Aṇguttara Nikāya
Catukka Nipāta
XXIV: Kamma Vagga
Sutta 233
Tatiya Kamma Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati.|| ||
Atha kho Sīkhā Moggallāno brāhmaṇo yena Bhagavā ten'upasaṇkami.|| ||
Upasaṇkamitvā Bhagavatā saddhiṃ sammodi.|| ||
Sammodanīyaṃ kathaṃ sārāṇīyaṃ vīti-sāretvā eka-m-antaṃ nisīdi.|| ||
Eka-m-antaṃ nisinno kho Sikhā Moggallāno brāhmaṇo Bhagavantaṃ etad avoca:|| ||
"Purimāni bho Gotama divasāni purimatarāni Soṇa-Kāyano māṇavo yenāhaṃ ten'upasaṇkami.|| ||
Upasaṇkamitvā maṃ etad avoca:|| ||
'Samaṇo Gotamo sabba-kammānaṃ akiriyaṃ paññāpeti||
sabba-kammānaṃ kho pana akiriyaṃ paññā-pento ucchedaṃ āha lokassa||
kamma-sacc'āyaṃ bho loko,||
kamma-samārambhaṭṭhāyī' ti.|| ||
"Dassanam pi kho ahaṃ brāhmaṇa Soṇa-Kāyanassa māṇavassa nābhijānāmi,||
kuto pan'eva-rūpo kathā-sallāpo?|| ||
§
2. Cattār'imāni brāhmaṇa kammāni mayā sayaṃ abhiññā sacchi-katvā paveditāni.|| ||
Katamāni cattāri?|| ||
Atthi brāhmaṇa kammaṃ kaṇhaṃ kaṇha-vipākaṃ.|| ||
Atthi brāhmaṇa kammaṃ sukkaṃ sukka-vipākaṃ.|| ||
Atthi brāhmaṇa kammaṃ kaṇha-sukkaṃ kaṇha-sukka-vipākaṃ.|| ||
[233] Atthi brāhmaṇa kammaṃ akaṇhaṃ asukkaṃ akaṇha-asukka-vipākaṃ kammaṃ kamma-k-khayāya saṃvaṭṭati.|| ||
§
3. Katamañ ca brāhmaṇa kammaṃ kaṇhaṃ kaṇha-vipākaṃ?|| ||
Idha, brāhmaṇa, ekacco||
savyāpajjhaṃ kāya-saṇkhāraṃ abhisaṇkhāroti,||
savyāpajjhaṃ vacī-saṇkhāraṃ abhisaṇkhāroti,||
savyāpajjhaṃ mano-saṇkhāraṃ abhisaṇkhāroti.|| ||
So savyāpajjhaṃ kāya-saṇkhāraṃ abhisaṇkhāritvā||
savyāpajjhaṃ vacī-saṇkhāraṃ abhisaṇkhāritvā||
savyāpajjhaṃ mano-saṇkhāraṃ abhisaṇkhāritvā||
savyāpajjhaṃ lokaṃ uppajjati.|| ||
Tam enaṃ savyāpajjhaṃ lokaṃ upapannaṃ||
samānaṃ savyāpajjhā phassā phusanti.|| ||
So savyāpajjhehi phassehi phuṭṭho||
samāno savyāpajjhaṃ vedanaṃ vediyati ekanta-dukkhaṃ||
seyyathā pi sattā Nerayikā.|| ||
Idaṃ vuccati brāhmaṇa kammaṃ kaṇhaṃ kaṇha-vipākaṃ.|| ||
■
4. Katamañ ca brāhmaṇa kammaṃ sukkaṃ sukka-vipākaṃ?|| ||
Idha, brāhmaṇa, ekacco||
avyāpajjhaṃ kāya-saṇkhāraṃ abhisaṇkhāroti,||
avyāpajjhaṃ vacī-saṇkhāraṃ abhisaṇkhāroti,||
avyāpajjhaṃ mano-saṇkhāraṃ abhisaṇkhāroti.|| ||
So avyāpajjhaṃ kāya-saṇkhāraṃ abhisaṇkhāritvā||
avyāpajjhaṃ vacī-saṇkhāraṃ abhisaṇkhāritvā||
avyāpajjhaṃ mano-saṇkhāraṃ abhisaṃkaritvā||
avyāpajjhaṃ lokaṃ uppajjati.|| ||
Tam enaṃ avyāpajjhaṃ lokaṃ upapannaṃ||
phassā phusanti so akhyāpajjhahi||
samānaṃ avyāpajjhā phassā phusanti.|| ||
So avyāpajjhehi phassehi phuṭṭho||
samāno avyāpajjhaṃ vedanaṃ vediyati ekanta-sukhaṃ||
seyyathā pi devā Subhakiṇṇā.|| ||
Idaṃ vuccati brāhmaṇa kammaṃ sukkaṃ sukka-vipākaṃ.|| ||
■
5. Katamañ ca brāhmaṇa kammaṃ kaṇha-sukkaṃ kaṇha-sukka-vipākaṃ?|| ||
Idha, brāhmaṇa, ekacco||
savyāpajjham pi avyāpajjham pi kāya-saṇkhāraṃ abhisaṇkhāroti,||
savyāpajjham pi avyāpajjham pi vacī-saṇkhāraṃ abhisaṇkhāroti,||
savyāpajjham pi avyāpajjham pi mano-saṇkhāraṃ abhisaṇkhāroti.|| ||
So savyāpajjham pi avyāpajjham pi kāya-saṇkhāraṃ abhisaṇkhāritvā||
savyāpajjham pi avyāpajjham pi vacī-saṇkhāraṃ abhisaṇkhāritvā||
savyāpajjham pi avyāpajjham pi mano-saṇkhāraṃ abhisaṇkhāritvā||
savyāpajjham pi avyāpajjham pi lokaṃ uppajjati.|| ||
Tam enaṃ savyāpajjham pi avyāpajjham pi lokaṃ upapannaṃ||
samānaṃ savyāpajjhā pi avyāpajjhā pi phassā phusanti.|| ||
So savyāpajjhehi pi avyāpajjhehi pi phassehi phuṭṭho||
samāno savyāpajjham pi avyāpajjham pi vedanaṃ vediyati vokiṇṇa-sukha-dukkhaṃ||
seyyathā pi manussā ekacce ca devā ekacce ca vinipātikā.|| ||
Idaṃ vuccati brāhmaṇa kammaṃ kaṇha-sukkaṃ kaṇha-sukka-vipākaṃ.|| ||
■
6. Katamañ ca brāhmaṇa kammaṃ akaṇhaṃ asukkaṃ akaṇha-asukka-vipākaṃ kammaṃ kamma-k-khayāya saṃvaṭṭati?|| ||
Tatra, brāhmaṇa,||
yam idaṃ kammaṃ kaṇhaṃ kaṇha-vipākaṃ tassa pahāṇāya yā cetanā,||
yam p'idaṃ kammaṃ sukkaṃ sukka-vipākaṃ tassa pahāṇāya yā cetanā,||
yam p'idaṃ kammaṃ kaṇha-sukkaṃ kaṇha-sukka-vipākaṃ tassa pahāṇāya yā cetanā,||
idaṃ vuccati brāhmaṇa kammaṃ akaṇhaṃ asukkaṃ akaṇha asukka-vipākaṃ kammaṃ kamma-k-khayāya saṃvaṭṭati.|| ||
Imāni kho brāhmaṇa cattāri kammāni mayā sayaṃ abhiññā sacchi-katvā paveditānī" ti.|| ||
