Aṇguttara-Nikāya
Pañcaka-Nipāta
25. Du-c-carita Vagga
Sutta 246
Apara-Kāya-Du-c-carita Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.
Bhagavā etad avoca:|| ||
"Pañc'ime bhikkhave ādīmavā kāya-du-c-carite.|| ||
Katame pañca?|| ||
2. Attā pi attāṇaṃ upavadati,||
anuvicca viññū gArahanti,||
pāpako kitti-saddo abbhu-g-gacchati,||
Sad'Dhammo vuṭṭhāti,||
asad'dhamme patiṭṭhāti.|| ||
Ime kho bhikkhave pañca ādīnavā kāya-du-c-carite.|| ||
§
3. Pañc'ime bhikkhave ānisaṃsā kāya-sucarite.|| ||
Katame pañca?|| ||
4. Attā pi attāṇaṃ na upavadati,||
anuvicca viññū pasaṃ-santi,||
kalyāṇo kitti-saddo abbhu-g-gacchati,||
asad'dhammo vuṭṭhāti,||
Sad'Dhamme patiṭṭhāti.|| ||
Ime kho bhikkhave pañca ānisaṃsā kāya-sucarite' ti.|| ||
