Aṇguttara Nikāya
IX. Navaka Nipāta
I. Sambodha Vagga
Sutta 8
Sajajha-Paribbājaka Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][upal][olds][than] Evaṃ me sutaṃ:|| ||
Ekaṃ samayaṃ Bhagavā Rājagahe viharati Gijjhakūṭepabbate.|| ||
Atha kho Sajjho paribbājako yena Bhagavā ten'upasaṇkami,||
upasaṇkamitvā Bhagavatā saddhiṃ sammodi,||
sammodanīyaṃ kathaṃ sārāṇīyaṃ vīti-sāretvā eka-m-antaṃ nisīdi.|| ||
Eka-m-antaṃ nisinno kho Sajjha paribbājako Bhagavantaṃ etad avoca:|| ||
"Ekam idaṃ bhante,||
samayaṃ Bhagavā idh'eva Rājagahe viharati Giribbaje,||
tatra me bhante,||
Bhagavato sammukhā sutaṃ sammukhā paṭiggahītaṃ:|| ||
'Yo so Sajjha,||
bhikkhu arahaṃ khīṇ'āsavo vusitavā kata-karaṇīyo ohita-bhāro anuppatta-sadattho parikkhīṇa-bhavasaṃ yojano samma-d-aññā vimutto,||
abhabbo so pañca-ṭhānāni ajjhācarituṃ.|| ||
Abhabbo khīṇ'āsavo bhikkhu sañcīcca pāṇaṃ jīvitā voropetuṃ,||
abhabbo khīṇ'āsavo bhikkhu adinnaṃ theyya saṇkhātaṃ ādātuṃ,||
abhabbo khīṇ'āsavo bhikkhu methunaṃ dhammaṃ patisevitūṃ,||
abhabbo khīṇ'āsavo bhikkhu sampajānamusā bhāsituṃ,||
abhabbo khīṇ'āsavo bhikkhu sannidhikārake kāme paṭisevituṃ,||
seyyathā pi pubbe agāriya-bhuto' ti.|| ||
Kacci me taṃ bhante,||
Bhagavato sussutaṃ suggahītaṃ sumana-sikataṃ sūpadhāritan" ti.|| ||
§
[372] "Taggha te taṃ, Sajajha,||
sussutaṃ suggahītaṃ sumana-sikataṃ supadhāritaṃ.|| ||
Pubbe c'āhaṃ sajajha,||
etarahi ca evaṃ vadāmi.|| ||
'Yo so bhikkhu arahaṃ khīṇ'āsavo vusitavā kata-karaṇīyo ohita-bhāro anuppatta-sadattho parikkīṇabhavasaṃyojano samma-d-aññā-vimutto.|| ||
Abhabbo sonava-ṭhānāni ajjhācarituṃ:||
abhabbo khīṇ'āsavo bhikkhu sañcicca pāṇaṃ jīvitā voropetuṃ,||
abhabbo khīṇ'āsavo bhikkhū adinnaṃ theyya-saṇkhātaṃ ādātuṃ,||
abhabbo khīṇ'āsavo bhikkhu methunaṃ dhammaṃ patisevītuṃ,||
abhabbo khīṇ'āsavo bhikkhu sampajānamusā bhāsituṃ,||
abhabbo khīṇ'āsavo bhikkhu sannidhikārake kāme paribhuñjituṃ,||
seyyathā pi pubbe agāriya-bhuto.|| ||
Abhabbo khīṇ'āsavo bhikkhu Buddhaṃ paccakkhātuṃ abhabbo khīṇ'āsavo bhikkhu Dhammaṃ paccakkhātuṃ abhabbo khīṇ'āsavo bhikkhu Saṇghaṃ paccakkhātuṃ abhabbo khīṇ'āsavo bhikkhu sikkhaṃ paccakkhātuṃ pubbevāhaṃ Sutavā, etarahi ca evaṃ vadāmi:|| ||
Abhabbo khīṇ'āsavo bhikkhu sannidhikārake kāme paribhuñjituṃ seyyathā pi pubbe agāriya-bhuto.|| ||
Abhabbo khīṇ'āsavo bhikkhu chand-ā-gatiṃ gantuṃ abhabbo khīṇ'āsavo bhikkhu dos-ā-gatiṃ gantuṃ,||
abhabbo khīṇ'āsavo bhikkhu moh-ā-gatiṃ gantuṃ,||
abhabbo khīṇ'āsavo bhikkhu bhayāgatiṃ gantuṃ.'|| ||
Pubbe c'āhaṃ sajajha,||
etarahi ca evaṃ vadāmi.|| ||
Yo kho bhikkhu arahaṃ khīṇ'āsavo vusitvā kataṃkaraṇīyo ohita-bhāro anuppatta-sadattho parikkhiṇa-bhava-saṃyojano,||
samma-d-aññā vimutto,||
abhabbo so imāni nava-ṭhānāni ajjhācaritun" ti.|| ||
