Aṇguttara-Nikāya
III. Tika Nipāta
IX. Samaṇa Vagga
Sutta 86
Dutiya Sikkha Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than] Evaṃ me sutaṃ.|| ||
Ekaṃ samayaṃ Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Sādhikam idaṃ bhikkhave diyaḍḍha-sikkhāpadasataṃ anvaddhamāsaṃ uddesaṃ āgacchati,||
yattha attha-kāmā kula- [233] puttā sikkhanti.|| ||
Tisso imā bhikkhave sikkhā,||
yatth'etaṃ sabbaṃ samodhānaṃ gacchati.|| ||
Katamā tisso?|| ||
Adhisīla-sikkhā,||
adhicitta-sikkhā,||
adhipaññā-sikkhā.|| ||
Imā ko bhikkhave tisso sikkhā,||
yatth'etaṃ sabbaṃ samodhānaṃ gacchati.|| ||
§
2. Idha, bhikkhave, bhikkhū sīlesu paripūra-kārī hoti,||
samādhismiṃ mattaso kārī||
paññāya mattaso kārī.|| ||
So yāni tāni khudd-ā-nudhuddakāni sikkhā-padāni||
tāni āpajjati pi||
vuṭṭhāti pi.|| ||
Taṃ kissa hetu?|| ||
Na hi m'ettha bhikkhave abhabbatā vuttā.|| ||
Yāni kho tani sikkhā-padāni ādibrahma-cariyikāni brahma-ciraya-sāruppāni,||
tattha dhūvasīlo ca hoti||
ṭhitha-sīlo ca||
samādāya sikkhati sikkhā-padesu.|| ||
■
So tiṇṇaṃ saṃyojanānaṃ parikkhayā satta-k-khatt'uparamo hoti:||
satta-k-khatt'uparamaṃ deve ca manusse ca||
sandhāvitvā saṃsaritvā dukkhass antaṃ karoti.|| ||
■
So tiṇṇaṃ saṃyojanānaṃ parikkhayā kolaṇkolo hoti:||
dve vā tīṇi vā kulāni||
sandhāvitvā saṃsaritvā dukkhass antaṃ karoti.|| ||
■
So tiṇṇaṃ saṃyojanānaṃ parikkhayā eka-bīji hoti:||
ekaṃ yeva mānusakaṃ bhavaṃ nibbattetvā dukkhassantaṃ karoti.|| ||
■
So tiṇṇaṃ saṃyojanānaṃ parikkhayā rāga-dosa-mohānaṃ tanuttā Sakad-āgāmi hoti:||
sakid eva imaṃ lokaṃ āganatvā dukkhassa antaṃ karoti.|| ||
§
3. Idha pana bhikkhave bhikkhū||
sīlesu paripūra-kārī hoti,||
samādhismiṃ paripūra-kārī,||
paññāya mattasokārī.|| ||
So yāni tāni khuddānukhuddakāni sikkhā-padāni,||
tāni āpaññati pi||
vuṭṭhāti pi.|| ||
Taṃ kissa hetu?|| ||
Na hi mettha bhikkhave abhabbatā vuttā.|| ||
Yāni ca kho tāni sikkhā-padāni ādibrahma-cariyikāni Brahma-cariyasāruppāni,||
tattha dhūvasīli ca hoti ṭhitasīli ca,||
samādāya sikkhati sikkhā-padesu.|| ||
■
So pañcannaṃ oram-bhāgiyānaṃ saṃyojanānaṃ parikkhayā||
uddhaṃ-soto hoti Akaniṭṭha-gāmi.|| ||
■
So pañcannaṃ oram-bhāgiyānaṃ saṃyojanānaṃ parikkhayā||
a-saṇkhāra-parinibbāyī hoti.|| ||
■
So pañcannaṃ oram-bhāgiyānaṃ saṃyojanānaṃ parikkhayā||
sa-saṇkhāra-parinibbāyī hoti.|| ||
■
So pañcannaṃ oram-bhāgiyānaṃ saṃyojanānaṃ parikkhayā||
upahacca-parinibbāyī hoti.|| ||
■
So pañcannaṃ oram-bhāgiyānaṃ saṃyojanānaṃ parikkhayā||
antarā-parinibbāyī hoti.|| ||
§
4. Idha pana bhikkhave bhikkhū||
sīlesu paripūra-kārī hoti,||
samādhismiṃ paripūra-kārī,||
paññāya paripūra-kārī.|| ||
So yāni [234] tāni khuddānukhuddakāni sikkhā-padāni,||
tāni āpaññati pi||
vuṭṭhāti pi.|| ||
Taṃ kissa hetu?|| ||
Na hi m'ettha bhikkhave abhabbatā vuttā.|| ||
Yāni kho tāni sikkhā-padāni ādibrahma-cariyikāni buhmacariyasāruppāni,||
tattha dhuvasīlo ca hoti||
ṭhitasīli ca||
samādāya sikkhati sikkhā-padesu.|| ||
■
So āsavānaṃ khayā anāsavaṃ||
cetā-vimuttiṃ||
paññā-vimuttiṃ||
diṭṭhe'va dhamme sayaṃ abhiññā sacchi-katvā||
upasampajja viharati.|| ||
Iti kho bhikkhave padesaṃ padesakārī ārādheti||
paripūraṃ paripūra-kārī.|| ||
Avañjhāni tvevāhaṃ bhikkhave sikkhā-padāni vadāmī" ti.|| ||
[ed1] See the Outline comparing Suttas 85-86-87.
