Aṇguttara Nikāya
Chakka Nipāta
VI. Mahā Vagga
Sutta 61
Majjhe Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Bārāṇasiyaṃ viharati Isipatane Migadāye.|| ||
Tena kho pana samayena sambahulānaṃ therānaṃ bhikkhunaṃ pacchā-bhattaṃ piṇḍa-pāta-paṭikkantānaṃ maṇḍala-māle sanni-sinnānaṃ sanni-patitānaṃ ayam antarā-kathā udapādi:|| ||
"Vuttam idaṃ āvuso Bhagavatā pārāyane Metteyya-pañhe:|| ||
"Yo ubh'ante vidit'vāna majjhe mantā na limpati,||
taṃ brūmi mahā puriso ti, so'dha sibbanim accagā" ti|| ||
Katamo nu kho āvuso eko anto,||
katamo dutiyo anto,||
kiṃ majjhe,
kā sibbanī ti?|| ||
§
[2][pts][olds][than] Evaṃ vutte aññataro bhikkhu there bhikkhū etad avoca:|| ||
"Phasso kho āvuso eko anto,||
phassa-samudayo dutiyo [400] anto,||
phassa-nirodho majjhe,||
taṇhā sibbanī.|| ||
Taṇhā hī naṃ sibbati tassa tass'eva bhavassa abhinip-phattiyā.|| ||
Ettāvatā kho avuso bhikkhu abhiññeyyaṃ abhijānāti,||
pariññeyyaṃ parijānāti.|| ||
Abhiññeyyaṃ abhijānanto pariññeyyaṃ parijānanto diṭṭhe'va dhamme dukkhassa antakaro hotī," ti.|| ||
■
[3][pts][olds] Evaṃ vutte aññataro bhikkhu there bhikkhū etad avoca:|| ||
"Atītaṃ kho āvuso eko anto,||
anāgataṃ dutiyo anto,||
pacc'uppannaṃ majjhe,||
taṇhā sibbanī.|| ||
Taṇhā hī naṃ sibbati tassa tass'eva bhavassa abhinip-phattiyā.|| ||
Ettāvatā kho avuso bhikkhu abhiññeyyaṃ abhijānāti,||
pariññeyyaṃ parijānāti.|| ||
Abhiññeyyaṃ abhijānanto pariññeyyaṃ parijānanto diṭṭhe'va dhamme dukkhassa antakaro hotī," ti.|| ||
■
[4][pts][olds] Evaṃ vutte aññataro bhikkhu there bhikkhū etad avoca:|| ||
"Sukhā kho āvuso vedanā eko anto,||
dukkhā vedanā dutiyo anto,||
adukkha-m-asukhā vedanā majjhe,||
taṇhā sibbanī.|| ||
Taṇhā hī naṃ sibbati tassa tass'eva bhavassa abhinip-phattiyā.|| ||
Ettāvatā kho avuso bhikkhu abhiññeyyaṃ abhijānāti,||
pariññeyyaṃ parijānāti.|| ||
Abhiññeyyaṃ abhijānanto pariññeyyaṃ parijānanto diṭṭhe'va dhamme dukkhassa antakaro hotī," ti.|| ||
■
[5][pts][olds] Evaṃ vutte aññataro bhikkhu there bhikkhū etad avoca:|| ||
"Nāmaṃ kho āvuso eko anto,||
rūpaṃ dutiyo anto,||
viññāṇaṃ majjhe,||
taṇhā sibbanī.|| ||
Taṇhā hī naṃ sibbati tassa tass'eva bhavassa abhinip-phattiyā.|| ||
Ettāvatā kho avuso bhikkhu abhiññeyyaṃ abhijānāti,||
pariññeyyaṃ parijānāti.|| ||
Abhiññeyyaṃ abhijānanto pariññeyyaṃ parijānanto diṭṭhe'va dhamme dukkhassa antakaro hotī," ti.|| ||
■
[6][pts][olds] Evaṃ vutte aññataro bhikkha) there bikku etavoca:|| ||
"Cha kho āvuso ajjhattikāni āyatanāni eko anto,||
bāhirāni āyatanāni dutiyo anto,||
viññāṇaṃ majjhe,||
taṇhā sibbanī.|| ||
Taṇhā hī naṃ sibbati tassa tass'eva bhavassa abhinip-phattiyā.|| ||
Ettāvatā kho avuso bhikkhu abhiñ- [401] ñeyyaṃ abhijānāti,||
pariññeyyaṃ parijānāti.|| ||
Abhiññeyyaṃ abhijānanto pariññeyyaṃ parijānanto diṭṭhe'va dhamme dukkhassa antakaro hotī," ti.|| ||
■
[7][pts][olds] Evaṃ vutte aññataro bhikkhu there bhikkhū etad avoca:|| ||
"Sakkāyo kho āvuso eko anto,||
sakkāya-samudayo dutiyo anto,||
sakkāya-nirodho majjhe,||
taṇhā sibbanī.|| ||
Taṇhā hī naṃ sibbati tassa tass'eva bhavassa abhinip-phattiyā.|| ||
Ettāvatā kho avuso bhikkhu abhiññeyyaṃ abhijānāti,||
pariññeyyaṃ parijānāti.|| ||
Abhiññeyyaṃ abhijānanto pariññeyyaṃ parijānanto diṭṭhe'va dhamme dukkhassa antakaro hotī," ti.|| ||
■
[8][pts][olds] Evaṃ vutte aññataro bhikkhu there bhikkhū etad avoca:|| ||
"Vyākataṃ kho āvuso amhesi sabbeh'eva yathā-sakaṃ paṭihānaṃ.|| ||
Āyām-āvuso yena Bhagavā ten'upasaṇkamissāma,||
upasaṇkamitvā Bhagavato etam atthaṃ āroce-s-sāma.|| ||
Yathā no Bhagavā vyākarissati,||
tathā naṃ dhāressāmā" ti.|| ||
'Evam āvuso' ti kho therā bhikkhū tassa bhikkhuno paccassosuṃ.|| ||
§
Atha kho therā bhikkhū yena Bhagavā ten'upasaṇkamiṃsu, upasaṇkamitvā Bhagavantaṃ abhivādetvā eka-m-antaṃ nisidiṃsu.|| ||
Eka-m-antaṃ nisinnā kho therā bhikkhu yāvatako ahosi sabbeh'eva saddhiṃ kathā-sallāpo,||
taṃ sabbaṃ Bhagavato ārocesuṃ:|| ||
'Kassa nu kho bhante su-bhāsitan' ti?|| ||
'Sabbesaṃ vo bhikkhave su-bhāsitaṃ pariyāyena,||
api ca yaṃ mayā sandhāya bhāsitaṃ pārāyane Mettayya-pañhe:|| ||
"Yo ubh'ante vidit'vāna majjhe mantā na lippati,||
taṃ brūmi mahā puriso ti, so'dha sibbanim accagā" ti|| ||
Taṃ suṇātha,||
sādhukaṃ manasi-karotha,||
bhāsissāmi' ti.|| ||
'Evaṃ bhante' ti kho therā bhikkhū Bhagavato paccassosuṃ.|| ||
Bhagavā etada voca:|| ||
Phasso kho bhikkhave eko [402] anto,||
phassa-samudayo dutiyo anto,||
phassa-nirodho majjhe,||
taṇhā sibbanī.|| ||
Taṇhā hī naṃ sibbati tassa tass'eva bhavassa abhinip-phattiyā.|| ||
Ettāvatā kho avuso bhikkhu abhiññeyyaṃ abhijānāti,||
pariññeyyaṃ parijānāti.|| ||
Abhiññeyyaṃ abhijānanto pariññeyyaṃ parijānanto diṭṭhe'va dhamme dukkhassa antakaro hotī,' ti.|| ||
