Aṇguttara-Nikāya
Pañcaka-Nipāta
Āghāta Vagga

Sutta 169

Khippa-Nisanti Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[201]

[1][pts] Evaṃ me sutaṃ:|| ||

Sāvatthi nidānaṃ|| ||

Atha kho āyasmā Ānando yen'āyasmā Sāriputto ten'upasaṇkami.|| ||

Upasaṇkamitvā āyasmatā Sāriputtena saddhiṃ sammodi.|| ||

Sammodanīyaṃ kathaṃ sārāṇīyaṃ vīti-sāretvā eka-m-antaṃ nisīdi.|| ||

Eka-m-antaṃ nisinno kho āyasmā Ānando āyasmantaṃ Sāriputtaṃ etad avoca:|| ||

2. Kittāvatā nu kho āvuso Sāriputta,||
bhikkhu khippa-nisantī ca hoti||
kusalesu dhammesu,||
suggahitagāhī ca,||
bahuñ ca gaṇhāti,||
gahitaṃ c'assa na pamussatī' ti?|| ||

■

'Āyasmā kho Ānando bahu-s-suto,
paṭibhātu āyasmantaṃ yeva Ānandan' ti.|| ||

'Tena h'āvuso Sāriputta,||
suṇāhi,||
sādhukaṃ mana-sikarohi,||
bhāsissāmī' ti.|| ||

'Evam āvuso' ti kho āyasmā Sāriputto āyasmato Ānandassa paccassosi.|| ||

■

Āyasmā Ānando etad avoca:|| ||

3. 'Idh'āvuso, Sāriputta, bhikkhu attha-kusalo ca hoti||
dhamma-kusalo ca||
nirutti-kusalo ca||
vyañjana-kusalo ca||
pubbāpara-kusalo ca.|| ||

Ettāvatā kho āvuso, Sāriputta,||
bhikkhu khippa-nisantī ca hoti||
kusalesu dhammesu,||
suggahitagāhī ca,||
bahuṃ ca gaṇhāti,||
gahitaṃ c'assa na pamussatī' ti.|| ||

■

4. Acchariyaṃ āvuso,||
abbhutaṃ āvuso,||
yāva su-bhāsitaṃ cidaṃ āyasmatā Ānandena.|| ||

Imehi ca mayaṃ pañcahi dhammehi samannāgataṃ āyasmantaṃ Ānndaṃ dhārema:|| ||

Āyasmā Ānando attha-kusalo||
dhamma-kusalo||
nirutti-kusalo||
vyañjana-kusalo||
pubbāpara-kusalo' ti.|| ||