Tatiya Koṭṭhita Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evaṃ me sutaṃ:|| ||

Ekaṃ samayaṃ āyasmā Sāriputto||
āysamā ca Mahā-Koṭṭhito,||
Bārāṇasiyaṃ viharanti||
Isipatane Migadāye.|| ||

Atha kho āyasmā Mahā-Kotthito sāyaṇha-samayaṃ paṭisallāṇā vuṭṭhito yen'āyasmā Sāriputto ten'upasaṇkami.|| ||

Upasaṃkamitvā āyasmatā Sāriputtena saddhiṃ sammodi.|| ||

Sammodanīyaṃ kathaṃ sāraṇīyaṃ vīti-sāretvā eka-m-antaṃ nisīdi.|| ||

Eka-m-antaṃ nisinno kho āyasmā Mahā-Kotthito||
āyasmantaṃ Sāriputtaṃ etad avoca:|| ||

"Avijjā, avijjā" ti āvuso Sāriputta, vuccati.|| ||

Katamā nu kho āvuso, avijjā?|| ||

Kittāvatā ca avijjā-gato hoti" ti?|| ||

■

"Idh'āvuso a-s-sutavā puthujjano|| ||

Rūpaṃ na pajānāti||
rūpa-samudayaṃ na pajānāti||
rūpa-nirodhaṃ na pajānāti||
rūpa-nirodha-gāminiṃ paṭipadaṃ na pajānāti.|| ||

Vedanaṃ na pajānāti||
vedanā-samudayaṃ na pajānāti||
vedanā-nirodhaṃ na pajānāti||
vedanā-nirodha-gāminiṃ paṭipadaṃ na pajānāti.|| ||

Saññaṃ na pajānāti||
saññā-samudayam na pajānāti||
saññā-nirodham na pajānāti||
saññā-nirodha-gāminiṃ paṭipadaṃ na pajānāti.|| ||

Saṇkhāre na pajānāti||
saṇkhāra-samudayam na pajānāti||
saṇkhāra-nirodham na pajānāti||
saṇkhāra-nirodha-gāminiṃ paṭipadaṃ na pajānāti.|| ||

Viññāṇaṃ na pajānāti||
viññāṇa-samudayam na pajānāti||
viññāṇa-nirodham na pajānāti||
viññāṇa-nirodha-gāminiṃ paṭipadaṃ na pajānāti.|| ||

Ayaṃ vuccati āvuso, avijjā.|| ||

Ettāvatā ca avijjā-gato hotī" ti.|| ||

Evaṃ vutte āyasmā Sāriputto āyasmantam Mahā-Koṭṭhitam etad avoca:

"Vijjā, vijjā" ti āvuso Sāriputta, vuccati.|| ||

Katamā nu kho āvuso, vijjā?|| ||

Kittāvatā ca vijjā-gato hoti" ti?|| ||

■

"Idh'āvuso sutavā ariya-sāvako|| ||

Rūpaṃ pajānāti||
rūpa-samudayaṃ pajānāti||
rūpa-nirodhaṃ pajānāti||
rūpa-nirodha-gāminiṃ paṭipadaṃ pajānāti.|| ||

Vedanaṃ pajānāti||
vedanā-samudayaṃ pajānāti||
vedanā-nirodhaṃ pajānāti||
vedanā-nirodha-gāminiṃ paṭipadaṃ pajānāti.|| ||

Saññaṃ pajānāti||
saññā-samudayam pajānāti||
saññā-nirodham pajānāti||
saññā-nirodha-gāminiṃ paṭipadaṃ pajānāti.|| ||

Saṇkhāre pajānāti||
saṇkhāra-samudayam pajānāti||
saṇkhāra-nirodham pajānāti||
saṇkhāra-nirodha-gāminiṃ paṭipadaṃ pajānāti.|| ||

Viññāṇaṃ pajānāti||
viññāṇa-samudayam pajānāti||
viññāṇa-nirodham pajānāti||
viññāṇa-nirodha-gāminiṃ paṭipadaṃ pajānāti.|| ||

Ayaṃ vuccati āvuso, vijjā.|| ||

Ettāvatā ca vijjā-gato hotī" ti.|| ||