Aṇguttara-Nikāya
III. Tika Nipāta
VI. Brāhmaṇa Vagga
Sutta 56
Paloka Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evaṃ me sutaṃ.|| ||
Evaṃ me sutaṃ ekaṃ samayaṃ Bhagavā Sāvatthiyaṃ viharati.|| ||
Atha kho aññataro brahmaṇo mahāsālo yena Bhagavā ten'upasaṇkami.|| ||
Upasaṇkamitvā Bhagavatā saddhiṃ sammodi.|| ||
Sammodanīyaṃ kathaṃ sārāṇīyaṃ vīti-sāretvā eka-m-antaṃ nisīdi.|| ||
Eka-m-antaṃ nisinno kho brahmaṇo mahāsālo Bhagavantaṃ etad avoca:|| ||
"Sutaṃ me taṃ bho Gotama pubba-kānaṃ brāhmaṇānaṃ vuḍḍhānaṃ mahallakānaṃ ācariya-pācariyānaṃ bhāsa-mānānaṃ:|| ||
'Pubb'assudaṃ ayaṃ loko avīci maññe phuṭo ahosi manussehi,||
kukkuṭa-sampātikā gāmani-gamarāja-dhāniyo' ti.|| ||
Ko nu kho bho Gotama hetu,||
ko paccayo||
yen'etarahi manussānaṃ khayo hoti,||
tanuttaṃ paññāyati,||
gāmā pi agāmā [160] honti,||
nigamā pi anigamā honti,||
nagarā pi anagarā honti,||
janapadā pi ajanapadā honti" ti?|| ||
■
"Etarahi brāhmaṇa manussā adhamma-rāga-rattā visamal-ā-bhibhūtā micchā-dhamma-paretā.|| ||
Te adhamma-rāga-rattā visama-lobh-ā-bhibhutā micchā-dhamma-paretā tiṇhāni Satthāni gahetvā añña-maññassa jīvitā voropenti.|| ||
Tena bahū manussā kālaṃ karontī.|| ||
Ayam pi ko brahmaṇa hetu,||
ayaṃ paccayo yen'etarahi manussānaṃ khayo hoti,||
tanuttaṃ paññāyati,||
gāmā pi agāmā honti,||
nigamā pi anigamā honti,||
nagarā pi anagarā honti,||
janapadā pi ajanapadā honti.|| ||
■
Puna ca paraṃ brāhmaṇa etarahi manussa adhamma-rāga-rattā visama-lobh-ā-bhibhutā micchā-dhamma-paretā.|| ||
Tesaṃ adhamma-rāga-rattāṇaṃ visamal-ā-bhibhūtānaṃ micchā-dhamma-paretānaṃ devo na sammā dhāraṃ anuppavecchati.|| ||
Tena dubbhikkhaṃ hoti dussassaṃ setatthikaṃ salākāvuttaṃ.|| ||
Tena bahū manussā kālaṃ karontī.|| ||
Ayam pi kho brāhmaṇa hetu,||
ayaṃ paccayo yen'etarahi manussānaṃ khayo hoti,||
tanuttaṃ paññāyati,||
gāmā pi agāmā honti,||
nigamā pi anigamā honti,||
nagarā pi anagarā honti,||
janapadā pi ajanapadā honti.|| ||
■
Puna ca paraṃ brāhmaṇa etarahi manussa adhamma-rāga-rattā visamal-ā-bhibhūtā micchā-dhamma-paretā.|| ||
Tesaṃ adhamma-rāga-rattāṇaṃ visamal-ā-bhibhūtānaṃ micchā-dhamma-paretānaṃ yakkhā vā'e amanusse ossajanti.|| ||
Tena bahū manussā kālaṃ karontī.|| ||
Ayam pi kho brāhmaṇa hetu,||
ayaṃ paccayo yen'etarahi manussānaṃ khayo hoti,||
tanuttaṃ paññāyati,||
gāmā pi agāmā honti,||
nigamā pi anigamā honti,||
nagarā pi anagarā honti,||
janapadā pi ajanapadā honti" ti.|| ||
■
"Abhikkantaṃ bho Gotama,||
seyyathā pi bho Gotama nikkujjitaṃ vā ukkujjiteṃ vā ukkujjeyya,||
paṭi-c-channaṃ vā vivareyya,||
mūḷhassavā Maggaṃ ācikkheyya,||
andha-kāre vā tela-pajjotaṃ dhāreyya,||
'cakkhu-manto rūpāni dakkhintī' ti.|| ||
Evavevaṃ bhotā Gotamena aneka-pariyāyena dhammo pakāsito.|| ||
Ete mayaṃbhante bhavantaṃ Gotamaṃ saraṇaṃ gacchāma,||
Dhammañ ca bhikkhu-saṇghañ ca.|| ||
Upāsake no bhavaṃ Gotamo dharetu ajja-t-agge pāṇupete saraṇaṃgatan" ti.|| ||
