Aṇguttara Nikāya
Catukka Nipāta
XVII: Paṭipadā Vagga

Sutta 166

Chaṭṭha Paṭipadā Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[154]

[1][pts] EVAṂ ME SUTAṂ.|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

2. Catasso imā bhikkhave paṭipadā.|| ||

Katamā catasso?|| ||

Dukkhā-paṭipadā dandh-ā-bhiññā,||
dukkhā paṭipadā khippābhiññā,||
sukhā paṭipadā dandh-ā-bhiññā,||
sukhā paṭipadā khippābhiññā.|| ||

 

§

 

2. Tatra, bhikkhave, yā'yaṃ paṭipadā dukkhā dandh-ā-bhiññā,||
ayaṃ bhikkhave paṭipadā ubhayen'eva hīnā akkhāyati||
yam pāyaṃ paṭipadā dukkhā,||
iminā payaṃ hīnā akkhāyati||
yam pāyaṃ paṭipadā dandhā,||
iminā payaṃ hīnā akkhāyati.|| ||

Ayaṃ bhikkhave paṭipadā ubhayenen'eva hīnā akkhāyati.|| ||

■

3. Tatra, bhikkhave, yā'yaṃ paṭipadā dukkhā khippābhiññā.|| ||

Ayaṃ bhikkhave paṭipadā dukkhattā hīnā akkhāyati.|| ||

■

4. Tatra, bhikkhave, yā'yaṃ paṭipadā sukhā dandh-ā-bhiññā.|| ||

Ayaṃ bhikkhave paṭipadā dandhattā hīnā akkhāyati.|| ||

■

5. Tatra, bhikkhave, yā'yaṃ paṭipadā sukhā khippābhiññā.|| ||

Ayaṃ bhikkhave paṭipadā ubayen'eva paṇītā akkhāyati,||
yam pāyaṃ paṭipadā sukhā,||
iminā payaṃ paṇitā akkhāyati,||
yam pāyaṃ paṭipadā khippā,||
iminā payaṃ paṇitā akkhāyati.|| ||

Ayaṃ bhikkhave paṭipadā ubhayen'eva paṇītā akkhāyati.|| ||

Imā kho bhikkhave catasso paṭipadā ti.|| ||