Saṃyutta Nikāya
3. Khandha Vagga
22. Khandha Saṃyutta
13. Avijjā Vagga
Sutta 134
Dutiya Koṭṭhita Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ āyasmā Mahā-Koṭṭhito||
āysamā ca Sāriputto,||
Bārāṇasiyaṃ viharanti||
Isipatane Migadāye.|| ||
Atha kho āyasmā Sāriputto sāyaṇha-samayaṃ paṭisallāṇā vuṭṭhito yen'āyasmā Mahā-Koṭṭhito ten'upasaṇkami.|| ||
Upasaṃkamitvā āyasmatā Sāriputtena saddhiṃ sammodi.|| ||
Sammodanīyaṃ kathaṃ sāraṇīyaṃ vīti-sāretvā eka-m-antaṃ nisīdi.|| ||
Eka-m-antaṃ nisinno kho āyasmā Sāriputto||
āyasmantaṃ Mahā-Koṭṭhito etad avoca:|| ||
"Avijjā, avijjā" ti āvuso Koṭṭhita, vuccati.|| ||
Katamā nu kho āvuso, avijjā?|| ||
Kittāvatā ca avijjā-gato hoti" ti?|| ||
■
"Idh'āvuso a-s-sutavā puthujjano|| ||
Rūpassa samudayañ ca||
attha-gamañ ca||
assādañ ca,||
ādīnavañ ca,||
nissaraṇañ ca||
yathā-bhūtaṃ na pajānāti.|| ||
Vedanāya samudayañ ca||
attha-gamañ ca||
assādañ ca,||
ādīnavañ ca,||
nissaraṇañ ca||
yathā-bhūtaṃ na pajānāti.|| ||
Saññāya samudayañ ca||
attha-gamañ ca||
assādañ ca,||
ādīnavañ ca,||
nissaraṇañ ca||
yathā-bhūtaṃ na pajānāti.|| ||
Saṇkhārānaṃ samudayañ ca||
attha-gamañ ca||
assādañ ca,||
ādīnavañ ca,||
nissaraṇañ ca||
yathā-bhūtaṃ na pajānāti.|| ||
Viññāṇassa samudayañ ca||
attha-gamañ ca||
assādañ ca,||
ādīnavañ ca,||
nissaraṇañ ca||
yathā-bhūtaṃ na pajānāti.|| ||
Ayaṃ vuccati āvuso, avijjā.|| ||
Ettāvatā ca avijjā-gato hotī" ti.|| ||
§
Evaṃ vutte āyasmā Sāriputto āyasmantam Mahā-Koṭṭhitam etad avoca:
"Vijjā, vijjā" ti āvuso Sāriputta, vuccati.|| ||
Katamā nu kho āvuso, vijjā?|| ||
Kittāvatā ca vijjā-gato hoti" ti?|| ||
■
"Idh'āvuso sutavā ariya-sāvako|| ||
Rūpassa samudayañ ca||
attha-gamañ ca||
assādañ ca,||
ādīnavañ ca,||
nissaraṇañ ca||
yathā-bhūtaṃ pajānāti.|| ||
Vedanāya samudayañ ca||
attha-gamañ ca||
assādañ ca,||
ādīnavañ ca,||
nissaraṇañ ca||
yathā-bhūtaṃ pajānāti.|| ||
Saññāya samudayañ ca||
attha-gamañ ca||
assādañ ca,||
ādīnavañ ca,||
nissaraṇañ ca||
yathā-bhūtaṃ pajānāti.|| ||
Saṇkhārānaṃ samudayañ ca||
attha-gamañ ca||
assādañ ca,||
ādīnavañ ca,||
nissaraṇañ ca||
yathā-bhūtaṃ pajānāti.|| ||
Viññāṇassa samudayañ ca||
attha-gamañ ca||
assādañ ca,||
ādīnavañ ca,||
nissaraṇañ ca||
yathā-bhūtaṃ pajānāti.|| ||
Ayaṃ vuccati āvuso, vijjā.|| ||
Ettāvatā ca vijjā-gato hotī" ti.|| ||
