Aṇguttara Nikāya
VIII. Aṭṭhaka Nipāta
VII. Bhūmi-Cāla Vagga
Sutta 68
Ariya-Vohāra Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Aṭṭh'ime bhikkhave, ariya-vohārā.|| ||
Katame aṭṭha?|| ||
Adiṭṭhe adiṭṭha-vāditā,||
asute asuta-vāditā,||
amute amuta-vāditā,||
aviññāte aviññāta-vāditā,||
diṭṭhe diṭṭha-vāditi,||
sute suta-vāditā,||
mute muta-vāditā,||
viññāte viññāta-vāditā.|| ||
Imā kho bhikkhave, aṭṭha ariya-vohārā" ti.|| ||
