Uppāda Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh] Evaṃ me sutaṃ.|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuṃ|| ||

Bhagavā etad avoca:|| ||

"Yo bhikkhave, rūpassa uppādo||
ṭhīti||
abhinibbatti pātu-bhāvo,||
[32] dukkhasseso uppādo rogānaṃ||
ṭhīti||
jarā-maraṇassa pātu-bhāvo.|| ||

Yo vedanāya uppādo||
ṭhīti||
abhinibbatti pātu-bhāvo,||
dukkhasseso uppādo rogānaṃ||
ṭhīti||
jarā-maraṇassa pātu-bhāvo.|| ||

Yo bhikkhave, saññāya uppādo||
ṭhīti||
abhinibbatti pātu-bhāvo,||
dukkhasseso uppādo rogānaṃ||
ṭhīti||
jarā-maraṇassa pātu-bhāvo.|| ||

Yo bhikkhave, saṇkhārānaṃ uppādo||
ṭhīti||
abhinibbatti pātu-bhāvo,||
dukkhasseso uppādo rogānaṃ||
ṭhīti||
jarā-maraṇassa pātu-bhāvo pātu-bhāvo.|| ||

Yo bhikkhave, viññāṇassa uppādo||
ṭhīti||
abhinibbatti pātu-bhāvo,||
dukkhasseso uppādo rogānaṃ||
ṭhīti||
jarā-maraṇassa pātu-bhāvo.|| ||

Yo ca kho bhikkhave, rūpassa nirodho||
vūpasamo||
atthaṇgamo,||
dukkhasseso nirodho rogānaṃ||
vupasamo||
jarā-maraṇassa atthaṇgamo.|| ||

Yo vedanāya nirodho||
vūpasamo||
atthaṇgamo,||
dukkhasseso nirodho rogānaṃ||
vūpasamo||
jarā-maraṇassa atthaṇgamo.|| ||

Yo saññāya nirodho||
vūpasamo||
atthaṇgamo,||
dukkhasseso nirodho rogānaṃ||
vūpasamo||
jarā-maraṇassa atthaṇgamo.|| ||

Yo saṇkhārānaṃ nirodho||
vūpasamo||
atthaṇgamo,||
dukkhasseso nirodho rogānaṃ||
vūpasamo||
jarā-maraṇassa atthaṇgamo.|| ||

Yo viññāṇassa nirodho||
vūpasamo||
atthaṇgamo,||
dukkhasseso nirodho rogānaṃ||
vūpasamo||
jarā-maraṇassa atthaṇgamo" ti.|| ||