Bhoga Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evaṃ me sutaṃ.|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.

Bhagavā etad avoca:|| ||

"Pañc'ime bhikkhave ādinavā bhogesu.|| ||

Katame pañca?|| ||

Aggi-sādhāraṇā bhogā,||
udaka-sādhāraṇā bhogā,||
rāja-sādhāraṇā bhogā,||
cora-sādhāraṇā bhogā,||
appiyehi dāyādehi sādhāraṇā bhogā.|| ||

Ime kho bhikkhave pañca ādīnavā bhogesu.|| ||

Pañc'ime bhikkhave ānisaṃsā bhogesu.|| ||

Katame pañca?|| ||

Bhoge nissāya attāṇaṃ sukheti||
pīṇeti sammā sukhaṃ pariharati;|| ||

■

mātā-pitaro sukheti||
pīṇoti sammā sukhaṃ pariharati;|| ||

■

putta-dāra-dāsa-kamma-kara-porise sukheti||
pīṇeti sammā sukhaṃ pariharati;|| ||

■

mitt-ā-macce sukheti||
pīṇeti sammā sukhaṃ pariharati;|| ||

■

samaṇa-brāhmaṇesu uddhaggikaṃ dakkhiṇaṃ patiṭṭhāpeti sovaggikaṃ sukha-vipākaṃ sagga-saṃvaṭṭa-nikaṃ.|| ||

Ime kho bhikkhave pañca ānisaṃsā bhogesū" ti.|| ||