Aṇguttara Nikāya
Pañcaka Nipāta
14. Rāja Vaggo
Sutta 133
Dhamma-Rāja Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
2. "Yo pi kho bhikkhave rājā cakka-vatti Dhammiko Dhamma-rājā,||
so pi na arājakaṃ cakkaṃ pavattetī ti.|| ||
Evaṃ vutte aññataro bhikkhu Bhagavantaṃ etad avoca:|| ||
"Ko pana bhante rañño cakka-vattissa Dhammikassa Dhamma-rañño rājā" ti?|| ||
■
"Dhammo bhikkhū" ti Bhagavā avoca.|| ||
§
"Idha bhikkhu rājā cakka-vatti Dhammiko Dhamma-rājā||
Dhammaṃ yeva nissāya||
Dhammaṃ sak'karonto||
Dhammaṃ garu-karonto||
Dhammaṃ apacāya-māno||
Dhammaddhajo||
Dhamma-ketu||
Dhammādhipateyyo||
Dhamimikaṃ rakkhāvaraṇa-guttiṃ saṃvidahati antojanasmiṃ.|| ||
■
Puna ca paraṃ bhikkhu rājā cakka-vatti Dhammiko Dhamma-rājā||
Dhammaṃ yeva nissāya||
Dhammaṃ sakkaronto||
Dhammaṃ garukaronato||
Dhammaṃ apacāya-māno||
Dhammadadhajo||
Dhamma-ketu||
Dhammādhipateyyo||
Dhammikaṃ rakkhāvaraṇa-guttiṃ saṃvidahati khattiyesu anuyuttesu,||
balakāyasmiṃ,||
brāhmaṇa-gahapatikesu,||
nega-majāna-padesu,||
samaṇa-brāhmaṇesu,||
miga-pakkhisu.|| ||
■
[150] Sa kho so bhikkhu rājā cakka-vatti Dhammiko Dhamma-rājā||
Dhammaṃ yeva nissāya||
Dhammaṃ sakkarontā||
Dhammaṃ garu-karonto||
Dhammaṃ apacāya-māno||
Dhammaddhajo||
Dhamma-ketu||
Dhammādhipateyyo||
Dhammikaṃ||
rakkhāvaraṇa-guttiṃ||
saṃvida-hitvā||
antojanasmiṃ,||
Dhammikaṃ rakkhācaraṇa-guttiṃ saṃvida-hitvā khattiyesu anuyuttesu,||
balakāyasmiṃ,||
brahmaṇa-gahapatikesu nega-majāna-padesu,||
samaṇa-brāhmaṇesu,||
miga-pakkisu,||
Dhammen'eva cakkaṃ pavatteti,||
taṃ hoti cakkaṃ appati-vattiyaṃ kenaci manussa-bhutena pacc'atthi-kena pāṇinā.|| ||
§
Evam eva kho bhikkhu Tathāgato arahaṃ Sammā Sambuddho Dhammiko Dhamma-rājā||
Dhammaṃ yeva nissāya||
Dhammaṃ sakkaronto||
Dhammaṃ garu-karonto||
Dhammaṃ apacāya-māno||
Dhammaddhajo||
Dhamma-ketu||
Dhammādhipateyyo||
Dhammikaṃ rakkhāvaraṇa-guttiṃ saṃvidahati bhikkhusu.|| ||
Eva-rūpaṃ kāya-kammaṃ sevitabbaṃ,||
eva-rūpaṃ kāya-kammaṃ na sevitabbaṃ,||
eva-rūpaṃ vacī-kammaṃ sevitabbaṃ,||
eva-rūpaṃ vacī-kammaṃ na sevitabbaṃ,||
eva-rūpaṃ mano-kammaṃ sevitabbaṃ,||
eva-rūpaṃ mano-kammaṃ na sevitabbaṃ,||
eva-rūpo ājīvo sevitabbo,||
eva-rūpo ājivo na sevitabbo,||
eva-rūpo gāmani-gamo sevitabbo,||
eva-rūpo gāmani-gamo na sevitabbo" ti.|| ||
■
Puna ca paraṃ bhikkhu Tathāgato arahaṃ Sammā Sambuddho dhamimiko Dhamma-rājā||
Dhammaṃ yeva nissāya||
Dhammaṃ sakkaronto||
Dhammaṃ garu-karonto||
Dhammaṃ apacāya-māno||
Dhammaddhajo||
Dhamma-ketu||
Dhammādhipateyyo||
Dhammikaṃ rakkhāvaraṇa-guttiṃ saṃvidahati bhikkhunīsu.|| ||
Eva-rūpaṃ kāya-kammaṃ sevitabbaṃ,||
eva-rūpaṃ kāya-kammaṃ na sevitabbaṃ||
eva-rūpaṃ vacikammaṃ sevitabbaṃ||
eva-rūpaṃ vacikammaṃ na sevibbaṃ||
eva-rūpaṃ mano-kammaṃ sevitabbaṃ,||
eva-rūpaṃ mano-kammaṃ na sevitabbaṃ,||
eva-rūpo ājīvo sevitabbo,||
eva-rūpo ājivo na sevitabbo,||
eva-rūpo gāmani-gamo sevitabbo,||
eva-rūpo gāmani-gamo na sevitabboti.|| ||
■
Puna ca paraṃ bhikkhu Tathāgato arahaṃ Sammā Sambuddho dhamimiko Dhamma-rājā||
Dhammaṃ yeva nissāya||
Dhammaṃ sakkaronto||
Dhammaṃ garu-karonto||
Dhammaṃ apacāya-māno||
Dhammaddhajo||
Dhamma-ketu||
Dhammādhipateyyo||
Dhammikaṃ rakkhāvaraṇa-guttiṃ saṃvidahati upāsakesu.|| ||
Eva-rūpaṃ kāya-kammaṃ sevitabbaṃ,||
eva-rūpaṃ kāya-kammaṃ na sevitabbaṃ||
eva-rūpaṃ vacikammaṃ sevitabbaṃ||
eva-rūpaṃ vacī-kammaṃ na sevitabbaṃ,||
eva-rūpaṃ mano-kammaṃ sevitabbaṃ,||
eva-rūpaṃ mano-kammaṃ na sevitabbaṃ,||
eva-rūpo ājivo sevitabbo,||
eva-rūpo ājivo na sevitabbo,||
eva-rūpo gāmani-gamo sevitabbo,||
eva-rūpo gāmani-gamo na sevitabbo ti.|| ||
■
Puna ca paraṃ bhikkhu Tathāgato arahaṃ Sammā Sambuddho dhamimiko Dhamma-rājā||
Dhammaṃ yeva nissāya||
Dhammaṃ sakkaronto||
Dhammaṃ garu-karonto||
Dhammaṃ apacāya-māno||
Dhammaddhajo||
Dhamma-ketu||
Dhammādhipateyyo||
Dhammikaṃ rakkhāvaraṇa-guttiṃ saṃvidahati upāsikāsu.|| ||
Eva-rūpaṃ kāya-kammaṃ sevitabbaṃ||
eva-rūpaṃ kāya-kammaṃ na sevitatabbaṃ,||
eva-rūpaṃ vacī-kammaṃ sevitabbaṃ,||
eva-rūpaṃ vacī-kammaṃ na sevitabbaṃ,||
eva-rūpaṃ mano-kammaṃ sevitabbaṃ,||
eva-rūpaṃ mano-kammaṃ na sevitabbaṃ,||
eva-rūpo ājivo sevitabbo,||
eva-rūpo ājivo na sevitabbo,||
eva-rūpo gāmani-gamo sevitabbo,||
eva-rūpo gāmani-gamo na sevitabbo" ti.|| ||
■
Sa kho so bhikkhu Tathāgato arahaṃ Sammā Sambuddho [151] Dhammiko Dhamma-rājā||
Dhammaṃ yeva nissāya||
Dhammaṃ sakkaronto||
Dhammaṃ garu-karonto||
Dhammaṃ apacāya-māno||
Dhammaddhajo||
Dhamma-ketu||
Dhammādhipateyyo||
Dhammikaṃ rakkhāvaraṇa-guttiṃ saṃvida-hitvā bhikkhusu,||
Dhammikaṃ rakkhāvaraṇa-guttiṃ saṃvida-hitvā bhikkhunīsu,||
Dhammikaṃ rakkhāvaraṇa-guttiṃ saṃvida-hitvā upāsakesu,||
Dhammikaṃ rakkhāvaraṇa-guttiṃ saṃvida-hitvā upāsikāsu,||
Dhammen'eva anuttaraṃ Dhammcakkaṃ pacatteti,||
taṃ hoti cakkaṃ appati-vattiyaṃ samaṇena vā brāhmaṇena vā devena vā mārena vā brahmunā vā kenaci vā lokasmin ti.|| ||
