Majjhima Nikāya
III. Upari Paṇṇāsa
2. Anupada Vagga
Sutta 112
Chabbisodhana Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][chlm][pts][upal][olds][ntbb] Evaṃ me sutaṃ:|| ||
Ekaṃ samayaṃ Bhagavā Sāvatthīyaṃ viharati Jetavane Anāthapiṇḍikassa ārāme.|| ||
Tatra kho Bhagavā bhikkhu āmantesi:|| ||
Bhikkhavo ti.|| ||
Bhadante ti te bhikkhu Bhagavato paccassosuṃ.|| ||
Bhagavā etad avoca:|| ||
Idha, bhikkhave, bhikkhu aññaṃ vyākaroti:|| ||
Khīṇā jāti,||
vusitaṃ Brahma-cariyaṃ,||
kataṃ karaṇīyaṃ,||
nāparaṃ itthattāyā ti pajānāmi' ti.|| ||
Tassa, bhikkhave, bhikkhuno bhāsitaṃ n'eva abhinanditabbaṃ na-p-paṭikkositabbaṃ.|| ||
Anabhinan'ditvā a-p-paṭikkositvā pañho pucchitabbo:|| ||
Cattāro'me, āvuso, vohārā tena Bhagavatā jānatā passatā arahatā Sammā-Saṃ-Buddhena sammad akkhātā.|| ||
Katame cattāro?|| ||
Diṭṭhe diṭṭha-vāditā,||
sute suta-vāditā,||
mute muta-vāditā,||
viññāte [30] viññāta-vāditā.|| ||
Ime kho āvuso, cattāro vohārā tena Bhagavatā jānatā passatā arahatā Sammā-Saṃ-Buddhena sammad akkhato.|| ||
Kathaṃ jānato pan'āyasmato kathaṃ passato imesu catusu vohāresu anupādāya āsavehi cittaṃ vimuttan ti?|| ||
Khīṇ'āsavassa, bhikkhave, bhikkhuno||
vusitavato||
kata-karaṇīyassa||
ohita-bhārassa||
anuppattasadatthassa||
parikkhīṇa-bhava-saṃyojanassa||
samma-d-aññā vimuttassa||
ayam anu-Dhammo hoti veyyākaraṇāya:|| ||
Diṭṭhe kho ahaṃ, āvuso,||
anupayo anapāyo anissito appaṭibaddho vippamutto visaṃyutto vimariyādī-katena cetasā vihārāmi.|| ||
Sute kho ahaṃ, āvuso,||
anupayo anapāyo anissito appaṭibaddho vippamutto visaṃyutto vimariyādī-katena cetasā viharāmi.|| ||
Mute kho ahaṃ, āvuso,||
anupayo anapāyo anissito appaṭibaddho vippamutto visaṃyutto vimariyādī-katena cetasā viharāmi.|| ||
Viññāte kho ahaṃ, āvuso,||
anupayo anapāyo anissito appaṭibaddho vippamutato visaṃyutto vimariyādī-katena cetasā viharāmī.|| ||
Evaṃ kho me āvuso,||
jānato evaṃ passato imesu catusu vohāresu anupādāya āsavehi cittaṃ vimuttan ti.|| ||
Tassa, bhikkhave, bhikkhuno Sādhūti bhāsitaṃ abhinanditabbaṃ, anumoditabbaṃ.|| ||
Sādhūti bhāsitaṃ abhinan'ditvā anumo-ditvā uttariṃ pañho pucchitabbo:|| ||
Pañca kho ime, āvuso,||
upādāna-k-khandhā tena Bhagavatā jānatā passatā arahatā Sammā-Saṃ-Buddhena sammad akkhatā.|| ||
Katame pañca?|| ||
Seyyathīdam:||
rūp'ūpādāna-k-khandho||
vedan'ūpādāna-k-khandho||
saññ'ūpādāna-k-khandho||
saṇkhār'ūpādāna-k-khandho||
viññāṇ'ūpādāna-k-khandho.|| ||
Ime kho āvuso, pañc'upādāna-k-khandhā tena Bhagavatā jānatā passatā arahatā Sammā-Saṃ-Buddhena sammad akkhātā.|| ||
Kathaṃ jānato pan'āyasmato||
kathaṃ passato imesu pañcasū'pādāna-k-khandhesu anupādāya āsavehi cittaṃ vimuttan ti?|| ||
Khīṇ'āsavassa, bhikkhave, bhikkhuno vusitavato kata-karaṇīyassa ohita-bhārassa anuppattasadatthassa parikkhīṇa-bhava-saṃyojanassa samma-d-aññā vimuttassa ayam anu-Dhammo hoti veyyākaraṇāya:|| ||
— Rūpaṃ kho ahaṃ, āvuso,||
abalaṃ virāgaṃ anassāsikan viditvā ye rūpe upāyūpādānā [31] cetaso adhiṭṭh-ā-nābhinives-ā-nusayā,||
tesaṃ khayā virāgā nirodhā cāgā paṭinissaggā vimuttaṃ me cittan ti pajānāmi.|| ||
Vedanaṃ kho ahaṃ, āvuso,||
abalaṃ virāgaṃ anassāsikan viditvā ye vedanā upāyūpādānā cetaso adhiṭṭh-ā-nābhinives-ā-nusayā,||
tesaṃ khayā virāgā nirodhā cāgā paṭinissaggā vimuttaṃ me cittan ti pajānāmi.|| ||
Saññaṃ kho ahaṃ, āvuso,||
abalaṃ virāgaṃ anassāsikan viditvā ye saññā upāyūpādānā cetaso adhiṭṭh-ā-nābhinives-ā-nusayā,||
tesaṃ khayā virāgā nirodhā cāgā paṭinissaggā vimuttaṃ me cittan ti pajānāmi.|| ||
Saṇkhāre kho ahaṃ, āvuso,||
abalaṃ virāgaṃ anassāsikan viditvā ye saṇkhārā upāyūpādānā cetaso adhiṭṭh-ā-nābhinives-ā-nusayā,||
tesaṃ khayā virāgā nirodhā cāgā paṭinissaggā vimuttaṃ me cittan ti pajānāmi.
Viññāṇaṃ kho ahaṃ, āvuso,||
abalaṃ virāgaṃ anassāsikan viditvā ye viññāṇe upāyūpādānā cetaso adhiṭṭh-ā-nābhinives-ā-nusayā,||
tesaṃ khayā virāgā nirodhā cāgā paṭinissaggā vimuttaṃ me cittan ti pajānāmi.|| ||
Evaṃ kho me āvuso,||
jānato evaṃ passato imesu pañcasū'pādāna-k-khandhesu anupādāya āsavehi cittaṃ vimuttan ti.|| ||
Tassa bhikkhave, bhikkhuno Sādhūti bhāsitaṃ abhinanditabbaṃ anumoditabbaṃ.|| ||
Sādhūti bhāsitaṃ abhinan'ditvā anumo-ditvā uttariṃ pañho pucchitabbo:|| ||
Chaḷ-y'imā āvuso,||
dhātuyo tena Bhagavatā jānatā passatā arahatā Sammā-Saṃ-Buddhena sammad akkhatā.|| ||
Katamā cha?|| ||
Paṭhavī-dhātu||
āpo-dhātu||
tejo-dhātu||
vāyo-dhātu||
ākāsa-dhātu||
viññāṇa-dhātu.|| ||
Imā kho, āvuso, cha dhātuyo tena Bhagavatā jānatā passatā arahatā Sammā-Saṃ-Buddhena sammad akkhatā.|| ||
Kathaṃ jānato pan'āyasmato kathaṃ passato imāsu chasu dhātusu anupādāya āsavehi cittaṃ vimuttanti?|| ||
Khīṇ'āsavassa, bhikkhave, bhikkhuno vusitavato kata-karaṇīyassa ohita-bhārassa anupattasadatthassa parikkhīṇa-bhava-saṃyojanassa samma-d-aññā vimutassa ayam anu-Dhammo hoti veyyākaraṇāya:|| ||
Paṭhavī-dhātuṃ kho ahaṃ, āvuso,||
na attato upagacchiṃ,||
na ca paṭhavī-dhātunissitaṃ attāṇaṃ.|| ||
Ye ca paṭhavī-dhātunissitā upay-ū-pādānā cetaso adhiṭṭh-ā-nābhinives-ā-nusayā tesaṃ khayā virāgā nirodhā cāgā paṭinissaggā vimuttaṃ me cittan ti pajānāmi.|| ||
Āpo-dhātuṃ kho ahaṃ, āvuso,||
na attato upagacchiṃ,||
na ca āpo-dhātunissitaṃ attāṇaṃ.|| ||
Ye ca āpo-dhātuunissitā upay-ū-pādānā cetaso adhiṭṭh-ā-nābhinives-ā-nusayā tesaṃ khayā virāgā nirodhā cāgā paṭinissaggā vimuttaṃ me cittanti pajānāmi.|| ||
Tejo-dhātuṃ kho ahaṃ, āvuso,||
na attato upagacchiṃ,||
na ca tejo-dhātunissitaṃ attāṇaṃ.|| ||
Ye ca tejo-dhātunissitā upay-ū-pādānā cetaso adhiṭṭh-ā-nābhinives-ā-nusayā tesaṃ khayā virāgā nirodhā cāgā paṭinissaggā vimuttaṃ me cittanti pajānāmi.|| ||
Vāyo-dhātuṃ kho ahaṃ, āvuso,||
na attato upagacchiṃ,||
na ca vāyo-dhātunissitaṃ attāṇaṃ.|| ||
Ye ca vāyo-dhātunissitā upay-ū-pādānā cetaso adhiṭṭh-ā-nābhinives-ā-nusayā tesaṃ khayā virāgā nirodhā cāgā paṭinissaggā vimuttaṃ me cittanti pajānāmi.|| ||
Ākāsadhātuṃ kho ahaṃ, āvuso,||
na attato upagacchiṃ,||
na ca ākāsa-dhātunissitaṃ attāṇaṃ.|| ||
Ye ca ākāsa-dhātunissitā upay-ū-pādānā cetaso adhiṭṭh-ā-nābhinives-ā-nusayā tesaṃ khayā virāgā nirodhā cāgā paṭinissaggā vimuttaṃ me cittanti pajānāmi.|| ||
Viññāṇadhātuṃ kho ahaṃ, āvuso,||
na attato upagacchiṃ,||
na ca viññāṇadhātunissitaṃ attāṇaṃ.|| ||
Ye ca viññāṇadhātunissitā upay-ū-pādānā cetaso adhiṭṭh-ā-nābhinives-ā-nusayā tesaṃ khayā virāgā nirodhā cāgā paṭinissaggā vimuttaṃ me cittanti pajānāmi.|| ||
Evaṃ kho me āvuso,||
jānato evaṃ passato imāsu chasu dhātusu anupādāya āsavehi cittaṃ vimuttan ti.|| ||
Tassa, bhikkhave, bhikkhuno Sādhūti bhā- [32] sitaṃ abhinanditabbaṃ anumoditabbaṃ.|| ||
Sādhūti bhāsitaṃ abhinan'ditvā anumo-ditvā uttariṃ pañho pucchitabbo:|| ||
Cha kho pan'imāni āvuso,
ajjhattikāni bāhirāni āyatanāni tena Bhagavatā jānatā passatā arahatā Sammā-Saṃ-Buddhena sammad akkhātāni.|| ||
Katamāni cha?|| ||
Cakkhuṃ c'eva rūpā ca,||
sotaṃ ca saddā ca,||
ghānaṃ ca ghandhā ca,||
jivhā ca rasā ca,||
kāyo ca phoṭṭhabbā ca,||
mano ca dhammā ca.|| ||
Imāni kho, āvuso,||
cha ajjhattikāni bāhirāni āyatanāni tena Bhagavatā jānatā passatā arahatā Sammā-Saṃ-Buddhena sammad akkhātāni.|| ||
Kathaṃ jānato pan'āyasmato kathaṃ passato imesu chasu ajjhattikāni bāhirāni āyatanesu anupādāya āsavehi cittaṃ vimuttan ti?|| ||
Khīṇ'āsavassa, bhikkhave,||
bhikkhuno vusitavato kata-karaṇīyassa ohita-bhārassa ||
anupattasadatthassa parikkhīṇa-bhava-saṃyojanassa||
samma-d-aññā vimuttassa ayam anu-Dhammo hoti veyyākaraṇāya:|| ||
Cakkhusmiṃ āvuso,||
rūpe cakkhu-viññāṇe||
cakkhu-viññāṇaviññātabbesu dhammesu||
yo chando,||
yo rāgo,||
yā nandi,||
yā taṇhā,||
ye ca upay-ū-pādānā cetaso adhiṭṭh-ā-nābhinives-ā-nusayā,||
tesaṃ khayā virāgā nirodhā cāgā paṭinissaggā vimuttaṃ me cittan ti pajānāmi.|| ||
Sotasmiṃ āvuso,||
sadde sota-viññāṇe||
sota-viññāṇaviññātabbesu dhammesu||
yo chando,||
yo rāgo,||
yā nandi,||
yā taṇhā,||
ye ca upay-ū-pādānā cetaso adhiṭṭh-ā-nābhinives-ā-nusayā,||
tesaṃ khayā virāgā nirodhā cāgā paṭinissaggā vimuttaṃ me cittan ti pajānāmi.|| ||
Ghānasmiṃ āvuso,||
gandhe ghāna-viññāṇe||
ghāna-viññāṇaviññātabbesu dhammesu||
yo chando,||
yo rāgo,||
yā nandi,||
yā taṇhā,||
ye ca upay-ū-pādānā cetaso adhiṭṭh-ā-nābhinives-ā-nusayā,||
tesaṃ khayā virāgā nirodhā cāgā paṭinissaggā vimuttaṃ me cittan ti pajānāmi.|| ||
Jivhāya āvuso,||
rase jivhā-viññāṇe||
jivhā-viññāṇaviññātabbesu dhammesu||
yo chando,||
yo rāgo,||
yā nandi,||
yā taṇhā,||
ye ca upay-ū-pādānā cetaso adhiṭṭh-ā-nābhinives-ā-nusayā,||
tesaṃ khayā virāgā nirodhā cāgā paṭinissaggā vimuttaṃ me cittan ti pajānāmi.|| ||
Kāyasmiṃ āvuso,||
phoṭṭhabbe kāya-viññāṇe||
kāya-viññāṇaviññātabbesu dhammesu||
yo chando,||
yo rāgo,||
yā nandi,||
yā taṇhā,||
ye ca upay-ū-pādānā cetaso adhiṭṭh-ā-nābhinives-ā-nusayā,||
tesaṃ khayā virāgā nirodhā cāgā paṭinissaggā vimuttaṃ me cittan ti pajānāmi.|| ||
Manasmiṃ āvuso,||
dhamme mano-viññāṇe||
mano-viññāṇaviññātabbesu dhammesu||
yo chando,||
yo rāgo,||
yā nandi,||
yā taṇhā,||
ye ca upay-ū-pādānā cetaso adhiṭṭh-ā-nābhinives-ā-nusayā,||
tesaṃ khayā virāgā nirodhā cāgā paṭinissaggā vimuttaṃ me cittan ti pajānāmi.|| ||
Evaṃ kho me, āvuso,||
jānato evaṃ passato imesu chasu ajjhattikāni bāhirāni āyatanesu anupādāya āsavehi cittaṃ vimuttan ti.|| ||
Tassa bhikkhave, bhikkhuno Sādhūti bhāsitaṃ abhinanditabbaṃ anumoditabbaṃ.|| ||
Sādhūti bhāsitaṃ abhinan'ditvā anumo-ditvā uttariṃ pañho pucchitabbo:|| ||
Kathaṃ jānato pan'āyasmato kathaṃ passato imasmiṃ ca saviññāṇake kāye bahiddhā ca sabba-nimittesu ahiṃkāramamiṇkāramān-ā-nusayā susamūhatā ti?|| ||
[33] Khīṇ'āsavassa bhikkhave, bhikkhuno vusitavato kata-karaṇīyassa ohita-bhārassa anuppattasadatthassa parikkhīṇa-bhava-saṃyojanassa samma-d-aññā vimuttassa ayam anu-Dhammo hoti veyyākaraṇāya:|| ||
'Pubbe kho ahaṃ, āvuso, agāriya-bhūto samāno aviddasu ahosiṃ.|| ||
Tassa me Tathāgato vā Tathāgata-sāvako vā dhammaṃ desesi.|| ||
Tāhaṃ dhammaṃ sutvā Tathāgate saddhaṃ paṭilabhiṃ.|| ||
So tena saddhā-paṭilābhena samannāgato iti paṭisañcikkhiṃ:|| ||
Sambādho ghārāvāso rajo-patho,||
abbhokāso pabbajjā,||
na-y-idaṃ sukaraṃ agāraṃ ajjhāvasatā||
ekanta-paripuṇṇaṃ||
ekanta-parisuddhaṃ||
saṇkhalikhitaṃ Brahma-cariyaṃ carituṃ.|| ||
Yan'nūn-ā-haṃ kesa-massuṃ ohāretvā kāsāyāni vatthāni acchādetvā agārasmā anagāriyaṃ pabbajeyyan ti.|| ||
So kho ahaṃ, āvuso,||
aparena samayena appaṃ vā bhoga-k-khandhaṃ pahāya mahantaṃ vā bhoga-k-khandhaṃ pahāya,||
appaṃ vā ñāti-parivaṭṭaṃ pahāya mahantaṃ vā ñāti-parivaṭṭaṃ pahāya,||
kesa-massuṃ ohāretvā kāsāyāni vatthāni acchādetvā agārasmā anagāriyaṃ pabbajiṃ.|| ||
So evaṃ pabba-jito samāno bhikkhūnaṃ sikkhāsājivasamāpanno pāṇ-ā-tipātaṃ pahāya pāṇ-ā-tipātā paṭivirato ahosiṃ,||
nihita-daṇḍo nihita-sattho lajjī dayā-panno sabba-pāṇa-bhūta-hit-ā-nukampī vihāsiṃ.|| ||
Adinn'ādānaṃ pahāya adinn'ādānā paṭivirato ahosiṃ.||
Dinnādāyī dinna-pāṭikaṇkhī athenena sucibhūtena attanā vihāsiṃ.|| ||
Abrahma-cariyaṃ pahāya brahma-cārī ahosiṃ ārā-cārī||
virato methunā gāma-dhammā.|| ||
Musā-vādaṃ pahāya musā-vādā paṭivirato ahosiṃ,||
sacca-vādī sacca-sandho theto paccayiko avisaṃvādako lokassa.|| ||
Pisunaṃ vācaṃ pahāya pisunāya vācāya paṭivirato ahosiṃ,||
ito sutvā na amutra akkhātā imesaṃ bhedāya,||
amutra vā sutvā na imesaṃ akkhātā amūsaṃ bhedāya,||
iti bhinnānaṃ vā sandhātā||
sahitānaṃ vā anuppadātā||
samagg'ārāmo samaggarato samagganandī samaggakaraṇiṃ vācaṃ bhāsitā ahosiṃ.|| ||
Pharusaṃ vācaṃ pahāya pharusāya vācāya paṭivirato ahosiṃ,||
yā sā vācā neḷā kaṇṇasukhā [34] pemaṇīyā hadayaṃgamā porī bahu-jana-kantā bahu-jana-manāpā tathā-rūpiṃ vācaṃ bhāsitā ahosiṃ.|| ||
Sampha-p-palāpaṃ pahāya sampha-p-palāpā paṭivirato ahosiṃ,||
kāla-vādī bhūta-vādī attha-vādī dhamma-vādī vinaya-vādī ,||
nidhāna-vatiṃ vācaṃ bhāsitā ahosiṃ kālena sāpadesaṃ pariyanta-vatiṃ attha-saṃhitaṃ.|| ||
So bījagāmabhūta-gāmasamāramhā paṭivirato ahosiṃ.|| ||
Ekabbhattiko ahosiṃ ratt'ūparato,||
paṭivirato vikāla-bhojanā.|| ||
Naccagītavādita visukadassanā paṭivirato ahosiṃ.|| ||
Mālāgandhavilepanadhāraṇamaṇḍana vibhusanaṭṭhānā paṭivirato ahosiṃ.|| ||
Uccā-sayana-mahā-sayanā paṭivirato ahosiṃ.|| ||
Jātarūpa-rajata-paṭi-g-gahaṇā paṭivirato ahosiṃ.|| ||
Āmakadhañña paṭi-g-gahaṇā paṭivirato ahosiṃ.|| ||
Āmaka-maṃsa-paṭi-g-gahaṇā paṭivirato ahosiṃ.|| ||
Itthi-kumārika-paṭi-g-gahaṇā paṭivirato ahosiṃ.|| ||
Dāsi-dāsa-paṭi-g-gahaṇā paṭivirato ahosiṃ.|| ||
Ajeḷaka-paṭi-g-gahaṇā paṭivirato ahosiṃ.|| ||
Kukkuṭa-sūkara-paṭi-g-gahaṇā paṭivirato ahosiṃ.|| ||
Hatthigavāssa vaḷavapaṭi-g-gahaṇā paṭivirato ahosiṃ.|| ||
Khetta-vatthu-paṭi-g-gahaṇā paṭivirato ahosiṃ.|| ||
Dūteyya pahinagaman-ā-nuyogā paṭivirato ahosiṃ.|| ||
Kaya-vikkayā paṭivirato ahosiṃ.|| ||
Tulā-kūṭakaṃsakuṭamānakuṭā paṭivirato ahosiṃ.|| ||
Ukkoṭanavañ cananikatisāciyogo paṭivirato ahosiṃ.|| ||
Chedana-vadha-bandhana-viparāmosa-ālopa-sahasākārā paṭivirato ahosiṃ.|| ||
So santuṭṭho ahosiṃ kāya-parihārikena cīvarena kucchi-parihārikena piṇḍa-pātena.|| ||
So yena yen'eva pakkamiṃ,||
samādāyeva pakkamiṃ.|| ||
Seyyathā pi nāma pakkhī sakuṇo yena yen'eva ḍeti,||
sapattabhārova ḍeti.|| ||
Evam eva kho ahaṃ āvuso,||
santuṭṭho ahosiṃ,||
kāya-parihārikena cīvarena kucchi-parihārikena piṇḍa-pātena.|| ||
So yena yen'eva pakkamiṃ,||
samādāyeva pakkamiṃ.|| ||
So iminā ariyena sila-k-khandhena samannāgato ajjhattaṃ anavajja-sukhaṃ paṭisaṃvedesiṃ.|| ||
So cakkhunā rūpaṃ disvā na nimitta-g-gāhī ahosiṃ n-ā-nu-vyañjana-g-gāhī.|| ||
Yato'dhikaraṇam enaṃ cakkhu'ndriyaṃ asaṃvutaṃ viharantaṃ abhijjhā domanassā pāpakā akusalā dhammā anvāssaveyyuṃ,||
tassa saṃvarāya [35] paṭipajjiṃ,||
rakkhiṃ cakkhū'ndriyaṃ,||
cakkhu'ndriye saṃvaraṃ āpajjiṃ.|| ||
Sotena saddaṃ sutvā na nimitta-g-gāhī ahosiṃ n-ā-nu-vyañjana-g-gāhī.|| ||
Yato'dhikaraṇam enaṃ sot'indriyaṃ asaṃvutaṃ viharantaṃ abhijjhā-domanassā pāpakā akusalā dhammā anvāssaveyyuṃ,||
tassa saṃvarāya paṭipajjiṃ,||
rakkhiṃ sot'indriyaṃ,||
sot'indriye saṃvaraṃ āpajjiṃ.|| ||
Ghānena gandhaṃ ghāyitvā na nimitta-g-gāhī ahosiṃ n-ā-nu-vyañjana-g-gāhī.|| ||
Yato'dhikaraṇam enaṃ ghān'indriyaṃ asaṃvutaṃ viharantaṃ abhijjhā domanassā pāpakā akusalā dhammā anvāssaveyyuṃ,||
tassa saṃvarāya paṭipajjiṃ,||
rakkhiṃ ghān'indriyaṃ,||
ghān'indriye saṃvaraṃ āpajjiṃ.|| ||
Jivhāya rasaṃ sāyitvā na nimitta-g-gāhī ahosiṃ n-ā-nu-vyañjana-g-gāhī.|| ||
Yato'dhikaraṇam enaṃ jivh'indriyaṃ asaṃvutaṃ viharantaṃ abhijjhā domanassā pāpakā akusalā dhammā anvāssaveyyuṃ,||
tassa saṃvarāya paṭipajjiṃ,||
rakkhiṃ jivh'indriyaṃ,||
jivh'indriye saṃvaraṃ āpajjiṃ.|| ||
Kāyena phoṭṭhabbaṃ phusitvā na nimitta-g-gāhī ahosiṃ n-ā-nu-vyañjana-g-gāhī.|| ||
Yato'dhikaraṇam enaṃ kāy'indriyaṃ asaṃvutaṃ viharantaṃ abhijjhā domanassā pāpakā akusalā dhammā anvāssaveyyuṃ,||
tassa saṃvarāya paṭipajjiṃ,||
rakkhiṃ kāy'indriyaṃ,||
kāy'indriye saṃvaraṃ āpajjiṃ.|| ||
Manasā dhammaṃ viññāya na nimitta-g-gāhī ahosiṃ n-ā-nu-vyañjana-g-gāhī.|| ||
Yato'dhikaraṇam enaṃ man'indriyaṃ asaṃvutaṃ viharantaṃ abhijjhā-domanassā pāpakā akusalā dhammā anvāssaveyyuṃ,||
tassa saṃvarāya paṭipajjiṃ,||
rakkhiṃ man'indriyaṃ,||
man'indriye saṃvaraṃ āpajjiṃ.|| ||
So iminā ariyena indriya-saṃvarena samannāgato ajjhattaṃ avyāsekasukhaṃ paṭisaṃvedesiṃ.|| ||
So abhikkante paṭikkante sampajāna-kārī ahosiṃ.|| ||
Ālokite vilokite sampajāna-kārī ahosiṃ.|| ||
Sammiñjite pasārite sampajāna-kārī ahosiṃ.|| ||
Saṇghāṭīpattacīvaradhāraṇe sampajāna-kārī ahosiṃ.|| ||
Asite pīte khāyite sāyite sampajāna-kārī ahosiṃ.|| ||
Uccāra-passā-vakamme sampajākārī ahosiṃ.|| ||
Gate ṭhite nisinne sutte jāgarite bhāsite tuṇhī-bhāve sampajāna-kārī ahosi.|| ||
So iminā ca ariyena sīla-k-khandhena samannāgato iminā ca ariyena indriya-saṃvarena samannāgato iminā ca ariyena sati-sampajaññena samannāgato vivittaṃ sen'āsanaṃ bhajiṃ araññaṃ rukkha-mūlaṃ pabbataṃ kandaraṃ giri-guhaṃ susānaṃ vana-patthaṃ abbhokāsaṃ palālapuñjaṃ.|| ||
So pacchā-bhattaṃ piṇḍa-pāta-paṭikkanto
nisīdiṃ pallaṇkaṃ ābhujitvā,||
ujuṃ kāyaṃ paṇidhāya,||
parimukhaṃ satiṃ upaṭṭha-petvā.|| ||
So abhijjhaṃ loke pahāya||
vigātābhijjhena cetasā vihāsiṃ,||
abhijjhāya cittaṃ parisodhesiṃ.|| ||
vyāpāda-padosaṃ pahāya||
avyāpanna-citto vihāsiṃ sabbapānabhūtahit-ā-nukampī,||
vyāpāda-padosā cittaṃ parisodhesiṃ.|| ||
Thīna-middhaṃ pahāya||
vigata-thīna-middho vihāsiṃ āloka-saññī sato sampajāno,||
thīna-middhā cittaṃ parisodhesiṃ.|| ||
Uddhacca-kukkuccaṃ pahāya||
anuddhato vihāsiṃ ajjhattaṃ vūpasanta-citto,||
uddhacca-kukkuccā cittaṃ parisodhesiṃ.|| ||
Vici-kicchaṃ pahāya||
tiṇṇa-vici-kiccho vihāsiṃ akathaṃ-kathī kusalesu dhammesu,||
vicikicchāya cittaṃ parisodhesiṃ.|| ||
[36] So ime pañca nīvaraṇe pahāya||
cetaso upakkilese paññāya dubbalī-karaṇe||
vivicc'eva kāmehi||
vivicca akusalehi dhammehi||
sa-vitakkaṃ sa-vicāraṃ||
viveka-jaṃ pīti-sukhaṃ||
paṭhamaṃ-jhānaṃ upasampajja vihāsiṃ.|| ||
Vitakka-vicārānaṃ vūpasamā ajjhattaṃ sampasādanaṃ cetaso ekodi-bhāvaṃ||
avitakkaṃ avicāraṃ samādhi-jaṃ pitisukhaṃ dutiyaṃ-jhānaṃ upasampajja vihāsiṃ.|| ||
Pītiyā ca virāgā upekkhako ca vihāsiṃ sato ca sampajāno sukhañca kāyena paṭisaṃvedesiṃ.|| ||
Yaṃ taṃ ariyā ācikkhanti:|| ||
'Upekkhako satimā sukha-vihārī' ti taṃ tatiyaṃ-jhānaṃ upasampajja vihāsiṃ.|| ||
Sukhassa ca pahānā dukkhassa ca pahānā pubbe va somanassa-domanassānaṃ atthaṇgamā adukkha-m-asukhaṃ upekkhā-sati-pārisuddhiṃ catutthaṃ-jhānaṃ upasampajja vihāsiṃ.|| ||
So evaṃ samāhite citte parisuddhe pariyodāte an-aṇgaṇe vigatupakkilese mudu-bhute kammanīye ṭhite āṇañjappatte āsavānaṃ khaya-ñāṇāya cittaṃ abhininnāmesiṃ.|| ||
So idaṃ dukkhan ti yathā-bhūtaṃ abbhaññāsiṃ,||
ayaṃ dukkha-samudayo ti yathā-bhūtaṃ abbhaññāsiṃ,||
ayaṃ dukkha-nirodho ti yathā-bhūtaṃ abbhaññāsiṃ,||
ayaṃdukkha-nirodha-gāminī-paṭipadā ti yathā-bhūtaṃ abbhaññāsiṃ.|| ||
Ime āsavā ti yathā-bhūtaṃ abbhaññāsiṃ,||
ayaṃ āsava-samudayo ti yathā-bhūtaṃ abbhaññāsiṃ,||
ayaṃ āsava-nirodho ti yathā-bhūtaṃ abbhaññāsiṃ,||
ayaṃ āsava-nirodha-gāminī-paṭipadā ti yathā-bhūtaṃ abbhaññāsiṃ.|| ||
Tassa me evaṃ jānato evaṃ passato kām'āsavā pi cittaṃ vimuccittha,||
bhav'āsavā pi cittaṃ vimuccittha,||
avijj-ā-savā pi cittaṃ vimuccittha.|| ||
Vimuttasmiṃ vimuttamiti ñāṇaṃ ahosi:|| ||
'Khīṇā jāti,||
vusitaṃ Brahma-cariyaṃ,||
kataṃ karaṇīyaṃ,||
nāparaṃ itthattāyā'ti abbhaññāsiṃ.|| ||
Evaṃ kho me āvuso,||
jānato evaṃ passato imasmiṃ ca saviññāṇake kāye bahiddhā ca sabba-nimittesu ahaṃ-kāra-mamaṇkāra-mān-ā-nusayā susamūhatāti.|| ||
Tassa bhikkhave, bhikkhuno Sādhūti bhāsitaṃ abhinanditabbaṃ anumoditabbaṃ.|| ||
Sādhūti bhāsitaṃ abhinan'ditvā anumo-ditvā evam assa vacanīyo:|| ||
'Lābhā no āvuso,||
su-laddhaṃ [37] no, āvuso,||
ye mayaṃ āyasmantaṃ tādisaṃ brahma-cāriṃ passāmā' ti.|| ||
Idam avoca Bhagavā. Attamanā te bhikkhū Bhagavato bhāsitaṃ 'abhinandun' ti.|| ||
Chabbisodhana Suttaṃ
