Aṇguttara-Nikāya
III. Tika Nipāta
VI. Brāhmaṇa Vagga
Sutta 59
Jāṇussoṇi Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evaṃ me sutaṃ.|| ||
Evaṃ me sutaṃ ekaṃ samayaṃ Bhagavā Sāvatthiyaṃ viharati.|| ||
Atha kho Jāṇussoṇi brāhmaṇo yena Bhagavā ten'upasaṇkami.|| ||
Upasaṇkamitvāda Bhagavatā saddhiṃ sammodiṃsu.|| ||
Sammodanīyaṃ kathaṃ sārāṇīyaṃ vīti-sāretvā eka-m-antaṃ nisīdiṃsu.|| ||
Eka-m-antaṃ nisinnO kho Jāṇussoṇī brāhmano Bhagavateṃ etad avoca:|| ||
"Yass'assu bho Gotama yañño vā||
saddhaṃ vā||
thālipāko vā||
deyya-dhammaṃ vā||
tevijjesu brāhmaṇesu dānaṃ dadeyyā" ti?|| ||
"Yathā-kathaṃ pana brāhmaṇa buhmaṇā brāhmaṇaṃ tevijjaṃ paññā-pentī" ti?|| ||
"Idha pana bho Gotama brāhmano ubhato sujāto hoti mātito ca pitito ca,||
saṃsuddhagahaṇiko yāva sattamā pitāmahāyugā,||
akkhitto anupakkuṭṭho jāti-vādena,||
ajjhāyako manta-dharo tiṇṇaṃ vedānaṃ pāragū sanighaṇḍukeṭubhānaṃ sākkhara-p-pabhe-dānaṃ itihāsa-pañca-mānaṃ padako veyyākaraṇo lokāyatamahā-purisa-lakkhaṇesu anavayo.|| ||
Evaṃ kho bho Gotama brāhmaṇā brāhmaṇaṃ tevijjaṃ paññā-pentī" ti.|| ||
"Aññathā kho brāhmaṇa brāhmaṇā brāhmaṇaṃ tevijjaṃ paññāpenti,||
aññathā ca pana ariyassa vinaye tevijje hotī" ti.|| ||
"Yathā-kathaṃ bho Gotama ariyassa vinaye tevijjo hoti?|| ||
Sādhu me bhavaṃ Gotamo tathā dhammaṃ desetu yathā ariyassa vinaye tevijjo hotī" ti.|| ||
"Tena hi brāhmaṇa suṇāhi.|| ||
Sādhukaṃ mana-sikarohi, bhāsissāmī" ti.|| ||
"Evaṃ bho" ti kho Jāṇussoṇi brāhmaṇo Bhagavato paccassosi.|| ||
Bhagavā etad avoca:|| ||
2. "Idha brāhmaṇa bhikkhu vivicc'eva kāmehi vivicca akusalehi dhammehi sa-vitakkaṃ sa-vicāraṃ viveka-jaṃ pīti-sukhaṃ paṭhama-j-jhānaṃ upasampajja viharati.|| ||
Vitakka-vicārānaṃ vūpasamā ajjhattaṃ sampasādanaṃ cetaso ekodi-bhāvaṃ avitakkaṃ avicāraṃ samādhi-jaṃ pīti-sukhaṃ dutiya-j-jhānaṃ upasampajja viharati.|| ||
Pītiyā ca virāgā upekkhako ca viharati sato ca sampajāno sukhaṃ ca kāyena paṭisaṃvedeti,||
yaṃ taṃ ariyā ācikkhanti||
'Upekkhako satimā sukha-vihāri' ti tatiyaṃ jhānaṃ upasampajja viharati.|| ||
Sukhassa ca pahāṇā dukkhassa ca pahāṇā pubb'eva somanassa-domanassānaṃ atthaṇgamā adukka-m-asukhaṃ upekkhā-sati-pārisuddhiṃ catutthaṃ jhānaṃ upasampajja viharati.|| ||
So evaṃ samāhite citte parisuddhe pariyodāte an-aṇgaṇe [167] vigat'ūpakkilese mudubhūte kammanīye ṭhite ānejjappatte pubbe-nivāsānu-s-sati-ñāṇāya cittaṃ abhininnāmeti.|| ||
So aneka-vihitaṃ pubbe-nivāsaṃ anussarati.|| ||
So aneka-vihitaṃ pubbe-nivāsaṃ anussarati —||
Seyyath'idaṃ:||
ekam pi jātiṃ,||
dve pi jātiyo,||
tisso pi jātiyo,||
catasso pi jātiyo,||
pañca pi jātiyo,||
dasa pi jātiyo,||
vīsati pi jātiyo,||
tiṃsam pi jātiyo,||
cattārīsam pi jātiyo,||
paññāsam pi jātiyo,||
jāti-satam pi jāti-sahassam pi jāti-sata-sahassam pi aneke pi saṃvaṭṭa-kappe aneke pi vivaṭṭa-kappe aneke pi saṃvaṭṭa-vivaṭṭa-kappe:|| ||
'Amutrāsiṃ evaṃ-nāmo,||
evaṃ-gotto evaṃ-vaṇṇo evam-āhāro evaṃ-sukha-dukkha-paṭsaṃvedī evam-āyu-pariyanto.|| ||
So tato cuto amutra upapādiṃ,||
tatrāpāsiṃ evaṃ-nāmo evaṃ-gotto evaṃ-vaṇṇo evam-āhāro evaṃ-sukha-dukkha-paṭisaṃvedi evam-āyu-pariyanto.|| ||
So tato cuto idh'ūpapanno' ti.|| ||
Iti sākāraṃ sa-uddesaṃ aneka-vihitaṃ pubbe-nivāsaṃ anussarati.|| ||
Ayam assa paṭhamā vijjā adhigatā hoti,||
avijjā vihatā,||
vijjā uppannā,||
tamo vihato,||
āloko uppanno,||
yathā taṃ appamattassa ātāpino pahitattassa viharato.|| ||
3. So evaṃ samāhite citte parisuddhe pariyodāte an-aṇgaṇe vigat'ūpakkilese mudubhūte kammanīye ṭhite ānejjappatte sattāṇaṃ cut'ūpapātañāṇāya cittaṃ abhininnāmeti.|| ||
So dibbena cakkhunā visuddhena atikkanta-mānusakena satte passati cavamāne uppajjamāne.|| ||
Hīne paṇīte suvaṇṇe dubbaṇṇe sugate duggate yathā-kamm'ūpage satte pajānāti.|| ||
'Ime va pana bhonto sattā kāya-du-c-caritena samannāgatā,||
vacī-du-c-caritena samannāgatā,||
mano-du-c-caritena samannāgatā,||
ariyānaṃ upavādakā micchā-diṭṭhikā micchā-diṭṭhi-kamma-samādānā.|| ||
Te kāyassa bhedā param maraṇā apāyaṃ duggatiṃ viṭpātaṃ Nirayaṃ upapannā'.|| ||
'Ime vā pana bhonto sattā kāya-sucāritena samannāgatā,||
vacīducciritena samannāgatā,||
mano-sucaritena samannāgatā,||
ariyānaṃ anupavādakā sammā-diṭṭhikā sammā-diṭṭhi-kamma-samādānā.|| ||
Te kāyassa bhedā param maraṇā sugatiṃ saggaṃ lokaṃ upapannā' ti.|| ||
So iti dibbena cakkunā visuddhena atikkanta-mānusakena satte passati cavamāne uppajjamāne.|| ||
Hīne paṇīte suvaṇṇe dubbaṇṇe sugate duggate yathā-kamm'ūpage satte pajānāti.|| ||
Ayam assa dutuyā vijjā adhigatā hoti,||
avijā vihatā,||
vijjā uppannā,||
tamo vihato,||
āloko uppanno,||
yathā taṃ appamattassa ātāpinopahītattassa viharato.|| ||
4. So evaṃ samāhite citte parisuddhe pahiyodāte an-aṇgaṇe vigat'ūpakkilese mudubhūte kammanīye ṭhite ānejjappatte āsavānaṃ khaya-ñāṇāya cittaṃ abhininnāmeti.|| ||
So 'idaṃ dukkhan' ti yathā-bhūtaṃ pajānāti,||
'ayaṃ dukkha-samudayo' ti yathā-bhūtaṃ pajānāti,||
'ayaṃ dukkha-nirodho' ti yathā-bhūtaṃ pajānāti,||
'ayaṃ dukkha-nirodha-gāminī paṭpadā' ti yathā-bhūtaṃ pajāniti.|| ||
'Ime āsavā' ti yathā-bhūtaṃ pajānāti.|| ||
'Ayaṃ āsava-samudayo' ti yathā-bhūtaṃ pajāniti,||
'ayaṃ āsava-nirodho' ti yathā-bhūtaṃ pajānāti||
'ayaṃ āsava-nirodha-gāminī paṭipadā' ti yathā-bhūtaṃ pajānāti.|| ||
Tassa evaṃ jānato evaṃ passato kām'āsavā pi cittaṃ vimuccati,||
bhav'āsavā pi cittaṃ vimuccati,||
avijj-ā-savā pi cittaṃ vimuccati,||
vumuttasmiṃ vumuttam iti ñāṇaṃ hoti.|| ||
'Khīṇā jāti,||
vusitaṃ Brahma-cariyaṃ,||
kataṃ karaṇīyaṃ,||
nāparaṃ itthattāyā' ti pajānāti.|| ||
Ayam assa tatiyā vijjā adhigatā hoti,||
avijjā vihatā,||
vijjā uppannā,||
tamo vihato,||
āloko uppanno.|| ||
Yathā taṃ appamattassa ātāpino pahītattassa viharato.|| ||
'Yo sīla-b-batasampanno pahītatto samāhito,||
Cittaṃ yassa vasībhūtaṃ ek'aggaṃ susamāhitaṃ,||
Pubbe-nivāsaṃ yo vedī saggāpāyañ ca passati,||
Atho jātikkhayaṃ patto abhiññā vosito muni.||
[168] Etāhi tīhi vijjāhi tevijjo hoti brāhmaṇo,||
Tam ahaṃ vadāmi tevijjaṃ nāññaṃ lapitalāpanan' ti.|| ||
Evaṃ eva kho brāhmaṇa ariyassa vinaye tevijjo hotī" ti.|| ||
"Aññāthā bho Gotama brāhmaṇānaṃ tevijjo.|| ||
Aññathā ca pana ariyassa vinaye tevijjo hoti.|| ||
Imassa ca bho Gotama ariyassa vinaye tevijjassa brāhmaṇānaṃ tevijjo kalaṃ nāgghati soḷasiṃ.|| ||
Abhikkantaṃ bho Gotama,||
seyyathā pi bho Gotama nikkujjitaṃ vā ukkujjiteṃ vā ukkujjeyya,||
paṭi-c-channaṃ vā vivareyya,||
mūḷhassavā Maggaṃ ācikkheyya,||
andha-kāre vā tela-pajjotaṃ dhāreyya,||
cakkhu-manto rūpāni dakkhintī.|| ||
Evavevaṃ bhotā Gotamena aneka-pariyāyena dhammo pakāsito.|| ||
Ete mayaṃbhante bhavantaṃ Gotamaṃ saraṇaṃ gacchāma,||
Dhammañ ca||
bhikkhu-saṇghañ ca.|| ||
Upāsakaṃ bhavaṃ Gotamo dhāretu ajja-t-agge pāṇupetaṃ saraṇaṃ gatan" ti.|| ||
