Aṇguttara Nikāya
VIII. Atthaka Nipāta
IX. Sati-Vagga
Sutta 90 (a) or [Suttas 1-27]
Adapted from the 1995 edition of the digital version of the Sri Lanka Buddha Jayanti Tripitaka Series.
[1] [1][pts] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati Pubbārāme Migāra-mātu pāsāde atha kho Bojjhā upāsikā yena Bhagavā ten'upasaṇkami.|| ||
Upasaṇkamitvā Bhagavantaṃ abhivādetvā eka-m-antaṃ nisīdi.|| ||
- pe - [to be developed according to AN 8.43 which, for Visākhā is reproduced in it's order below.]
[2] - pe - Sirimā - pe - || ||
[3] - pe - Padumā - pe - || ||
[4] - pe - Sutanā - pe - || ||
[5] - pe - Manujā - pe - || ||
[6] - pe - Uttarā - pe - || ||
[7] - pe - Muttā - pe - || ||
[8] - pe - Khemā - pe - || ||
[9] - pe - Somā - pe - || ||
[10] - pe - Rūpī - pe - || ||
[11] - pe - Cūnadī rāja-kumāri - pe - || ||
[12] - pe - Bimbī upāsikā - pe - || ||
[348] [13] - pe - Sumanā rāja-kumāri - pe - || ||
[14] - pe - Mallikā devi - pe - || ||
[15] - pe - Tissā upāsikā - pe - || ||
[16] - pe - Tissāya mātā - pe - || ||
[17] - pe - Soṇā - pe - || ||
[18] - pe - Soṇāya mātā - pe - || ||
[19] - pe - Kāṇā - pe - || ||
[20] - pe - Kāṇāya mātā - pe - || ||
[21] - pe - Uttarā Nandamātā - pe - || ||
Sutta 22
Visākh'Uposatha Suttaṃ
[22. 1][pts] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati Pubbārāme Migāra-mātu pāsāde atha kho Visākhā Migāra-mātā yena Bhagavā ten'upasaṇkami.|| ||
Upasaṇkamitvā Bhagavantaṃ abhivādetvā eka-m-antaṃ nisīdi.|| ||
Eka-m-antaṃ nisinnaṃ kho Visākhaṃ Migāra-mātaraṃ.|| ||
Bhagavā etad avoca:|| ||
2. "Aṭṭh'aṇga-samannāgato Visākhā||
uposatho upavuttho maha-p-phalo hoti mahā-nisaṃso mahā-jutiko mahā-vipphāro.|| ||
§
Kathaṃ upavuttho ca Visākhā||
aṭṭh'aṇga-samannāgato uposatho maha-p-phalo hoti mahā-nisaṃso maha-jutiko maha-vipphāro?|| ||
3. Idha Visākhā ariya-sāvako iti paṭisañcikkhati:|| ||
'Yāva-jīvaṃ Arahanto pāṇ-ā-tipātaṃ pahāya||
pāṇ-ā-tipātā paṭiviratā nihita-daṇḍā nihita-satthā lajjī dayā-pannā sabba-pāṇa-bhūta-hit-ā-nukampī viharanti.|| ||
Aham p'ajja imañ ca rattiṃ imañ ca divasaṃ pāṇ-ā-tipātaṃ pahāya pāṇ-ā-tipātā paṭivirato nihita-daṇḍo nihita-sattho lajjī dayā-panno sabba-pāṇa-bhuta-hit-ā-nukampī viharāmī.|| ||
Iminā pi aṇgena arahataṃ anukaromi||
uposatho ca me upavuttho bhavissatī' ti.|| ||
Iminā paṭhamena aṇgena samannāgato hoti.|| ||
■
4. 'Yāva-jīvaṃ Arahanto adinnādānaṃ pahāya adinn'ādānā paṭiviratā dinn'ādāyī dinn'āpāṭikaṇkhī athenena suci-bhutena attanā viharanti.|| ||
Aham p'ajja imañ ca rattiṃ imañ ca divasaṃ adinnādānaṃ pahāya adinn'ādānā paṭivirato dinn'ādāyī dinna-pāṭikaṇkhī athenena suci-bhutena attanā viharāmi.|| ||
Iminā pi aṇgena arahataṃ anukaromi||
uposatho ca me upavuttho bhavissatī' ti.|| ||
Iminā dutiyena aṇgena samannāgato hoti.|| ||
■
5. 'Yāva-jīvaṃ Arahanto abrahma-cariyaṃ pahāya brahma-cārino ārā-cārī viratā methunā gāma-dhammā.|| ||
Aham p'ajja imañ ca rattiṃ imañ ca divasaṃ abrahma-cariyaṃ pahāya brahma-cārī ārā-cārī virato methunā gāma-dhammā viharāmi.|| ||
Iminā pi aṇgena arahataṃ anukaromi||
uposatho ca me upavuttho bhavissatī' ti.|| ||
Iminā tatiyena aṇgena samannāgato hoti.|| ||
■
6. 'Yāva-jīvaṃ Arahanto musā-vādaṃ pahāya musā-vādā paṭiviratā sacca-vādī sacca-sandhā thetā paccayikā avisaṃvādakā lokassa.|| ||
Aham p'ajja imañ ca rattiṃ imañ ca divasaṃ musā-vādaṃ pahāya musā-vādā paṭivirato sacca-vādī sacca-sandho theto paccayiko avisaṃvādako lokassa.|| ||
Iminā pahaṃ aṇgena arahataṃ anukaromi||
uposatho ca me upavuttho bhavissatī' ti.
■
Iminā catutthena aṇgena samannāgato hoti.|| ||
7. 'Yāva-jīvaṃ Arahanto surā-mera-yamajja-pamā-daṭṭhānaṃ pahāya surā-mera-yamajja-pamā-daṭṭhānā paṭiviratā.|| ||
Aham p'ajja imañ ca rattiṃ imañ ca divasaṃ surā-mera-yamajja-pamā-daṭṭhānaṃ pahāya surā-mera-yamajja-pamā-daṭṭhānā paṭivirato.|| ||
Iminā pi aṇgena arahataṃ anukaromi||
uposatho ca me upavuttho bhavissatī' ti.|| ||
Iminā pañcamena aṇgena samannāgato hoti.|| ||
■
8. 'Yāva-jīvaṃ Arahanto eka-bhattikā ratt'ūparatā viratā vikāla-bhojanā.|| ||
Aham p'ajja imañ ca rattiṃ imañ ca divasaṃ eka-bhattiko ratt'ūparato virato vikāla-bhojanā.|| ||
Iminā pi aṇgena arahataṃ anukaromi||
uposatho ca me upavuttho bhavissatī' ti.|| ||
Iminā chaṭṭhena aṇgena samannāgato hoti.|| ||
■
9. 'Yāva-jīvaṃ Arahanto nacca-gīta-vādita-visūka-dassana-mālā-gandha-vilepana-dhāraṇa-maṇḍana-vibhūsana-ṭ-ṭhānā paṭiviratā.|| ||
Aham p'ajja imañ ca rattiṃ imañ ca divasaṃ nacca-gīta-vādita-visūka-dassana-mālā-gandha-vilepana-dhāraṇa-maṇḍana-vibhūsana-ṭ-ṭhānā paṭivirato.|| ||
Iminā pi aṇgena arahataṃ anukaromi||
uposatho ca me upavuttho bhavissatī ti.|| ||
Iminā sattamena aṇgena samannāgato hoti.|| ||
■
10. Yāva-jīvaṃ Arahanto uccā-sayana-mahā-sayanaṃ pahāya uccā-sayana-mahā-sayanā paṭiviratā nīcaseyyaṃ kappenti mañcake vā tiṇa-santhārake vā.|| ||
Aham p'ajja imañ ca rattiṃ imañ ca divasaṃ uccā-sayana-mahā-sayanaṃ pahāya uccā-sayana-mahā-sayanā paṭivirato nīcaseyyaṃ kappemi mañcake vā tiṇa-santhārake vā.|| ||
Iminā pi aṇgena arahataṃ anukaromi||
uposatho ca me upavuttho bhavissatī' ti.|| ||
Iminā aṭṭhamena aṇgena samannāgato hoti.|| ||
Evaṃ upavuttho kho Visākhā||
aṭṭh'aṇga-samannāgato uposatho maha-p-phalo hoti||
mahā-nisaṃso||
mahā-jutiko||
mahā- [252] vipphāro.|| ||
§
11. Kīva maha-p-phalo hoti||
kīva mahā-nisaṃso||
kīva mahā-jutiko||
kīva mahā-vipphāro?|| ||
■
Seyyathā pi, Visākhā, yo imesaṃ soḷasannaṃ mahājanapadānaṃ pahūtasattaratanānaṃ issariyādhipaccaṃ rajjaṃ kāreyya,||
seyyath'īdaṃ:|| ||
Aṇgānaṃ||
Magadhānaṃ||
Kāsīnaṃ||
Kosalānaṃ||
Vajjīnaṃ||
Mallānaṃ||
Cetīnaṃ||
Vaṇgānaṃ||
Kurūnaṃ||
Pañcālānaṃ||
Macchānaṃ||
Surasenānaṃ||
Assakānaṃ||
Avantīnaṃ||
Gandhārānaṃ||
Kambojānaṃ,||
aṭṭh'aṇga-samant-ā-gatassa uposathassa etaṃ kalaṃ nāgghati soḷasiṃ.|| ||
Taṃ kissa hetu?|| ||
Kapaṇaṃ Visākhā, mānusakaṃ rajjaṃ dibbaṃ sukhaṃ upanidhāya.|| ||
■
12. Yāni Visākhā, mānusakāni paññāsa vassāni,||
Cātu-m-mahā-rājikānaṃ devānaṃ eso eko rattin-divo,||
tāya rattiyā tiṃsa rattiyo māso,||
tena māsena dvādasa māsiyo saṃvaccharo,||
tena saṃvaccharena dibbāni pañca vassa-satāni Cātu-m-mahā-rājikānaṃ devānaṃ āyu-p-pamāṇaṃ.|| ||
Ṭhānaṃ kho pan'etaṃ Visākhā, vijjati,||
yaṃ idh'ekacco itthi vā puriso vā aṭṭh'aṇga-samannāgataṃ uposathaṃ upavasitvā kāyassa bhedā param maraṇā Cātu-m-mahā-rājikānaṃ devānaṃ saha-vyataṃ upapajjye.|| ||
Idaṃ kho pana me taṃ Visākhā, sandhāya bhāsitaṃ:||
kapaṇaṃ mānusakaṃ rajjaṃ dibbaṃ sukhaṃ upanidhāya.|| ||
■
13. Yaṃ Visākhā mānusakaṃ vassa-sataṃ,||
Tāvatiṃsānaṃ devānaṃ eso eko rattin-divo;||
tāya rattiyā tiṃsa rattiyo māso;||
tena māsena dvādasa māsiyo saṃvaccharo||
tena saṃvaccharena dibbaṃ vassa-sahassaṃ Tāvatiṃsānaṃ devānaṃ āyu-p-pamāṇaṃ.|| ||
Ṭhānaṃ kho pan'etaṃ Visākhā, vijjati,||
yaṃ idh'ekacco itthī vā puriso vā aṭṭh'aṇga-samannāgataṃ uposathaṃ upavasitvā kāyassa bhedā param maraṇā Tāvatiṃsānaṃ devānaṃ saha-vyataṃ upapajjye.|| ||
Idaṃ kho pana me taṃ Visākhā, sandhāya bhāsitaṃ:||
kapaṇaṃ mānusakaṃ rajjaṃ dibbaṃ sukhaṃ upanidhāya.|| ||
■
14. Yāni Visākhā, mānusakāni dve vassa-satāni,||
Yāmānaṃ devānaṃ eso eko rattin-divo,||
tāya rattiyā tiṃsa rattiyo māso,||
tena māsena dvādasa māsiyo saṃvaccharo,||
tena saṃvaccharena dibbāni dve vassa-sahassāni Yāmānaṃ devānaṃ āyu-p-pamāṇaṃ.|| ||
Ṭhānaṃ kho pan'etaṃ Visākhā, vijjati,||
yaṃ idh'ekacco itthī vā puriso vā aṭṭh'aṇga-samannāgataṃ uposathaṃ upavasitvā kāyassa bhedā param maraṇā Yāmānaṃ devānaṃ saha-vyataṃ upapajjye.|| ||
Idaṃ kho pana me taṃ Visākhā, sandhāya bhāsitaṃ:||
kapaṇaṃ mānusakaṃ rajjaṃ dibbaṃ sukhaṃ upanidhāya.|| ||
■
15. Yāni Visākhā, mānusakāni cattāri vassa-satāni,||
Tusitānaṃ devānaṃ eso eko rattin-divo;||
tāya rattiyā tiṃsa rattiyo māso;||
tena māsena dvādasa māsiyo saṃvaccharo,||
tena saṃvaccharena dibbāni cattāri vassa-sahassāni Tusitānaṃ devānaṃ āyu-p-pamāṇaṃ.|| ||
Ṭhānaṃ kho pan'etaṃ Visākhā, vijjati,||
yaṃ idh'ekacco itthī vā puriso vā aṭṭh'aṇga-samannāgataṃ uposathaṃ upavasitvā kāyassa bhedā param maraṇā Tusitānaṃ devāṃ saha-vyataṃ upapa-j-jeyya.|| ||
Idaṃ kho pana me taṃ Visākhā, sandhāya bhāsitaṃ:||
kapaṇaṃ mānusakaṃ rajjaṃ dibbaṃ sukhaṃ upanidhāya.|| ||
■
16. Yāni Visākhā, mānusakāni aṭṭha vassa-satāni,||
Nimmāṇaratīnaṃ devānaṃ eso eko rattin-divo,||
tāya rattiyā tiṃsa rattiyo māso,||
tena māsena dvādasa māsiyo saṃvaccharo,||
tena saṃvaccharena dibbāni aṭṭha vassa-sahassāni Nimmāṇaratīṇaṃ devānaṃ āyu-p-pamāṇaṃ.|| ||
Ṭhānaṃ kho pan'etaṃ Visākhā, vijjati,||
yaṃ idh'ekacco itthī vā puriso vā aṭṭh'aṇga-samannāgataṃ uposathaṃ upavasitvā kāyassa bhedā param maraṇā Nimmāṇaratīnaṃ devānaṃ saha-vyataṃ upapa-j-jeyya.|| ||
Idaṃ kho pana me taṃ Visākhā, sandhāya bhāsitaṃ:||
kapaṇaṃ mānusakaṃ rajjaṃ dibbaṃ sukhaṃ upanidhāya.|| ||
■
17. Yāni Visākhā, mānusakāni soḷasa vassa-satāni,||
Paranimmita-vasavattīnaṃ devānaṃ eso eko rattin-divo;||
tāya rattiyā tiṃsa rattiyo māso,||
tena māsena dvādasa māsiyo saṃvaccharo,||
tena saṃvaccharena dibbāni soḷasa vassa-sahassāni Paranimmita-vasavattīnaṃ devānaṃ āyu-p-pamāṇaṃ.|| ||
Ṭhānāṃ kho pan'etaṃ Visākhā, vijjati,||
yaṃ idh'ekacco itthī vā puriso vā aṭṭh'aṇga-samannāgataṃ uposathaṃ upavasitvā kāyassa bhedā param maraṇā Paranimmita-savattīnaṃ devānaṃ saha-vyataṃ upapajjye.|| ||
Idaṃ kho pana me taṃ Visākhā, sandhāya bhāsitaṃ:||
kapaṇaṃ mānusakaṃ rajjaṃ dibbaṃ sukhaṃ upanidhāya.|| ||
Pāṇaṃ na hāññe na cādinnam ādiye||
Musā na bhāse na ca majjapo siyā||
Abrahma-cariyā virameyya methunā||
Rattiṃ na bhuñjeyya vikāla-bhojanaṃ.|| ||
Mālaṃ na dhāreye na ca gandham ācare||
Mañce chamāyaṃ vasayetha santhate||
Etaṃ hi aṭṭhaṇgikam āh'uposathaṃ||
Buddhena dukkhantagunā pakāsitaṃ.|| ||
Cando ca suriyo ca ubho sudassanā||
Obhāsayaṃ anupariyanti yāvatā,||
Tamonudā te pana antalikkhagā||
Nabhe pabhāsenti disā virocanā.|| ||
Etasmiṃ yaṃ vijjati antare dhanaṃ||
Muttā maṇi veḷuriyaña ca bhaddakaṃ||
Siṇgī suvaṇṇaṃ atha vā pi kañcanaṃ||
Yaṃ jāta-rūpaṃ haṭakan ti vuccati||
Aṭṭhiṇgu petassa uposathassa||
Kalam pi te nānubhavanti soḷasiṃ||
Candappahā tāragaṇā va sabbe.|| ||
Tasmā hi nārī ca naro ca sīlavā||
Aṭṭhaṇgupetaṃ upavass'uposathaṃ||
Puññāni katvāna sukhudayāni||
Aninditā saggam upenti ṭhānan ti.|| ||
[23] - pe - Khujjuttarā upāsikā - pe - || ||
[24] - pe - Sāmāvatī upāsikā - pe - || ||
[25] - pe - Suppavāsā Koliyaṭhitā - pe - || ||
[26] - pe - Suppiyā upāsikā - pe - || ||
[27] - pe - Nakulamātā gahapatāni - pe - || ||
