Bala-Saṇgaha-Vatthu Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][upal] Evaṃ me sutaṃ:|| ||

Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||

Cattār'imāni bhikkhave balāni.|| ||

Katamāni cattāriṃ?|| ||

2. Paññā-balaṃ,||
viriya-balaṃ,||
anavajja-balaṃ,||
saṇgaha-balaṃ.|| ||

■

Katamañ ca bhikkhave paññā-balaṃ?|| ||

3. Ye'dhammā akusalā akusala-saṇkhātā,||
ye dhammā kusal-ā-kusala-saṇkhātā,||
ye dhammā sāvajjā sāvajja-saṇkhātā,||
ye dhammā anavajjā anavajja-saṇkhātā,||
ye dhammā kaṇhā kaṇhasaṇkhātā,||
ye dhammā sukkā sukkasaṇkhātā,||
ye dhammā asevitabbā asevitabba-saṇkhātā,||
ye dhammā sevitabbā sevitabba-saṇkhātā,||
ye dhammā nālamariyā nālamariya-saṇkhātā,||
ye dhammā alamariyā alam-ariya-saṇkhātā,||
tyāssa dhammā paññāya vodiṭṭhā honti vocaritā honti.|| ||

Idaṃ vuccati bhikkhave paññā-balaṃ.|| ||

■

Katamañ ca bhikkhave viriya-balaṃ?|| ||

4. Ye'dhammā akusalā akusala-saṇkhātā,||
ye dhammā sāvajjā sāvajja-saṇkhātā,||
ye dhammā kaṇhā kaṇhasaṇkhātā,||
ye dhammā asevitabbā asevitabbasaṇakhātā,||
ye dhammā nālamariyā nālamariya-saṇkhātā,||
tesaṃ dhammānaṃ pahānāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||

Ye'dhammā kusal-ā-kusala-saṇkhātā,||
ye dhammā anavajjā anavajja-saṇkhātā,||
ye dhammā sukkā sukkasaṇkhātā,||
ye dhammā sevitibbā sevitabba- [364] saṇkhātā,||
ye dhammā alamariyā alam-ariya-saṇkhātā,||
tesaṃ dhammānaṃ paṭilābhāya chandaṃ janeti vāyamati viriyaṃ ārabhati cittaṃ paggaṇhāti padahati.|| ||

Idaṃ vuccati bhikkhave viriya-balaṃ.|| ||

■

Katamañ ca bhikkhave, anavajja-balaṃ?|| ||

5. Idha bhikkhave ariya-sāvako anavajjena kāya-kammena samannāgato hoti,||
anavajjena vacī-kammena samannāgato hoti,||
anavajjena mano-kammena samannāgato hoti.|| ||

Idaṃ vuccati bhikkhave anavajja-balaṃ.|| ||

■

Katamañ ca bhikkhave, saṇgaha-balaṃ?|| ||

6. Cattār'imāni bhikkhave saṇgahavatthuni:|| ||

Dānaṃ peyyavajjaṃ attha-cariyā samān'attatā.|| ||

Etad aggaṃ bhikkhave,||
dānānaṃ yad idaṃ dhammadānaṃ.|| ||

Etad aggaṃ bhikkhave,||
peyyavajjānaṃ,||
yad idaṃ atthikassa ohita-sotassa puna-p-punaṃ dhammaṃ deseti.|| ||

Etad aggaṃ bhikkhave,||
attha-cariyānaṃ,||
yad idaṃ a-s-saddhaṃ saddhā-sampadāya sam-ā-dapeti niveseti patiṭṭhāpeti,||
du-s-sīlaṃ sīla-sampadāya sam-ā-dapeti nivesati patiṭṭhāpeti,||
maccharīṃ cāga-sampadāya sam-ā-dapeti niveseti patiṭṭhāpeti||
duppaññe paññā-sampadāya sam-ā-dapeti niveseti patiṭṭhāpeti.|| ||

Etad aggaṃ bhikkhave, samān'attatānaṃ,||
yad idaṃ Sotāpanno Sot'āpannassa samānatto,||
Sakad'āgāmī Sakad-āgāmissa samānatto,||
Anāgāmī Anāgāmissa samānatto,||
arahaṃ arahato samānatto.|| ||

Idaṃ vuccati bhikkhave saṇgaha-balaṃ.|| ||

Imāni kho bhikkhave cattāri balānī ti.|| ||

7. Imehi kho bhikkhave catūhi balehi samannāgato ariya-sāvako pañca bhayāni samatikkanto hoti.|| ||

Katamāni pañca?|| ||

8. Ājīvika-bhayaṃ,||
asiloka-bhayaṃ,||
parisa-sārajja-bhayaṃ,||
[365] maraṇa-bhayaṃ,||
duggati-bhayaṃ.|| ||

■

Sa kho so bhikkhave ariya-sāvako iti paṭisañcikkhati:|| ||

9. Nāhaṃ ājīvika-bhayassa bhāyāmi.|| ||

Kissāhaṃ ājīvika-bhayassa bhāyissāmi?|| ||

Atthi me cattāri balāni:|| ||