Saṃyutta Nikāya
II. Nidāna Vagga
16. Kassapa Saṃyutta

Sutta 10

Bhikkhun'Upassaya Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh] Evaṃ me sutaṃ:|| ||

Ekaṃ samayaṃ āyasmā Mahā Kassapo Sāvatthiyaṃ viharati Jetavane Anāthapiṇḍikassa ārāme.|| ||

Atha kho āyasmā Ānando pubbaṇha-samayaṃ nivāsetvā [215] patta-cīvaram ādāya yen'āyasmā Mahā Kassapo ten'upasaṇkami.|| ||

Upasaṇkamitvā āyasmantaṃ Mahā Kassapaṃ etad avoca:|| ||

"Āyāma bhante, Kassapa, yena aññataro bhikkhun'ūpassayo ten'upasaṇkamissamā" ti.|| ||

"Gaccha tvaṃ āvuso Ānanda, bahu-kicco tvaṃ bahu-karaṇīyo" ti.|| ||

Dutiyam pi kho āyasmā Ānando āyasmantaṃ Mahā Kassapaṃ etad avoca:|| ||

"Āyāma bhante Kassapa, yena aññataro bhikkhun'ūpassayo ten'upasaṇkamissāmā" ti.|| ||

"Gaccha tvaṃ āvuso Ānanda,||
bahu-kicco tvaṃ bahu-karaṇīyo" ti.|| ||

Tatiyam pi kho āyasmā Ānando, āyasmantaṃ Mahā Kassapaṃ etad avoca:|| ||

"Āyāma bhante Kassapa, yena aññataro bhikkhun'ūpassayo ten'upasaṇkamissāmā" ti.|| ||

Atha kho āyasmā Mahā Kassapo pubbaṇha-samayaṃ nivāsetvā patta-cīvaram ādāya āyasmatā Ānandena pacchā-samaṇena yena aññataro bhikkhun'ūpassayo ten'upasaṇkami.|| ||

Upasaṇkamitvā paññatte āsane nisīdi.|| ||

Atha kho sambahulā bhikkhuniyo yen'āyasmā Mahā Kassapo ten'upasaṇkamiṃsu.|| ||

Upasaṇkamitvā āyasmantaṃ Mahā Kassapaṃ abhivādetvā eka-m-antaṃ nisīdiṃsu.|| ||

Eka-m-antaṃ nisinnā kho tā bhikkhuniyo āyasmā Mahā Kassapo dhammiyā kathāya sandassesi samādapesi samuttejesi sampahaṃsesi.|| ||

Atha kho āyasmā Mahā Kassapo tā bhikkhuniyo dhammiyā kathāya sanda-s-setvā samāda-petvā samutte-chetvā sampahaṃ-setvā uṭṭhāy āsanāpakkami.|| ||

Atha kho Thulla-tissā bhikkhunī anatta-manā anatta-manavācaṃ nicchāresi:|| ||

"Kiṃ panayyo Mahā Kassapo ayyassa Ānandassa vedeha-munino sammukhā dhammaṃ bhāsitabbaṃ maññati?|| ||

Seyyathā pi nāma sūci-vāṇijako [216] sūci-kārassa santike sūciṃ vikketabbaṃ maññeyya.|| ||

Evam evaṃ ayyo Mahā Kassapo ayyassa Ānandassa vedeha-munino sammukhā dhammaṃ bhāsitabbaṃ maññatī" ti.|| ||

Assosi kho āyasmā Mahā Kassapo Thulla-Tissāya bhikkhuniyā imaṃ vācaṃ bhāsa-mānāya.|| ||

Atha kho āyasmā Mahā Kassapo āyasmantaṃ Ānandaṃ etad avoca:|| ||

"Kin nu kho āvuso Ānanda,||
ahaṃ sūci-vāṇijako,||
tvaṃ sūci-kāro?|| ||

Udāhu ahaṃ sūci-kāro,||
tvaṃ sūci-vāṇijako" ti?|| ||

"Khamatha bhante Kassapa, bālo mātu-gāmo" ti.|| ||

"Āgamehi tvaṃ āvuso Ānanda,||
mā te saṇgho uttariṃ upapari-k-khi.|| ||

Taṃ kiṃ maññasi āvuso Ānanda?|| ||

Api nu tvaṃ Bhagavato sammukhā bhikkhu-saṇghe upanīto:|| ||

'Ahaṃ bhikkhave, yāvade ākaṇkhāmi,||
vivicc'eva kāmehi||
vivicca akusalehi dhammehi||
sa-vitakkaṃ sa-vicāraṃ||
viveka-jaṃ pīti-sukhaṃ||
paṭhama-j-jhānaṃ upasampajja viharāmi.|| ||

Ānando pi bhikkhave, yāvade ākaṇkhati||
vivicc'eva kāmehi||
vivicca akusalehi dhammehi||
sa-vitakkaṃ sa-vicāraṃ||
viveka-jaṃ pīti-sukhaṃ||
paṭhama-j-jhānaṃ upasampajja viharatī' ti"?|| ||

"No h'etaṃ bhante."|| ||

"Ahaṃ kho āvuso, Bhagavato sammukhā bhikkhu-saṇghe upanīto:|| ||

'Ahaṃ bhikkhave, yāvade ākaṇkhāmi||
vivicc'eva kāmehi||
vivicca akusalehi dhammehi||
sa-vitakkaṃ sa-vicāraṃ||
viveka-jaṃ pīti-sukhaṃ||
paṭhama-j-jhānaṃ upasampajja viharāmi.|| ||

Kassapo pi bhikkhave, yāvade ākaṇkhati||
vivicce va kāmehi||
vivicca akusalehi dhammehi||
sa-vitakkaṃ sa-vicāraṃ||
viveka-jaṃ pīti-sukhaṃ||
paṭhama-j-jhānaṃ upasampajja viharati.|| ||

■

Taṃ kiṃ maññasi āvuso Ānanda?|| ||

Api nu tvaṃ Bhagavato sammukhā bhikkhu-saṇghe upanīto:|| ||

'Ahaṃ bhikkhave, yāvade ākaṇkhāmi||
vitakka-vicārānaṃ vūpasamā||
ajjhattaṃ sampasādanaṃ||
cetaso ekodi-bhāvaṃ||
avitakkaṃ avicāraṃ||
samādhi-jaṃ pīti-sukhaṃ||
dutiya-j-jhānaṃ upasampajja viharāmi.|| ||

Ānando pi bhikkhave, yāvade ākaṇkhati||
vitakka-vicārānaṃ vūpasamā||
ajjhattaṃ sampasādanaṃ||
cetaso ekodi-bhāvaṃ||
avitakkaṃ avicāraṃ||
samādhi-jaṃ pīti-sukhaṃ||
dutiya-j-jhānaṃ upasampajja viharatī' ti"?|| ||

"No h'etaṃ bhante"|| ||

"Ahaṃ kho āvuso, Bhagavato sammukhā bhikkhu-saṇghe upanīto:|| ||

'Yāvade ākaṇkhāmi||
vitakka-vicārānaṃ vūpasamā||
ajjhattaṃ sampasādanaṃ||
cetaso ekodi-bhāvaṃ||
avitakkaṃ avicāraṃ||
samādhi-jaṃ pīti-sukhaṃ||
dutiya-j-jhānaṃ upasampajja viharāmi.|| ||

Kassapo pi bhikkhave, yāvade ākaṇkhati||
vitakka-vicārānaṃ vūpasamā||
ajjhattaṃ sampasādanaṃ||
cetaso ekodi-bhāvaṃ||
avitakkaṃ avicāraṃ||
samādhi-jaṃ pīti-sukhaṃ||
dutiya-j-jhānaṃ upasampajja viharatī' ti.|| ||

■

Taṃ kiṃ maññasi āvuso Ānanda,||
api nu tvaṃ Bhagavato sammukhā bhikkhu-saṇghe upanīto:|| ||

'Ahaṃ bhikkhave, yāvade ākaṇkhāmi||
pītiyā ca virāgā||
upekkhako ca viharāmi,||
sato ca sampajāno||
sukhaṃ ca kāyena paṭisaṃvedemi||
yaṃ taṃ ariyā ācikkhanti||
'upekkhako satimā sukha-vihārī' ti,||
tatiyaṃ jhānaṃ upasampajja viharāmi.|| ||

Ānando pi bhikkhave, yāvade ākaṇkhati||
pītiyā ca virāgā||
upekkhako ca viharati,||
sato ca sampajāno||
sukhaṃ ca kāyena paṭisaṃvedeti||
yaṃ taṃ ariyā ācikkhanti||
'upekkhako satimā sukha-vihārī' ti,||
tatiyaṃ jhānaṃ upasmapajja viharatī' ti"?|| ||

"No h'etaṃ bhante"|| ||

'Ahaṃ kho āvuso, Bhagavato sammukhā bhikkhu-saṇghe upanīto:|| ||

'Ahaṃ bhikkhave, yāvade ākaṇkhāmi||
pītiyā ca virāgā||
upekkhako ca viharāmi,||
sato ca sampajāno||
sukhaṃ ca kāyena paṭisaṃvedemi||
yaṃ taṃ ariyā ācikkhanti||
'upekkhako satimā sukha-vihārī'ti,||
tatiyaṃ jhānaṃ upasampajja viharāmi.|| ||

Kassapo pi bhikkhave, yāvade ākaṇkhati||
pītiyā ca virāgā||
upekkhako ca viharati,||
sato ca sampajāno||
sukhaṃ ca kāyena paṭisaṃvedeti||
yaṃ taṃ ariyā ācikkhanti||
'upekkhako satimā sukha-vihārī' ti,||
tatiyaṃ jhānaṃ upasmapajja viharatī' ti.|| ||

■

Taṃ kiṃ maññasi āvuso Ānanda,||
api nu tvaṃ Bhagavato sammukhā bhikkhu-saṇghe upanīto:|| ||

'Ahaṃ bhikkhave, yāvade ākaṇkhāmi||
sukhassa ca pahāṇā||
dukkhassa ca pahāṇā||
pubb'eva somanassa domanassānaṃ attha-gamā||
adukkha-m-asukhaṃ||
upekkhā-sati-pārisuddhiṃ||
catutthaṃ jhānaṃ upasampajja viharāmi.|| ||

Ānando pi bhikkhave, yāvade ākaṇkhati||
sukhassa ca pahāṇā||
dukkhassa ca pahaṇā||
pubb'eva somanassa domanassānaṃ attha-gamā||
adukkha-m-asukhaṃ||
upekkhā-sati-pārisuddhiṃ||
catutthaṃ jhānaṃ upasampajja viharatī' ti"?|| ||

"No h'etaṃ bhante"|| ||

"Ahaṃ kho āvuso, Bhagavato sammukhā bhikkhu-saṇghe upanīto:|| ||

Kassapo pi bhikkhave, yāvade ākaṇkhati||
sukhassa ca pahāṇā||
dukkhassa ca pahaṇā||
pubb'eva somanassa domanassānaṃ attha-gamā||
adukkha-m-asukhaṃ||
upekkhā-sati-pārisuddhiṃ||
catutthaṃ jhānaṃ upasampajja viharatī' ti.|| ||

■

Taṃ kiṃ maññasi āvuso Ānanda,||
api nu tvaṃ Bhagavato sammukhā bhikkhu-saṇghe upanīto:|| ||

'Ahaṃ bhikkhave, yāvade ākaṇkhāmi||
sabbaso rūpa-saññānaṃ samatikkamā||
paṭigha-saññānaṃ attha-gamā||
nānatta-saññānaṃ amanasikārā||
'Ananto ākāso' ti||
Ākāsanañ-c'āyatanaṃ upasampajja viharāmi.|| ||

Ānando pi bhikkhave, yāvade ākaṇkhati||
sabbaso rūpa-saññānaṃ samatikkamā||
paṭigha-saññānaṃ attha-gamā||
nānatta-saññānaṃ amanasikārā||
'Ananto ākāso' ti||
Ākāsanañ-c'āyatanaṃ upasampajja viharatī'" ti.|| ||

"No h'etaṃ bhante"|| ||

"Ahaṃ kho āvuso, Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi||
sabbaso rūpa-saññānaṃ samatikkamā||
paṭigha-saññānaṃ attha-gamā||
nānatta-saññānaṃ amanasikārā||
'Ananto ākāso' ti||
Ākāsanañ-c'āyatanaṃ upasampajja viharāmi.|| ||

Kassapo pi bhikkhave, yāvade ākaṇkhati||
sabbaso rūpa-saññānaṃ samatikkamā||
paṭigha-saññānaṃ attha-gamā||
nānatta-saññānaṃ amanasikārā||
'Ananto ākāso' ti||
Ākāsanañ-c'āyatanaṃ upasampajja viharatī" ti.|| ||

■

Taṃ kiṃ maññasi āvuso Ānanda,||
api nu tvaṃ Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi||
sabbaso Ākāsanañ-c'āyatanaṃ samatikkamma||
'Anantaṃ viññāṇan' ti||
Viññāṇañ-c'āyatanaṃ upasampajja viharāmi.|| ||

Ānando pi bhikkhave, yāvade ākaṇkhati||
sabbaso Ākāsanañ-c'āyatanaṃ samatikkamma||
'Anantaṃ viññāṇan' ti||
Viññāṇañ-c'āyatanaṃ upasampajja viharatī'" ti?|| ||

"No h'etaṃ bhante"|| ||

"Ahaṃ kho āvuso, Bhagavato sammukhā bhikkhu-saṇghe upanīto:|| ||

'Ahaṃ bhikkhave, yāvade ākaṇkhāmi||
sabbaso Ākāsanañ-c'āyatanaṃ samatikkamma||
'Anantaṃ viññāṇan' ti||
Viññāṇañ-c'āyatanaṃ upasampajja viharāmi.|| ||

Kassapo pi bhikkhave, yāvade ākaṇkhati||
sabbaso Ākāsanañ-c'āyatanaṃ samatikkamma||
'Anantaṃ viññāṇan' ti||
Viññāṇañ-c'āyatanaṃ upasampajja viharatī' ti.|| ||

■

Taṃ kiṃ maññasi āvuso Ānanda,||
api nu tvaṃ Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi||
sabbaso Viññāṇañ-c'āyatanaṃ samatikkamma||
'N'atthi kiñcī' ti||
Ākiñcaññ'āyatanaṃ upasampajja viharāmi.|| ||

Ānando pi bhikkhave, yāvade ākaṇkhati||
sabbaso Viññāṇañ-c'āyatanaṃ samatikkamma||
'N'atthi kiñcī' ti||
Ākiñcaññ'āyatanaṃ upasampajja viharatī'" ti.|| ||

"No h'etaṃ bhante"|| ||

"Ahaṃ kho āvuso, Bhagavato sammukhā bhikkhu-saṇghe upanīto:|| ||

'Ahaṃ bhikkhave, yāvade ākaṇkhāmi||
sabbaso Viññāṇañ-c'āyatanaṃ samatikkamma||
'N'atthi kiñcī' ti||
Ākiñcaññ'āyatanaṃ upasampajja viharāmi.|| ||

Kassapo pi bhikkhave, yāvade ākaṇkhati||
sabbaso Viññāṇañ-c'āyatanaṃ samatikkamma||
'n'atthi kiñcī'||
ti Ākiñcaññ'āyatanaṃ upasampajja viharatī' ti.|| ||

■

Taṃ kiṃ maññasi āvuso Ānanda,||
api nu tvaṃ Bhagavato sammukhā bhikkhu-saṇghe upanīto:|| ||

'Ahaṃ bhikkhave, yāvade ākaṇkhāmi||
sabbaso Ākiñcaññ'āyatanaṃ samatikkamma||
N'eva-saññā-nā-saññ'āyatanaṃ upasampajja viharāmi.|| ||

Ānando pi bhikkhave, yāvade ākaṇkhati||
sabbaso Ākiñcaññ'āyatanaṃ samatikkamma||
N'eva-saññā-nā-saññ'āyatanaṃ upasampajja viharatī'" ti?|| ||

"No h'etaṃ bhante"|| ||

Ahaṃ kho āvuso, Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi||
sabbaso Ākiñcaññ'āyatanaṃ samatikkamma||
N'eva-saññā-nā-saññ'āyatanaṃ upasampajja viharāmi.|| ||

Kassapo pi bhikkhave, yāvade ākaṇkhati||
sabbaso Ākiñcaññ'āyatanaṃ samatikkamma||
N'eva-saññā-nā-saññ'āyatanaṃ upasampajja viharatī' ti.|| ||

■

Taṃ kiṃ maññasi āvuso Ānanda, api nu tvaṃ Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi||
sabbaso N'eva-saññā-nā-saññ'āyatanaṃ samatikkamma||
saññā-vedayita-nirodhaṃ upasampajja viharāmi.|| ||

Ānando pi bhikkhave, yāvade ākaṇkhati||
sabbaso N'eva-saññā-nā-saññ'āyatanaṃ samatikkamma||
saññā-vedayita nirodhaṃ upasampajja viharatī'" ti?|| ||

"No h'etaṃ bhante"|| ||

"Ahaṃ kho āvuso, Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi||
sabbaso N'eva-saññā-nā-saññ'āyatanaṃ samatikkamma||
saññā-vedayita-nirodhaṃ upasampajja viharāmi.|| ||

Kassapo pi bhikkhave, yāvade ākaṇkhati||
sabbaso N'eva-saññā-nā-saññ'āyatanaṃ samatikkamma||
saññā-vedayita nirodhaṃ upasampajja viharatī' ti.|| ||

Taṃ kiṃ maññasi āvuso Ānanda,||
api nu tvaṃ Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi||
aneka-vihitaṃ iddhi-vidhaṃ pacc'anubhomi:|| ||

Eko pi hutvā bahudhā homi.|| ||

Bahudhā pi hutvā eko homi.|| ||

Āvībhāvaṃ tiro-bhāvaṃ||
tiro-kuḍḍaṃ||
tiro-pākāraṃ||
tiro-pabbaṃ asajja-māno gacchāmi||
seyyathā pi ākāse.|| ||

Paṭhaviyā pi ummujjani-mujjaṃ karomi||
seyyathā pi udake.|| ||

Udake pi abhejjamāne gacchāmi||
seyyathā pi paṭhaviyaṃ.|| ||

Ākāse pi pallaṇkena caṇkamāmi||
seyyathā pi pakkhi sakuṇo.|| ||

Ime pi candima-suriye||
evam mahiddhike||
evam mah-ā-nubhāve pāṇinā parāmasāmi parimajjāmi.|| ||

Yāva Brahma-lokā pi kāyena vasaṇ vattemi.|| ||

Ānando pi bhikkhave, yāvade ākaṇkhati aneka-vihitaṃ iddhi-vidhaṃ pacc'anubhoti.|| ||

Eko pi hutvā bahudhā homi.|| ||

Bahudhā pi hutvā eko homi.|| ||

Āvībhāvaṃ tiro-bhāvaṃ||
tiro-kuḍḍaṃ||
tiro-pākāraṃ||
tiro-pabbaṃ asajja-māno gacchāmi||
seyyathā pi ākāse.|| ||

Paṭhaviyā pi ummujjani-mujjaṃ karomi||
seyyathā pi udake.|| ||

Udake pi abhejjamāne gacchāmi||
seyyathā pi paṭhaviyaṃ.|| ||

Ākāse pi pallaṇkena caṇkamāmi||
seyyathā pi pakkhi sakuṇo.|| ||

Ime pi candima-suriye||
evam mahiddhike||
evam mah-ā-nubhāve pāṇinā parāmasāmi parimajjāmi.|| ||

Yāva Brahma-lokā pi kāyena vasaṇ vattetī'" ti?|| ||

"No h'etaṃ bhante"|| ||

"Ahaṃ kho āvuso, Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi||
aneka-vihitaṃ iddhi-vidhaṃ pacc'anubhomi:|| ||

Eko pi hutvā bahudhā homi.|| ||

Bahudhā pi hutvā eko homi.|| ||

Āvībhāvaṃ tiro-bhāvaṃ||
tiro-kuḍḍaṃ||
tiro-pākāraṃ||
tiro-pabbaṃ asajja-māno gacchāmi||
seyyathā pi ākāse.|| ||

Paṭhaviyā pi ummujjani-mujjaṃ karomi||
seyyathā pi udake.|| ||

Udake pi abhejjamāne gacchāmi||
seyyathā pi paṭhaviyaṃ.|| ||

Ākāse pi pallaṇkena caṇkamāmi||
seyyathā pi pakkhi sakuṇo.|| ||

Ime pi candima-suriye||
evam mahiddhike||
evam mah-ā-nubhāve pāṇinā parāmasāmi parimajjāmi.|| ||

Yāva Brahma-lokā pi kāyena vasaṇ vattemi.|| ||

Kassapo pi bhikkhave, yāvade ākaṇkhati aneka-vihitaṃ iddhi-vidhaṃ pacc'anubhoti.|| ||

Eko pi hutvā bahudhā homi.|| ||

Bahudhā pi hutvā eko homi.|| ||

Āvībhāvaṃ tiro-bhāvaṃ||
tiro-kuḍḍaṃ||
tiro-pākāraṃ||
tiro-pabbaṃ asajja-māno gacchāmi||
seyyathā pi ākāse.|| ||

Paṭhaviyā pi ummujjani-mujjaṃ karomi||
seyyathā pi udake.|| ||

Udake pi abhejjamāne gacchāmi||
seyyathā pi paṭhaviyaṃ.|| ||

Ākāse pi pallaṇkena caṇkamāmi||
seyyathā pi pakkhi sakuṇo.|| ||

Ime pi candima-suriye||
evam mahiddhike||
evam mah-ā-nubhāve pāṇinā parāmasāmi parimajjāmi.|| ||

Yāva Brahma-lokā pi kāyena vasaṇ vattemi.|| ||

■

Taṃ kiṃ maññasi āvuso Ānanda,||
api nu tvaṃ Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi dibbāya sota-dhātuyā visuddhāya atikkanta-mānusikāya ubho sadde suṇāmi,||
dibbe ca mānuse ca ye dūre santike ca.|| ||

Ānando pi bhikkhave, yāvade ākaṇkhati dibbāya sota-dhātuyā visuddhāya atikkanta-mānusikāya ubho sadde suṇāti,||
dibbe ca mānuse ca ye dūre santike ca?'"|| ||

"No h'etaṃ bhante"|| ||

"Ahaṃ kho āvuso, Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi dibbāya sota-dhātuyā visuddhāya atikkanta-mānusikāya ubho sadde suṇāmi,||
dibbe ca mānuse ca ye dūre santike ca.|| ||

Kassapo pi bhikkhave, yāvade ākaṇkhati dibbāya sota-dhātuyā visuddhāya atikkanta-mānusikāya ubho sadde suṇāti,||
dibbe ca mānuse ca ye dūre santike ca?|| ||

■

Taṃ kiṃ maññasi āvuso Ānanda,||
api nu tvaṃ Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi,||
para-sattāṇaṃ para-puggalānaṃ cetasā ceto paricca pajānāmi:|| ||

Sarāgaṃ vā cittaṃ||
'sarāgaṃ cittan' ti pajānāmi;||
vīta-rāgaṃ vā cittaṃ||
'vīta-rāgaṃ cittan' ti pajānāmi;||
sadosaṇ vā cittaṃ||
'sadosaṇ cittanti pajānāmi;||
vīta-dosaṇ vā cittaṃ||
'vīta-dosaṇ cittan' ti pajānāmi;||
samohaṃ vā cittaṃ||
'samohaṃ cittan' ti pajānāmi;||
vīta-mohaṃ vā cittaṃ||
'vīta-mohaṃ cittan' ti pajānāmi;||
saṇkhittaṃ vā cittaṃ||
'saṇkhittaṃ cittan' ti pajānāmi;||
vikkhittaṃ vā cittaṃ||
'vikkhittaṃ cittan' ti pajānāmi;||
mahaggataṃ vā cittaṃ||
'mahaggataṃ cittan' ti pajānāmi;||
amahaggataṃ vā cittaṃ||
'amahaggataṃ cittan' ti pajānāmi;||
sa-uttaraṃ vā cittaṃ||
'sa-uttaraṃ cittan' ti pajānāmi;||
anuttaraṃ vā cittaṃ||
'anuttaraṃ cittan' ti pajānāmi;||
samāhitaṃ vā cittaṃ||
'samāhitaṃ cittan' ti pajānāmi;||
asamāhitaṃ vā cittaṃ||
'asamāhitaṃ cittan' ti pajānāmi;||
vimuttaṃ vā cittaṃ||
'vimutta cittan' ti pajānāmi;||
avimuttaṃ vā cittaṃ||
'avimuttaṃ cittan' ti pajānāmi.|| ||

Ānando pi bhikkhave, yāvade ākaṇkhati||
para-sattāṇaṃ para-puggalānaṃ cetasā ceto paricca pajānāti.|| ||

"No h'etaṃ bhante"|| ||

Ahaṃ kho āvuso, Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi,||
para-sattāṇaṃ para-puggalānaṃ cetasā ceto paricca pajānāmi:|| ||

Kassapo pi bhikkhave, yāvade ākaṇkhati||
para-sattāṇaṃ para-puggalānaṃ cetasā ceto paricca pajānāti.|| ||

■

Taṃ kiṃ maññasi āvuso Ānanda,||
api nu tvaṃ Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi||
aneka-vihitaṃ pubbe nivāsaṃ anussarāmi - seyyath'īdaṃ:|| ||

"Ekam pi jātiṃ||
dve pi jātiyo||
tisso pi jātiyo||
catasso pi jātiyo||
pañca pi'jātiyo||
dasa pi jātiyo||
vīsam pi jātiyo||
tiṃsam pi jātiyo||
cattāḷīsam pi jātiyo||
paññāsam pi jātiyo||
jāti-satam pi jāti||
sahassam pi jāti||
sata-sahassam pi,||
aneke pi saṃvaṭṭakappe||
aneke pi vivaṭṭa-kappe||
aneke pi saṃvaṭṭa-vivaṭṭa-kappe||
"amutrāsiṃ evaṃ nāmo||
evaṃ gotto||
evaṃ vaṇṇo||
evam-āhāro||
evaṃ sukha-dukkha-paṭisaṃvedī||
evam-āyu-pariyanto||
so tato cuto amutra udapādiṃ.|| ||

Tatrāpāsiṃ evaṃ-nāmo||
evaṃ-gotto||
evaṃ-vaṇṇo||
evam-āhāro||
evaṃ sukha-dukkha-paṭisaṃvedī||
evam-āyu-pariyanto.|| ||

So tato cuto idh'ūpapanno" ti.|| ||

Iti sākāraṃ sa-uddesaṃ aneka-vihitaṃ pubbe nivāsaṃ anussarāmi.|| ||

Ānando pi bhikkhave, yāvade ākaṇkhati aneka-vihitaṃ pubbe nivāsaṃ anussarati.|| ||

Seyyath'īdaṃ:|| ||

Tatrāpāsiṃ evaṃ-nāmo||
evaṃ-gotto||
evaṃ-vaṇṇo||
evam-āhāro||
evaṃ sukha-dukkha-paṭisaṃvedī||
evam-āyu-pariyanto.|| ||

So tato cuto idh'ūpapanno" ti.|| ||

Iti sākāraṃ sa-uddesaṃ aneka-vihitaṃ pubbe nivāsaṃ anussarāmi'" ti?|| ||

"No h'etaṃ bhante."|| ||

Ahaṃ kho āvuso, Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi aneka-vihitaṃ pubbe nivāsaṃ anussarāmi - seyyath'īdaṃ.|| ||

Tatrāpāsiṃ evaṃ-nāmo||
evaṃ-gotto||
evaṃ-vaṇṇo||
evam-āhāro||
evaṃ sukha-dukkha-paṭisaṃvedī||
evam-āyu-pariyanto.|| ||

So tato cuto idh'ūpapanno" ti.|| ||

Iti sākāraṃ sa-uddesaṃ aneka-vihitaṃ pubbe nivāsaṃ anussarāmi.|| ||

Kassapo pi bhikkhave, yāvade ākaṇkhati aneka-vihitaṃ pubbe nivāsaṃ anussarati.|| ||

Seyyath'īdaṃ:|| ||

Tatrāpāsiṃ evaṃ-nāmo||
evaṃ-gotto||
evaṃ-vaṇṇo||
evam-āhāro||
evaṃ sukha-dukkha-paṭisaṃvedī||
evam-āyu-pariyanto.|| ||

So tato cuto idh'ūpapanno" ti.|| ||

Iti sākāraṃ sa-uddesaṃ aneka-vihitaṃ pubbe nivāsaṃ anussarāmi.|| ||

■

Taṃ kiṃ maññasi āvuso Ānanda,||
api nu tvaṃ Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi||
dibbena cakkhunā visuddhena atikkanta-mānusakena satte passāmi:||
cavamāne uppajjamāne hīne paṇīte suvaṇṇe dubbaṇṇe sugate duggate yathā-kamm'ūpage satte pajānāmi.|| ||

"Ime vata bhonto sattā||
kāya-du-c-caritena samannāgatā||
vacī-du-c-caritena samannāgatā||
mano-du-c-caritena samannāgatā||
ariyānaṃ upavādakā micchā-diṭṭhikā||
micchā-diṭṭhi-kamma-samādānā.|| ||

Te kāyassa bhedā param māraṇā apāyaṃ duggatiṃ vinipātaṃ Nirayaṃ upapannā.|| ||

"Ime vā pana bhonto sattā||
kāya-sucaritena samannāgatā||
vacī-sucaritena samannāgatā||
mano-sucaritena samannāgatā||
ariyānaṃ anupavādakā sammā-diṭṭhikā||
sammā-diṭṭhi-kamma-samādānā.|| ||

Te kāyassa bhedā param māraṇā sugatiṃ saggaṃ lokaṃ upapannā'ti||
iti dibbena cakkhunā visuddhena atikkanta-mānusakena satte passāmi:||
cavamāne uppajjamāne hīne paṇīte suvaṇṇe dubbaṇṇe sugate duggate yathā-kamm'ūpage satte pajānāmi.|| ||

Ānando pi bhikkhave, yāvade ākaṇkhati dibbena cakkhunā visuddhena atikkanta-mānusakena satte passati||
cavamāne uppajjamāne hīne paṇīte suvaṇṇe dubbaṇṇe sugate duggate yathā-kamm'ūpage satte pajānāti.|| ||

Te kāyassa bhedā param māraṇā apāyaṃ duggatiṃ vinipātaṃ Nirayaṃ upapannā.|| ||

"No h'etaṃ bhante"|| ||

"Ahaṃ kho āvuso, Bhagavato sammukhā bhikkhu-saṇghe upanīto:|| ||

"Ahaṃ bhikkhave, yāvade ākaṇkhāmi dibbena cakkhunā visuddhena atikkanta-mānusakena satte passāmi: cavamāne uppajjamāne hīne paṇīte suvaṇṇe dubbaṇṇe sugate duggate yathā-kamm'ūpage satte pajānāmi.|| ||

Te kāyassa bhedā param māraṇā apāyaṃ duggatiṃ vinipātaṃ Nirayaṃ upapannā.|| ||

Kassapo pi bhikkhave, yāvade ākaṇkhati||
dibbena cakkhunā visuddhena atikkanta-mānusakena satte passati||
cavamāne uppajjamāne hīne paṇīte suvaṇṇe dubbaṇṇe sugate duggate yathā-kamm'ūpage satte pajānāti.|| ||

Te kāyassa bhedā param māraṇā apāyaṃ duggatiṃ vinipātaṃ Nirayaṃ upapannā.|| ||

■

[217] Taṃ kiṃ maññasi āvuso Ānanda,||
api nu tvaṃ Bhagavato sammukhā bhikkhu-saṇghe upanīto:|| ||

"Ahaṃ bhikkhave, āsavānaṃ khayā||
anāsavaṃ ceto-vimuttiṃ||
paññā-vimuttiṃ||
diṭṭhe'va dhamme sayaṃ||
abhiññā sacchi-katvā||
upasampajja viharāmi.|| ||

Ānando pi bhikkhave, āsavānaṃ khayā||
anāsavaṃ ceto-vimuttiṃ||
paññā-vimuttiṃ||
diṭṭhe'va dhamme sayaṃ||
abhiññā sacchi-katvā||
upasampajja viharatī" ti?|| ||

'No h'etaṃ bhante.'|| ||

Ahaṃ kho āvuso Bhagavato sammukhā bhikkhu-saṇghe upanīto:|| ||

"Ahaṃ bhikkhave, āsavānaṃ khayā||
anāsavaṃ ceto-vimuttiṃ||
paññā-vimuttiṃ||
diṭṭhe'va dhamme sayaṃ||
abhiññā sacchi-katvā||
upasampajja viharāmi.|| ||

Kassapo pi bhikkhave āsavānaṃ khayā||
anāsavaṃ ceto-vimuttiṃ||
paññā-vimuttiṃ||
diṭṭhe'va dhamme sayaṃ||
abhiññā sacchi-katvā||
upasampajja viharatī" ti.|| ||

Satta-ratanaṃ vā so āvuso nāgaṃ aḍḍhaṭṭha-ratanaṃ vā tālapattikāya chādetabbaṃ maññeyya,||
yo me cha abhiññā chādetabbaṃ maññeyyā" ti.|| ||

Cavittha ca pana Thulla-Tissā bhikkhunī Brahma-cariyambhā.|| ||

Saṃyutta Nikāya II. Nidāna Vagga 16. Kassapa Saṃyutta

Sutta 10

Bhikkhun'Upassaya Suttaṃ

Saṃyutta Nikāya
II. Nidāna Vagga
16. Kassapa Saṃyutta