Aṇguttara Nikāya
Catukka Nipāta
XIII: Bhaya Vagga
Sutta 126
Catuttha Puggala Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than][nymo] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
2. Cattāro'me bhikkhave puggalā santo saṃvijj'amānā lokasmiṃ.|| ||
Katame cattāro?|| ||
Idha, bhikkhave, ekacco puggalo mettā-saha-gatena cetasā ekaṃ disaṃ pharitvā viharati.|| ||
Tathā dutiyaṃ||
- tathā tatiyaṃ||
- tathā catutthiṃ||
- iti uddham-adho tiriyaṃ sabbadhi sabbattatāya sabbā-vantaṃ lokaṃ mettā-saha-gatena cetasā vipulena mahaggatena appamāṇena averena akhyāpajjhena pharitvā viharati.|| ||
So yad eva tattha hoti rūpa-gataṃ vedanā-gataṃ saññā-gataṃ saṇkhāra-gataṃ viññāṇa-gataṃ,||
te dhamme aniccato dukkhato rogato gaṇḍato sallato aghato ābādhato parato palokato suññato anttato samanupassati.|| ||
So kāyassa bhedā param maraṇā Suddhāvāsanaṃ devānaṃ saha-vyataṃ uppajjati.|| ||
Ayaṃ kho bhikkhave upapattī asādhāraṇā puthujjanehi.|| ||
■
Puna ca paraṃ bhikkhave idh'ekacco puggalo karuṇā-saha-gatena cetasā ekaṃ disaṃ pharitvā viharati.|| ||
Tathā dutiyaṃ||
- tathā tatiyaṃ||
- tathā catutthiṃ||
- iti uddham-adho tiriyaṃ sabbadhi sabbattatāya sabbā-vantaṃ lokaṃ karuṇā-saha-gatena cetasā vipulena mahaggatena appamāṇena averena akhyāpajjhena paritvā viharati.|| ||
So yad eva tattha hoti rūpa-gataṃ vedanā-gataṃ saññā-gataṃ saṇkhāra-gataṃ viññāṇa-gataṃ te dhamme aniccato dukkhato rogato gaṇḍato sallato aghato ābādhato parato palokato suññato anattato samanupassati.|| ||
So kāyassa bhedā param maraṇā Suddhāvāsanaṃ devānaṃ-saha-vyataṃ uppajjati.|| ||
Ayaṃ bhikkhave upapatti asādhāraṇā puthujjanehi.|| ||
■
Puna ca paraṃ bhikkhave idh'ekacco puggalo muditā-saha-gatena cetasā ekaṃ disaṃ pharitvā viharati.|| ||
Tathā dutiyaṃ||
- tathā tatiyaṃ||
- tathā catutthiṃ||
- iti uddham-adho tiriyaṃ sabbadhi sabbattatāya sabbā-vantaṃ lokaṃ muditā-sahagateha cetasā vipulena mahaggatena appamāṇena averena akhyāpajjhena paritvā viharati.|| ||
So yad eva tattha hoti rūpa-gataṃ vedanā-gataṃ saññā-gataṃ saṇkhāra-gataṃ viññāṇa-gataṃ te dhamme aniccato dukkhato rogato gaṇḍato sallato aghato ābādhato parato palokato suññato anattato samanupassati.|| ||
So kāyassa bhedā param maraṇā Suddhāvāsanaṃ devānaṃ-saha-vyataṃ uppajjati.|| ||
Ayaṃ bhikkhave upapatti asādhāraṇā puthujjanehi.|| ||
■
Puna ca paraṃ bhikkhave idh'ekacco puggalo upekkhā-saha-gatena cetasā ekaṃ disaṃ pharitvā viharati.|| ||
Tathā dutiyaṃ||
- tathā tatiyaṃ||
- tathā catutnathiṃ||
- iti uddham-adho tiriyaṃ sabbadhi sabbattatāya sabbā-vantaṃ lokaṃ upekkhā-saha-gatena cetasā vipulena mahaggatena appamāṇena averena akhyāpajjhena pharitvā viharati.|| ||
So yad eva tattha hoti rūpa-gataṃ vedanā-gataṃ saññā-gataṃ saṇkhāra-gataṃ viññāṇa-gataṃ te dhamme aniccato dukkhato rogato gaṇḍato sallato aghato ābādhato parato palokato suññato anattato samanupassati.|| ||
So kāyassa bhedā param maraṇā Suddhāvāsānaṃ devānaṃ-saha-vyataṃ uppajjati.|| ||
Ayaṃ bhikkhave upapatti asādhāraṇā puthujjanehi.|| ||
Ime kho bhikkhave cattāro puggalā santo saṃvijj'amānā lokasmin ti.|| ||
