Aṇguttara Nikāya
Catukka Nipāta
XIX: Yodhajīva Vagga
Sutta 190
Uposatha Suttaṃ aka Bhikkhu-Saṇghatho-Mana Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati||
Pubbārāme Migāra-māt'upāsāde.|| ||
Tena kho pana samayena Bhagavā tadah'uposathe bhikkhu-saṇgha-parivuto nisinno hoti.|| ||
Atha kho Bhagavā tuṇhībhutaṃ tuṇhībhutaṃ bhikkhu-saṇghaṃ anuviloketvā bhikkhu āmantesi:|| ||
Apalāpā'yaṃ bhikkhave parisā.|| ||
Nippalāpā'yaṃ bhikkhave parisā suddhā sāre pati-ṭ-ṭhitā.|| ||
Tathārūpo ayaṃ bhikkhave bhikkhu-saṇgho.|| ||
Tathārūpā'yaṃ bhikkhave parisā yathā-rūpā parisā dullabhā dassanāya pi lokasmiṃ.|| ||
Tathārūpo ayaṃ bhikkhave bhikkhu-saṇgho.|| ||
Tathārūpā'yaṃ bhikkhave parisā āhuneyyā pāhuṇeyyā dakkhiṇeyyā añjali-karaṇīyo anuttaraṃ puñña-k-khettaṃ lokassa.|| ||
Tathārūpo ayaṃ bhikkhave bhikkhu-saṇgho.|| ||
Tathārūpā'yaṃ bhikkhave parisā yathā-rūpāyaṃ parisā appam pi dinnaṃ bahuṃ hoti,||
bahuṃ dinnaṃ bahutaraṃ.|| ||
Tathārūpo ayaṃ bhikkhave bhikkhu-saṇgho.|| ||
Tathārūpā'yaṃ bhikkhave parisā yathā-rūpaṃ parisaṃ alaṃ yojanagaṇanāni pi dassanāya gantuṃ api puṭaṃsenāpi.|| ||
Tathārūpo ayaṃ bhikkhave bhikkhu-saṇgho.|| ||
[184] Santi bhikkhave bhikkhu imasmiṃ bhikkhu-saṇghe deva-p-pattā viharanti.|| ||
Santi, bhikkhave, bhikkhu imasmiṃ bhikkhu-saṇghe brahma-p-pattā viharanti.|| ||
Santi, bhikkhave, bhikkhu imasmiṃ bhikkhu-saṇghe āneñja-p-pattā viharanti.|| ||
Santi, bhikkhave, bhikkhu imasmiṃ bhikkhu-saṇghe ariya-p-pattā viharanti.|| ||
Kataṃ ca bhikkhave bhikkhu deva-p-patto hoti?|| ||
Idha, bhikkhave, bhikkhu vivicc'eva kāmehi vivicca akusalehi dhamamehi sa-vitakkaṃ sa-vicāraṃ viveka-jaṃ pīti-sukhaṃ paṭhamaṃ jhānaṃ upasampajja viharati.|| ||
Vitakka-vicārānaṃ vupasamā ajjhattaṃ sampasādanaṃ cetaso ekodī-bhāvaṃ avitakkaṃ avicāraṃ samādhi-jaṃ pīti-sukhaṃ dutiyaṃ jhānaṃ upasampajja viharati.|| ||
Pītiyā ca virāgā upekkhako ca viharati||
sato ca sampajāno,||
sukhañ ca kāyena paṭisaṃvedeti yaṃ taṃ ariyā āvikkhanti|| ||
'Upekkhako satimā sukha-vihārī'|| ||
ti tatiyaṃ jhānaṃ upasampajja viharati.|| ||
Sukhassa ca pahānā dukkhassa ca pahānā pubb'eva somanassa-domanassānaṃ attha-gamā adukkha-ṃ-asukhaṃ upekkhā-sati-pārisuddhiṃ catutthaṃ jhānaṃ upasampajja viharati.|| ||
Evaṃ kho bhikkhave bhikkhu deva-p-patto hoti.|| ||
Kathaṃ ca bhikkhave bhikkhu brahma-p-patto hoti?|| ||
Idha, bhikkhave, bhikkhu mettā-saha-gatena cetasā ekaṃ disaṃ pharitvā viharati.|| ||
Tathā dutiyaṃ disaṃ pharitvā viharati.|| ||
Tathā tatiyaṃ disaṃ pharitvā viharati.|| ||
Tathā catutthiṃ disaṃ pharitvā viharati.|| ||
Iti uddham-adho tiriyaṃ sabbadhi sabbattatāya sabbā-vantaṃ lokaṃ mettā-saha-gatena cetasā vipulena mahaggatena appamāṇena averena akhyāpajjhena pharitvā viharati.|| ||
Karuṇā-saha-gatena cetasā vipulena mahaggatena appamāṇena averena akhyapajjhena pharitvā viharati.|| ||
Muditā-saha-gatena cetasā vipulena mahaggatena appamāṇena averena akhyāpajjheta pharitvā viharati.|| ||
Upekkhā-saha-gatena cetasā vipulena mahaggatena appamāṇena averena akhyāpajjheta pharitvā viharati.|| ||
Upekkhā-saha-gatena cetasā ekaṃ disaṃ pharitvā viharati.|| ||
Tathā dutiyaṃ disaṃ paritvā viharati.|| ||
Tathā tatiyaṃ disaṃ pharitvā viharati.|| ||
Tathā catutthiṃ disaṃ paritvā viharati.|| ||
Iti uddham-adho tiriyaṃ sabbadhi sabbattatāya sabbā-vantaṃ lokaṃ upekkhā-saha-gatena cetasā vipulena mahaggatena appamāṇena averena adhyāpajjhena pharitvā viharati.|| ||
Evaṃ kho bhikkhave bhikkhu brahma-p-patto hoti.|| ||
Kathaṃ ca bhikkhave bhikkhu āneñja-p-patto hoti?|| ||
Idha, bhikkhave, bhikkhu sabbaso rūpa-saññānaṃ samatikkamā paṭigha-saññānaṃ attha-gamā nānatta-saññānaṃ amasikārā|| ||
'Anatto ākāso' ti|| ||
Ākāsanañ-c'āyatanaṃ upasampajja viharati.|| ||
Sabbaso Ākāsanañ-c'āyatanaṃ samatikkamma|| ||
'Anantaṃ viññāṇan' ti|| ||
Viññāṇañ-c'āyatanaṃ upasampajja viharati.|| ||
Sabbaso Viññāṇañ-c'āyatanaṃ samatikkamma|| ||
'N'atthi kiñci' ti|| ||
Ākiñcaññ'āyatanaṃ upasampajja viharati.|| ||
Sabbaso Ākiñcaññ'āyatanaṃ samatikkamma N'eva-saññā-nā-saññ'āyatanaṃ upasampajja viharati.|| ||
Evaṃ kho bhikkhave bhikkhu āneñja-p-patto hoti.|| ||
Kathaṃ ca bhikkhave bhikkhu ariya-p-patto hoti?|| ||
Idha, bhikkhave, bhikkhu|| ||
'Idaṃ dukkhan' ti yathā-bhūtaṃ pajānāti.|| ||
'Ayaṃ dukkha-samudayo' ti yathā-bhūtaṃ pajānāti.|| ||
'Ayaṃ dukkha-nirodho' ti yathā-bhūtaṃ pajānāti.|| ||
'Ayaṃ dukkha-nirodha-gāminī paṭipadatā' ti yathā-bhūtaṃ pajānāti.|| ||
Evaṃ kho bhikkhave bhikkhu ariya-p-patto hotī ti.|| ||
Yodhajīva Vagga (Brāhmaṇa Vaggo) Catuttho
