Aṇguttara Nikāya
4. Catukka Nipāta
III. Uruvelā Vagga
Sutta 28
Ariyavaṃsa Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than][bodh] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati
Jetavane Anāthapiṇḍikassa ārāme.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
2. Cattāro, me bhikkhave ariyavaṃsā aggaññā,||
rattaññā,||
vaṃsaññā,||
porāṇā,||
asaṇkiṇṇā,||
asaṇkiṇṇa-pubb,||
na saṇkīyanti,||
na saṇkīyissanti,||
appatikuṭṭhā samaṇehi brāhmaṇehi viññūhi.|| ||
Katame cattāro?|| ||
Idha, bhikkhave, bhikkhu santuṭṭho hoti itarītarena cīvarena,||
itar'ītara-cīvara-santuṭṭhiyā ca vaṇṇa-vādī.|| ||
Na ca cīvara-hetu anesanaṃ appaṭirūpaṃ āpajjati.|| ||
Aladdhā ca cīvaraṃ na paritassati.|| ||
Laddhā ca cīvaraṃ agathito amucchito anajjhāpanno ādīnava-dassāvī nissaraṇa-pañño paribhuñjati.|| ||
Tāya va pana itar'ītara-cīvara-santuṭṭhiyā n'evattānukkaṃseti.|| ||
No paraṃ vambheti.|| ||
So hi tattha dakkho analaso sampajāno patissato.|| ||
Ayaṃ vuccati bhikkhave bhikkhu porāṇe aggaññe ariyavaṃse ṭhito.|| ||
Puna ca paraṃ bhikkhave bhikkhu santuṭṭho hoti itarītarena piṇḍa-pātena,||
itar'ītarapiṇḍa-pāta-santuṭṭhiyā ca vaṇṇa-vādī.|| ||
Na ca piṇḍa-pātahetu anesanaṃ appaṭirūpaṃ āpajjati.|| ||
Aladdhā ca piṇḍa-pātaṃ na paritassati.|| ||
Laddhā ca piṇḍa-pātaṃ agathito amucchito anajjhāpanno ādīnava-dassāvī [28] nissaraṇa-pañño paribhuñjati.|| ||
Tāya ca pana itar'ītarapiṇḍa-pāta santuṭṭhiyā n'evattānukkaṃseti.|| ||
No paraṃ vambheti.|| ||
So hi tattha dakkho analaso sampajāno patissato.|| ||
Ayaṃ vuccanati bhikkhave bhikkhu porāṇe aggaññe ariyavaṃse ṭhito.
Puna ca paraṃ bhikkhave bhikkhu santuṭṭho hoti itarītarena sen'āsanena,||
itar'ītarasen'āsana-santuṭṭhiyā ca vaṇṇa-vādī.|| ||
Na ca sen'āsanahetu anesanaṃ appaṭirūpaṃ āpajjati.|| ||
Aladdhā ca sen'āsanaṃ na paritassati.|| ||
Laddhā ca sen'āsanaṃ agathito amucchito anajjhāpanno ādīnava-dassāvī nissaraṇa-pañño paribhuñjati.|| ||
Tāya ca pana itar'ītarasen'āsana-santuṭṭhiyā n'ev'attān'ukkaṃseti.|| ||
No paraṃ vambheti.|| ||
Yo hi tattha dakkho analaso sampajāno patissato.|| ||
Ayaṃ vuccati bhikkhave bhikkhu porāṇe aggaññe ariyavaṃse ṭhito.|| ||
Puna ca paraṃ bhikkhave bhikkhu bhāvan-ā-rāmo hoti bhāvanārato,||
pahān-ā-rāmo hoti pahānarato.|| ||
Tāya ca pana bhāvan-ā-rāmatāya bhāvanāratiyā pahānāmaratāya pahānaratiyā n'evattānukkaṃseti.|| ||
No paraṃ vambheti.|| ||
Yo hi tattha dakkho analaso sampajāno patissato.|| ||
Ayaṃ vuccati bhikkhave bhikkhu porāṇe aggaññe ariyavaṃse ṭhito.|| ||
Ime kho bhikkhave cattāro ariyavaṃsā aggaññā,||
rattaññā,||
vaṃsaññā,||
porāṇā.|| ||
Asaṇkiṇṇā.|| ||
Asaṇkiṇṇa-pubb,||
na saṇkīyanti,||
na saṇkīyissanti.|| ||
Appatikuṭṭhā samaṇehi brāhmaṇehi viññūhi.|| ||
Imehi ca pana bhikkhave catūhi ariyavaṃsehi samannāgato bhikkhu||
puratthimāya ce pi disāya viharati,||
sveva aratiṃ sahati,||
na taṃ arati sahati.|| ||
Pacchimāya ce pi disāya viharati,||
sveva aratiṃ sahati,||
na taṃ arati sahati.|| ||
Uttarāya ce pi disāya viharati,||
sveva aratiṃ sahati,||
na taṃ arati sahati.|| ||
Dakkhiṇāya ce pi disāya viharati,||
sveva aratiṃ sahati,||
na taṃ arati sahati.|| ||
Taṃ kissa hetu?|| ||
Arati-ratisaho hi bhikkhave dhīro ti.|| ||
Nārati sahati dhīraṃ sahati||
Dīro ca aratiṃ sahati dhīro hi aratiṃ saho.|| ||
[29] Sammā kammavihāyinaṃ panunnaṃ ko nivāraye,||
Nekkhaṃ jambonadass'eva ko taṃ ninditum arahati?||
Devā pi naṃ pasaṃ-santi brahmunā pi pasaṃsito ti.|| ||
