Aṇguttara Nikāya
Chakka Nipāta
VI. Mahā Vagga
Sutta 56
Phagguṇa Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati.|| ||
2. Tena kho pana samayen'āyasmā Phagguṇo ābādhiko hoti dukkhito bāḷha-gilāno.|| ||
Atha kho āyasmā Ānando yena Bhagavā ten'upasaṇkami,||
upasaṇkamitvā bhavantaṃ abhivādetvā eka-m-antaṃ nisīdi.|| ||
Eka-m-antaṃ nisinno kho āyasmā Ānando Bhagavantaṃ etad avoca:|| ||
"Āyasmā bhante Phagguṇo ābādhiko dukkhito bāḷha-gilāno,||
sādhū bhante Bhagavā yen'āyasmā Phagguṇo ten'upasaṇkamatu anukampaṃ upādāyā" ti.|| ||
Adhivāsesi Bhagavā tuṇhī-bhāvena.|| ||
Atha kho Bhagavā sāyaṇha-samayaṃ patisallānā vuṭṭhito yen'āyasmā Phagguṇo ten'upasaṇkami.|| ||
Addasā kho āyasmā Phagguṇo Bhagavantaṃ dūrato va āga-c-chantaṃ,||
disvāna mañcake samañco pi.|| ||
Atha kho Bhagavā āyasmantaṃ Phagguṇaṃ etad avoca:|| ||
"Alaṃ Phagguṇa,||
mā tvaṃ mañcake samañco pi.|| ||
San'imāni āsanāni pure paññattāni,||
tatth-ā-haṃ nisidissāmi" ti.|| ||
Nisidi Bhagavā paññatte āsane.|| ||
Nisajja kho Bhagavā āyasmantaṃ Phagguṇaṃ etad avoca:|| ||
"Kacci te Phagguṇa khamanīyaṃ,||
kacci yāpanīyaṃ,||
kacci dukkhā vedanā paṭi-k-kamanti,||
no abhi-k-kamanti,||
paṭikkamosānaṃ paññāyati,||
no abhi-k-kamo" ti?|| ||
"Na me bhante khamanīyaṃ,||
na yāpanīyaṃ,||
bāḷhā me dukkhā vedanā abhi-k-kamanti,||
no paṭi-k-kamantī,||
abhi-k-kam'osānaṃ paññāyati,||
no paṭikkamo.|| ||
Seyyathā pi bhante,||
balavā puriso tiṇhena sikharena muddhānaṃ abhimattheyya,||
evam eva kho me bhante,||
adhimattā vātā mud- [380] dhānaṃ hananti,||
na me bhante khamanīyaṃ,||
na yāpanīyaṃ,||
bāḷhā me dukkhā vedanā abhi-k-kamanti,||
no paṭi-k-kamanti,||
abhi-k-kam'osānaṃ paññāyati,||
no paṭikkamo.|| ||
Seyyathā pi bhante||
balavā puriso daḷhena varatta-bandhena sīse sīsa-veṭhanaṃ dadeyya,||
evam eva kho me bhante,||
adhimattā sīse sīsa vdenā,||
na me bhante khamanīyaṃ,||
na yāpanīyaṃ,||
bāḷhā me dukkhā vedanā abhi-k-kamanti,||
no paṭi-k-kamanti,||
abhi-k-kam'osānaṃ paññāyati,||
no paṭikkamo.|| ||
Seyyathā pi bhante,||
dakkho go-ghātako vā go-ghātak'antevāsi vā tiṇhena govikantanena kucchiṃ parikanteyya,||
evam eva kho me bhante,||
adhimattā vātā kucchiṃ parikantanti,||
na me bhante khamanīyaṃ,||
na yāpanīyaṃ,||
bāḷhā me dukkhā vedanā abhi-k-kamanti,||
no paṭi-k-kamanti,||
abhi-k-kam'osānaṃ paññāyati,||
no paṭikkamo.|| ||
Seyyathā pi bhante,||
dvi balavanto purisā dubbalataraṃ purisaṃ nānā-bāhāsu gahetvā aṇg'ārakāsuyā santāpeyyuṃ paritāpeyyuṃ,||
evam eva kho me bhante,||
adhimatto kāyasmiṃ ḍāho,||
na me bhante khamanīyaṃ,||
na yāpanīyaṃ,||
bāḷhā me dukkhā vedanā abhi-k-kamanti,||
no paṭi-k-kamanti,||
abhi-k-kam'osānaṃ paññāyati,||
no paṭikkamo" ti.|| ||
Atha kho Bhagavā āyasmantaṃ Phagguṇaṃ dhammiyā kathāya sanda-s-setvā samāda-petvā samutte-chetvā sampahaṃ-setvā uṭṭhāy āsanā pakkāmi.|| ||
2. Atha kho āyasmā Phagguṇo acira-pakkantassa Bhagavato kālamakāsi.|| ||
Tamhi c'assa samaye maraṇa-kāle indriyāni vippasidiṃsu.|| ||
Atha kho āyasmā Ānando yena [381] Bhagavā ten'upasaṇkami.|| ||
Upasaṇkamitvā Bhagavantaṃ abhivādetvā eka-m-antaṃ nisīdi.|| ||
Eka-m-antaṃ nisinno kho āyasmā Ānando Bhagavantaṃ etad avoca:|| ||
"Āyasmā bhante Phagguṇo acira-pakkantassa Bhagavato kālamakāsi.|| ||
Tamhi c'assa samaye maraṇa-kāle indriyāni vippasidiṃsū" ti.|| ||
"Kiṃ h'Ānanda Phagguṇassa bhikkhuno indriyāni nappasīdissanti?|| ||
Phagguṇassa Ānanda bhikkhuno pañcahi oramhāgiyehi saṃyojanehi cittaṃ avimuttaṃ ahosi.|| ||
Tassa taṃ Dhamma-desanaṃ sutvā pañcahi oramhāgiyehi saṃyojanehi cittaṃ vimuttaṃ.|| ||
Cha yime Ānanda ānisaṃsā kālena Dhamma-savaṇe,||
kālena atth'upapari-k-khāya.|| ||
Katame cha?|| ||
3. Idh'Ānanda bhikkhuno pañcahi oramhāgiyehi saṃyojanehi cittaṃ avimuttaṃ hoti.|| ||
So tamhi samaye maraṇa-kāle labhati Tathāgataṃ dassanāya.|| ||
Tassa Tathāgato dhammaṃ deseti:||
ādi-kalyāṇaṃ||
majjhe-kalyāṇaṃ||
pariyosāna-kalyāṇaṃ||
sātthaṃ savyañ janaṃ kevala-paripuṇṇaṃ parisuddhaṃ,||
Brahma-cariyaṃ pakāseti.|| ||
Tassa taṃ Dhamma-desanaṃ sutvā pañcahi oramhāgiyehi saṃyojanehi cittaṃ vimuccati.|| ||
Ayaṃ Ānanda paṭhamo ānisaṃso kālena Dhamma-savaṇe.|| ||
■
4. Puna ca paraṃ Ānanda bhikkhuno pañcahi oramhāgiyehi saṃyojanehi cittaṃ avimuttaṃ hoti.|| ||
So tamhi saye maraṇa-kāle na h'eva kho labhati Tathāgataṃ dassanāya,||
api ca kho Tathāgata-sāvakaṃ labhati dassanāya.|| ||
Tassa Tathāgata-sāvako dhammaṃ deseti:||
ādi-kalyāṇaṃ||
majjhe-kalyāṇaṃ||
pariyosāna-kalyāṇaṃ||
sātthaṃ savyañ janaṃ kevala-paripuṇṇaṃ parisuddhaṃ,||
Brahma-cariyaṃ pakāseti.|| ||
Tassa taṃ dhammadenaṃ sutvā pañcahi oramhāgiyehi saṃyojanehi cittaṃ vimuccati.|| ||
Ayaṃ Ānanda dutiyo ānisaṃso kālena Dhamma-savaṇe.|| ||
■
5. Puna ca paraṃ Ānanda bhikkhuno pañcahi oram- [382] hāgiyehi saṃyojanehi cittaṃ avimuttaṃ hoti.|| ||
So tamhi samaye maraṇa-kāle na h'eva kho labhati Tathāgataṃ dassanāya,||
na pi Tathāgata-sāvakaṃ labhati dassanāya,||
api ca kho yathā-sutaṃ yathā-pariyattaṃ dhammaṃ cetasā anuvitakketi,||
anuvicāreti,||
manas-ā-nupekkhati.|| ||
Tassa yathā-sutaṃ yathā-pariyattaṃ dhammaṃ cetasā anuvitakkayato||
anuvicārayato||
manas-ā-nupekkhato||
pañcahi oramhāgiyehi saṃyojanehi cittaṃ vimuccati.|| ||
Ayaṃ Ānanda tatiyo ānisaṃso kālena Dhamma-savaṇe kālena atth'ūpapari-k-khāya.|| ||
■
6. Idh'Ānanda bhikkhuno pañcahi oramhāgiyehi saṃyojanehi cittaṃ vimuttaṃ hoti,||
anuttare ca kho upadhi-saṇkhaye cittaṃ avimuttaṃ hoti.|| ||
So tamhi samaye maraṇa-kāle labhati Tathāgataṃ dassanāya.|| ||
Tassa Tathāgato dhamma deseti:||
ādi-kalyāṇaṃ||
majjhe-kalyāṇaṃ||
pariyosāna-kalyāṇaṃ||
sātthaṃ savyañ janaṃ kevala-paripuṇṇaṃ parisuddhaṃ,||
Brahma-cariyaṃ pakāseti.|| ||
Tassa taṃ Dhamma-desanaṃ sutvā anuttare kho upadhi-saṇkhaye cittaṃ vimuccati.|| ||
Ayaṃ Ānanda catuttho ānisaṃso kālena Dhamma-savaṇe.|| ||
■
7. Puna ca paraṃ Ānanda bhikkhuno pañcahi oramhāgiyehi saṃyojanehi cittaṃ vimuttaṃ hoti||
anuttare ca kho upadhi-saṇkhaye cittaṃ avimuttaṃ hoti.|| ||
So tamhi samayehi maraṇa-kāle na h'eva kho labhati Tathāgataṃ dassanāya,||
api ca kho Tathāgata-sāvakaṃ labhati dassanāya.|| ||
Tassa Tathāgata sāvako dhammaṃ deseti:||
ādi-kalyāṇaṃ||
majjhe-kalyāṇaṃ||
pariyosāna-kalyāṇaṃ||
sātthaṃ savyañ janaṃ kevala-paripuṇṇaṃ parisuddhaṃ,||
Brahma-cariyaṃ pakāseti.|| ||
Tassa taṃ Dhamma-desanaṃ sutvā anuttare upadhi-saṇkhaye cittaṃ vimuccati.|| ||
Ayaṃ Ānanda pañcamo ānisaṃso kālena Dhamma-savaṇe.|| ||
■
8. Puna ca paraṃ Ānanda bhikkhuno pañcahi oramhāgiyehi sayojanehi cittaṃ vimuttaṃ hoti,||
anut- [383] tare ca kho upadhi-saṇkhaye cittaṃ avimuttaṃ hoti.|| ||
So tamhi samaye maraṇa-kāle na h'eva kho labhati Tathāgataṃ dassanāya,||
na pi Tathāgata-sāvakaṃ labhati dassanāya,||
api ca kho yathā-sutaṃ yathā-pariyattaṃ dhammaṃ cetasā||
anuvitakketi||
anuvicāreti||
manas-ā-nupekkhati.|| ||
Tassa yathā-sutaṃ yathā-pariyattaṃ dhammaṃ cetasā||
anuvitakkayato||
anuvicārayato||
manas-ā-nupekkhato||
anuttare upadhi-saṇkhaye cittaṃ vimuccatī.|| ||
Ayaṃ Ānanda chaṭṭo ānisaṃso kālena Dhamma-savaṇe kālena atth'upapari-k-khāya.|| ||
Ime kho Ānanda cha ānisaṃsā kālena Dhamma-savaṇe kālena atth'upapari-k-khāyā" ti.
