Saṃyutta Nikāya
II. Nidāna Vagga
14. Dhātu-Saṃyuttaṃ
I. Nānatta Vagga Paṭhama
1. Ajjhatta-Pañcakaṃ
Sutta 1
Dhātu [Dhātu-Nānatta] Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[pts][bodh][olds] Evaṃ me sutaṃ:|| ||
Ekaṃ samayaṃ Sāvatthiyaṃ viharati Jetavane Anāthapiṇḍikassa ārāme.|| ||
2. "Dhātu-nānattaṃ vo bhikkhave, desissāmi,||
taṃ suṇātha sādhukaṃ manasi karotha||
bhāsissāmī" ti.|| ||
"Evaṃ bhante" ti kho te bhikkhū Bhagavato paccassosuṃ.|| ||
3. Bhagavā etad avoca:|| ||
"Katamañ ca bhikkhave, dhātu-nānattaṃ?|| ||
4. Cakkhu-dhātu, rūpa-dhātu, cakkhu-viññāṇa-dhātu;||
sota-dhātu, sadda-dhātu, sota-viññāṇa-dhātu;||
ghāṇa-dhātu, gandha-dhātu, ghāṇa-viññāṇa-dhātu;||
jivhā-dhātu, rasa-dhātu, jivhā-viññāṇa-dhātu;||
kāya-dhātu, phoṭṭhabba-dhātu, kāya-viññāṇa-dhātu;||
mano-dhātu, dhamma-dhātu, mano-viññāṇa-dhātu.|| ||
Idaṃ vuccati bhikkhave, dhātu-nānattan" ti.|| ||
