Saṃyutta Nikāya
3. Khandha Vagga
22. Khandha Saṃyutta
4. Na Tumhāka Vagga
Sutta 39
Paṭhama Anu-Dhamma Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than][olds][bodh] Evaṃ me sutaṃ.|| ||
Ekaṃ samayaṃ Bhagavā Sāvatthiyaṃ viharati.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti te bhikkh Bhagavato paccassosuṃ|| ||
Bhagavā etad avoca:|| ||
"Dhamm-ā-nu-Dhamma-paṭipannassa bhikkhave, bhikkhuno ayam anu-Dhammo hoti:|| ||
Yaṃ rūpe nibbidā-bahulo vihareyya,||
vedanāya nibbidā-bahulo vihareyya,||
saññaṃ nibbidā-bahulo vihareyya,||
saṇkhāre nibbidā-bahulo vihareyya,||
viññāṇaṃ nibbidā-bahulo vihareyya.|| ||
[4] So rūpe nibbidā-bahulo viharanto,||
vedanāya nibbidā-bahulo viharanto,||
saññāya nibbidā-bahulo viharanto,||
saṇkhāresu nibbidā-bahulo viharanto,||
viññāṇe nibbidā-bahulo viharanto;||
rūpaṃ parijānāti,||
vedanaṃ parijānāti,||
saññaṃ parijānāti,||
saṇkhāre parijānāti,||
viññāṇaṃ parijānāti.|| ||
[5] So rūpaṃ parijānaṃ||
vedanaṃ parijānaṃ||
saññaṃ parijānaṃ||
saṇkhāre parijānaṃ||
viññāṇaṃ parijānaṃ||
parimuccati rūpamhā,||
parimuccati [41] vedanāya,||
parimuccati saññāya,||
parimuccati saṇkhārehi,||
parimuccati viññāṇamhā,||
parimuccati jātiyā,||
jarāya maraṇena,||
sokehi paridevehi dukkhehi domanassehi upāyāsehi,||
parimuccati dukkhasmāti vadāmī" ti.|| ||
