Pabhangu Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh] Evaṃ me sutaṃ.|| ||

Ekaṃ samayaṃ Bhagavā Sāvatthiyaṃ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuṃ|| ||

Bhagavā etad avoca:|| ||

"Pabhanguñ ca vo kho bhikkhave, desissāmi||
a-p-pabhaṇguñ ca.|| ||

Taṃ suṇātha||
sādhukaṃ manasi-karotha||
bhāsissamī" ti.|| ||

"Evaṃ bhante" ti kho te bhikkhū Bhagavato paccassosuṃ.|| ||

Bhagavā etad avoca:|| ||

"Kiñ ca bhikkhave, pabhaṇgu,||
kiṃ a-p-pabhaṇgu?|| ||

[33] Rūpaṃ bhikkhave, pabhaṇgu,||
yo tassa nirodho||
vūpasamo||
attha-gamo||
idaṃ a-p-pabhaṇgu.|| ||

Vedanā pabhaṇgu,||
yo tassā nirodho||
vūpasamo||
attha-gamo||
idaṃ a-p-pabhaṇgu.|| ||

Saññā pabhaṇgu,||
yo tassā nirodho||
vūpasamo||
attha-gamo,||
idaṃ a-p-pabhaṇgu.|| ||

Saṇkhārā pabhaṇgu,||
yo tesaṃ nirodho||
vūpasamo||
attha-gamo||
idaṃ a-p-pabhaṇgu.|| ||

Viññāṇaṃ pabhaṇgu,||
yo tassa nirodho||
vūpasamo||
attha-gamo||
idaṃ a-p-pabhaṇgu" ti.|| ||

Bhāra Vagga Tatiya