Saṃyutta Nikāya
II. Nidāna Vagga
18. Rāhula Saṃyuttam
2. Dutiya Vagga
Sutta 12
Rūpa Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Evaṃ me sutaṃ, ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Atha kho āyasmā Rāhulo yena Bhagavā ten'upasaṇkami.|| ||
Upasaṇkamitvā Bhagavantaṃ abhivādetvā eka-m-antaṃ nisīdi.|| ||
Eka-m-antaṃ nisinnaṃ kho āyasmantaṃ Rāhulaṃ Bhagavā etad avoca:|| ||
"Taṃ kiṃ maññasi Rāhula,||
[251] rūpā niccā vā aniccā vā" ti?|| ||
"Aniccaṃ bhante."|| ||
"Yam panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yam panāniccaṃ dukkhaṃ vipariṇāma-dhammaṃ,||
kallaṃ nu taṃ samanupassituṃ:|| ||
'Etaṃ mama,||
eso ham asmi,||
eso me attā' ti?"|| ||
"No h'etaṃ bhante."|| ||
■
"Saddā niccā vā aniccā vā" ti?|| ||
"Aniccaṃ bhante."|| ||
"Yam panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yam panāniccaṃ dukkhaṃ vipariṇāma-dhammaṃ,||
kallaṃ nu taṃ samanupassituṃ:|| ||
'Etaṃ mama,||
eso ham asmi,||
eso me attā' ti?"|| ||
"No h'etaṃ bhante."|| ||
■
"Gandhā niccā vā aniccā vā" ti?|| ||
"Aniccaṃ bhante."|| ||
"Yam panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yam panāniccaṃ dukkhaṃ vipariṇāma-dhammaṃ,||
kallaṃ nu taṃ samanupassituṃ:|| ||
'Etaṃ mama,||
eso ham asmi,||
eso me attā' ti?"|| ||
"No h'etaṃ bhante."|| ||
■
"Rasā niccā vā aniccā vā" ti?|| ||
"Aniccaṃ bhante."|| ||
"Yam panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yam panāniccaṃ dukkhaṃ vipariṇāma-dhammaṃ,||
kallaṃ nu taṃ samanupassituṃ:|| ||
'Etaṃ mama,||
eso ham asmi,||
eso me attā' ti?"|| ||
"No h'etaṃ bhante."|| ||
■
"Phoṭṭhabbā niccā vā aniccā vā" ti?|| ||
"Aniccaṃ bhante."|| ||
"Yam panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yam panāniccaṃ dukkhaṃ vipariṇāma-dhammaṃ,||
kallaṃ nu taṃ samanupassituṃ:|| ||
'Etaṃ mama,||
eso ham asmi,||
eso me attā' ti?"|| ||
"No h'etaṃ bhante."|| ||
■
"Dhammā niccā vā aniccā vā" ti?|| ||
"Aniccaṃ bhante."|| ||
"Yam panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yam panāniccaṃ dukkhaṃ vipariṇāma-dhammaṃ,||
kallaṃ nu taṃ samanupassituṃ:|| ||
'Etaṃ mama,||
eso ham asmi,||
eso me attā' ti?"|| ||
"No h'etaṃ bhante."|| ||
■
"Evaṃ passaṇ Rāhula, sutavā ariya-sāvako||
cakkhusmim pi nibbindati,||
sotasmimpi nibbindati,||
ghāṇasmimpi nibbindati,||
jivhāyapi nibbindati,||
kāyasmimpi nibbindati,||
manasmimpi nibbindati.|| ||
Nibbindaṃ virajjati.|| ||
Virāgā vimuccati.|| ||
Vimuttasmiṃ vimuttamiti ñāṇaṃ hoti.|| ||
'Khīṇā jāti,||
vusitaṃ Brahma-cariyaṃ,||
kataṃ karaṇīyaṃ,||
nāparaṃ itthattāyā'||
ti pajānātī" ti.|| ||
