Uppādā Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][bit][pts][than][olds] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

"Uppādā vā bhikkhave Tathāgatānaṃ anuppādā vā Tathāgatānaṃ ṭhitāva sā dhātu dammatthikatā dhammaniyāmatā:|| ||

'Sabbe saṇkārā aniccā' ti.|| ||

Taṃ Tathāgatato abhisambujjhatiabhisameti.|| ||

Abisambujjhitvā abisametvā ācikkhati deseti paññāpeti paṭṭhapeti vivarati vibhajati uttānī karoti 'sabbe saṇkhārā aniccā' ti.|| ||

[2][pts][than][olds] Uppādā vā bikkhave Tathāgatānaṃ anuppādā vā Tathāgatānaṃ ṭhitāva sā dhātu dhammatthikatā dhamma-niyāmatā:|| ||

'Sabbe saṇkhārā dukkhā' ti.|| ||

Taṃ Tathāgato abhisambujjhati abisameti.|| ||

Abhisambujjhitvā abisametvā ācikkhati deseti paññāpeti paṭṭhapeti vicarati vibhajati uttānī karoti||
'sabbe saṇkārā dukkhā' ti.|| ||

[3][pts][than][olds] Uppādā vā bikkhave Tathāgatānaṃ anuppādā vā Tathāgatānaṃ ṭhitāva sā dhātu dhammatthikatā dhammaniyāmatā:

'Sabbe dhammā anattā' ti.|| ||

Taṃ Tathāgato abhisambujjhati abhisameti.|| ||

Abhisambujjhitvā abisametvā ācikkhati deseti paññāpeti paṭṭhapeti vivaratijati uttānī karoti||
'sabbe dhammā anattā' ti" ti.|| ||