Aṇguttara Nikāya
Pañcaka Nipāta
XXII. Akkosaka-Vagga

Sutta 212

Bhaṇḍana-Kāraka Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[252]

[1][pts] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

"Yo so bhikkhave bhikkhu bhaṇḍana-kārako||
kalaha-kārako||
vivāda-kārako||
bhassa-kārako||
saṇghe adhikaraṇa-kārako,||
tassa pañca ādīnavā paṭikaṇkhā.|| ||

Katame pañca?|| ||

Anadhigataṃ nādhigacchati,||
adhigataṃ parihāyati,||
pāpako kitti-saddo abbhu-g-gacchati,||
sammūḷho kālaṃ karoti,||
kāyassa bhedā param maraṇā apāyaṃ duggatiṃ vinipātaṃ Nirayaṃ uppajjati.|| ||

Yo so bhikkhave bhikkhu bhaṇḍana-kārako||
kalaha-kārako||
vivāda-kārako||
bhassa-kārako||
saṇghe adhikaraṇa-kārako,||
tassa ime pañca ādīnavā pāṭikaṇkhā" ti.|| ||