalupacchāpi pattapiṇḍikameva ca,
Uposathaɱ pavāraṇaɱ āpattānāpattipi ca,
Kaṇhasukkapadā ete bhikkhunīnampi te tathā.
9. Apāsādikapāsādi tatheva apare duve,
Kulūpake ativelaɱ bījaɱ samaṇakappā ca.
10. Visuddhi apare ceva vinayā dhammikena ca,
Dhammikā ca tathā vuttā niṭṭhitā suddhipaññakāti.
1. Vuccati - machasaɱ.
2. Sapadāno nissajjiko - machasaɱ
[BJT Page 064]
Chakkaɱ
1. Cha agāravā, cha gāravā, cha vinītavatthūni, cha sāmīciyo, cha āpattisamuṭṭhānā, cha chedanakā āpattiyo, chahākārehi āpattiɱ āpajjati, cha ānisaɱsā vinayadhare, cha paramāni, chārattaɱ ticīvarena vippavasitabbaɱ, cha [page 134] cīvarāni, cha rajanāni, cha āpattiyo kāyato ca cittato ca samuṭṭhahanti na vācato, cha āpattiyo vācato ca cittato ca samuṭṭhahanti na kāyato, cha āpattiyo kāyato ca vācato ca cittato ca samuṭṭhahanti, cha kammāni, cha vivādamūlāni, cha anuvādamūlāni, cha sārāṇiyadhammā, dīghato cha vidatthiyo sugata vidatthiyā tiriyaɱ cha vidatthiyo, cha nissayapaṭippassaddhiyo ācariyamhā, cha nahāne anupaññattiyo, vippakatacīvaraɱ ādāya pakkamati. Vippakatacīvaraɱ samādāya pakkamati.
2. Chahaṅgehi samannāgatena bhikkhunā upasampādetabbaɱ nissayo dātabbo sāmaṇero upaṭṭhāpetabbo: asekkhena sīlakkhandhena samannāgato hoti, asekkhena samādhikkhandhena samannāgato hoti, asekkhena paññākkhandhena samannāgato hoti, asekkhena vimuttikkhandhena samannāgato hoti, asekkhena vimuttiñāṇadassanakkhandhena samannāgato hoti. Dāsavasso vā hoti atirekadāsavasso vā.
Aparehipi chahaṅgehi samannāgatena bhikkhunā upasampādetabbaɱ nissayo dātabbo sāmaṇero upaṭṭhāpetabbo: attanā asekkhena sīlakkhandhena samannāgato hoti paraɱ asekkhe sīlakkhandhe samādapetā, attanā asekkhena samādhikkhandhena samannāgato hoti paraɱ asekkhe samādhikkhandhe samādapetā, attanā asekkhena paññākkhandhena samannāgato hoti paraɱ asekkhe paññākkhandhe samādapetā, attanā asekkhena vimuttikkhandhena samannāgato hoti paraɱ asekkhe vimuttikkhandhe samādapetā, attanā asekkhe vimuttiñāṇadassanakkhandhena samannāgato hoti paraɱ asekkhe vimuttiñāṇadassanakkhandhe samādapetā, dāsavasso vā hoti atirekadāsavasso vā.
Aparehipi chahaṅgehi samannāgatena bhikkhunā upasampādetabbaɱ nissayo dātabbo sāmaṇero upaṭṭhāpetabbo: saddho hoti, hirimā hoti, ottappī hoti, āraddhaviriyo hoti, upaṭṭhitasati hoti, dāsavasso vā hoti atirekadāsavasso vā.
Aparehipi chahaṅgehi samannāgatena bhikkhunā upasampādetabbaɱ nissayo dātabbo sāmaṇero upaṭṭhāpetabbo: na adhisīle sīlavipanno hoti, na ajjhācāre ācāravipanno hoti, na atidiṭṭhiyā diṭṭhivipanno hoti, bahussuto hoti, paññavā hoti, dāsavasso vā hoti atirekadāsavasso vā.
[BJT Page 066]
Aparehipi chahaṅgehi samannāgatena bhikkhunā upasampādetabbaɱ nissayo dātabbo sāmaṇero upaṭṭhāpetabbo: paṭibalo hoti antevāsiɱ vā saddhivihāriɱ vā gilānaɱ upaṭṭhātuɱ vā upaṭṭhāpetuɱ vā, anabhirataɱ1 vūpakāsetuɱ vā vūpakāsāpetuɱ vā, uppannaɱ kukkuccaɱ dhammato vinodetuɱ2, āpattiɱ jānāti, āpattivuṭṭhānaɱ jānāti, dāsavasso vā hoti atirekadāsavasso vā.
Aparehipi chahaṅgehi samannāgatena bhikkhunā upasampādetabbaɱ nissayo dātabbo sāmaṇero upaṭṭhāpetabbo: paṭibalo hoti antevāsiɱ vā saddhivihāriɱ vā ābhisamācārikāya sikkhāya sikkhāpetuɱ, ādibrahmacariyakāya sikkhāya vinetuɱ, abhidhamme vinetuɱ, abhivinaye vinetuɱ, uppannaɱ diṭṭhigataɱ dhammato vivecetuɱ,
Dāsavasso vā hoti atirekadāsavasso vā.
Aparehipi chahaṅgehi samannāgatena bhikkhunā upasampādetabbaɱ nissayo dātabbo sāmaṇero upaṭṭhāpetabbo: āpattiɱ jānāti, anāpattiɱ jānāti, lahukaɱ āpattiɱ jānāti, garukaɱ āpattiɱ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso dāsavasso vā hoti atirekadāsavasso vā.
3. Cha adhammikāni pātimokkhaṭṭhapanāni.
Cha dhammikāni pātimokkhaṭṭhapanānīti.
Chakkaɱ niṭṭhitaɱ
Tassuddānaɱ:
1. Agāravā gāravā ca vinītā sāmīcīpi ca,
Samuṭṭhānā chedanā ceva ākārānisaɱsena ca.
2. Paramāni cha chārattaɱ cīvaraɱ rajanāni ca,
Kāyato cittato cāpi vācato cittatopi ca.
3. Kāyavācā cittato ca kammavivādameva ca:
Anuvādā dīghato ca tiriyaɱ nissayena ca.
4. Anupaññatti ādāya samādāya tatheva ca,
Asekkhe samādapetā saddho adhisīlena ca,
Gilānābhisamācārī āpattādhammadhammikāti.
1. Anabhiratiɱ - sīmu.
2. Vinodetuɱ vā vinodāpetuɱ vā - syā.
[BJT Page 068]
Sattakaɱ
1. Satta āpattiyo, satta āpattikkhandhā, satta vinītavatthūni, satta sāmīciyo, satta adhammikā paṭiññātakaraṇā, satta dhammikā paṭiññātakaraṇā, sattannaɱ anāpatti1 sattāhakaraṇiyena gantuɱ, sattānisaɱsā vinayadhare, satta [page 135] paramāni, sattame aruṇuggamane nissaggiyaɱ hoti, satta samathā, satta kammāni, satta āmakadhaññāni, tiriyaɱ sattantarā, gaṇabhojane satta anupaññattiyo, bhesajjāni paṭiggahetvā sattāhaparamaɱ sannidhikārakaɱ paribhuñjitabbāni, katacīvaraɱ ādāya pakkamati, katacīvaraɱ samādāya pakkamati, bhikkhussa na hoti āpatti daṭṭhabbā, bhikkhussa hoti āpatti daṭṭhabbā, bhikkhussa hoti āpatti paṭikātabbā, satta adhammikāni pātimokkhaṭṭhapanāni, satta dhammikāti patimokkhaṭṭhapanāni.
2. Sattahaṅgehi samannāgato bhikkhu vinayadharo hoti: āpattiɱ jānāti, anāpattiɱ jānāti, lahukaɱ āpattiɱ jānāti, garukaɱ āpattiɱ jānāti, sīlavā hoti pātimokkhasaɱvarasaɱvuto viharati ācāragocarasampanno aṇumattesu vajjesu bhayadassāvī samādāya sikkhati sikkhāpadesu, catunnaɱ jhānānaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī akasiralābhī, āsavānaɱ khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharati.
3. Aparehipi sattahaṅgehi samannāgato vinayadharo hoti: āpattiɱ jānāti, anāpattiɱ jānāti, lahukaɱ āpattiɱ jānāti, garukaɱ āpattiɱ jānāti, bahussuto hoti sutadharo sutasannicayo ye te dhammā ādikalyāṇā majjhekalyāṇā pariyosānakalyāṇā sātthā2 savyañjanā kevalaparipuṇṇaɱ parisuddhaɱ brahmacariyaɱ abhivadanti tathārūpāssa dhammā bahussutā honti dhatā3 vacasā paricitā manasānupekkhitā diṭṭhiyā suppaṭividdhā, catunnaɱ jhānānaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī akasiralābhī, āsavānañca khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharati.
14. Aparehipi sattahaṅgehi samannāgato bhikkhu vinayadharo hoti: āpattiɱ jānāti, anāpattiɱ jānāti, lahukaɱ āpattiɱ jānāti, garukaɱ āpattiɱ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, catunnaɱ jhānānaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī akasiralābhī, āsavānañca khayā anāsavaɱ cetovimuttiɱ paññāvimuttiɱ diṭṭhevadhamme sayaɱ abhiññā sacchikatvā upasampajja viharati.
1. Sattannaɱ āpatti. Simu. Potthakesu adhikaɱ.
2. Sātthaɱ - simū 2.
3. Dhātā - machasaɱ.
[BJT Page 070]
5. Aparehipi sattahaṅgehi samannāgato vinayadharo hoti: āpattiɱ jānāti, anāpattiɱ jānāti, lahukaɱ āpattiɱ jānāti, garukaɱ āpattiɱ jānāti, anekavihitaɱ pubbenivāsaɱ anussarati seyyathīdaɱ: ekampi jātiɱ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiɱsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saɱvaṭṭakappe anekepi vivaṭṭakappe anekepi saɱvaṭṭavivaṭṭakappe amutrāsiɱ evaɱnāmo evaɱgotto evaɱvaṇṇo evamāhāro evaɱsukhadukkhapaṭisaɱvedī evamāyupariyanto so tato cuto idhūpapannoti'' iti sākāraɱ sauddesaɱ anekavihitaɱ pubbenivāsaɱ anussarati.
Dibbena cakkhunā visuddhena atikkantamānusakena satte passati cavamāne uppajjamāne hīne paṇite suvaṇṇe dubbaṇṇe sugate duggate yathākammūpage satte pajānāti ''ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaɱ upavādakā micchādiṭṭhikā micchādiṭṭhikammasamādānā te kāyassa bhedā parammaraṇā apāyaɱ duggatiɱ vinipātaɱ nirayaɱ upapannā, ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaɱ anupavādakā sammādiṭṭhikā sammādiṭṭhikammasamādānā te kāyassabhedā parammaraṇā sugatiɱ saggaɱ lokaɱ upapannāti'' iti dibbena cakkhunā visuddhena atikkantamānusakena satte passati cavamāne uppajjamāne hīne paṇite suvaṇṇe dubbaṇṇe sugate dūggate yathākammūpage satte pajānāti.
Āsavānañca khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharati.
6. Sattahaṅgehi samannāgato vinayadharo [page 136] sobhati: āpattiɱ jānāti, anāpattiɱ jānāti, lahukaɱ āpattiɱ jānāti, garukaɱ āpattiɱ jānāti, sīlavā hoti pātimokkhasaɱvarasaɱvuto viharati ācāragocarasampanno aṇumattesu vajjesu bhayadassāvī samādāya sikkhati sikkhāpadesu, catunnaɱ jhānānaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī akasiralābhī, āsavānañca khayā anāsavaɱ vetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharati.
7. Aparehipi sattahaṅgehi samannāgato vinayadharo sobhati: āpattiɱ jānāti, anāpattiɱ jānāti, lahukaɱ āpattiɱ jānāti, garukaɱ āpattiɱ jānāti, bahussuto hoti sutadharo sutasannicayo ye te dhammā ādikalyāṇā majjhekalyāṇā pariyosānakalyāṇā sātthā savyañjanā kevalaparipuṇṇaɱ parisuddhaɱ brahmacariyaɱ abhivadanti tathārūpāssa dhammā bahussutā honti dhatā vacasā paricitā manasānupekkhitā diṭṭhiyā suppaṭividdhā, catunnaɱ jhānānaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī akasiralābhī, āsavānañca khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharati.
[BJT Page 072]
8. Aparehipi sattahaṅgehi samannāgato bhikkhu vinayadharo sobhati: āpattiɱ jānāti, anāpattiɱ jānāti, lahukaɱ āpattiɱ jānāti, garukaɱ āpattiɱ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, catunnaɱ jhānānaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī akasiralābhī, āsavānañca khayā anāsavaɱ cetovimuttiɱ paññāvimuttiɱ diṭṭhevadhamme sayaɱ abhiññā sacchikatvā upasampajja viharati.
9. Aparehipi sattahaṅgehi samannāgato vinayadharo sobhati: āpattiɱ jānāti, anāpattiɱ jānāti, lahukaɱ āpattiɱ jānāti, garukaɱ āpattiɱ jānāti, anekavihitaɱ pubbenivāsaɱ anussarati seyyathīdaɱ: ekampi jātiɱ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiɱsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saɱvaṭṭakappe anekepi vivaṭṭakappe anekepi saɱvaṭṭavivaṭṭakappe amutrāsiɱ evaɱnāmo evaɱgotto evaɱvaṇṇo evamāhāro evaɱsukhadukkhapaṭisaɱvedī evamāyupariyanto so tato cuto idhūpapannoti'' iti sākāraɱ sauddesaɱ anekavihitaɱ pubbenivāsaɱ anussarati.
Dibbena cakkhunā visuddhena atikkantamānusakena satte passati cavamāne uppajjamāne hīne paṇite suvaṇṇe dubbaṇṇe sugate duggate yathākammūpage satte pajānāti ''ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaɱ upavādakā micchādiṭṭhikā micchādiṭṭhikammasamādānā te kāyassa bhedā parammaraṇā apāyaɱ duggatiɱ vinipātaɱ nirayaɱ uppannā, ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaɱ anūpavādakā sammādiṭṭhikā sammādiṭṭhikammasamādānā te kāyassabhedā parammaraṇā sugatiɱ saggaɱ lokaɱ upapannāti'' iti dibbena cakkhunā visuddhena atikkantamānusakena satte passati cavamāne uppajjamāne hīne paṇite suvaṇṇe dubbaṇṇe sugate dūggate yathākammūpage satte pajānāti.
Āsavānañca khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharati.
10. Satta asaddhammā: assaddho hoti, ahiriko hoti, anottappī hoti, appassuto hoti, kusīto hoti, muṭṭhassati hoti, duppañño hoti.
11. Satta saddhammā: saddho hoti, hirimā hoti, ottappī hoti, bahassuto hoti, āraddhaviriyo hoti, upaṭṭhitasati1 hoti, paññavā hotīti.
Sattakaɱ niṭṭhitaɱ
Tassuddānaɱ:
1. Āpatti āpattikkhandhā vinītā sāmīcipi ca,
Adhammikā dhammikā ca anāpattī ca sattāhaɱ
2. Ānisaɱsaparamāni aruṇā samathena ca,
Kammā āmakadhaññā ca tiriyaɱ gaṇabhojane.
3. Sattāhaparamaɱ ādāya samādāya tatheva ca,
Na hoti hoti hoti ca adhammadhammikāni ca.
4. Cattāro2 vinayadharā catu bhikkhū ca sobhane,
Satta ceva asaddhammā satta saddhammadesitāti.
1. Upaṭṭhitassati - machasaɱ, syā
2. Caturo - machasaɱ,
[BJT Page 074]
Aṭṭhakaɱ
1. Aṭṭhānisaɱse sampassamānena na so bhikkhu āpattiyā adassane ukkhipitabbo, aṭṭhānisaɱse sampassamānena paresampi saddhāya sā āpatti desetabbā, aṭṭha yāvatatiyakā, aṭṭhahākārehi kulāni dūseti, aṭṭha mātikā cīvarassa uppādāya, aṭṭha mātikā kaṭhinassa ubbhārāya, aṭṭha pānāni, aṭṭhahi asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho, aṭṭha lokadhammā, aṭṭha garudhammā, aṭṭha pāṭidesanīyā, aṭṭhaṅgiko [page 137] musāvādo, aṭṭha uposathaṅgāni, aṭṭha dūteyyaṅgāni, aṭṭha titthiyavattāni, aṭṭha acchariyabbhutā dhammā mahāsamudde, aṭṭha acchariyā abbhutā dhammā imasmiɱ dhammavinaye, aṭṭha anatirittā, aṭṭha atirittā, aṭṭhame aruṇuggamane nissaggiyaɱ hoti, aṭṭha pārājikā, aṭṭhamaɱ vatthuɱ paripūrenti nāsetabbā, aṭṭhamaɱ vatthuɱ paripūrentiyā desitāpi adesitā hoti, aṭṭhavācikā upasampadā, aṭṭhannaɱ paccuṭṭhātabbaɱ, aṭṭhannaɱ āsanaɱ dātabbaɱ, upāsikā aṭṭha varāni yācati, aṭṭhahaṅgehi samannāgato bhikkhu bhikkhūnovādako sammannitabbo, aṭṭhānisaɱsā vinayadhare, aṭṭha paramāni, tassapāpiyyasikā kammakatena bhikkhūnā aṭṭhasu dhammesu sammā vattitabbaɱ. Aṭṭha adhammikāni pātimokkhaṭṭhapanāni, aṭṭha dhammikāni pātimokkhaṭṭhapanānīti.
Aṭṭhakaɱ niṭṭhitaɱ
Tassuddānaɱ:
1. Na so bhikkhu paresampi yāvatatiyaɱ dūsanā,
Mātikā kaṭhinubbhārā pānā abhibhūtena ca.
2. Lokadhammā garudhammā pāṭidesanīyā musā,
Uposathā ca dūtaṅgā titthikā samuddepi ca.
3. Abbhutā anatirittaɱ atirittaɱ nissaggiyaɱ,
Pārājikaṭṭhamaɱ vatthu adesitūpasampadā.
4. Paccuṭṭhānāsanañceva varaɱ ovādakena ca,
Ānisaɱsaparamāni aṭṭha dhammesu vattanā,
Adhammikā dhammikā ca aṭṭhakā suppakāsitā ti.
[BJT Page 076]
Navakaɱ
1. Nava āghātavatthūni, nava āghātapaṭivinayā, nava vinītavatthūni, nava paṭhamāpattikā, navahi saṅgho bhijjati, nava paṇitabhojanāni, navamaɱsehi dukkaṭaɱ, nava pātimokkhuddesā, nava paramāni, nava taṇhāmūlakā dhammā, navavidhamānā, nava cīvarāni adhiṭṭhātabbāni, nava cīvarāni na vikappetabbāni, dīghaso nava vidatthiyo sugatavidatthiyā, nava adhammikāni dānāni, nava adhammikā paṭiggahā, nava adhammikā paribhogā, tīṇi dhammikāni dānāni, tayo dhammikā paṭiggahā, tayo dhammikā paribhogā, nava adhammikā saññattiyo1, nava dhammikā saññattiyo1, adhammakamme dve navakāni, dhammakamme [page 138] dve navakāni, nava adhammikāni pātimokkhaṭṭhapanāni, nava dhammakāni pātimokkhaṭṭhapanānīti.
Navakaɱ niṭṭhitaɱ
Tassuddānaɱ:
1. Āghātavatthu vinayā vinītā paṭhamena ca,
Bhijjati ca paṇitañca maɱsuddesaparamāni ca.
2. Taṇhā mānā adhiṭṭhānā vikappe ca vidatthiyo,
Dānā paṭiggahā bhogā tividhā puna dhammikā.
3. Adhamma dhamma saññatti2 duve dve navakāni ca,
Pātimokkhaṭhapanāni adhammikāni cāti.
Dasakaɱ
1. Dasa āghātavatthūni, dasa āghāta paṭivinayā, 3 dasa vinītavatthūni, dasavatthukā micchādiṭṭhi, dasavatthukā sammādiṭṭhi, dasa antaggāhikā diṭṭhi, dasa micchattā, dasa sammattā, dasa akusalakammapathā, dasa kusala kammapathā, dasa adhammikā salākagāhā, dasa dhammikā salākagāhā, sāmaṇerānaɱ dasa sikkhāpadāni, dasahaṅgehi samannāgato sāmaṇero nāsetabbo.
2. Dasahaṅgehi samannāgato vinayadharo bālotveva saṅkhaɱ gacchati: attano bhāsapariyantaɱ na uggaṇhāti, parassa bhāsapariyantaɱ na uggaṇhāti, attano bhāsapariyantaɱ anuggahetvā parassa bhāsapariyantaɱ anuggahetvā adhammena kāreti. Apaṭiññāya, āpattiɱ na jānāti, āpattiyā mūlaɱ na jānāti, āpatti samudayaɱ na jānāti, āpatti nirodhaɱ na jānāti, āpatti nirodhagāminīpaṭipadaɱ na jānāti.
1. Paññattiyo - sīmu. 1, 2,
2. Paññatti - sīmu 1 2,
3. Dasa āghātacatthupaṭinayā - sīmu. 2
[BJT Page 078]
2. Dasahaṅgehi samannāgato vinayadharo paṇḍitotveva saṅkhaɱ gacchati:
Attano bhāsapariyantaɱ uggaṇhāti, parassa bhāsapariyantaɱ uggaṇhāti, attano bhāsapariyantaɱ uggahetvā parassa bhāsapariyantaɱ uggahetvā dhammena kāreti. Paṭiññāya, āpattiɱ jānāti, āpattiyā mūlaɱ jānāti, āpatti samudayaɱ jānāti, āpatti nirodhaɱ jānāti, āpatti nirodhagāminīpaṭipadaɱ jānāti.
3. Aparehipi dasahaṅgehi samannāgato vinayadharo bālotveva saṅkhaɱ gacchati: adhiraṇaɱ na jānāti, adhikaraṇassa mūlaɱ na jānāti, adhikaraṇasamudayaɱ na jānāti, adhikaraṇanirodhaɱ na jānāti, adhikaraṇanirodhagāminīpaṭipadaɱ na jānāti, vatthuɱ na jānāti, nidānaɱ na jānāti, paññattiɱ na jānāti, anupaññattiɱ na jānāti, anusandhivacanapathaɱ na jānāti.
Dasahaṅgehi samannāgato vinayadharo paṇḍitotveva saṅkhaɱ gacchati: adhiraṇaɱ
Jānāti, adhikaraṇassa mūlaɱ jānāti, adhikaraṇasamudayaɱ jānāti, adhikaraṇanirodhaɱ
Jānāti, adhikaraṇanirodhagāminīpaṭipadaɱ jānāti, vatthuɱ jānāti, nidānaɱ
Jānāti, paññattiɱ jānāti, anupaññattiɱ jānāti, anusandhivacanapathaɱ jānāti.
4. Aparehipi dasahaṅgehi [page 139] samannāgato vinayadharo bālotveva saṅkhaɱ gacchati: ñattiɱ na jānāti, ñattiyā karaṇaɱ na jānāti, na pubbakusalo hoti, na aparakusalo hoti, akālaññū ca hoti, āpattānāpattiɱ na jānāti, lahukagarukaɱ āpattiɱ na jānāti, sāvasesānavasesaɱ āpattiɱ na jānāti, duṭṭhullāduṭṭhullaɱ āpattiɱ na jānāti, ācariyaparamparā kho panassa na suggahitā hoti na sumanasikatā na sūpadhāritā.
Dasahaṅgehi samannāgato vinayadharo paṇḍitotveva saṅkhaɱ gacchati: ñattiɱ
Jānāti, ñattiyā karaṇaɱ karaṇaɱ jānāti, pubbakusalo hoti, aparakusalo
Hoti, kālaññū ca hoti, āpattānāpattiɱ jānāti, lahukagarukaɱ āpattiɱ jānāti, sāvasesānavasesaɱ āpattiɱ jānāti, duṭṭhullāduṭṭhullaɱ āpattiɱ jānāti, ācariyaparamparā kho panassa suggahitā hoti sumanasikatā sūpadhāritā.
5. Aparehipi dasahaṅgehi samannāgato vinayadharo bālotveva saṅkhaɱ gacchati: āpattānāpattiɱ na jānāti, lahukagarukaɱ āpattiɱ na jānāti, sāvasesānavasesaɱ āpattiɱ na jānāti, duṭṭhullāduṭṭhullaɱ āpattiɱ na jānāti, ubhayāni kho panassa pātimokkhāni vitthārena na svāgatāni honti na suvibhattāni na suppavattīni na suvinicchitāni suttaso anubyañjanaso, āpattānāpattiɱ na jānāti, lahukagarukaɱ āpattiɱ na jānāti, sāvasesānavasesaɱ āpattiɱ na jānāti, duṭṭhullāduṭṭhullaɱ āpattiɱ na jānāti, adhikaraṇe ca na vinicchakusalo hoti.
Dasahaṅgehi samannāgato vinayadharo paṇḍitotveva saṅkhaɱ gacchati:
Āpattānāpattiɱ jānāti, lahukagarukaɱ āpattiɱ jānāti, sāvasesānavasesaɱ āpattiɱ jānāti, duṭṭhullāduṭṭhullaɱ āpattiɱ jānāti, ubhayāni kho panassa pātimokkhāni vitthārena svāgatāni
[BJT Page 080]
Honti suvibhattāni suppavattīni
Suvinicchitāni suttaso anubyañjanaso, āpattānāpattiɱ jānāti, lahukagarukaɱ āpattiɱ jānāti, sāvasesānavasesaɱ āpattiɱ jānāti, duṭṭhullāduṭṭhullaɱ āpattiɱ jānāti, adhikaraṇe ca vinicchayakusalo hoti.
6. Dasahaṅgehi samannāgato bhikkhu ubbāhikāya sammannitabbo, dasa atthavase paṭicca tathāgatena sāvakānaɱ sikkhāpadaɱ paññattaɱ, dasa ādīnavā rājante purappavesane, dasa dānavatthūni, dasa ratanāni, dasavaggo bhikkhusaṅgho, dasavaggena gaṇena upasampādetabbaɱ, dasa paɱsakulāni, dasa cīvaradhāraṇā, dasāhaparamaɱ atirekacīvaraɱ dhāretabbaɱ, dasa sukkāni, dasa itthiyo, dasa bhariyāyo, vesāliyaɱ dasa vatthūni dīpenti.
Dasa puggalā avandiyā, dasa akkosavatthūni, dasahākārehi pesuññaɱ upasaɱharati, dasa senāsanāni, dasa varāni yāciɱsu, dasa adhammikāni pātimokkhaṭhapanāni, dasa dhammikāni pātimokkhaṭhapanāni, dasānisaɱsā yāguyā, dasa maɱsā akappiyā, dasa paramāni, dāsavassena bhikkhunā byattena paṭibalena pabbājetabbaɱ upasampādetabbaɱ nissayo dātabbo sāmaṇero upaṭṭhāpetabbo, dāsavassāya bhikkhuniyā byattāya paṭibalāya pabbājetabbā upasampādetabbā nissayo dātabbo sāmaṇerī upaṭṭhāpetabbā, dāsavassāya bhikkhuniyā byattāya paṭibalāya uṭṭhāpanasammuti sāditabbā, dāsavassāya gihīgatāya sikkhā dātabbāti.
Dasakaɱ niṭṭhitaɱ
Tassuddānaɱ:
[page 140]
1. Āghātavinayā1 vatthu micchā sammā ca antagā,
Micchattā ceva sammattā akusalā kusalāpī ca.
2. Salākā adhammā dhammā ca sāmaṇerā ca nāsanā,
Bhāsādhikaraṇā2 ceva paññatti lahukameva ca.
3. Lahukā garukā ete kaṇhasukkā vijānatha,
Ubbāhikā ca sikkhā ca antopure ca vatthuni.
4. Ratanaɱ dasavaggo ca tatheva upasampadā,
Paɱsukūladhāraṇā ca dasāhasukkaitthiyo.
5. Bhariyā dasa vatthūni avandiyakkosena ca,
Pesuññā ceva senāni varāni ca adhammikā.
6. Dhammikā yāgumaɱsā ca paramā bhikkhu bhikkhunī,
Vuṭṭhāpanā gihīgatā dasakā suppakāsitāti.
1. Āghātavinayaɱ - machasaɱ.
2. Bhāsādhikaraṇañceva - machasaɱ.
[BJT Page 082]
Ekādasakaɱ
1. Ekādasa puggalā anupasampannā na upasampādetabbā upasampannā nāsetabbā, ekādasa pādukā akappiyā, ekādasa pattā akappiyā, ekādasa cīvarāni akappiyāni, ekādasa yāvatatiyakā bhikkhunīnaɱ, ekādasa antarāyikā dhammā pucchitabbā, ekādasa cīvarāni adhiṭṭhātabbāni, ekādasa cīvarāni na vikappetabbāni, ekādasa aruṇuggamane nissaggiyaɱ hoti, ekādasa gaṇṭhikā kappiyā, ekādasa vīṭhā1 kappiyā, ekādasa paṭhaviyo akappiyā. Ekādasa paṭhaviyo kappiyā, ekādasa nissayapaṭippassaddhiyo, ekādasa puggalā avandiyā, ekādasa paramāni, ekādasa varāni yāciɱsu, ekādasa sīmādosā, akkosakaparibhāsake puggale ekādasa ādīnavā pāṭikaṅkhā.
2. Mettāya ceto vimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya parivitāya susamāraddhāya ekādasānisaɱsā pāṭikaṅkhā: sukhaɱ supati, sukhaɱ paṭibujjhati, na pāpakaɱ supinaɱ passati, manussānaɱ piyo hoti, amanussānaɱ piyo hoti, devatā rakkhanti, nāssa aggi vā visaɱ vā satthaɱ vā kamati, tuvaṭaɱ cittaɱ samādhiyati, mukhavaṇṇo vippasīdati, asammūḷho kālaɱ karoti, uttariɱ appaṭivijjhanto brahmalokūpago hoti. Mettāya cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya ime ekādasānisaɱsā pāṭikaṅkhāti.
Ekādasakaɱ niṭṭhitaɱ
Tassuddānaɱ:
1. Nāsetabbā2 pādukā ca pattā ca cīvarāni ca,
Tatiyā pucchitabbā ca adhiṭṭhāna vikappanā.
[page 141]
2. Aruṇā gaṇṭhikā vīṭhā1 akappiyā ca kappiyā,
Nissayā vandiyā ceva paramāni varāni ca:
Sīmādosā ca akkosā mettāyekādasā katāti.
Ekuttarikaɱ niṭṭhitaɱ.
Tassuddānaɱ:
1. Ekakā ca dukā ceva tikā ca catu pañcakā,
Cha sattaṭṭha navakā ca dasa ekādasāni ca.
2. Hitāya sabbasattānaɱ ñātadhammena tādinā
Ekuttarikā vimalā mahāvīrena desitāti.
1. Vidhā - machasaɱ, vīṭā - syā.
2. Nāsetabbo - sīmu 2.
[BJT Page 084]
[page 142]
Uposathādi pucchā vissajjanā
Pucchā
1. Uposathakammassa ko ādi, kiɱ majjhe, kiɱ pariyosānaɱ.
Pavāraṇassa kammassa ko ādi, kiɱ majjhe, kiɱ pariyosānaɱ.
Tajjanīyakammassa ko ādi, kiɱ majjhe, kiɱ pariyosānaɱ.
Niyassakammassa ko ādi, kiɱ majjhe, kiɱ pariyosānaɱ.
Pabbājanīyakammassa ko ādi, kiɱ majjhe, kiɱ pariyosānaɱ.
Paṭisāraṇīyakammassa ko ādi, kiɱ majjhe, kiɱ pariyosānaɱ.
Ukkhepanīyakammassa ko ādi, kiɱ majjhe, kiɱ pariyosānaɱ.
Parivāsadānassa ko ādi, kiɱ majjhe, kiɱ pariyosānaɱ.
Mūlāya paṭikassanāya ko ādi, kiɱ majjhe, kiɱ pariyosānaɱ.
Mānattadānassa ko ādi, kiɱ majjhe, kiɱ pariyosānaɱ.
Abbhānassa ko ādi, kiɱ majjhe, kiɱ pariyosānaɱ.
Upasampadakammassa ko ādi, kiɱ majjhe, kiɱ pariyosānaɱ.
2. Tajjanīyakammassa paṭippassaddhiyā ko ādi, kiɱ majjhe, kiɱ pariyosānaɱ.
Niyassakammassa paṭippassaddhiyā ko ādi, kiɱ majjhe, kiɱ pariyosānaɱ.
Pabbājanīyakammassa paṭippassaddhiyā ko ādi, kiɱ majjhe, kiɱ pariyosānaɱ.
Paṭisāraṇīyanīyakammassa paṭippassaddhiyā ko ādi, kiɱ majjhe, kiɱ pariyosānaɱ.
Ukkhepanīyakammassa paṭippassaddhiyā ko ādi, kiɱ majjhe, kiɱ pariyosānaɱ.
2. Sativinayassa ko [page 143] ādi, kiɱ majjhe, kiɱ pariyosānaɱ.
Amūḷhavinayassa ko ādi, kiɱ majjhe, kiɱ pariyosānaɱ.
Tassapāpiyyasikāya ko ādi, kiɱ majjhe, kiɱ pariyosānaɱ.
Tiṇavatthārakassa ko ādi, kiɱ majjhe, kiɱ pariyosānaɱ.
Bhikkhunovādakasammutiyā ko ādi, kiɱ majjhe, kiɱ pariyosānaɱ.
Ticīvarena avippavāsasammutiyā ko ādi, kiɱ majjhe, kiɱ pariyosānaɱ.
Santhatasammutiyā ko ādi, kiɱ majjhe, kiɱ pariyosānaɱ.
Rūpiyachaḍḍakasammutiyā ko ādi, kiɱ majjhe, kiɱ pariyosānaɱ.
Sāṭiyagāhāpakasammutiyā ko ādi, kiɱ majjhe, kiɱ pariyosānaɱ.
Pattagāhāpakasammutiyā ko ādi, kiɱ majjhe, kiɱ pariyosānaɱ.
Daṇḍasammutiyā ko ādi, kiɱ majjhe, kiɱ pariyosānaɱ.
Sikkāsammutiyā ko ādi, kiɱ majjhe, kiɱ pariyosānaɱ.
Daṇḍasikkāsammutiyā ko ādi, kiɱ majjhe, kiɱ pariyosānaɱ.
Pucchā niṭṭhitā
Vissajjanā
1. Uposathakammassa ko ādi, kiɱ majjhe, kiɱ pariyosānanti: uposathakammassa sāmaggi ādi, kiriyā majjhe, niṭṭhānaɱ pariyosānaɱ.
2. Pavāraṇākammassa ko ādi, kiɱ majjhe, kiɱ pariyosānanti: pavāraṇākammassa sāmaggi ādi, kiriyā majjhe, niṭṭhānaɱ pariyosānaɱ.
3. Tajjanīyakammassa ko ādi, kiɱ majjhe, kiɱ pariyosānanti: tajjanīyakammassa vatthu ca puggalo ca ādi, ñatti majjhe, kammavācā pariyosānaɱ.
4. Niyassakammassa ko ādi, kiɱ majjhe, kiɱ pariyosānanti: niyassakammassa vatthu ca puggalo ca ādi, ñatti majjhe, kammavācā pariyosānaɱ.
Pabbājanīyakammassa ko ādi, kiɱ majjhe, kiɱ pariyosānanti: pabbājanīyakammassa vatthu ca puggalo ca ādi, ñatti majjhe, kammavācā pariyosānaɱ.
Paṭisāraṇīyakammassa ko ādi, kiɱ majjhe, kiɱ pariyosānanti: paṭisāraṇīyakammassa vatthu ca puggalo ca ādi, ñatti majjhe, kammavācā pariyosānaɱ.
Ukkhepanīyakammassa ko ādi, kiɱ majjhe, kiɱ pariyosānanti: ukkhepanīyakammassa vatthu ca puggalo ca ādi, ñatti majjhe, kammavācā pariyosānaɱ.
Parivāsadānassa ko ādi, kiɱ majjhe, kiɱ pariyosānanti: parivāsadānassa
Vatthu ca puggalo ca ādi, ñatti majjhe, kammavācā pariyosānaɱ.
Mūlāya paṭikassanāya ko ādi, kiɱ majjhe, kiɱ pariyosānanti: mūlāya paṭikassanāya vatthu ca puggalo ca ādi, ñatti majjhe, kammavācā pariyosānaɱ.
Mānattadānassa ko ādi, kiɱ majjhe, kiɱ pariyosānanti: mānattadānassa
Vatthu ca puggalo ca ādi, ñatti majjhe, kammavācā pariyosānaɱ.
Abbhānassa ko ādi, kiɱ majjhe, kiɱ pariyosānanti: abbhānassa
Vatthu ca puggalo ca ādi, ñatti majjhe, kammavācā pariyosānaɱ.
[BJT Page 086]
5. Upasampadakammassa ko ādi, kiɱ majjhe, kiɱ pariyosānanti: upasampadakammassa puggalo ādi, ñatti majjhe, kammavācā pariyosānaɱ.
6. Tajjanīyakammassa paṭipassaddhiyā ko ādi, kiɱ majjhe, kiɱ pariyosānanti: tajjanīyakammassa paṭippassaddhiyā sammāvattanā ādi, ñatti majjhe, kammavācā pariyosānaɱ.
7. Niyassakammassa paṭipassaddhiyā ko ādi, kiɱ majjhe, kiɱ pariyosānanti: niyassakammassa paṭippassaddhiyā sammāvattanā ādi, ñatti majjhe, kammavācā pariyosānaɱ.
Pabbājanīyakammassa paṭipassaddhiyā ko ādi, kiɱ majjhe, kiɱ pariyosānanti: pabbājanīyakammassa paṭippassaddhiyā sammāvattanā ādi, ñatti majjhe, kammavācā pariyosānaɱ.
Paṭisāraṇīyakammassa paṭipassaddhiyā ko ādi, kiɱ majjhe, kiɱ pariyosānanti: paṭisāraṇīyakammassa paṭippassaddhiyā sammāvattanā ādi, ñatti majjhe, kammavācā pariyosānaɱ.
Ukkhepanīyakammassa paṭipassaddhiyā ko ādi, kiɱ majjhe, kiɱ pariyosānanti: ukkhepanīyakammassa paṭippassaddhiyā sammāvattanā ādi, ñatti majjhe, kammavācā pariyosānaɱ.
8. Sativinayassa ko ādi, kiɱ majjhe, kiɱ pariyosānanti:
Sativinayassa vatthu ca puggalo ca ādi, ñatti majjhe, kammavācā pariyosānaɱ.
9. Amūḷhavinayassa ko ādi, kiɱ majjhe, kiɱ pariyosānanti:
Amūḷhavinayassa vatthu ca puggalo ca ādi, ñatti majjhe, kammavācā pariyosānaɱ.
Tassa pāpiyyasikāya ko ādi, kiɱ majjhe, kiɱ pariyosānanti:
Tassa pāpiyyasikāya vatthu ca puggalo ca ādi, ñatti majjhe, kammavācā pariyosānaɱ.
Tiṇavatthārakassa ko ādi, kiɱ majjhe, kiɱ pariyosānanti:
Tiṇavatthārakassa vatthu ca puggalo ca ādi, ñatti majjhe, kammavācā pariyosānaɱ.
Bhikkhunovādakasammutiyā ko ādi, kiɱ majjhe, kiɱ pariyosānanti:
Bhikkhunovādakasammutiyā vatthu ca puggalo ca ādi, ñatti majjhe, kammavācā pariyosānaɱ.
Ticīvarena avippavāsasammutiyā ko ādi, kiɱ majjhe, kiɱ pariyosānanti: ticīvarena avippavāsasammutiyā vatthu ca puggalo ca ādi, ñatti majjhe,
Kammavācā pariyosānaɱ.
Santhatasammutiyā ko ādi, kiɱ majjhe, kiɱ pariyosānanti:
Santhatasammutiyā vatthu ca puggalo ca ādi, ñatti majjhe, kammavācā pariyosānaɱ.
Rupiyachaḍḍakasammutiyā ko ādi, kiɱ majjhe, kiɱ pariyosānanti:
Rupiyachaḍḍakasammutiyā vatthu ca puggalo ca ādi, ñatti majjhe, kammavācā pariyosānaɱ.
Sāṭiyagāhāpakasammutiyā ko ādi, kiɱ majjhe, kiɱ pariyosānanti:
Sāṭiyagāhāpakasammutiyā vatthu ca puggalo ca ādi, ñatti majjhe, kammavācā pariyosānaɱ.
Pattagāhāpakasammutiyā ko ādi, kiɱ majjhe, kiɱ pariyosānanti:
Pattagāhāpakasammutiyā vatthu ca puggalo ca ādi, ñatti majjhe, kammavācā pariyosānaɱ.
Daṇḍasammutiyā ko ādi, kiɱ majjhe, kiɱ pariyosānanti:
Daṇḍasammutiyā vatthu ca puggalo ca ādi, ñatti majjhe, kammavācā pariyosānaɱ.
Sikkāsammutiyā ko ādi, kiɱ majjhe, kiɱ pariyosānanti:
Sikkāsammutiyā vatthu ca puggalo ca ādi, ñatti majjhe, kammavācā pariyosānaɱ.
Daṇḍasikkāsammutiyā ko ādi, kiɱ majjhe, kiɱ pariyosānanti:
Daṇḍasikkāsammutiyā vatthu ca puggalo ca ādi, ñatti majjhe, kammavācā
Pariyosānaɱ.
Vissajjanā niṭṭhitā
Uposathādi pucchāvissajjanā niṭṭhitā.
[BJT Page 088]
Atthavasappakaraṇaɱ
1. Dasa atthavase paṭicca tathāgatena sāvakānaɱ sikkhāpadaɱ paññattaɱ: saṅghasuṭṭhutāya, saṅghaphāsutāya, dummaṅkūnaɱ puggalānaɱ niggahāya, pesalānaɱ bhikkhūnaɱ phāsuvihārāya, diṭṭhadhammikānaɱ āsavānaɱ saɱvarāya, samparāyikānaɱ āsavānaɱ paṭighātāya, appasannānaɱ pasādāya, pasannānaɱ bhiyyobhāvāya, saddhammaṭṭhiyā, vinayānuggahāya.
2. Yaɱ saṅghasuṭṭhu, taɱ saṅghaphāsu. Yaɱ saṅghaphāsu, taɱ dummaṅkūnaɱ puggalānaɱ niggahāya. Yaɱ dummaṅkūnaɱ puggalānaɱ niggahāya, taɱ pesalānaɱ bhikkhūnaɱ phāsuvihārāya. Yaɱ pesalānaɱ bhikkhūnaɱ phāsuvihārāya, taɱ diṭṭhadhammikānaɱ āsavānaɱ saɱvarāya. Yaɱ diṭṭhadhammikānaɱ āsavānaɱ saɱvāraya, taɱ samparāyikānaɱ āsavānaɱ paṭighātāya. Yaɱ samparāyikānaɱ āsavānaɱ paṭighātāya. Taɱ appasannānaɱ pasādāya. Yaɱ appasannānaɱ pasādāya, taɱ pasannānaɱ bhiyyobhāvāya. Yaɱ pasannānaɱ bhiyyobhāvāya, taɱ saddhammaṭṭhitiyā, taɱ vinayānuggahāya.
3. Yaɱ saṅghasuṭṭhu, taɱ saṅghaphāsu. Yaɱ saṅghasuṭṭhu, taɱ dummaṅkūnaɱ puggalānaɱ niggahāya. Yaɱ saṅghasuṭṭhu, taɱ pesalānaɱ bhikkhūnaɱ phāsuvihārāya. Yaɱ saṅghasuṭṭhu, taɱ diṭṭhadhammikānaɱ āsavānaɱ saɱvarāya. Yaɱ saṅghasuṭṭhu, taɱ samparāyikānaɱ āsavānaɱ paṭighātāya. Yaɱ saṅghasuṭṭhu, taɱ appasannānaɱ pasādāya. Yaɱ saṅghasuṭṭhu, taɱ pasannānaɱ bhiyyobhāvāya. Yaɱ saṅghasuṭṭhu, taɱ saddhammaṭṭhitiyā. Yaɱ saṅghasuṭṭhu, taɱ vinayānuggahāya.
4. Yaɱ saṅghaphāsu, taɱ dummaṅkūnaɱ puggalānaɱ niggahāya. Yaɱ saṅghaphāsu, taɱ pesalānaɱ bhikkhūnaɱ phāsuvihārāya. Yaɱ saṅghaphāsu, taɱ diṭṭhadhammikānaɱ āsavānaɱ saɱvarāya, yaɱ saṅghaphāsu, taɱ samparāyikānaɱ āsavānaɱ paṭighātāya. Yaɱ saṅghaphāsu, taɱ appasannānaɱ pasādāya. Yaɱ saṅghaphāsu, taɱ pasannānaɱ bhiyyobhāvāya. Yaɱ saṅghaphāsu, taɱ saddhammaṭṭhitiyā. Yaɱ saṅghaphāsu, taɱ vinayānuggahāya. Yaɱ saṅghaphāsu, taɱ saṅghasuṭṭhu.
5. Yaɱ dummaṅkūnaɱ puggalānaɱ niggahāya. Taɱ pesalānaɱ
Bhikkhūnaɱ phāsuvihārāya. Yaɱ diṭṭhadhammikānaɱ āsavānaɱ saɱvarāya,
Taɱ samparāyikānaɱ āsavānaɱ paṭighātāya. Yaɱ appasannānaɱ
Pasādāya. Taɱ pasannānaɱ bhiyyobhāvāya. Yaɱ
Saddhammaṭṭhitiyā. Taɱ vinayānuggahāya.
[BJT Page 090]
6. Yaɱ vinayānuggahāya, taɱ saṅghasuṭṭhu. Yaɱ vinayānuggahāya, taɱ saṅghaphāsu. Yaɱ vinayānuggahāya, taɱ dummaṅkūnaɱ puggalānaɱ niggahāya. Yaɱ vinayānuggahāya, taɱ pesalānaɱ bhikkhūnaɱ phāsuvihārāya. Yaɱ vinayānuggahāya, taɱ diṭṭhadhammikānaɱ āsavānaɱ saɱvarāya. Yaɱ vinayānuggahāya, taɱ samparāyikānaɱ āsavānaɱ paṭighātāya. Yaɱ vinayānuggahāya, taɱ appasannānaɱ pasādāya. Yaɱ vinayānuggahāya, taɱ pasannānaɱ bhiyyobhāvāya. Yaɱ vinayānuggahāya, taɱ saddhammaṭṭhitiyāti.
Atthasataɱ dhammasataɱ dve niruttisatāni ca,
Cattāri ñāṇasatāni atthavase pakaraṇeti.
Atthavasappakaraṇaɱ niṭṭhitaɱ
Mahāvaggo niṭṭhito
Tassuddānaɱ:
1. Paṭhamaɱ aṭṭha pucchāya paccayesu punaṭṭha ca,
Bhikkhūnaɱ soḷasa ete bhikkhunīnampi soḷasa.
2. Peyyāla antarā bhedā ekuttarikameva ca,
Pavāraṇatthavasikā mahāvaggassa saṅgahoti.
[BJT Page 092]
[page 144]
Gāthāsaṅgaṇikaɱ
1. Ekaɱsaɱ cīvaraɱ katvā paggahetvāna1 añjaliɱ,
Āsiɱsamānarūpo va2 kissa tvaɱ idha māgato.
2. Dvīsu vinayesu paññattā ye uddesaɱ āgacchanti uposathesu,
Kati te sikkhāpadāni honti katisu nagaresu paññattā.
3. Bhaddako te ummaggo3 yoniso paripucchasi,
Taggha te ahamakkhissaɱ yathāpi kusalo tathā.
4. Dvīsu vinayesu paññattā ye uddesaɱ āgacchanti uposathesu,
Aḍḍhuḍḍhasatāni te honti sattasu nagaresu paññattā.
5. Katamesu sattasu nagaresu paññattā iṅgha me tvaɱ byākara4,
Taɱ vacanapathaɱ5 nisāmayitvā paṭipajjema hitāya no siyāti.
6. Vesāliyaɱ rājagahe sāvatthiyaɱ ca āḷaviyaɱ,
Kosambīyaɱ ca sakkesu bhaggesu ceva paññattā.
7. Kati vesāliyaɱ paññattā kati rājagahe katā,
Sāvatthiyaɱ kati honti āḷaviyaɱ katā.
8. Kati kosambiyaɱ paññattā, kati sakkesu vuccanti,
Kati bhaggesu paññattā taɱ me akkhāhi pucchito.
9. Dasa vesāliyaɱ paññattā ekavīsa rājagahe katā,
Cha ūna tīni satāni sabbe sāvatthiyaɱ katā.
10. Cha āḷaviyaɱ paññattā aṭṭha kosambiyaɱ katā,
Aṭṭha sakkesu vuccanti tayo bhaggesu paññattā.
11. Ye vesāliyaɱ paññattā te suṇohi yathā kathaɱ,
Methuna viggahuttari atirekañca kāḷakaɱ.
12. Bhūtaɱ paramparabhattaɱ dantaponena acelako,
Bhikkhunīsu ca akkoso dasate vesāliyaɱ katā.
1. Paggaṇhitvāna - machasaɱ.
2. Āsīsamāna rūpova - machasaɱ.
3. Ummaṅgo - machasaɱ. Syā. Sīmu.
4. Iṅgha me tvaɱ byākaranā - machasaɱ.
5. Tava vacanapathaɱ - syā.
6. Yathātathaɱ - sīmu. 2, Machasaɱ.
[BJT Page 094]
13. Ye rājagahe paññattā te suṇohi yathā kathaɱ, 1
Adinnādānaɱ rājagahe dve anuddhaɱsanāpi ca.
14. Dve pica bhedā antaravāsakaɱ rūpiyaɱ suttaɱ ujjhāpanena ca
[page 145]
Pācitapiṇḍaɱ gaṇabhojanaɱ vikāle ca carittaɱ nahānaɱ ūnavīsati.
15. Cīvaraɱ datvā vosāsantī ete rājagahe katā,
Giraggacariyā tattheva chandadānena ekavīsati.
16. Ye sāvatthiyaɱ paññattā te suṇohi yathā kathaɱ,
Pārājikāni cattāri saṅghādisesā bhavanti soḷasa.
17. Aniyatā ca dve honti nissaggiyā catutiɱsati, 2
Cha paññāsasatañceva khuddakāni pavuccanti.
18. Dasayeva ca gārayhā dve sattati ca sekhiyā,
Cha ūna tīṇi satāni sabbe sāvatthiyaɱ katā.
19. Ye āḷaviyā paññattā te suṇohi yathā kathaɱ,
Kuṭi kosiya seyyā ca khanane gaccha devate:
Sappāṇakañca siñcanti cha ete āḷaviyaɱ katā.
20. Ye kosambiyaɱ paññattā te suṇohi yathā kathaɱ, 1
Mahāvihāro dovacassaɱ aññaɱ dvāraɱ surāya ca,
Anādariyaɱ sahadhammo payo pānena aṭṭhamaɱ.
21. Ye ca sakkesu paññattā te suṇohi yathā kathaɱ, 1
Eḷakalomāni patto ca ovādo ceva bhesajjaɱ.
22. Sūcī āraññako ceva cha ete3 kāpilavatthave,
Udakasuddhiyā ovādo bhikkhunīsu pavuccanti.
23. Ye ca bhaggesu paññattā te suṇohi yathā kathaɱ, 1
Samādahitvā visibbenti sāmisena sasitthakaɱ.
24. Pārājikāni cattāri saṅghādisesāni bhavanti,
Satta nissaggiyā aṭṭha dvattiɱsati ca khuddakā.
25. Dve gārayhā tayo sekkhā4 cha paññāya sikkhāpadā,
Chasu nagaresu paññattā buddhenādiccabandhunā
26. Cha ūna tīṇi satāni sabbe sāvatthiyaɱ katā,
Kāruṇikena buddhena gotamena yasassinā.
1. Yatātathaɱ - sīmu. 2. Machasaɱ.
2. Catuvīsati - sīmu, machasaɱ, syā.
3. Aṭṭhete - machasaɱ.
4. Sikkhā - machasaɱ.
[BJT Page 096]
Catuvipatti
1. Yaɱ taɱ apucchimha akittayī no,
Yaɱ taɱ byākataɱ anaññathā:
Aññaɱ taɱ pucchāmi tadiṅgha brūhi.
2. Garukalahukañcāpi sāvasesaɱ nāvasesaɱ.
Duṭṭhullañca aduṭṭhullaɱ ye ca yāvatatiyakā.
3. Sādhāraṇāsādhāraṇaɱ vipattiyo1 yehi samathehi sammanti,
Sabbānipetāni viyākarohi handa vākyaɱ suṇoma te.
[page 146]
4. Ekatiɱsā ye garukā aṭṭhettha anavasesā,
Ye garukā te duṭṭhullā ye duṭṭhullā sā sīlavipatti.
5. Pārājikaɱ saṅghādiseso sīlavipattīti vuccati,
Thullaccayaɱ pācittiyaɱ pāṭidesanīyaɱ tathā.
6. Dukkaṭaɱ dubbhāsitaɱ yo cāyaɱ akkosati.
Hassādhippāyo ayaɱ sā ācāravipatti sammatā.
7. Viparītadiṭṭhiɱ gaṇhanti asaddhammehi purakkhatā,
Abbhācikkhanti sambuddhaɱ duppaññā mohapārutā
Ayaɱ sā diṭṭhi vipattisammatā.
8. Ājīvahetu ājivakāraṇā pāpiccho icchāpakato asantaɱ abhūtaɱ uttarimanussadhammaɱ ullapati, ājīvahetu ājīvakāraṇā sañcarittaɱ samāpajjati, ājīvahetu ājīvakāraṇā 'yo te vihāre vasati so bhikkhu arahā'ti bhaṇati, ājīvahetu ājīvakāraṇā bhikkhu paṇitabhojanāni attano atthāya viññāpetvā bhuñjati, ājīvahetu ājīvakāraṇā bhikkhu sūpaɱ vā odanaɱ vā agilāno attano atthāya viññāpetvā bhuñjati. Ayaɱ sā ājīvavipatti sammatā.
9. Ekādasa yāvatatiyakā te suṇohi yathā kathaɱ,
Ukkhittānuvattakā aṭṭha yāvatatiyakā:
Ariṭṭho caṇḍakāḷī ca ime te yāvatatiyakā.
1. Vibhattiyā - machasaɱ.
[BJT Page 098]
Chedanakādi
1. Kati chedanakāni kati bhedanakāti,
Kati uddālanakāni kati anaññapācittiyāni.
2. Kati bhikkhusammutiyo kati sāmīciyo kati paramāni,
Kati jānanti paññattā buddhenādiccabandhunā.
3. Cha chedanakāni ekaɱ bhedanakaɱ,
Ekaɱ uddālanakaɱ cattāri anaññapācittiyāni.
4. Catasso bhikkhusammutiyo satta sāmīciyo cuddasa paramāni,
Soḷasa1 jānanti paññattā buddhenādiccabandhunā.
Asādhāraṇakādi
1. Vīsaɱ dve satāni bhikkhūnaɱ sikkhāpadāni,
Uddesaɱ āgacchanti uposathesu.
2. Tīṇi satāni cattāri bhikkhunīnaɱ sikkhāpadāni,
Uddesaɱ āgacchanti uposathesu.
3. Cha cattālīsā bhikkhūnaɱ bhikkhūnīhi asādhāraṇā,
Sataɱ tiɱsā ca bhikkhunīnaɱ bhikkhūhi asādhāraṇā.
4. Sataɱ sattati chacceva ubhinnaɱ asādhāraṇā,
Sataɱ sattati cattāri ubhinnaɱ samasikkhatā.
[page 147]
5. Vīsaɱ dve satāni bhikkhūnaɱ sikkhāpadāni,
Uddesaɱ āgacchanti uposathesu te suṇohi yathā kathaɱ.
6. Pārājikāni cattāri saṅghādisesāni bhavanti terasa,
Aniyatā dve honti nissaggiyāni tiɱseva:
Dve navuti ca khuddakā cattāro pāṭidesanīyā,
Pañca sattati sekhiyā.
7. Visaɱ dve satāni cime2 honti bhikkhūnaɱ,
Sikkhāpadāni uddesaɱ āgacchanti uposathesu.
8. Tīṇi satāni cattāri bhikkhunīnaɱ sikkhāpadāni,
Uddesaɱ āgacchanti uposathesu te suṇohi yathā kathaɱ
9. Pārājikāni aṭṭha saṅghādisesāni bhavanti sattarasa,
Nissaggiyāni tiɱseva sataɱ saṭṭhi chacceva khuddakāni pavuccanti.
1. Sodasa - machasaɱ.
2. Dvesatānipime - sīmu.
[BJT Page 100]
10. Aṭṭha pāṭidesanīyā pañca sattati sekhiyā,
Tīṇi satāni cattārime honti bhikkhunīnaɱ:
Sikkhāpadāni uddesaɱ āgacchanti uposathesu.
11. Cha cattālīsa bhikkhūnaɱ bhikkhunīhi asādhāraṇā,
Te suṇohi yathā kathaɱ.
12. Cha saṅghādisesā dvīhi aniyatehi1 aṭṭha,
Nissaggiyāni dvādasa te tehi honti vīsati.
13. Dvāvīsati khuddakā cattāro pāṭidesanīyā,
Cha cattālīsāpime honti bhikkhūnaɱ bhikkhunīhi asādhāraṇā.
14. Sataɱ tiɱsā ca bhikkhunīnaɱ bhikkhūhi asādhāraṇā.
Te suṇohi yathā kathaɱ2
15. Pārājikāni cattāri saṅghamhā dasa nissare,
Nissaggiyā dvādasa channavuti ca khuddakā aṭṭha pāṭidesanīyā:
Sataɱ tiɱsāpime honti bhikkhunīnaɱ bhikkhūhi asādhāraṇā.
16. Sataɱ sattati chacce va ubhinnaɱ asādhāraṇā,
Te suṇohi yathā kathaɱ. 2
17. Pārājikāni cattāri saṅghādisesāni bhavanti soḷasa,
Aniyatāni ca dve honti nissaggiyāni catuvīsati.
18. Sataɱ aṭṭhārasa ceva khuddakāni pavuccanti dvādasa pāṭidesanīyā
Sataɱ sattati cha cevapime honti ubhinnaɱ asādhāraṇā.
19. Sataɱ sattati cattāri ubhinnaɱ samasikkhatā,
Te suṇohi yathā kathaɱ.
20. Pārājikāni cattāri saṅghādisesāni bhavanti satta,
Nissaggiyāni aṭṭhārasa samasattati khuddakā pañcasattatisekhiyā:
Sataɱ sattati cattāripime honti ubhinnaɱ samasikkhatā.
[page 148]
21. Aṭṭheva pārājikā ye durāsadā tālavatthusamūpamā,
Paṇḍupalāso puthusilā sīsacchinnova so naro.
Tālova matthakā chinno avirūḷhī bhavanti te.
22. Tevīsati saṅghādisesā dve aniyatā cattālīsa nissaggiyā
Aṭṭhāsīti sataɱ pācittiyā dvādasa pāṭidesanīyā,
23. Pañca sattati sekhiyā tīhi samathehi sammanti.
Sammukhā ca paṭiññāya tiṇavatthārakena ca.
24. Dve uposathā dve pavāraṇā cattāri kammāni jinena desitā
Pañceva uddesā cattāro bhavanti anaññathā,
Āpattikkhandhā ca bhavanti satta.
25. Adhikaraṇāni cattāri sattahi samathehi sammanti,
Dvīhi catūhi tīhi kiccaɱ ekena sammati.
1. Dve aniyatehi - machasaɱ.
2. Yathā tathaɱ - sīmu 2, machasaɱ.
[BJT Page 102]
Pārājikādi āpatti
1. Pārājikanti yaɱ vuttaɱ taɱ suṇohi yathā kathaɱ,
Cuto paraddho bhaṭṭho ca saddhammā hi niraɱkato1
Saɱvāsopi tahiɱ natthi tenetaɱ iti vuccati.
2. Saṅghādisesoti yaɱ vuttaɱ taɱ suṇohi yathā kathaɱ2,
Saṅghova deti parivāsaɱ mūlāya paṭikassati:
Mānattaɱ deti abbheti tenetaɱ iti vuccati.
3. Aniyatoti yaɱ vuttaɱ taɱ suṇohi yathā kathaɱ, 2
Aniyato na niyato anekaɱsikataɱ padaɱ:
Tiṇṇamaññataraɱ ṭhānaɱ aniyatoti pavuccati.
4. Thullaccayanti yaɱ vuttaɱ taɱ suṇohi yathā kathaɱ,
Ekassa mūle ye deseti yo ca taɱ patigaṇhati:
Accayo tena samo natthi tenetaɱ iti vuccati.
5. Nissagigayanti yaɱ vuttaɱ taɱ suṇohi yathā kathaɱ, 2
Saṅghamajjhe gaṇamajjhe ekakasseva ekato:
Nissajitvāna deseti tenetaɱ iti vuccati.
6. Pācittiyanti yaɱ vuttaɱ taɱ suṇohi yathā kathaɱ, 2
Pāteti kusalaɱ dhammaɱ ariyamaggamaparajjhati:
Cittasammohanaṭṭhānaɱ tenetaɱ iti vuccati.
7. Pāṭidesanīyanti yaɱ vuttaɱ taɱ suṇohi yathā kathaɱ,
Bhikkhu aññātako santo kicchā laddhāya bhojanaɱ.
Sāmaɱ gahetvā bhuñjeyya gārayhanti pavuccati.
8. Nimantanāsu bhuñjantaɱ3 chandāya vosāsati tattha bhikkhunī. 4
Anivāretvā tahiɱ bhuñje gārayhanti pavuccati.
[page 149]
9. Saddhācittaɱ kalaɱ gantvā appabhogaɱ anāḷhiyaɱ, 5
Agilāno tahiɱ bhuñje gārayhanti pavuccati.
10. Yo ce araññe viharanto sāsaṅke sabhayānake,
Aviditaɱ tahiɱ bhuñje gārayhanti pavuccati.
11. Bhikkhunī aññātikā santā yaɱ paresaɱ mamāyitaɱ,
Sappi telaɱ madhu phāṇitaɱ macchamaɱsaɱ athopi khīraɱ:
Dadhiñca yaɱ viññapeyya bhikkhunī gārayhapattā sugatassa sāsane.
1. Nirākato - sīmu 2.
2. Yathātathaɱ - sīmu 2, machasaɱ.
3. Bhuñjantā - machasaɱ.
4. Bhikkhuniɱ - machasaɱ.
5. Anāḷiyaɱ - machasaɱ.
[BJT Page 104]
12. Dukkaṭanti yaɱ vuttaɱ taɱ suṇohi yathā kathaɱ,
Aparaddhaɱ viraddhañca khalitaɱ yañca dukkaṭaɱ.
13. Yaɱ manusso kare pāpaɱ āvi vā yadi vā raho,
Dukkaṭanti pavedenti tenetaɱ iti vuccati.
14. Dubbhāsitanti yaɱ vuttaɱ taɱ suṇohi yathā kathaɱ,
Dubbhāsitaɱ durābhaṭṭhaɱ saṅkiliṭṭhañca yaɱ padaɱ:
Yañca viññū garahanti tenetaɱ iti vuccati.
15. Sekhiyanti yaɱ vuttaɱ taɱ suṇohi yathā kathaɱ,
Sekhassa sikkhamānassa ujumaggānusārino.
16. Ādipetaɱ caraṇañca mukhaɱ saɱyamasaɱvaro,
Sikkhā etādisī natthi tenetaɱ iti vuccati.
17. Channamativassati civaṭaɱ nātivassati,
Tasmā channaɱ vivaretha evaɱ taɱ nātivassati.
18. Gati migānaɱ pavanaɱ ākāso pakkhinaɱ gati,
Vibhavo gati dhammānaɱ nibbāṇaɱ arahato gati.
Gāthāsaṅgaṇikaɱ niṭṭhitaɱ.
Tassuddānaɱ:
1. Satta nagaresu paññattaɱ vipatti caturopi ca,
Bhikkhūnaɱ bhikkhunīnañca sādhāraṇā asādhāraṇā:
Sāsanānuggahāya gāthāsaṅgaṇikaɱ idanti.
[BJT Page 106]
[page 150]
Adhikaraṇabhedo
1. Cattāri adhikaraṇāni: vivādādhikaraṇaɱ, anuvādādhikaraṇaɱ, āpattādhikaraṇaɱ, kiccādhikaraṇaɱ. Imāni cattāri adhikaraṇāni.
Imesaɱ catunnaɱ adhikaraṇānaɱ kati ukkoṭā: imesaɱ catunnaɱ adhikaraṇānaɱ dasa ukkoṭā: vivādādhikaraṇassa dve ukkoṭā, anuvādādhikaraṇassa cattāro ukkoṭā, āpattādhikaraṇassa tayo ukkoṭā, kiccādhikaraṇassa eko ukkoṭo, imesaɱ catunnaɱ adhikaraṇānaɱ ime dasa ukkoṭā.
2. Vivādādhikaraṇaɱ ukkoṭanto kati samathe ukkoṭeti,
Anuvādādhikaraṇaɱ ukkoṭanto kati samathe ukkoṭeti,
Āpattādhikaraṇaɱ ukkoṭanto kati samathe ukkoṭeti,
Kiccādhikaraṇaɱ ukkoṭanto kati samathe ukkoṭeti:
Vivādādhikaraṇaɱ ukkoṭanto dve samathe ukkoṭeti.
Anuvādādhikaraṇaɱ ukkoṭanto cattāro samathe ukkoṭeti.
Āpattādhikaraṇaɱ ukkoṭanto tayo samathe ukkoṭeti.
Kiccādhikaraṇaɱ ukkoṭanto ekaɱ samathaɱ ukkoṭeti.
3. Kati ukkoṭā, katihākārehi ukkoṭanaɱ pasavati, katihaṅgehi samannāgato puggalo adhikaraṇaɱ ukkoṭeti, kati puggalā adhikaraṇaɱ ukkoṭento āpattiɱ āpajjati.
Dvādasa ukkoṭā, dasahākārehi ukkoṭanaɱ pasavati. Catuhaṅgehi samannāgato puggalo adhikaraṇaɱ ukkoṭeti, cattāro puggalā adhikaraṇaɱ ukkoṭento āpattiɱ āpajjanti.
4. Katame dvādasa ukkoṭā: akataɱ kammaɱ, dukkataɱ kammaɱ, pūna kātabbaɱ kammaɱ, anihataɱ, dunnihataɱ, pūna nihanitabbaɱ, avinicchitaɱ, duvinicchitaɱ, puna vinicchitabbaɱ, avupasantaɱ, duvupasantaɱ, puna upasametabbanti ime dvādasa ukkoṭā.
5. Katamehi dasahākārehi ukkoṭanaɱ pasavati: tattha jātakaɱ adhikaraṇaɱ ukkoṭeti, tattha jātakaɱ vupasantaɱ adhikaraṇaɱ ukkoṭeti, antarāmagge adhikaraṇaɱ ukkoṭeti, antarāmagge vūpasantaɱ adhikaraṇaɱ ukkoṭeti, tattha gataɱ adhikaraṇaɱ ukkoṭeti, tattha gataɱ vūpasantaɱ adhikaraṇaɱ ukkoṭeti, sativinayaɱ ukkoṭeti, amūḷhavinayaɱ ukkoṭeti, [page 151] tassapāpiyyasikaɱ ukkoṭeti, tiṇavatthārakaɱ ukkoṭeti. Imehi dasahākārehi ukkoṭanaɱ pasavati.
[BJT Page 108]
6. Katamehi catuhaṅgehi samannāgato puggalo adhikaraṇaɱ ukkoṭeti:
Chandāgatiɱ gacchanto adhikaraṇaɱ ukkoṭeti, dosāgatiɱ gacchanto adhikaraṇaɱ ukkoṭeti,
Mohāgatiɱ gacchanto adhikaraṇaɱ ukkoṭeti,
Bhayāgatiɱ gacchanto adhikaraṇaɱ ukkoṭeti. Imehi catuhaṅgehi samannāgato puggalo adhikaraṇaɱ ukkoṭeti.
7. Katame cattāro puggalā adhikaraṇaɱ ukkoṭento āpattiɱ āpajjanti: tadahūpasampanno ukkoṭeti ukkoṭanakaɱ pācittiyaɱ, āgantuko ukkoṭeti ukkoṭanakaɱ pācittiyaɱ, kārako ukkoṭeti ukkoṭanakaɱ pācittiyaɱ, chandadāyako ukkoṭeti ukkoṭanakaɱ pācittiyaɱ. Ime cattāro puggalā adhikaraṇaɱ ukkoṭento āpattiɱ āpajjanti.
Adhikaraṇanidānādayo
1. Vivādādhikaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ: anuvādādhikaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ: āpattādhikaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ: kiccādhikaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ:
Vivādādhikaraṇaɱ vivādanidānaɱ, vivādasamudayaɱ, vivādajātikaɱ, vivādappabhavaɱ, vivādasambhāraɱ, vivādasamuṭṭhānaɱ.
Anuvādādhikaraṇaɱ anuvādanidānaɱ, anuvādasamudayaɱ, anuvādajātikaɱ,
Anuvādappabhavaɱ, anuvādasambhāraɱ, anuvādasamuṭṭhānaɱ.
Āpattādhikaraṇaɱ āpattinidānaɱ, āpattisamudayaɱ, āpattijātikaɱ,
Āpattippabhavaɱ, āpattisambhāraɱ, āpattisamuṭṭhānaɱ.
Kiccādhikaraṇaɱ kiccanidānaɱ, kiccasamudayaɱ, kiccajātikaɱ, kiccappabhavaɱ,
Kiccasambhāraɱ, kiccasamuṭṭhānaɱ.
2. Vivādādhikaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ: anuvādādhikaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ: āpattādhikaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ: kiccādhikaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ:
[BJT Page 110]
Vivādādhikaraṇaɱ hetunidānaɱ, hetusamudayaɱ, hetujātikaɱ, hetuppabhavaɱ,
Hetusambhāraɱ, hetusamuṭṭhānaɱ: anuvādādhikaraṇaɱ hetunidānaɱ, hetusamudayaɱ, hetujātikaɱ, hetuppabhavaɱ, hetusambhāraɱ, hetusamuṭṭhānaɱ: āpattādhikaraṇaɱ hetunidānaɱ, hetusamudayaɱ, hetujātikaɱ, hetuppabhavaɱ, hetusambhāraɱ,
Hetusamuṭṭhānaɱ: kiccādhikaraṇaɱ hetunidānaɱ, hetusamudayaɱ,
Hetujātikaɱ, hetuppabhavaɱ, hetusambhāraɱ, hetusamuṭṭhānaɱ.
3. Vivādādhikaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ: anuvādādhikaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ: āpattādhikaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ: kiccādhikaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ:
Vivādādhikaraṇaɱ paccayanidānaɱ, paccayasamudayaɱ, paccayajātikaɱ, paccayappabhavaɱ,
Paccayasambhāraɱ, paccayasamuṭṭhānaɱ: anuvādādhikaraṇaɱ paccayanidānaɱ,
Paccayasamudayaɱ, paccayajātikaɱ, paccayappabhavaɱ, paccayasambhāraɱ,
Paccayasamuṭṭhānaɱ: āpattādhikaraṇaɱ paccayanidānaɱ, paccayasamudayaɱ, paccayajātikaɱ, paccayappabhavaɱ, paccayasambhāraɱ, paccayasamuṭṭhānaɱ: kiccādhikaraṇaɱ paccayanidānaɱ, paccayasamudayaɱ, paccayajātikaɱ, paccayappabhavaɱ, paccayasambhāraɱ, paccayasamuṭṭhānaɱ.
Adhikaraṇamūlādayo
1. Catunnaɱ adhikaraṇānaɱ kati mūlāni, kati samuṭṭhānā:
Catunnaɱ adhikaraṇānaɱ tettiɱsa mūlāni, tettiɱsa samuṭṭhānā.
2. Catunnaɱ adhikaraṇānaɱ katamāni tettiɱsa mūlāni:
Vivādādhikaraṇassa dvādasa mūlāni, anuvādādhikaraṇassa cuddasa mūlāni, āpattādhikaraṇassa cha mūlāni, kiccādhikaraṇassa ekaɱ mūlaɱ saṅgho. Catunnaɱ adhikaraṇānaɱ imāni tettiɱsa mūlāni.
[PTS Page 152 3.] Catunnaɱ adhikaraṇānaɱ katame tettiɱsa samuṭṭhānā:
Vivādādhikaraṇassa aṭṭhārasa bhedakaravatthūni samuṭṭhānā, anuvādādhikaraṇassa catasso vipattiyo samuṭṭhānā, āpattādhikaraṇassa satta āpattikkhandhā1 samuṭṭhānā, kiccādhikaraṇassa cattāri kammāni samuṭṭhānā. Catunnaɱ adhikaraṇānaɱ ime tettiɱsa samuṭṭhānā.
Adhikaraṇapaccayāpatti
1. Vivādādhikaraṇaɱ āpattānāpattīti: vivādādhikaraṇaɱ na āpatti.
Kiɱ pana vivādādhikaraṇapaccayā āpattiɱ āpajjeyyāti: āma, vivādādhikaraṇapaccayā āpattiɱ āpajjeyya.
1. Sattāpattikkhandhā - machasaɱ.
[BJT Page 112]
Vivādādhikaraṇapaccayā kati āpattiyo āpajjati: vivādādhikaraṇapaccayā dve āpattiyo āpajjati: upasampannaɱ omasati āpatti pācittiyassa, anupasampannaɱ omasati āpatti dukkaṭassa. Vivādādhikaraṇapaccayā imā dve āpattiyo āpajjati.
2. Tā āpattiyo catunnaɱ vipattīnaɱ kati vipattiyo bhajanti, catunnaɱ adhikaraṇānaɱ katamaɱ adhikaraṇaɱ, sattannaɱ āpattikkhandhānaɱ katīhi āpattikkhandhehi saṅgahītā, channaɱ āpattisamuṭṭhānānaɱ katīhi samuṭṭhānehi samuṭṭhahanti, katīhi adhikaraṇehi katīsu ṭhānesu katīhi samathehi sammanti:
Tā āpattiyo catunnaɱ vipattīnaɱ ekaɱ vipattiɱ bhajanti: ācāravipattiɱ catunnaɱ adhikaraṇānaɱ āpattādhikaraṇaɱ. Sattannaɱ āpattikkhandhānaɱ dvīhi āpattikkhandhehi saṅgahītā: siyā pācittiyā pattikkhandhena siyā dukkaṭāpattikkhandhena. Channaɱ āpattisamuṭṭhānānaɱ tīhi samuṭṭhānehi samuṭṭhahanti. Ekena adhikaraṇena kiccādhikaraṇena. Tīsu ṭhānesu: saṅghamajjhe gaṇamajjhe puggalassa santike. Tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
3. Anuvādādhikaraṇaɱ āpattānāpattīti: anuvādādhikaraṇaɱ na āpatti.
Kimpana anuvādādhikaraṇapaccayā āpattiɱ āpajjeyyāti: āma, anuvādādhikaraṇapaccayā āpattiɱ āpajjeyya.
Anuvādādhikaraṇapaccayā kati āpattiyo āpajjati: anuvādādhikaraṇapaccayā tisso āpattiyo āpajjati: bhikkhuɱ amūlakena pārājikena dhammena anuddhaɱseti āpatti saṅghādisesassa, amūlakena saṅghādisesena anuddhaɱseti āpatti pācittiyassa, amūlakāya ācāravipattiyā anuddhaɱseti āpatti dukkaṭassa. Anuvādādhikaraṇapaccayā imā tisso āpattiyo āpajjati.
4. Tā āpattiyo catunnaɱ vipattīnaɱ kati vipattiyo bhajanti, catunnaɱ adhikaraṇānaɱ katamaɱ adhikaraṇaɱ, sattannaɱ āpattikkhandhānaɱ katīhi āpattikkhandhehi saṅgahītā, channaɱ āpattisamuṭṭhānānaɱ katīhi samuṭṭhānehi samuṭṭhahanti, katīhi adhikaraṇehi katīsu ṭhānesu katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti:
Siyā sīlavipattiɱ, siyā ācāravipattiɱ. Catunnaɱ
Adhikaraṇānaɱ [page 153] āpattādhikaraṇaɱ. Sattannaɱ āpattikkhandhānaɱ tīhi āpattikkhandhehi saṅgahītā: siyā saṅghādisesāpattikkhandhena, siyā pācittiyāpattikkhandhena, siyā dukkaṭāpattikkhandhena. Channaɱ āpattisamuṭṭhānānaɱ tīhi samuṭṭhānehi samuṭṭhahanti. Yā tā āpattiyo garukā tā āpattiyo ekena adhikaraṇena, kiccādhikaraṇena.
[BJT Page 114]
Ekamhi ṭhāne saṅghamajjhe. Dvīhi samathehi sammanti: sammukhāvinayena ca, paṭiññātakaraṇe ca. Yā tā āpattiyo lahukā, tā āpattiyo ekena adhikaraṇena kiccādhikaraṇena. Tīsu ṭhānesu: saṅghamajjhe gaṇamajjhe puggalassa santike. Tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
5. Āpattādhikaraṇaɱ āpattānāpattīti: āpattādhikaraṇaɱ āpatti.
Kimpana āpattādhikaraṇapaccayā āpattiɱ āpajjeyyāti: āma, āpattādhikaraṇapaccayā āpattiɱ āpajjeyya.
Āpattādhikaraṇapaccayā kati āpattiyo āpajjati: āpattādhikaraṇapaccayā catasso āpattiyo āpajjati: bhikkhunī jānaɱ pārājikaɱ dhammaɱ1 paṭicchādeti āpatti pārājikassa, vematikā paṭicchādeti āpattithullaccayassa, bhikkhu saṅghādisesaɱ paṭicchādeti āpatti pācittiyassa, ācāravipattiɱ paṭicchādeti āpatti dukkaṭassa āpattādhikaraṇapaccayā ima catasso āpattiyo āpajjati.
6. Tā āpattiyo catunnaɱ vipattīnaɱ kati vipattiyo bhajanti, catunnaɱ adhikaraṇānaɱ katamaɱ adhikaraṇaɱ, sattannaɱ āpattikkhandhānaɱ katīhi āpattikkhandhehi saṅgahītā, channaɱ āpattisamuṭṭhānānaɱ katīhi samuṭṭhānehi samuṭṭhahanti, katīhi adhikaraṇehi katīsu ṭhānesu katīhi samathehi sammanti:
Tā āpattiyo catunnaɱ vipattīnaɱ dve vipattiyo bhajanti:
Siyā sīlavipattiɱ, siyā ācāravipattiɱ. Catunnaɱ
Adhikaraṇānaɱ āpattādhikaraṇaɱ. Sattannaɱ āpattikkhandhānaɱ catūhi āpattikkhandhehi saṅgahītā: siyā pārājikāpattikkhandhena, siyā thullaccayāpattikkhandhena,
Siyā pācittiyāpattikkhandhena siyā dukkaṭāpattikkhandhena. Channaɱ
Āpattisamuṭṭhānānaɱ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti. Yā sā āpatti anavasesā sā āpatti na katamena adhikaraṇena na katamamhi ṭhāne na katamena samathena sammati, yā tā āpattiyo. Lahukā tā āpattiyo ekena adhikaraṇena kiccādhikaraṇena. Tīsu
Ṭhānesu: saṅghamajjhe gaṇamajjhe puggalassa santike. Tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
7. Kiccādhikaraṇaɱ āpattānāpattīti: kiccādhikaraṇaɱ nāpatti.
Kimapana kiccādhikaraṇapaccayā āpattiɱ āpajjeyyāti: āma, kiccādhikaraṇapaccayā āpattiɱ āpajjeyya.
1. Pārājika dhammaɱ ajjhāpannaɱ - syā.
[BJT Page 116]
Kiccādhikaraṇapaccayā kati āpattiyo āpajjati: kiccādhikaraṇapaccayā pañca āpattiyo āpajjati: ukkhittānuvattikā bhikkhunī yāva tatiyaɱ samunubhāsanāya nappaṭinissajjati ñattiyā dukkaṭaɱ, dvīhi kammavācāhi thullavaccayā, kammavācāpariyosāne āpatti pārājikassa bhedakānuvattakā bhikkhū yāvatatiyaɱ samanubhāsanāya nappaṭinissajjanti āpatti saṅghādisesassa, pāpikāya diṭṭhiyā yāvatatiyaɱ samanubhāsanāya nappaṭinissajjanti āpatti pācittiyassa. Kiccādhikaraṇapaccayā imā pañca āpattiyo āpajjati.
8. Tā āpattiyo catunnaɱ vipattīnaɱ kati vipattiyo bhajanti, catunnaɱ adhikaraṇānaɱ katamaɱ adhikaraṇaɱ, sattannaɱ āpattikkhandhānaɱ katīhi āpattikkhandhehi saṅgahītā, channaɱ āpattisamuṭṭhānānaɱ katīhi samuṭṭhānehi samuṭṭhahanti, katīhi adhikaraṇehi katīsu ṭhānesu katīhi samathehi sammanti:
[page 154]
Tā āpattiyo catunnaɱ vipattīnaɱ dve vipattiyo bhajanti:
Siyā sīlavipattiɱ siyā ācāravipattiɱ. Catunnaɱ
Adhikaraṇānaɱ āpattādhikaraṇaɱ. Sattannaɱ āpattikkhandhānaɱ pañcahi āpattikkhandhehi saṅgahītā: siyā pārājikāpattikkhandhena, siyā saṅghādisesāpattikkhandhena, siyā thullaccayāpattikkhandhena, siyā pācittiyāpattikkhandhena siyā
Dukkaṭāpattikkhandhena. Channaɱ āpattisamuṭṭhānānaɱ ekena samuṭṭhānena samuṭṭhahanti: kāyato ca vācato ca cittato ca samuṭṭhahanti. Yā sā āpatti anavasesā, sā āpatti na katamena adhikaraṇena na katamamhi ṭhāne na katamena samathena sammati. Yā sā āpatti garukā, sā āpatti ekena adhikaraṇena kiccādhikaraṇena. Ekamhi ṭhāne saṅghamajjhe. Dvīhi samathehi sammati: sammukhāvinayena ca paṭiññātakaraṇena ca. Yā tā āpattiyo lahukā, tā āpattiyo ekena adhikaraṇena kiccādhikaraṇena. Tīsu
Ṭhānesu: saṅghamajjhe gaṇamajjhe puggalassa santike. Tīhi samathehi sammanti: siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena ca.
Adhikaraṇādhippāyo
1. Vivādādhikaraṇaɱ hoti anuvādādhikaraṇaɱ, hoti āpattādhikaraṇaɱ, hoti kiccādhikaraṇaɱ.
Vivādādhikaraṇaɱ na hoti anuvādādhikaraṇaɱ, na hoti āpattādhikaraṇaɱ, na hoti kiccādhikaraṇaɱ. Apica vivādādhikaraṇapaccayā hoti anuvādādhikaraṇaɱ, hoti āpattādhikaraṇaɱ, hoti kiccādhikaraṇaɱ. Yathā kathaɱ viya: idha bhikkhū vivadanti
Tattha katamo vivādo no adhikaraṇaɱ: idha bhikkhu vivadanti dhammoti vā adhammoti vā vinayoti vā avinayoti vā bhāsitaɱ lapitaɱ tathāgatenāti vā abhāsitaɱ alapitaɱ tathāgatenāti vā, āciṇṇaɱ tathāgatenāti vā anāciṇṇaɱ tathāgatenāti vā, paññattaɱ tathāgatenāti vā apaññattaɱ tathāgatenāti vā, āpattīti vā, anāpattīti vā, lahukāpattīti vā, garukāpattīti vā, sāvasesāpattīti vā anavasesāpattīti vā, duṭṭhullāpattīti vā, aduṭṭhullāpattīti vā, yaɱ tattha bhaṇḍanaɱ kalaho viggaho vivādo nānāvādo aññathāvādo vipaccayatāya vohāro medhagaɱ idaɱ vuccati vivādādhikaraṇaɱ, vivādādhikaraṇe saṅgho vivadati
[BJT Page 118]
Vivādādhikaraṇaɱ, vivadamāno anuvadati anuvādādhikaraṇaɱ, anuvadamāno āpattiɱ āpajjati āpattādhikaraṇaɱ, tāya āpattiyā saṅgho kammaɱ karoti kiccādhikaraṇaɱ. Evaɱ vivādādhikaraṇapaccayā hoti anuvādādhikaraṇaɱ, hoti āpattādhikaraṇaɱ, hoti kiccādhikaraṇaɱ.
2. Anuvādādhikaraṇaɱ hoti āpattādhikaraṇaɱ, hoti kiccādhikaraṇaɱ, hoti vivādādhikaraṇaɱ.
Anuvādādhikaraṇaɱ na hoti apattādhikaraṇaɱ, na hoti kiccādhikaraṇaɱ, na hoti vivādādhikaraṇaɱ. Api ca anuvādādhikaraṇapaccayā hoti āpattādhikaraṇaɱ, hoti kiccādhikaraṇaɱ, hoti vivādādhikaraṇaɱ, yathā kathaɱ viya: idha bhikkhū bhikkhuɱ anuvadanti sīlavipattiyā vā ācāravipattiyā vā diṭṭhivipattiyā vā ājīvavipattiyā vā, yo tattha anuvādo anuvādanā anullapanā anubhaṇanā anusampavaṅkatā abbhussahanatā anubalappadānaɱ, idaɱ vuccati anuvādādhikaraṇaɱ, anuvādādhikaraṇe saṅgho vivadati vivādādhikaraṇaɱ, vivadamāno anuvadati anuvādādhikaraṇaɱ, anuvadamāno āpattiɱ āpajjati āpattādhikaraṇaɱ, tāya āpattiyā saṅgho kammaɱ karoti kiccādhikaraṇaɱ. Evaɱ anuvādādhikaraṇapaccayā hoti āpattādhikaraṇaɱ, hoti kiccādhikaraṇaɱ, hoti vivādādhikaraṇaɱ.
3. Āpattādhikaraṇaɱ hoti kiccādhikaraṇaɱ. Hoti vivādādhikaraṇaɱ, hoti anuvādādhikaraṇaɱ.
Āpattādhikaraṇaɱ na hoti kiccādhikaraṇaɱ, na hoti vivādādhikaraṇaɱ, na hoti anuvādādhikaraṇaɱ. Api ca āpattādhikaraṇapaccayā hoti kiccādhikaraṇaɱ, hoti vivādādhikaraṇaɱ, hoti anuvādādhikaraṇaɱ. Yathā kathaɱ viya: pañcapi āpattikkhandhā āpattādhikaraṇaɱ, sattapi āpattikkhandhā āpattādhikaraṇaɱ, idaɱ vuccati āpattādhikaraṇaɱ, āpattādhikaraṇe saṅgho vivadati vivādādhikaraṇaɱ, vivadamāno anuvadati anuvādādhikaraṇaɱ, anuvadamāno āpattiɱ āpajjati āpattādhikaraṇa, tāya āpattiyā saṅgho kammaɱ karoti kiccādhikaraṇaɱ. Evaɱ āpattādhikaraṇapaccayā hoti kiccādhikaraṇaɱ, hoti vivādādhikaraṇaɱ, hoti anuvādādhikaraṇaɱ.
4. Kiccādhikaraṇaɱ hoti vivādādhikaraṇaɱ, hoti anuvādādhikaraṇaɱ, hoti āpattādhikaraṇaɱ:
Kiccādhikaraṇaɱ na hoti vivādādhikaraṇaɱ, na hoti anuvādādhikaraṇaɱ, na hoti āpattādhikaraṇaɱ. Api ca kiccādhikaraṇapaccayā hoti vivādādhikaraṇaɱ, hoti anuvādādhikaraṇaɱ, hoti āpattādhikaraṇaɱ, yathā kathaɱ viya: yā saṅghassa kiccayatā karaṇīyatā apalokanakammaɱ ñattikammaɱ ñattidutiyakammaɱ ñatticatutthakammaɱ. Idaɱ vuccati kiccādhikaraṇaɱ. Kiccādhikaraṇe saṅgho vivadati vivādādhikaraṇaɱ. Vivadamāno anuvadati anuvādādhikaraṇaɱ, anuvadamāne āpattiɱ āpajjati āpattādhikaraṇaɱ. Tāya āpattiyā saṅgho kammaɱ karoti kiccādhikaraṇaɱ. Evaɱ kiccādhikaraṇapaccayā hoti vivādādhiraṇaɱ, hoti anuvādādhikaraṇaɱ, hoti āpattādhikaraṇaɱ.
[BJT Page 120]
Pucchāvissajjanavāro
1. Yattha sativinayo tattha sammukhāvinayo, yattha sammukhāvinayo [page 155] tattha sativinayo, yattha amūḷhavinayo tattha sammukhāvinayo, yattha sammukhāvinayo tattha amūḷhavinayo, yattha paṭiññātakaraṇaɱ tattha sammukhāvinayo, yattha sammukhāvinayo tattha paṭiññātakaraṇaɱ, yattha yebhuyyasikā tattha sammukhāvinayo, yattha sammukhāvinayo tattha yebhuyyasikā, yattha tassapāpiyyasikā tattha sammukhāvinayo, yattha sammukhāvinayo tattha tassapāpiyyasikā, yattha tiṇavatthārako tattha sammukhāvinayo, yattha sammukhāvinayo tattha tiṇavatthārako.
2. Yasmiɱ samaye sammukhāvinayena ca sativinayena ca adhikaraṇaɱ vūpasammati, yattha sativinayo tattha sammukhāvinayo, yattha sammukhāvinayo tattha sativinayo. Na tattha, amūḷhavinayo, na tattha paṭiññātakaraṇaɱ, na tattha yebhuyyasikā, na tattha tassapāpiyyasikā, na tattha tiṇavatthārako.
3. Yasmiɱ samaye sammukhāvinayena ca amūḷhavinayena ca adhikaraṇaɱ vūpasammati, yattha amūḷhavinayo tattha sammukhāvinayo, yattha sammukhāvinayo tattha amūḷhavinayo. Sammukhāvinayena ca paṭiññātakaraṇena ca adhikaraṇaɱ vūpasammati, yattha
Paṭiññātakaraṇo tattha sammukhāvinayo, yattha sammukhāvinayo tattha paṭiññātakaraṇo. Sammukhāvinayena ca yebhuyyasikāya ca adhikaraṇaɱ vūpasammati, yattha
Yebhuyyāsikāyo tattha sammukhāvinayo, yattha sammukhāvinayo tattha yebhuyyasikāyo. Sammukhāvinayena ca tassapāpiyyasikāya ca adhikaraṇaɱ vūpasammati, yattha
Tassapāpiyyasikāyo tattha sammukhāvinayo, yattha sammukhāvinayo
Tattha tassapāpiyyasikāyo.
Sammukhāvinayena ca tiṇavatthārakena ca adhikaraṇaɱ vūpasammati, yattha
Tiṇavatthārako tattha sammukhāvinayo, yattha sammukhāvinayo tattha tiṇavatthārako. Na tattha sativinayo, na tattha amūḷhavinayo, na tattha paṭiññātakaraṇaɱ, na tattha yebhuyyasikā, na tattha tassapāpiyyasikā.
Saɱsaṭṭhavāro
1. Sammukhāvinayoti vā sativinayoti vā ime dhammā saɱsaṭṭhā udāhu visaɱsaṭṭhā: labbhā ca panimesaɱ dhammānaɱ vinibbhujitvā vinibbhujitvā nānākaraṇaɱ paññāpetuɱ: sammukhāvinayoti vā amūḷhavinayoti vā ime dhammā saɱsaṭṭhā udāhu visaɱsaṭṭhā, labbhā ca panimesaɱ dhammānaɱ vinibbhujitvā vinibbhujitvā nānākaraṇaɱ paññāpetuɱ.
Sammukhāvinayoti vā paṭiññātakaraṇanti vā ime dhammā saɱsaṭṭhā udāhu visaɱsaṭṭhā, labbhā ca panimesaɱ dhammānaɱ vinibbhujitvā vinibbhujitvā nānākaraṇaɱ paññāpetuɱ.
Sammukhāvinayoti vā yebhuyyasikāti vā ime dhammā saɱsaṭṭhā udāhu visaɱsaṭṭhā, labbhā ca panimesaɱ dhammānaɱ vinibbhujitvā vinibbhujitvā nānākaraṇaɱ paññāpetuɱ.
Sammukhāvinayoti vā tassapāpiyyasikāti vā ime dhammā saɱsaṭṭhā udāhu visaɱsaṭṭhā, labbhā ca panimesaɱ dhammānaɱ vinibbhujitvā vinibbhujitvā nānākaraṇaɱ paññāpetuɱ.
Sammukhāvinayoti vā tiṇavatthārakoti vā ime dhammā saɱsaṭṭhā udāhu visaɱsaṭṭhā, labbhā ca panimesaɱ dhammānaɱ vinibbhujitvā vinibbhujitvā nānākaraṇaɱ paññāpetuɱ.
2. Sammukhāvinayoti vā sativinayoti vā ime dhammā saɱsaṭṭhā, no visaɱsaṭṭhā. Na ca labbhā imesaɱ dhammānaɱ vinibbhujitvā vinibbhujitvā nānākaraṇaɱ paññāpetuɱ sammukhāvinayoti vā ime dhammā saɱsaṭṭhā, no visaɱsaṭṭhā. Na ca
Labbhā imesaɱ dhammānaɱ vinibbhujitvā vinibbhujitvā nānākaraṇaɱ paññāpetuɱ amūḷhavinayoti vā ime dhammā saɱsaṭṭhā, no visaɱsaṭṭhā. Na ca
Labbhā imesaɱ dhammānaɱ vinibbhujitvā vinibbhujitvā nānākaraṇaɱ paññāpetuɱ sammukhāvinayoti vā paṭiññātakaraṇanti vā ime dhammā saɱsaṭṭhā, no visaɱsaṭṭhā. Na ca labbhā imesaɱ dhammānaɱ vinibbhujitvā vinibbhujitvā nānākaraṇaɱ paññāpetuɱ sammukhāvinayoti vā yebhuyyasikāti vā ime dhammā saɱsaṭṭhā, no visaɱsaṭṭhā. Na ca labbhā imesaɱ dhammānaɱ vinibbhujitvā vinibbhujitvā nānākaraṇaɱ paññāpetuɱ sammukhāvinayoti vā tassapāpiyyasikāti vā ime dhammā saɱsaṭṭhā, no visaɱsaṭṭhā. Na ca labbhā imesaɱ dhammānaɱ vinibbhujitvā vinibbhujitvā nānākaraṇaɱ paññāpetuɱ sammukhāvinayoti vā tiṇavatthārakoti vā ime dhammā saɱsaṭṭhā, no visaɱsaṭṭhā. Na ca labbhā imesaɱ dhammānaɱ vinibbhujitvā vinibbhujitvā nānākaraṇaɱ paññāpetuɱ.
[BJT Page 122]
Samathanidānādayo
1. Sammukhāvinayo kiɱnidāno, kiɱsamudayo, kiɱjātiko, kiɱpabhavo, kiɱsambhāro, kiɱsamuṭṭhāno:
Sativinayo kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Amūḷhavinayo kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Paṭiññātakaraṇaɱ kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Yebhuyyasikā kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Tassapāpiyyasikā kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Tiṇavatthārako kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Sammukhāvinayo nidānanidāno, nidānasamudayo, nidānajātiko, nidānapabhavo, nidānasambhāro, nidānasamuṭṭhāno.
Sativinayo nidānanidāno, nidānasamudayo, nidānajātiko, nidānapabhavo, nidānasambhāro, nidānasamuṭṭhāno.
Amūḷhavinayo nidānanidāno, nidānasamudayo, nidānajātiko, nidānapabhavo, nidānasambhāro, nidānasamuṭṭhāno.
Paṭiññātakaraṇaɱ nidānanidānaɱ, nidānasamudayaɱ, nidānajātikaɱ, nidānapabhavaɱ, nidānasambhāraɱ, nidānasamuṭṭhānaɱ.
Yebhuyyasikā nidānanidānā, nidānasamudayā, nidānajātikā, nidānapabhavā,
Nidānasambhārā, nidānasamuṭṭhānā.
Tassapāpiyyasikā nidānanidānā, nidānasamudayā, nidānajātikā, nidānapabhavā, nidānasambhārā, nidānasamuṭṭhānā.
Tiṇavatthārako nidānanidāno, nidānasamudayo, nidānajātiko, nidānapabhavo, nidānasambhāro, nidānasamuṭṭhāno.
[page 156]
2. Sammukhāvinayo kiɱnidāno, kiɱsamudayo, kiɱjātiko, kiɱpabhavo, kiɱsambhāro, kiɱsamuṭṭhāno:
Sativinayo kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Amūḷhavinayo kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Paṭiññātakaraṇaɱ kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Yebhuyyasikā kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Tassapāpiyyasikā kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Tiṇavatthārako kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Sammukhāvinayo hetunidāno, hetusamudayo, hetujātiko, hetupabhavo, hetusambhāro, hetusamuṭṭhāno.
Sativinayo hetunidāno, hetusamudayo, hetujātiko, hetupabhavo,
Hetusambhāro, hetusamuṭṭhāno.
Amūḷhavinayo hetunidāno, hetusamudayo, hetujātiko, hetupabhavo,
Hetusambhāro, hetusamuṭṭhāno.
Paṭiññātakaraṇaɱ hetunidānaɱ, hetusamudayaɱ, hetujātikaɱ, hetupabhavaɱ,
Hetusambhāraɱ, hetusamuṭṭhānaɱ.
Yebhuyyasikā hetunidānā, hetusamudayā, hetujātikā, hetupabhavā,
Hetusambhārā, hetusamuṭṭhānā.
Tassapāpiyyasikā hetunidānā, hetusamudayā, hetujātikā, hetupabhavā,
Hetusambhārā, hetusamuṭṭhānā.
Tiṇavatthārako hetunidāno, hetusamudayo, hetujātiko, hetupabhavo, hetusambhāro, hetusamuṭṭhāno.
3. Sammukhāvinayo kiɱnidāno, kiɱsamudayo, kiɱjātiko, kiɱpabhavo, kiɱsambhāro, kiɱsamuṭṭhāno:
Sativinayo kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Amūḷhavinayo kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Paṭiññātakaraṇaɱ kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Yebhuyyasikā kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Tassapāpiyyasikā kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
Tiṇavatthārako kiɱnidāno, kiɱsamudayo, kiɱjātiko, kiɱpabhavo,
Kiɱsambhāro, kiɱsamuṭṭhāno:
[BJT Page 124]
Sammukhāvinayo paccayanidāno, paccayasamudayo, paccayajātiko,
Paccayapabhavo, paccayasambhāro, paccayasamuṭṭhāno.
Sativinayo paccayanidāno, paccayasamudayo, paccayajātiko,
Paccayapabhavo, paccayasambhāro, paccayasamuṭṭhāno.
Amūḷhavinayo paccayanidāno, paccayasamudayo, paccayajātiko,
Paccayapabhavo, paccayasambhāro, paccayasamuṭṭhāno.
Paṭiññātakaraṇaɱ paccayanidānaɱ, paccayasamudayaɱ, paccayajātikaɱ, paccayapabhavaɱ, paccayasambhāraɱ, paccayasamuṭṭhānaɱ.
Yebhuyyasikā paccayanidānā, paccayasamudayā, paccayajātikā, paccayapabhavā,
Paccayasambhārā, paccayasamuṭṭhānā.
Tassapāpiyyasikā paccayanidānā, paccayasamudayā, paccayajātikā, paccayapabhavā, paccayasambhārā, paccayasamuṭṭhānā.
Tiṇavatthārako paccayanidāno, paccayasamudayo, paccayajātiko, paccayapabhavo, paccayasambhāro, paccayasamuṭṭhāno.
4. Sattannaɱ samathānaɱ kati mūlāni, kati samuṭṭhānā: sattannaɱ samathānaɱ chabbīsa mūlāni, chattiɱsa samuṭṭhānā.
Sattannaɱ samathānaɱ katamāni chabbīsa mūlāni: sammukhāvinayassa cattāri mūlāni: saṅghasammukhatā, dhammasammukhatā, vinayasammukhatā, puggalasammukhatā.
Sativinayassa cattāri mūlāni:
Saṅghasammukhatā, dhammasammukhatā, vinayasammukhatā, puggalasammukhatā.
Amūḷhavinayassa cattāri mūlāni:
Saṅghasammukhatā, dhammasammukhatā, vinayasammukhatā, puggalasammukhatā.
Paṭiññātakaraṇassa dve mūlāni: yo ce deseti, yassa ca deseti. Yebhuyyasikāya cattāri mūlāni: saṅghasammukhatā, dhammasammukhatā, vinayasammukhatā, puggalasammukhatā.
Tiṇavatthārakassa cattāri mūlāni:
Saṅghasammukhatā, dhammasammukhatā, vinayasammukhatā, puggalasammukhatā. Sattannaɱ samathānaɱ imāni jabbīsa mūlāni.
Sattannaɱ samathānaɱ katame chattiɱsa samuṭṭhānā: sativinayassa kammassa kiriyā, karaṇaɱ, upagamanaɱ, ajjhupagamanaɱ, adhivāsanā, apaṭikkosanā.
Amūḷhavinayassa kammassa kiriyā, karaṇaɱ,
Upagamanaɱ, ajjhupagamanaɱ, adhivāsanā, apaṭikkosanā.
Paṭiññātakaraṇassa kammassa kiriyā, karaṇaɱ,
Upagamanaɱ, ajjhupagamanaɱ, adhivāsanā, apaṭikkosanā.
Yebhuyyasikāya kammassa kiriyā, karaṇaɱ,
Upagamanaɱ, ajjhupagamanaɱ, adhivāsanā, apaṭikkosanā.
Tassa pāpiyyasikāya kammassa kiriyā, karaṇaɱ,
Upagamanaɱ, ajjhupagamanaɱ, adhivāsanā, apaṭikkosanā.
Tiṇavatthārakassa kammassa kiriyā, karaṇaɱ,
Upagamanaɱ, ajjhupagamanaɱ, adhivāsanā, apaṭikkosanā. Sattannaɱ samathānaɱ ime chattiɱsa samuṭṭhānā.
Samatha nānatthādayo
1. Sammukhāvinayoti vā sativinayoti vā ime dhammā nānatthā nānābyañjanā, udāhu byañjanameva nānaɱ:
Sammukhāvinayoti vā amūḷhavinayoti vā ime dhammā nānatthā nānābyañjanā,
Udāhu byañjanameva nānaɱ:
Sammukhāvinayoti vā paṭiññātakaraṇanti vā ime dhammā nānatthā nānābyañjanā, udāhu byañjanameva nānaɱ:
Sammukhāvinayoti vā yebhuyyasikāti vā ime dhammā nānatthā nānābyañjanā, udāhu byañjanameva nānaɱ:
Sammukhāvinayoti vā tassapāpiyyasikāti vā ime dhammā nānatthā nānābyañjanā, udāhu byañjanameva nānaɱ:
Sammukhāvinayoti vā tiṇavatthārakoti vā ime dhammā nānatthā nānābyañjanā, udāhu byañjanameva nānaɱ:
Sammukhāvinayoti vā sativinayoti vā ime dhammā nānatthā ceva nānābyañjanā ca. Sammukhāvinayoti vā amūḷhavinayoti vā ime dhammā nānatthā ceva nānābyañjanā ca. Sammukhāvinayoti vā paṭiññātakaraṇanti vā ime dhammā nānatthā ceva nānābyañjanā ca. Sammukhāvinayoti vā yebhuyyasikāti vā ime dhammā nānatthā ceva nānābyañjanā ca. Sammukhāvinayoti vā tassapāpiyyasikāti vā ime dhammā nānatthā ceva nānābyañjanā ca. Sammukhāvinayoti vā tiṇavatthārakoti vā ime dhammā nānatthā ceva nānābyañjanā ca.
[BJT Page 126]
[page 157]
2. Vivādo vivādādhikaraṇaɱ, vivādo no adhikaraṇa, adhikaraṇaɱ no vivādo, adhikaraṇaɱceva vivādo ca.
Siyā vivādo vivādādhikaraṇaɱ, siyā vivādo no adhikaraṇaɱ, siyā adhikaraṇaɱ no vivādo, siyā adhikaraṇaɱceva vivādo ca.
Tattha katamo vivādo adhikaraṇaɱ: idha bhikkhu vivadanti dhammoti vā adhammoti vā vinayoti vā avinayoti vā bhāsitaɱ lapitaɱ tathāgatenāti vā abhāsitaɱ alapitaɱ tathāgatenāti vā, āciṇṇaɱ tathāgatenāti vā anāciṇṇaɱ tathāgatenāti vā, paññattaɱ tathāgatenāti vā apaññattaɱ tathāgatenāti vā, āpattīti vā, anāpattīti vā, lahukāpattīti vā, garukāpattīti vā, sāvasesāpattīti vā anavasesāpattīti vā, duṭṭhullāpattīti vā, aduṭṭhullāpattīti vā, yaɱ tattha bhaṇḍanaɱ kalaho viggaho vivādo nānāvādo aññathāvādo vipaccayatā vohāro medhagaɱ, ayaɱ vivādo vivādādhikaraṇaɱ.
Tattha katamo vivādo no adhikaraṇaɱ: mātāpi puttena vivadati, puttopi mātarā vivadati, pitāpi puttena vivadati, puttopi pitarā vivadati, bhātāpi bhātarā vivadati, bhātāpi bhaginiyā vivadati, bhaginīpi bhātarā vivadati, sahāyopi sahāyena vivadati, ayaɱ vivādo no adhikaraṇaɱ.
Tattha katamaɱ adhikaraṇaɱ no vivādo: anuvādādhikaraṇaɱ āpattādhikaraṇaɱ kiccādhikaraṇaɱ, idaɱ adhikaraṇaɱ no vivādo.
Tattha katamaɱ adhikaraṇaɱ ceva vivādo ca: vivādādhikaraṇaɱ adhikaraṇañceva vivādo ca.
3. Anuvādo anuvādādhikaraṇaɱ, anuvādo no adhikaraṇaɱ, adhikaraṇaɱ no anuvādo, adhikaraṇañceva anuvādo ca.
Siyā anuvādo anuvādādhikaraṇaɱ, siyā anuvādo no adhikaraṇaɱ, siyā adhikaraṇaɱ no anuvādo, siyā adhikaraṇañceva anuvādo ca.
Tattha katamo anuvādo anuvādādhikaraṇaɱ: idha bhikkhū bhikkhuɱ anuvadanti sīlavipattiyā vā ācāravipattiyā vā diṭṭhivipattiyā vā ājīvavipattiyā vā, yo tattha anuvādo anuvadanā anullapanā anubhaṇanā anusampavaṅkatā abbhussahanatā anubalappadānaɱ, ayaɱ anuvādo anuvādādhikaraṇaɱ.
Tattha katamo anuvādo no adhikaraṇaɱ: mātāpi puttaɱ anuvadati, puttopi mātaraɱ anuvadati, pitāpi puttaɱ anuvadati, puttopi pitaraɱ anuvadati, bhātāpi bhātaraɱ anuvadati, bhātāpi bhaginiɱ anuvadati, bhaginipi bhātaraɱ anuvadati, sahāyopi sahāyaɱ anuvadati, ayaɱ anuvādo no adhikaraṇaɱ.
Tattha katamaɱ adhikaraṇaɱ no anuvādo: āpattādhikaraṇaɱ kiccādhikaraṇaɱ vivādādhikaraṇaɱ, idaɱ adhikaraṇaɱ no anuvādo.
Tattha katamaɱ adhikaraṇañceva anuvādo ca: anuvādādhikaraṇaɱ adhikaraṇañceva anuvādo ca.
4. Āpatti āpattādhikaraṇaɱ. Āpatti no adhikaraṇaɱ. Adhikaraṇaɱ no āpatti adhikaraṇañceva āpatti ca.
[BJT Page 128]
Siyā āpatti āpattādhikaraṇaɱ, siyā āpatti no adhikaraṇaɱ, siyā adhikaraṇaɱ no āpatti, siyā adhikaraṇañceva āpatti ca.
Tattha katamā āpatti āpattādhikaraṇaɱ: pañcapi āpattikkhandhā āpattādhikaraṇaɱ, sattapi āpattikkhandhā āpattādhikaraṇaɱ. Ayaɱ āpatti āpattādhikaraṇaɱ.
Tattha katamā āpatti no adhikaraṇaɱ: sotāpatti samāpatti, ayaɱ āpatti no adhikaraṇaɱ.
Tattha katamaɱ adhikaraṇaɱ no āpatti: kiccādhikaraṇaɱ, vivādādhikaraṇaɱ, anuvādādhikaraṇaɱ, idaɱ adhikaraṇaɱ no āpatti.
Tattha katamaɱ adhikaraṇañceva āpatti ca: āpattādhikaraṇaɱ adhikaraṇañceva āpatti ca.
5. Kiccaɱ kiccādhikaraṇaɱ, kiccaɱ no adhikaraṇaɱ, adhikaraṇaɱ no kiccaɱ, adhikaraṇañceva kiccañca:
Siyā kiccaɱ kiccādhikaraṇaɱ, siyā kiccaɱ no adhikaraṇaɱ, siyā adhikaraṇaɱ no kiccaɱ, siyā adhikaraṇañceva kiccañca.
Tattha katamaɱ kiccaɱ kiccādhikaraṇaɱ: yaɱ saṅghassa kiccayatā karaṇīyatā apalokanakammaɱ ñattikammaɱ ñattidutiyakammaɱ ñatticatutthakammaɱ, idaɱ kiccaɱ kiccādhikaraṇaɱ.
Tattha katamaɱ kiccaɱ no adhikaraṇaɱ: ācariyakiccaɱ upajjhāyakiccaɱ1 samānupajjhāyakiccaɱ samānācariyakiccaɱ, idaɱ kiccaɱ no adhikaraṇaɱ.
Tattha katamaɱ adhikaraṇaɱ no kiccaɱ: vivādādhikaraṇaɱ anuvādādhikaraṇaɱ āpattādhikaraṇaɱ, idaɱ adhikaraṇaɱ no kiccaɱ.
Tattha katamaɱ adhikaraṇañceva kiccañca: kiccādhikaraṇaɱ adhikaraṇañceva kiccaɱ cāti.
Adhikaraṇabhedo niṭṭhito.
Tassuddānaɱ:
1. Adhikaraṇaɱ ukkoṭā ākārā puggalena ca,
Nidāna hetu paccayā mūlaɱ samuṭṭhānena ca.
Āpatti hoti yattha ca saɱsaṭṭhā nidānappabhavā, 2
2. Hetuppaccayamūlāni samuṭṭhānena byañjanaɱ:
Vivādo adhikaraṇanti bhedādhikaraṇe idanti.
1. Upajjhāyakiccaɱ sakiccaɱ - sīmu. 1, 2.
2. Saɱsaṭṭhanidānena ca - machasaɱ.
[BJT Page 130]
[page 158]
Aparagāthāsaṅgaṇikaɱ
1. Codanā kimatthāya sāraṇā kissa kāraṇā.
Saṅgho kimatthāya matikammaɱ pana kissa kāraṇā:
2. Codanā sāraṇatthāya niggahatthāya sāraṇā,
Saṅgho pariggahatthāya matikammaɱ pana pāṭiyekkaɱ.
3. Mā kho turito abhaṇi mā kho caṇḍikkato bhaṇī,
Mā kho paṭighaɱ janayi sace anuvijjako tuvaɱ.
4. Mā kho sahasā abhaṇi kathaɱ viggāhikaɱ anatthasaɱhitaɱ,
Sutte vinaye anulome paññatte anulomike.
5. Anuyogavattaɱ nisāmaya kusalena buddhimatā kataɱ,
Suvuttaɱ sikkhāpadānulomikaɱ gatiɱ na nāsento samparāyikaɱ.
6. Hitesī anuyuñjassu kālenatthū pasaɱhitaɱ,
Cuditassa ca codakassa ca sahasā vohāraɱ mā padhārehi1
7. Codako āha āpannoti cuditako āha anāpannoti
Ubho anukkhipanno paṭiññānusandhitena kāraye.
8. Paṭiññā lajjisu katā alajjisu evaɱ na vijjati,
Bahumpi alajji bhāseyya vattānusandhitena2 kāraye.
9. Alajjī kīdiso hoti paṭiññā yassa na rūhati,
Evañca3 tāhaɱ pucchāmi kīdiso vuccati alajji puggalo:
10. Saɱcicca āpattiɱ āpajjati āpattiɱ parigūhati,
Agatigamanañca gacchati ediso vuccati alajji puggalo.
11. Saccaɱ ahampi jānāmi ediso vuccati alajjī puggalo,
Aññañca tāhaɱ pucchāmi kīdiso vuccati lajji puggalo:
12. Saɱvicca āpattiɱ nāpajjati āpattiɱ na parigūhati,
Agatigamanaɱ na gacchati ediso vuccati lajji puggalo.
13. Saccaɱ ahampi jānāmi ediso vuccati lajji puggalo,
Aññañca tāhaɱ pucchāmi kīdiso vuccati adhammacodako:
1. Padhāresi - machasaɱ.
2. Vuttānusandhitena - sīmu.
3. Etañca - machasaɱ.
[BJT Page 132]
[page 159]
14. Akālena codeti abhutena pharusena anatthasaɱhitena,
Dosantaro codeti no mettacitto1 ediso vuccati adhammacodako.
15. Saccaɱ ahampi jānāmi ediso vuccati adhammacodako,
Aññañca tāhaɱ pucchāmi kīdiso vuccati dhammacodako:
16. Kālena codeti bhūtena saṇhena atthasaɱhitena,
Mettacitto codeti no dosantaro ediso vuccati dhammacodako.
17. Saccaɱ ahampi jānāmi ediso vuccati dhammacodako,
Aññañca tāhaɱ pucchāmi kīdiso vuccati bālacodako:
19. Pubbāparaɱ na jānāti pubbāparassa akovido,
Anusandhivacanapathaɱ na jānāti anusandhivacanapathassa akovido
Ediso vuccati bālacodako.
19. Saccaɱ ahampi jānāmi ediso vuccati bālacodako,
Aññañca tāhaɱ pucchāmi kīdiso vuccati paṇḍitacodako:
20. Pubbāparaɱ vijānāti2 pubbāparassa kovido,
Anusandhivacanapathaɱ jānāti anusandhivacanapathassa kovido:
Ediso vuccati paṇḍitacodako.
21. Saccaɱ ahampi jānāmi ediso vuccati paṇḍitacodako,
Aññañca tāhaɱ pucchāmi codanā kinti vuccati:
22. Sīlavipattiyā codeti atho ācāradiṭṭhiyā,
Ājīvenapi codeti codanā tena vuccati.
Aparagāthāsaṅgaṇikaɱ niṭṭhitaɱ
1. Mettācitto - machasaɱ
2. Pubbāparampijānāti - machasaɱ.
[BJT Page 134]
[page 160]
Codanākaṇḍo
Anuvijjakassa anuyogo
1. Anuvijjakena codako pucchitabbo ''yaɱ kho tvā āvuso imaɱ bhikkhuɱ codesi, kimhi naɱ codesi, sīlavipattiyā codesi, ācāravipattiyā codesi, diṭṭhivipattiyā codesī''ti.
2. So ce evaɱ vadeyya: ''sīlavipattiyā vā codemi. Ācāravipattiyā vā codemi. Diṭṭhivipattiyā vā codemī''ti so evamassa vacanīyo: ''jānāsi panāyasmā sīlavipattiɱ, jānāsi ācāravipattiɱ, jānāsi diṭṭhivipatti''nti.
3. So ce evaɱ vadeyya: ''jānāmi kho ahaɱ āvuso sīlavipattiɱ, jānāmi ācāravipattiɱ. Jānāmi diṭṭhivipatti''nti. So evamassa vacanīyo: ''katamā panāvuso sīlavipatti, katamā ācāravipatti, katamā diṭṭhivipattī''ti.
4. So ce evaɱ vadeyya: ''cattāri pārājikāni terasa saṅghādisesā, ayaɱ sīlavipatti. Thullaccayaɱ pācittiyaɱ pāṭidesanīyaɱ dukkaṭaɱ dubbhāsitaɱ, ayaɱ ācāravipatti. Micchādiṭṭhi antaggāhikā diṭṭhi, ayaɱ diṭṭhivipattī''ti. So evamassa vacanīyo: ''yaɱ kho tvaɱ āvuso imaɱ bhikkhuɱ codesi, diṭṭhena codesi, sutena codesi, parisaṅkāya codesī''ti.
5. So ce evaɱ vadeyya: ''diṭṭhena vā codemi, sutena vā codemi, parisaṅkāya vā codemī''ti. So evamassa vacanīyo: ''yaɱ kho tvaɱ āvuso imaɱ bhikkhuɱ codesi, diṭṭhena codesi, kinte diṭṭhaɱ, kinti te diṭṭhaɱ, kadā te diṭṭhaɱ, kattha te diṭṭhaɱ, pārājikaɱ ajjhāpajjanto diṭṭho.
Saṅghādisesaɱ ajjhāpajjanto diṭṭho. Thullavaccayaɱ ajjhāpajjanto diṭṭho.
Pācittiyaɱ ajjhāpajjanto diṭṭho. Pāṭidesanīyaɱ ajjhāpajjanno diṭṭho.
Dukkaṭaɱ ajjhāpajjanto diṭṭho. Dubbhāsitaɱ ajjhāpajjanto diṭṭho. Kattha ca tvaɱ ahosi, kattha cāyaɱ bhikkhu ahosi, kiñca tvaɱ karosi, kiñcāyaɱ bhikkhu karotī''ti
6. So ce evaɱ vadeyya: ''na kho ahaɱ āvuso imaɱ bhikkhuɱ diṭṭhena codemi, api ca sutena codemī''ti. So evamassa vacanīyo: ''yaɱ kho tvaɱ āvuso imaɱ bhikkhuɱ sutena codesi, kinte sutaɱ, kinti te sutaɱ, kadā te sutaɱ, kattha te sutaɱ, pārājikaɱ ajjhāpannoti sutaɱ,
Saṅghādisesaɱ ajjhāpannoti sutaɱ, thullavaccayaɱ ajjhāpannoti sutaɱ,
Pācittiyaɱ ajjhāpannoti sutaɱ, pāṭidesanīyaɱ ajjhāpannoti sutaɱ,
Dukkaṭaɱ ajjhāpannoti sutaɱ, dubbhāsitaɱ ajjhāpannoti sutaɱ, bhikkhussa sutaɱ, bhikkhuniyā sutaɱ, sikkhamānāya sutaɱ, sāmaṇerassa sutaɱ, sāmaṇeriyā sutaɱ, upāsakassa sutaɱ, upāsikāya sutaɱ: rājūnaɱ sutaɱ, rājamahāmattānaɱ sutaɱ, titthiyānaɱ sutaɱ, titthiya sāvakānaɱ suta''nti.
[BJT Page 136]
7. So ce evaɱ vadeyya: ''na kho ahaɱ āvuso imaɱ bhikkhuɱ sutena codemi, api ca parisaṅkāya codemī''ti so evamassa vacanīyo: yaɱ kho tvaɱ āvuso imaɱ bhikkhuɱ parisaṅkāya codesi, kiɱ parisaṅkasi, kinti parisaṅkasi, kadā parisaṅkasi, kattha parisaṅkasi, pārājikaɱ ajjhāpannoti parisaṅkasi,
Saṅghādisesaɱ ajjhāpannoti parisaṅkasi, thullavaccayaɱ ajjhāpannoti parisaṅkasi,
Pācittiyaɱ ajjhāpannoti parisaṅkasi, pāṭidesanīyaɱ ajjhāpannoti parisaṅkasi,
Dukkaṭaɱ ajjhāpannoti parisaṅkasi, dubbhāsitaɱ ajjhāpannoti parisaṅkasi,
Bhikkhussa sutvā parisaṅkasi,
Bhikkhuniyā sutvā parisaṅkasi, sikkhamānāya sutvā parisaṅkasi,
Sāmaṇerassa sutvā parisaṅkasi, sāmaṇeriyā sutvā parisaṅkasi,
Upāsakassa sutvā parisaṅkasi, upāsikāya sutvā parisaṅkasi,
Rājūnaɱ sutvā parisaṅkasi, rājamahāmattānaɱ sutvā parisaṅkasi,
Titthiyānaɱ sutvā parisaṅkasi, titthiyāsāvakānaɱ sutvā parisaṅkasī''ti.
8. Diṭṭhaɱ diṭṭhena sameti diṭṭhena saɱsandate diṭṭhaɱ,
Diṭṭhaɱ paṭicca na upeti asuddhaparisaṅkito:
So puggalo paṭiññāya kāretabbo tenuposatho.
9. Sutaɱ sutena sameti sutena saɱsandate sutaɱ,
Sutaɱ paṭicca na upeti asuddhaparisaṅkito:
So puggalo paṭiññāya kāretabbo tenuposatho.
10. Mutaɱ mūtena sameti mutena saɱsandate mutaɱ,
Mutaɱ paṭicca na upeti asuddhaparisaṅkito:
So puggalo paṭiññāya kāretabbo tenuposathoti.
11. Codanāya ko ādi, kiɱ majjhe, kiɱ pariyosānaɱ: codanāya okāsakammaɱ ādi, kiriyā majjhe, samatho pariyosānaɱ.
12. Codanāya kati mūlāni, kati vatthūni, kati bhūmiyo katihākārehi codeti: codanāya dve mūlāni, tīṇi vatthūni, pañca bhumiyo, dvīhākārehi codeti.
13. Codanāya katamāni dve mūlāni: samūlikā vā amūlikā vā, codanāya imāni dve mūlāni.
14. Codanāya katamāni tīṇi vatthūni: diṭṭhena sutena parisaṅkāya, codanāya imāni tīṇi vatthūni.
[page 161]
15. Codanāya katamā pañca bhūmiyo: kālena vakkhāmi no akālena, bhūtena vakkhāmi no abhūtena, saṇhena vakkhāmi no pharusena, atthasaɱhitena vakkhāmi no anatthasaɱhitena, mettacitto vakkhāmi no dosāntaroti, codanāya imā pañca bhūmiyo.
16. Katamehi dvīhākārehi codeti: kāyena vā codeti, vācāya vā codeti. Imehi dvīhākārehi codeti.
[BJT Page 138]
Codakādipaṭipatti
1. Codakena kathaɱ paṭipajjitabbaɱ, cuditakena kathaɱ paṭipajjitabbaɱ, saṅghena kathaɱ paṭipajjitabbaɱ, anuvijjakena kathaɱ paṭipajjitabbaɱ:
Codakena kathaɱ paṭipajjitabbanti, codakena pañcasu dhammesu patiṭṭhāya paro codetabbo: kālena vakkhāmi no akālena, bhūtena vakkhāmi no abhūtena, saṇhena vakkhāmi no pharusena, atthasaɱhitena vakkhāmi, no anatthasaɱhitena, mettacitto vakkhāmi no dosantaroti. Codakena evaɱ paṭipajjitabbaɱ.
Cuditakena kathaɱ paṭipajjitabbanti cuditakena dvīsu dhammesu paṭipajjitabbaɱ: sacce va, akuppe ca, cuditakena evaɱ paṭipajjitabbaɱ.
Saṅghena kathaɱ paṭipajjitabbanti saṅghena otiṇṇānotiṇṇaɱ jānitabbaɱ saṅghena evaɱ paṭipajjitabbaɱ.
Anuvijjakena kathaɱ paṭipajjitabbanti anuvijjakena yena dhammena yena vinayena yena satthusāsanena taɱ adhikaraṇaɱ vūpasammati, tathā taɱ adhikaraṇaɱ vūpasametabbaɱ. Anuvijjakena evaɱ paṭipajjitabbaɱ.
2. Uposatho kimatthāya pavāraṇā kissa kāraṇā,
Parivāso kimatthāya mūlāya paṭikassanā kissa kāraṇā,
Mānattaɱ kimatthāya abbhānaɱ kissa kāraṇā.
3. Uposatho sāmaggatthāya visuddhatthāya pavāraṇā,
Parivāso mānattatthāya mūlāya paṭikassanā niggahatthāya:
Mānattaɱ abbhānatthāya visuddhatthāya abbhānaɱ.
4. Chandā dosā bhayā mohā there ca paribhāsati,
Kāyassa bhedā duppañño khato upahatindriyo:
Nirayaɱ gacchati dummedho na ca sikkhāya gāravo.
5. Na cāmisaɱ hi nissāya na ca nissāya puggalaɱ,
Ubho ete vivajjetvā yathā dhammo tathā kare,
Codakassa attajjhāpanaɱ
1. Kodhano upanāhī ca,
Caṇḍo ca paribhāsako,
Anāpattiyā āpattīti ropeti:
Tādiso codako jhāpeti attānaɱ.
[BJT Page 140]
[page 162]
2. Upakaṇṇakaɱ jappati jimhaɱ pekkhati
Vītiharati kummaggaɱ paṭisevati,
Anāpattiyā āpattīti ropeti,
Tādiso codako jhāpeti attānaɱ.
3. Akālena codeti abhutena
Pharusena anatthasaɱhitena,
Dosāntaro codeti no mettacitto
Anāpattiyā āpattīti ropeti,
Tādiso codako jhāpeti attānaɱ.
4. Dhammādhammaɱ na jānāti
Dhammādhammassa akovido,
Anāpattiyā āpattīti ropeti:
Tādiso codako jhāpeti attānaɱ.
5. Vinayāvinayaɱ na jānāti
Vinayāvinayassa akovido,
Anāpattiyā āpattīti ropeti:
Tādiso codako jhāpeti attānaɱ.
6. Bhāsitābhāsitaɱ na jānāti
Bhāsitābhāsitassa akovido,
Anāpattiyā āpattīti ropeti:
Tādiso codako jhāpeti attānaɱ.
7. Āciṇṇānāciṇṇaɱ na jānāti
Āciṇṇānāciṇṇassa akovido,
Anāpattiyā āpattīti ropeti:
Tādiso codako jhāpeti attānaɱ.
8. Paññattāpaññattaɱ na jānāti
Paññattāpaññattassa akovido,
Anāpattiyā āpattīti ropeti:
Tādiso codako jhāpeti attānaɱ.
9. Āpattānāpattiɱ na jānāti
Āpattiyānāpattiyā akovido,
Anāpattiyā āpattīti ropeti:
Tādiso codako jhāpeti attānaɱ.
10. Lahukagarukaɱ na jānāti
Lahukagarukassa akovido,
Anāpattiyā āpattīti ropeti:
Tādiso codako jhāpeti attānaɱ.
11. Sāvasesānavasesaɱ na jānāti
Sāvasesānavasesassa akovido,
Anāpattiyā āpattīti ropeti:
Tādiso codako jhāpeti attānaɱ.
[BJT Page 142]
12. Duṭṭhullāduṭṭhullaɱ na jānāti
Duṭṭhullāduṭṭhullassa akovido,
Anāpattiyā āpattīti ropeti:
Tādiso codako jhāpeti attānaɱ.
13. Pubbānaparaɱ na jānāti
Pubbānaparassa akovido,
Anāpattiyā āpattīti ropeti:
Tādiso codako jhāpeti attānaɱ.
14. Anusandhivacanapathaɱ na jānāti
Anusandhipacanapathassa akovido,
Anāpattiyā āpattīti ropeti:
Tādiso codako jhāpeti attānanti.
Codanākaṇḍo niṭṭhito.
Tassuddānaɱ:
1. Codanā anuvijjā ca ādimūlenuposatho,
Gati codanākaṇḍamhi sāsanassa patiṭṭhāyanti1
1. Patiṭṭhāpayanti - machasaɱ.
[BJT Page 144]
[page 163]
Cūḷasaṅgāmo
Anuvijjakassapaṭipatti
1. Saṅgāmāvacarena bhikkhunā saṅghaɱ upasaṅkamante nīcacittena saṅgho upasaṅkamitabbo rajoharaṇasamena cittena, āsanakusalena bhavitabbaɱ, nisajjākusalena there bhikkhū anupakhajjantena nave bhikkhū āsanena appaṭibāhantena, yathāpatirūpe āsane nisīditabbaɱ, anānākathikena bhavitabbaɱ atiracchānakathikena, sāmaɱ vā dhammo bhāsitabbo paro vā ajjhesitabbo, ariyo vā tuṇhibhāvo nātimaññitabbo.
2. Saṅghena anumatena puggalena anuvijjakena anuvijjitukāmena na upajjhāyo pucchitabbo, na ācariyo pucchitabbo, na saddhivihāriko pucchitabbo, na antevāsiko pucchitabbo, na samānupajjhāyako pucchitabbo, na samānācariyako pucchitabbo, na jāti pucchitabbā, na nāmaɱ pucchitabbaɱ, na gottaɱ pucchitabbaɱ, na āgamo pucchitabbo, na kulapadeso pucchitabbo, na jātibhūmi pucchitabbā. Taɱ kiɱ kāraṇā: atrassa pemaɱ vā doso vā. Peme vā sati dose vā chandāpi gaccheyya, dosāpi gaccheyya, mohāpi gaccheyya, bhayāpi gaccheyya.
3. Saṅghena anumatena puggalena anuvijjakena anuvijjitukāmena saṅghagarukena bhavitabbaɱ no puggalagarukena, saddhammagarukena bhavitabbaɱ no āmisagarukena, atthavasikena bhavitabbaɱ no parisakappiyena, 1 kālena anuvijjitabbaɱ no akālena, bhūtena anuvijjitabbaɱ no abhūtena, saṇhena anuvijjitabbaɱ no pharusena, atthasaɱhitena anuvijjitabbaɱ no anatthasaɱhitena, mettacittena anuvijjitabbaɱ no dosantarena, na upakaṇṇakajappinā bhavitabbaɱ, na chimbhaɱ2 pekkhitabbaɱ, na akkhī nikhaṇitabbā, na bhamūkā ukkhipitabbā, na sīsaɱ ukkhipitabbaɱ, na hatthavikāro kātabbo, na hatthamuddā dassetabbā.
4. Āsanakusalena bhavitabbaɱ nisajjākusalena, yugamattaɱ pekkhantena atthaɱ anuvidhiyantena sake āsane nisīditabbaɱ, na ca āsanā vuṭṭhātabbaɱ, na vītihātabbaɱ, na kummaggo sevitabbo na bāhā vikkhepakaɱ bhaṇitabbaɱ aturitena bhavitabbaɱ asāhasikena, acaṇḍikkena bhavitabbaɱ [page 164] vacanakkhamena, mettacittena bhavitabbaɱ.
1. Parisaṅkappikena - sīmu 1, 2.
Parisakappikena - machasaɱ,
2. Jimhaɱ - sīmu 1, 2,
[BJT Page 146]
Hitānukampinā, kāruṇikena bhavitabbaɱ hitaparisakkinā1, ''asamphappalāpinā bhavitabbaɱ pariyantabhāṇinā, averavasikena bhavitabbaɱ anasuruttena, attā pariggahetabbo, paro pariggahetabbo, codako pariggahetabbo, cuditako pariggahetabbo, adhammacodako pariggahetabbo, adhammacuditako pariggahetabbo, dhammacodako pariggahetabbo, dhammacuditako pariggahetabbo, vuttaɱ ahāpentena avuttaɱ appakāsentena otiṇṇāni padavyañjanāni sādhukaɱ pariggahetvā2 paro paṭipucchitvā yathā paṭiññāya kāretabbo mando pahāsetabbo, 3 bhīrū assasetabbo, caṇḍo nisedhetabbo, asuci vibhāvetabbo uju maddavena, na chandāgati gantabbā, 4 na dosāgati gantabbā, na mohāgati gantabbā, na bhayāgati gantabbā majjhattena bhavitabbaɱ dhammesu ca puggalesu ca. Evañca pana anuvijjako anuvijjamāno satthu ceva sāsanākaro hoti, viññūnaɱ sabrahmacārīnaɱ piyo ca hoti manāpo ca garu ca bhāvanīyo ca.
5. Suttaɱ saɱsandanatthāya, opammaɱ nidassanatthāya, attho viññāpanatthāya, paṭipucchā ṭhapanatthāya, okāsakammaɱ codanatthāya, codanā sāraṇatthāya, sāraṇā savacanīyatthāya, savacanīyaɱ palibodhatthāya, palibodho vinicchayatthāya, vinicchayo santīraṇatthāya, santīraṇaɱ ṭhānāṭhānagamanatthāya, ṭhānāṭhānāgamanaɱ dummaṅkūnaɱ puggalānaɱ niggahatthāya pesalānaɱ bhikkhūnaɱ sampaggahatthāya, saṅgho sampariggahatthāya, sampariggaho sampaṭicchanatthāya, sampaṭicchanaɱ anibbidatthāya, saṅghena anumatā puggalā paccekaṭṭhāyino avisaɱvādaṭṭhāyino.
6. Vinayo saɱvaratthāya, saɱvaro avippaṭisāratthāya, avippaṭisāro pāmojjatthāya, pāmojjaɱ pītatthāya, pīti passaddhatthāya, passaddhi sukhatthāya, sukhaɱ samādhatthāya, samādhi yathābhūtañāṇadassanatthāya, yathābhūtañāṇadassanaɱ nibbidatthāya, nibbidā virāgatthāya, virāgo vimuttatthāya, vimutti vimuttiñāṇadassanatthāya, vimuttañāṇadassanaɱ anupādā parinibbānatthāya. Etadatthā kathā etadatthā mantanā etadatthā upanisā etadatthaɱ sotāvadhānaɱ yadidaɱ anupādā cittassa vimokkhoti.
1. Anuyogavattaɱ nisāmaya kusalena buddhimatā kataɱ,
Suvuttaɱ sikkhāpadānulomikaɱ gatiɱ na nāsento samparāyikaɱ.
2. Vatthuɱ vipattiɱ āpattiɱ nidānaɱ ākāraakovido,
Pubbāparaɱ na jānāti katākataɱ samena ca.
1. Hitaparisaṅkinā - sīmu 1, 2.
2. Uggahetvā - syā.
3. Vepopahāsetabbo - syā.
4. Chandā gatiɱ gantabbaɱ - machasaɱ, sīmu.
[BJT Page 148]
[page 165]
3. Kammaɱ ca adhikaraṇaɱ ca1 samathe cāpi akovido,
Ratto duṭṭho ca mūḷho ca bhayā mohā ca gacchati.
4. Na ca saññattikusalo nijjhattiyā ca akovido,
Laddhapakkho ahiriko kaṇhakammo anādaro:
Sa ce tādisako bhikkhu appaṭikkhoti vuccati.
5. Vatthuɱ vipattiɱ āpattiɱ nidānaɱ ākārakovido,
Pubbāparaɱ pajānāti katākataɱ samena ca.
6. Kammaɱ ca adhikaraṇaɱ ca1 samathe cāpi kovido,
Aratto aduṭṭho amūḷho bhayā mohā na gacchati.
7. Saññattiyā ca kusalo nijjhattiyā ca kovido,
Laddhapakkho hirimano sukkakammo sagāravo:
Sa ve tādisako bhikkhu sappaṭikkhoti vuccatīti.
Cūḷasaṅgāmo niṭṭhito
Tassuddānaɱ:
1. Nīcavittena puccheyya garusaṅghena puggalo,
Suttaɱ saɱsandanatthāya vinayānuggahena ca:
Uddānaɱ cūḷasaṅgāme ekuddesaɱ idaɱ katanti.
1. Kamme ca adhikaraṇe ca - sīmu. 1, 2.
[BJT Page 150]
[page 166]
Mahāsaṅgāmo
1. Saṅgāmāvacarena bhikkhunā saṅghe voharantena vatthu jānitabbaɱ, vipatti jānitabbā, āpatti jānitabbā, nidānaɱ jānitabbaɱ, ākāro jānitabbo, pubbāparaɱ jānitabbaɱ, katākataɱ jānitabbaɱ, kammaɱ jānitabbaɱ, adhikaraṇaɱ jānitabbaɱ, samatho jānitabbo, na chandāgati gantabbā, na dosāgati gantabbā, na mohāgati gantabbā, na bhayāgati gantabbā, saññāpanīye ṭhāne saññāpetabbaɱ, nijjhāpanīye ṭhāne nijjhāpetabbaɱ, pekkhanīye ṭhāne pekkhitabbaɱ, pasādanīye ṭhāne pasādetabbaɱ, ''laddhapakkhomabhī''tī parapakkho nāvajānitabbo, ''bahussutombhi''ti appassuto nāvajānitabbo, ''theratarombhi''ti navakataro nāvajānitabbo, asampattaɱ na vyāharitabbaɱ, sampattaɱ dhammato vinayato na parihāpetabbaɱ, yena dhammena yena vinayena satthusāsanena taɱ adhikaraṇaɱ vūpasammati, tathā taɱ adhikaraṇaɱ vūpasametabbaɱ.
2. Vatthu jānitabbanti: aṭṭhapārājikānaɱ1. Vatthu jānitabbaɱ, tevīsati saṅghādisesānaɱ vatthu jānitabbaɱ, dve aniyatānaɱ vatthu jānitabbaɱ. Dve cattālīsanissaggiyānaɱ vatthu jānitabbaɱ, aṭṭhāsīti satapācittiyānaɱ vatthu jānitabbaɱ, dvādasapāṭidesanīyānaɱ vatthu jānitabbaɱ, dukkaṭānaɱ vatthu jānitabbaɱ, dubbhāsitaɱ vatthu jānitabbaɱ.
3. Vipatti jānitabbāti: sīlavipatti jānitabbā, ācāravipatti jānitabbā, diṭṭhivipatti jānitabbā, ājīvavipatti jānitabbā.
4. Āpatti jānitabbāti: pārājikāpatti jānitabbā, saṅghādisesāpatti jānitabbā, thullaccayāpatti jānitabbā, pācittiyāpatti jānitabbā, pāṭidesanīyāpatti jānitabbā dukkaṭāpatti jānitabbā, dubbhāsitāpatti jānitabbā.
5. Nidānaɱ jānitabbanti: aṭṭhapārājikānaɱ nidānaɱ jānitabbaɱ. Tevīsatisaṅghādisesānaɱ nidānaɱ jānitabbaɱ, dveaniyatānaɱ nidānaɱ jānitabbaɱ, dvecattālīsanissaggiyānaɱ nidānaɱ jānitabbaɱ,
Aṭṭhāsītisatapācittiyānaɱ nidānaɱ jānitabbā,
Dvādasa pāṭidesanīyānaɱ nidānaɱ jānitabbaɱ, dukkaṭānaɱ nidānaɱ jānitabbaɱ,
Dubbhāsitānaɱ nidānaɱ jānitabbaɱ,
6. Ākāro jānitabboti: saɱgho ākārato jānitabbo,
Gaṇo ākārato jānitabbo, puggalo ākārato jānitabbo,
Codako ākārato jānitabbo, cuditako ākārato jānitabbo,
1. Aṭṭhannaɱ pārājikānaɱ - machasaɱ.
[BJT Page 152]
[page 167]
Saṅgho ākārato jānitabboti: paṭibalo nu kho ayaɱ saṅgho imaɱ adhikaraṇaɱ vūpasametuɱ dhammena vinayena satthusāsanena udāhu noti evaɱ saṅgho ākārato jānitabbo.
Gaṇo ākārato jānitabboti: paṭibalo nu kho ayaɱ gaṇo imaɱ adhikaraṇaɱ vūpasametuɱ dhammena vinayena satthusāsanena udāhu noti. Evaɱ gaṇo ākārato jānitabbo.
Puggalo ākārato jānitabboti: paṭibalo nu kho ayaɱ puggalo imaɱ adhikaraṇaɱ vūpasametuɱ dhammena vinayena satthusāsanena udāhu noti. Evaɱ puggalo ākārato jānitabbo.
Codako ākārato jānitabboti: kacci nu kho ayamāyasmā pañcasu dhammesu patiṭṭhāya paraɱ codeti udāhu noti. Evaɱ codako ākārato jānitabbo.
Cuditako ākārato jānitabboti: kacci nu kho ayamāyasmā dvīsu dhammesu patiṭṭhito sacce ca akuppe ca udāhu noti. Evaɱ cuditako ākārato jānitabbo.
7. Pubbāparaɱ jānitabboti kacci nu kho ayamāyasmā vatthuto vā vatthuɱ saṅkamati, vipattito vā vipattiɱ saṅkamati, āpattito vā āpattiɱ saṅkamati, avajānitvā vā paṭijānāti, paṭijānitvā vā avajānāti, aññena vā aññaɱ paṭicarati, udāhu no'ti evaɱ pubbāparaɱ jānitabbaɱ.
8. Katākataɱ jānitabbanti: methunadhammo jānitabbo, methunadhammassa anulomaɱ jānitabbaɱ, methunadhammassa pubbabhāgo jānitabbo.
Methunadhammo jānitabboti dvayaɱdvayasamāpatti jānitabbā.
Methunadhammassa anulomaɱ jānitabbanti: bhikkhu attano mukhena parassa aṅgajātaɱ gaṇhāti.
Methunadhammassa pubbabhāgo jānitabboti: vaṇṇāvaṇṇaɱ kāyasaɱsaggo duṭṭhullā vācā attakāmapāricariyā vacanamanuppadānaɱ.
9. Kammaɱ jānitabbanti: soḷasa kammāni jānitabbāni: cattāri apalokanakammāni jānitabbāni, cattāri ñattikammāni jānitabbāni, cattāri ñattidutiyakammāni jānitabbāni, cattāri ñatticatutthakammāni jānitabbāni.
10. Adhikaraṇaɱ jānitabbanti: cattāri adhikaraṇāni jānitabbāni, vivādādhikaraṇaɱ jānitabbaɱ, anuvādādhikaraṇaɱ jānitabbaɱ, āpattādhikaraṇaɱ jānitabbaɱ, kiccādhikaraṇaɱ jānitabbaɱ.
[BJT Page 154]
11. Samatho jānitabboti: satta samathā jānitabbā: sammukhāvinayo jānitabbo, sativinayo jānitabbo, amūḷhavinayo jānitabbo, paṭiññātakaraṇaɱ jānitabbaɱ, yebhuyyasikā jānitabbā, tassa pāpiyyasikā jānitabbā, tiṇavatthārako jānitabbo.
12. Na chandāgati gantabbāti1 chandāgatiɱ gacchanto kathaɱ chandāgatiɱ gacchati: idhekacco ''ayaɱ me upajjhāyo vā ācariyo vā saddhivihāriko vā antevāsiko vā samānupajjhāyako vā samānācariyako vā sandiṭṭho vā sambhatto vā ñatisālohito vā''ti tassānukampakāya tassānurakkhāya
Adhammaɱ dhammoti dīpeti, dhammaɱ adhammoti dīpeti, avinayaɱ vinayoti dīpeti, vinayaɱ avinayoti dīpeti, abhāsitaɱ alapitaɱ tathāgatena bhāsitaɱ lapitaɱ tathāgatenāti dīpeti, bhāsitaɱ lapitaɱ tathāgatena abhāsitaɱ alapitaɱ tathāgatenāti dīpeti. Anāciṇṇaɱ tathāgatena āciṇṇaɱ tathāgatenāti dīpeti, āciṇṇaɱ tathāgatena anāciṇṇaɱ tathāgatenāti dīpeti, apaññattaɱ tathāgatena paññattaɱ tathāgatenāti dīpeti, paññattaɱ tathāgatena apaññattaɱ tathāgatenāti dīpeti, anāpattiɱ āpattīti dīpeti āpattiɱ anāpattīti dīpeti, lahukaɱ āpattiɱ garukā āpattīti dīpeti, garukaɱ āpattiɱ lahukā āpattīti dīpeti, sāvasesaɱ āpattiɱ anavasesā āpattīti dīpeti, anavasesaɱ āpattiɱ sāvasesā āpattīti dīpeti, duṭṭhullaɱ āpattiɱ aduṭṭhullā āpattīti dīpeti, [page 168] aduṭṭhullaɱ āpattīti duṭṭhullā āpattīti dīpeti. Imehi aṭṭhārasahi vatthuhi chandāgatiɱ gacchanto bahujana ahitāya paṭipanno hoti bahujanaasukhāya bahuno janassa anatthāya ahitāya dukkhāya devamanussānaɱ. Imehi aṭṭhārasahi vatthūhi chandāgatiɱ gacchanto khataɱ upahataɱ attānaɱ pariharati, sāvajjo ca hoti sānuvajjo ca viññūnaɱ. Bahuñca apuññaɱ pasavati. Chandāgatiɱ gacchanto evaɱ chandāgatiɱ gacchati.
13. Na dosāgati gantabbāti: dosāgatiɱ gacchanto kathaɱ dosāgatiɱ gacchati: idhekacco anatthaɱ me acarīti āghātaɱ bandhati, anatthaɱ me caratīti āghātaɱ bandhati, anatthaɱ me carissatīti āghātaɱ bandhati, piyassa me manāpassa anatthaɱ acari, anatthaɱ carati, anatthaɱ carissatīti āghātaɱ bandhati, appiyassa me amanāpassa atthaɱ acari, atthaɱ carati, atthaɱ carissatīti āghātaɱ bandhati. Imehi navahi āghātavatthūhi āghātito paṭighātito2 kuddho kodhābhibhuto adhammaɱ
Dhammoti dīpeti, dhammaɱ adhammoti dīpeti, avinayaɱ vinayoti dīpeti, vinayaɱ avinayoti dīpeti, abhāsitaɱ alapitaɱ tathāgatena bhāsitaɱ lapitaɱ tathāgatenāti dīpeti, bhāsitaɱ lapitaɱ tathāgatena abhāsitaɱ alapitaɱ tathāgatenāti dīpeti. Anāciṇṇaɱ tathāgatena āciṇṇaɱ tathāgatenāti dīpeti, āciṇṇaɱ tathāgatena anāciṇṇaɱ tathāgatenāti dīpeti, apaññattaɱ tathāgatena paññattaɱ tathāgatenāti dīpeti, paññattaɱ tathāgatena apaññattaɱ tathāgatenāti dīpeti, anāpattiɱ āpattīti dīpeti āpattiɱ anāpattīti dīpeti, lahukaɱ āpattiɱ garukā āpattīti dīpeti, garukaɱ āpattiɱ lahukā āpattīti dīpeti, sāvasesaɱ āpattiɱ anavasesā āpattīti dīpeti, anavasesaɱ āpattiɱ sāvasesā āpattīti dīpeti, duṭṭhullaɱ āpattiɱ aduṭṭhullā āpattīti dīpeti, aduṭṭhullaɱ āpattīti duṭṭhullā āpattīti dīpeti. Imehi aṭṭhārasahi vatthuhi dosāgatiɱ gacchanto bahujana ahitāya paṭipanno hoti bahujanaasukhāya bahuno janassa anatthāya ahitāya dukkhāya devamanussānaɱ. Imehi aṭṭhārasahi vatthūhi dosāgatiɱ gacchanto khataɱ upahataɱ attānaɱ pariharati, sāvajjo ca hoti sānuvajjo ca viññūnaɱ. Bahuñca apuññaɱ pasavati. Dosāgatiɱ gacchanto evaɱ dosāgatiɱ gacchati.
1. Gantabbanti - sīmu2.
2. Āghāto/paṭighāto - sīmu. Machasaɱ, syā.
[BJT Page 156]
14. Na mohāgati gantabbāti: mohāgatiɱ gacchanto kathaɱ mohāgatiɱ gacchati: ratto rāgavasena gacchati, duṭṭho dosavasena gacchati, mūḷho mohavasena gacchati, parāmaṭṭho diṭṭhivasena gacchati, mūḷho sammūḷho mohābhibhuto adhammaɱ
Dhammoti dīpeti, dhammaɱ adhammoti dīpeti, avinayaɱ vinayoti dīpeti, vinayaɱ avinayoti dīpeti, abhāsitaɱ alapitaɱ tathāgatena bhāsitaɱ lapitaɱ tathāgatenāti dīpeti, bhāsitaɱ lapitaɱ tathāgatena abhāsitaɱ alapitaɱ tathāgatenāti dīpeti. Anāciṇṇaɱ tathāgatena āciṇṇaɱ tathāgatenāti dīpeti, āciṇṇaɱ tathāgatena anāciṇṇaɱ tathāgatenāti dīpeti, apaññattaɱ tathāgatena paññattaɱ tathāgatenāti dīpeti, paññattaɱ tathāgatena apaññattaɱ tathāgatenāti dīpeti, anāpattiɱ āpattīti dīpeti āpattiɱ anāpattīti dīpeti, lahukaɱ āpattiɱ garukā āpattīti dīpeti, garukaɱ āpattiɱ lahukā āpattīti dīpeti, sāvasesaɱ āpattiɱ anavasesā āpattīti dīpeti, anavasesaɱ āpattiɱ sāvasesā āpattīti dīpeti, duṭṭhullaɱ āpattiɱ aduṭṭhullā āpattīti dīpeti, aduṭṭhullaɱ āpattīti duṭṭhullā āpattīti dīpeti. Imehi aṭṭhārasahi vatthuhi mohāgatiɱ gacchanto bahujana ahitāya paṭipanno hoti bahujanaasukhāya bahuno janassa anatthāya ahitāya dukkhāya devamanussānaɱ. Imehi aṭṭhārasahi vatthūhi mohāgatiɱ gacchanto khataɱ upahataɱ attānaɱ pariharati, sāvajjo ca hoti sānuvajjo ca viññūnaɱ. Bahuñca apuññaɱ pasavati. Mohāgatiɱ gacchanto evaɱ mohāgatiɱ gacchati.
15. Na bhayāgati gantabbāti: bhayāgatiɱ gacchanto kathaɱ bhayāgatiɱ gacchati: idhekacco ''ayaɱ visamanissito vā gahananissito vā balavanissito vā kakkhaḷo pharuso jīvitantarāyaɱ vā brahmacariyantarāyaɱ vā karissatīti tassa bhayā bhīto adhammaɱ
Dhammoti dīpeti, dhammaɱ adhammoti dīpeti, avinayaɱ vinayoti dīpeti, vinayaɱ avinayoti dīpeti, abhāsitaɱ alapitaɱ tathāgatena bhāsitaɱ lapitaɱ tathāgatenāti dīpeti, bhāsitaɱ lapitaɱ tathāgatena abhāsitaɱ alapitaɱ tathāgatenāti dīpeti. Anāciṇṇaɱ tathāgatena āciṇṇaɱ tathāgatenāti dīpeti, āciṇṇaɱ tathāgatena anāciṇṇaɱ tathāgatenāti dīpeti, apaññattaɱ tathāgatena paññattaɱ tathāgatenāti dīpeti, paññattaɱ tathāgatena apaññattaɱ tathāgatenāti dīpeti, anāpattiɱ āpattīti dīpeti āpattiɱ anāpattīti dīpeti, lahukaɱ āpattiɱ garukā āpattīti dīpeti, garukaɱ āpattiɱ lahukā āpattīti dīpeti, sāvasesaɱ āpattiɱ anavasesā āpattīti dīpeti, anavasesaɱ āpattiɱ sāvasesā āpattīti dīpeti, duṭṭhullaɱ āpattiɱ aduṭṭhullā āpattīti dīpeti, aduṭṭhullaɱ āpattīti duṭṭhullā āpattīti dīpeti. Imehi aṭṭhārasahi vatthuhi bhayāgatiɱ gacchanto bahujana ahitāya paṭipanno hoti bahujanaasukhāya bahuno janassa anatthāya ahitāya dukkhāya devamanussānaɱ. Imehi aṭṭhārasahi vatthūhi bhayāgatiɱ gacchanto khataɱ upahataɱ attānaɱ pariharati, sāvajjo ca hoti sānuvajjo ca viññūnaɱ. Bahuñca apuññaɱ pasavati. Bhayāgatiɱ gacchanto evaɱ bhayāgatiɱ gacchati.
16. Chandā dosā bhayā mohā yo dhammaɱ ativattati,
Nihīyati tassa yaso kāḷapakkheva candimāti.
17. Kathaɱ na chandāgatiɱ gacchati: adhammaɱ adhammoti dīpento na chandāgatiɱ gacchati, dhammaɱ dhammoti [page 169] dīpanto na chandāgatiɱ gacchati, avinayaɱ avinayoti dīpento na chandāgatiɱ gacchati, vinayaɱ vinayoti dīpentoti na chandāgatiɱ gacchati, abhāsitaɱ alapitaɱ tathāgatena abhāsitaɱ alapitaɱ tathāgatenāti dīpento na chandāgatiɱ gacchati, bhāsitaɱ lapitaɱ tathāgatena bhāsitaɱ lapitaɱ
[BJT Page 158]
Tathāgatenāti dīpento na chandāgatiɱ gacchati, anāciṇṇaɱ tathāgatena anāciṇṇaɱ tathāgatenāti dīpento na chandāgatiɱ gacchati, āciṇṇaɱ tathāgatena āciṇṇaɱ tathāgatenāti dīpento na chandāgatiɱ gacchati, apaññattaɱ tathāgatena apaññattaɱ tathāgatenāti dīpento na chandāgatiɱ gacchati, paññattaɱ tathāgatena paññattaɱ tathāgatenāti dīpento na chandāgatiɱ gacchati, anāpattiɱ anāpattīti dīpento na chandāgatiɱ gacchati, āpattiɱ āpattīti dīpento na chandāgatiɱ gacchati, lahukaɱ āpattiɱ lahukā āpattīti dīpento na chandāgatiɱ gacchati, garukaɱ āpattiɱ garukā āpattīti dīpento na chandāgatiɱ gacchati, sāvasesaɱ āpattiɱ sāvasesā āpattīti dīpento na chandāgatiɱ gacchati, anavasesaɱ āpattiɱ anavasesā āpattīti dīpento na chandāgatiɱ gacchati, duṭṭhullaɱ āpattiɱ duṭṭhullā āpattīti dīpento na chandāgatiɱ gacchati, aduṭṭhullaɱ āpattiɱ aduṭṭhullā āpattīti dīpento na chandāgatiɱ gacchati. Evaɱ na chandāgatiɱ gacchati.
18. Kathaɱ na dosāgatiɱ gacchati: adhammaɱ adhammoti
Dīpento na dosāgatiɱ gacchati, dhammaɱ dhammoti
Dīpanto na dosāgatiɱ gacchati, avinayaɱ avinayoti dīpento na
Dosāgatiɱ gacchati, vinayaɱ vinayoti dīpentoti na dosāgatiɱ gacchati, abhāsitaɱ alapitaɱ tathāgatena abhāsitaɱ alapitaɱ tathāgatenāti dīpento na
Dosāgatiɱ gacchati, bhāsitaɱ lapitaɱ tathāgatena bhāsitaɱ lapitaɱ
Tathāgatenāti dīpento na dosāgatiɱ gacchati, anāciṇṇaɱ tathāgatena anāciṇṇaɱ tathāgatenāti dīpento na dosāgatiɱ gacchati, āciṇṇaɱ tathāgatena āciṇṇaɱ tathāgatenāti dīpento na dosāgatiɱ gacchati, apaññattaɱ tathāgatena apaññattaɱ tathāgatenāti dīpento na dosāgatiɱ gacchati, paññattaɱ tathāgatena paññattaɱ tathāgatenāti dīpento na dosāgatiɱ gacchati, anāpattiɱ anāpattīti dīpento na chandāgatiɱ gacchati, āpattiɱ āpattīti dīpento na dosāgatiɱ gacchati, lahukaɱ āpattiɱ lahukā āpattīti dīpento na dosāgatiɱ gacchati, garukaɱ āpattiɱ garukā āpattīti dīpento na dosāgatiɱ gacchati,
Sāvasesaɱ āpattiɱ sāvasesā āpattīti
Dīpento na dosāgatiɱ gacchati, anavasesaɱ
Āpattiɱ anavasesā āpattīti dīpento na chandāgatiɱ gacchati,
Duṭṭhullaɱ āpattiɱ duṭṭhullā āpattīti dīpento na dosāgatiɱ
Gacchati, aduṭṭhullaɱ āpattiɱ aduṭṭhullā āpattīti dīpento na dosāgatiɱ gacchati. Evaɱ na dosāgatiɱ gacchati.
19. Kathaɱ na mohāgatiɱ gacchati: adhammaɱ adhammoti dīpento na mohāgatiɱ gacchati, dhammaɱ dhammoti dīpanto na mohāgatiɱ gacchati,
Avinayaɱ avinayoti dīpento na mohāgatiɱ gacchati,
Vinayaɱ vinayoti dīpentoti na mehāgatiɱ gacchati, abhāsitaɱ
Alapitaɱ tathāgatena abhāsitaɱ alapitaɱ tathāgatenāti dīpento na mohāgatiɱ gacchati, bhāsitaɱ lapitaɱ tathāgatena bhāsitaɱ lapitaɱ
Tathāgatenāti dīpento na mohāgatiɱ gacchati, anāciṇṇaɱ tathāgatena anāciṇṇaɱ tathāgatenāti dīpento na mohāgatiɱ gacchati, āciṇṇaɱ tathāgatena āciṇṇaɱ tathāgatenāti dīpento na mohāgatiɱ gacchati, apaññattaɱ tathāgatena apaññattaɱ tathāgatenāti dīpento na mohāgatiɱ gacchati, paññattaɱ tathāgatena paññattaɱ tathāgatenāti dīpento na mohāgatiɱ gacchati, anāpattiɱ anāpattīti dīpento na chandāgatiɱ gacchati, āpattiɱ āpattīti dīpento na mohāgatiɱ gacchati, lahukaɱ āpattiɱ lahukā āpattīti dīpento na mohāgatiɱ gacchati, garukaɱ āpattiɱ garukā āpattīti dīpento na mohāgatiɱ gacchati, sāvasesaɱ āpattiɱ sāvasesā āpattīti dīpento na mohāgatiɱ gacchati, anavasesaɱ āpattiɱ anavasesā āpattīti dīpento na mohāgatiɱ gacchati, duṭṭhullaɱ āpattiɱ duṭṭhullā āpattīti dīpento na mohāgatiɱ gacchati, aduṭṭhullaɱ āpattiɱ aduṭṭhullā āpattīti dīpento na mohāgatiɱ gacchati. Evaɱ na mohāgatiɱ gacchati.
20. Kathaɱ na bhayāgatiɱ gacchati: adhammaɱ adhammoti dīpento na bhayāgatiɱ gacchati, dhammaɱ dhammoti dīpanto na bhayāgatiɱ gacchati, avinayaɱ avinayoti dīpento na bhayāgatiɱ gacchati, vinayaɱ vinayoti dīpentoti na bhayāgatiɱ gacchati, abhāsitaɱ alapitaɱ tathāgatena abhāsitaɱ alapitaɱ tathāgatenāti dīpento na bhayāgatiɱ gacchati, bhāsitaɱ lapitaɱ tathāgatena bhāsitaɱ lapitaɱ
Tathāgatenāti dīpento na bhayāgatiɱ gacchati, anāciṇṇaɱ tathāgatena anāciṇṇaɱ tathāgatenāti dīpento na bhayāgatiɱ gacchati, āciṇṇaɱ tathāgatena āciṇṇaɱ tathāgatenāti dīpento na bhayāgatiɱ gacchati, apaññattaɱ tathāgatena apaññattaɱ tathāgatenāti dīpento na bhayāgatiɱ gacchati, paññattaɱ tathāgatena paññattaɱ tathāgatenāti dīpento na bhayāgatiɱ gacchati, anāpattiɱ anāpattīti dīpento na bhayāgatiɱ gacchati, āpattiɱ āpattīti dīpento na bhayāgatiɱ gacchati, lahukaɱ āpattiɱ lahukā āpattīti dīpento na bhayāgatiɱ gacchati, garukaɱ āpattiɱ garukā āpattīti
[BJT Page 160]
Dīpento na bhayāgatiɱ gacchati, sāvasesaɱ āpattiɱ sāvasesā āpattīti
Dīpento na bhayāgatiɱ gacchati, anavasesaɱ āpattiɱ anavasesā āpattīti dīpento na bhayāgatiɱ gacchati, duṭṭhullaɱ āpattiɱ duṭṭhullā āpattīti dīpento na bhayāgatiɱ gacchati, aduṭṭhullaɱ āpattiɱ aduṭṭhullā āpattīti dīpento na bhayāgatiɱ gacchati. Evaɱ na bhayāgatiɱ gacchati.
21. Chandā dosā bhayā mohā yo dhammaɱ nātivattati,
Āpūrati tassa yaso sukkapakkheva candimāti.
22. Kathaɱ saññāpanīye ṭhāne saññāpeti: adhammaɱ adhammoti dīpento saññāpanīye ṭhāne saññāpeti, dhammaɱ dhammoti dīpanto saññāpanīye ṭhāne saññāpeti, avinayaɱ avinayoti dīpento saññāpanīye ṭhāne saññāpeti,
Vinayaɱ vinayoti dīpento saññāpanīye ṭhāne saññāpeti, abhāsitaɱ
Alapitaɱ tathāgatena abhāsitaɱ alapitaɱ tathāgatenāti dīpento saññāpanīyo ṭhāne saññāpeti, bhāsitaɱ lapitaɱ tathāgatena bhāsitaɱ lapitaɱ
Tathāgatenāti dīpento saññāpanīye ṭhāne saññāpeti, anāciṇṇaɱ tathāgatena anāciṇṇaɱ tathāgatenāti dīpento saññāpanīye ṭhāne saññāpeti,
Āciṇṇaɱ tathāgatena āciṇṇaɱ tathāgatenāti dīpento saññāpanīye ṭhāne saññāpeti, apaññattaɱ tathāgatena apaññattaɱ
Tathāgatenāti dīpento saññāpanīye ṭhāne saññāpeti, paññattaɱ tathāgatena paññattaɱ tathāgatenāti dīpento saññāpanīye ṭhāne saññāpeti, anāpattiɱ anāpattīti dīpento saññāpanīye ṭhāne saññāpeti, āpattiɱ āpattīti
Dīpento saññāpanīye ṭhāne saññāpeti, lahukaɱ
Āpattiɱ lahukā āpattīti dīpento saññāpanīye ṭhāne saññāpeti, garukaɱ
Āpattiɱ garukā āpattīti dīpento saññāpanīye ṭhāne saññāpeti,
Sāvasesaɱ āpattiɱ sāvasesā āpattīti dīpento saññāpanīye ṭhāne
Saññāpeti, anavasesaɱ āpattiɱ anavasesā āpattīti dīpento
Saññāpanīye ṭhāne saññāpeti, duṭṭhullaɱ āpattiɱ duṭṭhullā āpattīti dīpento saññāpanīye ṭhāne saññāpeti, aduṭṭhullaɱ āpattiɱ aduṭṭhullā āpattīti
Dīpento saññāpanīye ṭhāne saññāpeti, evaɱ saññāpanīye ṭhāne saññāpeti. 23. Kathaɱ nijjhāpanīye ṭhāne nijjhāpeti: adhammaɱ adhammoti dīpento nijjhāpanīye ṭhāne nijjhāpeti, dhammaɱ dhammoti dīpanto nijjhāpanīye ṭhāne nijjhāpeti, avinayaɱ avinayoti dīpento nijjhāpanīye ṭhāne nijjhāpeti,
Vinayaɱ vinayoti dīpento nijjhāpanīye ṭhāne nijjhāpeti, abhāsitaɱ
Alapitaɱ tathāgatena abhāsitaɱ alapitaɱ tathāgatenāti dīpento nijjhāpanīye ṭhāne nijjhāpeti, bhāsitaɱ lapitaɱ tathāgatena bhāsitaɱ lapitaɱ
Tathāgatenāti dīpento nijjhāpanīye ṭhāne nijjhāpeti, anāciṇṇaɱ tathāgatena anāciṇṇaɱ tathāgatenāti dīpento nijjhāpanīye ṭhāne nijjhāpeti,
Āciṇṇaɱ tathāgatena āciṇṇaɱ tathāgatenāti dīpento nijjhāpanīye ṭhāne nijjhāpeti, apaññattaɱ tathāgatena apaññattaɱ
Tathāgatenāti dīpento nijjhāpanīye ṭhāne nijjhāpeti, paññattaɱ tathāgatena paññattaɱ tathāgatenāti dīpento nijjhāpanīye ṭhāne nijjhāpeti, anāpattiɱ anāpattīti dīpento nijjhāpanīye ṭhāne nijjhāpeti, āpattiɱ āpattīti
Dīpento nijjhāpanīye ṭhāne nijjhāpeti, lahukaɱ
Āpattiɱ lahukā āpattīti dīpento nijjhāpanīye ṭhāne nijjhāpeti, garukaɱ
Āpattiɱ garukā āpattīti dīpento nijjhāpanīye ṭhāne nijjhāpeti,
Sāvasesaɱ āpattiɱ sāvasesā āpattīti dīpento nijjhāpanīye ṭhāne
Nijjhāpeti, anavasesaɱ āpattiɱ anavasesā āpattīti dīpento
Nijjhāpanīye ṭhāne nijjhāpeti, duṭṭhullaɱ āpattiɱ duṭṭhullā āpattīti dīpento nijjhāpanīye ṭhāne nijjhāpeti, aduṭṭhullaɱ āpattiɱ aduṭṭhullā āpattīti
Dīpento nijjhāpanīye ṭhāne nijjhāpeti, evaɱ nijjhāpanīye ṭhāne nijjhāpeti.
24. Kathaɱ pekkhanīye ṭhāne pekkhati: adhammaɱ adhammoti dīpento pekkhanīye ṭhāne pekkhati, dhammaɱ dhammoti dīpanto pekkhanīye ṭhāne pekkhati,
Avinayaɱ avinayoti dīpento pekkhanīye ṭhāne pekkhati,
Vinayaɱ vinayoti dīpento pekkhanīye ṭhāne pekkhati, abhāsitaɱ
Alapitaɱ tathāgatena abhāsitaɱ alapitaɱ tathāgatenāti dīpento pekkhanīye ṭhāne pekkhati, bhāsitaɱ lapitaɱ tathāgatena bhāsitaɱ lapitaɱ
Tathāgatenāti dīpento pekkhanīye ṭhāne pekkhati, anāciṇṇaɱ tathāgatena
Anāciṇṇaɱ tathāgatenāti dīpento pekkhanīye ṭhāne pekkhati,
Āciṇṇaɱ tathāgatena āciṇṇaɱ tathāgatenāti dīpento pekkhanīye ṭhāne pekkhati, apaññattaɱ tathāgatena apaññattaɱ
Tathāgatenāti dīpento pekkhanīye ṭhāne pekkhati, paññattaɱ tathāgatena paññattaɱ tathāgatenāti dīpento pekkhanīye ṭhāne pekkhati, anāpattiɱ
Anāpattīti dīpento pekkhanīye ṭhāne pekkhati, āpattiɱ āpattīti
Dīpento pekkhanīye ṭhāne pekkhati, lahukaɱ
Āpattiɱ lahukā āpattīti dīpento pekkhanīye ṭhāne pekkhati, garukaɱ
Āpattiɱ garukā āpattīti dīpento pekkhanīye ṭhāne pekkhati,
Sāvasesaɱ āpattiɱ sāvasesā āpattīti dīpento pekkhanīye ṭhāne
Pekkhati, anavasesaɱ āpattiɱ anavasesā āpattīti dīpento
Pekkhanīye ṭhāne pekkhati, duṭṭhullaɱ āpattiɱ duṭṭhullā āpattīti dīpento pekkhanīye ṭhāne pekkhati, aduṭṭhullaɱ āpattiɱ aduṭṭhullā āpattīti
Dīpento pekkhanīye ṭhāne pekkhati, evaɱ pekkhanīye ṭhāne pekkhati.
25. Kathaɱ pasādanīye ṭhāne pasādeti: adhammaɱ adhammoti dīpento pasādanīye ṭhāne pasādeti, dhammaɱ dhammoti dīpanto pasādanīye ṭhāne pasādeti,
Avinayaɱ avinayoti dīpento pasādanīye ṭhāne pasādeti,
Vinayaɱ vinayoti dīpento pasādanīye ṭhāne pasādeti, abhāsitaɱ
Alapitaɱ tathāgatena abhāsitaɱ alapitaɱ tathāgatenāti dīpento pasādanīye ṭhāne pasādeti, bhāsitaɱ lapitaɱ tathāgatena bhāsitaɱ lapitaɱ
Tathāgatenāti dīpento pasādanīye ṭhāne pasādeti, anāciṇṇaɱ tathāgatena anāciṇṇaɱ tathāgatenāti dīpento pasādanīye ṭhāne pasādeti,
Āciṇṇaɱ tathāgatena āciṇṇaɱ tathāgatenāti dīpento pasādanīye ṭhāne pasādeti, apaññattaɱ tathāgatena apaññattaɱ
Tathāgatenāti dīpento pasādanīye ṭhāne pasādeti, paññattaɱ tathāgatena paññattaɱ tathāgatenāti dīpento pasādanīye ṭhāne pasādeti, anāpattiɱ
Anāpattīti dīpento pasādanīye ṭhāne pasādeti, āpattiɱ āpattīti
Dīpento pasādanīye ṭhāne pasādeti, lahukaɱ
Āpattiɱ lahukā āpattīti dīpento pasādanīye ṭhāne pasādeti, garukaɱ
Āpattiɱ garukā āpattīti dīpento pasādanīye ṭhāne pasādeti,
Sāvasesaɱ āpattiɱ sāvasesā āpattīti dīpento pasādanīye ṭhāne
Pasādeti, anavasesaɱ āpattiɱ anavasesā āpattīti dīpento
Pasādanīye ṭhāne pasādeti, duṭṭhullaɱ āpattiɱ duṭṭhullā āpattīti dīpento pasādanīye ṭhāne pasādeti, aduṭṭhullaɱ āpattiɱ aduṭṭhullā āpattīti
Dīpento pasādanīye ṭhāne pasādeti, evaɱ pasādanīye ṭhāne pasādeti.
26. Kathaɱ laddhapakkhomhīti parapakkhaɱ avajānāti: idhakacco laddhapakkho hoti laddhaparivāro pakkhavā ñātimā, 'ayaɱ aladdhapakkho aladdhaparivāro na pakkhavā na ñātimā'ti tassa avajānanto adhammaɱ dhammoti dīpeti,
Dhammaɱ adhammoti dīpeti, avinayaɱ vinayoti dīpeti,
Vinayaɱ avinayoti dīpeti, abhāsitaɱ
Alapitaɱ tathāgatena bhāsitaɱ alapitaɱ tathāgatenāti dīpeti,
Bhāsitaɱ lapitaɱ tathāgatena abhāsitaɱ lapitaɱ tathāgatenāti dīpeti, anāciṇṇaɱ
Tathāgatena āciṇṇaɱ tathāgatenāti dīpeti,
Āciṇṇaɱ tathāgatena anāciṇṇaɱ tathāgatenāti dīpeti,
Apaññattaɱ tathāgatena paññattaɱ tathāgatenāti dīpeti, paññattaɱ tathāgatena apaññattaɱ tathāgatenāti dīpeti, anāpattiɱ āpattīti dīpeti, āpattiɱ anāpattīti dīpeti, lahukaɱ āpattiɱ alahukā āpattīti dīpeti, garukaɱ
Āpattiɱ garukā āpattīti dīpeti, sāvasesaɱ āpattiɱ anavasesā āpattīti dīpeti, anavasesaɱ āpattiɱ sāvasesā āpattīti dīpeti,
Duṭṭhullaɱ āpattiɱ aduṭṭhullā āpattīti dīpeti,
Aduṭṭhullaɱ āpattiɱ duṭṭhullā āpattīti
Dīpeti, evaɱ laddhapakkhomhīti parapakkhaɱ avajānāti.
27. Kathaɱ bahussutomhīti appassutaɱ avajānāti: idhekacco bahussuto hoti sutadharo sutasannicayo, ayaɱ appassuto appāgamo appadharoti
Tassa avajānanto adhammaɱ dhammoti
[BJT Page 162]
Dīpeti, dhammaɱ adhammoti dīpeti, avinayaɱ vinayoti dīpeti,
Vinayaɱ avinayoti dīpeti, abhāsitaɱ
Alapitaɱ tathāgatena bhāsitaɱ alapitaɱ tathāgatenāti dīpeti,
Bhāsitaɱ lapitaɱ tathāgatena abhāsitaɱ lapitaɱ tathāgatenāti dīpeti, anāciṇṇaɱ
Tathāgatena āciṇṇaɱ tathāgatenāti dīpeti,
Āciṇṇaɱ tathāgatena anāciṇṇaɱ tathāgatenāti dīpeti,
Apaññattaɱ tathāgatena paññattaɱ tathāgatenāti dīpeti, paññattaɱ tathāgatena apaññattaɱ tathāgatenāti dīpeti, anāpattiɱ āpattīti dīpeti, āpattiɱ anāpattīti dīpeti, lahukaɱ āpattiɱ alahukā āpattīti dīpeti, garukaɱ
Āpattiɱ garukā āpattīti dīpeti, sāvasesaɱ āpattiɱ anavasesā āpattīti dīpeti, anavasesaɱ āpattiɱ sāvasesā āpattīti dīpeti,
Duṭṭhullaɱ āpattiɱ aduṭṭhullā āpattī'ti dīpeti,
Aduṭṭhullaɱ āpattiɱ duṭṭhullā āpattīti
Dīpeti, evaɱ bahussutomhīti appassutaɱ avajānāti.
28. Kathaɱ therataromhīti navakataraɱ avajānāti: idhekacco thero hoti
Rattaññū cirapabbajito, 'ayaɱ navako apaññāto1 appassuto appakataññū, imassa vacanaɱ akataɱ bhavissatī'ti tassa avajānanto adhammaɱ dhammoti dīpeti,
Dhammaɱ adhammoti dīpeti, avinayaɱ vinayoti dīpeti,
Vinayaɱ avinayoti dīpeti, abhāsitaɱ
Alapitaɱ tathāgatena bhāsitaɱ alapitaɱ tathāgatenāti dīpeti,
Bhāsitaɱ lapitaɱ tathāgatena abhāsitaɱ lapitaɱ tathāgatenāti dīpeti, anāciṇṇaɱ
Tathāgatena āciṇṇaɱ tathāgatenāti dīpeti,
Āciṇṇaɱ tathāgatena anāciṇṇaɱ tathāgatenāti dīpeti,
Apaññattaɱ tathāgatena paññattaɱ tathāgatenāti dīpeti, paññattaɱ tathāgatena apaññattaɱ tathāgatenāti dīpeti, anāpattiɱ āpattīti dīpeti, āpattiɱ anāpattīti dīpeti, lahukaɱ āpattiɱ alahukā āpattīti dīpeti, garukaɱ
Āpattiɱ garukā āpattīti dīpeti, sāvasesaɱ āpattiɱ anavasesā āpattīti dīpeti, anavasesaɱ āpattiɱ sāvasesā āpattīti dīpeti,
Duṭṭhullaɱ āpattiɱ aduṭṭhullā āpattīti dīpeti,
Aduṭṭhullaɱ [page 170] āpattiɱ duṭṭhullā āpattīti
Dīpeti, evaɱ therataromhīti navakataraɱ avajānāti.
29. Asampattaɱ na vyāharitabbanti: anotiṇṇaɱ bhāraɱ na otāretabbaɱ.
30. Sampattaɱ dhammato vinayato na parihāpetabbanti: yamatthāya saṅgho sannipatito hoti, tamatthaɱ dhammato vinayato na parihāpetabbaɱ.
31. Yena dhammenāti: bhūtena vatthunā.
Yena vinayenāti: codetvā sāretvā.
Yena satthusāsanenāti: ñattisampadāya anusāvanasampadāya. Yena dhammena yena vinayena yena satthusāsanena taɱ adhikaraṇaɱ vūpasammati, tathā taɱ adhikaraṇaɱ vūpasametabbanti.
Anuvijjaka anuyogo
Anuvijjakena codako pucchitabboti: yaɱ kho tvaɱ āvuso imassa bhikkhuno pavāraṇaɱ ṭhapesi, kimbhi naɱ ṭhapesi: sīlavipattiyā ṭhapesi, ācāravipattiyā ṭhapesi, diṭṭhivipattiyā ṭhapesīti.
So ce evaɱ vadeyya: ''sīlavipattiyā vā ṭhapemi, ācāravipattiyā vā ṭhapemi, diṭṭhivipattiyā vā ṭhapemī''ti.
So evamassa vacanīyo: 'jānāti panāyasmā sīlavipattiɱ, jānāti ācaravipattiɱ, jānāti diṭṭhivipattinti.
So ce evaɱ vadeyya: ''jānāmi kho ahaɱ āvuso sīlavipattiɱ, jānāmi ācāravipattiɱ, jānāmi diṭṭhivipatti''nti.
So evamassa vacanīyo: ''katamā panāvuso sīlavipatti, katamā ācāravipatti, katamā diṭṭhivipattī''ti.
1. Appaññāto - sīmu, machasaɱ
[BJT Page 164]
So ce evaɱ vadeyya: ''cattāri pārājikāni terasa saṅghādisesā, ayaɱ sīlavipatti, thullaccayaɱ pācittiyaɱ pāṭidesanīyaɱ dukkaṭaɱ dubbhāsitaɱ, ayaɱ ācāravipatti. Micchādiṭṭhi antaggāhikā diṭṭhi, ayaɱ diṭṭhivipattī''ti.
So evamassa vacanīyo ''yaɱ kho tvaɱ āvuso imassa bhikkhuno pavāraṇaɱ ṭhapesi, diṭṭhena ṭhapesi, sutena ṭhapesi, parisaṅkāya ṭhapesī''ti.
So ce evaɱ vadeyya: ''diṭṭhena vā ṭhapemi, sutena vā ṭhapemi, parisaṅkāya vā ṭhapemī''ti.
So evamassa vacanīyo: ''yaɱ kho tvaɱ āvuso imassa bhikkhuno diṭṭhena pavāraṇaɱ ṭhapesi, kiɱ te diṭṭhaɱ, kinti te diṭṭhaɱ, kadā te diṭṭhaɱ, kattha te diṭṭhaɱ, pārājikaɱ ajjhāpajjanto diṭṭho, saṅghādisesaɱ - thullaccayaɱ - pācittiyaɱ - pāṭidesanīyaɱ - dukkaṭaɱ - dubbhāsitaɱ ajjhāpajjanto diṭṭho, kattha ca tvaɱ ahosi, kattha cāyaɱ bhikkhu ahosi, kiñca tvaɱ karosi, kiñcāyaɱ bhikkhu karotī''ti.
So ce evaɱ vadeyya: na kho ahaɱ āvuso imassa bhikkhuno diṭṭhena pavāraṇaɱ ṭhapemi. Api ca sutena pavāraṇaɱ ṭhapemī''ti.
So evamassa vacanīyo: yaɱ kho tvaɱ āvuso imassa bhikkhuno sutena pavāraṇaɱ ṭhapesi, kiɱ te sutaɱ, kinti te sutaɱ, kadā te sutaɱ, kattha te sutaɱ, pārājikaɱ ajjhāpannoti sutaɱ, saṅghādisesaɱ ajjhāpannoti sutaɱ, thullaccayaɱ - pācittiyaɱ - pāṭidesanīyaɱ - dukkaṭaɱ - dubbhāsitaɱ ajjhāpannoti sutaɱ, bhikkhussa sutaɱ, bhikkhuniyā sutaɱ, sikkhamānāya sutaɱ, sāmaṇerassa sutaɱ. Sāmaṇeriyā sutaɱ, upāsakassa sutaɱ, upāsikāya sutaɱ, rājūnaɱ sutaɱ, rājamahāmattānaɱ sutaɱ, titthiyānaɱ sutaɱ, titthiyasāvakānaɱ suta''nti.
So ce evaɱ vadeyya: na kho ahaɱ āvuso imassa bhikkhuno sutena pavāraṇaɱ ṭhapemi, api ca parisaṅkāya pavāraṇaɱ ṭhapemīti.
So evamassa vacanīyo ''yaɱ kho tvaɱ āvuso imassa bhikkhuno parisaṅkāya pavāraṇaɱ ṭhapesi, kiɱ parisaṅkasi, kinti parisaṅkasi, kadā parisaṅkasi, kattha parisaṅkasi, 1 pārājikaɱ ajjhāpannoti parisaṅkasi, saṅghādisesaɱ - thullaccayaɱ - pācittiyaɱ - pāṭidesanīyaɱ - dukkaṭaɱ - dubbhāsitaɱ ajjhāpannoti parisaṅkasi, bhikkhussa sutvā parisaṅkasi, bhikkhuniyā sutvā parisaṅkasi, sikkhamānāya sutvā parisaṅkasi, sāmaṇerassa sutvā parisaṅkasi, sāmaṇeriyā sutvā parisaṅkasi, upāsakassa sutvā parisaṅkasi, upāsikāya sutvā parisaṅkasi, rājūnaɱ sutvā parisaṅkasi, rājamahāmattānaɱ sutvā parisaṅkasi, titthiyānaɱ sutvā parisaṅkasi, titthiyasāvakānaɱ sutvā parisaṅkasī'ti.
1. Kiɱ te parisaṅkasi, kinti te parisaṅkasi, kadā te parisaṅkasi, kattha te parisaṅkasi - sīmu. 1, 2.
[BJT Page 166]
1. Diṭṭhaɱ diṭṭhena sameti diṭṭhena saɱsandate diṭṭhaɱ,
Diṭṭhaɱ paṭicca na upeti asuddhaparisaṅkito:
So puggalo paṭiññāya kātabbā tena pavāraṇā.
2. Sutaɱ sutena sameti sutena saɱsandate sutaɱ,
Sutaɱ paṭicca na upeti asuddhaparisaṅkito:
So puggalo paṭiññāya kātabbā tena pavāraṇā.
3. Mutaɱ mutena sameti mutena saɱsandate mutaɱ,
Mutaɱ paṭicca na upeti asuddhaparisaṅkito:
So puggalo paṭiññāya kātabbā tena pavāraṇāti.
Pucchāvibhāgo
1. Kiɱ te diṭṭhanti katamā pucchā, kinti te diṭṭhanti katamā pucchā, kadā te diṭṭhanti katamā pucchā, kattha te diṭṭhanti katamā pucchā:
2. Kiɱ te diṭṭhanti vatthupucchā. Vipattipucchā. Āpattipucchā ajjhācārapucchā.
Vatthupucchāti: aṭṭhannaɱ pārājikānaɱ vatthupucchā. Tevīsatisaṅghādisesānaɱ vatthupucchā, dve aniyatānaɱ vatthupucchā, dve cattāḷīsanissaggiyānaɱ vatthupucchā, aṭṭhāsītisatapācittiyānaɱ, vatthupucchā, dvādasapāṭidesanīyānaɱ vatthupucchā, dukkaṭānaɱ vatthupucchā, dubbhāsitānaɱ vatthupucchā.
Vipatti pucchāti: sīlavipatti pucchā, ācāravipattipucchā, diṭṭhivipatti pucchā, ājīvavipattipucchā.
Āpatti pucchāti: pārājikāpattipucchā, saṅghādisesāpattipucchā, thullaccayāpattipucchā, pācittiyāpattipucchā, pāṭidesanīyāpattipucchā, dukkaṭāpattipucchā, dubbhāsitāpattipucchā.
Ajjhācārapucchāti: dvayaɱ dvayasamāpattipucchā.
3. Kinti te diṭṭhanti: liṅgapucchā, iriyāpathapucchā, ākārapucchā, vippakārapucchā.
Liṅgapucchāti: dīghaɱ vā rassaɱ vā kaṇhaɱ vā odātaɱ vā.
Iriyāpathapucchāti: gacchantaɱ vā ṭhitaɱ vā nisinnaɱ vā nipannaɱ vā.
Ākārapucchāti: gihīliṅge vā titthiyaliṅge vā pabbajitaliṅge vā.
Vippakārapucchāti: gacchantaɱ vā ṭhitaɱ vā nisinnaɱ vā nipannaɱ vā.
[BJT Page 168]
[page 171]
4. Kadā te diṭṭhanti: kālapucchā, samayapucchā, divasapucchā, utupucchā.
Kālapucchāti: pubbanhakāle vā majjhantikakāle vā sāyanhakāle vā.
Samayapucchāti: pubbanhasamaye vā majjhantikasamaye vā sāyanhasamaye vā.
Divasapucchāti: purebhattaɱ vā pacchābhattaɱ vā rattiɱ vā divā vā kāḷe vā juṇhe vā.
Utupucchāti: hemante vā gimhe vā vassāne vā1.
5. Kattha te diṭṭhanti: ṭhānapucchā, bhūmipucchā, okāsapucchā, padesapucchā.
Ṭhānapucchāti: bhūmiyā vā paṭhaviyā vā dharaṇiyā vā jagatiyā vā.
Bhūmipucchāti: bhūmiyā vā paṭhaviyā vā pabbate vā pāsāṇe vā pāsāde vā.
Okāsapucchāti: puratthime vā okāse pacchime vā okāse uttare vā okāse dakkhiṇe vā okāse.
Padesapucchāti: puratthime vā padese pacchime vā padese uttare vā padese dakkhiṇe vā padese'ti.
Mahāsaṅgāmo niṭṭhito.
Tassuddānaɱ:
1. Vatthu nidānaɱ ākāro pubbāparaɱ katākataɱ,
Kammādhikaraṇañceva samatho chandagāmi ca.
2. Dosā mohā bhayā ceva saññānijjhāpanena ca,
Pekkhā pasāde pakkhomhi suta theratarena ca.
3. Asampattañca sampattaɱ dhammena vinayena ca
Satthussa sāsenenāpi mahāsaṅgāmañāpanātī.
1. Vasse - machasaɱ.
[BJT Page 170]
[page 172]
Kaṭhinabhedo
Kassa kaṭhinaɱ1 anatthataɱ, kassa kaṭhinaɱ atthataɱ, kinti kaṭhinaɱ anatthataɱ, kinti kaṭhinaɱ atthataɱ:
Kassa kaṭhinaɱ anatthatanti: dvinnaɱ puggalānaɱ anatthataɱ hoti kaṭhinaɱ: anatthārakassa ca, ananumodakassa ca. Imesaɱ dvinnaɱ puggalānaɱ anatthataɱ hoti kaṭhinaɱ.
Kassa kaṭhinaɱ atthatanti: dvinnaɱ puggalānaɱ atthataɱ hoti kaṭhinaɱ: atthārakassa ca, anumodakassa ca. Imesaɱ dvinnaɱ puggalānaɱ atthataɱ hoti kaṭhinaɱ.
Kinti kaṭhinaɱ anatthatanti: catuvīsatiyā ākārehi anatthataɱ hoti kaṭhinaɱ: na ullikhitamattena atthataɱ hoti kaṭhinaɱ, na dhovanamattena atthataɱ hoti kaṭhinaɱ, na cīvaravicāraṇamattena atthataɱ hoti kaṭhinaɱ. Na chedanamattena atthataɱ hoti kaṭhinaɱ. Na bandhanamattena atthataɱ hoti kaṭhinaɱ na ovaṭṭīkaraṇamattena2 atthataɱ hoti kaṭhinaɱ. Na kaṇḍusakaraṇamattena3 atthataɱ hoti kaṭhinaɱ. Na daḷhīkaraṇamattena atthataɱ hoti kaṭhinaɱ. Na anuvātakaraṇamattena atthataɱ hoti kaṭhinaɱ.
Na paribhaṇḍakaraṇamattena atthataɱ hoti kaṭhinaɱ.
Na ovaṭṭeyyakaraṇamattena atthataɱ hoti kaṭhinaɱ.
Na kambalamaddanamattena atthataɱ hoti kaṭhinaɱ. Na nimittakatena atthataɱ hoti kaṭhinaɱ. Na parikathākatena atthataɱ hoti kaṭhinaɱ. Na kukkukatena atthataɱ hoti kaṭhinaɱ. Na sannidhikatena atthataɱ hoti kaṭhinaɱ. Na nissaggiyena atthataɱ hoti kaṭhinaɱ. Na akappakatena atthataɱ hoti kaṭhinaɱ. Na aññatra saṅghāṭiyā atthataɱ hoti kaṭhinaɱ. Na aññatra uttarāsaṅgena atthataɱ hoti kaṭhinaɱ.
Na aññatra antaravāsakena atthataɱ hoti kaṭhinaɱ.
Na aññatra pañcakena vā atirekapañcakena vā tadaheva sañchinnena samaṇḍalīkatena atthataɱ hoti kaṭhinaɱ. Na aññatra puggalassa atthārā atthataɱ hoti kaṭhinaɱ.
Sammāceva atthataɱ hoti kaṭhinaɱ. Tañce nissīmaṭṭho anumodati, evampi anatthataɱ hoti kaṭhinaɱ.
Nimittakammaɱ nāma: nimittaɱ karoti ''iminā dussena kaṭhinaɱ attharissāmī''ti.
Parikathā nāma: parikathaɱ karoti ''imāya parikathāya kaṭhinadussaɱ nibbattessāmī''ti.
1. Kathinaɱ - machasaɱ, sabbattha.
2. Ovaṭṭiyakaraṇamatte - machasaɱ.
3. Gaṇḍūsakaraṇamattena - ma. Cha, saɱ.
[BJT Page 172]
Kukkukataɱ nāma: anādiya dānaɱ vuccati.
Sannidhi nāma: dve sannidhiyo: karaṇasannidhi ca, nicayasannidhi ca.
Nissaggiyaɱ nāma: karīyamāne aruṇaɱ udriyati, 1 imehi catuvīsatiyā ākārehi anatthataɱ hoti kaṭhinaɱ.
Kinti kaṭhinaɱ atthatanti: sattarasahi ākārehi atthataɱ hoti kaṭhinaɱ: ahatena atthataɱ hoti kaṭhinaɱ. Ahatakappena atthataɱ hoti kaṭhinaɱ. Pilotikāya atthataɱ hoti kaṭhinaɱ. Paɱsukūlena atthataɱ hoti kaṭhinaɱ. Pāpaṇikena atthataɱ hoti kaṭhinaɱ.
Animittakatena atthataɱ hoti kaṭhinaɱ. Aparikathākatena atthataɱ hoti kaṭhinaɱ.
Akukkukatena atthataɱ hoti kaṭhinaɱ. Asannidhikatena atthataɱ hoti kaṭhinaɱ.
Anissaggiyena atthataɱ hoti kaṭhinaɱ. Kappakatena atthataɱ hoti kaṭhinaɱ.
Saṅghāṭiyā atthataɱ hoti kaṭhinaɱ. Uttarāsaṅgena atthataɱ hoti kaṭhinaɱ.
Antaravāsakena atthataɱ hoti kaṭhinaɱ.
Pañcakena vā atirekapañcakena vā tadaheva sañchinnena samaṇḍalīkatena atthataɱ hoti kaṭhinaɱ. Puggalassa atthārā atthataɱ hoti kaṭhinaɱ.
Sammā ceva atthataɱ hoti kaṭhinaɱ.
Tañce sīmaṭṭho anumodati evampi atthataɱ hoti kaṭhinaɱ.
Imehi sattarasahi ākārehi atthataɱ hoti kaṭhinaɱ.
Saha kaṭhinassa atthārā kati dhammā jāyanti: saha kaṭhinassa atthārā paṇṇarasa dhammā jāyanti, aṭṭha mātikā dve ca paḷibodhā, pañca ānisaɱsā. Saha kaṭhinassa atthārā ime paṇṇarasa dhammā jāyanti.
[page 173]
Pucchāvissajjanaɱ
Payogassa katame dhammā anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo,
Pubbakaraṇassa katame dhammā anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo, paccuddhārassa
Katame dhammā anantarapaccayena paccayo, samanantarapaccayena paccayo,
Nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo,
Adhiṭṭhānassa katame dhammā anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo,
Atthārassa katame dhammā anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo, mātikānañca paḷibodhānañca katame dhammā anantarapaccayena paccayo, samanantarapaccayena paccayo,
Nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo,
Vatthussa katame dhammā anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, purejātapaccayena paccayo, pacchājātapaccayena paccayo, sahajātapaccayena paccayo:
1. Uṭṭhahati - sī. Mū. 2, Machasaɱ.
[BJT Page 174]
Pubbakaraṇaɱ1 payogassa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, payogo pubbakaraṇassa purejātapaccayena paccayo, pubbakaraṇaɱ payogassa
Pacchājātapaccayena paccayo, paṇṇarasa dhammā sahajātapaccayena paccayo.
Paccuddhāro pubbakaraṇassa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, pubbakaraṇaɱ paccuddhārassa purejātapaccayena paccayo, paccuddhāro pubbakaraṇassa
Pacchājātapaccayena paccayo, paṇṇarasa dhammā sahajātapaccayena paccayo.
Adhiṭṭhānaɱ paccuddhārassa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, paccuddhāro adhiṭṭhānassa purejātapaccayena paccayo, adhiṭṭhānaɱ paccuddhārassa
Pacchājātapaccayena paccayo, paṇṇarasa dhammā sahajātapaccayena paccayo.
Atthāro adhiṭṭhānassa anantarapaccayena paccayo, samanantarapaccayena paccayo, nissayapaccayena paccayo, upanissayapaccayena paccayo, adhiṭṭhānaɱ atthārassa purejātapaccayena paccayo, atthāro adhiṭṭhānassa
Pacchājātapaccayena paccayo, paṇṇarasa dhammā sahajātapaccayena paccayo.
Mātikā ca paḷibodhā ca atthārassa anantarapaccayena paccayo,
Samanantarapaccayena paccayo,
Nissayapaccayena paccayo, upanissayapaccayena paccayo, atthāro mātikānañca paḷibodhānañca purejātapaccayena paccayo, mātikā ca paḷibodhā ca atthārassa pacchājātapaccayena paccayo, paṇṇarasa dhammā sahajātapaccayena paccayo.
[page 174]
Āsā ca anāsā ca vatthussa anantarapaccayena paccayo,
Samanantarapaccayena paccayo,
Nissayapaccayena paccayo, upanissayapaccayena paccayo, vatthu āsānañca anāsānañca purejātapaccayena paccayo, āsā ca anāsā ca vatthussa
Pacchājātapaccayena paccayo, paṇṇarasa dhammā sahajātapaccayena paccayo.
Pubbakaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ. Paccuddhāro kiɱnidāno, kiɱsamudayo, kiɱjātiko, kiɱpabhavo, kiɱsambhāro, kiɱsamuṭṭhāno adhiṭṭhānaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ. Atthāro kiɱnidāno, kiɱsamudayo, kiɱjātiko, kiɱpabhavo,
1. Pubbakaraṇassa - sīmu. 2.
[BJT Page 176]
Kiɱsambhāro, kiɱsamuṭṭhāno. Mātikā ca paḷibodhā ca kiɱnidānā, kiɱsamudayā, kiɱjātikā, kiɱpabhavā, kiɱsambhārā, kiɱsamuṭṭhānā. Āsā ca anāsā ca kiɱnidānā, kiɱsamudayā, kiɱjātikā, kiɱpabhavā, kiɱsambhārā, kiɱ samuṭṭhānā:
Pubbakaraṇaɱ payoganidānaɱ, payogasamudayaɱ, payogajātikaɱ, payogapabhavaɱ, payogasambhāraɱ, payogasamuṭṭhānaɱ.
Paccuddhāro pubbakaraṇanidāno, pubbakaraṇasamudayo, pubbakaraṇajātiko, pubbakaraṇapabhavo, pubbakaraṇasambhāro, pubbakaraṇasamuṭṭhāno.
Adhiṭṭhānaɱ paccuddhāranidānaɱ, pacacuddhārasamudayaɱ, paccuddhārajātikaɱ, paccuddhārapabhavaɱ, paccuddhārasambhāraɱ, paccuddhārasamuṭṭhānaɱ.
Atthāro adhiṭṭhānanidāno, adhiṭṭhāsamudayo, adhiṭṭhānajātiko, adhiṭṭhānapabhavo, adhiṭṭhānasambhāro, adhiṭṭhānasamuṭṭhāno.
Mātikā ca paḷibodhā ca atthāranidānā, atthārasamudayā, atthārajātikā, atthārapabhavā, atthārasambhārā, atthārasamuṭṭhānā.
Āsā ca anāsā ca vatthunidānā, vatthusamudayā, vatthujātikā, vatthupabhavā, vatthusambhārā, vatthusamuṭṭhānā.
Payogo kiɱnidāno, kiɱsamudayo, kiɱjātiko, kiɱpabhavo, kiɱsambhāro, kiɱsamuṭṭhāno. Pubbakaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ. Paccuddhāro - adhiṭṭhānā - atthāro - mātikā ca paḷibodhā ca - vatthu āsā ca - anāsā ca kiɱnidānā, kisamudayā, kiɱjātikā, kiɱpabhavā, kiɱsambhārā, kiɱsamuṭṭhānā:
Payogo hetunidāno, hetusamudayo, hetujātiko, hetupabhavo,
Hetusambhāro, hetusamuṭṭhāno. Pubbakaraṇaɱ hetunidānaɱ, hetusamudayaɱ, hetujātikaɱ, hetupabhavaɱ, hetusambhāraɱ,
Hetusamuṭṭhānaɱ. Paccuddhāro - adhiṭṭhānaɱ - atthāro - mātikā ca
Paḷibodhā ca - vatthu āsā ca - anāsā ca hetu nidānā, hetusamudayā, hetujātikā, hetupabhavā, hetusambhārā, hetusamuṭṭhānā:
Payogo kiɱnidāno, kiɱsamudayo, kiɱjātiko, kiɱpabhavo, kiɱsambhāro, kiɱsamuṭṭhāno. Pubbakaraṇaɱ kiɱnidānaɱ, kiɱsamudayaɱ, kiɱjātikaɱ, kiɱpabhavaɱ, kiɱsambhāraɱ, kiɱsamuṭṭhānaɱ. Paccuddhāro - adhiṭṭhānaɱ - atthāro - mātikā ca paḷibodhā ca - vatthu āsā ca - anāsā ca kiɱnidānā, kiɱsamudayā, kiɱjātikā, kiɱpabhavā, kiɱsambhārā, kiɱsamuṭṭhānā:
[BJT Page 178]
Payogo paccayanidāno, paccayasamudayo, paccayajātiko, paccayapabhavo, paccayasambhāro, paccayasamuṭṭhāno. Pubbakaraṇaɱ paccayanidānaɱ,
Paccayasamudayaɱ, paccayajātikaɱ, paccayapabhavaɱ, paccayasambhāraɱ,
Paccayasamuṭṭhānaɱ. Paccuddhāro - adhiṭṭhānaɱ - atthāro - mātikā ca
Paḷibodhā ca - vatthu āsā ca - anāsā ca paccayanidānā, paccayasamudayā, paccayajātikā, paccayapabhavā, paccayasambhārā, paccayasamuṭṭhānā.
Saṅgahavāro
Pubbakaraṇaɱ katīhi dhammehi saṅgahītaɱ: pubbakaraṇaɱ sattahi dhammehi saṅgahītaɱ: dhovanena vicārena chedanena bandhanena sibbanena rajanena kappakaraṇena pubbakaraṇaɱ imehi sattahi dhammehi saṅgahītaɱ.
Paccuddhāro katīhi dhammehi saṅgahīto, paccuddhāro tīhi dhammehi saṅgahīto: saṅghāṭiyā uttarāsaṅgena antaravāsakena.
Adhiṭṭhānaɱ katīhi dhammehi saṅgahītaɱ: adhiṭṭhānaɱ tīhi dhammehi saṅgahītaɱ: saṅghāṭiyā uttarāsaṅgena antaravāsakena.
Atthāro katīhi dhammehi saṅgahīto: atthāro ekena dhammena saṅgahīto: vacībhedena.
Kaṭhinassa kati mūlāni, kati vatthūni, kati bhūmiyo: [page 175] kaṭhinassa ekaɱ mūlaɱ: saṅgho. Tīṇi vatthūni: saṅghāṭi, uttarāsaṅgo, antaravāsako. Cha bhūmiyo: khomaɱ, kappāsikaɱ, koseyyaɱ, kambalaɱ, sāṇaɱ, bhaṅgaɱ.
Kaṭhinassa ko ādi, kiɱ majjhaɱ, kiɱ pariyosānaɱ: kaṭhinassa pubbakaraṇaɱ ādi, kiriyā majjhaɱ, atthāro pariyosānaɱ.
Katīhaṅgehi samannāgato puggalo abhabbo kaṭhinaɱ attharituɱ,
Katīhaṅgehi samannāgato puggalo bhabbo kaṭhinaɱ attharituɱ,
Aṭṭhahaṅgehi samannāgato puggalo abhabbo kaṭhinaɱ attharituɱ,
Aṭṭhahaṅgehi samannāgato puggalo bhabbo kaṭhinaɱ attharituɱ,
Katamehi aṭṭhahaṅgehi samannāgato puggalo abhabbo kaṭhinaɱ attharituɱ: pubbakaraṇaɱ na jānāti, paccuddhāraɱ na jānāti, adhiṭṭhānaɱ na jānāti, atthāraɱ na jānāti, mātikaɱ na jānāti, paḷibodhaɱ na jānāti, uddhāraɱ na jānāti, ānasaɱsaɱ na jānāti. Imehi aṭṭhahaṅgehi samannāgato puggalo abhabbo kaṭhinaɱ attharituɱ.
[BJT Page 180]
Katamehi aṭṭhahaṅgehi samannāgato puggalo bhabbo kaṭhinaɱ attharituɱ: pubbakaraṇaɱ jānāti, paccuddhāraɱ jānāti, adhiṭṭhānaɱ jānāti, atthāraɱ jānāti, mātikaɱ jānāti, paḷibodhaɱ jānāti, uddhāraɱ jānāti, ānisaɱsaɱ jānāti. Imehi aṭṭhahaṅgehi samannāgato puggalo bhabbo kaṭhinaɱ attharituɱ.
Katinnaɱ1 puggalānaɱ kaṭhinatthārā na rūhanti, katinnaɱ puggalānaɱ kaṭhinatthārā rūhanti: tiṇṇaɱ puggalānaɱ kaṭhinatthārā na rūhanti. Tiṇṇaɱ puggalānaɱ kaṭhinatthārā rūhanti.
Katamesaɱ tiṇṇaɱ puggalānaɱ kaṭhinatthārā na rūhanti: nissīmaṭṭho anumodati, anumodanto na vācaɱ bhindati, vācaɱ bhindanto na paraɱ viññāpeti. Imesaɱ
Tiṇṇaɱ puggalānaɱ kaṭhinatthārā na rūhanti.
Katamesaɱ tiṇṇaɱ puggalānaɱ kaṭhinatthārā rūhanti: sīmaṭṭho anumodati, anumodanto vācaɱ bhindati, vācaɱ bhindanto paraɱ viññāpeti. Imesaɱ tiṇṇaɱ puggalānaɱ kaṭhinatthārā rūhanti.
Kati kaṭhinatthārā na rūhanti, kati kaṭhinatthārā rūhanti: tayo kaṭhinatthārā na rūhanti, tayo kaṭhinatthārā rūhanti.
Katame tayo kaṭhinatthārā na rūhanti: vatthuvipannañceva hoti, kālavipannañca, karaṇavipannañca. Ime tayo kaṭhinatthārā na rūhanti.
Katame tayo kaṭhinatthārā rūhanti: vatthusampannañceva hoti, kālasampannañca, karaṇasampannañca. Ime tayo kaṭhinatthārā rūhanti.
1. Kaṭhinaɱ jānitabbaɱ, kaṭhinatthāro jānitabbo, kaṭhinassa atthāramāso jānitabbo, kaṭhinassa atthāravipatti jānitabbā, kaṭhinassa atthārasampatti jānitabbā, nimittakammaɱ jānitabbaɱ, parikathā jānitabbā, kukkukataɱ jānitabbaɱ. Sannidhi jānitabbā, nissaggiyaɱ jānitabbaɱ.
[page 176]
2. Kaṭhinaɱ jānitabbanti: tesaññeva dhammānaɱ saṅgaho, samavāyo, nāmaɱ, nāmakammaɱ, nāmadheyyaɱ, nirutti, byañjanaɱ, abhilāpo, yadidaɱ kaṭhinanti.
3. Kaṭhinassa atthāramāso jānitabboti: vassānassa pacchimo māso jānitabbo.
4. Kaṭhinassa atthāravipatti jānitabbāti: catuvisatiyā ākārehi kaṭhinassa atthāravipatti jānitabbā.
5. Kaṭhinassa atthārasampatti jānitabbāti: sattarasahi ākārehi kaṭhinassa atthārasampatti jānitabbā.
1. Katīnaɱ - sīmu. Machasaɱ, syā.
[BJT Page 182]
6. Nimittakammaɱ jānitabbanti: nimittakammaɱ karoti 'iminā dussena kaṭhinaɱ attharissāmī'ti.
7. Parikathā jānitabbāti: parikathaɱ karoti 'imāya parikathāya kaṭhinadussaɱ nibbattessāmī'ti.
8. Kukkukataɱ jānitabbanti: anādiyadānaɱ jānitabbaɱ.
9. Sannidhijānitabbāti: dve sannidhiyo jānitabbā: karaṇa sannidhi ca nicayasannidhi ca.
10. Nissaggiyaɱ jānitabbanti: karīyamāne aruṇaɱ udīrayati. 1
11. Kaṭhinatthāro jānitabboti: sace saṅghassa kaṭhinadussaɱ uppannaɱ hoti: saṅghena kathaɱ paṭipajjitabbaɱ, atthārakena kathaɱ paṭipajjitabbaɱ, anumodakena kathaɱ paṭipajjitabbaɱ:
12. Saṅghena ñattidutiyakammena kaṭhinatthārakassa bhikkhuno dātabbaɱ. Tena kaṭhinatthārakena bhikkhunā tadaheva dhovitvā vimajjitvā vicāretvā jinditvā sibbetvā rajitvā kappaɱ katvā kaṭhinaɱ attharitabbaɱ. Sace saṅghāṭiyā kaṭhinaɱ attharitukāmo hoti, porāṇakā saṅghāṭi paccuddharitabbā, navā saṅghāṭi adhiṭṭhātabbā. ''Imāya saṅghāṭiyā kaṭhinaɱ attharāmī''ti vācā bhinditabbā. Sace uttarā saṅghena kaṭhinaɱ attharitukāmo hoti, porāṇako uttarāsaṅgo paccuddharitabbo, navo uttarāsaṅgo adhiṭṭhātabbo, ''iminā uttarāsaṅgena kaṭhinaɱ attharāmī"ti vācā bhanditabbā. Sace antaravāsakena kaṭhinaɱ attharitukāmo hoti, porāṇako antaravāsako paccuddharitabbo, navo antaravāsako adhiṭṭhātabbo, ''iminā antaravāsakena kaṭhinaɱ attharāmī''ti vācā bhinditabbā.
13. Tena kaṭhinatthārakena bhikkhunā saṅghaɱ upasaṅkamitvā ekaɱsaɱ uttarāsaṅghaɱ karitvā añjaliɱ paggahetvā evamassa vacanīyo: ''atthataɱ bhante saṅghassa kaṭhinaɱ dhammiko kaṭhinatthāro, anumodathā''ti. Tehi anumodakehi bhikkhūhi ekaɱsaɱ uttarāsaṅgaɱ karitvā [page 177] añjaliɱ paggahetvā evamassa vacanīyo: ''atthataɱ āvuso saṅghassa kaṭhinaɱ, dhammiko kaṭhinatthāro, anumodāmā''ti.
14. Tena kaṭhinatthārakena bhikkhunā sambahule bhikkhū
Upasaṅkamitvā ekaɱsaɱ uttarāsaṅghaɱ karitvā
Añjaliɱ paggahetvā evamassa vacanīyo: ''atthataɱ bhante saṅghassa kaṭhinaɱ. Dhammiko kaṭhinatthāro, anumodathā''ti. Tehi anumodakehi bhikkhūhi ekaɱsaɱ uttarāsaṅgaɱ karitvā añjaliɱ paggahetvā evamassa vacanīyo: ''atthataɱ āvuso saṅghassa kaṭhinaɱ, dhammiko kaṭhinatthāro, anumodāmā''ti.
1. Uṭṭhahati - machasaɱ.
[BJT Page 184]
15. Tena kaṭhinatthārakena bhikkhunā ekaɱ bhikkhuɱ
Upasaṅkamitvā ekaɱsaɱ uttarāsaṅghaɱ karitvā
Añjaliɱ paggahetvā evamassa vacanīyo: ''atthataɱ āvuso saṅghassa kaṭhinaɱ, dhammiko kaṭhinatthāro, anumodathā''ti. Tehi anumodakena bhikkhunā ekaɱsaɱ uttarāsaṅgaɱ karitvā añjaliɱ paggahetvā evamassa vacanīyo: ''atthataɱ āvuso saṅghassa kaṭhinaɱ, dhammiko kaṭhinatthāro, anumodāmī''ti.
Saṅgho kaṭhinaɱ attharati, gaṇo kaṭhinaɱ attharati, puggalo kaṭhinaɱ attharatīti: na saṅgho kaṭhinaɱ attharati, na gaṇo kaṭhinaɱ attharati, puggalo kaṭhinaɱ attharati. Hañci na saṅgho kaṭhinaɱ attharati, na gaṇo kaṭhinaɱ attharati, puggalo kaṭhinaɱ attharati: saṅghassa anatthataɱ hoti kaṭhinaɱ, gaṇassa anatthataɱ hoti kaṭhinaɱ, puggalassa atthataɱ hoti kaṭhinaɱ.
Saṅgho pātimokkhaɱ uddisati, gaṇo pātimokkhaɱ uddisati,
Puggalo pātimokkhaɱ uddisati, na saṅgho pātimokkhaɱ uddisati,
Na gaṇo pātimokkhaɱ uddisati, puggalo pātimokkhaɱ uddisati,
Hañci na saṅgho pātimokkhaɱ uddisati, na gaṇo pātimokkhaɱ uddisati,
Puggalo pātimokkhaɱ uddisati, saṅghassa anudiṭṭhaɱ hoti pātimokkhaɱ,
Gaṇassa anudiṭṭhaɱ hoti pātimokkhaɱ, puggalassa uddiṭṭhaɱ hoti pātimokkhaɱ,
Saṅghassa sāmaggiyā gaṇassa sāmaggiyā puggalassa uddesā saṅghassa uddiṭṭhaɱ hoti pātimokkhaɱ, gaṇassa uddiṭṭhaɱ hoti pātimokkhaɱ,
Puggalassa uddiṭṭhaɱ hoti pātimokkhaɱ,
Evameva na saṅgho kaṭhinaɱ attharati, na gaṇo kaṭhinaɱ attharati, puggalo kaṭhinaɱ attharati, saṅghassa anumodanāya gaṇassa anumodanāya puggalassa atthārā saṅghassa atthataɱ hoti kaṭhinaɱ, gaṇassa atthataɱ hoti kaṭhinaɱ, puggalassa atthataɱ hoti kaṭhinanti.
1. Pakkamantiko kaṭhinuddhāro vutto ādiccabandhunā.
Etañca tāhaɱ pucchāmi katamo paḷibodho paṭhamaɱ chijjati:
[page 178]
2. Pakkamanantiko kaṭhinuddhāro vutto ādiccabandhūnā,
Etañca tāhaɱ vissajjissaɱ cīvarapaḷibodho paṭhamaɱ chajjati:
Tassa saha bahisīmagamanā āvāsapaḷibodho chajjati.
3. Niṭṭhānanniko kaṭhinuddhāro vutto ādiccabandhunā,
Etañca tāhaɱ pucchāmi katamo paḷibodho paṭhamaɱ chijjati:
4. Niṭṭhānantiko kaṭhinuddhāro vutto ādiccabandhunā,
Etañca tāhaɱ vissajjissaɱ āvāsapaḷibodho paṭhamaɱ chijjati:
Cīvare niṭṭhite cīvarapaḷibodho chijjati.
5. Sanniṭṭhānantiko kaṭhinuddhāro vutto ādiccabandhunā,
Etañca tāhaɱ pucchāmi katamo paḷibodho paṭhamaɱ chijjati:
[BJT Page 186]
6. Sanniṭṭhānantiko kaṭhinuddhāro vutto ādiccabandhunā,
Etañca tāhaɱ vissajjissaɱ dve paḷibodhā apubbaɱ acarimaɱ chijjanti.
7. Nāsanantiko kaṭhinuddhāro vutto ādiccabandhunā,
Etañca tāhaɱ pucchāmi katamo paḷibodho paṭhamaɱ chijjati:
8. Nāsanantiko kaṭhinuddhāro vutto ādiccabandhunā,
Etañca tāhaɱ vissajjissaɱ āvāsapaḷibodho paṭhamaɱ chijjati:
Cīvare naṭṭhe cīvarapaḷibodho chijjati.
9. Savaṇantiko kaṭhinuddhāro vutto ādiccabandhunā,
Etañca tāhaɱ pucchāmi katamo paḷibodho paṭhamaɱ chijjati.
10. Savaṇantiko kaṭhinuddhāro vutto ādiccabandhunā,
Etañca tāhaɱ vissajjissaɱ cīvarapaḷibodho paṭhamaɱ chijjati:
Tassa saha savaṇena āvāsapaḷibodho chijjati.
11. Āsāvacchediko kaṭhinuddhāro vutto ādiccabandhunā,
Etañca tāhaɱ pucchāmi katamo paḷibodho paṭhamaɱ chijjati:
12. Āsāvacchediko kaṭhinuddhāro vutto ādiccabandhunā,
Etañca tāhaɱ vissajjissaɱ āvāsapaḷibodho paṭhamaɱ chijjati,
Cīvarāsāya upacchinnāya cīvarapaḷibodho chijjati.
13. Sīmātikkantiko kaṭhinuddhāro vutto ādiccabandhunā,
Etañca tāhaɱ pucchāmi katamo paḷibodho paṭhamaɱ chijjati:
14. Sīmātikkantiko kaṭhinuddhāro vutto ādiccabandhunā,
Etañca tāhaɱ vissajjissaɱ cīvarapaḷibodho paṭhamaɱ chijjati:
Tassa bahisīmagatassa āvāsapaḷibodho chijjati.
15. Sahubbhāro kaṭhinuddhāro vutto ādiccabandhunā,
Etañca tāhaɱ pucchāmi katamo paḷibodho paṭhamaɱ chijjati:
16. Sahubbhāro kaṭhinuddhāro vutto ādiccabandhunā,
Etañca tāhaɱ vissajjissaɱ dve paḷibodhā apubbaɱ acarimaɱ chijjantīti.
17. Kati kaṭhinuddhārā saṅghādhīnā, kati kaṭhinuddhārā puggalādhīnā, kati kaṭhinuddhārā neva saṅghādhīnā na puggalādhīnā: eko kaṭhinuddhāro saṅghādhīno: antarubbhāro. Cattāro kaṭhinuddhārā puggalādhīnā: pakkamanantiko niṭṭhānantiko sanniṭṭhānantiko sīmātikkantiko. Cattāro kaṭhinuddhārā neva saṅghādhīnā na puggalādhīnā nāsanantiko savaṇantiko āsāvacchediko sahubbhāro.
[BJT Page 188]
[page 179]
18. Kati kaṭhinuddhārā antosīmāya uddharīyanti, kati kaṭhinuddhārā bahisīmāya uddharīyanti, kati kaṭhinuddhārā siyā antosīmāya uddharīyanti, siyā bahisīmāya uddharīyanni: dve kaṭhinuddhārā antosīmāya uddharīyanti: antarubbhāro sahubbhāro. Tayo kaṭhinuddhāro bahisīmāya uddharīyanti: pakkamanantiko savaṇantiko sīmātikkantiko. Cattāro kaṭhinuddhārā siyā antosīmāya uddharīyanti, siyā bahisīmāya uddharīyanti: niṭṭhānantiko sanniṭhānantiko savaṇantiko āsāvacchediko.
19. Kati kaṭhinuddhārā1 ekuppādā, ekanirodhā, kati kaṭhinuddhārā ekuppādā, nānānirodhā: dve kaṭhinuddhārā ekuppādā ekanirodhā: antarubbhāro sahubbhāro. Avasesā kaṭhinuddhārā ekuppādā nānānirodhāti.
Kaṭhinabhedo2 niṭṭhito
Tassuddānaɱ:
1. Kassa kinti paṇṇarasa dhammā nidānahetu ca,
Paccaya saɱgaha mūlā ādi ca atthāra puggalā. 3
2. Bhedā tiṇṇaɱ4 tayo jānitabbaɱ atthāraɱ uddesena ca,
Paḷibodhādhīnā sīmāya uppādanirodhena cāti.
1. Kathinuddhārā - machasaɱ,
2. Kathinabhedo - machasaɱ,
Kaṭhinabhedaɱ - syā,
3. Aṭṭhārapuggalā - sīmu.
4. Tiṇṇaɱ tayo - machasaɱ.
[BJT Page 190]
[page 180]
Upāli pañcakaɱ
1. Anissita vaggo
1. Tena samayena buddho bhagavā sāvatthiyaɱ viharati jetavane anāthapiṇḍikassa ārāme. Atha kho āyasmā upāli yena bhagavā tenupasaṅkami. Upasaṅkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho āyasmā upāli bhagavantaɱ etadavoca: ''katīhi nukho bhante aṅgehi samannāgatena bhikkhunā yāvajīvaɱ nānissitena vatthabba''nti.
Pañcahupāli, aṅgehi samannāgatena bhikkhunā yāvajīvaɱ nānissitena vatthabbaɱ, katamehi pañcahi: uposathaɱ na jānāti, uposathakammaɱ na jānāti, pātimokkhaɱ na jānāti, pātimokkhuddesaɱ na jānāti, ūnapañcavasso hoti. Imehi kho upāli, pañcahaṅgehi samannāgatena bhikkhunā yāvajīvaɱ nānissitena vatthabbaɱ.
Pañcahupāli, aṅgehi samannāgatena bhikkhunā yāvajīvaɱ anissitena vatthabbaɱ, katamehi pañcahi: uposathaɱ jānāti, uposathakammaɱ jānāti, pātimokkhaɱ jānāti, pātimokkhuddesaɱ jānāti, pañcavasso vā hoti atirepañcavasso vā. Imehi kho upāli,
Pañcahaṅgehi samannāgatena bhikkhunā yāvajīvaɱ anissitena vatthabbaɱ.
2 Aparehipi upāli, pañcahaṅgehi samannāgatena bhikkhunā yāvajīvaɱ nānissitena
Vatthabbaɱ, katamehi pañcahi: pavāraṇaɱ na jānāti, pavāraṇakammaɱ na jānāti,
Pātimokkhaɱ na jānāti, pātimokkhuddesaɱ na jānāti, ūnapañcavasso hoti. Imehi kho upāli,
Pañcahaṅgehi samannāgatena bhikkhunā yāvajīvaɱ nānissitena vatthabbaɱ.
Pañcahupāli, aṅgehi samannāgatena bhikkhunā yāvajīvaɱ anissitena vatthabbaɱ, katamehi pañcahi: pavāraṇaɱ jānāti, pavāraṇakammaɱ jānāti, pātimokkhaɱ jānāti, pātimokkhuddesaɱ jānāti, pañcavasso vā hoti atirekapañcavasso vā. Imehi kho upāli,
Pañcahaṅgehi samannāgatena bhikkhunā yāvajīvaɱ anissitena vatthabbaɱ.
3. Aparehipi upāli, pañcahaṅgehi samannāgatena bhikkhunā yāvajīvaɱ nānissitena
Vatthabbaɱ, katamehi pañcahi: āpattānāpattiɱ na jānāti, lahukagarukaɱ āpattiɱ na jānāti, sāvasesānavasesaɱ āpattiɱ na jānāti, duṭṭhullāduṭṭhullaɱ āpattiɱ na jānāti, ūnapañcavasso hoti. Imehi kho upāli,
Pañcahaṅgehi samannāgatena bhikkhunā yāvajīvaɱ nānissitena vatthabbaɱ.
[BJT Page 192]
Pañcahupāli, aṅgehi samannāgatena bhikkhunā yāvajīvaɱ anissitena vatthabbaɱ, katamehi pañcahi: āpattānāpattiɱ jānāti, lahukagarukaɱ āpattiɱ jānāti, sāvasesānavasesaɱ āpattiɱ jānāti, duṭṭhullāduṭṭhullaɱ āpattiɱ jānāti, pañcavasso vā hoti atireka pañcavasso vā. Imehi kho upāli,
Pañcahaṅgehi samannāgatena bhikkhunā yāvajīvaɱ anissitena vatthabbaɱ.
[page 181]
4. Katīhi nu kho bhante, aṅgehi samannāgatena bhikkhunā na upasampādetabbaɱ, na nissayo dātabbo, na sāmaṇero upaṭṭhāpetabboti.
Pañcahupāli aṅgehi samannāgatena bhikkhunā na upasampādetabbaɱ, na nissayo dātabbo, na sāmaṇero upaṭṭhāpetabbo, katamehi pañcahi: na paṭibalo hoti antevāsiɱ vā saddhivihāriɱ vā gilānaɱ upaṭṭhātuɱ vā upaṭṭhāpetuɱ vā, uppannaɱ anabhiratiɱ vūpakāsetuɱ vā, vūpakāsāpetuɱ vā, uppannaɱ kukkuccaɱ dhammato vinayato vinodetuɱ vā, vinodāpetuɱ vā, abhidhamme vinetuɱ, abhivinaye vinetuɱ. Imehi kho upāli, pañcahaṅgehi samannāgatena bhikkhunā na upasampādetabbaɱ. Na nissayo dātabbo. Na sāmaṇero upaṭṭhāpetabbo.
Pañcahupāli aṅgehi samannāgatena bhikkhunā upasampādetabbaɱ, nissayo dātabbo, sāmaṇero upaṭṭhāpetabbo, katamehi pañcahi: paṭibalo hoti antevāsiɱ vā saddhivihāriɱ vā gilānaɱ upaṭṭhātuɱ vā upaṭṭhāpetuɱ vā, uppannaɱ anabhiratiɱ vūpakāsetuɱ vā, vūpakāsāpetuɱ vā, uppannaɱ kukkuccaɱ dhammato vinayato vinodetuɱ vā, vinodāpetuɱ vā, abhidhamme vinetuɱ, abhivinaye vinetuɱ. Imehi kho upāli, pañcahaṅgehi samannāgatena bhikkhunā upasampādetabbaɱ. Nissayo dātabbo. Sāmaṇero upaṭṭhāpetabbo.
5. Aparehipi upāli, pañcahaṅgehi samannāgatena bhikkhunā na upasampādetabbaɱ, na nissayo dātabbo, na sāmaṇero upaṭṭhāpetabbo,
Katamehi pañcahi: na paṭibalo hoti antevāsiɱ vā saddhivihāriɱ vā
Ābhisamācārikāya sikkhāya sikkhāpetuɱ, ādibrahmacariyikāya sikkhāya vinetuɱ, adhisīle vinetuɱ, adhicitte vinetuɱ, adhipaññāya vinetuɱ. Imehi
Kho upāli, pañcahaṅgehi samannāgatena bhikkhunā na upasampādetabbaɱ. Na nissayo dātabbo. Na sāmaṇero upaṭṭhāpetabbo.
Pañcahupāli, aṅgehi samannāgatena bhikkhunā upasampādetabbaɱ,
Nissayo dātabbo, sāmaṇero upaṭṭhāpetabbo,
Katamehi pañcahi: paṭibalo hoti antevāsiɱ vā saddhivihāriɱ vā
Ābhisamācārikāya sikkhāya sikkhāpetuɱ, ādibrahmacariyikāya sikkhāya vinetuɱ, adhisīle vinetuɱ, adhicitte vinetuɱ, adhipaññāya vinetuɱ. Imehi
Kho upāli, pañcahaṅgehi samannāgatena bhikkhunā upasampādetabbaɱ. Nissayo dātabbo. Sāmaṇero upaṭṭhāpetabboti.
[BJT Page 194]
6. Katīhi nu kho bhante, aṅgehi samannāgatassa bhikkhuno kammaɱ kātabbanti.
Pañcahupāli, aṅgehi samannāgatassa bhikkhuno kammaɱ kātabbaɱ. Katamehi pañcahi: alajji ca hoti, bālo ca, apakatatto ca, micchādiṭṭhiko ca hoti, ājīvavipanno ca, imehi kho upāli, pañcahaṅgehi samannāgatassa bhikkhuno kammaɱ kātabbaɱ.
7. Aparehipi upāli, pañcahaṅgehi samannāgatassa bhikkhuno kammaɱ kātabbaɱ. Katamehi pañcahi: adhisīle sīlavipanto hoti, ajjhācāre ācāravipanno hoti, atidiṭṭhiyā diṭṭhivipanno hoti, micchādiṭṭhiko ca hoti, ājīvavipanno ca, imehi kho upāli, pañcahaṅgehi samannāgatassa bhikkhuno kammaɱ kātabbaɱ.
8. Aparehipi upāli, pañcahaṅgehi samannāgatassa bhikkhuno kammaɱ kātabbaɱ. Katamehi pañcahi: kāyikena davena samannāgato hoti, vācasikena davena samannāgato hoti, kāyikavācasikena davena samannāgato hoti, [page 182] micchādiṭṭhiko ca hoti, ājīvavipanno ca. Imehi kho upāli, pañcahaṅgehi samannāgatassa bhikkhuno kammaɱ kātabbaɱ.
9. Aparehipi upāli, pañcahaṅgehi samannāgatassa bhikkhuno kammaɱ kātabbaɱ. Katamehi pañcahi: kāyikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti, micchādiṭṭhiko ca hoti, ājīvavipanno ca.
Imehi kho upāli, pañcahaṅgehi samannāgatassa bhikkhuno kammaɱ kātabbaɱ.
10. Aparehipi upāli, pañcahaṅgehi samannāgatassa bhikkhuno kammaɱ kātabbaɱ. Katamehi pañcahi: kāyikena upaghātikena samannāgato hoti, vācasikena upaghātikena samannāgato hoti, kāyikavācasikena upaghātikena samannāgato hoti, micchādiṭṭhiko ca hoti, ājīvavipanno ca.
Imehi kho upāli, pañcahaṅgehi samannāgatassa bhikkhuno kammaɱ kātabbaɱ.
11. Aparehipi upāli, pañcahaṅgehi samannāgatassa bhikkhuno kammaɱ kātabbaɱ. Katamehi pañcahi: kāyikena micchājīvena samannāgato hoti, vācasikena micchājīvena samannāgato hoti, kāyikavācasikena micchājīvena samannāgato hoti, micchādiṭṭhiko ca hoti, ājīvavipanno ca.
Imehi kho upāli, pañcahaṅgehi samannāgatassa bhikkhuno kammaɱ kātabbaɱ.
12. Aparehipi upāli, pañcahaṅgehi samannāgatassa bhikkhuno kammaɱ kātabbaɱ. Katamehi pañcahi: āpattiɱ āpanno kammakato upasampādeti, nissayaɱ deti, sāmaṇeraɱ upaṭṭhāpeti, bhikkhunovādaka sammutiɱ sādiyati, sammatopi bhikkhuniyo ovadati.
Imehi kho upāli, pañcahaṅgehi samannāgatassa bhikkhuno kammaɱ kātabbaɱ.
[BJT Page 196]
13. Aparehipi upāli, pañcahaṅgehi samannāgatassa bhikkhuno kammaɱ kātabbaɱ. Katamehi pañcahi: yāya āpattiyā saṅghena kammaɱ kataɱ hoti taɱ āpattiɱ āpajjati, aññaɱ vā tādisikaɱ, tato vā pāpiṭṭhataraɱ, kammaɱ garahati, kammike garahati,
Imehi kho upāli, pañcahaṅgehi samannāgatassa bhikkhuno kammaɱ kātabbaɱ.
14. Aparehipi upāli, pañcahaṅgehi samannāgatassa bhikkhuno kammaɱ kātabbaɱ. Katamehi pañcahi: buddhassa avaṇṇaɱ bhāsati, dhammassa avaṇṇaɱ bhāsati, saṅghassa avaṇṇaɱ bhāsati, micchādiṭṭhiko ca hoti, ājīvavipanno ca.
Imehi kho upāli, pañcahaṅgehi samannāgatassa bhikkhuno kammaɱ kātabbaɱ.
Anissitavaggo paṭhamo
Tassuddānaɱ:
1. Uposathaɱ pavāraṇaɱ āpatti ca gilānakaɱ,
Ābhisamācāralajjī ca adhisīladavena ca.
2. Anācāraɱ upaghāti micchā āpattimeva ca,
Yāya āpattiyā buddhassa paṭhamo vaggasaṅgahoti.
2. Na paṭippasambhanavaggo
1. Katīhi nu kho bhante, aṅgehi samannāgatassa bhikkhuno kammaɱ na paṭippassambhetabbanti.
Pañcahupāli, aṅgehi samannāgatassa bhikkhuno kammaɱ na paṭippassambhetabbaɱ. Katamehi pañcahi: [page 183] āpattiɱ āpanno kammakato upasampādeti, nissayaɱ deti, sāmaṇeraɱ upaṭṭhāpeti, bhikkhunovādaka sammutiɱ sādiyati, sammatopi bhikkhuniyo ovadati. Imehi kho upāli, pañcahaṅgehi samannāgatassa bhikkhuno kammaɱ na paṭippassambhetabbaɱ.
2. Aparehipi upāli, pañcahaṅgehi samannāgatassa bhikkhuno kammaɱ
Na paṭippassambhetabbaɱ. Katamehi pañcahi: yāya āpattiyā saṅghena kammaɱ kataɱ hoti taɱ āpattiɱ āpajjati, aññaɱ vā tādisikaɱ, tato vā pāpiṭṭhataraɱ, kammaɱ garahati. Imehi kho upāli, pañcahaṅgehi samannāgatassa bhikkhuno kammaɱ na paṭippassambhetabbaɱ.
3. Aparehipi upāli, pañcahaṅgehi samannāgatassa bhikkhuno kammaɱ
Na paṭippassambhetabbaɱ. Katamehi pañcahi: buddhassa avaṇṇaɱ bhāsati, dhammassa avaṇṇaɱ bhāsati, saṅghassa avaṇṇaɱ bhāsati, micchādiṭṭhiko ca hoti, ājīvavipanno ca.
Imehi kho upāli, pañcahaṅgehi samannāgatassa bhikkhuno kammaɱ na paṭippassambhetabbaɱ.
[BJT Page 198]
4. Aparehipi upāli, pañcahaṅgehi samannāgatassa bhikkhuno kammaɱ na paṭippassambhetabbaɱ. Katamehi pañcahi: alajji ca hoti, bālo ca, apakatatto ca, omaddakārako ca hoti vattesu, sikkhāya ca na paripūrakārī. Imehi kho upāli pañcahaṅgehi samannāgatassa bhikkhuno kammaɱ na paṭippassambhetabbanti.
5. Saṅgāmāvacarena bhante, bhikkhunā saṅghaɱ upasaṅkamantena kati dhamme ajjhattaɱ upaṭṭhapetvā saṅgho upasaṅkamitabboti.
Saṅgāmāvacarena upāli, bhikkhunā saṅghaɱ upasaṅkamantena pañca dhamme ajjhattaɱ upaṭṭhapetvā saṅgho upasaṅkamitabbo. Katame pañca: saṅgāmāvacarena upāli bhikkhunā saṅghaɱ upasaṅkamantena nīcacittena saṅgho upasaṅkamitabbo rajoharaṇa samena cittena, āsanakusalena bhavitabbaɱ nisajjākusalena there bhikkhū anupakhajjantena nave bhikkhū āsanena appaṭibāhantena tathārūpe āsane nisīditabbaɱ, anānākathikena bhavitabbaɱ atiracchānakathikena, sāmaɱ vā dhammo bhāsitabbo paro vā ajjhesitabbo ariyo vā tuṇhībhāvo nātimaññitabbo, sace upāli, saṅgho samaggakaraṇiyāni kammāni karoti, tatra ce upāli, bhikkhuno nakkhamati api diṭṭhāvikammaɱ katvā upetabbā sāmaggi. Taɱ kissa hetu: māhaɱ saṅghena nānatto assanti. Saṅgāmāvacarena upāli, bhikkhunā saṅghaɱ upasaṅkamantena ime pañca dhamme ajjhattaɱ upaṭṭhapetvā saṅgho upasaṅkamitabboti.
6. Katīhi nu kho bhante, aṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito cāti.
Pañcahupāli, aṅgehi samannāgato bhikkhu saṅghe voharanto bahujanaakanto ca hoti, bahujanaamanāpo ca bahujanaarucito ca. Katamehi pañcahi: ussitamantī ca hoti, nissitajappī ca hoti na ca bhāsānusandhikusalo hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti. Imehi kho upāli pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca.
Pañcahupāli, aṅgehi samannāgato bhikkhu saṅghe voharanto bahujanakanto ca hoti, bahujanamanāpo ca bahujanarucito ca.[page 184] katamehi pañcahi: na ussitamantī ca hoti, na nissitajappī ca hoti bhāsānusandhikusalo hoti, yathādhamme yathāvinaye
Yathāpattiyā codetā hoti, yathādhamme yathāvinaye yathāpattiyā kāretā hoti. Imehi kho upāli pañcahaṅgehi samannāgato bhikkhu saṅghe voharanto bahujanakanto ca hoti bahujanamanāpo ca bahujanarucito ca.
[BJT Page 200]
Aparehipi upāli, pañcahaṅgehi samannāgato bhikkhu saṅghe voharanto bahujanaakanto ca hoti, bahujanaamanāpo ca bahujanaarucito ca. Katamehi pañcahi: ussādetā hoti, apasādetā hoti, adhammaɱ gaṇhāti, dhammaɱ paṭibāhati, samphaɱ ca bahuɱ bhāsati. Imehi kho upāli pañcahaṅgehi samannāgato bhikkhu saṅghe voharanto bahujanaakanto ca hoti bahujanaamanāpo ca bahujanaarucito ca.
Pañcahupāli, aṅgehi samannāgato bhikkhu saṅghe voharanto bahujanakanto
Ca hoti, bahujanamanāpo ca bahujanarucito ca. Katamehi pañcahi: na ussādetā hoti, na apasādetā hoti, dhammaɱ gaṇhāti, adhammaɱ paṭibāhati, samphañca na bahuɱ bhāsati. Imehi kho upāli pañcahaṅgehi samannāgato
Bhikkhu saṅghe voharanto bahujanakanto ca hoti bahujanamanāpo ca bahujanarucito ca.
8. Aparehipi upāli, pañcahaṅgehi samannāgato bhikkhu saṅghe voharanto
Bahujanaakanto ca hoti, bahujanaamanāpo ca bahujanaarucito ca. Katamehi pañcahi: pasayhapavattā hoti, anokāsakammaɱ kāretvā pavattā hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti, na yathādiṭṭhiyā byākattā hoti.
Imehi kho upāli pañcahaṅgehi samannāgato bhikkhu saṅghe voharanto
Bahujanaakanto ca hoti bahujanaamanāpo ca bahujanaarucito ca.
Pañcahupāli, aṅgehi samannāgato bhikkhu saṅghe voharanto
Bahujanakanto ca hoti, bahujanamanāpo ca bahujanarucito ca. Katamehi pañcahi: na pasayhapavattā hoti, na okāsakammaɱ kāretvā pavattā hoti, yathādhamme yathāvinaye yathāpattiyā codetā hoti, yathādhamme yathāvinaye yathāpattiyā kāretā hoti, yathādiṭṭhiyā byākattā hoti.
Imehi kho upāli pañcahaṅgehi samannāgato bhikkhu saṅghe voharanto
Bahujanakanto ca hoti bahujanamanāpo ca bahujanarucito cāti.
9. Kati nu kho bhante, ānisaɱsā vinayapariyattiyāti?
Pañcime upāli, ānisaɱsā vinayapariyattiyā. Katame pañca: attano sīlakkhandho sugutto hoti surakkhito, kukkuccāpakatānaɱ paṭisaraṇaɱ hoti, visārado saṅghamajjhe voharati, paccatthike sahadhammena suniggahītaɱ niggaṇhāti, saddhammaṭṭhitiyā paṭipanno hoti. Ime kho upāli, pañcānisaɱsā vinayapariyattiyāti.
Na paṭippassambhanavaggo dutiyo
[BJT Page 202]
Tassuddānaɱ:
1. Āpanno yāya vaṇṇañca alajjī saṅgāmena ca,
Ussitā ussādetā ca pasayhapariyattiyāti.
Paṭhamayamakapaññattī
[page 185]
3. Vohāravaggo
1. Katīhi nu kho bhante aṅgehi samannāgatena bhikkhunā saṅghe na voharitabbanti?
Pañcahupāli aṅgehi samannāgatena bhikkhunā saṅghe na voharitabbaɱ katamehi pañcahi: āpattiɱ na jānāti, āpattisamuṭṭhānaɱ na jānāti, āpattiyā payogaɱ na jānāti, āpattiyā vūpasamaɱ na jānāti, āpattiyā na vinicchayakusalo hoti. Imehi kho upāli pañcahaṅgehi samannāgatena bhikkhunā saṅghe na voharitabbaɱ.
Pañcahupāli aṅgehi samannāgatena bhikkhunā saṅghe voharitabbaɱ katamehi pañcahi: āpattiɱ jānāti, āpattisamuṭṭhānaɱ jānāti, āpattiyā payogaɱ jānāti, āpattiyā vūpasamaɱ jānāti, āpattiyā vinicchayakusalo hoti. Imehi kho upāli pañcahaṅgehi samannāgatena bhikkhunā saṅghe voharitabbaɱ.
2. Aparehipi upāli, pañcahaṅgehi samannāgatena bhikkhunā saṅghe na voharitabbaɱ katamehi pañcahi: adhikaraṇaɱ na jānāti, adhikaraṇasamuṭṭhānaɱ na jānāti, adhikaraṇassa payogaɱ na jānāti, adhikaraṇassa vūpasamaɱ na jānāti, adhikaraṇassa na vinicchayakusalo hoti. Imehi kho upāli, pañcahaṅgehi samannāgatena bhikkhunā saṅghe na voharitabbaɱ.
Pañcahupāli, aṅgehi samannāgatena bhikkhunā saṅghe voharitabbaɱ
Katamehi pañcahi: adhikaraṇaɱ jānāti, adhikaraṇasamuṭṭhānaɱ jānāti, adhikaraṇassa payogaɱ jānāti, adhikaraṇassa vūpasamaɱ jānāti, adhikaraṇassa vinicchayakusalo hoti. Imehi kho upāli, pañcahaṅgehi samannāgatena bhikkhunā saṅghe voharitabbaɱ.
3. Aparehipi upāli, pañcahaṅgehi samannāgatena bhikkhunā saṅghe na voharitabbaɱ katamehi pañcahi: pasayha pavattā hoti, anokāsakammaɱ kāretvā pavattā hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti, na yathādiṭṭhiyā byākattā hoti.
Imehi kho upāli, pañcahaṅgehi samannāgatena bhikkhunā saṅghe na voharitabbaɱ.
[BJT Page 204]
Pañcahupāli, aṅgehi samannāgatena bhikkhunā saṅghe voharitabbaɱ.
Katamehi pañcahi: na pasayha pavattā hoti, okāsakammaɱ kāretvā pavattā hoti, yathādhamme yathāvinaye yathāpattiyā codetā hoti, yathādhamme yathāvinaye yathāpattiyā kāretā hoti, yathādiṭṭhiyā byākattā hoti.
Imehi kho upāli, pañcahaṅgehi samannāgatena bhikkhunā saṅghe voharitabbaɱ.
4. Aparehipi upāli, pañcahaṅgehi samannāgatena bhikkhunā saṅghe na voharitabbaɱ katamehi pañcahi: āpattānāpattiɱ na jānāti, lahukagarukaɱ āpattiɱ na jānāti, sāvasesānavasesaɱ āpattiɱ na jānāti, duṭṭhullāduṭṭhullaɱ āpattiɱ na jānāti, sappaṭikammaɱ appaṭikammaɱ āpattiɱ na jānāti,
Imehi kho upāli, pañcahaṅgehi samannāgatena bhikkhunā saṅghe na voharitabbaɱ.
Pañcahupāli, aṅgehi samannāgatena bhikkhunā saṅghe voharitabbaɱ
Katamehi pañcahi: āpattānāpattiɱ jānāti, lahukagarukaɱ āpattiɱ jānāti, sāvasesānavasesaɱ āpattiɱ jānāti, duṭṭhullāduṭṭhullaɱ āpattiɱ jānāti, sappaṭikammaɱ appaṭikammaɱ āpattiɱ jānāti,
Imehi kho upāli, pañcahaṅgehi samannāgatena bhikkhunā saṅghe voharitabbaɱ.
5. Aparehipi upāli, pañcahaṅgehi samannāgatena bhikkhunā saṅghe na voharitabbaɱ katamehi pañcahi: kammaɱ na jānāti, kammassa karaṇaɱ na jānāti, kammassa vatthuɱ na jānāti, kammassa vattaɱ na jānāti, kammassa vūpasamaɱ na jānāti,
Imehi kho upāli, pañcahaṅgehi samannāgatena bhikkhunā saṅghe na voharitabbaɱ.
[page 186]
Pañcahupāli, aṅgehi samannāgatena bhikkhunā saṅghe voharitabbaɱ
Katamehi pañcahi: kammaɱ jānāti, kammassa karaṇaɱ jānāti, kammassa vatthuɱ jānāti, kammassa vattaɱ jānāti, kammassa vūpasamaɱ jānāti,
Imehi kho upāli, pañcahaṅgehi samannāgatena bhikkhunā saṅghe voharitabbaɱ.
6. Aparehipi upāli, pañcahaṅgehi samannāgatena bhikkhunā saṅghe na voharitabbaɱ katamehi pañcahi: vatthuɱ na jānāti, nidānaɱ na jānāti, paññattiɱ
Na jānāti, padapaccābhaṭṭhaɱ na jānāti, anusandhivacanapathaɱ na jānāti,
Imehi kho upāli, pañcahaṅgehi samannāgatena bhikkhunā saṅghe na voharitabbaɱ.
Pañcahupāli, aṅgehi samannāgatena bhikkhunā saṅghe voharitabbaɱ
Katamehi pañcahi: vatthuɱ jānāti, nidānaɱ jānāti, paññattiɱ
Jānāti, padapaccābhaṭṭhaɱ jānāti, anusandhipacanapathaɱ jānāti,
Imehi kho upāli, pañcahaṅgehi samannāgatena bhikkhunā saṅghe voharitabbaɱ.
[BJT Page 206]
7. Aparehipi upāli, pañcahaṅgehi samannāgatena bhikkhunā saṅghe na voharitabbaɱ katamehi pañcahi: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, alajjī ca hoti.
Imehi kho upāli, pañcahaṅgehi samannāgatena bhikkhunā saṅghe na voharitabbaɱ.
Pañcahupāli, aṅgehi samannāgatena bhikkhunā saṅghe voharitabbaɱ
Katamehi pañcahi: na chandāgatiɱ gacchati, na dosāgatiɱ gacchati, na
Mohāgatiɱ gacchati, na bhayāgatiɱ gacchati, lajjī ca hoti.
Imehi kho upāli, pañcahaṅgehi samannāgatena bhikkhunā saṅghe voharitabbaɱ.
8. Aparehipi upāli, pañcahaṅgehi samannāgatena bhikkhunā saṅghe na voharitabbaɱ katamehi pañcahi: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, akusalo ca hoti vinaye.
Imehi kho upāli, pañcahaṅgehi samannāgatena bhikkhunā saṅghe na voharitabbaɱ.
Pañcahupāli, aṅgehi samannāgatena bhikkhunā saṅghe voharitabbaɱ
Katamehi pañcahi: na chandāgatiɱ gacchati, na dosāgatiɱ gacchati, na
Mohāgatiɱ gacchati, na bhayāgatiɱ gacchati, kusalo ca hoti vinaye.
Imehi kho upāli, pañcahaṅgehi samannāgatena bhikkhunā saṅghe voharitabbaɱ.
9. Aparehipi upāli, pañcahaṅgehi samannāgatena bhikkhunā saṅghe na voharitabbaɱ katamehi pañcahi: ñattiɱ na jānāti, ñattiyā karaṇaɱ na jānāti, ñattiyā anusāvaṇaɱ na jānāti, ñattiyā samathaɱ na jānāti, ñattiyā vūpasamaɱ na jānāti.
Imehi kho upāli, pañcahaṅgehi samannāgatena bhikkhunā saṅghe na voharitabbaɱ.
Pañcahupāli, aṅgehi samannāgatena bhikkhunā saṅghe voharitabbaɱ
Katamehi pañcahi: ñattiɱ jānāti, ñattiyā karaṇaɱ jānāti, ñattiyā anusāvaṇaɱ jānāti, ñattiyā samathaɱ jānāti, ñattiyā vūpasamaɱ jānāti.
Imehi kho upāli, pañcahaṅgehi samannāgatena bhikkhunā saṅghe voharitabbaɱ.
10. Aparehipi upāli, pañcahaṅgehi samannāgatena bhikkhunā saṅghe na voharitabbaɱ katamehi pañcahi: suttaɱ na jānāti, suttānulomaɱ na jānāti,
Vinayaɱ na jānāti, vinayānulomaɱ na jānāti, na ca ṭhānāṭhānakusalo hoti.
Imehi kho upāli, pañcahaṅgehi samannāgatena bhikkhunā saṅghe na voharitabbaɱ.
Pañcahupāli, aṅgehi samannāgatena bhikkhunā saṅghe voharitabbaɱ
Katamehi pañcahi: suttaɱ jānāti, suttānulomaɱ jānāti,
Vinayaɱ jānāti, vinayānulomaɱ jānāti, ṭhānāṭhānakusalo ca hoti.
Imehi kho upāli, pañcahaṅgehi samannāgatena bhikkhunā saṅghe voharitabbaɱ.
[BJT Page 208]
11. Aparehipi upāli, pañcahaṅgehi samannāgatena bhikkhunā saṅghe na voharitabbaɱ katamehi pañcahi: dhammaɱ na jānāti, dhammānulomaɱ na jānāti,
Vinayaɱ na jānāti, vinayānulomaɱ na jānāti, na ca pubbāparakusalo hoti.
Imehi kho upāli, pañcahaṅgehi samannāgatena bhikkhunā saṅghe na voharitabbaɱ.
Pañcahupāli, aṅgehi samannāgatena bhikkhunā saṅghe voharitabbaɱ
Katamehi pañcahi: dhammaɱ jānāti, dhammānulomaɱ jānāti,
Vinayaɱ jānāti, vinayānulomaɱ jānāti, pubbāparakusalo ca hoti.
[page 187] imehi kho upāli, pañcahaṅgehi samannāgatena bhikkhunā saṅghe voharitabbanti.
Vohāravaggo tatiyo
Tassuddānaɱ:
Āpatti adhikaraṇaɱ pasayhāpatti jānatā. 1
Kammaɱ vatthuɱ alajji ca akusalo ca ñattiyā:
Suttaɱ na jānāti dhammaɱ tatiyo viggasaṅgahoti.
4. Diṭṭhāvīkammavaggo
1. Kati nu kho bhante, adhammikā diṭṭhāvīkammāti. ?
Pañcime upāli, adhammikā diṭṭhāvīkammā. Katame pañca: anāpattiyā diṭṭhiɱ āvīkaroti, adesanāgāminiyā āpattiyā diṭṭhiɱ āvīkaroti, desitāya āpattiyā diṭṭhiɱ āvīkaroti, catūhi pañcahi diṭṭhiɱ āvīkaroti, mano mānasena diṭṭhiɱ āvīkaroti. Ime kho upāli pañca adhammikā diṭṭhāvīkammā. 1
Pañcime upāli, dhammikā diṭṭhāvīkammā. Katame pañca: āpattiyā diṭṭhiɱ āvīkaroti, desanāgāminiyā āpattiyā diṭṭhiɱ āvīkaroti, adesitāya āpattiyā diṭṭhiɱ āvīkaroti, na catūhi pañcahi diṭṭhiɱ āvīkaroti, na mano mānasena diṭṭhiɱ āvīkaroti. Ime kho upāli pañca dhammikā diṭṭhāvīkammā.
2. Aparepi upāli pañca adhammikā diṭṭhāvīkammā. Katame pañca: nānāsaɱvāsakassa diṭṭhiɱ āvīkaroti,
Nānāsīmāya ṭhitassa santike diṭṭhiɱ āvīkaroti, apakatattassa santike
Diṭṭhiɱ āvīkaroti, catūhi pañcahi diṭṭhiɱ āvīkaroti, mano mānasena diṭṭhiɱ āvīkaroti. Ime kho upāli pañca adhammikā diṭṭhāvīkammā.
1. Jānena - machasaɱ.
[BJT Page 210]
Pañcime upāli, dhammikā diṭṭhāvīkammā. Katame pañca:
Samāna saɱvāsakassa diṭṭhaɱ āvīkaroti,
Samāna sīmāya ṭhitassa santike diṭṭhiɱ āvīkaroti, pakatattassa santike
Diṭṭhiɱ āvīkaroti, na catūhi pañcahi diṭṭhiɱ āvīkaroti, na mano mānasena diṭṭhiɱ āvīkaroti. Ime kho upāli pañca dhammikā diṭṭhāvīkammāti.
3. Kati nu kho bhante, adhammikā paṭiggahāti?
Pañcime upāli adhammikā paṭiggahā. Katame pañca: kāyena dīyamānaɱ kāyena apaṭiggahitaɱ, kāyena dīyamānaɱ kāyapaṭibaddhena apaṭīggahitaɱ, kāyapaṭibaddhena dīyamānaɱ kāyena apaṭiggahitaɱ, kāyapaṭibaddhena dīyamānaɱ kāyapaṭibaddhena apaṭiggahitaɱ, nissaggiyena dīyamānaɱ kāyena vā kāyapaṭibaddhena vā apaṭiggahitaɱ. Ime kho upāli pañca adhammikā paṭiggahā.
Pañcime upāli dhammikā paṭiggahā. Katame pañca: kāyena dīyamānaɱ kāyena paṭiggahitaɱ, kāyena dīyamānaɱ kāyapaṭibaddhena paṭiggahitaɱ, kāyapaṭibaddhena dīyamānaɱ kāyena paṭiggahitaɱ, kāyapaṭibaddhena dīyamānaɱ kāyapaṭibaddhena paṭiggahitaɱ, nissaggiyena dīyamānaɱ kāyena vā kāyapaṭibaddhena vā paṭiggahitaɱ. Ime kho upāli pañca dhammikā paṭiggahāti.
[page 188]
4. Kati nu kho bhante, anatirittāti?
Pañcime upāli: anatirittā. Katame pañca: akappiyakataɱ hoti, apaṭiggahitakataɱ hoti, anuccāritakataɱ hoti, ahatthapāse kataɱ hoti, alametaɱ sabbanti avuttaɱ hoti. Ime kho upāli, pañca anatirittā.
Pañcime upāli: atirittā. Katame pañca: kappiyakataɱ hoti, paṭiggahitakataɱ hoti, uccāritakataɱ hoti, hatthapāse kataɱ hoti, alametaɱ sabbanti vuttaɱ hoti. Ime kho upāli, pañca atirittāti.
5. Katīhi nu kho bhante, ākārehi pavāraṇā paññāyatīti?
Pañcahupāli, ākārehi pavāraṇā paññāyati. Katamehi pañcahi: asanaɱ paññāyati, bhojanaɱ paññāyati, hatthapāse ṭhito, abhiharati, paṭikkhepo paññāyati. Imehi kho upāli, pañcahākārehi pavāraṇā paññāyatīti.
6. Kati nu kho bhante, adhammikā paṭiññātakaraṇāti?
Pañcime upāli, adhammikā paṭiññātakaraṇā. Katame pañca: bhikkhu pārājikaɱ ajjhāpanno hoti, pārājikena codiyamāne saṅghādisesaɱ ajjhāpannoti paṭijānāti, taɱ saṅgho saṅghādisesena kāreti, adhammikaɱ paṭiññātakaraṇaɱ.
Bhikkhu pārājikaɱ ajjhāpanno
Hoti, pārājikena codiyamāne pācittiyaɱ ajjhāpannoti paṭijānāti, taɱ saṅgho pācittiyena kāreti, adhammikaɱ paṭiññātakaraṇaɱ.
Bhikkhu pārājikaɱ ajjhāpanno hoti,
Pārājikena codiyamāne pāṭidesanīyaɱ ajjhāpannoti paṭijānāti, taɱ
Saṅgho pāṭidesaniyena kāreti, adhammikaɱ paṭiññātakaraṇaɱ.
[BJT Page 212]
Dukkaṭaɱ ajjhāpannoti paṭijānāti, taɱ saṅgho dukkaṭena kāreti, adhammikaɱ paṭiññātakaraṇaɱ. Bhikkhu saṅghādisesaɱ
Dukkaṭaɱ ajjhāpannoti paṭijānāti, taɱ saṅgho dukkaṭena kāreti, adhammikaɱ paṭiññātakaraṇaɱ. Bhikkhu pācittiyaɱ
Dukkaṭaɱ ajjhāpannoti paṭijānāti, taɱ saṅgho dukkaṭena kāreti, adhammikaɱ paṭiññātakaraṇaɱ. Bhikkhu pāṭidenīyaɱ
Dukkaṭaɱ ajjhāpannoti paṭijānāti, taɱ saṅgho dukkaṭena kāreti, adhammikaɱ paṭiññātakaraṇaɱ.
Bhikkhu dukkaṭaɱ ajjhāpanno hoti, dukkaṭena codiyamāne pārājikaɱ
Ajjhāpannoti paṭijānāti, taɱ saṅgho pārājikena kāreti, adhammikaɱ paṭiññātakaraṇaɱ.
Bhikkhu dukkaṭaɱ ajjhāpanno hoti, dukkaṭena codiyamāne saṅghādisesaɱ
Ajjhāpannoti paṭijānāti, taɱ saṅgho saṅghādisesena kāreti, adhammikaɱ paṭiññātakaraṇaɱ.
Bhikkhu dukkaṭaɱ ajjhāpanno hoti, dukkaṭena codiyamāne pācittiyaɱ
Ajjhāpannoti paṭijānāti, taɱ saṅgho pācittiyena kāreti,
Adhammikaɱ paṭiññātakaraṇaɱ.
Bhikkhu dukkaṭaɱ ajjhāpanno hoti, dukkaṭena codiyamāne pāṭidesanīyaɱ
Ajjhāpannoti paṭijānāti, taɱ saṅgho pāṭisenīyena kāreti,
Adhammikaɱ paṭiññātakaraṇaɱ. Ime kho upāli, pañca adhammikā paṭiññātakaraṇā.
Pañcime upāli, dhammikā paṭiññātakaraṇā, katame pañca:
Bhikkhu pārājikaɱ ajjhāpanno
Hoti, pārājikena codiyamāne pārājikaɱ ajjhāpannoti paṭijānāti. Taɱ saṅgho pārājikena kāreti, dhammikaɱ paṭiññātakaraṇaɱ.
Bhikkhu saṅghādisesaɱ ajjhāpanno
Hoti, saṅghādisesena codiyamāne saṅghādisesaɱ ajjhāpannoti paṭijānāti. Taɱ saṅgho saṅghādisesena kāreti, dhammikaɱ paṭiññātakaraṇaɱ.
Bhikkhu pācittiyaɱ ajjhāpanno
Hoti, pācittiyena codiyamāne pācittiyaɱ ajjhāpannoti paṭijānāti. Taɱ
Saṅgho pācittiyena kāreti, dhammikaɱ paṭiññātakaraṇaɱ.
Bhikkhu pāṭidesanīyaɱ ajjhāpanno
Hoti, pāṭidesanīyena codiyamāne pāṭidesanīyaɱ ajjhāpannoti paṭijānāti. Taɱ saṅgho pāṭidesanīyena kāreti, dhammikaɱ paṭiññātakaraṇaɱ.
Bhikkhu dukkaṭaɱ ajjhāpanno
Hoti, dukkaṭena codiyamāne dukkaṭaɱ ajjhāpannoti paṭijānāti. Taɱ saṅgho dukkaṭena kāreti, dhammikaɱ paṭiññātakaraṇaɱ. Ime kho upāli, pañca dhammikā paṭiññātakaraṇāti.
7. Katīhi nu kho bhante, aṅgehi samannāgatassa bhikkhuno okāsakammaɱ kārāpentassa nālaɱ okāsakammaɱ kātunti?
Pañcahupāli, aṅgehi samannāgatassa bhikkhuno okāsakammaɱ kārāpentassa nālaɱ okāsakammaɱ kātuɱ, katamehi pañcahi: alajjī ca hoti, bālo ca apakatatto ca, cāvanādhippāyo vattā hoti, na vuṭṭhānādhippāyo. Imehi kho upāli, pañcahaṅgehi samannāgatassa bhikkhuno okāsakammaɱ kārāpentassa nālaɱ okāsakammaɱ kātuɱ.
Pañcahupāli, aṅgehi samannāgatassa bhikkhuno okāsakammaɱ kārāpentassa alaɱ okāsakammaɱ kātuɱ, katamehi pañcahi: lajjī ca hoti, paṇḍito ca pakatatto ca, vuṭṭhānādhippāyo vattā hoti, no cāvanādhippāyo. Imehi kho upāli, pañcahaṅgehi samannāgatassa bhikkhuno okāsakammaɱ kārāpentassa alaɱ okāsakammaɱ kātunti.
8. Katīhi nukho bhante, aṅgehi samannāgatena bhikkhunā saddhiɱ vinayo na sākacchātabboti?
Pañcahupāli, aṅgehi samannāgatena bhikkhūnā saddhiɱ vinayo na sākacchātabbo, katamehi pañcahi: vatthuɱ na jānāti, nidānaɱ na jānāti, paññattiɱ na jānāti. Padapaccābhaṭṭhaɱ na jānāti, anusandhivacanapathaɱ na jānāti. Imehi kho upāli, pañcahaṅgehi samannāgatena bhikkhunā saddhiɱ vinayo na sākacchātabbo.
[BJT Page 214]
Pañcahupāli, aṅgehi samannāgatena bhikkhūnā saddhiɱ vinayo sākacchātabbo, katamehi pañcahi: vatthuɱ jānāti, nidānaɱ jānāti, paññattiɱ jānāti. Padapaccābhaṭṭhaɱ jānāti, anusandhivacanapathaɱ jānāti. Imehi kho upāli, pañcahaṅgehi
Samannāgatena bhikkhunā saddhiɱ vinayo sākacchātabboti.
9. Katthi nu kho bhante, pañhapucchāti?
Pañcimā upāli, pañhapucchā. Katamā pañca: mandattā momūhattā pañhaɱ pucchati, pāpiccho icchāpakato pañhaɱ pucchati, aññātukāmo pañhaɱ pucchati, sace me pañhaɱ puṭṭho sammadeva byākarissati iccetaɱ kusalaɱ, no ce pañhaɱ puṭṭho sammadeva byākarissati, ahamassa sammadeva byākarissāmīti pañhaɱ pucchati. Imā kho upāli, pañca pañhapucchāti.
10. Kati nu kho bhante, aññabyākaraṇāti?
Pañcime upāli, aññabyākaraṇā. Katame pañca: mandattā momūhattā aññaɱ byākaroti, pāpiccho icchāpakato aññaɱ byākaroti, ummādā cittakkhepā aññaɱ byākaroti, adhimānena aññaɱ byākaroti, bhūtaɱ aññaɱ byākaroti. Ime kho upāli, pañca aññabyākaraṇāti.
11. Kati nu kho bhante, visuddhiyoti?
Pañcimā upāli, visuddhiyo. Katamā pañca: nidānaɱ uddisitvā avasesaɱ sutena sāvetabbaɱ, ayaɱ paṭhamā visuddhi. Nidānaɱ uddisitvā cattāri pārājikāni uddisitvā avasesaɱ sutena sāvetabbaɱ, ayaɱ dutiyā visuddhi. Nidānaɱ uddisitvā cattāri pārājikāni uddisitvā terasa saṅghādisese uddisitvā avasesaɱ sutena sāvetabbaɱ, ayaɱ tatiyā visuddhi. Nidānaɱ uddisitvā cattāri pārājikāni uddisitvā terasa saṅghādisese uddisitvā dve aniyate uddisitvā avasesaɱ sutena sāvetabbaɱ, ayaɱ catutthā visuddhi, vitthāreneva pañcamī. Imā kho upāli, pañca visuddhiyoti.
[page 190]
12. Kati nu kho bhante, bhojanāti?
Pañcime upāli bhojanā. Katame pañca: odano, kummāso, sattu, maccho, maɱsaɱ. Ime kho upāli, pañca bhojanāti.
Diṭṭhāvīkammavaggo catuttho
Tassuddānaɱ:
Diṭṭhāvīkammā apare paṭiggahā anatirittā,
Pavāraṇā paṭiññātaɱ okāsaɱ sākacchena ca:
Pañhaɱ aññabyākaraṇā visuddhi cāpi bhojanāti
[BJT Page 216]
5. Attādāna vaggo
1. Codakena bhante, bhikkhunā paraɱ codetukāmena kati dhamme ajjhattaɱ paccavekkhitvā paro codetabboti?
Codakenupāli, bhikkhunā paraɱ codetukāmena pañca dhamme ajjhattaɱ paccavekkhitvā paro codetabbo. Katame pañca: codakenupāli, bhikkhunā paraɱ codetukāmena evaɱ paccavekkhitabbaɱ: ''parisuddhakāyasamācāro nu khomhi, parisuddhenamhi kāyasamācārena samannāgato acchiddena appaṭimaɱsena, saɱvijjati nu kho me eso dhammo udāhu noti, '' no ce upāli, bhikkhu parisuddhakāyasamācāro hoti parisuddhena kāyasamācārena samantāgato acchiddena appaṭimaɱsena, tassa bhavanti vattāro: 'iṅgha tāva āyasmā kāyikaɱ sikkhassū'ti. Itissa bhavanti vattāro.
Punacaparaɱ upāli, codakena bhikkhunā paraɱ codetukāmena evaɱ paccavekkhitabbaɱ: parisuddhavacīsamācāro nu khomhi, parisuddhenamhi vacīsamācārena samannāgato acchiddena appaṭimaɱsena, saɱvijjati nu kho me eso dhammo udāhu noti, no ce upāli, bhikkhu parisuddha vacīsamācāro hoti, parisuddhena vacīsamācārena samannāgato acchiddena appaṭimaɱsena, tassa bhavanti vattāro iṅgha tāva āyasmā vācasikaɱ sikkhassū'ti. Itissa bhavanti vattāro.
Punacaparaɱ upāli, codakena bhikkhunā paraɱ codetukāmena evaɱ paccavekkhitabbaɱ: mettaɱ nu kho me cittaɱ paccupaṭṭhitaɱ sabrahmacārīsu anāghāti, saɱvijjati nu kho me eso dhammo udāhu noti, no ce upāli, bhikkhuno mettaɱ cittaɱ paccupaṭṭhitaɱ hoti sabrahmacārīsu anāghāti, tassa bhavanti vattāro 'iṅgha tāva āyasmā sabrahmacārīsu mettaɱ cittaɱ upaṭṭhapehī'ti. Itissa bhavanti vattāro.
Punacaparaɱ upāli, codakena bhikkhunā paraɱ codetukāmena evaɱ paccavekkhitabbaɱ: bahussuto nu khomhi sutadharo sutasannicayo, ye te dhammā ādikalyāṇā majjhe kalyāṇā pariyosānakalyāṇā sātthā savyañjanā kevalapariṇṇaɱ parisuddhaɱ brahmacariyaɱ abhivadanti, tathārūpā me dhammā bahussutā honti dhatā vacasā paricitā manasānupekkhitā diṭṭhiyā suppaṭividdhā, saɱvijjati nu kho me eso dhammo udāhu noti, no ce upāli bhikkhu bahussuto hoti sutadharo sutasannicayo, ye te dhammā ādikalyāṇā majjhe kalyāṇā pariyosānakalyāṇā sātthā savyañjanā kevalaparipuṇṇaɱ parisuddhaɱ brahmacariyaɱ abhivadanti, tathārūpāssa dhammā na bahussutā honti dhatā vacasā paricitā manasānupekkhitā diṭṭhiyā suppaṭividdhā, tassa bhavanti vattāro: iṅgha tāva āyasmā āgamaɱ pariyāpuṇassū'ti itissa bhavanti vattāro.
[BJT Page 218]
Punacaparaɱ upāli, codakena bhikkhunā paraɱ codetukāmena evaɱ paccavekkhitabbaɱ: ubhayāni kho me pātimokkhāni vitthārena svāgatāni honti suvibhattāni suppavattīni suvinicchitāni suttaso anuvyañjanaso, saɱvijjati nu kho me eso dhammo udāhu noti, no ce upāli, bhikkhuno ubhayāni pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, idaɱ panāvuso, kattha vuttaɱ bhagavatāti iti puṭṭho na sampādeti, na saññāyati. Tassa bhavanti vattāro: 'iṅgha tāya āyasmā vinayaɱ pariyāpuṇassū'ti itissa bhavanti vattāro. Codakenupāli, bhikkhunā paraɱ codetukāmena ime pañca dhamme ajjhattaɱ paccavekkhitvā paro codetabboti.
2. Codakena bhante, bhikkhunā paraɱ codetukāmena kati dhamme ajjhattaɱ upaṭṭhapetvā paro codetabboti?
Codakenupāli, bhikkhunā paraɱ codetukāmena pañca dhamme ajjhattaɱ upaṭṭhapetvā paro codetabbo. Katame pañca: kālena vakkhāmi no akālena, bhūtena vakkhāmi no abhūtena, saṇhena vakkhāmi no pharusena, atthasaɱhitena vakkhāmi no anatthasaɱhitena, mettacitto vakkhāmi no dosantaroti. Codakenupāli, bhikkhunā paraɱ codetukāmena ime pañca dhamme ajjhattaɱ upaṭṭhapetvā paro codetabboti.
3. Codakena bhante, bhikkhunā paraɱ codetukāmena kati dhamme ajjhattaɱ manasikaritvā paro codetabboti?
Codakenupāli, bhikkhunā paraɱ codetukāmena pañca dhamme ajjhattaɱ manasikaritvā paro codetabbo, katame pañca: kāruññatā, hitesitā, anukampitā, āpattivuṭṭhānatā, vinayapurekkhāratā. Codakenupāli, bhikkhunā paraɱ codetukāmena ime pañca dhamme ajjhattaɱ manasikaritvā paro codetabboti.
4. Katīhi nu kho bhante, aṅgehi samannāgatassa bhikkhuno okāsakammaɱ kārāpentassa nālaɱ okāsakammaɱ kātunti?
Pañcahupāli, aṅgehi samannāgatassa bhikkhuno okāsakammaɱ kārāpentassa nālaɱ okāsakammaɱ kātuɱ, katamehi pañcahi: aparisuddhakāyasamācāro hoti, aparisuddhavacīsamācāro hoti, aparisuddhājīvo hoti, bālo ca hoti abyatto, na paṭibalo anuyuñjiyamāno anuyogaɱ dātuɱ. [page 191] imehi kho upāli, pañcahaṅgehi samannāgatassa bhikkhuno okāsakammaɱ kārāpentassa nālaɱ okāsakammaɱ kātuɱ.
Pañcahupāli, aṅgehi samannāgatassa bhikkhuno okāsakammaɱ kārāpentassa alaɱ okāsakammaɱ kātuɱ, katamehi pañcahi: parisuddhakāyasamācāro hoti, parisuddhavacīsamācāro hoti, parisuddhājīvo hoti, paṇḍito hoti byatto, paṭibalo anuyuñjiyamāno anuyogaɱ dātuɱ. Imehi kho upāli, pañcahaṅgehi samannāgatassa bhikkhuno okāsakammaɱ kārāpentassa alaɱ okāsakammaɱ kātunti.
[BJT Page 220]
5. Attādānaɱ ādātukāmena bhante, bhikkhunā katīhaṅgehi samannāgataɱ attādānaɱ ādātabbanti?
Attādānaɱ ādātukāmenupāli, bhikkhunā pañcahaṅgehi samannagataɱ attādānaɱ ādātabbaɱ, katamehi pañcahi: attādānaɱ ādātukāmenupāli, bhikkhunā evaɱ paccavekkhitabbaɱ: 'yaɱ kho ahaɱ imaɱ attādānaɱ ādātukāmo, kālo nu kho imaɱ attādānaɱ ādātuɱ udāhu no'ti. Sace upāli, bhikkhu paccavekkhamāno evaɱ 'jānāti: akālo imaɱ attādānaɱ ādātuɱ, no kālo'ti. Na taɱ upāli, attādānaɱ ādātabbaɱ.
Sace panupāli, bhikkhu paccavekkhamāno evaɱ jānāti: kālo imaɱ attādānaɱ ādātuɱ no akāloti. Tenupāli bhikkhunā uttariɱ paccavekkhitabbaɱ: 'yaɱ kho ahaɱ imaɱ attādānaɱ ādātukāmo, bhūtaɱ nu kho imaɱ attādānaɱ udāhu noti. Sace panupāli, bhikkhu paccavekkhamāno evaɱ jānāti: 'abhūtaɱ imaɱ attādānaɱ, no bhūta'nti. Na taɱ upāli, attādānaɱ ādātabbaɱ.
Sace panupāli, bhikkhu paccavekkhamāno evaɱ jānāti: 'bhūtaɱ idaɱ attādānaɱ no abhūta'nti. Tenupāli bhikkhunā uttariɱ paccavekkhitabbaɱ: yaɱ kho
Ahaɱ imaɱ attādānaɱ ādātukāmo, atthasaɱhitaɱ nu kho imaɱ attādānaɱ udāhu noti. Sace panupāli, bhikkhu paccavekkhamāno evaɱ jānāti: 'anatthasaɱhitaɱ idaɱ attādānaɱ no atthasaɱhita'nti. Na taɱ upāli, attādānaɱ ādātabbaɱ.
Sace panupāli, bhikkhu paccavekkhamāno evaɱ jānāti: atthasaɱhitaɱ idaɱ attādānaɱ no anatthasaɱhitanti. Tenupāli, bhikkhunā uttariɱ paccavekkhitabbaɱ. Imaɱ kho ahaɱ attādānaɱ ādiyamāno labhissāmi sandiṭṭhe sambhatte bhikkhu dhammato vinayato pakkhe udāhu noti. Sace upāli, bhikkhu paccavekkhamāno evaɱ jānāti: imaɱ kho ahaɱ attādānaɱ ādiyamāno na labhissāmi sandiṭṭhe sambhatte bhikkhū dhammato vinayato pakkheti. Na taɱ upāli, attādānaɱ ādātabbaɱ.
Sace panupāli, bhikkhu paccavekkhamāno evaɱ jānāti: 'imaɱ kho ahaɱ attādānaɱ ādiyamāno labhissāmi sandiṭṭhe sambhatte bhikkhū dhammato vinayato pakkhe'ti. Tenupāli, bhikkhunā uttariɱ paccavekkhitabbaɱ: 'imā kho me attādānaɱ ādiyato bhavissati saṅghassa tatonidānaɱ bhaṇḍanaɱ kalaho viggaho vivādo saṅghabhedo saṅgharājī saṅghavavatthānaɱ saṅghanānākaraṇaɱ udāhu noti. Sace upāli, bhikkhu paccavekkhamāno evaɱ jānāti: 'imaɱ kho me attādānaɱ ādiyato bhavissati saṅghassa tato nidānaɱ bhaṇḍanaɱ kalaho viggaho vivādo saṅghabhedo saṅgharājī saṅghavavatthānaɱ saṅghanānākaraṇanti. Na taɱ upāli attādānaɱ ādātabbaɱ.
Sace panupāli, bhikkhu paccavekkhamāno evaɱ jānāti: 'imaɱ kho me attādānaɱ ādiyato na bhavissati saṅghassa tato nidānaɱ bhaṇḍanaɱ kalaho viggaho vivādo saṅghabhedo saṅgharājī saṅghavavatthānaɱ saṅgha nānākaraṇa'nti. Taɱ ādātabbaɱ upāli, attādānaɱ. Evaɱ pañcaṅgasamannāgataɱ kho upāli attādānaɱ ādinnaɱ pacchāpi avippaṭisārakaraɱ bhavissatīti.
[BJT Page 222]
6. Katīhi nu kho bhante, aṅgehi samannāgato bhikkhū adhikaraṇajātānaɱ bhikkhūnaɱ bahūpakāro hotīti?
Pañcahupāli, aṅgehi samannāgato bhikkhū adhikaraṇajātānaɱ bhikkhūnaɱ bahūpakāro hoti, katamehi pañcahi: sīlavā hoti pātimokkhasaɱvarasaɱvuto viharati ācāragocarasampanno aṇumattesu vajjesu bhayadassāvī samādāya sikkhati sikkhāpadesu, bahussuto hoti sutadharo sutasannicayo ye te dhammā ādikalyāṇā majjhe kalyāṇā pariyosānakalyāṇā sātthā savyañjanā kevalaparipuṇṇaɱ parisuddhaɱ brahmacariyaɱ abhivadanti tathā rūpāssa dhammā bahussutā honti dhatā vacasā paricitā manasānupekkhitā diṭṭhiyā suppaṭividdhā, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, vinaye kho pana ṭhito hoti asaɱhīro, paṭibalo hoti ubho attapaccatthike assāsetuɱ saññāpetuɱ nijjhāpetuɱ pekkhetuɱ pasādetuɱ. Imehi kho upāli, pañcahaṅgehi samannāgato bhikkhu adhikaraṇajātānaɱ bhikkhūnaɱ bahūpakāro hoti.
Aparehipi upāli, pañcahaṅgehi samannāgato bhikkhu adhikaraṇajātānaɱ bhikkhūnaɱ bahūpakāro hoti, katamehi pañcahi: parisuddhakāyasamācāro hoti, parisuddhavacīsamācāro hoti. Parisuddhājīvo hoti, paṇḍito hoti byatto paṭibalo anuyuñjiyamāno anuyogaɱ dātuɱ. Imehi kho upāli, pañcahaṅgehi samannāgato bhikkhu adhikaraṇajātānaɱ bhikkhūnaɱ bahūpakāro hoti.
Aparehipi upāli, pañcahaṅgehi samannāgato bhikkhu adhikaraṇajātānaɱ bhikkhūnaɱ bahūpakāro hoti. Katamehi pañcahi: vatthuɱ jānāti, nidānaɱ jānāti, paññattiɱ jānāti, [page 192] padapaccābhaṭṭhaɱ jānāti, anusandhivacanapathaɱ jānāti. Imehi kho upāli, pañcahaṅgehi samannāgato bhikkhu adhikaraṇajātānaɱ bhikkhūnaɱ bahūpakāro hotīti.
7. Katīhi nu kho bhante, aṅgehi samannāgatena bhikkhunā nānuyuñjitabbanti?
Pañcahupāli, aṅgehi samannāgatena bhikkhunā nānuyuñjitabbaɱ. Katamehi pañcahi: suttaɱ na jānāti, suttānulomaɱ na jānāti, vinayaɱ na jānāti, vināyānulomaɱ na jānāti, na ca ṭhānāṭhānakusalo hoti. Imehi kho upāli, pañcahaṅgehi samannāgatena bhikkhunā nānuyuñjitabbaɱ.
Pañcahupāli, aṅgehi samannāgatena bhikkhunā anuyuñjitabbaɱ. Katamehi pañcahi: suttaɱ jānāti, suttānulomaɱ jānāti, vinayaɱ jānāti, vināyānulomaɱ jānāti, ṭhānāṭhānakusalo ca hoti. Imehi kho upāli, pañcahaṅgehi samannāgatena bhikkhunā anuyuñjitabbaɱ.
[BJT Page 224]
8. Aparehipi upāli, pañcahaṅgehi samannāgatena bhikkhunā nānuyuñjitabbaɱ.
Katamehi pañcahi: dhammaɱ na jānāti, dhammānulomaɱ na jānāti, vinayaɱ na jānāti, vināyānulomaɱ na jānāti, na ca pubbāparakusalo hoti.
Imehi kho upāli, pañcahaṅgehi samannāgatena bhikkhunā nānuyuñjitabbaɱ.
Pañcahupāli, aṅgehi samannāgatena bhikkhunā anuyuñjitabbaɱ.
Katamehi pañcahi: dhammaɱ jānāti, dhammānulomaɱ jānāti, vinayaɱ jānāti, vināyānulomaɱ jānāti, pubbāparakusalo ca hoti.
Imehi kho upāli, pañcahaṅgehi samannāgatena bhikkhunā anuyuñjitabbaɱ.
9. Aparehipi upāli, pañcahaṅgehi samannāgatena bhikkhunā nānuyuñjitabbaɱ.
Katamehi pañcahi: vatthuɱ na jānāti, nidānaɱ na jānāti, paññattiɱ na jānāti, padapaccābhaṭṭhaɱ na jānāti, anusandhivacanapathaɱ na jānāti.
Imehi kho upāli, pañcahaṅgehi samannāgatena bhikkhunā nānuyuñjitabbaɱ.
Pañcahupāli, aṅgehi samannāgatena bhikkhunā anuyuñjitabbaɱ.
Katamehi pañcahi: vatthuɱ jānāti, nidānaɱ jānāti, paññattiɱ jānāti,
Padapaccābhaṭṭhaɱ jānāti, anusandhivacanapathaɱ jānāti.
Imehi kho upāli, pañcahaṅgehi samannāgatena bhikkhunā anuyuñjitabbaɱ.
10. Aparehipi upāli, pañcahaṅgehi samannāgatena bhikkhunā nānuyuñjitabbaɱ.
Katamehi pañcahi: āpattiɱ na jānāti, āpatti samuṭṭhānaɱ na jānāti, āpattiyā payogaɱ na jānāti, āpattiyā vūpasamaɱ na jānāti, na āpattiyā vinicchayakusalo hoti. Imehi kho upāli, pañcahaṅgehi samannāgatena bhikkhunā nānuyuñjitabbaɱ.
Pañcahupāli, aṅgehi samannāgatena bhikkhunā anuyuñjitabbaɱ.
Katamehi pañcahi: āpattiɱ jānāti, āpatti samuṭṭhānaɱ jānāti, āpattiyā payogaɱ jānāti, āpattiyā vūpasamaɱ jānāti, āpattiyā vinicchayakusalo hoti. Imehi kho upāli, pañcahaṅgehi samannāgatena bhikkhunā anuyuñjitabbaɱ.
11. Aparehipi upāli, pañcahaṅgehi samannāgatena bhikkhunā nānuyuñjitabbaɱ.
Katamehi pañcahi: adhikaraṇaɱ na jānāti, adhikaraṇa samuṭṭhānaɱ na jānāti, adhikaraṇassa payogaɱ na jānāti, adhikaraṇassa vūpasamaɱ na jānāti, adhikaraṇassa na vinicchayakusalo hoti. Imehi kho upāli, pañcahaṅgehi samannāgatena bhikkhunā
Nānuyuñjitabbaɱ.
Pañcahupāli, aṅgehi samannāgatena bhikkhunā anuyuñjitabbaɱ.
Katamehi pañcahi: adhikaraṇaɱ jānāti, adhikaraṇa samuṭṭhānaɱ jānāti, adhikaraṇassa payogaɱ jānāti, adhikaraṇassa vūpasamaɱ jānāti, adhikaraṇassa
Vinicchayakusalo hoti. Imehi kho upāli, pañcahaṅgehi samannāgatena bhikkhunā
Anuyuñjitabbaɱ.
Attādānavaggo pañcamo
[BJT Page 226]
Tassuddānaɱ:
Parisuddhañca kālena kāruññena1 okāsena ca,
Attādānaɱ adhikaraṇaɱ aparehi ca vatthū ca:
Suttaɱ dhammaɱ puna vatthu ca āpatti adhikaraṇena cāti.
[page 193]
6. Dhutaṅga vaggo
1. Kati nu kho bhante āraññakāti?
Pañcime upāli, āraññakā. Katame pañca: mandattā momuhattā āraññako hoti, pāpiccho icchāpakato āraññako hoti. Ummādā cittakkhepā āraññako hoti, vaṇṇitaɱ buddhehi buddhasāvakehīti āraññako hoti, api ca appicchataññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya āraññako hoti. Ime kho upāli, pañca āraññakāti. 2. Kati nu kho bhante piṇḍapātikāti?
Pañcime upāli, piṇḍapātikā. Katame pañca: mandattā momuhattā
Piṇḍapātiko hoti, pāpiccho icchāpakato piṇḍapātiko hoti.
Ummādā cittakkhepā piṇḍapātiko hoti, vaṇṇitaɱ
Buddhehi buddhasāvakehīti piṇḍapātiko hoti, api ca appicchataññeva
Nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya piṇḍapātiko hoti. Ime kho upāli, pañca piṇḍapātikāti.
3. Kati nu kho bhante, paɱsukūlikāti?
Pañcime upāli, paɱsakūlikā. Katame pañca: mandattā momuhattā paɱsakūliko hoti, pāpiccho icchāpakato paɱsakūliko hoti. Ummādā cittakkhepā paɱsakūliko hoti, vaṇṇitaɱ buddhehi buddhasāvakehīti paɱsakūliko hoti, api ca appicchataññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya paɱsakūliko hoti. Ime kho upāli, pañca paɱsakūlikāti.
4. Kati nu kho bhante, rukkhamūlikāti?
Pañcime upāli, rukkhamūlikā. Katame pañca: mandattā momuhattā rukkhamūliko hoti, pāpiccho icchāpakato rukkhamūliko hoti. Ummādā cittakkhepā rukkhamūliko hoti, vaṇṇitaɱ buddhehi buddhasāvakehīti rukkhamūliko hoti, api ca appicchataññeva nissāya santuṭṭhiññeva nissāya sallekhaññeva nissāya
Pavivekaññeva nissāya idamatthitaññeva nissāya rukkhamūliko hoti. Ime kho upāli, pañca rukkhamūlikāti.
5. Kati nu kho bhante, sosānikāti?
Pañcime upāli, sosānikā. Katame pañca: mandattā momuhattā sosāniko hoti, pāpiccho icchāpakato sosāniko hoti. Ummādā cittakkhepā sosāniko hoti, vaṇṇitaɱ buddhehi buddhasāvakehīti sosāniko hoti, api ca appicchataññeva nissāya santuṭṭhiññeva nissāya sallekhaññeva nissāya
Pavivekaññeva nissāya idamatthitaññeva nissāya sosāniko hoti. Ime kho upāli, pañca sosānikāti.
6. Kati nu kho bhante, abbhokāsikāti?
Pañcime upāli, abbhokāsikā. Katame pañca: mandattā momuhattā abbhokāsiko hoti, pāpiccho icchāpakato abbhokāsiko hoti. Ummādā cittakkhepā abbhokāsiko hoti, vaṇṇitaɱ buddhehi buddhasāvakehīti abbhokāsiko hoti, api ca appicchataññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya abbhokāsiko hoti. Ime kho upāli, pañca abbhokāsikāti.
7. Kati nu kho bhante, tecīvarikāti?
Pañcime upāli, tecīvarikā. Katame pañca: mandattā momuhattā tecīvariko
Hoti, pāpiccho icchāpakato tecīvariko hoti. Ummādā cittakkhepā tecīvariko hoti, vaṇṇitaɱ buddhehi buddhasāvakehīti tecīvariko hoti, api ca appicchataññeva nissāya santuṭṭhiññeva nissāya sallekhaññeva nissāya
Pavivekaññeva nissāya idamatthitaññeva nissāya tecīvariko hoti. Ime kho upāli, pañca tecīvarikāti.
8. Kati nu kho bhante, sapadānacārikāti?
Pañcime upāli, sapadānacārikā. Katame pañca: mandattā momuhattā sapadānacāriko hoti, pāpiccho icchāpakato sapadānacāriko hoti. Ummādā cittakkhepā sapadānacāriko hoti, vaṇṇitaɱ buddhehi buddhasāvakehīti sapadānacāriko hoti, api ca appicchataññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya sapadānacāriko hoti. Ime kho upāli, pañca sapadānacārikāti.
9. Kati nu kho bhante, nesajjikāti?
Pañcime upāli, nesajjikā. Katame pañca: mandattā momuhattā nesajjiko
Hoti, pāpiccho icchāpakato nesajjiko hoti. Ummādā cittakkhepā nesajjiko hoti, vaṇṇitaɱ buddhehi buddhasāvakehīti nesajjiko hoti, api ca appicchataññeva nissāya santuṭṭhiññeva nissāya sallekhaññeva nissāya
Pavivekaññeva nissāya idamatthitaññeva nissāya nesajjiko hoti. Ime kho upāli, pañca nesajjikāti.
10. Kati nu kho bhante, yathāsanthatikāti?
Pañcime upāli, yathāsanthatikā. Katame pañca: mandattā momuhattā yathāsanthatiko hoti, pāpiccho icchāpakato yathāsanthatiko hoti. Ummādā cittakkhepā yathāsanthatiko hoti, vaṇṇitaɱ buddhehi buddhasāvakehīti yathāsanthatiko hoti, api ca appicchataññeva nissāya santuṭṭhiññeva nissāya sallekhaññeva nissāya pavivekaññeva nissāya idamatthitaññeva nissāya yathāsanthatiko hoti. Ime kho upāli, pañca yathāsanthatikāti.
11. Kati nu kho bhante, ekāsanikāti?
Pañcime upāli, ekāsanikā. Katame pañca: mandattā momuhattā ekāsaniko
Hoti, pāpiccho icchāpakato ekāsaniko hoti. Ummādā cittakkhepā ekāsaniko hoti, vaṇṇitaɱ buddhehi buddhasāvakehīti ekāsaniko hoti, api ca appicchataññeva nissāya santuṭṭhiññeva nissāya sallekhaññeva nissāya
Pavivekaññeva nissāya idamatthitaññeva nissāya ekāsaniko hoti. Ime kho upāli, pañca ekāsanikāti.
12. Kati nu kho bhante, khalupacchābhattikāti?
Pañcime upāli, khalupacchābhattikā. Katame pañca: mandattā momuhattā
Khalupacchābhattiko hoti, pāpiccho icchāpakato khalupacchābhattiko hoti. Ummādā cittakkhepā khalupacchābhattiko hoti,
Vaṇṇitaɱ buddhehi buddhasāvakehīti khalupacchābhattiko hoti, api ca
Appicchataññeva nissāya santuṭṭhiññeva nissāya sallekhaññeva nissāya
Pavivekaññeva nissāya idamatthitaññeva nissāya khalupacchābhattiko hoti. Ime kho upāli, pañca khalupacchābhattikāti.
13. Kati nu kho bhante pattapiṇḍikāti?
Pañcime upāli, pattapiṇḍikā. Katame pañca: mandattā momuhattā pattapiṇḍiko hoti, pāpiccho icchāpakato pattapiṇḍiko hoti. Ummādā cittakkhepā pattapiṇḍiko hoti, vaṇṇitaɱ buddhehi buddhasāvakehīti pattapiṇḍiko hoti, api ca appicchataññeva nissāya santuṭṭhiññeva nissāya sallekhaññeva nissāya
Pavivekaññeva nissāya idamatthitaññeva nissāya pattapiṇḍiko hoti. Ime kho upāli, pañca pattapiṇḍikāti.
Dhutaṅgavaggo chaṭṭho
Tassuddānaɱ:
Āraññako piṇḍa paɱsu rukkha susāna pañcamaɱ,
Abbho tecīvarañceva sapadāna nesajjikā:
Santhatekāsanañceva khalūpacchā pattapiṇḍikāti.
1. Kāruññaɱ - machasaɱ.
[BJT Page 228]
7. Musāvāda vaggo
1. Kati nu kho bhante musāvādāti?
Pañcime upāli, musāvādā katame pañca: atthi musāvādo pārājikagāmī, atthi musāvādo saṅghādisesagāmī, atthi musāvādo thullaccayagāmī, atthi musāvādo pācittiyagāmī, atthi musāvādo dukkaṭagāmī, ime kho upāli, pañca musāvādāti.
2. Katīhi nu kho bhante, aṅgehi samannāgatassa bhikkhuno saṅghamajjhe uposathaɱ vā pavāraṇā vā ṭhapentassa ''alaɱ bhikkhu mā bhaṇḍanaɱ, mā kalahaɱ, mā viggahaɱ, mā vivāda''nti omadditvā saṅghena uposatho vā pavāraṇā vā kātabbāti?
Pañcahupāli, aṅgehi samannāgatassa bhikkhuno saṅghamajjhe uposathaɱ vā pavāraṇaɱ vā ṭhapentassa ''alaɱ bhikkhu mā bhaṇḍanaɱ, mā kalahaɱ, mā viggahaɱ, mā vivāda''nti omadditvā saṅghena uposatho vā pavāraṇā vā kātabbā. Katamehi pañcahi: alajjī ca hoti, bālo vā, apakatatto vā, cāvanādhippāyo vattā hoti, no vuṭṭhānādhippāyo, imehi kho upāli, pañcahaṅgehi samannāgatassa bhikkhuno saṅghamajjhe uposathaɱ vā pavāraṇaɱ vā ṭhapentassa ''alaɱ bhikkhu mā bhaṇḍanaɱ, mā kalahaɱ, mā viggahaɱ, vā vivāda''nti omadditvā saṅghena uposatho vā pavāraṇā vā kātabbā.
Aparehipi upāli, pañcahaṅgehi samannāgatassa bhikkhuno saṅghamajjhe uposathaɱ vā pavāraṇaɱ vā ṭhapentassa ''alaɱ bhikkhu, mā bhaṇḍanaɱ, mā kalahaɱ, mā viggahaɱ, mā vivāda'nti omadditvā saṅghena uposatho vā pavāraṇā vā kātabbā. Katamehi pañcahi: aparisuddhakāyasamācāro hoti. [page 194] aparisuddha vacīsamācāro hoti. Aparisuddhājīvo hoti. Bālo hoti avyatto, bhaṇḍanakārako hoti kalahakārako. Imehi kho upāli, pañcahaṅgehi samannāgatassa bhikkhuno saṅghamajjhe uposathaɱ vā pavāraṇaɱ vā ṭhapentassa ''alaɱ bhikkhu mā bhaṇaḍanaɱ, mā kalahaɱ, mā viggahaɱ, mā vivāda'nti omadditvā saṅghena uposatho vā pavāraṇā vā kātabbāti.
3. Katīhi nu kho bhante, aṅgehi samannāgatassa bhikkhuno anuyogo na dātabboti?
Pañcahupāli, aṅgehi samannāgatassa bhikkhuno anuyogo na dātabbo. Katamehi pañcahi: āpattānāpattiɱ na jānāti, lahukagarukaɱ āpattiɱ na jānāti, sāvasesānavasesaɱ āpattiɱ na jānāti, duṭṭhullāduṭṭhullaɱ āpattiɱ na jānāti, sappaṭīkammaɱ appaṭikammaɱ āpattiɱ na jānāti. Imehi kho upāli, pañcahaṅgehi samannāgatassa bhikkhuno anuyogo na dātabbo.
[BJT Page 230]
Pañcahupāli, aṅgehi samannāgatassa bhikkhuno anuyogo dātabbo. Katamehi pañcahi: āpattānāpattiɱ jānāti, lahukagarukaɱ āpattiɱ jānāti, sāvasesānavasesaɱ āpattiɱ jānāti, duṭṭhullāduṭṭhullaɱ āpattiɱ jānāti, sappaṭīkammaɱ appaṭikammaɱ āpattiɱ jānāti. Imehi kho upāli, pañcahaṅgehi samannāgatassa bhikkhuno anuyogo dātabbo.
4. Katīhi nu kho bhante ākārehi bhikkhu āpattiɱ āpajjatīti?
Pañcahupāli, ākārehi bhikkhu āpattiɱ āpajjati. Katamehi pañcahi: alajjītā aññāṇatā, kukkuccāpakattā, akappiye kappiyasaññitā kappiye akappiyasaññitā. Imehi kho upāli, pañcahākārehi bhikkhu āpattiɱ āpajjati.
Aparehipi upāli, pañcahākārehi bhikkhu āpattiɱ āpajjati. Katamehi pañcahi: adassanena, assanavaṇena, payuttakatā, tathāsaññī, satisammosā. Imehi
Kho upāli, pañcahākārehi bhikkhu āpattiɱ āpajjatīti.
5. Kati nu kho bhante, verāti?
Pañcime upāli, verā. Katame pañca: pāṇātipāto, adinnādānaɱ, kāmesu micchācāro, musāvādo, surāmerayamajjapamādaṭṭhānaɱ. Ime kho upāli, pañca verāti.
6. Kati nu kho bhante, veramaṇiyoti?
Pañcimā upāli, veramaṇiyo. Katamā pañca: pāṇātipātā veramaṇī,
Adinnādānā veramaṇī, kāmesu micchācārā veramaṇī, musāvādā veramaṇī, surāmerayamajjapamādaṭṭhānā veramaṇī. Imā kho upāli, pañca veramaṇiyoti.
7. Kati nu kho bhante, byasanānīti?
Pañcimāni upāli, byasanāni. Katamāni pañca: ñātibyasanaɱ, bhogabyasanaɱ, rogabyasanaɱ, sīlabyasanaɱ, diṭṭhibyasanaɱ. Imāni kho upāli, pañcabyasanānīti.
8. Kati nu kho bhante, sampadāti?
Pañcimā upāli, sampadā. Katamā pañca: ñātisampadā, bhogasampadā, ārogyasampadā, sīlasampadā, diṭṭhisampadā. Imā kho upāli, pañca sampadāti.
Musāvādavaggo sattamo
Tassuddānaɱ:
[page 195]
Musāvādo ca omaddā apare anuyogo ca āpatti,
Apare verā veramaṇī byasana sampadā ceva sattamo vaggasaṅgahoti,
[BJT Page 232]
8. Bhikkhunovāda vaggo
1. Katīhi nu kho bhante, aṅgehi samannāgatassa bhikkhuno bhikkhunīsaṅgheneva kammaɱ kātabbanti?
Pañcahupāli, aṅgehi samannāgatassa bhikkhuno bhikkhūnīsaṅgheneva kammaɱ kātabbaɱ, avandiyo so bhikkhu bhikkhunīsaṅghena. Katamehi pañcahi: vivaritvā kāyaɱ bhikkhunīyaɱ dasseti: ūruɱ dasseti, aṅgajātaɱ dasseti, ubho aɱsakūṭe dasseti, obhāsati, gihī sampayojeti. Imehi kho upāli, pañcahaṅgehi samannāgatassa bhikkhuno bhikkhunīsaṅgheneva kammaɱ kātabbaɱ, avandiyo so bhikkhu bhikkhunīsaṅghena.
Aparehipi upāli, pañcahaṅgehi samannāgatassa bhikkhuno bhikkhunīsaṅgheneva kammaɱ kātabbaɱ, avandiyo so bhikkhu bhikkhunīsaṅghena. Katamehi pañcahi: bhikkhunīnaɱ alābhāya parisakkati, bhikkhunīnaɱ anatthāya parisakkati, bhikkhunīnaɱ avāsāya parisakkati, bhikkhuniyo akkosati paribhāsati, bhikkhū bhikkhunīhi bhedeti. Imehi kho upāli, pañcahaṅgehi samannāgatassa bhikkhuno bhikkhunīsaṅgheneva kammaɱ kātabbaɱ, avandiyo so bhikkhu bhikkhunīsaṅghena.
Aparehipi upāli, pañcahaṅgehi samannāgatassa bhikkhuno bhikkhunīsaṅgheneva kammaɱ kātabbaɱ, avandiyo so bhikkhu bhikkhunīsaṅghena. Katamehi pañcahi: bhikkhunīnaɱ alābhāya parisakkati, bhikkhunīnaɱ anatthāya parisakkati, bhikkhunīnaɱ avāsāya parisakkati, bhikkhuniyo akkosati paribhāsati, bhikkhū bhikkhunīhi sampayojeti. Imehi kho upāli, pañcahaṅgehi samannāgatassa bhikkhuno bhikkhunīsaṅgheneva kammaɱ kātabbaɱ,
Avandiyo so bhikkhu bhikkhunīsaṅghena.
2. Katīhi nu kho bhante, aṅgehi samannāgatāya bhikkhuniyā kammaɱ kātabbanti?
Pañcahupāli, aṅgehi samannāgatāya bhikkhuniyā kammaɱ kātabbaɱ, katamehi pañcahi: vivaritvā kāyaɱ bhikkhūnaɱ dasseti, ūruɱ dasseti, aṅgajātaɱ dasseti, ubho aɱsakūṭe dasseti, obhāsati, gihī sampayojeti. Imehi kho upāli, pañcahaṅgehi samannāgatāya bhikkhuniyā kammaɱ kātabbaɱ.
Aparehipi upāli, pañcahaṅgehi samannāgatāya bhikkhuniyā kammaɱ kātabbaɱ. Katamehi pañcahi: bhikkhūnaɱ alābhāya parisakkati, bhikkhūnaɱ anatthāya parisakkati, bhikkhūnaɱ avāsāya parisakkati, bhikkhū akkosati paribhāsati, bhikkhuniyo bhikkhūhi bhedeti. Imehi kho upāli, pañcahaṅgehi samannāgatāya bhikkhuniyā kammaɱ kātabbaɱ.
Aparehipi upāli, pañcahaṅgehi samannāgatāya bhikkhuniyā kammaɱ kātabbaɱ. Katamehi pañcahi: bhikkhūnaɱ alābhāya parisakkati, bhikkhūnaɱ anatthāya parisakkati, bhikkhūnaɱ avāsāya parisakkati, bhikkhū akkosati paribhāsati, bhikkhuniyo bhikkhūhi sampayojeti. Imehi kho upāli, [page 196] pañcahaṅgehi samannāgatāya bhikkhuniyā kammaɱ kātabbaɱ.
[BJT Page 234]
3. Katīhi nu kho bhante, aṅgehi samannāgatassa bhikkhunā bhikkhunīnaɱ ovādo na ṭhapetabboti?
Pañcahupāli, aṅgehi samannāgatena bhikkhunā bhikkhunīnaɱ ovādo na ṭhapetabbo. Katamehi pañcahi: alajjī ca hoti, bālo ca, apakatatto ca, cāvanādhipāyo vattā hoti, no vuṭṭhānādhippayo. Imehi kho upāli, pañcahaṅgehi samannāgatena bhikkhunā bhikkhunīnaɱ ovādo na ṭhapetabbo.
Aparehipi upāli, pañcahaṅgehi samannāgatena bhikkhunā bhikkhunīnaɱ ovādo na
Ṭhapetabbo. Katamehi pañcahi: aparisuddhakāyasamācāro hoti, aparisuddhavacīsamācāro hoti, aparisuddhājīvo hoti, bālo hoti avyatto, na paṭibalo anuyuñjiyamāno anuyogaɱ dātuɱ.
Imehi kho upāli, pañcahaṅgehi samannāgatena bhikkhunā bhikkhunīnaɱ ovādo na ṭhapetabbo.
Aparehipi upāli, pañcahaṅgehi samannāgatena bhikkhunā bhikkhunīnaɱ ovādo na
Ṭhapetabbo. Katamehi pañcahi: kāyikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti, bhikkhunīnaɱ akkosakaparibhāsako hoti, bhikkhunīhi saddhiɱ saɱsaṭṭho viharati ananulomikena saɱsaggena.
Imehi kho upāli, pañcahaṅgehi samannāgatena bhikkhunā bhikkhunīnaɱ ovādo na ṭhapetabbo.
Aparehipi upāli, pañcahaṅgehi samannāgatena bhikkhunā bhikkhunīnaɱ ovādo na ṭhapetabbo. Katamehi pañcahi: alajjī ca hoti, bālo ca, apakatatto ca, bhaṇḍanakārako ca hoti kalahakārako, sikkhāya na paripūrakārī. Imehi kho upāli, pañcahaṅgehi samannāgatena bhikkhunā bhikkhunīnaɱ ovādo na ṭhapetabboti.
4. Katīhi nu kho bhante, aṅgehi samannāgatena bhikkhunā bhikkhunīnaɱ ovādo na gahetabboti?
Pañcahupāli, aṅgehi samannāgatena bhikkhunā bhikkhunīnaɱ ovādo na
Gahetabbo. Katamehi pañcahi: kāyikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti, bhikkhunīnaɱ akkosakaparibhāsako hoti, bhikkhunīhi saddhiɱ saɱsaṭṭho viharati ananulomikena saɱsaggena.
Imehi kho upāli, pañcahaṅgehi samannāgatena bhikkhunā bhikkhunīnaɱ ovādo na gahetabbo.
Aparehipi upāli, pañcahaṅgehi samannāgatena bhikkhunā bhikkhunīnaɱ ovādo na gahetabbo. Katamehi pañcahi: alajjī ca hoti, bālo ca, apakatatto ca, gamiko vā hoti, gilāno vā. Imehi kho upāli, pañcahaṅgehi samannāgatena bhikkhunā bhikkhunīnaɱ ovādo na gahetabboti.
[BJT Page 236]
5. Katīhi nu kho bhante, aṅgehi samannāgatena bhikkhunā saddhiɱ na sākacchitabboti?
Pañcahupāli, aṅgehi samannāgatena bhikkhunā saddhiɱ na sākacchitabbo. Katamehi pañcahi: na asekkhena sīlakkhandhena samannāgato hoti, na asekkhena samādhikkhandhena samannāgato hoti, na asekkhena paññākkhandhena samannāgato hoti, na asekkhe vimuttikkhandhena samannāgato hoti, na asekkhena [page 197] vimuttiñāṇadassanakkhandhena samannāgato hoti. Imehi kho upāli, pañcahaṅgehi samannāgatena bhikkhunā saddhiɱ na sākacchitabbo.
Pañcahupāli, aṅgehi samannāgatena bhikkhunā saddhiɱ sākacchitabbo. Katamehi pañcahi: asekkhena sīlakkhandhena samannāgato hoti, asekkhena samādhikkhandhena
Samannāgato hoti, asekkhena paññākkhandhena samannāgato hoti, asekkhe vimuttikkhandhena samannāgato hoti, asekkhena vimuttiñāṇadassanakkhandhena samannāgato hoti. Imehi kho upāli, pañcahaṅgehi samannāgatena bhikkhunā saddhiɱ sākacchitabbo.
Aparehipi upāli, pañcahaṅgehi samannāgatena bhikkhunā saddhiɱ na sākacchitabbo, katamehi pañcahi: na atthapaṭisambhidāppatto hoti, na dhammapaṭisambhidāppatto hoti, na nirutti paṭisambhidāppatto hoti, na paṭibhānapaṭisambhidāppatto hoti, na yathāvimuttaɱ cittaɱ paccavekkhati. Imehi kho upāli, pañcahaṅgehi samannāgatena bhikkhunā saddhiɱ na sākacchitabbo.
Pañcahupāli, aṅgehi samannāgatena bhikkhunā saddhiɱ sākacchitabbo, katamehi pañcahi: atthapaṭisambhidāppatto hoti, dhammapaṭisambhidāppatto hoti, nirutti paṭisambhidāppatto hoti, paṭibhānapaṭisambhidāppatto hoti, yathāvimuttaɱ cittaɱ paccavekkhati. Imehi kho upāli, pañcahaṅgehi samannāgatena bhikkhunā saddhiɱ sākacchitabbo.
Bhikkhunovādavaggo aṭṭhamo
Tassuddānaɱ:
Bhikkhunīheva kātabbaɱ aparehi tathā duve,
Bhikkhunīnaɱ tayo kammā na ṭhapetabbā duve dukā:
Na gahetabbā dve vuttā sākacchāsu ca dve dukāti.
[BJT Page 238]
9. Ubbāhikā vaggo
1. Katīhi nu kho bhante, aṅgehi samannāgato bhikkhu ubbāhikāya na sammannitabboti?
Pañcahupāli, aṅgehi samannāgato bhikkhu ubbāhikāya na sammannitabbo, katamehi pañcahi: na atthakusalo hoti, na dhammakusalo hoti, na niruttikusalo hoti, na byañjanakusalo hoti, na pubbāparakusalo hoti. Imehi kho upāli, pañcahaṅgehi samannāgato bhikkhu ubbāhikāya na sammannitabbo.
Pañcahupāli, aṅgehi samannāgato bhikkhu ubbāhikāya sammannitabbo, katamehi pañcahi: atthakusalo hoti, dhammakusalo hoti, niruttikusalo hoti, byañjanakusalo hoti, pubbāparakusalo hoti. Imehi kho upāli, pañcahaṅgehi samannāgato bhikkhu ubbāhikāya sammannitabbo.
2. Aparehipi upāli, pañcahaṅgehi samannāgato bhikkhu ubbāhikāya na
Sammannitabbo, katamehi pañcahi: kodhano hoti kodhābhibhūto, makkhī hoti makkhābhibhūto, palāsī hoti palāsābhibhūto, issukī hoti issābhibhūto, sandiṭṭhiparāmāsī hoti ādhānagāhī duppaṭinissaggī. Imehi kho upāli, pañcahaṅgehi samannāgato bhikkhu ubbāhikāya na sammannitabbo.
Pañcahupāli, aṅgehi samannāgato bhikkhu ubbāhikāya sammannitabbo, katamehi pañcahi: na kodhano hoti na kodhābhibhūto, na makkhī hoti na makkhābhibhūto, na palāsī hoti na palāsābhibhūto, na issukī hoti na issābhibhūto, asandiṭṭhiparāmāsī hoti ādhānagāhī suppaṭinissaggī. Imehi kho
Upāli, pañcahaṅgehi samannāgato bhikkhu ubbāhikāya na sammannitabbo.
[page 198]
3. Aparehipi upāli, pañcahaṅgehi samannāgato bhikkhu ubbāhikāya na
Sammannitabbo, katamehi pañcahi: kuppati, byāpajjati, patitthiyati, kopaɱ janeti, akkhamo hoti apadakkhiṇaggāhī anusāsaniɱ. Imehi kho upāli, pañcahaṅgehi samannāgato bhikkhu ubbāhikāya na sammannitabbo.
Pañcahupāli, aṅgehi samannāgato bhikkhu ubbāhikāya
Sammannitabbo, katamehi pañcahi: na kuppati, na byāpajjati, na
Patitthiyati, na kopaɱ
Janeti, khamo hoti padakkhiṇaggāhī anusāsaniɱ. Imehi kho upāli, pañcahaṅgehi
Samannāgato bhikkhu ubbāhikāya sammannitabbo.
[BJT Page 240]
4. Aparehipi upāli, pañcahaṅgehi samannāgato bhikkhu ubbāhikāya na
Sammannitabbo, katamehi pañcahi: pasāretā hoti no sāretā, anokāsakammaɱ kāretvā pavattā hoti, na yathādhamme yathāvinaye yathāpattiyā codetā hoti, na yathādhamme yathāvinaye yathāpattiyā kāretā hoti, na yathādiṭṭhiyā byākattā hoti. Imehi kho pañcahaṅgehi samannāgato bhikkhu ubbāhikāya na sammannitabbo.
Pañcahupāli, aṅgehi samannāgato bhikkhu ubbāhikāya
Sammannitabbo, katamehi pañcahi: sāretā hoti no pasāretā, okāsakammaɱ kāretvā pavattā hoti, yathādhamme yathāvinaye yathāpattiyā codetā hoti, yathādhamme yathāvinaye yathāpattiyā kāretā hoti, yathādiṭṭhiyā byākattā hoti. Imehi kho pañcahaṅgehi samannāgato bhikkhu ubbāhikāya sammannitabbo.
5. Aparehipi upāli, pañcahaṅgehi samannāgato bhikkhu ubbāhikāya na sammannitabbo. Katamehi pañcahi: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, alajjī ca hoti. Imehi kho upāli, pañcahaṅgehi samannāgato bhikkhu ubbāhikāya na sammannitabbo.
Pañcahupāli, aṅgehi samannāgato bhikkhu ubbāhikāya sammannitabbo.
Katamehi pañcahi: na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, lajjī ca hoti. Imehi kho upāli,
Pañcahaṅgehi samannāgato bhikkhu ubbāhikāya sammannitabbo.
6. Aparehipi upāli, pañcahaṅgehi samannāgato bhikkhu ubbāhikāya na sammannitabbo. Katamehi pañcahi: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, akusalo ca hoti vinaye. Imehi kho upāli, pañcahaṅgehi
Samannāgato bhikkhu ubbāhikāya na sammannitabbo.
Pañcahupāli, aṅgehi samannāgato bhikkhu ubbāhikāya sammannitabbo.
Katamehi pañcahi: na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, kusalo ca hoti. Imehi kho upāli,
Pañcahaṅgehi samannāgato bhikkhu ubbāhikāya sammannitabbo.
7. Katīhi nu kho bhante, aṅgehi samannāgato bhikkhu bālotveva saṅkhaɱ gacchatīti?
Pañcahupāli, aṅgehi samannāgato bhikkhu bālotveva saṅkhaɱ gacchati. Katamehi pañcahi: suttaɱ na jānāti, suttānulomaɱ na jānāti, vinayaɱ na jānāti, vinayānulomaɱ na jānāti, na ca ṭhānāṭhānakusalo hoti. Imehi kho upāli, pañcahaṅgehi samannāgato bhikkhu bālotveva saṅkhaɱ gacchati.
[BJT Page 242]
Pañcahupāli, aṅgehi samannāgato bhikkhu paṇḍitotveva saṅkhaɱ gacchati. Katamehi pañcahi: suttaɱ jānāti, suttānulomaɱ jānāti, vinayaɱ jānāti, vinayānulomaɱ jānāti, ṭhānāṭhānakusalo ca hoti. Imehi kho upāli, pañcahaṅgehi samannāgato bhikkhu paṇḍitotveva saṅkhaɱ gacchati.
8. Aparehipi upāli, pañcahaṅgehi samannāgato bhikkhu bālotveva saṅkhaɱ gacchati. Katamehi pañcahi: dhammaɱ na jānāti, dhammānulomaɱ [page 199] na jānāti, vinayaɱ na jānāti, vināyānulomaɱ na jānāti, na ca pubbāparakusalo hoti. Imehi kho upāli, pañcahaṅgehi samannāgato bhikkhu bālotveva saṅkhaɱ gacchati.
Pañcahupāli, aṅgehi samannāgato bhikkhu paṇḍitotveva saṅkhaɱ gacchati.
Katamehi pañcahi: dhammaɱ jānāti, dhammānulomaɱ jānāti, vinayaɱ jānāti, vināyānulomaɱ jānāti, pubbāparakusalo ca hoti. Imehi kho upāli, pañcahaṅgehi samannāgato bhikkhu paṇḍitotveva saṅkhaɱ gacchati.
9. Aparehipi upāli, pañcahaṅgehi samannāgato bhikkhu bālotveva saṅkhaɱ gacchati. Katamehi pañcahi: vatthuɱ na jānāti, nidānaɱ na jānāti, paññattiɱ na jānāti, padapaccābhaṭṭhaɱ na jānāti, anusandhivacanapathaɱ na jānāti. Imehi kho upāli,
Pañcahaṅgehi samannāgato bhikkhu bālotveva saṅkhaɱ gacchati.
Pañcahupāli, aṅgehi samannāgato bhikkhu paṇḍitotveva saṅkhaɱ gacchati.
Katamehi pañcahi: vatthuɱ jānāti, nidānaɱ jānāti, paññattiɱ jānāti,
Padapaccābhaṭṭhaɱ jānāti, anusandhivacanapathaɱ jānāti. Imehi kho upāli,
Pañcahaṅgehi samannāgato bhikkhu paṇḍitotveva saṅkhaɱ gacchati.
10. Aparehipi upāli, pañcahaṅgehi samannāgato bhikkhu bālotveva saṅkhaɱ gacchati. Katamehi pañcahi: āpattiɱ na jānāti, āpatti samuṭṭhānaɱ na jānāti, āpattiyā payogaɱ na jānāti, āpattiyā vūpasamaɱ na jānāti, āpattiyā vinicchayakusalo na hoti. Imehi kho upāli, pañcahaṅgehi samannāgato bhikkhu bālotveva saṅkhaɱ gacchati.
Pañcahupāli, pañcahaṅgehi samannāgato bhikkhu paṇḍitotveva saṅkhaɱ gacchati.
Katamehi pañcahi: āpattiɱ jānāti, āpatti samuṭṭhānaɱ jānāti, āpattiyā payogaɱ jānāti, āpattiyā vūpasamaɱ jānāti, āpattiyā vinicchayakusalo hoti. Imehi kho upāli, pañcahaṅgehi samannāgato bhikkhu paṇḍitotveva saṅkhaɱ gacchati.
11. Aparehipi upāli, pañcahaṅgehi samannāgato bhikkhu bālotveva saṅkhaɱ gacchati. Katamehi pañcahi: adhikaraṇaɱ na jānāti, adhikaraṇa samuṭṭhānaɱ na jānāti, adhikaraṇassa payogaɱ na jānāti, adhikaraṇassa vūpasamaɱ na jānāti, adhikaraṇassa vinicchayakusalo na hoti. Imehi kho upāli, pañcahaṅgehi samannāgato bhikkhu
Bālotveva saṅkhaɱ gacchati.
[BJT Page 244]
Pañcahupāli, aṅgehi samannāgato bhikkhu paṇḍitotveva saṅkhaɱ gacchati.
Katamehi pañcahi: adhikaraṇaɱ jānāti, adhikaraṇa samuṭṭhānaɱ jānāti, adhikaraṇassa payogaɱ jānāti, adhikaraṇassa vūpasamaɱ jānāti, adhikaraṇassa
Vinicchayakusalo hoti. Imehi kho upāli, pañcahaṅgehi samannāgato bhikkhu
Paṇḍitotveva saṅkhaɱ gacchati.
Ubbāhikāvaggo navamo
Tassuddānaɱ:
Na atthakusalo ceva kodhano kuppatī ca yo,
Pasāretā chandāgati na kusalo tatheva ca.
Suttaɱ dhammañca vatthuñca āpattiɱ adhikaraṇaɱ,
Dve dve pakāsitā sabbe kaṇhasukkā vijānathāti.
10. Adhikaraṇavūpasama vaggo
1. Katīhi nu kho bhante aṅgehi samannāgato bhikkhu nālaɱ adhikaraṇaɱ vūpasametunti?
Pañcahupāli aṅgehi samannāgato bhikkhu nālaɱ adhikaraṇaɱ vūpasametuɱ.
Katamehi pañcahi: [page 200] āpattiɱ na jānāti, āpatti samuṭṭhānaɱ na jānāti, āpattiyā payogaɱ na jānāti, āpattiyā vūpasamaɱ na jānāti, āpattiyā na vinicchayakusalo hoti. Imehi kho upāli pañcahaṅgehi samannāgato bhikkhu nālaɱ adhikaraṇaɱ vūpasametuɱ.
Pañcahupāli aṅgehi samannāgato bhikkhu alaɱ adhikaraṇaɱ vūpasametuɱ.
Katamehi pañcahi: āpattiɱ jānāti, āpatti samuṭṭhānaɱ jānāti, āpattiyā payogaɱ jānāti, āpattiyā vūpasamaɱ jānāti, āpattiyā vinicchayakusalo hoti. Imehi kho upāli pañcahaṅgehi samannāgato bhikkhu alaɱ adhikaraṇaɱ
Vūpasametuɱ.
2. Aparehipi upāli, pañcahaṅgehi samannāgato bhikkhū nālaɱ adhikaraṇaɱ vūpasametuɱ. Katamehi pañcahi: adhikaraṇaɱ na jānāti, adhikaraṇasamuṭṭhānaɱ na jānāti, adhikaraṇassa payogaɱ na jānāti, adhikaraṇassa vūpasamaɱ na jānāti, adhikaraṇassa na vinicchayakusalo hoti. Imehi kho upāli, pañcahaṅgehi samannāgato bhikkhū nālaɱ adhikaraṇaɱ vūpasametuɱ.
[BJT Page 246]
Pañcahupāli, aṅgehi samannāgato bhikkhū alaɱ adhikaraṇaɱ vūpasametuɱ.
Katamehi pañcahi: adhikaraṇaɱ jānāti, adhikaraṇasamuṭṭhānaɱ jānāti, adhikaraṇassa payogaɱ jānāti, adhikaraṇassa vūpasamaɱ jānāti, adhikaraṇassa
Vinicchayakusalo hoti. Imehi kho upāli, pañcahaṅgehi samannāgato bhikkhū alaɱ adhikaraṇaɱ vūpasametuɱ.
3. Aparehipi upāli, pañcahaṅgehi samannāgato bhikkhū nālaɱ adhikaraṇaɱ vūpasametuɱ. Katamehi pañcahi: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, alajjī ca hoti. Imehi kho upāli, pañcahaṅgehi samannāgato bhikkhū nālaɱ adhikaraṇaɱ vūpasametuɱ.
Pañcahupāli, aṅgehi samannāgato bhikkhū alaɱ adhikaraṇaɱ vūpasametuɱ.
Katamehi pañcahi: na chandāgatiɱ gacchati, na dosāgatiɱ gacchati, na
Mohāgatiɱ gacchati, na bhayāgatiɱ gacchati, lajjī ca hoti. Imehi kho upāli, pañcahaṅgehi samannāgato bhikkhū alaɱ adhikaraṇaɱ vūpasametuɱ.
4. Aparehipi upāli, pañcahaṅgehi samannāgato bhikkhū nālaɱ adhikaraṇaɱ vūpasametuɱ. Katamehi pañcahi: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, appassuto ca hoti. Imehi kho upāli, pañcahaṅgehi
Samannāgato bhikkhū nālaɱ adhikaraṇaɱ vūpasametuɱ.
Pañcahupāli, aṅgehi samannāgato bhikkhū alaɱ adhikaraṇaɱ vūpasametuɱ.
Katamehi pañcahi: na chandāgatiɱ gacchati, na dosāgatiɱ gacchati, na
Mohāgatiɱ gacchati, na bhayāgatiɱ gacchati, bahussuto ca hoti. Imehi kho upāli, pañcahaṅgehi samannāgato bhikkhū alaɱ adhikaraṇaɱ vūpasametuɱ.
5. Aparehipi upāli, pañcahaṅgehi samannāgato bhikkhū nālaɱ adhikaraṇaɱ vūpasametuɱ. Katamehi pañcahi: vatthuɱ na jānāti, nidānaɱ na jānāti, paññattiɱ na jānāti, padapaccābhaṭṭhaɱ na jānāti, anusandhivacanapathaɱ na jānāti.
Imehi kho upāli, pañcahaṅgehi samannāgato bhikkhū nālaɱ adhikaraṇaɱ vūpasametuɱ.
Pañcahupāli, aṅgehi samannāgato bhikkhū ālaɱ adhikaraṇaɱ vūpasametuɱ.
Katamehi pañcahi: vatthuɱ jānāti, nidānaɱ jānāti, paññattiɱ jānāti, padapaccābhaṭṭhaɱ jānāti, anusandhivacanapathaɱ jānāti.
Imehi kho upāli, pañcahaṅgehi samannāgato bhikkhū alaɱ adhikaraṇaɱ vūpasametuɱ.
6. Aparehipi upāli, pañcahaṅgehi samannāgato bhikkhū nālaɱ adhikaraṇaɱ vūpasametuɱ. Katamehi pañcahi: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, akusalo ca hoti vinaye.
Imehi kho upāli, pañcahaṅgehi samannāgato bhikkhū nālaɱ adhikaraṇaɱ vūpasametuɱ.
[BJT Page 248]
Pañcahupāli, aṅgehi samannāgato bhikkhū alaɱ adhikaraṇaɱ vūpasametuɱ.
Katamehi pañcahi: na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, kusalo ca hoti vinaye.
Imehi kho upāli, pañcahaṅgehi samannāgato bhikkhū alaɱ adhikaraṇaɱ vūpasametuɱ.
7. Aparehipi upāli, pañcahaṅgehi samannāgato bhikkhū nālaɱ adhikaraṇaɱ vūpasametuɱ. Katamehi pañcahi: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, puggalagaruko hoti no saṅghagaruko.
Imehi kho upāli, pañcahaṅgehi samannāgato bhikkhū nālaɱ adhikaraṇaɱ vūpasametuɱ.
[page 201] pañcahupāli, aṅgehi samannāgato bhikkhū alaɱ adhikaraṇaɱ vūpasametuɱ.
Katamehi pañcahi: na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, saṅghagaruko hoti no puggalagaruko.
Imehi kho upāli, pañcahaṅgehi samannāgato bhikkhū alaɱ adhikaraṇaɱ vūpasametuɱ.
8. Aparehipi upāli, pañcahaṅgehi samannāgato bhikkhū nālaɱ adhikaraṇaɱ vūpasametuɱ. Katamehi pañcahi: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, āmisagaruko hoti no saddhammagaruko.
Imehi kho upāli, pañcahaṅgehi samannāgato bhikkhū nālaɱ adhikaraṇaɱ vūpasametuɱ.
Pañcahupāli, aṅgehi samannāgato bhikkhū alaɱ adhikaraṇaɱ vūpasametuɱ.
Katamehi pañcahi: na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, saddhammagaruko hoti no āmisagaruko. Imehi kho upāli, pañcahaṅgehi samannāgato bhikkhū alaɱ adhikaraṇaɱ vūpasametuɱ.
9. Katīhu nu kho bhante ākārehi saṅgho bhijjatīti?
Pañcahupāli ākārehi saṅgho bhijjati. Katamehi pañcahi: kammena, uddesena, voharanto, anusāvaṇena, salākagāhena. Imehi kho upāli pañcahākārehi saṅgho bhijjatīti.
10. Saṅgharājī saṅgharājīti bhante vuccati. Kittāvatā nu kho bhante saṅgharāji hoti no ca saṅghabhedo? Kittāvatā ca pana saṅgharāji ceva hoti saṅghabhedo cāti?
Paññattetaɱ upāli mayā āgantukānaɱ bhikkhūnaɱ āgantukavattaɱ, evaɱ supaññatena kho upāli mayā sikkhāpade āgantukā bhikkhu āgantukavatte na vattanti, evampi kho upāli saṅgharājī hoti no ca saṅghabhedo. Paññattetaɱ upāli mayā āvāsikānaɱ bhikkhūnaɱ āvāsikavattaɱ. Evaɱ supaññatte kho upāli mayā sikkhāpade āvāsikā bhikkhū āvāsikavatte na vattanti, evampi kho upāli saṅgharāji hoti no ca saṅghabhedo. Paññattetaɱ upāli mayā
[BJT Page 250]
Bhikkhūnaɱ bhattagge bhattaggavattaɱ yathākhuḍḍhaɱ yathārattaɱ yathā patirūpaɱ aggāsanaɱ aggodakaɱ aggapiṇḍaɱ. Evaɱ supaññatte kho upāli mayā sikkhāpade navā bhikkhū bhattagge therānaɱ bhikkhūnaɱ āsanaɱ paṭibāhanti. Evampi kho upāli saṅgharāji hoti no ca saṅghabhedo. Paññattetaɱ upāli mayā bhikkhūnaɱ senāsane senāsanavattaɱ yathābuḍḍhaɱ yathārattaɱ yathāpatirūpaɱ, evaɱ supaññatte kho upāli mayā sikkhāpade navā bhikkhū therānaɱ bhikkhūnaɱ āsanaɱ paṭibāhanti. Evampi kho upāli saṅgharājī hoti no ca saṅghabhedo. Paññattetaɱ upāli mayā bhikkhūnaɱ antosīmāya ekaɱ uposathaɱ ekaɱ pavāraṇaɱ ekaɱ saṅghakammaɱ ekaɱ kammākammaɱ. Evaɱ uposathaɱ ekaɱ pavāraṇaɱ ekaɱ saṅghakammaɱ ekaɱ kammākammaɱ. Evaɱ supaññatte kho upāli mayā sikkhāpade tattheva antosīmāya āveṇibhāvaɱ karitvā gaṇaɱ bandhitvā āveṇiuposathaɱ karonti āveṇipavāraṇaɱ [page 202] karonti, āveṇisaṅghakammaɱ karonti, āveṇikammākammāni karonti. Evaɱ kho upāli saṅgharājī ceva hoti saṅghabhedo cāti.
Adhikaraṇavūpasamavaggo dasamo
Tassuddānaɱ:
Āpattiɱ adhikaraṇaɱ chandā appassutena ca,
Vatthuñca akusalo ca puggalo āmisena ca:
Bhijjati saṅgharājī ca saṅghabhedo tatheva cāti.
11. Saṅghabhedaka vaggo
1. Katīhi nu kho bhante aṅgehi samannāgato saṅghabhedako āpāyiko nerayiko kappaṭṭho atekicchoti?
Pañcahupāli aṅgehi samannāgato saṅghabhedako āpāyiko nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti, avinayaɱ vinayoti dīpeti, vinayaɱ avinayoti dīpeti, vinidhāya diṭṭhiɱ kammena. Imehi kho upāli pañcahaṅgehi samannāgato saṅghabhedako. Āpāyiko nerayiko kappaṭṭho atekiccho.
2. Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya diṭṭhiɱ uddesena. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
[BJT Page 252]
3. Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya diṭṭhiɱ voharanto. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
4. Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya diṭṭhiɱ anusāvaṇena. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
5. Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya diṭṭhiɱ salākagāhena. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
6. Aparehipi upāli pañcahaṅgehi samannāgato saṅghabhedako āpāyiko nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya khantiɱ kammena.
Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya khantiɱ uddesena. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya khantiɱ voharanto. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya khantiɱ anusāvaṇena. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya khantiɱ salākagāhena. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
7. Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya ruciɱ kammena.
Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya ruciɱ uddesena. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya ruciɱ voharanto. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya ruciɱ anusāvaṇena. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya ruciɱ salākagāhena. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
8. Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya saññaɱ
[BJT Page 254]
Kammena. Imehi kho upāli pañcahaṅgehi samannāgato saṅghabhedako.
Āpāyiko nerayiko kappaṭṭho atekiccho.
Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya saññaɱ uddesena. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya saññaɱ voharanto. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya saññaɱ anusāvaṇena. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
Aparehipi upāli pañcahaṅgehi samannāgato saṅghabhedako āpāyiko
Nerayiko kappaṭṭho atekiccho. Katamehi pañcahi: idhūpāli [page 203] bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, vinidhāya saññaɱ salākagāhena. Imehi kho upāli pañcahaṅgehi samannāgato saṅghabhedako. Āpāyiko
Nerayiko kappaṭṭho atekiccho.
Saṅghabhedakavaggo ekādasamo
Tassuddānaɱ:
Vinidhāya diṭṭhiɱ kammena uddesena vohārena ca,
Anusāvaṇena salākena pañcete diṭṭhinissitā:
Khanti ruci ca saññā ca1 tayo te pañcadhā nayāti
12. Dutiya saṅghabhedaka vaggo
1. Katīhi nu kho bhante aṅgehi samannāgato saṅghabhedako na āpāyiko na nerayiko na kappaṭṭho na atekicchoti?
Pañcahupāli aṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi:
Idhūpāli bhikkhu adhammaɱ dhammoti dīpeti, dhammaɱ
Adhammoti dīpeti, avinayaɱ vinayoti dīpeti, vinayaɱ avinayoti dīpeti, avinidhāya diṭṭhiɱ kammena. Imehi kho upāli pañcahaṅgehi samannāgato saṅghabhedako.
Na āpāyiko na nerayiko na kappaṭṭho na atekiccho.
2. Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya diṭṭhiɱ uddesena. Imehi kho upāli pañcahaṅgehi samannāgato saṅghabhedako. Na āpāyiko
Na nerayiko na kappaṭṭho na atekiccho.
3. Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi: idhūpāli
Bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya diṭṭhiɱ voharanto. Imehi kho upāli pañcahaṅgehi samannāgato saṅghabhedako. Na āpāyiko
Na nerayiko na kappaṭṭho na atekiccho.
1. Khanti ruciɱ ca saññañca - machasaɱ.
[BJT Page 256]
4. Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya diṭṭhiɱ anusāvaṇena. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
5. Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya diṭṭhiɱ salākagāhena. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
6. Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya khantiɱ kammena.
Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
Aparehipi upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya khantiɱ uddesena. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
Aparehipi upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya khantiɱ voharanto. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
Aparehipi upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya khantiɱ anusāvaṇena. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
Aparehipi upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya khantiɱ salākagāhena. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
7. Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya ruciɱ kammena.
Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
Aparehipi upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya ruciɱ uddesena. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
Aparehipi upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya ruciɱ voharanto. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
Aparehipi upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya ruciɱ anusāvaṇena. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
Aparehipi upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya ruciɱ salākagāhena. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
8. Aparehipi upāli pañcahaṅgehi samannāgato saṅghabhedako na āpāyiko na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya saññaɱ kammena.
Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
Aparehipi upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya saññaɱ uddesena. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
Aparehipi upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya saññaɱ voharanto. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
Aparehipi upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya saññaɱ anusāvaṇena. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
Aparehipi upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho. Katamehi pañcahi: idhūpāli bhikkhu adhammaɱ dhammoti dīpeti, dhammaɱ adhammoti dīpeti,
Avinayaɱ vinayoti dīpeti, vinayaɱ avinayoti dīpeti, avinidhāya saññaɱ salākagāhena. Imehi kho upāli pañcahaṅgehi samannāgato saṅghabhedako na āpāyiko
Na nerayiko na kappaṭṭho na atekiccho.
Dutiyasaṅghabhedakavaggo dvādasamo
[BJT Page 258]
Tassuddānaɱ:
Avinidhāya diṭṭhiɱ kammena uddesena vohārena ca,
Anusāvaṇena salākena pañcete diṭṭhinissitā.
Khanti ruci ca saññā ca tayo te pañcadhā nayā,
Heṭṭhime kaṇhapakkhamhi samavīsavidhī yathā:
Tatheva sukkapakkhamhi samavīsati jānathāti.
13. Āvāsika vaggo
1. Katīhi nu kho bhante aṅgehi samannāgato āvāsiko bhikkhū yathābhataɱ nikkhitto evaɱ nirayeti:
Pañcahupāli aṅgehi samannāgato āvāsiko bhikkhu yathābhataɱ nikkhitto evaɱ niraye. Katamehi pañcahi: chandāgatiɱ gacchati, [page 204] dosāgatiɱ gacchati, mohāgatiɱ gacchati, bhayāgatiɱ gacchati, saṅghikaɱ puggalikaparibhogena paribhuñjati. Imehi kho upāli pañcahaṅgehi samannāgato āvāsiko bhikkhu yathābhataɱ nikkhitto evaɱ niraye.
2. Pañcahupāli aṅgehi samannāgato āvāsiko bhikkhu yathābhataɱ
Nikkhitto evaɱ sagge. Katamehi pañcahi: na chandāgatiɱ gacchati,
Na dosāgatiɱ gacchati, na mohāgatiɱ gacchati, na bhayāgatiɱ gacchati,
Saṅghikaɱ na puggalikaparibhogena paribhuñjati. Imehi kho upāli pañcahaṅgehi
Samannāgato āvāsiko bhikkhu yathābhataɱ nikkhitto evaɱ sagge.
3. Kati nu kho bhante adhammikā vinayabyākaraṇāti?
Pañcime upāli adhammikā vinayabyākaraṇā. Katame pañca: idhūpāli bhikkhu adhammaɱ dhammoti pariṇāmeti, dhammaɱ adhammoti pariṇāmeti, avinayaɱ vinayoti pariṇāmeti, vinayaɱ avinayoti pariṇāmeti, apaññattaɱ paññāpeti, paññattaɱ samucchindati. Ime kho upāli pañca adhammikā vinayabyākaraṇā.
4. Pañcime upāli dhammikā vinayabyākaraṇā. Katame pañca: idhūpāli bhikkhu adhammaɱ adhammoti pariṇāmeti, dhammaɱ dhammoti pariṇāmeti, avinayaɱ avinayoti
Pariṇāmeti, vinayaɱ vinayoti pariṇāmeti, apaññattaɱ na paññāpeti, paññattaɱ na
Samucchindati. Ime kho upāli pañca adhammikā vinayabyākaraṇā.
5. Katīhi nu kho bhante aṅgehi samannāgato bhattuddesako yathābhataɱ nikkhitto evaɱ nirayeti?
Pañcahupāli aṅgehi samannāgato bhattuddesako yathābhataɱ nikkhitto evaɱ niraye. Katamehi pañcahi: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, uddiṭṭhānuddiṭṭhaɱ na jānāti. Imehi kho upāli pañcahaṅgehi
Samannāgato bhattuddesako yathābhataɱ nikkhitto evaɱ niraye.
[BJT Page 260]
6. Pañcahupāli aṅgehi samannāgato bhattuddesako yathābhataɱ
Nikkhitto evaɱ sagge. Katamehi pañcahi: na chandāgatiɱ gacchati,
Na dosāgatiɱ gacchati, na mohāgatiɱ gacchati, na bhayāgatiɱ gacchati,
Uddiṭṭhānuddiṭṭhaɱ jānāti. Imehi kho upāli pañcahaṅgehi
Samannāgato bhattuddesako yathābhataɱ nikkhitto evaɱ sagge.
7. Katī hi nu kho bhante aṅgehi samannāgato senāsanapaññāpako yathābhataɱ nikkhitto evaɱ nirayeti?
Katī hi nu kho bhante aṅgehi samannāgato bhaṇḍāgāriko yathābhataɱ
Nikkhitto evaɱ nirayeti?
Katī hi nu kho bhante aṅgehi samannāgato cīvarapaṭiggāhako yathābhataɱ
Nikkhitto evaɱ nirayeti?
Katī hi nu kho bhante aṅgehi samannāgato cīvarabhājako yathābhataɱ
Nikkhitto evaɱ nirayeti?
Katī hi nu kho bhante aṅgehi samannāgato yāgubhājako yathābhataɱ
Nikkhitto evaɱ nirayeti?
Katī hi nu kho bhante aṅgehi samannāgato phalabhājako yathābhataɱ
Nikkhitto evaɱ nirayeti?
Katī hi nu kho bhante aṅgehi samannāgato khajjabhājako yathābhataɱ
Nikkhitto evaɱ nirayeti?
Katī hi nu kho bhante aṅgehi samannāgato appamattakavissajjako yathābhataɱ nikkhitto evaɱ nirayeti?
Katī hi nu kho bhante aṅgehi samannāgato sāṭiyagāhāpako yathābhataɱ
Nikkhitto evaɱ nirayeti?
Katī hi nu kho bhante aṅgehi samannāgato pattagāhāpako yathābhataɱ
Nikkhitto evaɱ nirayeti?
Katī hi nu kho bhante aṅgehi samannāgato ārāmikapesako yathābhataɱ
Nikkhitto evaɱ nirayeti?
Katī hi nu kho bhante aṅgehi samannāgato sāmaṇerapesako yathābhataɱ
Nikkhitto evaɱ nirayeti?
Pañcahupāli aṅgehi samannāgato sāmaṇerapesako yathābhataɱ nikkhitto evaɱ nirayeti. Katamehi pañcahi: chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, pesitāpesitaɱ na jānāti. Imehi kho upāli pañcahaṅgehi samannāgato sāmaṇerapesako yathābhataɱ nikkhitto evaɱ niraye.
8. Pañcahupāli aṅgehi samannāgato sāmaṇerapesako yathābhataɱ nikkhitto evaɱ sagge. Katamehi pañcahi: na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, pesitāpesitaɱ jānāti. Imehi kho upāli pañcahaṅgehi samannāgato sāmaṇerapesako yathābhataɱ nikkhitto evaɱ saggeti.
Āvāsikavaggo terasamo
Tassuddānaɱ:
[page 205]
Āvāsikā byākaraṇā bhattuddesasenāsanāni ca,
Bhaṇḍacīvaragāho ca cīvarassa ca bhājako.
Yāgu phalaɱ khajjakañca appasāṭiyagāhako,
Pattaārāmikā ceva sāmaṇerena pesakoti.
14. Kaṭhinatthāra vaggo
1. Kati nu kho bhante ānisaɱsā kaṭhinatthāreti?
Pañcime upāli ānisaɱsā kaṭhinatthāre. Katame pañca: anāmantacāro, asamādānacāro, gaṇabhojanaɱ, yāvadatthacīvaraɱ, yo ca tattha cīvaruppādo so tesaɱ bhavissati ime kho upāli pañca ānisaɱsā kaṭhinatthāreti.
[BJT Page 262]
2. Kati nu kho bhante ādīnavā muṭṭhassatissa asampajānassa niddaɱ okkamatoti?
Pañcime upāli ādīnavā muṭṭhassatissa asampajānassa niddaɱ okkamato. Katame pañca: dukkhaɱ supati, dukkhaɱ paṭibujjhati, pāpakaɱ supinaɱ passati, devatā na rakkhanti, asuci muccati. Ime kho upāli pañca ādīnavā muṭṭhassatissa asampajānassa niddaɱ okkamato.
Pañcime upāli ānisaɱsā upaṭṭhitasatissa sampajānassa niddaɱ okkamato. Katame pañca: sukhaɱ supati, sukhaɱ paṭibujjhati, na pāpakaɱ supinaɱ passati, devatā rakkhanti, asuci na muccati. Ime kho upāli pañcānisaɱsā upaṭṭhitasatissa sampajānassa niddaɱ
Okkamato.
3. Kati nu kho bhante avandiyāti?
Pañcime upāli avandiyā. Katame pañca: antaragharaɱ paviṭṭho avandiyo, racchāgato avandiyo, otamasiko avandiyo, asamannāharanto avandiyo, sutto avandiyo. Ime kho upāli pañca avandiyā.
4. Aparepi upāli pañca avandiyā. Katame pañca: yāgupāne avandiyo, bhattagge avandiyo, ekāvatto avandiyo, aññavihito avandiyo, naggo avandiyo. Ime kho upāli pañca avandiyā.
5. Aparepi upāli pañca avandiyā. Katame pañca: khādanto avandiyo, bhuñjanto avandiyo, uccāraɱ karonto avandiyo, passāvaɱ karonto avandiyo, ukkhittako avandiyo. Ime kho upāli pañca avandiyā.
6. Aparepi upāli pañca avandiyā. Katame pañca: pure upasampannena pacchā upasampanno avandiyo, anupasampanno avandiyo, nānāsaɱvāsako buḍḍhataro adhammavādī avandiyo, mātugāmo avandiyo, paṇḍako avandiyo. Ime kho upāli pañca avandiyā.
7. Aparepi upāli pañca avandiyā. Katame pañca: pārivāsiko avandiyo, mūlāya paṭikassanāraho avandiyo, mānattāraho avandiyo, mānattacārī avandiyo, abbhānāraho avandiyo. Ime kho upāli pañca avandiyāti.
[page 206]
8. Kati nu kho bhante vandiyāti?
Pañcime upāli vandiyā. Katame pañca: pacchā upasampannena pūre upasampanno vandiyo, nānāsaɱvāsako buḍḍhataro dhammāvādī vandiyo, ācariyo vandiyo, upajjhāyo vandiyo, sadevake loke samārake sabrahmake sassamaṇabrāhmaṇiyā pajāya sadevamanussāya tathāgato arahaɱ sammāsambuddho vandiyo. Ime kho upāli pañca vandiyāti.
[BJT Page 264]
9. Navakatarena bhante bhikkhunā buḍḍhatarassa bhikkhuno pāde vandantena kati dhamme ajjhattaɱ upaṭṭhāpetvā pādā vanditabbāti?
Navakatarenupāli, bhikkhunā buḍḍhatarassa bhikkhuno pāde vandantena pañca dhamme ajjhattaɱ upaṭṭhāpetvā pādā vanditabbā. Katame pañca: navakatarenupāli, bhikkhunā buḍḍhatarassa bhikkhuno pāde vandantena ekaɱsaɱ uttarāsaṅgaɱ karitvā añjalimpaggahetvā ubhohi pāṇitalehi pādāni parisambāhantena pemañca gāravañca upaṭṭhāpetvā pādā vanditabbā. Navakatarenupāli bhikkhunā buḍḍhatarassa bhikkhuno pāde vandantena ime pañca dhamme ajjhattaɱ upaṭṭhāpetvā pādā vanditabbāti.
Kaṭhinatthāravaggo cuddasamo.
Tassuddānaɱ:
Kaṭhinatthāra niddā ca antarā yāgu khādane,
Pure ca pārivāsī ca vandiyā vanditabbakanti.
Upālipañcakaɱ niṭṭhitaɱ.
Tesaɱ vaggānaɱ uddānaɱ:
Anissitena kammañca vohārāvīkammena ca,
Codanā ca dhutaṅgā ca musā bhikkhunimeva ca.
Ubbahikādhikaraṇaɱ bhedakā pañcā pure,
Āvāsikā kaṭhinañca cuddasa suppakāsikāti.
[BJT Page 266]
[page 207]
Samuṭṭhānaɱ
Atthāpatti acittako āpajjati sacittako vuṭṭhāti, atthāpatti sacittako āpajjati acittako vuṭṭhāti, atthāpatti acittako āpajjati acittako vuṭṭhāti, atthāpatti sacittako āpajjati sacittako vuṭṭhāti, atthāpatti kusalacitto āpajjati kusalacitto vuṭṭhāti, atthāpatti kusalacitto āpajjati, akusalacitto vuṭṭhāti, atthāpatti kusalacitto āpajjati abyākatacitto vuṭṭhāti, atthāpatti akusalacitto āpajjati akusalacitto vuṭṭhāti, atthāpatti akusalacitto āpajjati kusalacitto vuṭṭhāti, atthāpatti akusalacitto āpajjati abyākatacitto vuṭṭhāti, atthāpatti abyākatacitto āpajjati kusalacitto vuṭṭhāti, atthāpatti abyākatacitto āpajjati akusalacitto vuṭṭhāti, atthāpatti abyākatacitto āpajjati abyākatacitto vuṭṭhāti.
Paṭhamaɱ pārājikaɱ katīhi samuṭṭhānehi samuṭṭhāti: paṭhamaɱ pārājikaɱ ekena samuṭṭhānena samuṭṭhāti kāyato ca cittato ca samuṭṭhāti na vācato.
Dutiyaɱ pārājikaɱ katīhi samuṭṭhānehi samuṭṭhāti: dutiyaɱ pārājikaɱ tīhi samuṭṭhānena samuṭṭhāti siyā kāyato ca cittato ca samuṭṭhāti na vācato. Siyā vācato ca cittato ca samuṭṭhāti, na kāyato. Siyā kāyato ca vācato ca cittato ca samuṭṭhāti.
Tatiyaɱ pārājikaɱ katīhi samuṭṭhānehi samuṭṭhāti: tatiyaɱ pārājikaɱ tīhi samuṭṭhānena samuṭṭhāti siyā kāyato ca cittato ca samuṭṭhāti na vācato. Siyā vācato ca cittato ca samuṭṭhāti, na kāyato. Siyā kāyato ca vācato ca cittato ca samuṭṭhāti.
Catutthaɱ pārājikaɱ katīhi samuṭṭhānehi samuṭṭhāti: catutthaɱ pārājikaɱ tīhi samuṭṭhānena samuṭṭhāti siyā kāyato ca cittato ca samuṭṭhāti na vācato. Siyā vācato ca cittato ca samuṭṭhāti, na kāyato. Siyā kāyato ca vācato ca cittato ca samuṭṭhāti.
Cattāro pārājikā niṭṭhitā.
1. Upakkamitvā asuciɱ mocentassa saṅghādiseso katīhi samuṭṭhānehi samuṭṭhāti: upakkamitvā asuciɱ mocentassa saṅghādiseso ekena samuṭṭhānena samuṭṭhāti: kāyato ca cittato ca samuṭṭhāti na vācato.
[BJT Page 268]
2. Mātugāmena saddhiɱ kāyasaɱsaggaɱ samāpajjantassa saṅghādiseso katīhi samuṭṭhānehi samuṭṭhāti: mātugāmena saddhiɱ kāyasaɱsaggaɱ samāpajjantassa saṅghādiseso ekena samuṭṭhānena samuṭṭhāti: kāyato ca cittato ca samuṭṭhāti na vācato.
3. Mātugāmaɱ duṭṭhullāhi vācāhi obhāsantassa saṅghādiseso katīhi samuṭṭhānehi samuṭṭhāti: mātugāmā duṭṭhullāhi vācāhi obhāsantassa saṅghādiseso tīhi samuṭṭhānehi samuṭṭhāti: siyā kāyato ca cittato ca samuṭṭhāti na vācato, siyā [page 208] vācato ca cittato ca samuṭṭhāti. Na kāyato, siyā kāyato ca vācato ca cittato ca samuṭṭhāti.
4. Mātugāmassa santike attakāmapāricariyāya vaṇṇaɱ bhāsantassa saṅghādiseso katīhi samuṭṭhānehi samuṭṭhāti: mātugāmassa santike attakāmapāricariyāya vaṇṇaɱ bhāsantassa saṅghādiseso tīhi samuṭṭhānehi
Samuṭṭhāti: siyā kāyato ca cittato ca samuṭṭhāti na vācato, vācato ca cittato ca samuṭṭhāti. Na kāyato, siyā kāyato ca vācato ca cittato ca samuṭṭhāti.
5. Sañcarittaɱ samāpajjantassa saṅghādisesā katīhi samuṭṭhānehi samuṭṭhāti: sañcarittaɱ samāpajjantassa saṅghādiseso chahi samuṭṭhānehani samuṭṭhāti: siyā kāyato samuṭṭhāti na vācato na cittato, siyā vācato samuṭṭhāti na kāyato na cittato, siyā kāyato ca vācato ca samuṭṭhāti na cittato, siyā kāyato ca cittato ca samuṭṭhāti na vācato, siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti.
6. Saññācikāya kuṭiɱ kārāpentassa katīhi samuṭṭhānehi samuṭṭhāti: saññācikāya kuṭiɱ kārāpentassa saṅghādiseso chahi samuṭṭhānehani samuṭṭhāti: siyā kāyato samuṭṭhāti na vācato na cittato, siyā vācato samuṭṭhāti na kāyato na cittato, siyā kāyato ca vācato ca samuṭṭhāti na cittato, siyā kāyato ca cittato ca samuṭṭhāti na vācato, siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti.
7. Mahallakaɱ vihāraɱ kārāpentassa saṅghādiseso katīhi samuṭṭhānehi samuṭṭhāti: mahallakaɱ vihāraɱ kārāpentassa saṅghādiseso
Chahi samuṭṭhānehani samuṭṭhāti: siyā kāyato samuṭṭhāti na
Vācato na cittato, siyā vācato samuṭṭhāti na kāyato na cittato, siyā kāyato ca vācato ca samuṭṭhāti na cittato, siyā kāyato ca cittato ca samuṭṭhāti na vācato, siyā vācato ca cittato ca samuṭṭhāti na kāyato, siyā kāyato ca vācato ca cittato ca samuṭṭhāti.
8. Bhikkhuɱ amūlakena pārājikena dhammena anuddhaɱsentassa saṅghādiseso katīhi samuṭṭhānehi samuṭṭhāti: bhikkhuɱ amūlakena pārājikena dhammena anuddhaɱsentassa
Saṅghādiseso tīhi samuṭṭhānehi
Samuṭṭhāti: siyā kāyato ca cittato ca samuṭṭhāti na vācato, vācato ca cittato ca samuṭṭhāti. Na kāyato, siyā kāyato ca vācato ca cittato ca samuṭṭhāti.
9. Bhikkhuɱ aññabhāgiyassa adhikaraṇassa kiñci desaɱ lesamattaɱ upādāya pārājikena dhammena anuddhaɱsentassa saṅghādiseso katīhi samuṭṭhānehi samuṭṭhāti: bhikkhuɱ aññabhāgiyassa adhikaraṇassa kiñci desaɱ lesamattaɱ upādāya pārājikena dhammena anuddhaɱsentassa saṅghādiseso tīhi samuṭṭhānehi
Samuṭṭhāti: siyā kāyato ca cittato ca samuṭṭhāti na vācato, vācato ca cittato ca samuṭṭhāti. Na kāyato, siyā kāyato ca vācato ca cittato ca samuṭṭhāti.
[BJT Page 270]
10. Saṅghabhedakassa bhikkhuno yāvatatiyaɱ samanubhāsanāya nappaṭinissajjantassa saṅghādiseso katīhi samuṭṭhānehi samuṭṭhāti: saṅghabhedakassa bhikkhuno yāvatatiyaɱ samanubhāsanāya nappaṭinissajjantassa saṅghādiseso ekena samuṭṭhānena samuṭṭhāti: kāyato ca vācato ca cittato ca samuṭṭhāti.
11. Bhedakānuvattakānaɱ bhikkhūnaɱ yāvatatiyaɱ samanubhāsanāya
Nappaṭinissajjantassa saṅghādiseso katīhi samuṭṭhānehi samuṭṭhāti:
Bhedakānuvattakānaɱ bhikkhūnaɱ yāvatatiyaɱ
Samanubhāsanāya nappaṭinissajjantānaɱ saṅghādiseso ekena samuṭṭhānena samuṭṭhāti: kāyato ca vācato ca cittato ca samuṭṭhāti.
12. Dubbacassa bhikkhuno yāvatatiyaɱ samanubhāsanāya nappaṭinissajjantassa saṅghādiseso katīhi samuṭṭhānehi samuṭṭhāti: dubbacassa bhikkhuno yāvatatiyaɱ samanubhāsanāya nappaṭinissajjantassa saṅghādiseso ekena samuṭṭhānena samuṭṭhāti: kāyato ca vācato ca cittato ca samuṭṭhāti.
13. Kuladūsakassa bhikkhuno yāvatatiyaɱ samanubhāsanāya nappaṭinissajjantassa saṅghādiseso katīhi samuṭṭhānehi samuṭṭhāti: kuladūsakassa bhikkhuno yāvatatiyaɱ samanubhāsanāya nappaṭinissajjantassa saṅghādiseso ekena samuṭṭhānena samuṭṭhāti: kāyato ca vācato ca cittato ca samuṭṭhāti.
Terasasaṅghādisesā niṭṭhitā
-Pe-------------------------------------------
Anādariyaɱ paṭicca udake uccāraɱ vā passāvaɱ vā kheḷaɱ vā karontassa dukkaṭaɱ katīhi samuṭṭhānehi samuṭṭhāti: anādariyaɱ paṭicca udake uccāraɱ vā passāvaɱ vā kheḷaɱ vā karontassa dukkaṭaɱ ekena samuṭṭhānena samuṭṭhāti: kāyato ca cittato ca sumuṭṭhāti, na vācato.
Sekhiyā niṭṭhitā
1. Catatāro pārājikā kati samuṭṭhānehi samuṭṭhahanti: cattāro pārājikā tīhi samuṭṭhānehi samuṭṭhahanti: siyā kāyato ca cittato ca samuṭṭhahanti na vācato, siyā vācato ca cittato ca samuṭṭhahanti. Na kāyato, siyā kāyato ca vācato ca cittato ca samuṭṭhahanti.
[page 209]
2. Terasa saṅghādisesā katīhi samuṭṭhānehi samuṭṭhahanti: terasa saṅghādisesā chahi samuṭṭhānehi samuṭṭhahanti: siyā kāyato samuṭṭhahanti na vācato na cittato, siyā vācato samuṭṭhahanti na kāyato na cittato, siyā kāyato ca vācato ca samuṭṭhahanti.
[BJT Page 272]
Na cittato. Siyā kāyato ca cittato ca samuṭṭhahanti na vācato. Siyā vācato ca cittato ca samuṭṭhahanti na kāyato. Siyā kāyato ca vācato ca cittato ca samuṭṭhahanti.
3. Dve aniyatā katīhi samuṭṭhānehi samuṭṭhahanti: dve aniyatā tīhi samuṭṭhānehi samuṭṭhahanti: siyā kāyato ca cittato ca samuṭṭhahanti na vācato. Siyā vācato ca cittato ca samuṭṭhahanti. Na kāyato. Siyā kāyato ca vācato ca cittato ca samuṭṭhahanti.
4. Tiɱsa nissaggiyā pācittiyā katīhi samuṭṭhānehi samuṭṭhahanti: tiɱsa nissaggiyā pācittiyā chahi samuṭṭhānehi samuṭṭhahanti: siyā kāyato samuṭṭhahanti na vācato na cittato. Siyā vācato samuṭṭhahanti na kāyato na cittato. Siyā kāyato ca vācato ca samuṭṭhahanti na cittato. Siyā kāyato ca cittato ca samuṭṭhahanti na vācato. Siyā vācato ca cittato ca samuṭṭhahanti na kāyato. Siyā kāyato ca vācato ca cittato ca samuṭṭhahanti.
5. Dve navuti pācittiyā katīhi samuṭṭhānehi samuṭṭhahanti: dve navuti pācittiyā chahi samuṭṭhānehi samuṭṭhahanti: siyā kāyato samuṭṭhahanti na vācato na cittato. Siyā vācato samuṭṭhahanti na kāyato na cittato. Siyā kāyato ca vācato ca samuṭṭhahanti na cittato. Siyā kāyato ca cittato ca samuṭṭhahanti na vācato. Siyā vācato ca cittato ca samuṭṭhahanti na kāyato. Siyā kāyato ca vācato ca cittato ca samuṭṭhahanti.
6. Cattāro pāṭidesanīyā katīhi samuṭṭhānehi samuṭṭhahanti: cattāro pāṭidesanīyā catūhi samuṭṭhānehi samuṭṭhahanti: siyā kāyato samuṭṭhahanti na vācato na cittato. Siyā kāyato ca vācato ca samuṭṭhahanti na cittato. Siyā kāyato ca cittato ca samuṭṭhahanti. Na vācato. Siyā kāyato ca vācato ca cittato ca samuṭṭhahanti.
7. Pañcasattati sekhiyā katīhi samuṭṭhānehi samuṭṭhahanti: pañca sattati sekhiyā tīhi samuṭṭhānehi samuṭṭhahanti: siyā kāyato ca cittato ca samuṭṭhahanti na vācato. Siyā vācato ca cittato ca samuṭṭhahanti na kāyato. Siyā kāyato ca vācato ca cittato ca samuṭṭhahanti.
Samuṭṭhānaɱ niṭṭhitaɱ.
Tassuddānaɱ:
Acittakusalañceva1 samuṭṭhānañca sabbathā
Yathā dhammena ñāyena samuṭṭhānaɱ vijānathāti.
1. Acittakusalo ceva - machasaɱ. Syā.
[BJT Page 274]
[page 210]
Dutiyagāthāsaṅgaṇikaɱ
1. Katāpattiyo kāyikā kati vācasikā katā,
Chādentassa kati āpattiyo kati saɱsaggapaccayā.
2. Cha āpattiyo kāyikā cha vācasikā katā,
Chādentassa tisso āpattiyo pañca saɱsaggapaccayā.
3. Aruṇugge ti āpattiyo kati yāvatatiyakā,
Katettha aṭṭhavatthukā katīhi sabbasaṅgaho.
4. Aruṇugge tisso āpattiyo duve yāvatatiyakā,
Ekettha aṭṭhavatthukā ekena sabbasaṅgaho.
5. Vinayassa kati mūlāni yāni buddhena paññattā,
Vinayagarukā kati vuttā duṭṭhullachādanā kati.
6. Vinayassa dve mūlāni yāni buddhena paññattā,
Vinayagarukā dve vuttā dve duṭṭhullachādanā.
7. Gāmantare kati āpattiyo kati nadīpārapaccayā,
Kati maɱsesu thullaccayaɱ kati maɱsesu dukkaṭaɱ.
8. Gāmantare catasso āpattiyo catasso nadīpārapaccayā,
Ekamaɱse thullaccayaɱ nava maɱsesu dukkaṭaɱ.
9. Kati vācasikā rattiɱ kati vācasikā divā,
Dadamānassa kati āpattiyo paṭiggaṇhantassa kittakā.
10. Dve vācasikā rattiɱ dve vācasikā divā,
Dadamānassa tisso āpattiyo cattāro ca paṭiggahe.
11. Kati desanāgāminiyo kati sappaṭikammā katā,
Katettha appaṭikammā vuttā buddhenādiccabandhunā.
[BJT Page 276]
12. Pañcadesanāgāminiyo cha sappaṭikammā katā,
Ekettha appaṭikammā vuttā buddhenādiccabandhunā.
13. Vinayagarukā kati vuttā kāyavācasikāni ca,
Kati vikāle dhaññaraso kati ñatticatutthena sammuti.
14. Vinayagarukā dve vuttā kāyavācasikāni ca,
Eko vikāle dhaññaraso ekā ñatticatutthena sammuti.
15. Pārājikā kāyikā kati kati saɱvāsabhūmiyo,
Katinnaɱ1 ratticchedo paññattā dvaṅgulā kati.
[page 211]
16. Pārājikā kāyikā dve dve saɱvāsabhūmiyo,
Dvinnañca ratticchedo paññattā dvaṅgulā duve.
17. Katattānaɱ vadhitvāna katīhi saṅgho bhijjati,
Katettha paṭhamāpattikaɱ ñattiyā karaṇā kati.
18. Dve attānaɱ vadhītvā dvīhi saṅgho bhijjati,
Dvettha paṭhamāpattikā ñattiyā karaṇā duve.
19. Pāṇātipāte kati āpattiyo vācā pārājikā kati,
Obhāsanā kati vuttā sañcarittena vā kati.
20. Pāṇātipāte tisso āpattiyo vācā pārājikā tayo,
Obhāsanā tayo vuttā sañcarittena vā tayo.
21. Kati puggalā na upasampādetabbā kati kammānaɱ saṅgahā,
Nāsikatā kati vuttā katinnaɱ ekavācikā.
22. Tayo puggalā na upasampādetabbā kati kammānaɱ saṅgahā,
Nāsikatā tayo vuttā tiṇṇannaɱ ekavācikā.
23. Adinnādāne kati āpattiyo kati methunapaccayā,
Chindantassa kati āpattiyo kati chaḍḍitapaccayā.
1. Katīnaɱ - sīmu. Katinaɱ - machasaɱ.
[BJT Page 278]
24. Adinnādāne tisso āpattiyo catasso methunapaccayā,
Chindantassa tisso āpattiyo pañca chaḍḍītapaccayā.
25. Bhikkhunovādakavaggasmiɱ pācittiyena dukkaṭā,
Katettha navakā vuttā katinnaɱ1 cīvarena ca.
26. Bhikkhunovādakavaggasmiɱ pācittiyena dukkaṭā,
Katā caturettha navakā2 vuttā dvinnaɱ cīvarena ca.
27. Bhikkhunīnañca akkhātā pāṭidesanīyā kati,
Bhuñjantāmakadhaññena pācittiyena dukkaṭā kati.
28. Bhikkhunīnañca akkhātā aṭṭha pāṭidesanīyā katā,
Bhuñjantāmakadhaññena pācittiyena dukkaṭā katā.
29. Gacchantassa kati āpattiyo ṭhitassa vāpi kittakā,
Nissannassa kati āpattiyo nipannassāpi kittakā.
30. Gacchantassa catasso āpattiyo ṭhitassa vāpi tattikā,
Nisinnassa catasso āpattiyo nipannassāpi tattikā.
31. Kati pācittiyāni sabbāni nānāvatthukāni,
Apubbaɱ acarimaɱ āpajjeyya ekato.
32. Pañca pācittiyāni sabbāni nānāvatthukāni,
Apubbaɱ acarimaɱ āpajjeyya ekato.
[page 212]
33. Kati pācittiyāni sabbāni nānāvatthukāni,
Apubbaɱ acarimaɱ āpajjeyya ekato.
34. Nava pācittiyāni sabbāni nānā vatthukāni,
Apubbaɱ acarimaɱ āpajjeyya ekato.
35. Kati pācittiyāni sabbāni nānā vatthukāni,
Kati vācāya deseyya vuttā ādiccabandhunā.
36. Pañca pācittiyāni sabbāni nānāvatthukāni,
Ekavācāya deseyya vuttā ādiccabandhunā.
1. Katīnaɱ - sīmu, katinaɱ - machasaɱ.
2. Caturettha navakāvuttā - machasaɱ.
[BJT Page 280]
37. Kati pācittiyāni sabbāni nānā vatthukāni,
Kati vācāya deseyya vuttā ādiccabandhunā.
38. Nava pācittiyāni sabbāni nānāvatthukāni,
Ekavācāya deseyya vuttā ādiccabandhunā.
39. Kati pācittiyāni sabbāni nānāvatthukāni,
Kiñca kittetvā deseyya vuttā ādiccabandhunā.
40. Pañca pācittiyāni sabbāni nānāvatthukāni,
Vatthuɱ kittetvā deseyya vuttā ādiccabandhunā.
41. Kati pācittiyāni sabbāni nānāvatthukāni,
Kiñca kittetvā deseyya vuttā ādiccabandhunā.
42. Nava pācittiyāni sabbāni nānāvatthukāni,
Vatthuɱ kittetvā deseyya vuttā ādiccabandhunā.
43. Yāvatatiyakā kati āpattiyo kati vohārapaccayā,
Khādantassa kati āpattiyo kati bhojanapaccayā.
44. Yāvatatiyakā tisso āpattiyo cha vohārapaccayā,
Khādantassa tisso āpattiyo pañca bhojanapaccayā.
45. Sabbā yāvatatiyakā kati ṭhānāni gacchanti,
Katinnañceva āpattiyo katinnaɱ adhikaraṇena ca.
46. Sabbā yāvatatiyakā pañca ṭhānāni gacchanti,
Pañcannañceva āpatti pañcannaɱ adhikaraṇena ca.
47. Katinnaɱ vinicchayo hoti katinnaɱ vūpasamena ca,
Katinnañceva anāpatti katīhi ṭhānehi sobhati.
48. Pañcannaɱ vinicchayo hoti pañcannaɱ vūpasamena ca,
Pañcannañceva anāpatti tīhi ṭhānehi sobhati.
49. Kati kāyikā rattiɱ kati kāyikā divā,
Nijjhāyantassa kati āpatti kati piṇḍapātapaccayā.
50. Dve kāyikā rattiɱ dve kāyikā divā,
Nijjhāyantassa ekā āpatti ekā piṇḍapātapaccayā.
[BJT Page 282]
[page 213]
51. Katānisaɱse sampassaɱ paresaɱ saddhāya desaye,
Ukkhittakā kati vuttā kati sammā pavattanā.
52. Aṭṭhānisaɱse sampassaɱ paresaɱ saddhāya desaye,
Ukkhittakā tayo vuttā te cattārīsa sammāvattanā.
53. Kati ṭhāne musāvādo kati paramanti vuccati,
Kati pāṭidesanīyā katinnaɱ desanāya ca.
54. Pañca ṭhāne musāvādo cuddasa paramanti vuccati,
Dvādasa pāṭidesanīyā catunnaɱ desanāya ca.
55. Kataṅgiko musāvādo kati uposathaṅgāni,
Kati dūteyyaṅgāni aṭṭha titthiyavattanā.
56. Aṭṭhaṅgiko musāvādo aṭṭha uposathaṅgāni,
Aṭṭha duteyyaṅgāni aṭṭha titthiyavattanā.
57. Kati vācikā upasampadā katinnaɱ paccuṭṭhātabbaɱ,
Katinnaɱ āsanaɱ dātabbaɱ bhikkhunovādako katīhi.
58. Aṭṭha vācikā upasampadā aṭṭhannaɱ paccuṭṭhātabbaɱ,
Aṭṭhannaɱ āsanaɱ dātabbaɱ bhikkhunovādako aṭṭhahi.
59. Katinnaɱ chejjaɱ hoti katinnaɱ thullaccayaɱ,
Katinnañceva anāpatti sabbesaɱ ekavatthukā.
60. Ekassa chejjaɱ hoti catunnaɱ thullaccayaɱ,
Catunnañceva anāpatti sabbesaɱ ekavatthukā.
61. Kati āghātavatthūni katīhi saṅgho bhijjati,
Katettha paṭhamāpattikā ñattiyā karaṇā kati.
62. Nava āghātavatthūni navahi saṅgho bhijjati,
Navettha paṭhamāpattikā ñattiyā karaṇā nava.
63. Kati puggalā nābhivādetabbā añjali sāmicena ca,
Katinnaɱ dukkaṭaɱ hoti kati cīvaradhāraṇā.
[BJT Page 284]
64. Dasa puggalā nābhivādetabbā añjali sāmicena ca,
Dasannaɱ dukkaṭaɱ hoti dasa cīvaradhāraṇā.
65. Katinnaɱ vassaɱ vutthānaɱ dātabbaɱ idha cīvaraɱ,
Katinnaɱ sante dātabbaɱ katinnañceva na dātabbaɱ
66. Pañcannaɱ vassaɱ dātabbaɱ idha cīvaraɱ,
Sattannaɱ sante dātabbaɱ soḷasannaɱ na dātabbaɱ.
67. Kati sataɱ ratti sataɱ āpattiyo chādayitvāna,
Kati rattiyo vasitvāna mucceyya pārivāsiko.
68. Dasasataɱ ratti sataɱ āpattiyo chādayitvāna,
Dasa rattiyo vasitvāna mucceyya pārivāsiko.
69. Kati kammadosā vuttā buddhenādiccabandhunā,
Campāyaɱ vinayavatthusmiɱ sabbe adhammikā1 kati.
70. Dvādasa kammadosā vuttā buddhenādiccabandhunā,
Campāyaɱ vinayavatthusmiɱ sabbevādhammikā katā.
[page 214]
71. Kati kammasampattiyo vuttā buddhenādiccabandhunā,
Campāyaɱ vinayavatthusmiɱ sabbeva dhammikā kati.
72. Catasso sampattiyo vuttā buddhenādiccabandhunā,
Campāyaɱ vinayavatthusmiɱ sabbeva dhammikā katā.
73. Kati kammāni vuttāni buddhenādiccabandhunā,
Cha campāyaɱ vinayavatthusmiɱ dhammikā adhammikā kati.
74. Cha kammāni vuttāni buddhenādiccabandhunā,
Campāyaɱ vinayavatthusmiɱ ekettha dhammikā katā:
Pañca adhammikā vuttā buddhenādiccabandhunā.
75. Kati kammāni vuttāni buddhenādiccabandhunā,
Campāyaɱ vinayavatthusmiɱ dhammikā adhammikā kati.
76. Cattāri kammāni vuttāni buddhenādiccabandhunā,
Campāyaɱ vinayavatthusmiɱ ekettha dhammikā katā:
Tayo adhammikā vuttā buddhenādiccabandhunā.
77. Yaɱ desitā anantajinena tādinā
Āpattikkhandhāni vivekadassinā,
Katettha sammanti vinā samathehi
Pucchāmi taɱ buhi vibhaṅgakovida.
1. Sabbeva adhammikā - machasaɱ.
[BJT Page 286]
78. Yaɱ desitā anantajinena tādinā,
Āpattikkhandhāni vivekadassinā:
Ekettha sammati vinā samathehi,
Etaɱ te akkhāmi vibhaṅgakovida.
79. Kati āpāyikā vuttā buddhenādiccabandhunā,
Vinayaɱ paṭijānantassa visayāni1 suṇoma te.
80. Cha ūnadiyaḍḍhasatā vuttā buddhenādiccabandhunā,
Āpāyikā nerayikā kappaṭṭhā saṅghabhedakā:
Vinayaɱ paṭijānantassa visayāni suṇohi me.
81. Kati nāpāyikā vuttā buddhenādiccabandhunā,
Vinayaɱ paṭijānantassa visayāni suṇoma te.
82. Aṭṭhārasa nāpāyikā vuttā buddhenādiccabandhunā,
Vinayaɱ paṭijānantassa visayāni suṇohi me.
83. Kati aṭṭhakā vuttā buddhenādiccabandhunā,
Vinayaɱ paṭijānantassa visayāni suṇoma te.
84. Aṭṭhārasaṭṭhakā vuttā buddhenādiccabandhunā,
Vinayaɱ paṭijānantassa visayāni suṇohi me.
85. Kati kammāni vuttāni buddhenādiccabandhunā,
Vinayaɱ paṭijānantassa visayāni suṇoma te.
[page 215]
86. Soḷasa kammāni vuttāni buddhenādiccabandhunā,
Vinayaɱ paṭijānantassa visayāni suṇohi me.
87. Kati kammadosā vuttā buddhenādiccabandhunā,
Vinayaɱ paṭijānantassa visayāni suṇoma te.
88. Dvādasa kammadosā vuttā buddhenādiccabandhunā,
Vinayaɱ paṭijānantassa visayāni suṇohi me.
89. Kati kammasampattiyo vuttā buddhenādiccabandhunā,
Vinayaɱ paṭijānantassa visayāni suṇoma te.
90. Catasso kammasampattiyo vuttā buddhenādiccabandhunā,
Vinayaɱ paṭijānantassa visayāni suṇohi me.
91. Kati kammāni vuttāni buddhenādiccabandhunā,
Vinayaɱ paṭijānantassa visayāni suṇoma te.
92. Cha kammāni vuttāni buddhenādiccabandhunā,
Vinayaɱ paṭijānantassa visayāni suṇohi me.
93. Kati kammāni vuttāni buddhenādiccabandhunā,
Vinayaɱ paṭijānantassa visayāni suṇoma te.
1. Vinayāni - machasaɱ.
[BJT Page 288]
94. Cattāri kammāni vuttāni buddhenādiccabandhūnā,
Vinayaɱ paṭijānantassa visayāni suṇohi me.
95. Kati pārājikā vuttā buddhenādiccabandhunā,
Vinayaɱ paṭijānantassa visayāni suṇohi me.
96. Aṭṭha pārājikā vuttā buddhenādiccabandhunā,
Vinayaɱ paṭijānantassa visayāni suṇohi me.
97. Kati saṅghādisesā vuttā buddhenādiccabandhunā,
Vinayaɱ paṭijānantassa visayāni suṇoma te.
98. Tevisa saṅghādisesā vuttā buddhenādiccabandhunā,
Vinayaɱ paṭijānantassa visayāni suṇohi me.
99. Kati aniyatā vuttā buddhenādiccabandhunā,
Vinayaɱ paṭijānantassa visayāni suṇoma te.
100. Dve aniyatā vuttā buddhenādiccabandhunā,
Vinayaɱ paṭijānantassa visayāni suṇohi me.
101. Kati nissaggiyā vuttā buddhenādiccabandhunā,
Vinayaɱ paṭijānantassa visayāni suṇoma te.
102. Dve cattārīsa nissaggiyā vuttā buddhenādiccabandhunā,
Vinayaɱ paṭijānantassa visayāni suṇohi me.
103. Kati pācittiyā vuttā buddhenādiccabandhunā,
Vinayaɱ paṭijānantassa visayāni suṇoma te.
104. Aṭṭhāsīti sataɱ pācittiyā vuttā buddhenādiccabandhunā,
Vinayaɱ paṭijānantassa visayāni suṇohi me.
105. Kati pāṭidesanīyā vuttā buddhenādiccabandhunā,
Vinayaɱ paṭijānantassa visayāni suṇoma te.
106. Dvādasa pāṭidesanīyā vuttā buddhenādiccabandhunā,
Vinayaɱ paṭijānantassa visayāni suṇohi me.
107. Kati sekhiyā vuttā buddhenādiccabandhunā,
Vinayaɱ paṭijāntassa visayāni suṇoma te.
108. Pañcasattati sekhiyā vuttā buddhenādiccabandhunā,
Vinayaɱ paṭijānantassa visayāni suṇohi me.
109. Yāva supucchitaɱ tayā yāva suvijjitaɱ mayā:
Pucchāya vissajjanāya vā natthi kiñci ayuttikanti.
Dutiyagāthāsaṅgaṇikaɱ niṭṭhitaɱ
[BJT Page 290]
[page 216]
Sedamocanagāthā
1. Asaɱvāso bhikkhūhi ca bhikkhunīhi ca
Sambhogo ekacco tahiɱ na labbhati,
Avippavāsena anāpatti
Pañhā mesā kusalehi cintitā.
2. Avissajjiyaɱ1 avebhaṅgiyaɱ2
Pañca vuttā mahesinā,
Vissajjentassa paribhuñjantassa anāpatti
Pañhā mesā kusalehi cintitā
3. Dasa puggale na vadāmi ekādasa vivajjiya,
Buḍḍhaɱ vandantassa āpatti pañhā mesā kusalehi cintitā
4. Na ukkhittako na ca pana parivāsiko,
Na saṅghabhinno na ca pana pakkhasaṅkanto.
Samānasaɱvāsabhūmiyā ṭhito
Kathannusikkhāya asādhāraṇo siyā
Pañhā mesā kusalehi cintitā.
5. Upeti dhammaɱ paripucchamāno
Kusalaɱ atthūpasaɱhitaɱ,
Na jīvati na mato na nibbuto
Taɱ puggalaɱ katamaɱ vadanti buddhā
Pañhā mesā kusalehi cintitā.
6. Ubbhakkhake na vadāmi adho nābhiɱ vivajjiya,
Methunadhammapaccayā kathaɱ pārājiko siyā:
Pañhā mesā kusalehi cintitā.
7. Bhikkhu saññācikāya kuṭiɱ karoti
Adesitavatthukaɱ pamāṇātikkantā,
Sārambhaɱ aparikkamanaɱ anāpatti
Pañhā mesā kusalehi cintitā.
8. Bhikkhu saññācikāya kuṭiɱ karoti
Desitavatthūkaɱ pamāṇikā,
Anārambhaɱ saparikkamanaɱ āpatti
Pañhā mesā kusalehi cintitā.
1. Avissajjikaɱ - sīmu 1.
Avissajjitaɱ - syā.
2. Avebhaṅgikaɱ - sīmu 1.
[BJT Page 292]
9. Na kāyikaɱ kañci payogamācare
Na cāpi vācāya pare bhaṇeyya,
Āpajjeyya garukaɱ chejjavatthuɱ
Pañhā mesā kusalehi cintitā.
10. Na kāyikaɱ vācasikañca kiñci
Manasāpi santo na kareyya pāpaɱ,
So nāsito kiñci sunāsito bhave
Pañhā mesā kusalehi cintitā.
[page 217]
11. Anālapanto manujena kenaci
Vācā giraɱ no ca pare bhaṇeyya,
Āpajjeyya vācasikaɱ na kāyikā
Pañhā mesā kusalehi cintitā.
12. Sikkhāpadā buddhavarena vaṇṇitā
Saṅghādisesā caturo bhaveyyuɱ
Āpajjeyya ekappayogena sabbe
Pañhā mesā kusalehi cintitā.
13. Ubho ekato upasampannā
Ubhinnaɱ hatthato cīvaraɱ paṭiggaṇheyya,
Siyā āpattiyo nānā
Pañhā mesā kusalehi cintitā.
14. Caturo janā saɱvidhāya
Garubhaṇḍaɱ avāharuɱ,
Tayo pārājikā eko na pārājiko
Pañhā mesā kusalehi cintitā.
15. Itthi ca abbhantare siyā
Bhikkhu ca bahiddhā siyā,
Chiddaɱ tasmiɱ ghare natthi
Methunadhammapaccayā
Kathaɱ pārājiko siyā
Pañhā mesā kusalehi cintitā
16. Telaɱ madhuɱ phāṇitañcāpi sappiɱ
Sāmaɱ gahetvāna nikkhipeyya
Avītivatte sattāhe,
Sati paccaye paribhuñjantassa āpatti
Pañhā mesā kusalehi cintitā
17. Nissaggiyena āpatti
Suddhakena pācittiyaɱ,
Āpajjantassa ekato
Pañhā mesā kusalehi cintitā.
[BJT Page 294]
18. Bhikkhu siyā vīsatiyā samāgatā
Kammaɱ kareyyuɱ samaggasaññino,
Bhikkhu siyā dvādasayojane ṭhito
Kammañca taɱ kupeyya vaggapaccayā.
Pañhā mesā kusalehi cintitā
19. Padavītihāramattena vācāya bhaṇitena ca,
Sabbāni garukāni sappaṭikammāni,
Catusaṭṭhi āpattiyo āpajjeyya ekato
Pañhā mesā kusalehi cintitā.
20. Nivattho antaravāsakena,
Diguṇaɱ saṅghāṭipāruto
Sabbāni tāni nissaggiyāni honti
Pañhā mesā kusalehi cintitā.
21. Na cāpi ñatti na ca kammavācā
Na cehi bhikkhūti jino avoca
Saraṇagamanampi na tassa atthi,
Upasampanno upasampadā cassa akuppā
Pañhā mesā kusalehi cintitā.
22. Itthiɱ hane na mātaraɱ purisañca na pitaraɱ,
Bhaneyya anariyaɱ mando tena cānantaraɱ phuse,
Pañhā mesā kusalehi cintitā.
23. Itthiɱ hane ca mātaraɱ purisañca pitaraɱ hane,
Mātaraɱ pitaraɱ hantvā na tenānantaraɱ phuse:
Pañhā mesā kusalehi cintitā.
[page 218]
24. Acodayitvā asārayitvā
Asammukhībhūtassa kareyya kammaɱ,
Katañca kammaɱ sukataɱ bhaveyya
Kārako ca saṅgho anāpattiko siyā
Pañhā mesā kusalehi cintitā.
25. Codayitvā sārayitvā
Sammukhībhūtassa kareyya kammaɱ
Katañca kammaɱ akataɱ bhaveyya
Kārako ca saṅgho sāpattiko siyā
Pañhā mesā kusalehi cintitā.
26. Chindantassa āpatti chindantassa anāpatti,
Chādentassa āpatti chādentassa anāpatti:
Pañhā mesā kusalehi cintitā.
27. Saccaɱ bhaṇanto garukaɱ musā ca lahu bhāsato,
Musā bhaṇanto garukaɱ saccañca lahu bhāsato:
Pañhā mesā kusalehi cintitā.
[BJT Page 296]
28. Adhiṭṭhitaɱ rajanāya rattaɱ
Kappakatampi sattaɱ,
Paribhuñjantassa āpatti
Pañhā mesā kusalehi cintitā.
29. Atthaṅgate suriye bhikkhu maɱsāni khādati
Na ummattako na ca pana khittacitto,
Na cāpi so vedanaṭṭo bhaveyya
Na cassa hoti āpatti,
So ca dhammo sugatena desito
Pañhā mesā kusalehi cintitā.
30. Na rattacitto na ca pana theyyacitto
Na cāpi so paraɱ maraṇāya vetayi,
Salākaɱ dentassa hoti chejjaɱ
Paṭiggaṇhantassa thullaccayaɱ
Pañhā mesā kusalehi cintitā.
31. Na cāpi āraññakaɱ sāsaṅkasammataɱ
Na cāpi saṅghena sammuti dinnā,
Na cassa kaṭhinaɱ atthataɱ tattheva
Cīvaraɱ nikkhipitvā gaccheyya aḍḍhayojanaɱ
Tattheva aruṇaɱ uggacchantassa anāpatti
Pañhā mesā kusalehi cintitā.
32. Kāyikāni na vācasikāni
Sabbāni nānāvatthukāni,
Apubbaɱ acarimaɱ āpajjeyya ekato
Pañhā mesā kusalehi cintitā.
33. Vācasikāni na kāyikāni
Sabbāni nānāvatthukāni,
Apubbaɱ acarimaɱ āpajjeyya ekato
Pañhā mesā kusalehi cintitā.
34. Tissitthiyo methunaɱ taɱ na seve tayo purise tayo ca anariyapaṇaḍake,
Na cācare methunaɱ byañjanasmiɱ
Chejjaɱ siyā methunadhammapaccayā,
Pañhā mesā kusalehi cintitā.
35. Mātaraɱ cīvaraɱ yāce no ca saṅghassa1 pariṇataɱ,
Tenassa hoti āpatti anāpatti ca ñātake:
Pañhā mesā kusalehi cintitā.
1. Saṅghe - sīmu 2. Machasaɱ.
No ce saṅghassa - sīmu 1.
[BJT Page 298]
[page 219]
36. Kuddho ārādhako hoti kuddho hoti garahiyo:
Atha ko nāma so dhammo yena kuddho pasaɱsiyo:
Pañhā mesā kusalehi cintitā.
37. Tuṭṭho āradhako hoti tuṭṭho hoti garahiyo,
Atha ko nāma so dhammo yena tuṭṭho garahiyo
Pañhā mesā kusalehi cintitā.
38. Saṅghādisesaɱ thullaccayaɱ
Pācittiyaɱ pāṭidesanīyaɱ,
Dukkaṭaɱ āpajjeyya ekato
Pañhā mesā kusalehi cintitā.
39. Ubho paripuṇaṇavīsativassā
Ubhinnaɱ ekupajjhāyo,
Ekācariyo ekā kammavācā
Eko upasampanno eko anupasampanno
Pañhā mesā kusalehi cintitā.
40. Akappakataɱ nāpi rajanāya rattaɱ
Tena nivattho yena kāmaɱ cajeyya,
Na cassa hoti āpatti
So ca dhammo sugatena desito
Pañhā mesā kusalehi cintitā.
41. Na deti na paṭigaṇhāti paṭiggaho tena na vijjati,
Āpajjati garukaɱ na lahukaɱ tañca paribhogapaccayā:
Pañhā mesā kusalehi cintitā.
42. Na deti na paṭigaṇhāti paṭiggaho tena na vijjati,
Āpajjati lahukaɱ na garukaɱ tañca paribhogapaccayā:
Pañhā mesā kusalehi cintitā.
43. Āpajjati garukaɱ sāvasesaɱ
Chādeti anādariyaɱ paṭicca,
Na bhikkhunī no ca phuseyya vajjaɱ
Pañhā mesā kusalehi cintitā.
Sedamocanagāthā niṭṭhitā.
[BJT Page 300]
Tassuddānaɱ:
1. Asaɱvāso avissajji dasa ca anukkhittako,
Upeti dhammaɱ ubbhakkhakaɱ tato saññācikā duve.
2. Na kāyikañca garukaɱ kāyikaɱ subhāsitaɱ1.
Anālapanto sikkhā ca ubho ca caturo janā.
3. Itthi telañca nissaggi bhikkhu ca padavītiyo,
Nivattho ca na ca paññatti na mātaraɱ pitaraɱ bhane
4. Avodayitvā codayitvā chindantaɱ saccameva ca,
Adhiṭṭhitañcatthaṅgate na rattaɱ na cāraññakaɱ.
5. Kāyikā vācasikā ca tissitti cāpi mātaraɱ,
Kuddho āraddhako tuṭṭho saṅghādisesā ca ubho.
6. Akappakataɱ na deti na detāpajjate garuɱ,
Sedamocanikā gāthā pañhā viññūvibhāvitāti2
[page 220]
1. Kammavaggo
1. Cattāri kammāni: apalokanakammaɱ, ñattikammaɱ, ñattidutiyakammaɱ, ñatticatutthakammaɱ imāni cattāri kammāni katīhākārehi vipajjanti, imāni cattāri kammāni pañcahākārehi vipajjanti: vatthuto vā, ñattito vā, anusāvanato vā, sīmato vā, parisato vā.
2. Kathaɱ vatthuto kammāni vipajjanti: sammukhākaraṇīyaɱ kammaɱ asammukhā karoti vatthuvipannaɱ adhammakammaɱ. Paṭipucchā karaṇīyaɱ kammaɱ apaṭipucchā karoti vatthuvipannaɱ adhammakammaɱ. Paṭiññāya karaṇīyaɱ kammaɱ apaṭiññāya karoti vatthuvipannaɱ adhammakammaɱ sativinayārahassa amūḷhavinayaɱ deti vatthuvipannaɱ adhammakammaɱ. Amūḷhavinayārahassa tassapāpiyyasikākammaɱ karoti vatthuvipannaɱ adhammakammaɱ. Tassapāpiyyasikākammārahassa tajjanīyakammaɱ karoti vatthūvipannaɱ adhammakammaɱ. Tajjanīyakammārahassa niyassakammaɱ karoti vatthuvipannaɱ adhammakammaɱ. Niyassakammārahassa pabbājanīyakammaɱ karoti vatthuvipannaɱ adhammakammaɱ. Pabbājanīyakammārahassa paṭisāraṇīyakammaɱ karoti vatthuvipannaɱ adhammakammaɱ. Paṭisāraṇīyakammārahassa ukkhepanīyakammaɱ karoti vatthuvipannaɱ adhammakammaɱ. Ukkhepanīyakammārahassa parivāsaɱ deti vatthuvipannaɱ adhammakammaɱ. Parivāsārahaɱ mūlāya paṭikassati vatthuvipannaɱ adhammakammaɱ. Mūlāya paṭikassanārahassa
1. Na vācasikaɱ - sīmu, machasaɱ.
2. Viññūhi vibhācitā - sīmu 2. Machasaɱ.
[BJT Page 302]
Mānattaɱ deti vatthuvipannaɱ adhammakammaɱ. Mānattārahaɱ abbheti vatthuvipannaɱ adhammakammaɱ. Abbhānārahaɱ upasampādeti vatthuvipannaɱ adhammakammaɱ. Anuposathe uposathaɱ karoti vatthuvipannaɱ adhammakammaɱ. Apavāraṇāya pavāreti. Vatthuvipannaɱ adhammakammaɱ. Evaɱ vatthuto kammāni vipajjanti.
3. Kathaɱ ñattiyo kammāni vipajjanti: pañcahākārehi ñattito kammāni vipajajanti. Vatthuɱ na parāmasati, saṅghaɱ na parāmasati, puggalaɱ na parāmasati, ñattiɱ na parāmasati, pacchā ñattiɱ ṭhapeti, imehi pañcahākārehi ñattito kammāni vipajjanti.
4. Kathaɱ anusāvanato kammāni vipajjanti: pañcahākārehi [page 221] anusāvanato kammāni vipajjanti: vatthuɱ na parāmasati, saṅghaɱ na parāmasati, puggalaɱ na parāmasati, sāvanaɱ hāpeti, akāle sāveti, imehi pañcahākārehi anusāvanato kammāni vipajjanti.
5. Kathaɱ sīmato kammāni vipajjanti: ekādasahi ākārehi sīmato kammāni vipajjanti: anukhuddakaɱ sīmaɱ sammanti, atimahatiɱ sīmaɱ sammanti, khaṇḍanimittaɱ sīmaɱ sammanti, chāyānimittā sīmaɱ sammanti, animittaɱ sīmaɱ sammanti, bahisīme ṭhito sīmaɱ sammanti, nadiyā sīmaɱ sammanti, samudde sīmaɱ sammanti, jātassare sīmaɱ sammanti, sīmāya sīmaɱ sambhindati, sīmāya sīmaɱ ajjhottharati. Imehi ekādasahi ākārehi sīmato kammāni vipajjanti.
6. Kathaɱ parisato kammāni vipajjanti: dvādasahi ākārehi parisato kammāni vipajjanti:
Catuvaggakaraṇe kamme yāvatikā bhikkhu kammappattā te anāgatā honti,
Chandārahānaɱ chando anāhaṭo hoti, sammukhībhūtā paṭikkosanni, catuvaggakaraṇe kamme yāvatikā bhikkhu kammapattā te āgatā honti, chandārahānaɱ chando anāhaṭo hoti, sammukhībhūtā paṭikkosanti, catuvaggakaraṇe kamme yāvatikā bhikkhu kammappattā te āgatā honti, chandārahānaɱ chando āhaṭo hoti, sammukhībhūtā paṭikkosanti,
Pañcavaggakaraṇe kamme yāvatikā bhikkhu kammappattā te anāgatā honti,
Chandārahānaɱ chando anāhaṭo hoti, sammukhībhūtā paṭikkosanni, pañcavaggakaraṇe kamme yāvatikā bhikkhu kammapattā te āgatā honti, chandārahānaɱ chando anāhaṭo hoti, sammukhībhūtā paṭikkosanti, pañcavaggakaraṇe kamme yāvatikā bhikkhu kammappattā te āgatā honti, chandārahānaɱ chando āhaṭo hoti, sammukhībhūtā paṭikkosanti,
Dasavaggakaraṇe kamme yāvatikā bhikkhu kammappattā te anāgatā honti,
Chandārahānaɱ chando anāhaṭo hoti, sammukhībhūtā paṭikkosanni, dasavaggakaraṇe kamme yāvatikā bhikkhu kammapattā te āgatā honti, chandārahānaɱ chando anāhaṭo hoti, sammukhībhūtā paṭikkosanti, dasavaggakaraṇe kamme yāvatikā bhikkhu kammappattā te āgatā honti, chandārahānaɱ chando āhaṭo hoti, sammukhībhūtā paṭikkosanti,
Vīsativaggakaraṇe kamme yāvatikā bhikkhu kammappattā te anāgatā honti,
Chandārahānaɱ chando anāhaṭo hoti, sammukhībhūtā paṭikkosanni, vīsativaggakaraṇe kamme yāvatikā bhikkhu kammapattā te āgatā honti, chandārahānaɱ chando anāhaṭo hoti, sammukhībhūtā paṭikkosanti, vīsativaggakaraṇe kamme yāvatikā bhikkhu kammappattā te āgatā honti, chandārahānaɱ chando āhaṭo hoti, sammukhībhūtā paṭikkosanti, imehi dvādasahi ākārehi parisato kammāni vipajjanti.
[BJT Page 304]
7. Catuvaggakaraṇe kamme cattāro bhikkhū pakatattā kammappattā, avasesā pakatattā chandārahā, yassa saṅgho kammaɱ karoti so neva kammappatto nāpi chandāraho, api ca kammāraho. Pañcavaggakaraṇe kamme pañca bhikkhu pakatattā kammappattā, avasesā pakatattā chandārahā, yassa saṅgho kammaɱ karoti so neva kammappatto nāpi chandāraho api ca kammāraho, dasavaggakaraṇe kamme dasa bhikkhū pakatattā kammappattā, avasesā pakatattā chandārahā, yassa saṅgho kammaɱ karoti so neva kammappatto nāpi chandāraho api ca kammāraho, vīsativaggakaraṇe kamme vīsati bhikkhū pakatattā kammappattā, avasesā pakatattā chandārahā, yassa saṅgho kammaɱ karoti so neva kammappatto nāpi chandāraho, api ca kammāraho.
[page 222]
8. Cattāri kammāni: apalokanakammaɱ, ñattikammaɱ, ñattidutiyakammaɱ, ñatticatutthakammaɱ, imāni cattāri kammāni katīhākārehi vipajjanti: imāni cattāri kammāni pañcahākārehi vipajajanti: vatthūto vā ñattito vā anusāvanato vā sīmato vā parisato vā.
9. Kathaɱ vatthuto kammāni vipajjanti: paṇḍakaɱ upasampādeti. Vatthuvipannaɱ adhammakammaɱ. Theyyasaɱvāsakaɱ upasampādeti vatthuvipannaɱ adhammakammaɱ. Titthiyapakkantakaɱ upasampādeti vatthuvipannaɱ adhammakammaɱ. Tiracchānagataɱ upasampādeti vatthuvipannaɱ adhammakammaɱ. Pitughātakaɱ upasampādeti vatthuvipannaɱ adhammakammaɱ, arahantaghātakaɱ upasampādeti vatthuvipannaɱ adhammakammaɱ. Bhikkhunīdūsakaɱ upasampādeti vatthuvipannaɱ adhammakammaɱ. Saṅghabhedakaɱ upasampādeti vatthuvipannaɱ adhammakammaɱ lohituppādakaɱ upasampādeti vatthuvipannaɱ adhammakammaɱ. Ubhatobyañjanakaɱ upasampādeti vatthuvipannaɱ adhammakammaɱ, ūnavīsativassaɱ puggalaɱ upasampādeti vatthuvipannaɱ adhammakammaɱ. Evaɱ vatthuto kammāni vipajjanti.
10. Kathaɱ ñattito kammāni vipajjanti: pañcahākārehi ñattito kammāni vipajjanti: vatthuɱ na parāmasati, saṅghaɱ na parāmasati, puggalaɱ na parāmasati, ñattiɱ na parāmasati, pacchā vā ñattiɱ ṭhapeti, imehi pañcahākārehi ñattito kammāni vipajjanti.
11. Kathaɱ anusāvanato kammāni vipajjanti: pañcahākārehi anusāvanato kammāni vipajjanti:
Vatthuɱ na parāmasati, saṅghaɱ na parāmasati, puggalaɱ na parāmasati, sāvanaɱ hāpeti, akāle vā sāveti, imehi pañcahākārehi anusāvanato kammāni vipajjanti.
12. Kathaɱ sīmato kammāni vipajjanti: ekādasahi ākārehi sīmato kammāni vipajjanti: atikhuddakaɱ sīmaɱ sammanti, atimahatiɱ sīmaɱ sammannati, khaṇḍanimittaɱ sīmaɱ sammannati, chāyānimittaɱ sīmaɱ
[BJT Page 306]
Sammannati, animittaɱ sīmaɱ sammannati, bahisīme ṭhito sīmaɱ sammannati, nadiyā sīmaɱ sammannati, samudde sīmaɱ sammannati, jātassare sīmaɱ sammannati, sīmāya sīmaɱ sambhindati, sīmāya sīmaɱ ajjhottharati. Imehi ekādasahi ākārehi sīmato kammāni vipajjanti.
13. Kathaɱ parisato kammāni vipajjanti: dvādasahākārehi parisato kammāni vipajjanti: catuvaggakaraṇe kamme yāvatikā bhikkhu kammappattā te anāgatā honti,
Chandārahānaɱ chando anāhaṭo hoti, sammukhībhūtā paṭikkosanni, catuvaggakaraṇe kamme yāvatikā bhikkhu kammapattā te āgatā honti, chandārahānaɱ chando anāhaṭo hoti, sammukhībhūtā paṭikkosanti, catuvaggakaraṇe kamme yāvatikā bhikkhu kammappattā te āgatā honti, chandārahānaɱ chando āhaṭo hoti, sammukhībhūtā paṭikkosanti,
Pañcavaggakaraṇe kamme yācatikā bhikkhu kammappattā te anāgatā honti,
Chandārahānaɱ chando anāhaṭo hoti, sammukhībhūtā paṭikkosanni, pañcavaggakaraṇe kamme yāvatikā bhikkhu kammapattā te āgatā honti, chandārahānaɱ chando anāhaṭo hoti, sammukhībhūtā paṭikkosanti, pañcavaggakaraṇe kamme yāvatikā bhikkhu kammappattā te āgatā honti, chandārahānaɱ chando āhaṭo hoti, sammukhībhūtā paṭikkosanti,
Dasavaggakaraṇe kamme yāvatikā bhikkhu kammappattā te anāgatā honti,
Chandārahānaɱ chando anāhaṭo hoti, sammukhībhūtā paṭikkosanni, dasavaggakaraṇe kamme yāvatikā bhikkhu kammapattā te āgatā honti, chandārahānaɱ chando anāhaṭo hoti, sammukhībhūtā paṭikkosanti, dasavaggakaraṇe kamme yāvatikā bhikkhu kammappattā te āgatā honti, chandārahānaɱ chando āhaṭo hoti, sammukhībhūtā paṭikkosanti,
Vīsativaggakaraṇe kamme yāvatikā bhikkhu kammappattā te anāgatā honti,
Chandārahānaɱ chando anāhaṭo hoti, sammukhībhūtā paṭikkosanni, vīsativaggakaraṇe kamme yāvatikā bhikkhu kammapattā te āgatā honti, chandārahānaɱ chando anāhaṭo hoti, sammukhībhūtā paṭikkosanti, vīsativaggakaraṇe kamme yāvatikā bhikkhu kammappattā te āgatā honti, chandārahānaɱ chando āhaṭo hoti, sammukhībhūtā paṭikkosanti, imehi dvādasahākārehi parisato kammāni vipajjanti.
14. Apalokanakammaɱ kati ṭhānāni gacchati, ñattikammaɱ kati ṭhānāni gacchati, ñattidutiyakammaɱ kati ṭhānāni gacchati, ñatticatutthakammaɱ kati ṭhānāni gacchati: apalokanakammaɱ pañca ṭhānāni gacchati, ñattidutiyakammaɱ nava ṭhānāni gacchati, ñattidutiyakammaɱ satta ṭhānāni gacchati, ñatticatutthakammaɱ satta ṭhānāni gacchati.
15. Apalokanakammaɱ katamāni pañca ṭhānāni gacchati: osāraṇaɱ nissāraṇaɱ, bhaṇḍukammaɱ, brahmadaṇḍaɱ, kammalakkhaṇaññeva pañcamaɱ. Apalokanakammaɱ imāni pañca ṭhānāni gacchati.
16. Ñattikammaɱ katamāni nava ṭhānāni gacchati: osāraṇaɱ, nissāraṇaɱ, uposathaɱ, pavāraṇaɱ, sammuti, dānaɱ, paṭiggahaɱ, paccukkaḍḍhanaɱ, kammalakakhaṇaññeva navamaɱ ñattikammaɱ imāni nava ṭhānāni gacchati.
17. Ñattidutiyakammaɱ katamāni satta ṭhānāni gacchati: osāraṇaɱ, nissāraṇaɱ, sammuti, dānaɱ, uddhāraṇaɱ, desanaɱ, kammalakkhaṇaññeva sattamaɱ. Ñattidutiyakammaɱ imāni satta ṭhānāni gacchati.
18. Ñatticatutthakammaɱ katamāni satta ṭhānāni gacchati: osāraṇaɱ, nissāraṇaɱ, sammuti, dānaɱ, niggahaɱ, samanubhāsanaɱ, kammalakkhaṇaññeva sattamaɱ. Ñatticatutthakammaɱ imāni satta ṭhānāni gacchati.
[BJT Page 308]
19. Catuvaggakaraṇe kamme cattāro bhikkhu pakatattā kammappattā avasesā pakatattā chandārahā. Yassa saṅgho kammaɱ karoti, so neva kammappatto nāpi chandāraho. Api ca kammāraho. [page 223]
Pañcavaggakaraṇe kamme pañca bhikkhu pakatattā kammappattā avasesā pakatattā
Chandārahā. Yassa saṅgho kammaɱ karoti, so neva kammappatto nāpi chandāraho. Api ca kammāraho.
Dasavaggakaraṇe kamme dasa bhikkhu pakatattā kammappattā avasesā pakatattā
Chandārahā. Yassa saṅgho kammaɱ karoti, so neva kammappatto nāpi chandāraho. Api ca kammāraho.
Vīsativaggakaraṇe kamme vīsati bhikkhu pakatattā kammappattā avasesā pakatattā
Chandārahā. Yassa saṅgho kammaɱ karoti, so neva kammappatto nāpi chandāraho. Api ca kammāraho.
Kammavaggo paṭhamo.
2. Atthavasavaggo
1. Dve atthavase paṭicca tathāgatena sāvakānaɱ sikkhāpadaɱ paññattaɱ: saṅghasuṭṭhutāya, saṅghaphāsutāya. Ime dve atthavase paṭicca tathāgatena sāvakānaɱ sikkhāpadaɱ paññattaɱ.
2. Dve atthavase paṭicca tathāgatena sāvakānaɱ sikkhāpadaɱ paññattaɱ: dummaṅkūnaɱ puggalānaɱ niggahāya, pesalānaɱ bhikkhūnaɱ phāsuvihārāya. Ime dve atthavase paṭicca tathāgatena sāvakānaɱ sikkhāpadaɱ paññattaɱ.
3. Dve atthavase paṭicca tathāgatena sāvakānaɱ sikkhāpadaɱ paññattaɱ: diṭṭhadhammikānaɱ āsavānaɱ saɱvarāya, samparāyikānaɱ āsavānaɱ paṭighātāya ime dve atthavase paṭicca tathāgatena sāvakānaɱ sikkhāpadaɱ paññattaɱ.
4. Dve atthavase paṭicca tathāgatena sāvakānaɱ sikkhāpadaɱ paññattaɱ: diṭṭhadhammikānaɱ verānaɱ saɱvarāya, samparāyikānaɱ verānaɱ paṭighātāya ime dve atthavase paṭicca tathāgatena sāvakānaɱ sikkhāpadaɱ paññattaɱ.
5. Dve atthavase paṭicca tathāgatena sāvakānaɱ sikkhāpadaɱ paññattaɱ: diṭṭhadhammikānaɱ vajjānaɱ saɱvarāya, samparāyikānaɱ vajjānaɱ paṭighātāya ime dve atthavase paṭicca tathāgatena sāvakānaɱ sikkhāpadaɱ paññattaɱ.
6. Dve atthavase paṭicca tathāgatena sāvakānaɱ sikkhāpadaɱ paññattaɱ: diṭṭhadhammikānaɱ bhayānaɱ saɱvarāya, samparāyikānaɱ bhayānaɱ paṭighātāya ime dve atthavase paṭicca tathāgatena sāvakānaɱ sikkhāpadaɱ paññattaɱ.
7. Dve atthavase paṭicca tathāgatena sāvakānaɱ sikkhāpadaɱ paññattaɱ: diṭṭhadhammikānaɱ akusalānaɱ dhammānaɱ saɱvarāya, samparāyikānaɱ akusalānaɱ dhammānaɱ paṭighātāya ime dve atthavase paṭicca tathāgatena sāvakānaɱ sikkhāpadaɱ paññattaɱ.
[BJT Page 310]
8. Dve atthavase paṭicca tathāgatena sāvakānaɱ sikkhāpadaɱ paññattaɱ: gihīnaɱ anukampāya, pāpicchānaɱ pakkhūpacchedāya. Ime dve atthavase paṭicca tathāgatena sāvakānaɱ sikkhāpadaɱ paññattaɱ.
9. Dve atthavase paṭicca tathāgatena sāvakānaɱ sikkhāpadaɱ paññattaɱ: appasannānaɱ pasādāya, pasannānaɱ bhiyyobhāvāya.
Ime dve atthavase paṭicca tathāgatena sāvakānaɱ sikkhāpadaɱ paññattaɱ.
10. Dve atthavase paṭicca tathāgatena sāvakānaɱ sikkhāpadaɱ paññattaɱ: saddhammaṭṭhitiyā, vinayānuggahāya, ime dve atthavase paṭicca tathāgatena
Sāvakānaɱ sikkhāpadaɱ paññattaɱ.
Atthavasavaggo dutiyo
3. Paññattavaggo
1. Dve atthavase paṭicca tathāgatena sāvakānaɱ pātimokkhaɱ paññattaɱ.
Dve atthavase paṭicca tathāgatena sāvakānaɱ pātimokkhuddeso paññatto.
Dve atthavase paṭicca tathāgatena sāvakānaɱ pātimokkhaṭṭhapanaɱ paññattaɱ.
Dve atthavase paṭicca tathāgatena sāvakānaɱ pavāraṇā paññattā.
Dve atthavase paṭicca tathāgatena sāvakānaɱ pavāraṇaṭṭhapanaɱ paññattaɱ.
Dve atthavase paṭicca tathāgatena sāvakānaɱ tajjanīyakammaɱ paññattaɱ.
Dve atthavase paṭicca tathāgatena sāvakānaɱ niyassakammaɱ paññattaɱ.
Dve atthavase paṭicca tathāgatena sāvakānaɱ pabbājanīyakammaɱ paññattaɱ.
Dve atthavase paṭicca tathāgatena sāvakānaɱ paṭisāraṇīyakammaɱ paññattaɱ.
Dve atthavase paṭicca tathāgatena sāvakānaɱ ukkhepanīyakammaɱ paññattaɱ.
Dve atthavase paṭicca tathāgatena sāvakānaɱ parivāsadānaɱ paññattaɱ.
Dve atthavase paṭicca tathāgatena sāvakānaɱ mūlāya paṭikassanā paññattā.
Dve atthavase paṭicca tathāgatena sāvakānaɱ mānattadānaɱ paññattaɱ.
Dve atthavase paṭicca tathāgatena sāvakānaɱ abbhānaɱ paññattaɱ.
Dve atthavase paṭicca tathāgatena sāvakānaɱ osāraṇīyaɱ paññattaɱ.
Dve atthavase paṭicca tathāgatena sāvakānaɱ nissāraṇīyaɱ paññattaɱ.
Dve atthavase paṭicca tathāgatena sāvakānaɱ upasampadā paññattā.
Dve atthavase paṭicca tathāgatena sāvakānaɱ apalokanakammaɱ paññattaɱ.
Dve atthavase paṭicca tathāgatena sāvakānaɱ ñattikammaɱ paññattaɱ.
Dve atthavase paṭicca tathāgatena sāvakānaɱ ñattidutiyakammaɱ paññattaɱ.
Dve atthavase paṭicca tathāgatena sāvakānaɱ ñatticatutthakammaɱ paññattaɱ.
Paññattavaggo tatiyo
4. Apaññatte paññatta vaggo
1. Apaññatte paññattaɱ saṅghasuṭṭhutāya, saṅghaphāsutāya. Ime dve atthavase paṭicca tathāgatena sāvakānaɱ apaññatte paññattaɱ.
Paññatte anupaññattaɱ saṅghasuṭṭhutāya, saṅghaphāsutāya. Ime dve atthavase paṭicca tathāgatena sāvakānaɱ paññatte anupaññattaɱ.
Sammukhāvinayo paññatto saṅghasuṭṭhutāya, saṅghaphāsutāya. Ime dve atthavase paṭicca tathāgatena sāvakānaɱ sammukhāvinayo paññatto.
Sativinayo paññatto [page 224] saṅghasuṭṭhutāya, saṅghaphāsutāya. Ime dve atthavase paṭicca tathāgatena sāvakānaɱ sativinayo paññatto.
Amūḷhavinayo paññatto saṅghasuṭṭhutāya, saṅghaphāsutāya. Ime dve atthavase paṭicca tathāgatena sāvakānaɱ amūḷhavinayo paññatto.
Paṭiññātakaraṇaɱ paññattaɱ saṅghasuṭṭhutāya, saṅghaphāsutāya. Ime dve atthavase paṭicca tathāgatena sāvakānaɱ paṭiññātakaraṇaɱ paññattaɱ.
Yebhuyyasikā paññattā saṅghasuṭṭhutāya, saṅghaphāsutāya. Ime dve atthavase paṭicca tathāgatena sāvakānaɱ yebhuyyasikā paññattā.
Tassapāpiyyasikā paññattā anupaññattaɱ saṅghasuṭṭhutāya, saṅghaphāsutāya. Ime dve atthavase paṭicca
Tathāgatena sāvakānaɱ tassapāpiyyasikā paññattā.
Tiṇavatthārako paññatto saṅghasuṭṭhutāya, saṅghaphāsutāya. Ime dve atthavase paṭicca tathāgatena sāvakānaɱ tiṇavatthārako paññatto.
[BJT Page 312]
2. Dve atthavase paṭicca tathāgatena sāvakānaɱ tiṇavatthārako paññatto: dummaṅkunaɱ puggalānaɱ niggahāya, pesalānaɱ bhikkhūnaɱ phāsuvihārāya. Ime dve atthavase paṭicca tathāgatena sāvakānaɱ tiṇavatthārako paññatto.
3. Dve atthavase paṭicca tathāgatena sāvakānaɱ tiṇavatthārako paññatto: diṭṭhidhammikānaɱ āsavānaɱ saɱvarāya, samparāyikānaɱ āsavānaɱ paṭighātāya.
Ime dve atthavase paṭicca tathāgatena sāvakānaɱ tiṇavatthārako paññatto.
4. Dve atthavase paṭicca tathāgatena sāvakānaɱ tiṇavatthārako paññatto: diṭṭhidhammikānaɱ verānaɱ saɱvarāya, samparāyikānaɱ verānaɱ paṭighātāya.
Ime dve atthavase paṭicca tathāgatena sāvakānaɱ tiṇavatthārako paññatto.
5. Dve atthavase paṭicca tathāgatena sāvakānaɱ tiṇavatthārako paññatto: diṭṭhidhammikānaɱ vajjānaɱ saɱvarāya, samparāyikānaɱ vajjānaɱ paṭighātāya.
Ime dve atthavase paṭicca tathāgatena sāvakānaɱ tiṇavatthārako paññatto.
6. Dve atthavase paṭicca tathāgatena sāvakānaɱ tiṇavatthārako paññatto: diṭṭhidhammikānaɱ bhayānaɱ saɱvarāya, samparāyikānaɱ bhayānaɱ paṭighātāya.
Ime dve atthavase paṭicca tathāgatena sāvakānaɱ tiṇavatthārako paññatto.
7. Dve atthavase paṭicca tathāgatena sāvakānaɱ tiṇavatthārako paññatto: diṭṭhidhammikānaɱ akusalānaɱ dhammānaɱ saɱvarāya, samparāyikānaɱ akusalānaɱ dhammānaɱ paṭighātāya. Ime dve atthavase paṭicca tathāgatena sāvakānaɱ tiṇavatthārako paññatto.
8. Dve atthavase paṭicca tathāgatena sāvakānaɱ tiṇavatthārako paññatto: gihīnaɱ anukampāya, pāpicchānaɱ pakkhūpacchedāya. Ime dve atthavase paṭicca
Tathāgatena sāvakānaɱ tiṇavatthārako paññatto.
9. Dve atthavase paṭicca tathāgatena sāvakānaɱ tiṇavatthārako paññatto: appasannāɱ pasādāya, pasannānaɱ bhiyyobhāvāya.
Ime dve atthavase paṭicca tathāgatena sāvakānaɱ tiṇavatthārako paññatto.
10. Dve atthavase paṭicca tathāgatena sāvakānaɱ tiṇavatthārako paññatto: saddhammatiṭṭhitiyā, vinayānuggahāya.
Ime dve atthavase paṭicca tathāgatena sāvakānaɱ tiṇavatthārako paññatto.
Apaññatte paññattavaggo catuttho
[BJT Page 314]
5. Navasaɱgahavaggo
1. Nava saṅgahā: vatthusaṅgaho, vipattisaṅgaho, āpattisaṅgaho, nidānasaṅgaho, puggalasaṅgaho, khandhasaṅgaho, samuṭṭhānasaṅgaho, adhikaraṇasaṅgaho, samathasaṅgahoti.
2. Adhikaraṇe samuppanne sace ubho attapaccatthikā āgacchanti, ubhinnampi vatthuɱ ārocāpetabbaɱ. Ubhinnampi vatthuɱ ārocāpetvā ubhinnampi paṭiññā sotabbā, ubhinnampi paṭiññaɱ sutvā ubhopi vattabbā amhākaɱ imasmiɱ adhikaraṇavūpasamena ubhopi tuṭṭhā bhavissathāti sace āhaɱsu 'ubhopi tuṭṭhā bhavissāmā'ti saṅghena taɱ adhikaraṇaɱ sampaṭicchitabbaɱ. Sace alajjussannā hoti parisā, ubbāhikāya vūpasametabbaɱ sace bālussannā hoti parisā, vinayadharo pariyesitabbo. Yena dhammena yena vinayena yena satthusāsanena taɱ adhikaraṇaɱ vūpasameti, tathā taɱ adhikaraṇaɱ vūpasametabbaɱ.
Vatthu jānitabbaɱ. Gottaɱ jānitabbaɱ. Nāmaɱ jānitabbaɱ. Āpatti jānitabbaɱ.
3. Methunadhammoti vatthu ceva gottañca. Pārājikanti nāmañceva āpatti ca.
4. Adinnādānanti vatthu ceva gottañca. Pārājikanti nāmañceva āpatti ca.
5. Manussaviggahoti vatthu ceva gottañca. Pārājikanti nāmañceva āpatti ca.
6. Uttarimanussadhammoti vatthu ceva gottañca. Pārājikanti nāmañceva āpatti ca.
7. Sukkavisaṭṭhīti vatthu ceva gottañca. Saṅghādisesoti nāmañceva āpatti ca.
8. Kāyasaɱsaggoti vatthu ceva gottañca. Saṅghādisesoti nāmañceva āpatti ca.
9. Duṭṭhūllā vācāti vatthu ceva gottañca. Saṅghādisesoti nāmañceva āpatti ca.
10. Attakāmanti vatthu ceva gottañca. Saṅghādisesoti nāmañceva āpatti ca.
11. Sañcarittanti vatthu ceva gottañca. Saṅghādisesoti nāmañceva āpatti ca.
12. Saññācikāya kuṭiɱ kārāpantī ti vatthu ceva gottañca. Saṅghādisesoti
Nāmañceva āpatti ca.
13. Mahallakaɱ vihāraɱ kārāpantī ti vatthu ceva gottañca. Saṅghādisesoti
Nāmañceva āpatti ca.
[BJT Page 316]
14. Bhikkhuɱ amūlakena pārājikena dhammena anuddhaɱsananti vatthu ceva gottañca.
Saṅghādisesoti nāmañceva āpatti ca.
15. Bhikkhuɱ aññabhāgiyassa adhikaraṇassa kiñcidesaɱ lesamattaɱ upādāya pārājikena dhammena anuddhaɱsananti [page 225] vatthu ceva gottañca. Saṅghādisesoti nāmañca āpatti ca.
16. Saṅghabhedakassa bhikkhuno yāvatatiyaɱ samanubhāsanāya nappaṭinissajjananti vatthu ceva gottañca. Saṅghādisesoti nāmañca āpatti ca.
17. Bhedakānuvattakānaɱ bhikkhūnaɱ yāvatatiyaɱ samanubhāsanāya nappaṭinissajjanti vatthu ceva gottañca. Saṅghādisesoti nāmañceva āpatti ca.
18. Dubbacassa bhikkhuno yāvatatiyaɱ samanubhāsanāya nappaṭinissajjananti vatthu ceva gottañca. Saṅghādisesoti nāmañceva āpatti ca.
19. Kuladūsakassa bhikkhuno yāvatatiyaɱ samanubhāsanāya nappaṭinissajjanti vatthu ceva gottañca. Saṅghādisesoti nāmañceva āpatti ca ---pe--------------
20. Anādariyaɱ paṭicca udake uccāraɱ vā passāvaɱ vā kheḷaɱ vā karaṇanti vatthu ceva gottañca dukkaṭanti nāmañceva āpatti cāti
Navasaṅgahavaggo pañcamo.
[BJT Page 316]
Vaggapañcakassuddānaɱ:
1. Apalokanaɱ ñatti ca dutiyaɱ catutthena ca,
Vatthu ñatti anusāvanaɱ sīmāparisameva ca.
2. Sammukhā paṭipucchā ca paṭiññā vinayāraho,
Vatthu saṅghaɱ puggalañca ñattiɱ na pacchā ñatti ca.
3. Vatthuɱ saṅghaɱ puggalañca sāvanaɱ akālena ca,
Atikhuddakā mahantā ca khaṇḍa chāyā nimittakā.
4. Bahinadi samudde ca jātassare ca bhindati.
Ajjhottharati sīmāya catu pañca ca vaggikā.
5. Dasa vīsativaggo ca anāhaṭā ca āhaṭā,
Kammappattā chandārahā kammarahā ca puggalā.
6. Apalokanaɱ pañca ṭhānaɱ ñatti ca navaṭhānikā,
Ñattidutiyaɱ satta ṭhānaɱ catutthā sattaṭhānikā.
7. Suṭṭhu phāsu dummaṅkūnaɱ pesalā cāpi āsavā.
Veraɱ vajja bhayañceva akusalañca gihīnaɱ ca.
[BJT Page 318]
8. Pāpicchā appasannānaɱ pasannā dhammaṭṭhapanā,
Vinayānuggahā ceva pātimokakhuddesena ca.
9. Pātimokkhañca ṭhapanā ca pavāraṇañca ṭhapanaɱ,
Tajjanīyā niyassañca pabbajapaṭisāraṇī. 1
10. Ukkhepana parivāsaɱ mūlaɱ mānatta abbhānaɱ,
Osāraṇaɱ nissāraṇaɱ tatheva upasampadā.
11. Apalokana ñattī ca dutiyañca catutthakaɱ,
Apaññattenupaññattaɱ sammukhāvinayo sati.
12. Amūḷhapaṭiyebhūyya pāpiyyatiṇavatthārakaɱ,
Vatthu vipatti āpatti nidānaɱ puggalena ca.
[page 226]
13. Khandhā ceva samuṭṭhānā adhikaraṇameva ca,
Samathā saṅgahā ceva nāma āpattiko tathā ti.
Parivārapāḷi niṭṭhitā
1. Pubbācariyamaggañca pucchitvā ca tahiɱ tahiɱ,
Dīpanāmo mahāpañño sutadhārī2 vicakkhaṇo.
2. Imaɱ vitthārasaṅkhepaɱ3 sajjhāmaggena majjhime,
Cintayitvā likhāpesi sissakānaɱ sukhāvahaɱ.
3. Parivāranti yaɱ vuttaɱ sabbaɱ vatthuɱ salakkhaṇaɱ,
Atthaɱ atthena saddhamme dhammaɱ dhammena paññatte.
4. Sāsanaɱ parivāresi jambudīpaɱ'va sāgaro,
Parivāraɱ ajānanto kuto dhammavinicchayaɱ.
5. Vipatti vatthu paññatti anupaññatti puggalo, ekato ubhato ceva lokapaṇṇatti vajjato
6. Yassa jānāti vimati parivārena chijjati,
Cakkavatti mahāsene migamajjheva kesari.
7. Ravi raɱsiparikkhiṇṇo cando tārāgaṇe yathā,
Brahmā brahmaparisāya gaṇamajjhe va nāyako:
Evaɱ saddhammavinayo parivārena sobhatīti.
1. Tajjanikā - sīmu 1, 2
Pabbājanīyapaṭisāraṇī - machasaɱ.
2. Sutadharo - syā.
3. Vitthāraɱ saṅkhepaɱ - sīmu2.
