Aṇguttara Nikāya
Pañcaka Nipāta
III: Pañc'aṇgika Vagga
Sutta 30
Nāgita Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than][bodh] Evaṃ me sutaṃ:|| ||
Ekaṃ samayaṃ Bhagavā Kosalesu cārikaṃ caramāno mahatā bhikkhu-saṇghena saddhiṃ yena Icchānaṇgalaṃ nāma Kosalānaṃ brāhmaṇa-gāmo tad avasari.|| ||
Tatra sudaṃ Bhagavā Icchānaṇgale viharati Icchānaṇgala-vana-saṇḍe.|| ||
Assosuṃ kho Icchānaṇgalakā brāhmaṇa-gahapatikā:|| ||
"Samaṇo khalu bho Gotamo Sakya-putto Sakya-kulā pabba-jito Icchānaṇgalaṃ anuppatto Icchānaṇgale viharati Icchānaṇgala-vana-saṇḍe.|| ||
Taṃ kho pana bhavantaṃ Gotamaṃ evaṃ kalyāṇo kitti-saddo abbhu-g-gato:|| ||
'Iti pi so Bhagavā arahaṃ Sammā Sambuddho vijjā-caraṇa-sampanno Sugato loka-vidū anuttaro purisa-damma-sārathī Satthā deva-manussānaṃ Buddho Bhagavā' ti.|| ||
So imaṃ lokaṃ sa-devakaṃ sa-Mārakaṃ sa-brahmakaṃ sa-s-samaṇa-brāhmaṇiṃ pajaṃ sa-deva-manussaṃ sayaṃ abhiññā sacci-katvā pavedeti.|| ||
So dhammaṃ deseti ādi-kalyāṇaṃ majjhe kalyāṇaṃ pariyosāna-kalyāṇaṃ sātthaṃ savyañ janaṃ kevala-paripuṇṇaṃ parisuddhaṃ,||
Brahma-cariyaṃ pakāseti.|| ||
Sādhu kho pana tathā-rūpānaṃ arahataṃ dassanaṃ hotī" ti.|| ||
Atha kho Icchānaṇgalakā brāhmaṇa-gahapatikā tassā rattiyā accayena pahūtaṃ khādanīyaṃ bhojanīyaṃ ādāya yena Icchānaṇgala-vana-saṇḍo ten'upasaṇkamiṃsu.|| ||
Upasaṇkamitvā bahi-dvāra-koṭṭhake aṭṭhaṃsu uccā-saddā mahā-saddā.|| ||
[31] 2. Tena kho pana samayen'āyasmā Nāgito Bhagavato upaṭṭhāko hoti.|| ||
Atha kho Bhagavā āyasmantaṃ Nāgitaṃ āmantesi:|| ||
"Ke pan'ete Nāgita uccā-saddā mahā-saddā,||
kevaṭṭā maññe macche vilopen" ti?|| ||
"Ete bhante Icchānaṃgalakā brahmaṇa-gahapatikā pahutaṃ khādanīyaṃ bhojanīyaṃ ādāya bahi-dvāra-koṭṭhake ṭhitā Bhagavantaṃ yeva uddissa bhikkhu-saṇghañ cā" ti.|| ||
"Māhaṃ Nāgita yasena samāgamaṃ,||
mā ca mayā yaso.|| ||
Yo kho Nāgita na-y-imassa nekkhamma-sukhassa paviveka-sukhassa upasama-sukhassa samkhodha-sukhassa nikāma-lābhī assa akiccha-lābhī akasira-lābhī,||
yassāhaṃ nekkhamma-sukhassa paviveka-sukhassa upasama-sukhassa sambodha-sukhassa nikāma-lābhi akiccha-lābhi akasira-lābhi,||
so taṃ mīḷha-sukhaṃ middha-sukhaṃ lābha-sakkāra-siloka-sukhaṃ sādiyeyyā" ti.|| ||
"Adhivāsetu dāni bhanne Bhagavā, adhivāsetu Sugato.|| ||
Adhivāsana-kālo dāni bhante Bhagavato.|| ||
Yena yen'eva dāni bhante Bhagavā gamissati,||
tanninnā'va bhavissanti brāhmaṇa gahapatikā negamā c'eva jāna-padā ca.|| ||
Seyyathā pi bhante thulla-phusitake deve vassante yathāninnaṃ udakāni pavattanti,||
evam eva kho bhante yena yen'eva dāni Bhagavā gamissati,||
tanninnā'va bhavissanti brāhmaṇa-gahapatikā negamā c'eva jāna-padā ca.|| ||
Taṃ kissa hetu?|| ||
Tathāhi bhante Bhagavato sīla-paññāṇan" ti.|| ||
Māhaṃ Nāgita yasena samāgamo,||
mā ca mayā yaso.|| ||
Yo kho Nāgita na-y-imassa nekkhamma-sukhassa paviveka-sukhassa upasama-sukhassa samkhodha-sukhassa nikāma-lābhī assa akiccha-lābhī akasira-lābhī,||
yassāhaṃ nekkhamma-sukhassa paviveka-sukhassa upasama-sukhassa sambodha-sukhassa nikāma-lābhi akiccha-lābhi akasira-lābhi,||
so taṃ mīḷha-sukhaṃ middha-sukhaṃ lābha-sakkāra-siloka-sukhaṃ sādiyeyyā.|| ||
[32] Asita-pīta-khāyita-sāyitassa||
kho Nāgita||
uccāra-passāvo.|| ||
Eso tassa nissando.|| ||
Piyānaṃ||
kho Nāgita||
viparinā-maññathā-bhāvā uppajjanti||
soka-parideva-dukkha-domanass'upāyāsā.|| ||
Eso tassa nissando.|| ||
Asubha-nimittānuyogaṃ anuyuttassa||
kho Nāgita||
subha-nimitte pāṭikkūlyatā saṇṭhāti.|| ||
Eso tassa nissando.|| ||
Chassu||
kho Nāgita||
phass'āyatanesu anicc'ānupassīno viharato||
phasse pāṭi-k-kūlyatā saṇṭhāti.|| ||
Eso tassa nissando.|| ||
Pañcasu||
kho Nāgita||
upādāna-k-khandhesu udaya-b-bayānupassino viharato upādāne||
pāṭi-k-kūlyatā saṇṭhāti.|| ||
Eso tassa nissando" ti.|| ||
Pañc'aṇgika Vagga Tatiya.
