Saṃyutta Nikāya
3. Khandha Vagga
22. Khandha Saṃyutta
3. Bhāra Vagga

Sutta 27

Dutiya Assāda Suttaṃ

 

---

[29]

[1][pts][bodh] Evaṃ me sutaṃ.|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuṃ|| ||

Bhagavā etad avoca:|| ||

"Rūpass-ā-haṃ bhikkhave, assāda-pariyesanaṃ acariṃ,||
yo rūpassa assādo tad ajjhagamaṃ.|| ||

Yāvatā rūpassa assādo paññāya me so su-diṭṭho.|| ||

Rūpass-ā-haṃ bhikkhave, ādīnava-pariyesanaṃ acariṃ,||
yo rūpassa ādīnavo tad ajjhagamaṃ.|| ||

Yāvatā rūpassa ādīnavo paññāya me so su-diṭṭho.|| ||

Rūpass-ā-haṃ bhikkhave, nissaraṇa-pariyesanaṃ acariṃ||
yaṃ rūpassa nissaraṇaṃ tad ajjhagamaṃ.|| ||

Yāvatā rūpassa nissaraṇaṃ paññāya me taṃ su-diṭṭhaṃ.|| ||

■

Vedanāy-ā-haṃ bhikkhave, assāda-pariyesanaṃ acariṃ,||
yo vedanassa assādo tad ajjhagamaṃ.|| ||

Yāvatā vedanassa assādo paññāya me so su-diṭṭho.|| ||

Vedanāy-ā-haṃ bhikkhave, ādīnavapariyesanaṃ acariṃ,||
yo vedanassa ādīnavo tad ajjhagamaṃ.|| ||

Yāvatā vedanassa ādīnavo paññāya me so su-diṭṭho.|| ||

Vedanāy-ā-haṃ bhikkhave, nissaraṇa-pariyesanaṃ acariṃ||
yaṃ vedanassa nissaraṇaṃ tad ajjhagamaṃ.|| ||

Yāvatā vedanassa nissaraṇaṃ paññāya me taṃ su-diṭṭhaṃ.|| ||

■

Saññāy-ā-haṃ bhikkhave, assāda-pariyesanaṃ acariṃ,||
yo saññassa assādo tad ajjhagamaṃ.|| ||

Yāvatā saññassa assādo paññāya me so su-diṭṭho|| ||

Saññāy-ā-haṃ bhikkhave ādīnavapariyesanaṃ acariṃ,||
yo saññassa ādīnavo tad ajjhagamaṃ.|| ||

Yāvatā saññassa ādīnavo paññāya me so su-diṭṭho.|| ||

Saññāy-ā-haṃ bhikkhave, nissaraṇa-pariyesanaṃ acariṃ||
yaṃ saññassa nissaraṇaṃ tad ajjhagamaṃ.|| ||

Yāvatā saññassa nissaraṇaṃ paññāya me taṃ su-diṭṭhaṃ.|| ||

■

Saṇkhārān-ā-haṃ bhikkhave, assāda-pariyesanaṃ acariṃ,||
yo saṇkhāresu assādo tad ajjhagamaṃ.|| ||

Yāvatā saṇkhāresu assādo paññāya me so su-diṭṭho|| ||

Saṇkhārān-ā-haṃ bhikkhave ādīnavapariyesanaṃ acariṃ,||
yo saṇkhāresu ādīnavo tad ajjhagamaṃ.|| ||

Yāvatā saṇkhāresu ādīnavo paññāya me so su-diṭṭho.|| ||

Saṇkhārān-ā-haṃ bhikkhave, nissaraṇa-pariyesanaṃ acariṃ||
yaṃ saṇkhāresu nissaraṇaṃ tad ajjhagamaṃ.|| ||

Yāvatā saṇkhāresu nissaraṇaṃ paññāya me taṃ su-diṭṭhaṃ.|| ||

■

Viññāṇass-ā-haṃ bhikkhave, assāda-pariyesanaṃ acariṃ,||
yo viññāṇassa assādo tad ajjhagamaṃ.|| ||

Yāvatā viññāṇassa assādo paññāya me so su-diṭṭho|| ||

Viññāṇass-ā-haṃ bhikkhave ādīnavapariyesanaṃ acariṃ,||
yo viññāṇassa ādīnavo tad ajjhagamaṃ.|| ||

Yāvatā viññāṇassa ādīnavo paññāya me so su-diṭṭho.|| ||

Viññāṇass-ā-haṃ bhikkhave, nissaraṇa-pariyesanaṃ acariṃ||
yaṃ viññāṇassa nissaraṇaṃ tad ajjhagamaṃ.|| ||

Yāvatā viññāṇassa nissaraṇaṃ paññāya me taṃ su-diṭṭhaṃ.|| ||

 

---

 

Yāva kīvañc'āhaṃ bhikkhave imesaṃ pañcannaṃ upādāna-k-khandhānaṃ||
evaṃ assādañ ca||
assādato ādīnavañ ca||
ādīnavato nissaraṇañ ca||
nissaraṇato yathā-bhūtaṃ na abbhaññāsiṃ,||
n'eva tāvāhaṃ bhikkhave,||
sa-devake loke sa-Mārake sa-brahmake sa-s-samaṇa-brāhmaṇiyā pajāya sadeva-manussāya anuttaraṃ sammā-sambodhiṃ abhisambuddhoti paccaññāsiṃ.|| ||

Yato ca kho'haṃ bhikkhave imesaṃ pañcannaṃ upādāna-k-khandhānaṃ||
evaṃ assādañ ca||
assādato ādīnavañ ca||
ādīnavato nissaraṇañ ca||
nissaraṇato yathā-bhūtaṃ abbhaññāsiṃ,||
ath'āhaṃ bhikkhave,||
sa-devake loke sa-Mārake sa-brahmake sa-s-samaṇa-brahmaṇiyā pajāya sadeva-manussāya anuttaraṃ sammā-sambodhiṃ abhisambuddhoti paccaññāsiṃ.|| ||

Ñāṇañ ca pana me dassanaṃ udapādi:|| ||

'Akuppā me ceto-vimutti,||
ayam antimā jāti n'atthi-dāni puna-b-bhavo'" ti.|| ||