Asaṇkhata-Lakkhaṇa Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][than][bodh][olds] Evaṃ me sutaṃ.|| ||

Evaṃ me sutaṃ ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

"Tīṇ'imāni bhikkhave saṇkhatassa saṇkhata-lakkhaṇāni.|| ||

Katamāni tīṇi?|| ||

Uppādo paññāyati,||
vayo paññāyati,||
ṭhitassa aññathattaṃ paññāyati.|| ||

Imāni kho bhikkhave tīṇi saṇkhatassa saṇkhata-lakkhaṇānī.|| ||

■

"Tīṇ'imāni bhikkhave asaṇkhatassa asaṇkhata-lakkhaṇāni.|| ||

Katamāni tīṇi?|| ||

Na uppādo paññāyati,||
na vayo paññāyati,||
na ṭhitassa añññathattaṃ paññāyati.|| ||

Imāni kho bhikkhave tīṇi asaṇkhatassa asaṇkhata-lakkhaṇānī" ti.|| ||