Aṇguttara-Nikāya
III. Tika Nipāta
X. Loṇa-Phala Vagga

Sutta 94

Paṭhama Ājānīya Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[244]

[1][pts][than] Evaṃ me sutaṃ.|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

"Tīhi bhikkhave aṇgehi samannāgato rañño bhadro ass-ā-jānīye rājā-raho hoti rāja-bhoggo rañño aṇgan t'veva saṇkhaṃ gacchati.|| ||

Katamehi tīhi?|| ||

Idha, bhikkhave, rañño bhaddo ass-ā-jāniyo vañṇasampanno ca hoti,||
bala-sampanno ca||
java-sampanno ca.|| ||

Imehi kho bhikkhave tīhā aṇgehi samannāgato rañño bhaddo ass-ā-jānīyo rājā-raho hoti rāja-bhoggo rañño aṇgan t'veva saṇkhaṃ gacchati.|| ||

■

2. Evam eva kho bhikkhave tīhi dhammehi samannāgato bhikkhu āhuneyyo hoti,||
pāhuneyyo,||
dakkhiṇeyyo,||
añjali-karaṇīyo,||
anuttaraṃ puñña-k-khettaṃ lokassā ti.|| ||

Katamehi tīhi?|| ||

Idha, bhikkhave, bhikkhu vanṇa-sampanno ca hoti||
bala-sampanno ca||
java-sampanno ca.|| ||

 

§

 

3. Kathañ ca bhikkhave bhikkhū vaṇṇa-sampanno hoti?|| ||

Idha, bhikkhave, bhikkhū sīlavā hoti,||
Pātimokkha-saṃvara-saṃvuto viharati||
ācāra-gocara-sampanno aṇumattesu vajjesu bhaya-dassāvī,||
samādāya sikkhati sikkhā-padesu.|| ||

Evaṃ kho bhikkhave bhikkhū vaṇṇa-sampanno hoti.|| ||

■

4. Kathañ ca bhikkhave bhikkhu bala-sampanno hoti?|| ||

Idha, bhikkhave, bhikkhu āraddha-viriyo viharati akusalānaṃ dhammānaṃ pahāṇāya||
kusalānaṃ dhammānaṃ upasampadāya thāmavā daḷha-parakkamo anikkhitta-dhūro kusalesu dhammesu.|| ||

Evaṃ kho bhikkhave bhikkhu bala-sampanno hoti.|| ||

■

5. Kathañ ca bhikkhave bhikkhū java-sampanno hoti?|| ||

Idha, bhikkhave, bhikkhū||
idaṃ dukkhan ti yathā-bhūtaṃ pajānāti,||
ayaṃ dukkha samudayo yathā-bhūtaṃ pajānāti,||
[245] ayaṃ dukkha-nirodha-gāminī paṭipadā ti yathā-bhūtaṃ pajānāti.|| ||

Evaṃ kho bhikkhave bhikkhū java-sampanno hoti.|| ||

Imehi kho bhikkhave tīhi dhammehi samannāgato bhikkhū āhuneyyo hoti pāhuneyyo,||
dakkhiṇeyyo,||
añjali-karaṇīyo,||
anuttaraṃ puñña-k-khettaṃ lokassā" ti.|| ||