Aṅguttara Nikāya
IX. Navaka Nipāta
II. Sīhanāda Vagga

Sutta 20

Velāma Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 

---

[392]

[1][pts][than][upal][olds] Evaṃ me sutaṃ ekaṃ samayaṃ Bhagavā Sāvātthiyaṃ viharati Jetavane Anāthapiṇḍikassa ārāme.|| ||

Atha kho Anāthapiṇḍiko gahapati yena Bhagavā ten'upasaṅkami,||
upasaṅkamitvā Bhagavantaṃ abhivādetvā eka-m-antaṃ nisīdi.|| ||

Eka-m-antaṃ nisinnaṃ kho Anāthapiṇḍikaṃ gahapatiṃ Bhagavā etad avoca:|| ||

"Api nū te gahapati, kule dānaṃ dīyatī" ti?|| ||

"Dīyati me bhante, kule dānaṃ,||
tañ ca kho lūkhaṃ kaṇājakaṃ bilaṅga-dutiyan" ti.|| ||

■

2. "Lukhañ ce pi gahapati,||
dānaṃ deti paṇītaṃ vā,||
tañ ca asakkaccaṃ deti,||
acittikatvā deti,||
asahatthā deti,||
apaviddhaṃ deti,||
anāgamana-diṭṭhiko deti;||
yattha yattha tassa tassa dānassa vipāko nibbattati,||
na uḷārāya bhatta-bhogāya cittaṃ namati,||
na uḷārāya vattha-bhogāya cittaṃ namati,||
na uḷārāya yāna-bhogāya cittaṃ namati,||
na uḷāresu pañcasu kāma-guṇesu bhogāya cittaṃ namati;||
ye pi'ssa te [393] honti puttā ti vā dārā ti vā dāsā ti vā pessā ti vā kammakarā ti vā,||
te pi na sussusanti,||
na sotaṃ odāhanti,||
na aññā-cittaṃ upaṭṭhapenti.|| ||

Taṃ kissa hetu?|| ||

Evaṃ h'etaṃ gahapati,||
hoti asakkacca-katānaṃ kammānaṃ vipāko.|| ||

■

3. Lukhañ ce pi gahapati,||
dānaṃ deti paṇītaṃ vā,||
tañ ca sakkaccaṃ deti,||
citti-katvā deti,||
sahatthā deti,||
anapaviddhaṃ deti,||
āgamana-diṭṭhiko deti;||
yattha yattha tassa tassa dānassa vipāko nibbattati,||
uḷārāya bhatta-bhogāya cittaṃ namati,||
uḷārāya vattha-bhogāya cittaṃ namati,||
uḷārāya yāna-bhogāya cittaṃ namati,||
uḷāresu pañcasu kāma-guṇesu bhogāya cittaṃ namati.|| ||

Ye pi'ssa te honti puttā ti vā dārā ti vā dāsā ti vā pessā ti vā kamma-karā ti vā||
te pi sussusanti,||
sotaṃ odahanti,||
aññā-cittaṃ upaṭṭhapenti.|| ||

Taṃ kissa hetu?|| ||

Evaṃ h'etaṃ gahapati,||
hoti sakkaccakatānaṃ kammānaṃ vipāko.|| ||

 

§

 

4. Bhūta-pubbaṃ gahapati,||
Velāmo nāma brāhmaṇo ahosi.|| ||

So eva-rūpaṃ dānaṃ adāsi mahā-dānaṃ:|| ||

Caturāsīti suvaṇṇa-pātisahassāni adāsi rūpiya pūrāni.|| ||

Caturāsīti rūpiya-pātisahassāni adāsi suvaṇṇa-purāni.|| ||

Caturāsīti kaṃsa-pātisahassāni adāsi hirañña-purāni.|| ||

Caturāsīti hatthi-sahassāni adāsi sovaṇṇālaṅkārāni sovaṇṇa-dhajāni hema-jāla-sañchannāni.|| ||

Caturāsīti ratha-sahassāni adāsi sīha-camma-parivārāni
vyāggha-camma-parivārāni
dīpi-camma-parivārāni
paṇḍuka-m-bala-parivārāni
sovaṇṇālaṅkārāni
sovaṇṇa-dhajāni
hema-jāla-sañchannāni.|| ||

Caturāsīti dhenu-sahassāni adāsi dukula-santhanāni kaṃs'ūpadhāraṇāni.|| ||

Caturāsīti kaññā-sahassāni adāsi āmutta-maṇi-kuṇḍalāyo.|| ||

Caturāsīti pallaṅka-sahassāni [394] adāsi||
goṇa-katthatāni||
paṭikattatāni||
paṭalikatthatāni||
kādali-miga-pavara-pacc'attha-raṇāni,||
sāuttaracchadāni||
ubhato lohita-kūpa-dhānāni.|| ||

Caturāsīti vattha-koṭi-sahassāni adāsi||
khoma-sukhumānaṃ||
koseyya-sukhumānaṃ||
kambala-sukhumānaṃ||
kappāsika-sukhumānaṃ.|| ||

Ko pana vādo||
annassa pānassa||
khajjassa bhojjassa||
leyyassa peyyassa?|| ||

Najjo maññe vissandati.|| ||

■

5. Siyā kho pana te gahapati.|| ||

Evam assa 'Añño nūna tena samayena Velāmo brāhmaṇo ahosi||
so taṃ dānaṃ adāsi mahā-dānan' ti.|| ||

Na kho pan'etaṃ gahapati,||
evaṃ daṭṭhabbaṃ.|| ||

Ahaṃ tena samayena Velāmo brāhmaṇo ahosiṃ,||
ahaṃ taṃ dānaṃ adāsiṃ mahā-dānaṃ.|| ||

Tasmiṃ kho pana gahapati,||
dāne na koci dakkhiṇeyyo ahosi||
na taṃ koci dakkhinaṃ visodheti.|| ||

■

Yaṃ gahapati, Velāmo brāhmaṇo dānaṃ adāsi, mahā-dānaṃ,||
yo c'ekaṃ dīṭṭhisampannaṃ bhojeyya,||
idaṃ tato maha-p-phalataraṃ.|| ||

■

Yañ ca gahapati Velāmo brāhmaṇo dānaṃ adāsi mahā-dānaṃ,||
yo ca sataṃ diṭṭhi-sampannānaṃ bhojeyya,||
yo c'ekaṃ Sakadāgāmiṃ bojeyya,||
idaṃ tato maha-p-phalataraṃ.|| ||

■

Yañ ca gahapati Velāmo brāhmaṇo dānaṃ adāsi mahā-dānaṃ,||
yo ca sataṃ Sakadāgāmīnaṃ bhojeyya,||
yo c'ekaṃ Anāgāmiṃ bojeyya,||
idaṃ tato maha-p-phalataraṃ.|| ||

■

Yañ ca gahapati Velāmo brāhmaṇo dānaṃ adāsi mahā-dānaṃ,||
yo ca sataṃ Anāgāminaṃ bhojeyya,||
yo c'ekaṃ Arahantaṃ bhojeyya,||
idaṃ tato maha-p-phalataraṃ.|| ||

■

Yañ ca gahapati Velāmo brāhmaṇo dānaṃ adāsi mahā-dānaṃ,||
yo ca sataṃ Arahantaṃ bhojeyya,||
yo c'ekaṃ Pacceka-Buddhaṃ bho- [395] jeyya,||
idaṃ tato maha-p-phalataraṃ.|| ||

■

Yañ ca gahapati Velāmo brāhmaṇo dānaṃ adāsi mahā-dānaṃ,||
yo ca Pacceka-Buddhānaṃ bhojeyya,||
yo ca Tathāgataṃ Arahantaṃ Sammā Sambuddhaṃ bhojeyya||
idaṃ tato maha-p-phalataraṃ.|| ||

■

Yañ ca gahapati Velāmo brāhmaṇo dānaṃ adāsi mahā-dānaṃ,||
yo ca buddhapamūkhaṃ bhikkhu-saṅghaṃ bhojeyya,
idaṃ tato maha-p-phalataraṃ.|| ||

■

Yañ ca gahapati Velāmo brāhmaṇo dānaṃ adāsi mahā-dānaṃ,||
yo ca cātudadisaṃ Saṅghaṃ uddissa vihāraṃ kārāpeyya||
idaṃ tato maha-p-phalataraṃ.|| ||

■

Yañ ca gahapati Velāmo brāhmaṇo dānaṃ adāsi mahā-dānaṃ,||
yo ca pasanna-citto buddañ ca Dhammañ ca Saṅghañ ca saraṇaṃ gaccheyya||
idaṃ tato maha-p-phalataraṃ.|| ||

■

Yañ ca gahapati Velāmo brāhmaṇo dānaṃ adāsi mahā-dānaṃ,||
yo ca pasanna-citto sikkhā-padāni samādiyeyya pāṇātipātā veramaṇīṃ,||
adinn'ādānā veramaṇīṃ,||
kāmesu micchā-cārā veramaṇiṃ,||
musā-vādā veramaṇiṃ,||
surā-mera-yamajja-pamā-daṭṭhānā veramaṇiṃ,||
yo ca antamaso gaddūhana-mattam pi,||
metta-cittaṃ bhāveyya,||
idaṃ tato maha-p-phalataraṃ.|| ||

■

Yañ ca gahapati Velāmo brāhmaṇo dānaṃ adāsi mahā-dānaṃ,||
yo c'ekaṃ diṭṭhi-sampannaṃ bhojeyya,||
yo ca sataṃ diṭṭhi-sampannānaṃ bhojeyya,||
yo cekaṃ Sakad-āgāmiṃ bhojeyya,||
yo ca sataṃ Sakad'āgāmīnaṃ bhojeyya,||
yo cekaṃ Anāgāmiṃ bhojeyya,||
yo ca sataṃ Anāgāmīnaṃ bhojeyya,||
yo cekaṃ Arahantaṃ bhojeyya,||
yo ca sataṃ Arahantānaṃ bhojeyya,||
yo cekaṃ Pacceka-Buddhaṃ bhojeyya,||
yo ca sataṃ Pacceka-Buddhānaṃ bhojeyya,||
yo ca Tathāgataṃ Arahantaṃ Sammā Sambuddhaṃ bhojeyya,||
yo ca Buddha-pamūkhaṃ bhikkhu-saṅghaṃ bhojeyya,||
yo ca cātud-disaṃ Saṅghaṃ uddissa vihāraṃ kārāpeyya,||
yo ca pasanna-citto Buddhañ ca Dhammañ ca Saṅghañ ca saraṇaṃ gaccheyya,||
yo ca pasanna citto sikkhā-padāni samādiyye pāṇātipāti veramaṇī,||
adinn'ādānā veramaṇī,||
kāmesu micchā-cārā veramaṇī,||
musā-vādā veramaṇī,||
surā-mera-yamajja-pamā-daṭṭhānā veramaṇī,||
yo ca antamaso gaddūhana-matta pi metta-cittaṃ bhā- [396] veyya,||
yo ca accharā-saṇaghātā-mattam pi anicca-saññaṃ bhāveyya,||
idaṃ tatato maha-p-phalataranti.|| ||

Sīhanāda Vagga Dutiyo|| ||