Saṃyutta Nikāya
II. Nidāna Vagga
17. Lābha-Sakkāra Saṃyuttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
I. Dāruṇa Vagga
Sutta 1
Dāruṇa Suttaṃ
[1][pts][bodh][olds] Evaṃ me sutaṃ.|| ||
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti kho te bhikkhū Bhagavato paccassosuṃ.|| ||
[226] Bhagavā etad avoca:|| ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 2
Balisa Suttaṃ
[2][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Seyyathā pi, bhikkhave, bālisiko āmisa-gataṃ bālisaṃ gambhīre udaka-rahade pakkhipeyya.|| ||
Tam enam aññataro āmisacakkhu maccho gileyya,||
evaṃ hi so bhikkhave,||
maccho gila-bāliso bālisikassa anayaṃ āpanno,||
vyasanaṃ āpanno,||
yathā-kāma-kariṇīyo bālisikassa.|| ||
Bālisiko" ti kho bhikkhave,||
Mārassetaṃ pāpimato adhivacanaṃ.|| ||
Bālisanti kho bhikkhave,||
lābha-sakkāra-silokassetaṃ adhivacanaṃ.|| ||
Yo hi koci bhikkhave, bhikkhu uppannaṃ lābha-sakkāra-silokaṃ assādeti nikāmeti,||
ayaṃ vuccati bhikkhave,||
bhikkhu gila-bāliso Mārassa anayaṃ āpanno,||
vyasanaṃ āpanno,||
yathā-kāma-karaṇīyo pāpimato|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 3
Kumma Suttaṃ
[3][pts][bodh][olds] Sāvatthiyaṃ — || ||
[227] "Dāruṇo bhikkhave,||
lābha-sakkāra-sīloko kaṭuko||
pharuso antarāyiko anuttarassa||
yoga-k-khemassa adhigamāya.|| ||
Bhūta-pubbaṃ bhikkhave,||
aññatarasmiṃ udaka-rahade mahākummakulaṃ ciranivāsī ahosi.|| ||
Atha kho bhikkhave, aññataro kummo aññataraṃ kumma etad avoca:|| ||
"Mā kho tvaṃ tāta kumma,||
etaṃ padesaṃ agamāsī" ti.|| ||
Agamāsi kho bhikkhave,||
so kummo taṃ padesaṃ.|| ||
Tam enam luddo papatāya vijjha.|| ||
Atha kho bhikkhave,||
so kummo yena so kummo ten'upasaṇkami.|| ||
Addasā kho bhikkhave so kummo taṃ kummaṃ dūrato'va āga-c-chantaṃ.|| ||
Disvāna taṃ kummaṃ etad avoca:|| ||
"Kacci tvaṃ tāta kumma,||
na taṃ padesaṃ agamāsī" ti?|| ||
Agamāsiṃ kho ahaṃ tāta kumma,||
taṃ padesanti.|| ||
"Kacci panāsi tāta kumma,||
akkhato anupahato" ti?|| ||
Akkhato kho'mhi tāta kumma,||
anupahato.|| ||
Atthi pana me idaṃ suttakaṃ piṭṭhito piṭṭhito,||
anubaddhanti.|| ||
Tagghassasi tāta kumma,||
khato upahato.|| ||
Etena hi te tāta, kumma, suttakena pitaro ca pitāmahā ca anayaṃ āpannā vyasanaṃ āpannā.|| ||
Gaccha dāni tvaṃ tāta kumma,||
na dāni tvaṃ amhākanti.|| ||
Luddo ti kho bhikkhave,||
Mārassetaṃ pāpimato adhivacanaṃ.||
Papatā ti kho bhikkhave,||
lābha-sakkāra-silokassetaṃ adhivacanaṃ.|| ||
Suttakanti kho bhikkhave,||
nandi-rāgassetaṃ adhivacanaṃ.|| ||
Yo hi koci bhikkhave,||
bhikkhu upannaṃ lābha-sakkāra-silokaṃ assādeti,||
nikāmeti||
ayaṃ vuccati bhikkhave,||
bhikkhu giddho papatāya anayaṃ āpanno,||
vyasanaṃ āpanno,||
yathā-kāma-karaṇīyo pāpimato.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
[228] Evaṃ hi vo bhikkhave, sikkhitabban" ti.|| ||
§
Sutta 4
Dīgha-Lomi-Eḷaka Suttaṃ
[4][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Seyyathā pi, bhikkhave,||
digha-lomikā eḷakā kaṇṭakāgahaṇaṃ paviseyya,||
sā tatra tatra sajjeyya,||
tatra tatra gayheyya,||
tatra tatra bajjheyya,||
tatra tatra anaya-vyasanaṃ āpajjeyya.|| ||
Evam eva kho bhikkhave,||
idh'ekacco bhikkhu lābha-sakkāra-silokena abhibhūto pariyādinna-citto pubbaṇha-samayaṃ nivāsetvā patta-cīvaraṃ ādāya gāmaṃ vā||
nigamaṃ vā piṇḍāya pavisati,||
so tatra tatra sajjati,||
tatra tatra gayhati||
tatra tatra bajjhati,||
tatra tatra anaya-vyasanaṃ āpajjati.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 5
Piḷhika (Mīḷhaka) Suttaṃ
[5][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Seyyathā pi, bhikkhave, mīḷhakā gūthādī,||
gūthapurā,||
puṇṇā guthassa,||
purato c'assa mahāgūthapuñjo.|| ||
Sā tena aññā mīḷhakā atimaññeyya:|| ||
Ahaṃ hi gūthādi,||
gūthapūrā,||
puṇṇā gūthassa,||
purato ca myāyaṃ mahāgūthapuñjo" ti.|| ||
[229] Evam eva kho bhikkhave,||
idh'ekacco bhikkhu lābha-sakkāra-silokena abhibhūto pariyādinna-citto pubbaṇha-samayaṃ nivāsetvā patta-cīvaraṃ ādāya gāmaṃ vā||
nigamaṃ vā piṇḍāya pavisati.|| ||
So tattha bhuttāvī ca hoti yāva-dattho,||
nimantito ca svātanāya,||
piṇḍa-pāto c'assa pūro.|| ||
So ārāmaṃ gantvā bhikkhugaṇassa majjhe vikatthati:|| ||
Bhuttāvī c'amhi yāva-dattho,||
nimantitoc'amhi svātanāya,||
piṇḍa-pāto ca myāyaṃ pūro,||
lābhī c'amhi cīvara-piṇḍa-pāta-sen'āsana-gilāna-papaccaya-bhesajja-parikkhārānaṃ.|| ||
Ime pana aññe bhikkhū appapuññā appesakkhā na lābhino cīvara-piṇḍa-pāta-sen'āsana-gilāna-papaccaya-bhesajja-parikkhārānanti.|| ||
So tena lābha-sakkāra-silokena Abhibhuto pariyādinna-citto aññe pesale bhikkhū atimaññati.|| ||
Taṃ hi tassa bhikkhave,||
mogha-purisassa hoti dīgha-rattaṃ ahitāya dukkhāya.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 6
Asani-Vicakka Suttaṃ
[6][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Kaṃ bhikkhave, asani vicakkaṃ āga-c-chatu?|| ||
Sekhaṃ appattamānasaṃ lābha-sakkāra-siloko anupāpuṇātu.|| ||
"Asani vicakkanti" kho bhikkhave,||
lābha-sakkāra-silokassetaṃ adhivacanaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 7
Diṭṭha-Visalla Suttaṃ
[7][pts][bodh][olds] Sāvatthiyaṃ — || ||
[230] "Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Kaṃ bhikkhave, diṭṭha-gatena visallena sallena vijjhanti tam?|| ||
Sekhaṃ appattamānasaṃ lābha-sakkāra-siloko anupāpuṇātu.|| ||
'Sallanti kho bhikkhave,||
lābha-sakkāra-silokassetaṃ adhivacanaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 8
Paṭhama Sigāla Suttaṃ
[8][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Assuttha no tumhe bhikkhave,||
rattiyā paccūsa-samayaṃ jarasigālassa vassamānassā" ti?|| ||
"Evaṃ bhante" ti.|| ||
Eso kho bhikkhave,||
jarasigālo ukkaṇṭakena nāma rogajātena phuṭṭho n'eva bilagato ramati.|| ||
Na rukkha-mūla-gato ramati. Na ajjhokāsagato ramati.|| ||
Yena yena gacchati,||
yattha yattha tiṭṭhati,||
yattha yattha nisīdati,||
yattha yattha nipajjati,||
tattha tattha anaya-vyasanaṃ āpajjati.|| ||
Evam eva kho bhikkhave,||
idh'ekacco bhikkhu lābha-sakkāra-silokena abhibhūto pariyādinna-citto n'eva suññ-ā-gāra-gato ramati.|| ||
Na rukkha-mūla-gato ramati.|| ||
Na ajjhokāsagato ramati.|| ||
Yena yena gacchati,||
yattha yattha tiṭṭhati,||
yattha yattha nisīdati,||
yattha yattha nipajjati,||
tattha tattha anaya-vyasanaṃ āpajjati.|| ||
[231] Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 9
Veramba Suttaṃ
[9][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Upari bhikkhave,||
ākāse verambā nāma vātā vāyanti.|| ||
Tattha yo pakkhi gacchati,||
tam enaṃ verambā vātā khipanti.|| ||
Tassa verambavātakhittassa aññen'eva pādā gacchanti,||
aññena pakkhā gacchanti,||
aññena sīsaṃ gacchati,||
aññena kāyo gacchati.|| ||
Evam eva kho bhikkhave,||
idh'ekacco bhikkhu lābha-sakkāra-silokena abhibhūto pariyādinna-citto pubbaṇha-samayaṃ nivāsetvā patta-cīvaraṃ ādāya gāmaṃ vā nigamaṃ vā piṇḍāya pavisati,||
arakkhiten'eva kāyena arakkhitāya vācāya arakkhitena cittena anupaṭṭhitāya satiyā asaṃvutehi indriyehi.|| ||
So tattha passati mātu-gāmaṃ dunnivatthaṃ vā duppārutaṃ vā.|| ||
Tassa mātu-gāmaṃ disvā dunnivatthaṃ vā||
duppārutaṃ vā rāgo cittaṃ anuddhaṃseti.|| ||
So rāg'ānuddhaṃ-sitena cittena sikkhaṃ paccakkhāya hīnāy-āvattati.|| ||
Tassa aññe cīvaraṃ haranti.|| ||
Aññe pattaṃ haranti.|| ||
Aññe nisīdanaṃ haranti.|| ||
Aññe sūcigharaṃ haranti.|| ||
Verambavātabittass'eva sakuṇassa.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 10
Sagātha Suttaṃ
[10][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ passāmi [232] lābha-sakkārena abhibhūtaṃ pariyādinna-cittaṃ kāyassa bhedā param maraṇā apāyaṃ duggatiṃ vinipātaṃ Nirayaṃ upapannaṃ.|| ||
Idha panāhaṃ bhikkhave,||
ekaccaṃ puggalaṃ passāmi asakkārena abhibhūtaṃ pariyādinna-cittaṃ kāyassa bhedā param maraṇā apāyaṃ duggatiṃ vinipātaṃ Nirayaṃ upapannaṃ.|| ||
Idha panāhaṃ bhikkhave,||
ekaccaṃ puggalaṃ passāmi sakkārena ca asakkārena ca dvayena abhibhūtaṃ pariyādinna-cittaṃ kāyassa bhedā param maraṇā apāyaṃ duggatiṃ vinipātaṃ Nirayaṃ upapannaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
Idavoca Bhagavā.|| ||
Idaṃ vatvā Sugato athāparaṃ etad avoca Satthā:|| ||
Yassa sakkariyamānassa||
asakkārena cūhayaṃ,||
Samādhi na vikampati||
appamāṇavihārino||
Taṃ jhāyinaṃ sātatikaṃ||
sukhumadiṭṭhivipassakaṃ||
Upādānakkhayārāmaṃ||
āhu sappuriso itī" ti.|| ||
II. Pāti Vagga Dutiya
Sutta 11
Paṭhama Su-Vaṇṇapāti Suttaṃ
[11][pts][bodh][olds] [233] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi.|| ||
"Na cāyama āyasmā suvaṇṇapātiyāpi rūpiyacuṇṇa- paripūrāya hetu sampajāna musā bhāseyyā" ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 12
Rūpiyapāti Suttaṃ
[12][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi||
"na cāyama āyasmā rūpiyapātiyāpi suvaṇṇacuṇṇaparipūrāya hetu sampajānamusā bhāseyyā" ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 13
Suvaṇṇa-Nikkha Suttaṃ
[13][pts][bodh][olds] Sāvatthiyaṃ — || ||
[234] "Dāruṇo bhikkhave,||
lābha-sakkāra-sīloko kaṭuko||
pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi.|| ||
"Na cāyama āyasmā suvaṇṇa-nikkhassā pi hetu||
sampajāna musā bhāseyyā" ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 14
Suvaṇṇa-Nikkha-Sata Suttaṃ
[14][pts][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi.|| ||
"Na cāyama āyasmā suvaṇṇanikkhasatassāpi hetu||
sampajāna musā bhāseyyā" ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 15
Siṇgīnikkha Suttaṃ
[15][pts][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi.|| ||
"Na cāyama āyasmā siṇgīnikkhassapi hetu||
sampajāna musā bhāseyyā" ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 16
Siṇgīnikkha-Sata Suttaṃ
[16][pts][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi.|| ||
"Na cāyama āyasmā siṇgīnikkhasatassāpi hetu||
sampajāna musā bhāseyyā" ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 17
Paṭhavi Suttaṃ
[17][pts][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi.|| ||
"Na cāyama āyasmā paṭhaviyāpi jāta-rūpaparipūrāya hetu||
sampajāna musā bhāseyyā" ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 18
Kiñcikkha Suttaṃ
[18][pts][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi.|| ||
"Na cāyama āyasmā āmisakiñcikkha hetu pi||
sampajāna musā bhāseyyā" ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 19
Jīvita Suttaṃ
[19][pts][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi.|| ||
"Na cāyama āyasmā jīvita hetu pi||
sampajāna musā bhāseyyā" ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 20
Janapadakaḷyāṇi Suttaṃ
[20][pts][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi.|| ||
"Na cāyama āyasmā jana-padakaḷyāṇiyā pi hetu||
sampajāna musā bhāseyyā" ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
III. Mātu-gāmavaggo
Sutta 21
Mātu-gāma Suttaṃ
[21][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
[235] Na tassa bhikkhave,||
mātu-gāmo eko ekassacittaṃ pariyādāya tiṭṭhati,||
yassa lābha-sakkāra siloko cittaṃ pariyādāya tiṭṭhati.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 22
Janapadakalyāṇi Suttaṃ
[22][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Na tassa bhikkhave,||
jana-pada-kalyāṇi ekā ekassacittaṃ pariyādāya tiṭṭhati,||
yassa lābha-sakkāra-siloko cittaṃ pariyādāya tiṭṭhati.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 23
Ekaputta Suttaṃ
[23][pts][bodh][olds] Sāvatthiyaṃ -|| ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Saddhā bhikkhave, upāsikā ekaṃ puttaṃ piyaṃ manāpaṃ evaṃ sammā āyācamānā āyāceyya|| ||
"Tādiso tāta, bhavāhi,||
yādiso citto ca gahapati Hatthako ca ā'avako" ti.|| ||
Esā bhikkhave tulā,||
etaṃ pamāṇaṃ,||
mama sāvakānaṃ upāsakānaṃ||
yad idaṃ citto ca gahapati,||
Hatthako ca ā'avako.|| ||
"Sace kho tvaṃ tāta,||
agārasmā anagāriyaṃ pabbajasi,||
"tādiso nāta bhavāhi yādisā Sāriputta-Moggallānā" ti.|| ||
Esā bhikkhave tulā,||
etaṃ pamāṇaṃ,||
sāvakānaṃ bhikkhūnaṃ||
yad idaṃ Sāriputta-Moggallānā.|| ||
"Mā ca kho tvaṃ tāta,||
sekhaṃ appattamānasaṃ lābha-sakkāra-siloko anupāpuṇātu" ti.|| ||
Taṃ ce [236] bhikkhave,||
bhikkhuṃ sekhaṃ appattamānasaṃ lābha-sakkāra-siloko anupāpuṇāti,||
so tassa hoti antarāyāya.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 24
Ekadhītu Suttaṃ
[24][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Saddhā bhikkhave, upāsikā ekaṃ ṭhitikaṃ piyaṃ manāpaṃ evaṃ sammā āyācamānā āyāceyya:|| ||
"Tādisā ayye, bhavāhi,||
yādisā khujjuttarā upāsikā Veḷukaṇṭakiyā ca Nandamātā" ti.|| ||
Esā bhikkhave, tulā,||
etaṃ pamāṇaṃ,||
mama sāvikānaṃ upāsikānaṃ||
yad idaṃ Khujjuttarā ca Upāsikā, Veḷukaṇṭakiyā ca Nandamātā.|| ||
"Sa ce kho tvaṃ ayye,||
agārasmā anagāriyaṃ pabbajasi,||
tādisā ayye, bhavāhi,||
yādisā Khemā ca bhikkhunī Uppalavaṇṇā cā" ti.|| ||
Esā bhikkhave, tulā,||
etaṃ pamāṇaṃ,||
mama sāvikānaṃ bhikkhunīnaṃ||
yad idaṃ Khemā ca bhikkhunī Uppalavaṇṇā ca.|| ||
"Mā ca kho tvaṃ ayye,||
sekhaṃ appattamānasaṃ lābha-sakkāra-siloko anupāpuṇātū" ti.|| ||
Taṃ ce bhikkhave,||
bhikkhuniṃ sekhaṃ appattamānasaṃ lābha-sakkāra-siloko anupāpuṇāti,||
so tassā hoti antarāyāya.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 25
Samaṇa-brāhmaṇa Suttaṃ
[25][pts][bodh][olds] Sāvatthiyaṃ — || ||
[237] "Ye hi keci, bhikkhave, samaṇā vā brāhmaṇā vā||
lābha-sakkāra-silokassa assādañ ca||
ādīnavañ ca||
nissaraṇañ ca yathā-bhūtaṃ na pajānanti,||
na me te bhikkhave, samaṇā vā||
brāhmaṇā vā||
samaṇesu vā||
samaṇa-sammatā, brāhmaṇesu vā brāhmaṇa-sammatā.|| ||
Na ca pana te āyasmato sāmaññ'atthaṃ vā||
brahmaññattaṃ vā||
diṭṭhe'va dhamme sayaṃ abhiññā sacchi-katvā upasampajja viharanti.|| ||
Ye ca kho keci bhikkhave, samaṇā vā brāhmaṇā vā||
lābha-sakkāra-silokassa assādañ ca||
ādīnavañ ca||
nissaraṇañ ca yathā-bhūtaṃ pajānanti,||
te ca khome bhikkhave samaṇā vā brāhmaṇā vā samaṇesu vā samaṇa-sammatā,||
brāhmaṇesu vā brāhmaṇa-sammatā.|| ||
Te ca pan'āyasmato sāmaññ'atthañ ca brahmaññ'atthañ ca||
diṭṭhe'va dhamme sayaṃ abhiññā sacchi-katvā upasampajja viharantī" ti.|| ||
§
Sutta 26
Dutiyasamaṇa-brāhmaṇa Suttaṃ
[26][pts][bodh][olds] Sāvatthiyaṃ — || ||
"Ye hi keci, bhikkhave, samaṇā vā brāhmaṇā vā||
lābha-sakkāra-silokassa samudayañ ca||
attha-gamañ ca||
assādañ ca||
ādīnavañ ca||
nissaraṇañ ca yathā-bhūtaṃ na-p-pajānanti,||
na me te bhikkhave, samaṇā vā brahmaṇā vā samaṇesu vā samaṇa-sammatā,||
brāhmaṇesu vā brāhmaṇa-sammatā.|| ||
Na ca pana te āyasmanto sāmaññ'atthañ ca||
brahmaññ'atthañ ca||
diṭṭhe'va dhamme sayaṃ abhiññā sacchi-katvā upasampajja viharanti.|| ||
Ye hi keci, bhikkhave, samaṇā vā brāhmaṇā vā||
lābha-sakkāra-silokassa samudayañ ca||
attha-gamañ ca||
assādañ ca||
ādīnavañ ca||
nissaraṇañ ca yathā-bhūtaṃ pajānanti,||
te ca khome bhikkhave, samaṇā vā brāhmaṇā vā samaṇesu c'eva samaṇa-sammatā,||
brāhmaṇesu ca brāhmaṇa-sammatā.|| ||
Te ca pan'āyasmanto sāmaññ'atthañ ca||
brahmaññ'atthañ ca||
diṭṭhe'va dhamme sayaṃ abhiññā sacchi-katvā upasampajja viharantī" ti.
§
Sutta 27
Tatiya Samaṇa-Brāhmaṇa Suttaṃ
[27][pts][bodh][olds]Sāvatthiyaṃ — || ||
"Ye hi keci, bhikkhave, samaṇā vā brāhmaṇā vā||
lābha-sakkāra-silokaṃ na-p-pajānanti,||
lābha-sakkāra-silokasamudayaṃ na-p-pajānanti,||
lābha-sakkāra-siloka nirodhaṃ na-p-pajānanti,||
lābha-sakkāra-silokanirodha-gāminī-paṭipadaṃ na-p-pajānanti, na me te bhikkhave, samaṇā vā brahmaṇā vā samaṇesu vā samaṇa-sammatā,||
brāhmaṇesu vā brāhmaṇa-sammatā.|| ||
Na ca pana te āyasmanto sāmaññ'atthañ ca||
brahmaññ'atthañ ca||
diṭṭhe'va dhamme sayaṃ abhiññā sacchi-katvā upasampajja viharanti.|| ||
Ye hi keci samaṇā vā brāhmaṇā vā||
lābha-sakkāra-silokañ ca||
lābha-sakkāra-silokasamudayañ ca||
lābha-sakkāra-silokanirodhañ ca||
lābha-sakkāranirodha-gāminī-paṭipadañ ca yathā-bhūtaṃ pajānanti.|| ||
Te ca khome bhikkhave, samaṇā vā brāhmaṇā vā||
samaṇesu c'eva samaṇa-sammatā,||
brāhmaṇesu ca brāhmaṇa-sammatā.|| ||
Te ca pan'āyasmanto sāmaññ'atthañ ca||
brahmaññ'atthañ ca||
diṭṭhe'va dhamme sayaṃ abhiññā sacchi-katvā upasampajja viharantī" ti.
§
Sutta 28
Chavi Suttaṃ
[28][pts][bodh][olds] Sāvatthiyaṃ — || ||
"Dāruṇo bhikkhave, lābha-sakkāra-siloko.|| ||
[238] Lābha-sakkāra-siloko bhikkhave chaviṃ chindati,||
chaviṃ chetvā maṃsaṃ chindati,||
maṃsaṃ chetvā cammaṃ chindati,||
cammaṃ chetvā nahāruṃ chindati,||
nahāruṃ chetvā aṭṭhiṃ chindati,||
aṭṭhiṃ chetvā aṭṭhimiñjaṃ āhacca tiṭṭhati.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 29
Vālarajju Suttaṃ
[29][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko.|| ||
Lābha-sakkāra-siloko bhikkhave, chaviṃ chindati,||
chaviṃ chetvā cammaṃ chindati,||
chammaṃ chetvā maṃsaṃ chindati,||
maṃsaṃ chetvā nahāruṃ chindati,||
nahāruṃ chetvā aṭṭhiṃ chindati,||
aṭṭhiṃ chetvā aṭṭhimiñjaṃ āhacca tiṭṭhati.|| ||
Seyyathā pi, bhikkhave, balavā puriso||
daḷhāya vālarajjuyā jaṇghaṃ veṭhetvā ghaṃseyya,||
sā chaviṃ chindeyya,||
chaviṃ chetvā cammaṃ chindeyya,||
cammaṃ chetvā maṃsaṃ chindeyya,||
maṃsaṃ chetvā nahāruṃ chindeyya,||
nahāruṃ chetvā aṭṭhiṃ chindeyya,||
aṭṭhiṃ chetvā aṭṭhimiñjaṃ āhacca tiṭṭheyya.|| ||
Evam eva kho bhikkhave,||
lābha-sakkāra-siloko chaviṃ chindati,||
chaviṃ chetvā cammaṃ chindati,||
cammaṃ chetvā maṃsaṃ chindati,||
maṃsaṃ chetvā nahāruṃ chindati,||
nahāruṃ chetvā aṭṭhiṃ chindati,||
aṭṭhiṃ chetvā aṭṭhimiñjaṃ āhacca tiṭṭhati.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 30
Khīṇ'āsavabhikkhu Suttaṃ
[30][pts][bodh][olds] Sāvatthiyaṃ — || ||
[239] "Yo pi so bhikkhave,||
bhikkhu arahaṃ khīṇ'āsavo,||
tassa pāhaṃ lābha-sakkāra-silokaṃ antarāyāya vadāmī" ti.|| ||
Evaṃ vutte āyasmā Ānando Bhagavantaṃ etad avoca:|| ||
"Kissa pana bhante,||
khīṇ'āsavassa bhikkhuno lābha-sakkāra-siloko antarāyāyā" ti?
"Yā hi'ssa sā Ānanda,||
akuppā ceto vimutti,||
n-ā-haṃ tassā lābha-sakkāra silokaṃ antarāyāya vadāmi.|| ||
Ye ca khvassa Ānanda,||
appamattassa ātāpino pahitattassa viharato diṭṭha-dhamma-sukha-vihāraṃ adhigatā,||
tesāhamassa lābha-sakkāra-silokaṃ antarāyāya vadāmi.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
IV. Saṇgha-Bheda Vagga
Sutta 31
Saṇgha-Bheda Suttaṃ
[31][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
[240] Lābha-sakkāra-silokena abhibhūto pariyādinna-citto bhikkhave,||
Devadatto Saṇghaṃ bhindi.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 32
Kusalamūlasamuccheda Suttaṃ
[32][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Lābha-sakkāra-silokana abhibhūtassa pariyādinna-cittassa bhikkhave,||
Devadattassa kusala-mūlaṃ samucchedam agamā.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 33
Kusaladhammasamuccheda Suttaṃ
[33][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Lābha-sakkāra-silokana abhibhūtassa pariyādinna-cittassa bhikkhave,||
Devadattassa kusalo dhammo samacchedam agamā.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 34
Sukkadhammasamuccheda Suttaṃ
[34][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Lābha-sakkāra-silokana abhibhūtassa pariyādinna-cittassa bhikkhave,||
Devadattassa sukko dhammo samucchedam agamā.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 35
Attavadha Suttaṃ
[35][pts][bodh][olds] [241] Ekaṃ samayaṃ Bhagavā Rājagahe viharati Gijjhakūṭe pabbate acira-pakkante devadatte.|| ||
Tatra kho Bhagavā Devadattaṃ ārabbha bhikkhū āmantesi:|| ||
Attavadhāya bhikkhave,||
Devadattassa lābha-sakkāra-siloko udapādi.|| ||
Parābhavāya lābha-sakkāra-siloko udapādi.|| ||
Seyyathā pi, bhikkhave, kadali attavadhāya phalaṃ deti,||
parābhavāya phalaṃ deti,||
evam eva kho, bhikkhave, attavadhāya Devadattassa lābha-sakkāra-siloko udapādi.|| ||
Parābhavāya Devadattassa lābha-sakkāra-siloko udapādi.|| ||
Seyyathā pi, bhikkhave, veḷu attavadhāya phalaṃ deti,||
parābhavāya phalaṃ deti,||
evam eva kho, bhikkhave, attavadhāya Devadattassa lābha-sakkāra-siloko udapādi.|| ||
Parābhavāya Devadattassa lābha-sakkāra-siloko udapādi.|| ||
Seyyathā pi, bhikkhave, naḷo attavadhāya phalaṃ deti,||
parābhavāya phalaṃ deti,||
evam eva kho, bhikkhave, attavadhāya Devadattassa lābha-sakkāra-siloko udapādi.|| ||
Parābhavāya Devadattassa lābha-sakkāra-siloko udapādi.|| ||
Seyyathā pi, bhikkhave, assatarī attavadhāya gabbhaṃ gaṇhāti,||
parābhavāya gabbhaṃ gaṇhāti,||
evam eva kho, bhikkhave, attavadhāya Devadattassa lābha-sakkāra-siloko udapādi.|| ||
Parābhavāya Devadattassa lābha-sakkāra-siloko udapādi.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
Idam avoca Bhagavā, idaṃ vatvā Sugato athāparaṃ etad avoca Satthā:|| ||
Phalaṃ ve kadaliṃ hanti||
phalaṃ veḷuṃ phalaṃ na'aṃ,||
Sakkāro kāpurisaṃ hanti||
gabbho assatariṃ yathā" ti.
§
Sutta 36
Pañcarathasata Suttaṃ
[36][pts][bodh][olds] Ekaṃ samayaṃ Bhagavā [242] Rājagahe viharati||
Veḷuvane Kalandakanivāpe.|| ||
Tena kho pana samayena Devadattassa Ajātasattu kumāro pañcahi rathasatehi sāyaṃ pātaṃ upaṭṭhānaṃ gacchati.|| ||
Pañca ca thālipākasatāni bhattābhihāro abhiharīyati.|| ||
Atha kho sambahulā bhikkhū yena Bhagavā tenupa-saṇkamiṃsu.|| ||
Upasaṇkamitvā Bhagavantaṃ abhivādetvā eka-m-antaṃ nisīdiṃsu.|| ||
Eka-m-antaṃ nisinnā kho te bhikkhū Bhagavantaṃ etad avocuṃ:|| ||
"Devadattassa bhante, Ajātasattukumāro pañcahi rathasatehi sāyaṃ pātaṃ upaṭṭhānaṃ gacchati.|| ||
Pañca ca thālipākasatāni bhattābhihāro abhiharīyatī" ti.|| ||
Mā bhikkhave, Devadattassa lābha-sakkāra-silokaṃ pihayittha.|| ||
Yāva kīvañ ca bhikkhave,||
Devadattassa Ajātasattukumāro pañcahi rathasatehi sāyaṃ pātaṃ upaṭṭhānaṃ gamissati,||
pañca ca thālipākasatāni bhattābhihāro abhiharīyissati,||
hāni yeva bhikkhave,||
Devadattassa pāṭikaṇkhā kusalesu dhammesu,||
no vuddhi.|| ||
Seyyathā pi, bhikkhave, caṇḍassa kukkurassa nāsāya pittaṃ bhindeyyuṃ,||
evaṃ hi so bhikkhave, kukkuro bhiyyoso-mattāya caṇḍataro assa.|| ||
Evam eva kho bhikkhave, yāva kīvañca Devadattassa Ajātasattukumāro pañcahi rathasatehi sāyaṃ pātaṃ upaṭṭhānaṃ gamissati,||
pañca ca thālipākasatāni bhattābhihāro abhiharīyissati,||
hāni yeva bhikkhave, Devadattassa pāṭikaṇkhā kusalesu dhammesu, no vuddhi.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 37
Mātu Suttaṃ
[37][pts][bodh][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
[243] Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi:|| ||
"Na cāyama āyasmā mātu pi hetu sampajānamusā bhāseyyā" ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 38
Pitu Suttaṃ
[38][pts][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi:|| ||
'Na cāyama āyasmā pitu pi hetu sampajānamusā bhāseyyā' ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 39
Bhātu Suttaṃ
[39][pts][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi:
'Na cāyama āyasmā bhātu pi hetu sampajānamusā bhāseyyā' ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 40
Bhagini Suttaṃ
[40][pts][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave, ekaccaṃ puggalaṃ||
evaṃ cetasā ceto paricca pajānāmi:|| ||
"Na cāyama āyasmā bhaginiyā pi hetu sampajānamusā bhāseyyā" ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 41
Putta Suttaṃ
[41][pts][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi:|| ||
'Na cāyama āyasmā puttassa pi hetu sampajānamusā bhāseyyā' ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 42
Dhītu Suttaṃ
[42][pts][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi:|| ||
'Na cāyama āyasmā dhituyā pi hetu sampajānamusā bhāseyyā' ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
§
Sutta 43
Pajāpati Suttaṃ
[43][pts][olds] Sāvatthiyaṃ — || ||
"Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Idh'āhaṃ bhikkhave,||
ekaccaṃ puggalaṃ evaṃ cetasā ceto paricca pajānāmi:|| ||
'Na cāyama āyasmā pajāpatiyā pi hetu sampajānamusā bhāseyyā' ti.|| ||
Tam enam passāmi aparena samayena lābha-sakkāra-silokena abhibhūtaṃ pariyādinna-cittaṃ sampajānamusā bhāsantaṃ.|| ||
Evaṃ Dāruṇo bhikkhave,||
lābha-sakkāra-sīloko||
kaṭuko pharuso antarāyiko anuttarassa||
yoga-k-khemassa adhigamāya.|| ||
Tasmātiha bhikkhave, evaṃ sikkhitabbaṃ|| ||
'Uppannaṃ lābha-sakkāra-sīlokaṃ pajahissāma.|| ||
Na ca no uppanno lābha-sakkāra-sīloko cittaṃ pariyādāya ṭhassatī' ti.|| ||
Evaṃ hi vo bhikkhave, sikkhitabban" ti.|| ||
Saṇghabheda Vagga Catuttho
Lābha-sakkāra Saṃyuttaṃ Samattaṃ
