Aṇguttara-Nikāya
III. Tika Nipāta
IX. Samaṇa Vagga
Sutta 83
Vajji-Putta Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than] Evaṃ me sutaṃ.|| ||
Ekaṃ samayaṃ Bhagavā Vesāliyaṃ viharati Mahāvano Kūmāgārasālāyaṃ.|| ||
Atha kho aññataro Vajji-puttako bhikkhū yena Bhagavā ten'upasaṇkami.|| ||
Upasaṇkamitvā kho so Vajji-puttako bhikkhu saddhiṃ sammodi,||
sammodanīyaṃ kathaṃ sārāṇīyaṃ vīti-sāretvā eka-m-antaṃ nisīdi.|| ||
Eka-m-antaṃ nisinno kho so Vajji-puttako bhikkhu Bhagavantaṃ etad avoca:|| ||
"Sādhikam idaṃ bhante diyaḍḍha-sikk-āpadasataṃ anvaddhamāsaṃ uddesaṃ āgacchati.|| ||
Nāhaṃ bhante ettha Sakkomi sikkhitun" ti.|| ||
"Sakkasi pana tvaṃ bhikkhū tīsu sikkhāsu sikkhituṃ:|| ||
Adhisīla-sikkhāya||
adhicitta-sikkhāya||
adhipaññā-sikkhāyā" ti?|| ||
"Sakkom'ahaṃ bhante tīsu sikkhāsu sikkhituṃ||
adhisīla-sikkhāya||
adhicitta-sikkhāya||
adipaññā-sikkhāyā" ti.|| ||
2. "Tasmātiha tvaṃ bhikkhū tīsu sukkhāsu sikkhassu||
adhisīla-sikkāya||
adicitta-sikkhāya||
adhipaññā-sikkāya.|| ||
Yato kho tvaṃ bhikkhu||
adhisīlam pi sikkhissasī,||
adhicittam pi sikkhissasi,||
adhipaññam pi sikkhissasi,||
tasmā tuyhaṃ bhikkhu||
adhisīlam pi sikkhato||
adhicittam pi sikkhato||
adhipaññam pi sikkhato||
rāgo pahiyyissati,||
doso pahiyyissati,||
moho pahiyyissati.|| ||
Se tvaṃ||
rāgassa pahāṇā||
dosassa pahāṇā||
mohassa pahāṇā||
yaṃ akusalaṃ taṃ na karissasi||
yaṃ pāpaṃ tvaṃ na sevissasī" ti.|| ||
§
3. Atha kho so bhikkhu aparena samayena||
adhisīlam pi sikkhi,||
adhicittam pi sikkhi,||
adhipaññam pi sikkhi.|| ||
Tassa [231] adhisīlam pi sikkhato||
adhicittam pi sikkhato||
adhipaññam pi sikkhato,||
rāgo pahiyyi,||
Doso pahiyyi,||
Moho pahiyyi.|| ||
So rāgassa pahāṇā||
dosassa pahānā||
mohassa pahāṇā||
yaṃ akusalaṃ taṃ nā kāsi||
yaṃ pāpaṃ taṃ na sevī.|| ||
