Aṇguttara-Nikāya
III. Tika Nipāta
IV. Deva-Dūta Vagga
Sutta 32
Ānanda Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh][upal][olds][than] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati.|| ||
Atha kho āyasmā Ānando yena Bhagavā ten'upasaṇkami.|| ||
Upasaṇkamitvā Bhagavantaṃ abhivādetvā eka-m-antaṃ nisidi.|| ||
Eka-m-antaṃ nisinno kho āyasmā Ānando Bhagavantaṃ etad avoca:|| ||
"Siyā nu kho bhante bhikkhuno tathā-rūpo samādhi-paṭilābho,||
yathā imasmiñ ca saviññāṇake kāye ahaṃ-kāra-mamaṇ-kāra-mānānusayā nāssu,||
bahiddhā ca sabba-nimittesu ahaṃ-kāra-mamaṇ-kāra-mānānusayā nāssu,||
yañ ca ceto-vimuttiṃ paññā-vimuttiṃ upasampajja viharato ahaṃ-kāra-mamaṇ-kāra-mānānusayā na honti,||
tañ ca ceto-vimuttiṃ paññā-vimuttiṃ upasampajja vihareyyā" ti?|| ||
"Siyā Ānanda bhikkhuno tathā-rūpo samādhi-paṭilābho,||
yathā imasmiñ ca saviññāṇake kāye||
ahaṃ-kāra-mamaṇ-kāra-mānānusayā nāssu,||
bahiddhā ca sabba-nimittesu ahaṃ-kāra-mamaṇ-kāra-mānānusayā nāssu,||
yañ ca ceto-vimuttiṃ paññā-vimuttiṃ upasampajja viharato ahaṃ-kāra-mamaṇ-kāra-mānānusayā na honti,||
tañ ca ceto-vimuttiṃ paññā-vimuttiṃ upasampajja vihareyyā" ti.|| ||
"Yathā kathaṃ pana bhante siyā bhikkhuno tathā-rūpo samādhi-paṭilābho,||
yathā imasmiñ ca saviññāṇake kāye ahaṃ-kāra-mamaṇ-kāra-mānānusayā na honti,||
bahiddhā ca sabba-nimittesu ahaṃ-kāra-mamaṇ-kāra-mānānusayā na honti,||
yaṃ ca ceto-vimuttiṃ paññā-vimuttiṃ upasampajja viharato ahaṃ-kāra-mamaṇ-kāra-mānānusayā na honti,||
taṃ ca ceto-vimuttiṃ paññā-vimuttiṃ upasmapajja vihareyyā" ti?|| ||
[133] "Idh'Ānanda bhikkhuno evaṃ hoti:|| ||
'Etaṃ santaṃ,||
etaṃ paṇītaṃ,||
yad idaṃ sabba-saṇkāra-samatho||
sabb'ūpadhi-paṭinissaggo||
taṇha-k-khayo||
virāgo||
nirodho||
Nibbāṇan' ti.|| ||
Evaṃ kho Ānanda siyā bhikkhuno tathā-rūpo samādhi-paṭilābho,||
yathā imasmiṃ ca saviññāṇake kāye ahaṃ-kāra-mamaṇ-kāra-mānānusayā nāssu,||
bahiddhā ca sabba-nimittesu ahaṃ-kāra-mamaṇ-kāra-mānānusayā nāssu,||
yaṃ ca ceto-vimuttiṃ paññā-vimuttiṃ upasampajja viharato ahaṃ-kāra-mamaṇ-kāra-mānānusayā na honti,||
taṃ ca ceto-vimuttiṃ paññā-vimuttiṃ upasampajja vihareyya.|| ||
Idaṃ ca pana me taṃ Ānanda sandhāya bhāsitaṃ Pārāyaṇe Puṇṇakapañhe:|| ||
'Saṇkhāya lokasmiṃ parovarāni||
Yass'iñjitaṃ n'atthi kuhiñci loke,||
Santo vidhūmo anīgho nirāso||
Atāri so jātijaran ti brūmī'" ti.|| ||
Sāriputta Suttaṃ
[2][pts][upal][olds][bodh] Atha kho āyasmā Sāriputto yena Bhagavā ten'upasaṇkami.|| ||
Upasaṇkamitvā Bhagavanataṃ abhivādetvā eka-m-antaṃ nisīdi.|| ||
Eka-m-antaṃ nisinnaṃ kho āyasmantaṃ Sāriputtaṃ Bhagavā etad avoca:|| ||
"Saṇkhittena pi kho ahaṃ Sāriputta dhammaṃ deseyyaṃ,||
vitthārena pi kho ahaṃ Sāriputta dhammaṃ deseyyaṃ,||
saṇkhittavitthārena pi kho ahaṃ Sāriputta dhammaṃ deseyyaṃ,||
aññātaro ca dullabhā" ti.|| ||
"Etassa Bhagavā kālo,||
etassa Sugata kālo,||
yaṃ Bhagavā saṇkhittena pi dhammaṃ deseyya,||
vitthārena pi dhammaṃ deseyya,||
saṇkhittavitthārena pi dhammaṃ deseyya,||
bhavissanti Dhammassa aññātāro" ti.|| ||
"Tasmātiha Sāriputta evaṃ sikkhitabbaṃ:|| ||
'Imasmiṃ ca saviññāṇake kāye ahaṃ-kāra-ma-maṇkāra-mān-ā-nusayā na bhavissanti,||
bahiddhā ca sabba-nimittesu ahaṃ-kāra-mamaṇ-kāra-mānānusayā na bhavissanti,||
yaṃ ca ceto-vimuttiṃ paññā-vimuttiṃ upasampajja viharato ahaṃ-kāra-mamaṇ-kāra-mānānusayā na honti,||
tañ ca ceto-vimuttiṃ paññā-vimuttiṃ upasampajja viharissāmā' ti.|| ||
Evaṃ hi vo Sāriputta sikkhitabbaṃ.|| ||
Yato kho Sāriputta bhikkhuno imasmiṃ saviññā- [134] ṇake kāye ahaṃ-kāra-mamaṇ-kāra-mānānusayā na honti,||
bahiddhā ca sabba-nimittesu ahaṃ-kāra-mamaṇ-kāra-mānānusayā na honti,||
yaṃ ca ceto-vimuttiṃ paññā-vimuttiṃ upasampajja viharato ahaṃ-kāra-mamaṇ-kāra-mānānusayā na honti,||
tañ ca ceto-vimuttiṃ paññā-vimuttiṃ upasampajja viharati.|| ||
Ayaṃ vuccati Sāriputta bhikkhu acchecchi,||
taṇhaṃ,||
vāvattayī saṃyojanaṃ,||
sammā mān-ā-bhisamayā antam akāsi dukkhassa.|| ||
Idaṃ ca pana me taṃ Sāriputta sandhāya bhāsitaṃ Pārāyaṇe Udayapañhe:|| ||
'Pahāṇaṃ kāma-saññānaṃ domanassāna c'ūbhayaṃ,||
Thīnassa ca panūdanaṃ kukkuccānaṃ nivāraṇaṃ,||
Upekkhāsatisaṃsuddhaṃ dhammatakkapurejavaṃ,||
Aññāvimokkhaṃ pabrūmi avijjāya ppabhedanaṃ'" ti.|| ||
