Saṃyutta Nikāya
3. Khandha Vagga
22. Khandha Saṃyutta
4. Na Tumhāka Vagga
Sutta 41
Tatiya Anu-Dhamma Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than][olds] Sāvatthiyaṃ:|| ||
[3] "Dhamm-ā-nu-Dhamma-paṭipannassa bhikkhave, bhikkhuno ayamanu-Dhammo hoti:|| ||
Yaṃ rūpe dukkh-ā-nupassī vihareyya,||
vedanāya dukkh-ā-nupassī vihareyya,||
saññaṃ dukkh-ā-nupassī vihareyya,||
saṇkhāre dukkh-ā-nupassī vihareyya,||
viññāṇaṃ dukkh-ā-nupassī vihareyya.|| ||
[4] So rūpe dukkh-ā-nupassī viharanto||
vedanāya dukkh-ā-nupassī viharanto||
saññāya dukkh-ā-nupassī viharanto||
saṇkhāresu dukkh-ā-nupassī viharanto||
viññāṇe dukkh-ā-nupassī viharanto,||
rūpaṃ parijānāti||
vedanaṃ parijānāti||
saññaṃ parijānāti||
saṇkhāre parijānāti||
viññāṇaṃ parijānāti.|| ||
[5] So rūpaṃ parijānaṃ||
vedanaṃ parijānaṃ||
saññaṃ parijānaṃ||
saṇkhāre parijānaṃ||
viññāṇaṃ parijānaṃ||
parimuccati rūpamhā,||
parimuccati vedanāya,||
parimuccati saññāya,||
parimuccati saṇkhārehi,||
parimuccati viññāṇamhā,||
parimuccati jātiyā jarāya maraṇena sokehi paridevehi dukkhehi domanassehi upāyāsehi,||
'parimuccati dukkhasmā' ti vadāmī" ti.|| ||
