Saṃyutta Nikāya
3. Khandha Vagga
22. Khandha Saṃyutta
4. Na Tumhāka Vagga
Sutta 35
Paṭhama Bhikkhu Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][wrrn][pts][bodh] Evaṃ me sutaṃ.|| ||
Ekaṃ samayaṃ Bhagavā Sāvatthiyaṃ viharati.|| ||
[35] Atha kho aññataro bhikkhu yena Bhagavā ten'upasaṇkami,||
upasaṇkamitvā Bhagavantaṃ abhivādetvā eka-m-antaṃ nisīdi,||
eka-m-antaṃ nisinno kho so bhikkhu Bhagavantaṃ etad avoca:|| ||
"Sādhu me bhante,||
Bhagavā saṃkhittena dhammaṃ desetu,||
yam ahaṃ Bhagavato dhammaṃ sutvā eko vūpakaṭṭho appamatto ātāpī pahit'atto vihareyyan" ti.|| ||
"Yaṃ kho bhikkhu, anuseti||
tena saṇkhaṃ gacchati,||
yaṃ nānuseti||
na tena saṇkhaṃ gacchatī" ti.|| ||
"Aññātaṃ Bhagavā,||
aññātaṃ sugatā" ti.|| ||
"Yathā kathaṃ pana tvaṃ bhikkhu,||
mayā saṃkhittena bhāsitassa vitthārena atthaṃ ājānāsī" ti?|| ||
"Rūpaṃ ce bhante anuseti||
tena saṇkhaṃ gacchati,||
vedanaṃ ce anuseti||
tena saṇkhaṃ gacchati,||
saññaṃ ce anuseti||
tena saṇkhaṃ gacchati,||
saṇkhāre ce anuseti||
tena saṇkhaṃ gacchati,||
viññāṇaṃ ce anuseti||
tena saṇkhaṃ gacchati.|| ||
Rūpaṃ ce bhante nānuseti||
tena saṇkhaṃ gacchati,||
vedanaṃ ce nānuseti||
tena saṇkhaṃ gacchati,||
saññaṃ ce nānuseti||
tena saṇkhaṃ gacchati,||
saṇkhāre ce nānuseti||
tena saṇkhaṃ gacchati,||
viññāṇaṃ ce nānuseti||
tena saṇkhaṃ gacchati.|| ||
Imassa khohaṃ bhante,||
Bhagavatā saṃkhittena bhāsitassa||
evaṃ vitthārena atthaṃ ājānāmī" ti.|| ||
"Sādhu sādhu bhikkhu,||
sādhu kho tvaṃ bhikkhu,||
mayā saṃkhittena bhāsitassa vitthārena atthaṃ ājānāsi.|| ||
Rūpaṃ ce bhikkhu, anuseti||
tena saṇkhaṃ gacchati,||
vedanaṃ ce anuseti||
tena saṇkhaṃ gacchati,||
saññaṃ ce anuseti||
tena saṇkhaṃ gacchati,||
saṇkhāre ce anuseti||
tena saṇkhaṃ gacchati,||
viññāṇaṃ ce anuseti||
tena saṇkhaṃ gacchati.|| ||
Rūpaṃ ce bhikkhu, nānuseti||
na tena saṇkhaṃ gacchati,||
vedanaṃ ce nānuseti||
na tena saṇkhaṃ gacchati,||
saññaṃ ce nānuseti||
na tena saṇkhaṃ gacchati,||
saṇkhāre ce nānuseti||
na tena saṇkhaṃ gacchati,||
viññāṇaṃ ce nānuseti||
na tena saṇkhaṃ gacchati.|| ||
Imassa kho bhikkhu, mayā saṃkhittena bhāsitassa||
evaṃ vitthārena attho daṭṭhabbo" ti.|| ||
Atha kho so bhikkhu Bhagavato bhāsitaṃ abhinan'ditvā [36] anumo-ditvā uṭṭhāy āsanā Bhagavantaṃ abhivādetvā padakkhiṇaṃ katvā pakkāmi.|| ||
Atha kho so bhikkhu eko vūpakaṭṭho appamatto ātāpī pahit'atto viharanto||
na cirass'eva yass'atthāya kula-puttā samma-d-eva agārasmā anagāriyaṃ pabbajanti,||
tad anuttaraṃ Brahma-cariya-pariyosānaṃ diṭṭhe'va dhamme sayaṃ abhiññā sacchi-katvā upasampajja vihāsi|| ||
"Khīṇā jāti,||
vusitaṃ Brahma-cariyaṃ,||
kataṃ karaṇīyaṃ,||
nāparaṃ itthattāyā" ti abbhaññāsi.|| ||
Aññataro ca pana so bhikkhu arahataṃ ahositi.|| ||
