Aṇguttara-Nikāya
III. Tika Nipāta
XV. Maṇgala Vagga
Sutta 146
Dutiya Khata Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Tīhi bhikkhave dhammehi samannāgato bālo avyatto a-sappuriso khataṃ upahataṃ attāṇaṃ pariharati||
sāvajjo ca hoti||
sānuvajjo vuññūtaṃ||
bahuñ ca apuññaṃ pasavati.|| ||
Katamehi tīhi?|| ||
Sāvajjena kāya-kammena,||
sāvajjena vacī-kammena,||
sāvajjena mano-kammena.|| ||
Imehi ko bhikkhave tīhi dhammehi samannāgato bālo avyatto a-sappurise khataṃ upahataṃ attāṇaṃ pariharati,||
sāvajjo ca hoti,||
sānuvajjo viññūtaṃ,||
pahuñ ca apuññaṃ pasavati.|| ||
§
Tīhi bhikkhave dhammehi samannāgato paṇḍito viyatto sappuriso akkhataṃ anupahataṃ attāṇaṃ pariharati,||
anavajjo ca hoti,||
ananuvajjo viññūtaṃ,||
pahuñ ca puññaṃ pasavati.|| ||
Katamehi tīhi?|| ||
Anavajjena kāya-kammena,||
anavajjena vacī-kammena,||
anavajjena mano kammena.|| ||
Imehi ko bhikkhave tīhi dhammehi samannāgato bālo avyatto a-sappuriso khataṃ upahataṃ attāṇaṃ pariharati,||
sāvajjo ca hoti,||
sānuvajjo viññūnaṃ,||
pahuñ ca apuññaṃ pasavatī" ti.|| ||
