Aṇguttara Nikāya
Catukka Nipāta
XXVI: Abhiññā Vagga
Sutta 255
Kula Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than][olds] Yāni kānici bhikkhave kulāni||
bhogesu mahantataṃ pattāni||
na cira-ṭ-ṭhitikāni bhavanti,||
sabbāni tāni catūhi ṭhānehi,||
etesaṃ vā aññatarena.
Katamehi catūhi?|| ||
Naṭṭhaṃ na gavesanti,||
jiṇṇaṃ na paṭisaṇkaronti,||
aparimita-pāna-bhojanā ca honti,||
du-s-sīlaṃ itthiṃ vā purisaṃ vā ādhipacce ṭhapenti.|| ||
Yāni kānici bhikkhave kulāni bhogesu mahantataṃ pattāni,||
na cira-ṭ-ṭhitikāni bhavanti,||
sabbāni tāni imehi catūhi ṭhānehi,||
etesaṃ vā aññatarena.|| ||
§
Yāni kānici bhikkhave kulāni bhogesu mahantataṃ pattāni||
cira-ṭ-ṭhitikāni bhavanti||
sabbāni tāni catūhi ṭhānehi,||
etesaṃ vā aññatarena.||
Katamehi catūhi?|| ||
Naṭṭhaṃ gavesanti,||
jiṇṇaṃ paṭisaṇkaronti,||
parimita-pāna-bhojanā honti,||
sīla-vantaṃ itthiṃ vā purisaṃ vā ādhipacce ṭhapenti.|| ||
Yāni kānici bhikkhave kulāni bhogesu mahantataṃ pattāni||
cira-ṭ-ṭhitikāni bhavanti,||
sabbāni tāni imehi catūhi ṭhānehi,||
etesaṃ vā aññatarenā ti.
