Aṇguttara Nikāya
VIII. Navaka Nipāta
III. Satt'Āvāsa Vagga
Sutta 26
Silā-Yūp'Opama Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ āyasmā ca Sāriputto āyasmā ca Candikāputto Rājagahe viharani Veḷuvane Kalandakanivāpe.|| ||
Tatra kho āyasmā Candikāputto bhikkhu āmantesi:|| ||
"Āvuso bhikkhavo" ti.|| ||
"Āvuso" ti kho te bhikkhu āyasmato Candikāputtassa paccassosuṃ.|| ||
Āyasmā Candikāputto etad avoca:|| ||
"Devadatto āvuso bhikkhūnaṃ evaṃ dhammaṃ deseti:|| ||
'Yato ca kho āvuso bhikkhuno cetasā cittaṃ paricitaṃ hoti,||
tass'etaṃ bhikkhūno kallaṃ veyyā- [403] karaṇāya:|| ||
"Khīṇā jāti,||
vusitaṃ Brahma-cariyaṃ,||
kataṃ karaṇīyaṃ||
nāparaṃ itthattāyā" ti||
pajānāmī'" ti.|| ||
■
2. Atha kho Āyasmā Sāriputto āyasmantaṃ Candikāputtaṃ etad avoca:|| ||
"Na kho āvuso Candikāputta,||
Devadatto bhikkhunaṃ evaṃ dhammaṃ deseti:|| ||
'Yato kho āvuso bhikkhuno cetasā cittaṃ paricitaṃ hoti,||
tass'etaṃ bhikkhuno kallaṃ veyyakaraṇāya:|| ||
"Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā" ti||
pajānāmī' ti.|| ||
Evañ ca kho āvuso Candikāputta||
Devadatto bhikkhunaṃ dhammaṃ deseti:|| ||
'Yato kho āvuso bhikkhuno cetasā cittaṃ supari-citaṃ hoti,||
tass'etaṃ bhikkhuno kallaṃ veyyākaraṇāya:|| ||
"Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā" ti||
pajānāmī' ti" ti.|| ||
§
3. Dutiyam pi kho āyasmā Candikāputto bhikkhu āmantesi:|| ||
"Devadatto āvuso bhikkhūnaṃ evaṃ dhammaṃ deseti:|| ||
'Yato ca kho āvuso bhikkhuno cetasā cittaṃ paricitaṃ hoti,||
tass'etaṃ bhikkhūno kallaṃ veyyākaraṇāya:|| ||
"Khīṇā jāti,||
vusitaṃ Brahma-cariyaṃ,||
kataṃ karaṇīyaṃ||
nāparaṃ itthattāyā" ti||
pajānāmī'" ti.|| ||
■
Atha kho Āyasmā Sāriputto āyasmantaṃ Candikāputtaṃ etad avoca:|| ||
"Na kho āvuso Candikāputta,||
Devadatto bhikkhunaṃ evaṃ dhammaṃ deseti:|| ||
'Yato kho āvuso bhikkhuno cetasā cittaṃ paricitaṃ hoti,||
tass'etaṃ bhikkhuno kallaṃ veyyakaraṇāya:|| ||
"Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā" ti||
pajānāmī' ti.|| ||
Evañ ca kho āvuso Candikāputta||
Devadatto bhikkhunaṃ dhammaṃ deseti:|| ||
'Yato kho āvuso bhikkhuno cetasā cittaṃ supari-citaṃ hoti,||
tass'etaṃ bhikkhuno kallaṃ veyyākaraṇāya:|| ||
"Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā" ti||
pajānāmī' ti" ti.|| ||
§
4. Tatiyam pi kho āyasmā Candikāputto bhikkhu āmantesi:|| ||
"Devadatto āvuso bhikkhūnaṃ evaṃ dhammaṃ deseti:|| ||
'Yato ca kho āvuso bhikkhuno cetasā cittaṃ paricitaṃ hoti,||
tass'etaṃ bhikkhūno kallaṃ veyyākaraṇāya:|| ||
"Khīṇā jāti,||
vusitaṃ Brahma-cariyaṃ,||
kataṃ karaṇīyaṃ||
nāparaṃ itthattāyā" ti||
pajānāmī'" ti.|| ||
■
Atha kho Āyasmā Sāriputto āyasmantaṃ Candikāputtaṃ etad avoca:|| ||
"Na kho āvuso Candikāputta,||
Devadatto bhikkhunaṃ evaṃ dhammaṃ deseti:|| ||
'Yato kho āvuso bhikkhuno cetasā cittaṃ paricitaṃ hoti,||
tass'etaṃ bhikkhuno kallaṃ veyyakaraṇāya:|| ||
"Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā" ti||
pajānāmī' ti.|| ||
Evañ ca kho āvuso Candikāputta||
Devadatto bhikkhunaṃ dhammaṃ deseti:|| ||
'Yato kho āvuso bhikkhuno cetasā cittaṃ supari-citaṃ hoti,||
tass'etaṃ bhikkhuno kallaṃ veyyākaraṇāya:|| ||
"Khīṇā jāti||
vusitaṃ Brahma-cariyaṃ||
kataṃ karaṇīyaṃ||
nāparaṃ itthattāyā" ti||
pajānāmī' ti" ti.|| ||
§
5. Kathañ ca āvuso bhikkhuno cetasā cittaṃ supari-citaṃ hoti?|| ||
[404] 'Vīta-rāgaṃ me cittan' ti||
cetasā cittaṃ supari-citaṃ hoti.|| ||
'Vīta-dosaṃ me cittan' ti||
cetasā cittaṃ supari-citaṃ hoti.|| ||
'Vīta-mohaṃ me cittan' ti||
cetasā cittaṃ supari-citaṃ hoti.|| ||
'Asā-rāga-dhammaṃ me cittan' ti||
cetasā cittaṃ supari-citaṃ hoti.|| ||
'Asa-n-dosana-dhammaṃ me cittan' ti||
cetasā cittaṃ supari-citaṃ hoti.|| ||
'Asa-m-moha-dhammaṃ me cittān' ti||
cetasā cittaṃ supari-citaṃ hoti.|| ||
'Anāvatti-dhammaṃ me cittaṃ kāma-bhavāyā' ti||
cetasā cittaṃ supari-citaṃ hoti.|| ||
'Anāvatti-dhammaṃ me cittaṃ rūpa-bhavāyā' ti||
cetasā cittaṃ supari-citaṃ hoti.|| ||
'Anāvatti-dhammaṃ me cittaṃ arūpa-bhavāyā' ti||
cetasā cittaṃ supari-citaṃ hoti.|| ||
6. Evaṃ sammā-vimutta-cittassa kho āvuso bhikkhuno bhusā ce pi cakkhu-viññeyyā rūpā cakkhussa āpāthaṃ āga-c-chanti.|| ||
Nev'assa cittaṃ pariyādiyanti,||
amissikatam ev'assa cittaṃ hoti ṭhitaṃ āneñja-p-pattaṃ,||
vayañ c'assānupassati.|| ||
Bhusā ce pi sota-viññeyyā saddā sotassa āpāthaṃ āgācchanti.|| ||
Nev'assa cittaṃ pariyādiyanti,||
amissikatam ev'assa cittaṃ hoti ṭhitaṃ āneñja-p-pattaṃ,||
vayañ c'assānupassati.|| ||
Bhusā ce pi ghāna-viññeyyā gandhā ghānassa āpāthaṃ āgācchanti.|| ||
Nev'assa cittaṃ pariyādiyanti,||
amissikatam ev'assa cittaṃ hoti ṭhitaṃ āneñja-p-pattaṃ,||
vayañ c'assānupassati.|| ||
Bhusā ce pi jivhā-viññeyyā rasā jivhāya āpāthaṃ āgācchanti.|| ||
Nev'assa cittaṃ pariyādiyanti,||
amissikatam ev'assa cittaṃ hoti ṭhitaṃ āneñja-p-pattaṃ,||
vayañ c'assānupassati.|| ||
Bhusā ce pi kāya-viññeyyā phoṭṭhabbā kāyassa āpāthaṃ āgācchanti.|| ||
Nev'assa cittaṃ pariyādiyanti,||
amissikatam ev'assa cittaṃ hoti ṭhitaṃ āneñja-p-pattaṃ,||
vayañ c'assānupassati.|| ||
Bhusā ce pi mano-viññeyyā dhammā manassa āpāthaṃ āgācchanti.|| ||
Nev'assa cittaṃ pariyādiyanti,||
amissikatam ev'assa cittaṃ hoti ṭhitaṃ āneñja-p-pattaṃ,||
vayañ c'assānupassati.|| ||
Seyyathā pi āvuso silāyūpo soḷasakukkuko,||
tass'assu aṭṭha kukku heṭṭhā nemassa aṭṭha kukku upari nemassa;||
atha puratthimāya ce pi disāya āgaccheyya bhusā vāta-vuṭṭhi,||
n'eva naṃ kampeyya na saṇkam- [405] peyya na sampakampeyya na sampavedheyya;||
atha pacchi-māya ce pi disāya seyyathā pi āvuso silāyūpo soḷasakukkuko,||
tass'assu aṭṭha kukku heṭṭhā nemassa aṭṭha kukku upari nemassa;||
atha puratthimāya ce pi disāya āgaccheyya bhusā vāta-vuṭṭhi,||
n'eva naṃ kampeyya na saṇkampeyya na sampakampeyya na sampavedheyya,||
atha uttarāya ce pi disāya seyyathā pi āvuso silāyūpo soḷasakukkuko,||
tass'assu aṭṭha kukku heṭṭhā nemassa aṭṭha kukku upari nemassa;||
atha puratthimāya ce pi disāya āgaccheyya bhusā vāta-vuṭṭhi,||
n'eva naṃ kampeyya na saṇkampeyya na sampakampeyya na sampavedheyya,||
atha dakkhiṇāya ce pi disāya āgaccheyya bhusā vāta-vuṭṭhi,||
n'eva naṃ kampeyya na saṇkampeyya na sampakampeyya.|| ||
Taṃ kissa hetu?|| ||
Gambhīrattā āvuso nemassa,||
sunikhātattā silāyūpassa.|| ||
Evam eva kho āvuso evaṃ sammā vimutta-cittassa kho āvuso bhikkhuno bhusā ce pi cakkhu-viññeyyā rūpā cakkhussa āpāthaṃ āga-c-chanti.|| ||
Nev'assa cittaṃ pariyādiyanti,||
amissikatam ev'assa cittaṃ hoti ṭhitaṃ āneñja-p-pattaṃ,||
vayañ c'assānupassati.|| ||
Bhusā ce pi sota-viññeyyā saddā sotassa āpāthaṃ āgācchanti.|| ||
Nev'assa cittaṃ pariyādiyanti,||
amissikatam ev'assa cittaṃ hoti ṭhitaṃ āneñja-p-pattaṃ,||
vayañ c'assānupassati.|| ||
Bhusā ce pi ghāna-viññeyyā gandhā ghānassa āpāthaṃ āgācchanti.|| ||
Nev'assa cittaṃ pariyādiyanti,||
amissikatam ev'assa cittaṃ hoti ṭhitaṃ āneñja-p-pattaṃ,||
vayañ c'assānupassati.|| ||
Bhusā ce pi jivhā-viññeyyā rasā jivhāya āpāthaṃ āgācchanti.|| ||
Nev'assa cittaṃ pariyādiyanti,||
amissikatam ev'assa cittaṃ hoti ṭhitaṃ āneñja-p-pattaṃ,||
vayañ c'assānupassati.|| ||
Bhusā ce pi kāya-viññeyyā phoṭṭhabbā kāyassa āpāthaṃ āgācchanti.|| ||
Nev'assa cittaṃ pariyādiyanti,||
amissikatam ev'assa cittaṃ hoti ṭhitaṃ āneñja-p-pattaṃ,||
vayañ c'assānupassati.|| ||
Bhusā ce pi mano-viññeyyā dhammā manassa āpāthaṃ āgācchanti.|| ||
Nev'assa cittaṃ pariyādiyanti,||
amissikatam ev'assa cittaṃ hoti ṭhitaṃ āneñja-p-pattaṃ,||
vayañ c'assānupassati.|| ||
