Aṇguttara Nikāya
VI. Aṭṭhaka Nipāta
VI. Gotamī Vagga
Sutta 51
Gotamī Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sakkesu viharati Kapilavatthusmiṃ Nīgrodhārāme.|| ||
Atha kho Mahā-Pajāpatī Gotamī yena Bhagavā ten'upasaṇkami,||
upasaṇkamitvā Bhagavantaṃ abhivādetvā eka-m-antaṃ aṭṭhāsi.|| ||
Eka-m-antaṃ ṭhitā kho Mahā-Pajāpatī Gotamī Bhagavantaṃ etad avoca:|| ||
'Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaṃ pabbajjan' ti.|| ||
'Alaṃ Gotamī, mā te rucci mātu-gāmassa Tathāgata-p-pavedite Dhamma-Vinaye agārasma anagāriyaṃ pabbajjā' ti.|| ||
■
2. Dutiyam pi kho Mahā-Pajāpatī Gotama Bhagavantaṃ etad avoca:|| ||
'Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaṃ pabbajjan' ti.|| ||
'Alaṃ Gotami, mā te rucci mātu-gāmassa Tathāgata-p-pavedite Dhamma-Vinaye agārasmā anagāriyaṃ pabbajjā' ti.|| ||
■
3. Tatiyam pi kho Mahā-Pajāpatī Gotamī Bhagavantaṃ etad avoca:|| ||
'Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaṃ pabbajjan' ti.
Alaṃ Gotami, mā te rucci mātu-gāmassa Tathāgata-p-pavedite Dhamma-Vinaye agārasmā anagāriyaṃ pabbajjā' ti.|| ||
■
Atha kho Mahā-Pajāpatī Gotamī 'na Bhagavā anujānāti mātu-gāmassa Tathāgata-p-pavedite Dhamma-Vinaye agārasmā anagāriyaṃ pabbajjan' ti dukkhi dummanā assumukhī rudamānā Bhagavantaṃ abhivādetvā padakkhiṇaṃ katvā pakkāmi.|| ||
§
4. Atha kho Bhagavā Kapilavatthusmiṃ yath-ā-bhirantaṃ viharitvā yena Vesālī tena cārikaṃ pakkāmi.|| ||
Anupubbena cārikaṃ caramāno yena Vesālī tad avasari.|| ||
Tatra sudaṃ Bhagavā Vesālīyaṃ viharati Mahāvane Kūṭāgāra-sālāyaṃ.|| ||
Atha kho Mahā-Pajāpatī Gotamī keke chedapetvā kāsāyāni vatthāni acchādetvā sambahulābhi Sākiyānīhi saddhiṃ yena [275] Vesālī tena pakkāmi.|| ||
Anupubbena yena Vesālī Mahāvane Kūṭāgārasālaṃ ten'upasaṇkami.|| ||
Atha kho Mahā-Pajāpatī Gotamī sunehi pādehi rajokiṇṇena gattena dukkhī dummanā assumukhī rudamānā bahi dvāra-koṭṭhake aṭṭhāsi.|| ||
■
Addasā kho āyasmā Ānando Mahā-Pajāpatiṃ Gotamiṃ sunehi pādehi rajokiṇṇena gattena dukkhiṃ dummanaṃ assumikhiṃ rudamānaṃ bahi dvāra-koṭṭhake ṭhitaṃ,||
disvā Mahā-Pajāpatiṃ Gotamiṃ etad avoca:|| ||
'Kin nu tvaṃ Gotami, sunehi pādehi rajokiṇṇena gattena dukkhī dummanā assumukhī rudamānā bahi dvāra-koṭṭhake ṭhita' ti?
■
'Tathā hi pana bhante Ānanda, Bhagavā na anujānāti mātu-gāmassa Tathāgata-p-pavedite Dhamma-Vinaye agārasmā anagāriyaṃ pabbajjan' ti.
■
'Tena hi Gotamī, idh'eva tāva hohi, yāvāhaṃ Bhagavantaṃ yācāmi mātu-gāmassa Tathāgata-p-pavedite Dhamma-Vinaye agārasmā anagāriyaṃ pabbajjan' ti.|| ||
■
5. Atha kho āyasmā Ānando yena Bhagavā ten'upasaṇkami,||
upasaṇkamitvā Bhagavantaṃ abhivādetvā eka-m-antaṃ nisīdi.|| ||
Eka-m-antaṃ nisinno kho āyasmā Ānando Bhagavantaṃ etad avoca:|| ||
'Esā bhante, Mahā-Pajāpatī Gotamī sunehi pādehi rajokiṇṇena gattena dukkhī dummanā assumukhī rudamānā bahi dvāra-koṭṭhake ṭhitā,||
'na Bhagavā anujānāti mātu-gāmassa Tathāgata-p-pavedite Dhamma-Vinaye agārasmā anagāriyaṃ pabbajjan' ti.|| ||
'Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaṃ pabbajjan'ti.|| ||
Alaṃ Ānanda, mā te rucci mātu-gāmassa Tathāgata-p-pavedite Dhamma-Vinaye agārasmā anagāriyaṃ pabbajjā' ti.|| ||
■
Dutiyam pi kho āyasmā Ānando Bhagavantaṃ etad avoca:|| ||
'Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaṃ pabbajjan' ti.
'Alaṃ Ānanda, mā te rucci mātu-gāmassa Tathāgata-p-pavedite Dhamma-Vinaye agārasmā anagāriyaṃ pabbajjā' ti.|| ||
■
Tatiyam pi kho āyasmā Ānando Bhagavantaṃ etad avoca:|| ||
'Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaṃ pabbajjan' ti.|| ||
'Alaṃ Ānanda, māte rucci mātu-gāmassa Tathāgata-p-pavedite dhamma vinaye agārasmā anagāriyaṃ pabbajjan' ti.|| ||
■
[276] 6. Atha kho āyasmato Ānandassa etad ahosi:|| ||
'Na Bhagavā anujānāti mātu-gāmassa Tathāgata-p-pavedite Dhamma-Vinaye agārasmā anagāriyaṃ pabbajjaṃ.|| ||
Yan nūnn-ā-haṃ aññena pi pariyāyena Bhagavantaṃ yāceyyaṃ mātu-gāmassa Tathāgata-p-pavedite Dhamma-Vinaye agārasmā anagāriyaṃ pabbajjan' ti.|| ||
■
Atha kho āyasmā Ānando Bhagavantaṃ etad avoca:|| ||
'Bhabbo nu kho bhante, mātu-gāmo Tathāgata-p-pavedite Dhamma-Vinaye agārasmā anagāriyaṃ pabba-jitvā||
Sot'āpatti-phalaṃ vā||
Sakad-āgāmi-phalaṃ vā||
Anāgāmi-phalaṃ vā||
Arahatta-phalaṃ vā sacchi-kātun' ti?|| ||
■
'Bhabbo Ānanda mātu-gāmo Tathāgata-p-pavedite Dhamma-Vinaye agārasmā anagāriyaṃ pabba-jitvā||
Sot'āpatti-phalam pi||
Sakad-āgāmi-phalam pi||
Anāgāmi-phalam pi||
Arahatta-phalam pi sacchi-kātun' ti.|| ||
'Sace bhante, bhabbo mātu-gāmo Tathāgata-p-pavedite Dhamma-Vinaye agārasmā anagāriyaṃ pabba-jitvā||
Sot'āpatti-phalam pi||
Sakad-āgāmi-phalam pi||
Anāgāmi-phalam pi||
Arahatta-phalam pi||
Arahatta-phalam pi sacchi-kātuṃ,||
bahu-pakārā Bhante, Mahā-Pajāpatī Gotamī Bhagavato mātucchā āpādikā posikā,||
Bhagavantaṃ janettiyā kāla-katāya thaññaṃ pāyesi.
Sādhu bhante, labheyya mātu-gāmo Tathāgata-p-pavedite Dhamma-Vinaye agārasmā anagāriyaṃ pabbajjan' ti.|| ||
§
7. 'Sace Ānanda, Mahā-Pajāpatī Gotamī aṭṭha garu-dhamme patigaṇhāti,||
sā'v'assā hotu upasampadā.|| ||
■
#1. "Vassa-sat'upasampannāya bhikkhuniyā tadah'upasampannassa bhikkhuno abhivādanṃ pacc'u'ṭ-ṭhānaṃ añjali-kammaṃ sāmīci-kammaṃ kattabbaṃ.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#2. Na bhikkhuniyā abhikkhuke āvāse vassaṃ upagantabbaṃ.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#3. Anvaddhamāsaṃ bhikkhuniyā bhikkhu-saṇghato uposatha pucchakañ ca ovad'ūpasaṇkamanañ [277] ca pariyesitabbaṃ.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#4. Vassaṃ vutthāya bhikkhuniyā ubhato saṇghe tīhi ṭhānehi pavāretabbā:||
diṭṭhena sutena parisaṇkāya.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#5. Garudhammaṃ ajjhāpannāya bhikkhuniyā ubhato saṇghe pakkha-mānattaṃ caritabbaṃ.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#6. Dve vassāni chasu dhammesu sikhkhita-sikkhāya sikkhamānāya ubhato saṇghe upasampadā pariyesitabbā.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#7. Na kenaci pariyāyena bhikkhuniyā bhikkhū akkositabbo paribhāsitabbo.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#8. Ajja-t-agge Ānanda, ovaṭo bhikkhunīnaṃ bhikkhūsu vacana-patho, anovaṭo bhikkhūnaṃ bhikkhunīsu vacana-patho.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
Sace Ānanda, Mahā-Pajāpatī Gotamī ime aṭṭha garu-dhamme patigaṇhāti,||
sā'v'assā hotu upasampadā' ti.|| ||
§
8. Atha kho āyasmā Ānando Bhagavato santike ime aṭṭha garu-dhamme uggahetvā yena Mahā-Pajāpatī Gotamī ten'upasaṇkami.|| ||
Upasaṇkamitvā Mahā-Pajāpatiṃ Gotamiṃ etad avoca:|| ||
'Sace kho tvaṃ Gotami, aṭṭha garu-dhamme patigaṇheyyāsi,||
sā'va te bhavissati upasampadā.
■
#1. "Vassa-sat'upasampannāya bhikkhuniyā tadah'upasampannassa bhikkhuno abhivādanṃ pacc'u'ṭ-ṭhānaṃ añjali-kammaṃ sāmīci-kammaṃ kattabbaṃ.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#2. Na bhikkhuniyā abhikkhuke āvāse vassaṃ upagantabbaṃ.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#3. Anvaddhamāsaṃ bhikkhuniyā bhikkhu-saṇghato uposatha pucchakañ ca ovad'ūpasaṇkamanañ ca pariyesitabbaṃ.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#4. Vassaṃ vutthāya bhikkhuniyā ubhato saṇghe tīhi ṭhānehi pavāretabbā:||
diṭṭhena sutena parisaṇkāya.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#5. Garudhammaṃ ajjhāpannāya bhikkhuniyā ubhato saṇghe pakkha-mānattaṃ caritabbaṃ.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#6. Dve vassāni chasu dhammesu sikhkhita-sikkhāya sikkhamānāya ubhato saṇghe upasampadā pariyesitabbā.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#7. Na kenaci pariyāyena bhikkhuniyā bhikkhū akkositabbo paribhāsitabbo.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
#8. Ajja-t-agge, ovaṭo bhikkhunīnaṃ bhikkhūsu vacana-patho,||
[278] anovaṭo bhikkhūnaṃ bhikkhunīsu vacana-patho.|| ||
Ayam pi dhammo sakkatvā garukatvā mānetvā pūchetvā yāva-jīvaṃ anati-k-kamanīyo.|| ||
■
Sace ko tvaṃ Gotamī, ime aṭṭha garu-dhamme patigaṇhayyāsi,||
sāva te bhavissati upasampadā' ti.|| ||
§
'Seyyathā pi bhante Ānanda, itthi vā puriso vā daharo yuvā manḍanaka-jātiko sīsaṃ nahāto uppalamālaṃ vā vassikamālaṃ vā atimuttakamālaṃ vā lahitvā ubhohi hatthehi paṭiggahetvā uttamaṇge sirasmiṃ patiṭṭhāpeyya.|| ||
Evam eva kho ahaṃ bhante, ime aṭṭha garu-dhamme patigaṇhissāmi yāva-jīvaṃ anati-k-kamanīye' ti.|| ||
■
9. Atha kho āyasmā Ānando yena Bhagavā ten'upasaṇkami,||
upasaṇkamitvā Bhagavantaṃ abhivādetvā eka-m-antaṃ nisīdi,||
eka-m-antaṃ nisinno kho āyasmā Ānando Bhagavantaṃ etad avoca:|| ||
'Paṭiggahītā bhante, Mahā-Pajāpatiyā Gotamiyā aṭṭha garu-dhammā yāva-jīvaṃ anati-k-kamanīyā' ti.|| ||
■
'Sace Ānanda, nālabhissa mātu-gāmo Tathāgata-p-pavedite Dhamma-Vinaye agārasmā anagāriyaṃ pabbajjaṃ,||
cira-ṭ-ṭhitikaṃ Ānanda, Brahma-cariyaṃ abhavissa,||
vassa-sahassam eva Sad'Dhammo tiṭṭheyya.|| ||
Yato ca kho Ānanda, mātu-gāmo Tathāgata-p-pavedite Dhamma-Vinaye agārasmā anagāriyaṃ pabba-jito,||
na dāni Ānanda, Brahma-cariyaṃ cira-ṭ-ṭhitikaṃ bhavissati,||
pañc'eva dāni Ānanda, vassa-satāni Sad'Dhammo ṭhassati.|| ||
■
Seyyathā pi Ānanda, yāni kānici kulāni bahukitthikāni appurisakāni,||
tāni suppadhaṃsiyāni honti corehi kumbhatthenakehi.|| ||
Evam eva kho Ānanda, yasmiṃ Dhamma-Vinaye labhati mātu-gāmo agārasmā anagāriyaṃ pabbajjaṃ,||
na taṃ Brahma-cariyaṃ cira-ṭ-ṭhitikaṃ hoti.|| ||
■
Seyyathā pi Ānanda, sampanne sālikkhette [279] setaṭṭhikā nāma rogajāti nipatati,||
evaṃ taṃ sālikkhettaṃ na cira-ṭ-ṭhitikaṃ hoti.|| ||
Evam eva kho Ānanda, yasmiṃ Dhamma-Vinaye labhati mātu-gāmo agārasmā anagāriyaṃ pabbajjaṃ,||
na taṃ Brahma-cariyaṃ cira-ṭ-ṭhitikaṃ hoti.|| ||
■
Seyyathā pi Ānanda, sampanne ucchukhette mañjeṭṭhikā nāma rogajāti nipatti,||
evaṃ taṃ ucchukhettaṃ na cira-ṭ-ṭhitikaṃ hoti.|| ||
Evam eva kho Ānanda, yasmiṃ Dhamma-Vinaye labhati mātu-gāmo agārasmā anagāriyaṃ pabbajjaṃ,||
na taṃ Brahma-cariyaṃ cira-ṭ-ṭhitikiṃ hoti.|| ||
■
Seyyathā pi Ānanda, puriso mahato taḷākassa paṭigacc'eva āḷiṃ bandheyya yāva-d'eva udakassa anati-k-kamanāya,||
evam eva kho Ānanda mayā paṭigacc'eva bhikkhunīnaṃ aṭṭha garu-dhammā paññattā yāva-jīvaṃ anati-k-kamanīyā' ti.|| ||
