Saṃyutta Nikāya
3. Khandha Vagga
22. Khandha Saṃyutta
1. Pathama Nakula-Pita Vagga
Sutta 11
Tatiya Atīt-Ā-nāgata-Paccuppanna Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evaṃ me sutaṃ|| ||
Ekaṃ samayaṃ Bhagavā Sāvatthīyaṃ viharati Jetavane Anāthapiṇḍikassa ārāme.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Rūpaṃ bhikkhave,||
anattā atīt-ā-nāgataṃ,||
ko pana vādo pacc'uppannassa.|| ||
Evaṃ passaṃ bhikkhave,||
sutavā ariya-sāvako atītasmiṃ rūpasmiṃ anapekho hoti,||
anāgataṃ rūpaṃ n'ābhinandati,||
pacc'uppannassa rūpassa nibbidāya||
virāgāya||
nirodhāya paṭipanno hoti.|| ||
■
Vedanā anattā atīt-ā-nāgataṃ,||
ko pana vādo pacc'uppannassa.|| ||
Evaṃ
Passaṃ bhikkhave,||
sutavā ariya-sāvako atītasmiṃ vedanasmiṃ anapekho hoti,||
anāgataṃ vedanaṃ n'ābhinandati,||
pacc'uppannassa vedanassa nibbidāya||
virāgāya||
nirodhāya paṭipanno hoti.|| ||
■
Saññā anattā atīt-ā-nāgataṃ,||
ko pana vādo pacc'uppannassa.|| ||
Evaṃ passaṃ bhikkhave,||
sutavā ariya-sāvako atītasmiṃ saññasmiṃ anapekho hoti,||
anāgataṃ saññaṃ n'ābhinandati,||
pacc'uppannassa saññassa nibbidāya||
virāgāya||
nirodhāya paṭipanno hoti.|| ||
■
Saṇkhārā anattā atīt-ā-nāgataṃ,||
ko pana vādo pacc'uppannassa.|| ||
Evaṃ passaṃ bhikkhave,||
sutavā ariya-sāvako atītasmiṃ saṇkhārasmiṃ anapekho hoti,||
anāgataṃ saṇkhāraṃ n'ābhinandati,||
pacc'uppannassa saṇkhārassa nibbidāya||
virāgāya||
nirodhāya paṭipanno hoti.|| ||
■
Viññāṇaṃ anattaṃ atīt-ā-nāgataṃ,||
ko pana vādo pacc'uppannassa.|| ||
Evaṃ passaṃ bhikkhave,||
sutavā ariya-sāvako atītasmiṃ viññāṇasmiṃ anapekho hoti,||
anāgataṃ viññāṇaṃ n'ābhinandati,||
pacc'uppannassa viññāṇassa nibbidāya||
virāgāya||
nirodhāya paṭipanno hotī" ti.|| ||
Nakula-Pitā Vagga Paṭhama
