Aṇguttara Nikāya
Chakka-Nipāta
II: Sārāṇīya-Vagga
Sutta 14
Bhaddaka Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Sāriputto Sāvatthiyaṃ viharati.|| ||
Tatra kho Sāriputto bhikkhu āmantesi:|| ||
"Āvuso bhikkhavo" ti.|| ||
"Āvuso" ti te bhikkhū āyasmato [293] Sāriputtassa paccassosuṃ.|| ||
Āyasmā Sāriputto etad avoca:|| ||
2. "Tathā tathā āvuso bhikkhu vihāraṃ kappeti,||
yathā yathā'ssa vihāraṃ kappayato na bhaddakaṃ maraṇaṃ hoti,||
na bhaddikā kāla-kiriyā.|| ||
3. Kathañ c'āvuso bhikkhu tathā tathā vihāraṃ kappeti,||
yathā yathā'ssa vihāraṃ kappayato,||
na bhaddakaṃ maraṇaṃ hoti,||
na bhaddikā kāla-kiriyā?|| ||
Idh'āvuso bhikkhu kamm'ārāmo hoti||
kamma-rato kamm'ārāmataṃ anuyutto,|| ||
■
bhass'ārāmo hoti||
bhassa-rato bhass-ā-rāmataṃ anuyutto,|| ||
■
nidd-ā-rāmo hoti||
niddā-rato nidd-ā-rāmataṃ anuyutto,|| ||
■
saṇgaṇ'ik-ā-rāmo hoti||
saṇgaṇ'ikā-rato saṇgaṇ'ik-ā-rāmataṃ anuyutto,|| ||
■
saṃsagg'ārāmo hoti||
saṃsagga-rato saṃsagg'ārāmataṃ anuyutto,|| ||
■
papañc'ārāmo hoti||
papañca-rato papañc'ārāmataṃ anuyutetā.|| ||
Evaṃ kho āvuso bhikkhu tathā tathā vihāraṃ kappeti,||
yathā yathā'ssa vihāraṃ kappayato||
na bhaddakaṃ maraṇaṃ hoti||
na bhaddikā kāla-kiriyā.|| ||
Ayaṃ vuccat'āvuso bhikkhū sakkāyābhirato,||
na pahāsi sakkāyaṃ sammā dukkhassa antakiriyāya.|| ||
§
4. Tathā tath'āvuso bhikkhu vihāraṃ kappeti,||
yathā yathā'ssa vihāraṃ kappayato||
bhaddakaṃ maraṇaṃ hoti,||
bhaddikā kāla-kiriyā.|| ||
Kathañ c'āvuso bhikkhu tathā tathā vihāraṃ kappeti,||
yathā yathāssa vihāraṃ kappayato||
bhaddakaṃ maraṇaṃ hoti||
bhaddikā kāla-kiriyā?|| ||
Idh'āvuso bhikkhu na kamm'ārāmo hoti||
na kamma-rato||
na kamm'ārāmataṃ anuyutto,|| ||
■
na bhass'āramo hoti||
na bhassa-rato||
na bhass'āramataṃ anuyutto,|| ||
■
na nidd-ā-rāmo hoti,||
na niddā-rato||
na nidd-ā-rāmataṃ anuyutto,|| ||
■
na saṇgaṇ'ik-ā-rāmo hoti||
na saṇgaṇ'ikā-rato||
na saṇgaṇ'ik-ā-rāmataṃ anuyutto,|| ||
■
na saṃsagg'ārāmo hoti||
na saṃsagga-rato||
na saṃsagg'ārāmataṃ anuyutto,|| ||
■
na papañc'ārāmo hoti||
na papañca-rato||
na papañcār'āmataṃ anuyutto.|| ||
Evaṃ kho āvuso bhikkhu [294] tathā tathāssa vihāraṃ kappeti yathā yathā'ssa vihāraṃ kappayato||
bhaddakaṃ maraṇaṃ hoti||
bhaddikā kāla-kiriyā.|| ||
Ayaṃ vuccat'āvuso bhikkhu Nibbān-ā-bhirato pahāsi sakkāyaṃ sammā-dukkhassa antakiriyāyā" ti.|| ||
Yo papañcaṃ anuyutto papañc-ā-bhirato mago||
Virādhayī so Nibbānaṃ yoga-k-khemaṃ anuttaraṃ.|| ||
Yo ca papañcaṃ hitvāna ni-p-papañca-pade rato||
Ārādhayī so Nibbānaṃ yoga-k-khemaṃ anuttaran ti.|| ||
