Sukhita Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh][than][olds] Ekaṃ samayaṃ Bhagavā Sāvatthiyaṃ viharati.|| ||

[2][pts][bodh][than][olds] Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

[3][pts][bodh][than][olds] Bhagavā etad avoca:|| ||

"Anamat'aggāyam bhikkhave saṃsāro pubbākoṭi na paññāyati avijjā-nīvaraṇānaṃ sattāṇaṃ taṇhā-saṃyojanānaṃ sandhāvataṃ saṃsarataṃ.|| ||

[4][pts][bodh][than][olds] Yam bhikkhave passeyyātha sukhitaṃ sajjitaṃ [187] niṭṭham ettha gantabbaṃ:|| ||

'Amhehi pi eva-rūpam paccanubhūtaṃ dīghena addhunā' ti.|| ||

[5][pts][bodh][than][olds] Taṃ kissa hetu?|| ||

Anamat'aggāyaṃ bhikkhave saṃsāro pubbakoṭi na paññāyati avijjā-nīvaraṇānaṃ sattāṇaṃ taṇhā-saṃyojanānaṃ sandhāvataṃ saṃsarataṃ.|| ||

[6][pts][bodh][than][olds] Evaṃ dīgha-rattam kho bhikkhave dukkham paccanubhtaṃ tibbam paccanubhtaṃ vyasanaṃ paccanubhtaṃ kaṭasi vaḍḍhitā.|| ||

[7][pts][bodh][than][olds] Yāvañ cidam bhikkhave alam eva sabba-saṇkhāresu nibbindituṃ alaṃ virajjituṃ alaṃ vimuccitun" ti.|| ||