Saṃyutta Nikāya
3. Khandha Vagga
22. Khandha Saṃyutta
15. Diṭṭhi Vagga
Sutta 157
Dutiya Abhinivesa Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
Tatra kho Bhagavā bhikkhu āmantesi:|| ||
"Bhikkhavo" ti.|| ||
"Bhadante" ti||
te bhikkh Bhagavato paccassosuṃ|| ||
Bhagavā etad avoca:|| ||
"Kismiṃ nu kho bhikkhave,||
sati kiṃ upādāya||
kiṃ abhinivissa uppajanti saṃyojan-ā-bhinivesa-vinibandh-ā-jjh'osānā" ti?|| ||
"Bhagavaṃ-mulakā no bhante, dhammā.|| ||
Bhagavaṃ-nettikā Bhagavam-paṭisaraṇā.|| ||
Sādhu vata bhaṇte,||
Bhagavantaṃ yeva paṭibhātu etassa bhāsitassa attho,||
Bhagavato sutvā bhikkhu dhāressan" ti.|| ||
"Rūpe kho bhikkhave, sati||
rūpaṃ upādāya||
rūpaṃ abhinivissa||
uppajanti saṃyojan-ā-bhinivesa-vinibandh-ā-jjh'osānā.|| ||
Vedanāya sati||
vedanaṃ upādāya||
vedanā abhinivissa||
uppajanti saṃyojan-ā-bhinivesa-vinibandh-ā-jjh'osānā.|| ||
Saññāya sati||
saññaṃ upādāya||
saññā abhinivissa||
uppajanti saṃyojan-ā-bhinivesa-vinibandh-ā-jjh'osānā.|| ||
Saṇkhāresu sati||
saṇkhāre upādāya||
saṇkhāre abhinivissa||
uppajanti saṃyojan-ā-bhinivesa-vinibandh-ā-jjh'osānā.|| ||
Viññāṇe sati||
viññāṇaṃ upādāya||
viññāṇaṃ abhinivissa||
uppajanti saṃyojan-ā-bhinivesa-vinibandh-ā-jjh'osānā.|| ||
§
Taṃ kiṃ maññasi bhikkhave?|| ||
Rūpaṃ niccaṃ vā aniccaṃ vā" ti?|| ||
"Aniccaṃ bhante."|| ||
"Yaṃ panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yaṃ panāniccaṃ dukkhaṃ vipariṇāma-dhammaṃ, api nu taṃ anupādāya uppajanti saṃyojan-ā-bhinivesa-vinibandh-ā-jjh'osānā" ti?|| ||
"No h'etaṃ bhante."|| ||
■
"Vedanā niccaṃ vā aniccaṃ vā" ti?|| ||
"Aniccaṃ bhante."|| ||
"Yaṃ panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yaṃ panāniccaṃ dukkhaṃ vipariṇāma-dhammaṃ, api nu taṃ anupādāya uppajanti saṃyojan-ā-bhinivesa-vinibandh-ā-jjh'osānā" ti?|| ||
"No h'etaṃ bhante."|| ||
■
"Saññā niccaṃ vā aniccaṃ vā" ti?|| ||
"Aniccaṃ bhante."|| ||
"Yaṃ panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yaṃ panāniccaṃ dukkhaṃ vipariṇāma-dhammaṃ, api nu taṃ anupādāya uppajanti saṃyojan-ā-bhinivesa-vinibandh-ā-jjh'osānā" ti?|| ||
"No h'etaṃ bhante."|| ||
■
"Saṇkhārā niccaṃ vā aniccaṃ vā" ti?|| ||
"Aniccaṃ bhante."|| ||
"Yaṃ panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yaṃ panāniccaṃ dukkhaṃ vipariṇāma-dhammaṃ, api nu taṃ anupādāya uppajanti saṃyojan-ā-bhinivesa-vinibandh-ā-jjh'osānā" ti?|| ||
"No h'etaṃ bhante."|| ||
■
"Viññāṇaṃ niccaṃ vā aniccaṃ vā" ti?|| ||
"Aniccaṃ bhante."|| ||
"Yaṃ panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yaṃ panāniccaṃ dukkhaṃ vipariṇāma-dhammaṃ, api nu taṃ anupādāya uppajanti saṃyojan-ā-bhinivesa-vinibandh-ā-jjh'osānā" ti?|| ||
"No h'etaṃ bhante."|| ||
§
Evaṃ passaṃ bhikkhave, sutavā ariya-sāvako||
rūpasmim pi nibbandati,||
vedanāya pi nibbandati,||
saññāya pi nibbindati,||
saṇkhāresu pi nibbindati,||
viññāṇasmim pi nibbindati.|| ||
Nibbidaṃ virajjati.|| ||
Virāgā vimuccati.|| ||
Vimuttasmiṃ 'vimuttami' ti||
ñāṇaṃ hoti:|| ||
'Khīṇā jāti,||
vusitaṃ Brahma-cariyaṃ,||
kataṃ karaṇīyaṃ,||
nāparaṃ itthattāyā' ti pajānātī" ti.|| ||
