Aṇguttara Nikāya
IX. Navaka Nipāta
II. Sīhanāda Vagga
Sutta 18
Nav'Aṇg'Uposatha Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][upal] Evaṃ me sutaṃ.|| ||
Sāvatthi nidānaṃ.|| ||
"Navah'aṇgehi samannāgato Bhikkhave uposatho upavuttho maha-p-phalo hoti mahā-nisaṃso mahā-jutiko mahā-vipphāro.|| ||
§
Kathaṃ upavuttho ca bhikkhave,||
navah'aṇgehi samannāgato uposatho maha-p-phalo hoti mahā-nisaṃso mahā-jutiko mahā-vipphāro?|| ||
2. Idha, bhikkhave, ariya-sāvako iti paṭisañcikkhati:|| ||
'Yāva-jīvaṃ Arahanto pāṇ-ā-tipātaṃ pahāya pāṇ-ā-tipātā paṭiviratā nihita-daṇḍā nihita-satthā lajjī dayā-pannā sabba-pāṇa-bhuta-hit-ā-nukampī viharanti.|| ||
Aham p'ajja imañ ca rattiṃ imañ ca divasaṃ pāṇ-ā-tipātaṃ pahāya pāṇ-ā-tipātā paṭivirato nihitadaṇḍo nihitasattho lajjī dayā-panno sabba-pāṇā-bhuta-hit-ā-nukampī viharāmi.|| ||
Imānā p'aṇgena arahataṃ anukaromi,||
uposatho ca me upavuttho bhavissatī' ti.|| ||
Iminā paṭhamena aṇgena samannāgato hoti.|| ||
■
3. Idha, bhikkhave, ariya-sāvako iti paṭisañcikkhati:|| ||
'Yāva-jīvaṃ Arahanto adinnādānaṃ pahāya adinn'ādānā paṭiviratā dinn'ādāyī dinna-pāṭikaṇkhī athenena suci-bhutena attanā viharanti.|| ||
Aham p'ajja imañ ca rattiṃ imañ ca divasaṃ adinnādānaṃ pahāya adinn'ādānā paṭivirato dinn'ādāyī dinna-pāṭikaṇkhī athenena suci-bhutena attanā viharāmi.|| ||
Imānā p'aṇgena arahataṃ anukaromi,||
uposatho ca me upavuttho bhavissatī' ti.|| ||
Iminā dutiyena aṇgena samannāgato hoti.|| ||
■
[389] 4. Idha, bhikkhave, ariya-sāvako iti paṭisañcikkhati:|| ||
'Yāva-jīvaṃ Arahanto abrahma-cariyaṃ pahāya brahma-cārī ārā-cāraviratā methunā gāma-dhammā.|| ||
Aham p'ajja imañ ca rattiṃ imañ ca divasaṃ abrahma-cārinaṃ pahāya brahma-cārī ārā-cāraviratā methunā gāma-dhammā.|| ||
Imānā p'aṇgena arahataṃ anukaromi,||
uposatho ca me upavuttho bhavissatī' ti.|| ||
Iminā tatiyena aṇgena samannāgato hoti.|| ||
■
5. Idha, bhikkhave, ariya-sāvako iti paṭisañcikkhati:|| ||
'Yāva-jīvaṃ Arahanto musā-vādaṃ pahāya musā-vādā paṭiviratā sacca-vādī sacca-sandhā thetā paccayikā avisaṃvādakā lokassa.|| ||
Aham p'ajja imañ ca rattiṃ imañ ca divasaṃ musā-vādā pahāya musā-vādā paṭivirato sacca-vādī sacca-sandhā theto paccayikā avisaṃvādakā lokassa.|| ||
Imānā p'aṇgena arahataṃ anukaromi,||
uposatho ca me upavuttho bhavissatī' ti.|| ||
Iminā catutthena aṇgena samannāgato hoti.|| ||
■
6. Idha, bhikkhave, ariya-sāvako iti paṭisañcikkhati:|| ||
'Yāva-jīvaṃ Arahanto surā-mera-yamajja-pamā-daṭṭhānaṃ pahāya surā-mera-yamajja-pamā-daṭṭhānā paṭiviratā.|| ||
Aham p'ajja imañ ca rattiṃ imañ ca divasaṃ surāmeraya majjamādaṭṭhānaṃ pahāya surā-mera-yamajja-pamā-daṭṭhānā paṭivirato.|| ||
Imānā p'aṇgena arahataṃ anukaromi,||
uposatho ca me upavuttho bhavissatī' ti.|| ||
Iminā pañcamena aṇgena samannāgato hoti.|| ||
■
7. Idha, bhikkhave, ariya-sāvako iti paṭisañcikkhati:|| ||
'Yāva-jīvaṃ Arahanto ekahattikā ratt'ūparatā vikāla-bhojanā.|| ||
Aham p'ajja imañ ca rattiṃ imañ ca divasaṃ ekahattiko ratt'ūparato vikāla-bhojano.|| ||
Imānā p'aṇgena arahataṃ anukaromi,||
uposatho ca me upavuttho bhavissatī' ti.|| ||
Iminā chaṭṭhena aṇgena samannāgato hoti.|| ||
■
8. Idha, bhikkhave, ariya-sāvako iti paṭisañcikkhati:|| ||
'Yāva-jīvaṃ Arahanto nacca-gīta-vādita-visūka-dassana-mālā-gandha-vilepana-dhāraṇa-maṇḍana-vibhusana-ṭ-ṭhānā paṭiviratā.|| ||
Aham p'ajja imañ ca rattiṃ imañ ca divasaṃ nacca-gīta-vādita-visūka-dassana-mālā-gandha-vilepana-dhāraṇa-maṇḍana-vibhusana-ṭ-ṭhānā paṭivirato.|| ||
Imānā p'aṇgena arahataṃ anukaromi,||
uposatho ca me upavuttho bhavissatī' ti.|| ||
Iminā sattamena aṇgena samannāgato hoti.|| ||
■
9. Idha, bhikkhave, ariya-sāvako iti paṭisañcikkhati:|| ||
'Yāva-jīvaṃ Arahanto uccā-sayana-mahā-sayanaṃ pahāya uccā-sayana-mahā-sayanā paṭiviratā nīcaseyyaṃ kap- [390] penti mañcake vā tiṇa-santhārake vā.|| ||
Aham p'ajja imañ ca rattiṃ imañ ca divasaṃ uccā-sayana-mahā-sayanaṃ pahāya uccā-sayana-mahā-sayanā paṭivirato nīcaseyyaṃ kappemi mañcake vā tiṇa-santhārake vā.|| ||
Imānā p'aṇgena arahataṃ anukaromi,||
uposatho ca me upavuttho bhavissatī' ti.|| ||
Iminā aṭṭhamena aṇgena samannāgato hoti.|| ||
■
10. Idha, bhikkhave, ariya-sāvako mettā-saha-gatena cetasā ekaṃ disaṃ pharitvā viharati,||
tathā dutiyaṃ disaṃ pharitvā viharati,||
tathā tatiyaṃ disaṃ pharitvā viharati||
tathā catutthaṃ disaṃ pharitvā viharati.|| ||
Iti uddham adho tiriyaṃ sabbadhi sabbattatāya sabbā-vantaṃ lokaṃ mettā-saha-gatena cetasā vipulena mahaggatena appamāṇena averena avyāpajjhena pharitvā viharati.|| ||
Iminā navamena aṇgena samannāgato hoti.|| ||
Evaṃ ca upavuttho kho bhikkhave,||
navahaṇgasa samannāgato uposatho maha-p-phalo hoti mahā-nisaṃso mahā-jutiko mahā-vipphāro ti.|| ||
